Radio Apokalipsi - Zbulesa

[Peniel]

Përshëndetje.



Falenderojmë Perëndinë sepse lejoi që pas një kohe të gjatë heshtjeje të rimëkëmbej radioja e krishterë e kishave ungjillore këtu në Greqi dhe më saktë në Athinë. Arsyeja e mbylljes ka qenë ndërhyrja e kishës ortodokse greke në qeverinë e atëhershme greke dhe si pasojë u mbyllën të gjitha radiot e krishtera që nuk i përkisnin kishës ortodokse, në Athinë dhe në Selanik. Justifikimi ishte shumë qesharak megjithatë askush nuk e humbi shpresën se një ditë kjo radio do funksiononte përsëri.

Tani për tani radioja funksionon nëpërmjet Internetit dhe po bëhet një përpjekje për të bërë të mundur edhe transmetimin tokësor të saj. Kjo radio është në gjuhën greke kryesisht dhe do të ketë një program në gjuhën shqipe në orët e pasdites. Na janë dhënë dy orë në dispizicion por për shkak të mungesës së kohës do kemi mundësinë të mbulojmë vetëm një orë si fillim. Emisionet do jenë në formën e bashkëstudimit biblik, duke kapur tema të ndryshme, kryesisht nga Bibla.

Do të kemi edhe rubrika të tjera në vazhdim për të rinjtë, për fëmijët, pjesë teatrale, lexim i Biblës. Kjo e fundit, leximi i Biblës do të ketë si epiqendër Dhiatën e Re dhe me leximin nënkuptojmë një ripërkthim të Dhiatës së Re në mënyrë direkte nga Novum Testamentum Graece që njihet si teksti më origjinal deri më sot. Fillimisht do të fillohet me Ungjillin e Gjonit i cili është edhe më i diskutuari deri më sot dhe do të vazhdohet edhe me vargje të tjera biblike që kemi ndeshur gjatë studimeve tona dhe që janë disi të pakuptueshëm në gjuhën shqipe. Leximi, përveç përkthimit, do të ketë gjithashtu edhe shpjegimin e fjalëve që janë përdorur, kuptimin e tyre kryesisht në greqisht dhe pastaj në gjuhën shqipe. Kemi privilegjin nga Perëndia të përvetësimit të gjuhës greke, gjuhë në të cilën është shkruajtur Dhiata e Re dhe do e shfrytëzojmë për të kuptuar sa më mirë Fjalën e Perëndisë. Do ngeleni të mahnitur nga ndryshimi i dukshëm i tekstit që kemi në duar në krahasim me tekstin origjinal.


Jeni të mirëpritur të na dërgoni sugjerimet tuaja, vërejtjet tuaja. Emisionet tona do të jenë në orën 17 - 18 me orën e Shqipërisë dhe si temë të parë kemi zgjedhur Pashkën. Mund të komunikoni me ne në adresën e-mailit: radioapokalipsi@gmail.com

Përmbajtja e programeve do të komunikohet këtu por edhe nëpërmjet e-mailit për ata që do na shkruajnë.


Për më tepër ju lutem kontaktoni me e-mail ose në privat. Zoti ju bekoftë.



Nën Hirin e Tij,

ns



Shënim: Emisioni i parë do të transmetohet ditën e Shtunë në orën që përmenda më sipër.

[Peniel]

Emisioni i parë 'Pashka'. Në këtë emision do të trajtohet Pashka si temë dhe do të shtjellohen pyetjet e mëposhtme:

• Kuptimi i fjalës Pashkë

• Si lindi Pashka?

• Kur lindi?

• Mënyra e festimit të Pashkës

• Çfarë simbolizonte Qengji i Pashkës

• Pashka në Dhiatën e Re

• Përse Jezusi ishte Qengji i Perëndisë?

• Përse duhej të flijohej?

• Pashka në ditët e sotme

Emisioni do të ritransmetohet edhe sot në të njëjtën orë pra 17-18 me orën e Shqipërisë. Ju urojmë dëgjim të këndshëm dhe Zoti ju bekoftë.



Nën Hirin e Tij,
ns



radioapokalipsi@gmail.com

[Peniel]

Emisioni i dytë: Meditime të Krishtera.



Në këtë emision do të dëgjoni pjesë të ndryshme nga jeta e njerëzve të krishterë, histori të ndryshme, si edhe këshilla të ndryshme lidhur me ecjen tonë si të krishterë dhe jo vetëm.


Ju ftojmë ta ndiqni këtë emision sot dt. 13-05-2007, në orën 5-6 me orën e Shqipërisë. Emisioni do të ketë një ritransmetim nesër në të njëjtën orë.



Ju urojmë dëgjim të këndshëm dhe Perëndia ju bekoftë.





Nën Hirin e Tij,

ns



radioapokalipsi@gmail.com

[Peniel]

Është një temë që është prekur këtu në Forumin tonë por nuk është plotësuar si temë. Menduam ta studiojmë dhe ta sjellim për ju nëpërmjet radios.


Disa nga pyetjet që do të trajtohen në këtë emision do të jenë:

• Çfarë është mëkati?

• Ç'farë mendon bota?
• Cili është kuptimi i fjalës?
• Ç'farë mendon Perëndia?
• Tendenca e të krishterit ndaj mëkatit

• Mëkati i parë dhe pasojat

• Djalli
• Vdekja
• Trashegimi i mëkatit tek njeriu
• Njeriu

• Zgjidhja e Perëndisë

• Plani i Perëndisë
• Zvendësimi
• Ngritja në lavdi

Emisioni do të transmetohet ditën e Mërkurë dt 16 - 05 - 2007 në orën 5-6 me orën e Shqipërisë. DO të ketë një ritransmetim po në të njëjtën orë ditën e Enjte. Mos harroni të na shkruani në adresën e e-mailit radioapokalipsi@gmail.com . Ju urojmë dëgjim të këndshëm dhe Zoti ju bekoftë.




Nën Hirin e Tij,

ns

[Peniel]

Me Hirin e Perëndisë jemi duke vazhduar studimet tona dhe kësaj here për ju në Radio sjellim një temë mjaft interesante përsa i përket jetës së krishterë. Tema jonë është siç e kam përmendur më lart: Ligji dhe Hiri. Menduam të shqyrtojmë disa pyetje që besoj i lindin gjithkujt duke i parë nën dritën e Ungjillit dhe të cilat janë si më poshtë:

1. Zanafilla e Ligjit
   
   
   
   • Kush e dha?
   • Pse e dha?
   • Kur u dha?
   
   
   
   
2. Qëllimi i ligjit
   
   
   
   • Nevoja e bashkësisë me Perëndinë
   • Vënia në dukje e mëkatit
   • Bekimi i njeriut duke zbatuar ligjin
   
   
   
   
   
3. Hiri i Perëndisë
   
   
   
   • Periudha e Hirit
   • Dashuria, Hiri i Perëndisë
   
   
   
   
4. Përfitimet e Hirit dhe ndryshimet nga Ligji
   
   
   
   • Krahasimi i Ligjit dhe i Hirit
   • Hiri e vetmja mënyrë shpëtimi

Emisioni do të transmetohet ditën e Shtunë dt. 19-05-2007 në orën 17:00-18:00 me orën e Shqipërisë dhe do ketë një ritransmetim ditën e Diel dt. 20-05-2007 po në të njëjtën orë. Kontaktoni me ne nëpërmjet e-mailit: radioapokalipsi@gmail.com

Ju urojmë dëgjim të këndshëm dhe Zoti ju bekoftë.


Nën Hirin e Tij,

ns

[Peniel]

Me Hirin e Perëndisë jemi duke vazhduar studimet tona në Radio dhe kësaj herë sjellim një temë që ka lidhje të ngushtë me temat e mësipërme që kemi studiuar deri tani. Është një temë që ka me të vërtetë interes pasi çështja e rilindjes është pika kyçe nga ku fillon dhe jeta e krishterë. Siç e përmenda më lart, tema jonë është Rilindja dhe menduam të trajtojmë disa pyetje të cilat janë si më poshtë.

1. Çfarë nuk është rilindje
   
   
2. Çfarë është rilindja?
   
   
3. Pse duhet të rilindet njeriu?
   
   
4. Me çfarë mënyre rilindet njeriu?
   
   
5. Si kuptohet rilindja?
   
   
6. Besimi që na rilind, është dhuratë nga Perëndia?

Emisioni do të transmetohet ditën e Mërkurë dt. 23-05-2007 në orën 17:00 - 18:00 me orën e Shqipërisë dhe do të ketë një ritransmetim ditën e Enjte në të njëjtën orë. Mos harroni të kontaktoni me ne nëpërmjet e-mailit: radioapokalipsi@gmail.com


Ju urojmë dëgjim të këndshëm dhe Zoti ju bekoftë.


Nën Hirin e Tij,

ns



Shënim: Ditët e tjera të javës ka ritransmetim të emisioneve të mëparshëm në të njëjtën orë.


.

[Peniel]

Me Hirin e Perëndisë kësaj rradhe do të vazhdojmë emisionet tona me rubrikën ''Meditime të Krishtera''.


Ekzistojnë mjaft histori, ngjarje të vërteta nga jeta e besimtarëve të krishterë. Është me të vërtetë shumë e veçantë të dëgjosh dëshmi nga jeta e besimtarëve të krishterë në mardhënien e tyre me Zotin dhe ecjen e tyre në besim.


Emisioni do të transmetohet në datën 26 - 05 - 2007 në orën 17:00 - 18:00 me orën e Shqipërisë dhe do të ketë ritransmetim në të njëjtën orë ditën e nesërme dt. 27 - 05 - 2007. radioapokalipsi@gmail.com


Për ata që dëshirojnë të informohen për programin tonë javor me e-mail, mund të na shkruajnë në adresën tonë të e-mailit ose të konktaktojnë me mua në privat.



Ju urojmë dëgjim të këndshëm dhe Zoti ju bekoftë.




Nën Hirin e Tij,

ns




Shënim: Ditët e tjera të javës, ka ritransmetim të emisioneve të mëparshëm në të njëjtën orë.



.

[Peniel]

Përshëndetje të gjithëve.


Në vazhdim të programeve tona të radios menduam të sjellim një dëshmi.

Dëshmia është pjesë e jetës së krishterë. Jeta jonë me Perëndinë është një dëshmi e gjallë dhe dëshmon për mardhënien e gjallë që kemi me Zotin tonë.


Eduart Leka është një vëlla i krishterë, i cili pranoi ftesën tonë për të dëshmuar atë që Perëndia bëri në jetën e tij. Dëshmia e tij preku shumë njerëz, inkurajoi shumë të tjerë dhe shumë të tjerë kuptuan se Perëndia i do dhe i pranon të gjithë njerëzit, cilëtdo qofshin ata.

Jeta e tij dhe mardhënia e tij me Perëndinë e bënë atë të merrte një vendim në jetën e tij që cilësohet si rast i ndodhur një herë në 100 vjet.


Ju ftojmë pra të ndiqni këtë dëshmi e cila do jetë në dy pjesë dhe pjesa e parë do të transmetohet ditën e Mërkurë dt. 30-05-2007 në orën 17:00-18:00 sipas orës së Shqipërisë. Do të ketë një ritransmetim ditën e Enjte dt. 31-05-2007 në të njëjtën orë.


Ju urojmë dëgjim të këndshëm dhe Zoti ju bekoftë. radioapokalipsi@gmail.com


Nën Hirin e Tij,

ns






Shënim: Ditët e tjera të javës, ka ritransmetim të programeve të mëparshëm në të njëjtën orë.

[Peniel]

Përshëndetje të gjithëve.


Ditën e Mërkurë dt. 6-05-2007 dhe në orën 17:00 - 18:00 me orën e Shqipërisë, do të transmetohet pjesa e dytë e intervistës e Eduart Leka. Do të ketë një ritransmetim të saj ditën e Enjte, dt. 7-05-2007 po në të njëjtën orë.


Jeta e tij tërhoqi vëmendjen e shumë njerëzve dhe një regjisore iu afrua për të mësuar më shumë për jetën e tij. Jeta e tij u bë film me vetë dëshirën e tij duke kërkuar që të thuhej e vërteta për jetën e tij.

Filmi, në festivalin e filmit që u zhvillua në Selanik të Greqisë, zuri vendin e parë dhe mori të gjitha çmimet e para të mundshme që mund të merrte një film.




Por si qëndron e vërteta lidhur me këtë film?

Si u trajtua ai nga policia gjatë rrugës për në Athinë?

Cili ishte qëndrimi i gjykatësve ndaj tij?




Këto pyetje dhe të tjera që lindën gjatë bisedës me të, ju ftojmë t'i dëgjoni në pjesën e dytë të intervistës.
Ju urojmë dëgjim të këndshëm dhe Zoti ju bekoftë.





Nën Hirin e Tij,

ns


radioapokalipsi@gmail.com




Shënim: Ditët e tjera të javës, ka ritransmetim të programeve të mëparshëm në të njëjtën orë.

[Peniel]

Përshëndetje të gjithëve.



Në emisionin e radhës të ditës së Mërkurë dt. 13-06-2007 ora 17:00 - 18:00 sipas orës së Shqipërisë, menduam të trajtojmë një temë shumë të diskutuar por edhe interesante, 'Pagëzimi'.


Një temë që ka ngallur diskutime dhe debate të forta midis dogmave të ndryshme të krishtera. Pagëzimi është pjesë e jetës së krishterë dhe nuk mund të kuptohet ndryshe përveç se nëpërmjet Fjalës së Perëndisë, Biblës. Duke e parë këtë temë nën dritën e Biblës, menduam të trajtojmë pyetjet e mëposhtëme:

1. Pagëzimi është këshillë apo urdhërim?
   
2. Sa lloje pagëzimi ekzistojnë në Bibël?
   
3. Në cilën fazë të jetës së krishterë hyn pagëzimi?
   
4. Cili është kuptimi i vërtetë i pagëzimit në lidhje me mitet që e rrethojnë?
   
5. Cili është momenti i përshtatshëm për tu pagëzuar dhe pengesat që ekzistojnë.

Emisioni do të ketë një ritransmetim ditën e Enjte dt. 14-06-2007. Duke ju lënë në praninë e Perëndisë, ju urojmë dëgjim të këndshëm dhe bekimet e Tij.



Nën Hirin e Tij,

ns



Shënim: Ditët e tjera ka ritransmetim të emisioneve të mëparshëm në të njëjtën orë.