Kafazi i Artë 5

[engjulli_peje^]

Dita e 9 10/05/07

Albani zgjohet i pari në shtëpinë e survejuar

Kafazierët mëngjesi i sotëm i ka gjetur në gjumë. Pas grindjeve të herë pas hershme të ditës së djeshme mes Benit dhe dy banorëve të rinj të Kafazit, Beni është detyruar të flejë në dhomën e vajzave. Enveri ka fjetur në dhomën e djemve. Por nuk ka kaluar shumë edhe Albani është zgjuar. Më pas edhe Elvisi me Arturin janë zgjuar dhe kanë filluar të kujdesen për veten e tyre. Pjesa tjetër e kafazierëve flenë ende gjumë

Beni bisedon me Enverin, për gjendjen në shtëpi

Banorët janë zgjuar të lodhur këtë mëngjes. Ndenjia pa gjumë deri afër mëngjesit ndihet tek ata. Enveri është zgjuar dhe ka shkuar në dhomën e vajzave. Ai është shtrirë në krevatin e Glorias dhe po bisedon me Benin, i cili sot ka fjetur në dhomën e vajzave. Beni ka treguar se nuk ndihet shumë komfort, pasi me ardhjen e dy banorëve të tjerë në shtëpi, gjërat nuk janë më si më parë. Enki është zgjuar dhe ka bërë dush, ndërsa Diana është marrë me pastrimin e shtëpisë. Gloria po kujdeset për pamjen e saj.

Turi: Unë bëj lojën time

Albani dhe Enveri luajnë pingpong në korridor. Beni nuk u flet Albanit dhe Elvisit, ndërsa Arturi është ankuar se ata të dy dje në darkë kanë bërë muhabet deri vonë dhe kanë shqetësuar banorët e tjerë. Albani është acaruar me Turin, sepse sipas tij ai do ta mbaj mirë me të dy krahët. Por Arturi ka thënë se unë nuk bëj lojën e askujt bëj vetëm lojën time. Ndërkohë që Beni ka folur me Dianën, e cila duket se është personi që e kupton më mirë atë. Ndërkohë Enki ka thënë se ndihet shumë keq nga kunjat, që hedhin dy banorët e rinj.

[dibrani2006]

Ka filluar loja e rrepte midis banoreve por Beni eshte shume fallco me Dianen kurse Enveri don ta zevendeson Suadin por Suadi ishte Suadi kurse ky me shume me duket femij ne gjerat qe ben me vajzat,ENKI eshte sexi e sinqerte dhe shoqerore e mire eshte nuk eshte fallce,kurse Gloria eshte shume e shoqeruar me çdo kendi se ka problem se nga cili qytet eshte luan lojen shume bukur-kurse keta te dy qe kam hyre jane per ne portokalli por kafazit i duhen edhe keto sepse duhet nje çik humor.

e harova Turin , TURI eshte me duket me i mençur edhe pse thuajn se Turi eshte per ket jete por Turi ka ardhe per nje qellim te fitoj kafazin t'ja kaloj si do qe t'ja kaloj fundi fundit ai ka len fshtain per çminin qe ta fitoj,nga ai qen qe nuk leh nga ai te kesh frike sepse nga ai qen qe leh nate dhe dite nuk te ben gje veç se i shurdhon veshet.TURI ESHTE SHUMEEEEEEE I REZIKSHEM KENI PER TA PARE.

[engjulli_peje^]

Sherr mes Albanit dhe Benit

Debati mes Benit dhe Albanit ka kaluar kufijtë këtë paradite. Dje Albani i tha Benit, që kam lexuar një mesazh për Benin, që e quanin gej. Kjo ka qenë molla e sherrit në Kafaz qysh prej ditës së djeshme. Sot në transmetim të drejtpërdrejtë në News24, ndërsa Albani debatonte me Benin, autorët e Kafazit kanë thënë që nuk ka pasur asnjë mesazh të këtij lloji në adresën e askujt. Kjo i ka dhënë zemër Benit, i cili e ka quajtur Albanin mashtrues. Por Albani i ka dhënë të drejtë Benit, që është prekur nga ajo që i ka thënë një ditë më parë, por nuk e kupton përse reagojnë të tjerët. “Që sa të pashë e kuptova se si je”, - i ka thënë Beni Albanit. “Si ti nuk dua të bëhem kurrë. Ti je mashtrues. Ti po përdor një politikë loje të keqe duke më luftuar mua. Nuk ka shanse njeri të luaj me karakterin tim. Ti je mashtrues dhe më mashtrove mua duke më thënë se ka ardhur mesazh për mua që je gej, por nuk ishte aspak e vërtetë. Unë jam nga Veriu dhe kam një mentalitet të tillë, por të avancuar për shkak të daljes sime jashtë shtetit. Unë të luftoj ty se je mashtrues dhe njihesh si i tillë”, i ka thënë Beni gjatë debatit. Ndërsa Albani është shprehur se “Unë jam i zgjuar dhe me mua nuk merresh dot. Unë erdha si mik dhe ti më prite si armik. Beni ti je i acaruar kështu qetësohu, sepse unë jam i qetë, ndërsa ti je mashtrues. Ti e ke fëlliqur veriun. Ti i ke bërë të gjithë kundra nesh. Të njoh unë çfarë truri ke ti, ti acarohesh me veten tënde, kurse unë jam i qetë fare”. Në debat është futur dhe Gloria që të qetësojë situatën. Enki u ka thënë se nuk duhet të sillen kështu, është mëngjes dhe nuk kemi pse të bëjmë sherr. Kafazierët janë zhvendosur në tarracë, ku Diana e ka këshilluar Turin të mos ndryshojë qëndrim dhe të mos bëhet aleat i Albanit.


Qetësohet situata në KAfaz

Pas debatit situata në Kafazin e Artë është qetësaur. Kafazierët janë shëprndarë nëpër dhoma. Diana dhe Enverin të ulur në një krevat bisedojnë për gjërat që po ndodhin rreth e rrotull dhe Enveri është mërzitur. Arturi është shtrirë në dhomën e gjumit të djemve. Albani, Elvisi, Gloria dhe Enki kanë bërë palestër dhe më pas janë mbledhur në kuzhinë, ku po gatuajnë. Albani vazhdon të bëj humor me Visin, ndërsa pjesa tjetër janë mbledhur në dhomën e vajzave.

Kapen tre banorë duke i shkruar mesazhe njëri-tjetrit

Diana, Beni dhe Enveri janë kapur në dhomën e vajzave me një bllok ku i shkruanin mesazhe njëri-tjetrit. Mesazhe këto dashurie, apo edhe opinione për të tjerët. Ata janë kapur nga autorët e Kafazit, të cilët do të marrin masa penalizuese ndaj tyre. Menjëherë sapo është kapur blloku fytyra u ka tradhtuar të treve dhe Enveri është shprehur se “E hëngrëm”, Beni ka mbuluar fytyrën me batanije, ndërsa Diana është turpëruar për atë cfarë bëjnë në fshehtësi. Ata e kanë komentuar situatën dhe më pas, ndërkohë që Diana i ka thënë Enverit të mos mërzitet për ato çfarë ka shkruar. Beni e ka justifikuar situatën se ka thënë që ne po komunikonim për gjërat tona dhe e ka siguruar Enverin, që nuk do të publikohet asgjë. Më pas banorët kanë ngrënë drekën, që ka qenë omletë e përgatitur kjo nga Albani. Gjatë drekës Diana ka debatuar me Albanin, për shkak se ajo e akuzon atë për sjelljen armiqësore ndaj Benit

Kafazierët dhurojnë gjak, në kuadër të ditës kundër Talesemisë

Kafazierët kanë dhuruar gjak sot në kuadër të Ditës Botërore të Talesemisë. Pikërisht ashtu siç u anonçua natën e spektaklit,në shtëpi kanë mbërritur mjekët e Shoqatës së Talesemikëve dhe Shoqatës së Dhuruesve Vullnetërë të Gjakut. Ata kanë sajuar një infermieri të vogël aty dhe e para që ka dhënë gjak ka qenë Enki. Ajo është treguar më e guximshmja ndërkohë që më pas ka dhënë gjak edhe Diana, Gloria, Enver, i cili në fillim pati mjaft frikë. Pasi kanë dhuruar gjak kafazierët kanë prezantuar mjekët me shtëpinë duke bërë humor me njëri-tjetrin dhe njëkohësisht duke kaluar një ditë ndryshe nga të tjerët. Arturi është kënaqur që mjekët gjenden aty, sepse u pëlqen kur vijnë njerëz në Kafaz. Ai madje e ka pyetur për situatën jashtë Kafazit. Edhe kafazierët e tjerë kanë pyetur për opinionin, që ekziston jashtë rreth tyre. Ata kanë pritur mjekët edhe duke i qerasur ata, si të ndodheshin në një familje të vërtetë. Mjekët kanë treguar vështirësitë e gjetjes së dhuruesve të gjakut dhe ka falënderuar televizionin News24 për këtë fushatë sensibilizuese.

Vajzat më të guximshme për të dhuruar gjak

Vajzat kanë qenë më të guximshmet për të dhuruar gjak, ndërsa djemtë u treguan pak frikacak. Madje Albani dhe Arturi nuk kanë dhënë gjak. Turi është trembur dhe ka shkuar në tarracë. Beni ka qenë mjaft i frikësuar, por ka dhënë gjak, i shtyrë nga vajzat dhe Enveri, i cili nuk e ka pasur fare problem të jepte gjak. Më pas ka dhënë gjak dhe Visi. Ndërkohë vajzat po mësojnë papagallin të thotë fjalën “Kafaz”.

Atmosfera vijon e qetë

Pasi kanë dhuruar gjakë për ditën e talasemisë banorët e “Kafazit të artë” po merren me punë të ndryshme nëpër shtëpi. Diana po lan enët, Gloria po lan dyshemenë dhe të tjerët po çlodhen nëpër dhomat përkatëse. Edhe Arturi pasi ka bërë dush ka vendosur të çlodhet. Elvisit me Albanin edhe pse është orar dreke nuk u mungon humori. Gjëndja në përgjithësi vijon e qetë.

Elvisi dhe Arturi nuk i afrohen aspak tipit të Genit

Diana diskuton me Glorian për tymin e duhanit, i cili rezulton shumë shqetësues për to jo vetëm për shëndetin por dhe ambienti bëhet shumë pisë. Edhe banorët më të rinj të kafazit janë duhanpirës të rregullt. Diana ankohet dhe për një fenomen tjetër, shpërndorimin e ushqimit, nuk e pranon faktin që të hedhin ushqim të pakonsumuar poshtë. Diskutojnë dhe diçka rreth tipave të rinj që kanë hyrë në kafaz, ato do të kishin qënë shumë të lumtura sikur Elvisi dhe Arturi ti afroheshin sadopak tipit të Genit. Nuk dëshirojnë të shtrihen si pjesa tjetër e banorëve të shtëpisë por vendosin të ulen në kuzhinë të shijojnë nga një frut dhe të diskutojnë për pastërtinë e shtëpisë.

Diana me Arturin bisedojnë si dy miq të vjetër

Diana me Arturin janë pajtuar dhe bisedojnë si dy miq të vjetër për rolin e femrës në shoqëri, në familje dhe kudo. Turi mendon se femra në vendet rurale nuk ka shumë mundësi zgjedhje, në shumicën e rasteve martohen dhe mbyllen në shtëpi, as shkollën e mesme nuk e mbarojnë. Diana e aprovon atë që thotë Turi dhe shprehet se vetë s’ka për t’u bërë kurrë shtëpiakë megjithëse jetës nuk i dihet.

Arturi e pyet për familjen e saj dhe Diana i tregon pothuajse çdo gjë. “Kam qënë tip rebele që e vogël dhe kam bërë ça më ka thënë koka. Kam gabuar dhe mësuar po vetë nga gabimet e mia. Ua kam ndjerë shumë mungesën prindërve të mi kur kam qënë e vogël por sot që jam 25 vjeç jam e zonja e vetes. Nënën e dua por mbi babain nuk vë asnjeri”,- është shprehur ajo. Habitesh kur i sheh të bisedojnë qetësisht të dy bashkë kur vetëm dy ditë më parë as që i flisnin njëri-tjetrit me gojë.

A ekziston shpirti binjak?

Beni është mrekulluar nga pastërtia e shtëpise dhe ka pyetur se kush e ka pastruar kaq mirë sepse dy ditët e fundit ka qënë shumë pisë. Janë ngjitur të gjithë në tarracën e shtëpisë duke pirë nga një gotë lëng. Enki u ka treguar një ëndërr që ka parë në kohën që flinte dhe janë përpjekur t’ja shpjegojnë se ç’farë kuptimi kishte. Me zor të madh u ka dalë gjumi dhe kanë hapur një temë shumë interesante për të diskutuar. A ekziston shpriti binjak dhe n.q.s e kanë gjetur apo jo?

Elvisi mendon se shpirtin binjak e ka në shtëpi. Albani mendon se vetëm ish e dashura e tij mund të jetë shpirti i tij binjak dhe vetëm tek ajo mund të gjejë qetësi.

Beni mendon se ka dashuruar shumë herë po nuk e ka gjetur ende shpirtin binjak. Diana e ka gjetur shpirtin binjak por nuk mendon se mund të përfundojë me të sepse ky është vullneti i Zotit. Albani nuk është dakort me të, ai mendon se me vullnet dhe me dëshirë arrihet gjithçka. Të gjithë e pranojnë se shpirti binjak ekziston por nganjëherë është e paarritshme të bashkohesh me të.

Dhoma e sekreteve

Diskutimi i rradhës ka qënë për “Dhomën e sekreteve”. Beni mendon se një banor i kafazit të shan në dhomen e sekreteve dhe brenda në shtëpi të sillet si mik dhe kjo nuk i pëlqen aspak. Enki mendon se ç’farë thuhet në sekret duhet të ngelet sekret dhe nuk ka pse ta diskutojë me të tjerët. Më pas sjellin në kujtesë edicionet e mëparshme të “Kafazit të artë” dhe për mënyrën sesi kishin votuar në balotazh. Diana deklaron përpara të gjithëve se nuk ka për të votuar kurrë kundër Enkit sepse e ka shoqe të ngushtë. Por Enki është e mendimit se më mirë do të ishte mos të shprehej fare. Mënyra sesi mund të votojnë dhe se kush mund të dali në balotazh diskutohet shpesh në kafaz sidomos pasi kanë hyrë Elvisi me Albanin. Deri diku banorët kanë filluar të ambientohen me njëri tjetrin dhe nuk zihen më si në ditët e para.

Mbrëmje e qetë

Beni është pajtuar me Elvisin dhe Albanin dhe ka vendosur t’u flasë, si rrjedhojë diskutojnë më tepër e zihen më pak. E bën këtë sepse u duhet të bashkjetojnë së bashku ndoshta për një kohë të gjatë. Janë ulur në kuzhinë rreth tavolinës dhe diskutojnë për rrugët e Tiranës.Arturi i thotë Dianës se kafazi kësaj rradhe është shumë i bukur sepse e kanë bërë ata interesant ndërsa Diana mendon se çdo gjë vinë duke u përmirsuar prandaj këtë vit kafazi është më mirë se vjet dhe vitin tjetër do të jetë më mirë se këtë vit. Këndojnë si gjithmonë këngë shqiptare dhe më të preferuarat kanë qënë ato këngët e dashurisë. Janë ulur për të darkuar dhe pas darke do të luajnë ndonjë lojë që të argëtohen.

Më të preferuarit filmat shqiptarë

Mbrëmja vijon e qetë vetëm Elvisi me Albanin janë shumë aktiv, si gjithmonë duan të luajnë të qeshin dhe të argëtohen. Loja e tyre më e preferuar është të imitojnë personazhet e filmave shqiptarë. Rolet më të preferuara janë “Bamkë, Bamkë të thashë”, “Mos qaj Coli, mos qaj”, “Kush e vrau kapural Pelegrinin” etj.
Por nuk kanë munguar dhe ngacmimet dhe fjalët me kunja. Kësaj rradhe në qëndër të vëmndjes ka qënë Enveri, Albani e ngacmuar ne lidhje me atë që ndjen, për shpirtin binjak, e ka brënda në kafaz apo jashtë dhe ç’është më kryesorja e ngacmon për Glorian dhe se si i duket ajo. Enveri nuk reagon por i shmanget pa i dhënë një përgjigje.Vajzat merren me punët e darkës.


Ti Turi merresh me llafe

Këtë mbrëmje banorët e “Kafazit të artë” janë shtrirë më herët se netët e mëparshme. Por përpara se të shtriheshin Beni pati një debat me Turin, i cili i duket shumë i paqëndrueshëm në sjelljet dhe qëndrimet e veta. Ai mendon se Turi është me dy fytyra , rren dhe në ditën e sotme e ka futur në sherr me Elvisin dhe Albanin. Arturi nga ana e vete i tha që ai rri me kë të dojë dhe nuk do pyes Benin se s’është i vogël. “Rri me kë të duash, s’më intereson fare vetëm mos shaj njeri dhe mos u merr me llafe”,- i ka thënë Beni atij. I gjithë sikleti i Turit është votimi, ai është shprehur se nqs Enveri do të jetë në balotazh do t’a votojë por dhe banorët e rinj nuk i ka aspak inat madje herë pas here ata e bëjnë për të qeshur.
Në këtë kohë hyn Elvisi duke kënduar këngën “Mos u zini, mos u zini se maçoku është i imi”, kjo ndërhyrje shkaktoi të qeshura.
Më në fund e kanë gjetur se me ç’farë të luajnë, me kuice, njëri nga banorët do të mendojë një këngëtar shqiptarë dhe të tjerët duhet ta gjejnë me 10 alternativa.

[engjulli_peje^]

Dita e 10 11/05/07

Mengjesi i ka gjetur banoret në gjume

Mëngjesi i sotëm i ka gjetur kafazierët në gjumë, të lodhur nga nata e djeshme, nga zënkat dhe fjalët fyese ndaj njëri-tjetrit. Dje në mbrëmje ndodhi dhe përplasja më e madhe mes dy mikeshave Diana dhe Enki, ku kjo e fundit ishte ndjerë e fyer nga shoqja e saj. Gjithçka nisi në tarracë, ku ndërsa banorët bisedonin një grup njerëzish kishin ardhur jashtë Kafazit dhe ofendonin Benin dhe Dianën. Beni dhe Diana janë nxehur dhe kanë akuzuar Albanin, se janë miqtë e tij ata që flasin nga jashtë. Enki ka akuzuar shoqen e saj se ajo që kur janë futur në Kafaz nuk ka ndenjur fare me të. Ndërkohë papagalli është i vetmi, që është zgjuar në shtëpinë e survejuar të “Kafazit të Artë”. Banorët flenë, ndërsa këto ditë duhet t’ia dalin mbanë për t’i mësuar fjalën “Kafaz” papagallit. Nuk e dimë se sa do t’ia dalin, por nëse po, atëherë ata do të jetojnë si biznesmenë.

Kafazierët zgjohen dhe bëjnë muhabet në dhomën e vajzave

Kafazierët janë zgjuar dhe po bëjnë muhabet. Ndryshe nga mbrëmja e djeshme, ata duken mjaft të qetë sot. Enveri dhe Beni të shtrirë në krevat në dhomën e vajzave bëjnë muhabet me to, ndërsa Albani bisedon me Turin dhe e siguron, që këtë javë nuk ka për të qenë në balotazh. Diana është afruar me Enkin dhe po përpiqet të sillet sikur dje nuk ka ndodhur asnjë gjë mes atyre të dyjave.

Beni Kerkon Mbeshtetjen e Turit

Gjithë kafazierët janë mbledhur në dhomën e vajzave dhe bëjnë muhabet dhe humor me njëri-tjetrin. Albani dhe Visi këndojnë këngë për të qeshur. Ata vazhdojnë të rrinë të ndarë në dy grupe. Albani i ka pyetur të tjerët nëse duan, që ai të përgatis mëngjesin por nuk ka pasur asnjë përgjigje nga të tjerët. Kështu ai ka bërë gati mëngjesin vetëm për grupin e tij, Elvisin dhe Turin, që realisht lëviz sa në një grup në tjetrin. Edhe gjatë ngrënies së mëngjesit Elvisi dhe Albani nuk mund të rrinë pa kënduar, apo pa përsëritur fraza filmash shqiptar. Turi ka qëndruar më pas me Benin në tarracë, ku Turi e ka pyetur se si ndihet tani pas asaj që ndodhi dje në mbrëmje dhe e ka siguruar që nuk është tip i pabesë. Vërtetë ai rri me Albanin dhe Elvisin po u pëlqen vetëm humori i tyre jo se i ka miq. Unë nuk kam nevojë për engjëll mbrojtës i ka thënë Turi. Beni nuk i kursyer edhe këtë mëngjes fjalët ndaj Albanit dhe i ka shpjeguar se në momentin që Turi rri me ata dhe bën humor me ta ai bëhet shok i tyre. Por Turi i ka thënë se kam qeshur në mënyrë jo djallëzore. Beni i ka kërkuar Turit ta mbështesë dhe të mos qesh me humorin e Albanit, kur ai ka për objekt vetë Benin. Beni i ka thënë që tani e kam kuptuar kush është me mua dhe kush jo.

Kafazierët bisedojnë qetësisht gjatë mëngjesit

Albani i ka treguar Arturit, Elvisit dhe Enverit histori nga jeta e tij si futbollist. Në tavolinë më pas ka ardhur dhe Beni, i cili ka ngrënë bukë qetësisht dhe nuk është përfshirë në bisedë. Ndërsa Gloria ka ndryshuar krejtësisht look-n sot. Ajo ka gufuar flokët, gati kaçurrela dhe ka bërë një tualet të rëndë, që i shkon me flokët. Albani e ka quajtur “Madam”. Vajzat janë ulur në tavolinë për të ngrënë mëngjes dhe kanë thënë se sot do të bëjnë një sfilatë.

Sfilata dhe kërcim në Shtëpinë e Artë

Diana sot ka qëndruar disi indiferente, ndërkohë që Enki ndryshe nga ditët deri më tani po përpiqet të jetë më aktive. Kafazierët bëjnë sfilatë në çift, Enki me Albanin, Gloria me Enverin dhe Turi me Elvisin. Enki dhe Gloria bëjnë poza si dy modele të vërteta. Më pas kërcimi ka pushtuar shtëpinë e Kafazit. Albani dhe Elvisi kanë preferuar që këtë kohë të bukur ta kalojnë në pishinën me hidromasazh, ku janë larë dhe kanë bërë humor me njëri-tjetrin. Albani thotë, që po kalon shumë mirë dhe njerëzit kanë për ta parë që grupi i Benit do të përçahet shumë shpejt. Ndërkohë Beni fle gjumë në dhomën e vajzave, ndërsa Enki po bisedon me Turin.

Artistët e Cirkut në Kafaz

Prova e javës po afron për kafazierët. Ata duhet të bëjnë të martën në ditën e spektaklit një mini show cirku. Për këtë arsye në Kafaz kanë mbërritur dy artistë të Cirkut të Tiranës; akrobatja Stela Blloshmi dhe xhonglieri Sokrat Buzo. Artistët janë mirëpritur nga kafazierët, të cilët i kanë qerasur dhe i kanë pyetur për punën e tyre, që u duket sa argëtuese, aq edhe e rrezikshme. Ata kanë filluar me lojërat për të mbajtur topin sa më shumë me këmbë, dhe lëvizjet me rrathë në mes, ndërkohë që banorët do të mësojnë sot disa lojëra të vogla, ndërsa nesër në mëngjes do mësojnë të gjithë numrat e nevojshëm për shfaqjen e tyre.

Kafazierët përgatiten për provën e javës

Kafazierët janë duke u përgatitur për provën e tyre të javës. Nëse ja dalin mbanë me ushtrimet e cirkut, ata do të përfitojnë një bonos, që do t’u dyfishojë sasinë e ushqimeve në Kafaz. Gloria ka rezultuar shumë e shkathët me rrotullimin e rrethit në mes, ndërsa për Enkin ka qenë e vështirë. Mëgjithatë pas përpjekjeve të shumta, ajo ja ka arritur t’ia dalë mbanë. Enki është lumturuar shumë pas kësaj. Diana ja morri dorën shpejt rrotullimit të rrethit në dorë, ndërsa djemtë kanë provuar lojërat me top, që u instruktonte xhonglieri. Kafazierët kanë provuar dhe lojën me shkopinj, një lojë kjo 2000 vjeçare, që origjinën e ka në Kinë. Enveri është treguar shumë kurioz dhe ka dashur të mësojë gjithë lojërat, që udhëzonte instruktori. Më pas janë ushtruar edhe në numra të tjerë shpejtësie. Instruktorët kanë qenë mjaft të kënaqur, pasi banorët i kanë kapur shumë shpejt lojërat.

Lojëra dhe plazh në Kafaz

Pas atmosferës së këndshme, që krijuan artistët e Cirkut të Tiranës, në ambientet e Kafazit ekziston e njëjta frymë. Kafazierët kanë vazhduar me ushtrime të ndryshme, ku Gloria si më elastikja ka bërë ‘fletën’ dhe Enki ka ushtruar lojën me shkopinj dhe pingpong. Edhe Enveri ka provuar të bëj ushtrime gjimnastike, ndërsa Albani dhe Elvisi pas lodhjes janë ngjitur në tarracë. Edhe të tjerët kanë shkuar në tarracë, ku vajzat janë larë me rroba në pishinën me hidromasazh. Ato janë shtrirë në shezlong më pas për të marrë rreze dielli.

Grupi i Tomkës është shpartalluar

Pasdreka vijon në dukje e qetë. Një pjesë e kafazierëve kanë qëndruar në tarracë dhe Gloria ka kënduar këngë të ndryshme. Ndërsa Albani me Elvisin janë në sallon dhe si gjithmonë bëjnë humor dhe muhabet.Sipas Albanit deri die banorët e “Kafazit të artë” kanë qënë të ndarë në dy grupe ku në njërin grup bënin pjesë dy të rinjtë ndërsa në grupin tjetër bënin pjesë Beni, Diana, Gloria, Enveri dhe Turi ose ndryshe grupi i Tomkës siç e quan me shaka Albani. Por sot grupi i Tomkës është i shpartalluar dhe nuk i ka rezistuar dot zgjuarsisë së Albanit.

Enki motra ime e vogël

Në përgjithësi janë djemtë ata që flasin ndoshta se janë dhe më shumë ndërsa vajzat rrinë më indiferente. Flasin për gjëra të ndryshme por i kësaj here i ka rënë radha të flasin dhe për luftën e Kosovës. Por ka qënë një bisedë e vakët pa shumë debat.Turi shpesh ndihet i ofenduar nga të dyja grupet dhe përsërit shpesh se është i zoti i vetes dhe nuk do që të jetë në mes të askujt. Por të tjerët mendojnë se ai keqkuptohet. Albani shpesh i thëret Enkit motra e vogël dhe ajo vëllai i madh. Që në grindjen që kanë patur një natë më parë dy shoqet e ngushta pra Enki me Dianën, Enki është afruar më shumë me Albanin dhe Elvisin.Gloria me Dianën po qërojnë patate për darkën e sotme.

Banorët hanë drekë me vonesë

Banorëve të kafazit u ka humbur nocioni i orës dhe kanë filluar t’a hanë drekën gjithnjë e më vonë. Sot kanë drekuar në orën 6.30 , por nuk e kanë vënë re aspak që po drekojnë kaq vonë. Janë ulur të gjithë rreth tryezës dhe po shijojnë ushqimin të gatuar nga duart e Glorias dhe Dianës. Pasi kanë mbaruar së drekuari kanë pastruar tavolinën. Vajzat kanë larë pjatat dhe çunat nuk i kanë ndihmuar aspak, po kanë menduar sesi të kalojnë kohën me ndonjë lojë të bukur. Albani, njeriu më i gjallë i kafazit nuk rri asnjëherë pa bërë gjë, herë këndon ndonjë këngë popullore herë këndon ndonjë këngë filmi dhe herë pas here ngacmon ose Enverin ose Glorian.

[RaPSouL]

LoL sa kam qesh me ata artistet mer amon hahahahha :@@p

[engjulli_peje^]

Dita e 10 11/05/07

Muharrem Ahmeti, më i pëlqyeri i banorëve të kafazit

Gloria, Enki dhe Diana flasin me zë të ulët dhe larg të tjerëve. Menduan që Beni të vishej si femër por nuk ranë dakort sepse në sfond u dëgjua kënga e Muharrem Ahmeti “Kjo Unazë” dhe ua ka lënë të gjitha planet në mes sepse kanë filluar të kërcejnë si tw ccmendur.Por jo vetëm ata e pëlqejnë Muharremin, të gjithë banorët e “Kafazit të artë” u pëlqen muzika tallava madje dhe Enverit i pëlqejnë shumë këngët e Muharremit.Pasi kanë kërcyer këngë shqiptare dhe këngë greke kanë bërë dhe përshëndetje të ndryshme sidomos Beni.
Për pak kohë kanë rënë në qetësi dhe janë shpërndarë nëpër ambiente të ndryshme të shtëpisë duke u marrë me gjëra personale.

Si duhet të sillesh me një femër

Albani, Elvisi dhe Enveri janë ngjitur sipër në tarracë dhe po diskutojnë për dashurinë.Dy të parët si më me eksperiencë që janë i japin mend se si të sillet me të dashurën e zemrës. Pasi e pyesin për një kohë relativisht të gjatë se ku e ka shpirtin e vet binjak brënda kafazit apo jashtë tij dhe e panë që Enveri nuk dorzohej pra nuk tregonte filluan ti mësonin ca metoda bindëse për ti fituar zemrën një femre.“Mos i thuaj përditë shpirti e zemra se ta merr për dobësi femra, duhet ta studiosh dhe nqs të kthen llafin bjeri me cok kokës se nuk të thotë gjë, por më kryesorja që nuk duhet t’a harrosh asnjëherë ti t’i tregosh tre, katër perrallë në natë”, - i thoshin duke qeshur Elvisi me Albanin.Enveri i shikonte dhe vetëm buzëqeshte pa ditur sesi ti përgjigjej

Biseda vërtitet rreth Genit

Albani i çon një mesazh Genit nëpërmjet kamerës, i thotë që mos ta ketë merak fare motrën e tij të vogël Enkin, sepse megjithëse është e mërzitur që ai doli nga kafazi, Albani nuk do ta lë më të mërzitet. Madje i bën dhe një kompliment Enkit për sytë, ai mendon se i ka shumë të bukur. “Mos u mërzit, ai ishte djalë shumë i mirë, ti do ta takosh kur të dalësh nga kafazi, njof dhe unë ca që e njofin Genin”,- i ka thënë Albani, Enkit. Me pak fjalë i tregon dhe skenën kur ai ka dalë nga shtëpia.Por muhabeti përseri vërtitet te mënyra e votimit dhe të gjithë janë në një mëndje që po të ishte Geni në kafaz do ta kishte fituar sepse votoej nga të gjithë shqiptarët.Në muhabet e sipër Turi deklaron para të gjithëve se kërcimi i Alban Rexhës është më i bukuri nga të gjitha kërcimet e tjera.

Borëbardha dhe shtatë xhuxhat

Kanë vendosur bashkarisht të luajnë përrallën më të njohur në botë “Borbardhën me shtatë xhuxha”. Enki do të luajë Borbardhën, Enveri do të jetë Princi i kaltër dhe Beni do të bëhet si shtriga. Ndërsa të tjerët do luajnë xhuxhat. Albani mqs është qeros do të luajë xhuxhin e vogël dhe e ka deklaruar haptas që do ta mbrojë Borbardhën nga të gjithë sidomos nga shtriga dhe ajo duhet ti puthi tullën në fund të pjesës teatrale.Por duke pritur që Beni dhe Enkin që të bëhen gati për rolet e tyre përkatëse kanë hedhur batuta të ndryshme mbi rolin e xhuxhave. “Borëbardha më merr në celular po pate nevojë për ndonjë gjë, po shtriga çu bë se po presin xhuxhat”.

Dasëm në kafaz

Borëbardha dmth Enki veshi një fustan të bardhë shumë të bukur si fustan nusesh ndërsa Beni bëri tualet të rëndë vendosi një gungë në kurriz dhe ja kaloi dhe shtrigës së përrallës ashtu si ishte sajuar, xhuxhat u paisën me të gjitha mjetet e kuzhinës si garuzhde, tenxhere etj. Pasi e luajtën rolin dhe Borëbardha e hëngri mollën, xhuxhat e ndoqën shtrigën nëpër shtëpi dhe mqs nuk kishin mundësi ta hidhnin nga shkëmbi e hodhën në pishinë. Borbardha pasi u zgjua nga puthja e princit nuk harroi aspak të puthte tullën e Albanit. Nga një skenë teatri, salloni i kafazit është kthyer në dasëm ku kanë kërcyer shumë këngë shqiptare të Valbona Memës dhe Ariola Toskës

[engjulli_peje^]

Dita 11 12/05/07

Pas një nate të qetë banorët vazhdojnë të flenë

Mëngjesi i ka gjetur në gjumë sot kafazierët. E çuditshme ka qenë mbrëmja e djeshme për të gjithë. Nëse deri më tani i kishim parë të përçarë, dje ata kanë qenë më të afruar me njeri-tjetrin se kurrë. Banorët kanë bërë muhabet dhe humor, si të mos ishin grindur kurrë. Nuk i dihet nëse kjo është një strategji e ndonjërit prej tyre, apo banorët kanë vendosur të sillen mirë me njëri-tjetrin pasi nuk ja vlen gjithë kohës me grindje.

Banorët zgjohen dhe nisin të kujdesen për pamjen e tyre

Banorët janë zgjuar një nga një dhe po vijnë vërdallë nëpër shtëpi. Albani dhe Visi e kanë nisur ditën me një diskutim për muzikën ballkanase. Turi sa është zgjuar ka bërë një shëtitje në tarracë duke shijuar rrezet e diellit, në këtë mëngjes të bukur. Beni është zgjuar i fundit sot, ndërsa vajzat pasi janë zgjuar dhe pasi janë larë kanë filluar të kujdesen për look-un e tyre. Sot ato do të presin sërish një mysafir misterioz, personazh ky VIP.

Banorët grinden për pastrimin e shtëpisë dhe debatojnë për ekzistencën e xhindeve

Banorët janë grindur për punët e shtëpisë, sepse shtëpia nuk ka qenë shumë e pastër këto ditë dhe punët janë bërë shkaraz. Enki është ajo që është ankuar më shumë, ndërkohë që në çdo bisedë ajo ka pasur mbështetje Albanin. Gloria më pas ka pastruar dhe Diana ka larë enët. Albani është shprehur se ndjehet mjaft i kënaqur në Kafaz sa do të ishte i lumtur të qëndronte edhe tre vjet këtu i mbyllur brenda. Bisedat kanë vazhduar rreth iluzionistëve dhe të gjithë janë përfshirë në këto muhabete. Ata kanë debatuar edhe për ekzistencën e xhindeve. Ka qenë kjo një temë mjaft interesante për kafazierët.

Grinden sërish Beni me Albanin

Enki që dikur jo vetëm e ofendonte por edhe e ka kërcënuar Turin sot i tha se “Turi ti je më i miri i Kafazit”. Turi e ka falënderuar Enkin dhe i ka thënë se Enki është vajzë shumë e mirë dhe është vetvetja këtu. Kafazierët kanë qëndruar në kuzhinë dhe kanë bërë humor. Albani është veshur si hoxhë, duke shkaktuar mjaft të qeshura mes banorëve. Enki dhe Diana kanë ujitur lulet në tarracën. Beni është grindur sërish me Albanin. E gjitha ka nisur nga një diskutim mes Albanit dhe Enverit për Tiranën dhe Shkupin, ku mund të jetohet më mirë. Beni ka ndërhyrë në diskutim për të kundërshtuar Albanin. Ata janë acaruar dhe kanë akuzuar njëri-tjetrin. Albani i ka thënë se “Je bërë si ai në teatrin “Shi në plazh”, gjë që e ka acaruar Benin. Enki ka mbrojtur Albanin duke thënë se secili ka preferencat e veta dhe nuk kanë përse të grinden. Por Beni i ka folur rëndë duke i thënë “Ti mos jep komente fare”. Ndërsa Albanin e ka quajtur alabak dhe i ka thënë “falëndero zotin që jemi brenda se të ishim jashtë do kishim folur ndryshe”. Albani i ka thënë që “ti je i dështuar dhe që kur hyra unë brenda ke dështuar”.

Pasdreke e qetë në kafaz

Pasi kanë ngrënë drekë, të gjithë së bashku janë ngritur të bëjnë punët e drekës. Por si gjithmonë janë vajzat ato që punojnë më tepër në shtëpi dhe kujdesen më shumë për shtëpinë dhe për pastërtinë rreth e rrotull. Megjithëse një orë më parë në kafaz ka patur grindje midis Albanit dhe Benit tani gjëndja është më e qetë dhe secili nga banorët e ka fazit mendon vetëm për të çlodhur. Në përgjithësi pasdrekja vijon e qetë në kafaz

Asnjë mashkull s’më ka dhuruar lule deri më sot

Turi u ka kërkuar një nder autorëve të kafazit ti sillnin një trëndafil dhe një çokollatë. Ai dëshironte që të pajtohej me Dianën dhe donte që këtë t’a bëntë në mënyrën më të bukur të mundshme. Ka bashkëpunuar me Benin për të realizuar planin e tij. Është rregulluar, i ka bërë flokët me xhel dhe është ngjitur në tarracë ku ka ftuar Dianën e cila është surprizuar jashtëzakonisht shumë nga sjellja aq e bukur e Turit. “Asnjë s’më ka dhuruar lule deri më sot, jam shumë e surprizuar nga ty dhe e di që kjo nuk është diçka personale”,- i ka thënë ajo Turit. Ndërsa Turi nga ana e tij i ka shprehur mirënjohje që ajo i ka dhënë dhe një shans tjetër dmth dhe pasi u zunë për një javë rresht i dhanë dorën dhe i foli. Ishte pikërisht ky gjest që e preku në zemër Turin dhe e bëri të mendoj për sjelljen e tij dhe për vlerat që ka Diana si femër.Biseda vijoi shumë miqësore duke folur për jetën në përgjithësi, për dëshirat, për ëndrrat dhe mbi të gjitha për të ardhmen.

Lojra cirku

Banorët e kafazit po argëtohen pa masë duke luajtur me njëri-tjetrin. Si gjithmonë protagonist është Albani i cili krijon momente shumë gazmore. Të gjithë janë ngjitur në tarracën e shtëpisë dhe praktikojnë lojrat që kanë mësuar një ditë më parë nga xhonglerët e cirkut të Tiranës. Turi me Enverin nuk i janë bashkangjitur grupit, ata po rrinë poshtë në shtëpi dhe po diskutojnë për gjëra të ndryshme.

Surpriza me e fundit për kafazierët

Vazhdojnë të luajnë në tarracën e shtëpisë me topa të vegjël, me rretha dhe me shkopinj. Duket se lojrat e cirkut qenkan shumë argëtuese për banorët e kafazit por duhet t’i lënë përgjysëm sepse duhet të bëhen gati për të pritur personazhin që autorët e “Kafazit të artë” kanë vendosur tua bëjnë surprizë kafazierëve. Mbasditja në përgjithësi ka kaluar e qetë, pa debate dhe sherre por asgjë nuk është e sigurt me kafazierët tanë, gjithçka mund te ndodh.Rovena Stefa do të jetë e ftuara e rradhës për “Kafazin e artë” , në lajmet e ardhshme do të tregojmë më imtësisht për surprizat që do të vijojnë. Në këto momente ata mendojnë se papagalli ka thënë fjalën kafaz.

Komplimenta për personazhin e rradhës

Janë mbledhur të gjithë në sallon në pritje të personazhit misterioz. Kanë diskutuar për një farë kohe se nqs personazhi është femër apo mashkull dhe kur Rovena ka hyrë me maskë në fytyrë ka qënë Diana, ajo që e ka gjetur. Janë ulur në sallon dhe Rovena Stefës, Enveri i është dukur si fytyrë e njohur dhe është kujtuar se ai ka marrë pjesë në vidioklipin e këngës “O llokum”. Ajo rrëfen për kafazierët se i ndjek sa herë që ka kohe dhe pikërisht në ditën e sotme ka parë Dianën dhe Turin në tarracë duke biseduar si dy miq të vjetër dhe i ka pëlqyer shumë gjesti i Turit, i është dukur shumë romantik.Çunat e kanë komplimentuar shumë Rovenën për veshjen por edhe për bukurinë duke cilësuar se ajo është më e bukur nga afër sesa në televizor. Banorët diskutojnë për albumet dhe këngët e saj të fundit.

Jam e dashuruar

Jo vetëm që janë kureshtar të dinë çdo gjë në lidhje me Rovena Stefën por edhe e pyesin pa pikën e ndrojes sikur të jenë miq të vjetër. Dhe kështu në mes bisedash të këndshme dhe pyetjeve pikante janë çuar për të kërcyer këngët e saj. Kur është fjala për të kërcyer asnjë nga banorët e kafazit nuk ngelet pas. Pasi kërcejnë shumë këngë ashtu të gjithë së bashku ulen përsëri dhe Rovena u tregon me kënaqësi për fillesat e karrierës së saj artistike. Madje u tregon dhe mënyrën sesi ajo bën një album, si e shet etj.“Jam e dashuruar”,- ka deklaron ajo për banorët e kafazit dhe për të gjithë publikun që e ndjek, por nuk ka dashur të tregojë detaje për lidhjen e saj dashurore. Ajo largohet nga kafazi me mbresat më të mira dhe duke u lënë autografe të gjithëve.

Turi ndihet shumë keq

Edhe pasi ka ikur Rovena banorët e “Kafazit të artë” kanë vazhduar të këndojnë këngët e saj. Kanë hedhur një ide për të luajtur si një natë më parë me personazhe përrallash dhe kanë dashur të luajnë me Romeo dhe Zhuljetën. Por ka qënë një tentativë e vakët sepse nuk kanë rënë dakord përkundrazi kanë pasur uri dhe janë ulur për të ngrëne darkë. Gjatë darkës nuk kanë munguar batutat e ndryshme. Në një moment të caktuar Turi është ndier keq dhe është larguar nga tavolina, Beni, Gloria dhe Albani kanë vrapuar pas tij për të marrë vesh arsyen e kësaj mërzitjeje të papritur. Turi nuk ka dashur të sqarojë asgjë dhe është larguar për në dhomën e gjumit. Vetëm kur ka ngelur tek për tek me Benin i ka treguar se nuk i pëlqen kur i thotë Enverin mos qesh dhe ai vazhdon e qesh.

Si Romeo dhe Zhuljeta

Kanë vendosur t’a luajnë pjesën e tyre teatrore, por si fillim do të bëjnë prova në dhomën e vajzave ndërsa shfaqen finale do t’a japin në tarracë nën dritën e yjeve.Zhuljeta do të jetë Gloria dhe Romeo do të jetë Enveri ndërsa Enki me Albanin do të jenë prindërit e Zhuljetës. Mesazhi i shfaqes së tyre do të jetë “Dashuroni sa të jetë jeta por mos përfundoni si Romeo e Zhuljeta”. Ndërkohë Turi po dremit në divanin e sallonit dhe Diana, Beni dhe Elvisi nuk marrin pjesë në prova, ndoshta ata do të jenë thjesht spektatorë. Gjëja më interesante është se Albani nuk do të jetë vetëm aktor por dhe regjisor i shfaqes dhe e ka marrë shumë seriozisht këtë rol. Aktorët po vishen për rolin skenik dhe mq fustani i bardhë pati shumë sukses në mbrëmjen e djeshme, Gloria atë do të veshi dhe sot. Me sa duket sonte nuk do të ketë gjumë për kafazierët.

[engjulli_peje^]

Dita 12 13/05/07

Pas një dite të lodhshme si ajo e djeshme, ku nuk munguan provat e cirkut, lojërat e ndryshme, ardhja e personazhit misterioz, që ishte këngëtarja Rovena Stefa, kafazierët janë zgjuar me mjaft përtim sot. Ka qenë Albani ai që është zgjuar i pari dhe më pas Gloria dhe Turi. Turi sa është zgjuar është ushtruar në palestër. Vini i ka prerë flokët Albanit, ndërkohë që Gloria po pastron kuzhinën.

Muzika pushton “Kafazin e Artë”

E kanë nisur ditën me kërcime dhe aheng banorët në shtëpinë e “Kafazit të Artë”. Sapo dëgjojnë muzikë në sfond ata janë të gatshëm për të dëfryer. Enki dhe Diana janë stërvitur këtë mëngjes në palestër, ndërkohë që Enveri është marrë me përgatitjen kafes për gjithë kafazierët. Elvisi dhe Albani bëjnë muhabet në dhomën e djemve. Ndërsa Beni bën dush.

Grinden Albani me Benin

Grindjet dhe fjalët mes Albanit dhe Benit nuk kanë munguar as këtë mëngjes. Beni e ka kërcënuar se nëse do të ishin jashtë ai do ta tregonte se çfarë do t’i bënte. Albani e ka ofenduar duke i thënë se i shkonin shumë buzët e lyera me buzëkuq. Beni i ka thënë se “këtë javë ti Alban do jesh në balotazh dhe unë do kërcej pikërisht kërcimin tënd kur të thërrasin emrin tënd”. Por Albani i ka thënë se “nëse nuk dal në balotazh unë do vesh një minifund dhe do them ky është Beni”. Albani i ka thënë sërish që të bëhet pak mashkull. Akuzat dhe kundër akuzat kanë vazhduar për një kohë të gjatë dhe Beni është shfaqur mjaft i acaruar. Beni e ka quajtur Albanin dhe Visin si “Loli dhe Coli” dhe kjo gjë ka irrituar shumë edhe Visin. Zënkat kanë vazhduar gjatë dhe vetëm ngrënia e mëngjesit i ka qetësuar ata.


Grindjet zëvendësohen me ironinë

Grindjet janë zëvendësuar me ironinë. Albani dhe Beni tallen, duke imituar veprimet e njëri-tjetrit. Albani bën si Beni dhe Beni imiton kërcimin e Albanit. Kështu ata të dy pas zënkave dhe debateve kanë vendosur një mënyrë tjetër “komunikimi” mes tyre. Të tjerët herë kanë qeshur, herë kanë rrudhur buzët dhe nuk duket se po ndihen shumë komfort në këtë situatë. Ndërkohë që Gloria ka vazhduar me këngët e saj duke sjellë një atmosferë ndryshe dhe disi qetësuese në Kafaz.

[engjulli_peje^]

Banorët diskutojnë me njëri-tjetrin për shoqërinë

Banorët kanë folur për miqësinë. Kanë qenë Albani dhe Enveri ata që e kanë nisur këtë bisedë dhe më pas është bashkuar edhe Gloria. Enveri ka treguar disa situata me shoqërinë e tij në Shkup. Ndërsa Beni dhe Diana nuk janë aktivizuar fillimisht në bisedë. Ata kanë qenë të pranishëm në kuzhinë dhe veç kanë dëgjuar mendimet e të tjerëve. Më pas diskutimet kanë kaluar në marrëdhëniet në çift, ku Albani ka thënë se meshkujt shqiptarët janë shumë kavalier. Por diskutimi është ndezur më pas dhe të gjithë kafazierët janë aktivizuar.

Lule për Turin, nga një fanse

Beni e ka ngacmuar Dianën në lidhje me Turin dhe bisedën e tyre dje në tarracë, kur Turi i dhuroi një trëndafil Dianës. Gjithë kafazierët janë ulur në tavolinën e ngrënies dhe kanë folur për filmat shqiptar dhe të huaj. Bisedat kanë variuar nga një temë në tjetrën. Gloria po përgatit një supë për drekë, ndërkohë që Turit i ka bërë një surprizë një fanse e tij. Ajo i ka dërguar një tufë me lule, të cilat e kanë gëzuar pa masë atë. Diana ka komentuar me të gjithë pas kësaj situate surprizën dhe habinë që ajo përjetoi dje, kur Turi i dhuroi asaj lule. Diana ka frikë se mos Turi mendon diçka për të, sepse sipas saj kur një mashkull i dhuron një lule vajzës, do të thotë se ndjen diçka. Enki ndërkaq, i ka thënë se Turi të pëlqen, sepse edhe kur ziheshin në fillim ai përsëri thoshte që e ka qejf Dianën.

[engjulli_peje^]

Dita 12 13/05/07

Biseda të qeta mes Dianës dhe Enverit

Enveri dhe Diana janë ulur në krevatin e saj, ndërsa Diana e mëson për rolin e princit, që ai do të interpretojë sot në mbrëmje, pasi kafazierët do të luajnë sot historinë e famshme të “Hirushes”. Kafazierët ndanë rolet, për shfaqjen ku Enki dhe Diana do të jenë motrat e Hirushes, që do të luhet nga Gloria dhe njerka e saj do të interpretohet nga Beni. Edhe Gloria është afruar me ta dhe bisedat kanë kaluar në një temë mjaft interesante për ta. Marrëdhëniet seksuale kanë qenë në qendër të bisedës, ndërkohë Diana ka përshkruar se si e imagjinon ajo mashkullin ideal. Por të ai duhet të jetë medoemos brun, pak nevrik dhe të ketë prezencë. Enveri ka treguar për prindërit e tij. Ndërkohë Albani dhe Visi bisedojnë për futbollin, ndërsa Enki, Turi dhe Beni flenë gjumë.

Visi shijon pishinën, të tjerët muzikën

Këtë kohë të nxehtë dhe me diell Visi ka preferuar ta kalojë në pishinën me hidromasazh. Ai po kënaqet vërtet, pasi e shoqëron larjen edhe duke kënduar këngën e tij të preferuar ”Tek rrapi në Mashkullorë”. Të tjerët flenë gjumë, ndërsa Enveri me Dianën dhe Glorian vazhdojnë bisedat mes tyre. Muzika i ka ngritur të gjithë në këmbë më pas dhe shtëpia është gjallëruar sërish. Gloria vazhdon me përgatitjen e drekës.

Pasdreke e qetë në kafaz

Pasdrekja vijon e qetë. Banorët e “Kafazit të artë” nuk janë grumbulluar të gjithë në një vend por janë shpërndarë nëpër shtëpi dhe secili bën ç’farë i do qefi. Albani vazhdon të lahet në mini pishinën me hidromasazh, Beni lexon me zë të lartë dhe Diana me Enverin e dëgjojnë duke bërë ndonjë koment tek tuk.Turi bën pak vrap në pistë dhe bashkohet me grupin e Benit. Elvisi vinë vërdallë nëpër shtëpi, Gloria po bën dush dhe Enki po lan enët. Sot nuk paska ndërmend të shtrihet njeri për të fjetur.

Unë jam vetvetja
Në një moment të caktuar Enki me Albanin janë gjetur vetëm për vetëm dhe kanë folur për dashurinë. Albani është i mendimit se atë që ke në zemër duhet t’a nxjerrësh, t’a shprehësh, shkurt muhabeti të jesh vetvetja. Ai nuk është bërë aspak pishman se ka folur para kamerave për dashurinë e jetës së tij, për Inën shpirtin e tij binjak. Edhe Enki mendon se është vetvetja dhe ça ka në shpirt e thotë pa problem dhe është e sigurt se kur e dëgjojnë nëna me babanë e shikojnë që ajo është i njëjti tip siç është dhe në shtëpi apo përjashta. Me ta është bashkuar dhe Elvisi me Turin dhe kanë kujtuar të gjithë së bashku për momentet kur Enki ka imituar Turin për mënyrën sesi flet por sot kjo ka shkaktuar vetëm të qeshura dhe jo grindje si një javë më parë. Madje Turi me të qeshur i ka dhënë një këshillë që mos të merret me të por të shoh se ç’bën Geni përjashta.

Kafazierët të ndarë në dy grupe

Banorët janë ndarë në dy grupe dhe diskutojnë për gjëra të ndryshme. Beni, Gloria dhe Enveri janë ngjitur në tarracë dhe po diskutojnë për mënyrën sesi sillen kur dikush i ofendon ose i prek në kallo. Gloria mendon se fal më tepër se ç’duhet, fal dhe atëherë kur nuk ka faj fare dhe tregon ndonjë histori të vogël që i ka ndodhur me motrën. Ndërsa Enveri mendon se po ja bëre borxh nuk ta lë mangut ta kthen me të njëjtën monedhë. Edhe Beni mendon nuk të fal. Grupi tjetër dmth Albani, Enki, Elvisi dhe Turi po flasin për kafazet e kaluara dhe për strategjitë që janë ndjekur në përgjithësi nga banorët për të qëndruar deri në fund të lojës. Më pas biseda është zhvendosur te piktura që kanë pasur përballë dhe gjithsecili prej tyre kanë shprehur sesi e kuptojnë dhe se ç’farë shohin te piktura.

Kur bëhesh prind rriten përgjegjësitë

Të gjithë banorët janë ngjitur në tarracë dhe disa prej tyre janë futur për t’u larë në mini pishinën e cila ka pasur ujë shumë të ngrohtë sot. Ndërsa grupi tjetër ka kërcyer këngën më të re të Besa Lumës , këngët e Muharremit etj. Edhe ata që nuk kërcyen i shoqëronin me zë. Enki nuk ndahet nga Albani dhe kanë filluar të luajnë me ruletë, bashkë me ta rri dhe Elvisi me Turin. Elvisi u ka treguar sesa përgjegjësi ka jeta kur bëhesh prind dhe sesa e do vajzën e tij të vogël. Ndërsa Diana i ka treguar Benit dhe Glorias hollësi për jetën e saj, sesa të vështirë e ka pasur ajo pa prindërit dhe sesa e veçuar është ndier nga fëmijët e tjerë të fisit. Të dy miqtë e saj e dëgjojnë me vëmendje dhe i tregojnë ndonjë rast të ngjashëm me të sajin.

Pallati 176

Janë marrë për një kohë të gjatë me provat e cirkut por mesa duket cirku nuk u ngjit dhe aq shumë banorëve të kafazit, më tepër janë marrë me provat e tangos një javë më parë. Vetëm Enki ka qënë ajo që ka insistuar për të bërë prova në tarracë dhe jo veç e veç por të gjithë së bashku. Nuk merren dhe aq shumë vesh sesi ti bëjnë lojrat e cirkut më shumë u pëlqen të lozin teatër. Sot në mbrëmje kanë vendosur të luajnë “Pallatin 176”, pjesën teatrore më të njohur në Shqipëri. Diana do të luajë rolin e gruas së Perikliut, Gloria do të luajë Elsën dhe Albani do jetë dhe regjisori i shfaqes dhe babai i Elsës.