Kafazi i Artë 5

[engjulli_peje^]

Surprizat në mbrëmjen e sotme do të jenë të shumta

Të gjithë po presin që spektakli i së martës mbrëma të fillojë. Janë premtuar surpriza të shumta për teleshikuesit të cilët janë shumë të interesuar për fatin e banorëve të “Kafazit të artë”. A do të jetë Geni, ish kafazieri më i adhuruari i femrave, ndër të ftuarit e mbrëmjes? Kush do të dalë në balotazh dhe me kë? Si do të votojnë banorët, njëri-tjetrin? Kush do të skualifikohet përfundimisht nga banorët në mbrëmjen e sotme? Kush do të jetë kafazieri që do të zëvëndësojë Genin? Përgjigjet e këtyre pyetjeve do ti zbulojmë të gjithë së bashku vetëm pas pak minutash. Shikim të këndshëm.

[engjulli_peje^]

Banorët më të rinj të kafazit

Do të zbulojnë për kënaqësinë e shikuesve të “Kafazit të artë” dy emrat e banorëve me te rinj që hynë pikërisht në natën e sotme në shtëpi.
I pari është një futbollist shumë i njohur për teleshikuesit, i cili ka qënë golshënuesi më i mirë i “Partizanit”, ka lozur me “Tiranën” dhe me ekipin “Mtv Lyneburg” të Gjermanisë. Është beqar, 30 vjeç, shënja e peshqve, 1.84 cm i gjatë, peshon 89 kg. Emri i tij është Alban Rexha, për momentin është i dëmtuar dhe pret që shumë shpejt ti rikthehet fushës.
Banori i dytë që hyn në kafaz në natën e sotme është Elvis Kolvani, 26 vjeç, 1.76 cm i gjatë, 95 kg. Merret me aktivitet privat dhe hobi i tij është futbolli. Është i martuar prej dy vjetësh, ka një vajzë të vogël dhe i pëlqen shumë muzika popullore sidomos ajo tironse.
Banorët më të rinj të kafazit kanë dy të përbashkëta , kanë nga një tatuazh në trup dhe kanë hyrë në kafaz për të fituar famë.

[engjulli_peje^]

Nga Kafazi u Largua Ariola ,Dhe Pritet Te Futet Zevendesuesi i saje.
Ne Balotazh doli Ariola Dhe Enveri ,Dhe me Votimin ne Dhomen E Sekreteve, Vendosen te Largohej Ariola. Vetm Arturi ka qen Kundra Enverit .

[engjulli_peje^]

Ariola skualifikohet e para

Sapo ka mbaruar spektakli i dyte i “Kafazit të artë” i cili na ka befasuar me surprizat e shumta.I ftuar i mbrëmjes se sotme ka qënë Geni, i cili ka komunikuar dhe një herë të fundit me Enkin e cila ja ndjen shumë mungesën. Dy banorët e rinj që janë futur në shtëpi, kanë ngjallur kureshtjen e kafazierëve të tjerë. Befasia ka qënë shumë e madhe kur i kanë takuar sepse janë shumë të ndryshëm.
Në balotazh kanë dalë Ariola me Enverin dhe shumica e banorëve kanë votuar kundër Ariolës. Asaj i erdhi shumë keq që u largua dhe që nuk arriti të shfaqte plotësisht veten. Por kjo është lojë dhe ajo i ka pranuar rregullat e saj që në fillim. Në vazhdim do të shohim sesi do të zhvillohet jeta në kafaz pa Ariolën por me dy antarë të rinj.

[no name]

E ndjeka sonte kafazin e arte, dhe me erdhi keq per Ariolen qe doli nga dhoma

[Dj-GabrieL]

Miri ke filluar korespondent i Kafazit te Arte

Nejse,per sa i perket kafazit.Nuk para e kam ndjekur vazhdimisht,e kam ndjekur kur kam pas kohe te lire nga pak.Por ajo qe dua te them eshte se ai Beni eshte shume njeri antipatik ne ate shtepi.Per mua ai duhet te dal javes tjeter.

[marsela]

Un pashe ca fragmente sot:-)//Pritej te ikte Arjola.Ai Turi me duket idiot fareperkrahja qe gezon nga mesazh shkruesit tregon pak a shume edhe se c`pjese e njerzve e ndjekin kafazin.Po Enki me Genin me ato belbezimet ashtu..lol..sa shpejt u ndikuan aman..
Per mua e fiton Beni ose Enki..Edhe pse per te dy nga aq pak sa kam pare e lexuar kam antipati

[engjulli_peje^]

Banorët e rinj

Banorët e rinj sapo kanë hyrë në kafaz janë miqësuar me të tjerët dhe kanë filluar nga shakatë. Meqënëse numri i meshkujve është shtuar në kafaz dhe krevatat në dhomën e tyre nuk dalin për të gjithë, Enveri u detyrua të flë në dhomën e vajzave.

[EnRy]

Un pashe ca fragmente sot:-)//Pritej te ikte Arjola.Ai Turi me duket idiot fareperkrahja qe gezon nga mesazh shkruesit tregon pak a shume edhe se c`pjese e njerzve e ndjekin kafazin.

Nuk eshte ashtu sic mendon ti po Turi thjesh eshte per ate lloj jetese te mbyllur sepse nuk e vret shum mendjen.
Dihet qe kafazin do e fitoje ai do te jete me i duruar dhe nuk merzitet me ate lloje jetese te mbyllur.

[engjulli_peje^]

Nis java e dytë në “Kafazin e Artë”

Nis java e dytë në “Kafazin e Artë”, ku sërish në garë janë tetë personazhe. Kafazierët janë zgjuar të lodhur sot, pasi nata e djeshme ka qenë vërtetë e lodhshme për ta. Albani dhe Elbisi janë dy personazhet e rinj, që i janë shtuar lojës së “Kafazit të Artë”, ndërkohë, që Ariola është larguar gna loja. Enveri sot ka fjetur ne dhomën e vajzave, në krevatin e Ariolës, pasi numri i djemve është shtuar në shtëpinë e “Kafazit të Artë”. Banorët po lëvizin nëpër shtëpi, ndërsa Albani ka provuar palestrën.

Biseda të qeta në dhomën e vajzave

Banorët janë mbledhur të gjithë në dhomën e vajzave. Muhabetet kanë qenë nga më të ndryshmet. Beni ka treguar për punën e tij dhe për natyrën e njerëzve në Pukë, vend nga ai është. Ndërkohë Arturi ka qëndruar në tualet, ku ka larë rrobat e tij. Gloria dhe Enveri nuk kanë lëvizur nga shtrati. Banorët e rinj, Albani dhe Elvisi janë ambientuar lehtë me banorët e tjerë, ata kanë hyrë mjaft lirshëm në biseda me ta.

Albani shprehet se me hyrjen e tij ne Kafaz ka nisur loja

Arturi, Albani dhe Elvisi janë ngjitur në tarracë, ku kanë biseduar me njëri-tjetrin. Albani i ka thënë Arturit se do ta votoj nëse ai kalon javës tjetër në balotazh, por Turi i ka thënë se nuk ka nevojë për kompromise të tilla. Albani ka propozuar të këndojnë këngën “Te rrapi në Mashkullorë”. Më pas Albani dhe Elvisi nisën të flasin prapa krahëve për Benin, ku thënë se Beni e kërkoi vetë armiqësinë, sepse sipas Benit ata u treguan armiqësor sapo erdhën në shtëpi. Por sipas Albanit tani ka filluar loja e vërtetë në Kafaz për Benin. Për Albanin tani ka nisur loja se ka ardhur përbindëshi. Albani ka thënë se “Beni kujton se është i zgjuar dhe u morr gjithë javës me Turin. Unë e kam kuptuar tipin e Benit, që ditën e parë. Për kafazierët loja ka filluar sapo unë hyra brenda. O është mashtrues Beni o nuk ka njeri. Ai nuk është ai njeri, që është jashtë, ai është fallco”, ka thënë për Benin Albani. Edhe Elvisi e ka mbështetur Albanin. Albani ka vazhduar duke thënë se “unë kam njohur dy vajza nga Puka, Beni është vajza e tretë. Por Turi nuk e ka kuptuar këtë. Turi dhe Enveri janë më të drejtët në kafaz”. Nga ana tjetër Diana dhe Beni bisedojnë për dy kafazierët e rinj. “Këtë javë unë do rri i qetë”, ka thënë Beni.

Ndizet atmosfera ne Kafaz

Albani ka kënduar këngë dashurie shqiptare për kafazierët. Ndërkohë që Beni është ankuar se sa ka ardhur Albani në Kafaz ka shpallur një sulm të hapur ndaj tij. Dhe është ndjerë shumë keq. Enki këtë paradite është marrë me pamjen e saj, ndërsa të tjerët kanë qëndruar në kuzhinë. Tingujt e muzikës kanë bërë që kafazierët të ngrihen të gjithë për të dëfryer. Ata kanë lëvizur sa nga kuzhina në korridor, ndërkohë që më pas me grupin është bashkuar edhe Enki.

Në Kafaz po krijohen dy klane

Enki po përpiqet të mësojë papagallin të thote fjalën “Kafaz”. Me të është afruar dhe Gloria, por deri më tani rezultati është zero. Gjithsesi ata kanë një javë kohë për ta mësuar. Albani dhe Elvisi kanë provuar pishinën me hidromasazh dhe më pas kanë marrë rreze. Bisedat mes tyre kanë vijuar rreth Benit dhe sjelljes së tij ndaj Turit deri më tani. Por gjërat tani e tutje do të ndryshojnë sipas tyre. Të gjithë kanë hyrë në Kafaz për të luajtur dhe nuk kanë përse të sillen në këtë mënyrë kanë shtuar ata. Ndërkohë të tjerët kanë menduar se çfarë do të gatuajnë për drekë. Beni ka kërkuar supë për drekë, por Enki ka propozuar pastiço. Diana me Benin kanë diskutuar për ardhjen e dy personazheve të rinj. Siç duket në Kafaz po krijohen dy klane. Albani ndërkohë ka treguar dhe për një lidhje të tijën pesë vjeçare me Evisin. Beni ka ngacmuar Glorian duke i thënë se Enveri e ka qejf atë.

Kafazierët bisedojnë në tarracë

Vajzat janë mbledhur bashkë, ndërsa gatuajnë dhe kanë diskutuar rreth dy personazheve të rinj. Sipas Dianës ai që do dalë i pari është Albani. Ajo po bën plan që gjithë vajzat të votojnë kundra tij. Në tarracë kafazierët kanë debatuar për fjalorin e përmbajtur, që duhet të kenë gjatë qëndrimit të tyre në Kafaz. Albani ka treguar për jetën e tij. Ai ka rrëfyer lidhjen e tij pesë vjeçare me Inën, të cilën ende e dashuron. Gloria i ka thënë se Albani do të rilidhet me ish të dashurën e tij.

Banorët lahen në pishinë

Banorët janë larë në pishinë. Beni me Enverin kanë qenë ata, që i kanë bërë për të qeshur të gjithë, kur kanë futur Turin në pishinë. Situata e krijuar ka sjellë humor në Kafaz, pasi një pjesë e tyre kanë qenë me rroba. Ata kanë kërcyer me rroba të lagura, ndërsa më pas kanë zbritur për të ndërruar rrobat. Enki me Glorian janë ulur në dhomën e vajzave dhe bisedojnë për meshkujt e Kafazit. Për to është e rëndësishme të kalojnë mirë në shtëpi me njëri-tjetrin. Enki është shprehur se pëlqen më shumë njerëzit e qetë dhe se nuk i ka qejf, kur disa gjatë gjithë kohës bëjnë humor. Asaj i vjen pak inat që është ‘qaramane’, po ky është tipi i saj, i ka treguar ajo mikes së Kafazit, Glorias. Ato kanë folur për natyrën e femrave dhe meshkujve në përgjithësi. Enki ka treguar për shoqërinë e saj, ndërsa Gloria ka thënë se miqtë e saj më të mirë janë familja e saj. Në bisedë është afruar më pas edhe Diana.

Noti, sporti i preferuar i Dianës

Kafazierët janë ulur rreth tavolinës, ku kanë biseduar për sportet e ndryshme. Diana është shprehur se pëlqen shumë notin. Edhe djemtë, që më së shumti pëlqejnë futbollin, kanë rënë dakord, që noti është një sport që ta mban trupin në formë më shumë se çdo lloj sporti. Turi është shtrirë në dhomën e djemve për të fjetur gjumë. Enki ka përgatitur sallatë me fruta për banorët e tjerë, ndërsa Gloria është marrë me përgatitjen e drekës. Turi më pas është bashkuar me kafazierët e tjerë dhe kanë bërë shaka të ndryshme. Beni është larguar nga kuzhina duke mos u përshtatur dot me bisedën, që bënin Albani dhe Evisi. Ai është shtrirë në dhomën e gjumit, ku e kanë ndjekur dhe Diana me Enverin.

Gjëndje e acaruar në kafaz

Banorët janë duke u çlodhur pas dreke në sallonin e shtëpisë duke diskutuar për gjëra të ndryshme. Sot është dita e parë pa Ariolën në shtëpi dhe dita e parë me dy banorë të rinj në kafaz. Nuk afrohen shumë me pjesën tjetër të grupit ose ata vetë nuk i afrojnë shumë. Ajo që bie më shumë në sy është Arturi i cili një ditë më parë rrinte i vetmuar ndërsa sot e afrojnë të gjithë. Enveri me Gloriën si gjithmonë janë të buzëqeshur dhe në humor. Por jo çdo gjë shkon vaj, Beni konfliktohet me Albanin, ai e quan banorin më të ri të kafazit mashtrues që e njeh gjithë Tirana, Diana i mban krahun Benit. Gjëndja acarohet shumë në kafaz.

Beni preket dhe fillon të qajë

Sherri vazhdon në “Kafazin e artë”. Albani i ka thënë Benit pederast, sepse nuk i ka pëlqyer mënyra sesi ai ka kërcyer apo sesi ai ka imituar rolin e prostitutën dhe kaq është dashur që të shkëmbejnë batuta fyese për njëri-tjetrin. Por Beni është prekur shumë nga fjalët e tij fyese dhe ka shpërthyer në lot. Diana është përpjekur ta ngushëllojë duke i thënë se Albani e sulmon se e shikon si kundërshtarin më të fortë në kafaz. Ajo mendon se njeriu duhet të bëhet më i fortë kur e sulmojnë dhe ai nuk duhet ta lëshojë veten, i premton që do ti dalë gjithmonë në krah. Me ta bashkohet dhe Turi me Glorian të cilët i mbajnë anën. Enki qëndron asnjanëse.Vendosin të hanë drekë dhe ulet të gjithe rreth tavolinës por pa diskutuar si më parë.

Beni nuk është kundërshtari kryesor
Elvisi dhe Albanit u është puqur muhabeti që natën e parë që kanë hyrë në kafaz. Pasi Albani u zu me Benin shkoi në dhomë për ta diskutuar me Elvisin gjendjen e krijuar. Ata mendojnë se vetëm femrat qajnë dhe se Beni u tregua i dobët që qau. Për Dianën kanë pasur respekt se u është dukur burrneshe dhe femër e fortë por që kur i mbajti anën Benit është bërë e padurueshme. Ndërsa Enki me Glorian janë shumë goca të mira dhe simpatike për më tepër Glorian e quajnë top modelen e kafazit, Enveri nuk para flet ndërsa Turin e kanë fiksim. Albani nuk e konsideron Benin kundërshtarin kryesor por nuk e duron dot kur ai bën si i zgjuar dhe si lider i grupit.Ndërkohë vajzat pastrojnë shtëpinë, fshinë, lajnë dhe marrin pluhrat.

Papagalli duhet të mësojë emrin “kafaz”

Elvisi me Albanin janë zhvendosur në tarracë, për pak kohë me ta është bashkuar dhe Arturi por nuk ka ndenjur shumë dhe ka zbritur përsëri në sallon ku ndodhen të tjerët.Të gjithë së bashku përpiqen ti mësojnë papagallit emrin “kafaz” i cili përbën sfidën e kohës që u ka mbetur në kafaz. N.q.s papagalli thotë fjalën kafaz a.t.h banorët mund të kërkojnë ç’farë të duan. Por papagallit duhet ti flasësh me delikatesë, me butësi dhe kur nuk i pëlqen një person i ngrihen puplat përpjetë prandaj duhet të bëjnë shumë kujdes kur i afrohen.Më pas kanë diskutuar përsëri për largimin e Genit nga kafazi. Beni me Dianën mendojnë se të gjithë fansat e Genit tani votojnë atë sepse është pikërisht ajo që u prek më shumë nga largimi i tij dhe i qëndroi më afër nga të gjithë. Duket se Enkit i pëlqen shumë të flasë për Genin.

Dy dele, dy dele treqind pare

Me këngën “Dy dele, dy dele treqind pare”, Albani dhe Elvisit kanë shprehur talentin e tyre në të kërcyer, duket se dhe u pëlqejnë shumë këngët popullore. Por nuk kanë mjaftuar me kaq, ata kanë kërcyer të gjitha këngët që janë dhënë në sfond. Por asnjë nga kafazierët e tjerë nuk ka kërcyer me ta. Ata vazhdojnë të qëndrojnë më vete dhe duket se në këto momente kafazierët janë ndarë në dy grupe. Në mbrëmjen e djeshme Enveri ka fjetur në dhomën e vajzave ndërsa sot është Beni ai që do të flë në dhomën e vajzave dhe këtë e ka vendosur pas konfliktit që ka pasur me Albanin gjatë gjithë ditës së sotme.Gloria këndoi këngë të ndryshme anglisht për kënaqësi të banorëve të tjerë të kafazit. Të gjithë e dëgjojnë me kënaqësi

Historia e fundit e dashurisë

Banorët e “Kafazit të artë” janë mbledhur në tarracën e shtëpisë për të treguar historinë e fundit të dashurisë. Por jo të gjithë janë rrëfyer.

Albani

Dashuria më e madhe e jetës sime ka zgjatur 5 vjet. Kur e kam njohur i kam falur një trëndafil. Ja kemi kaluar shumë mirë së bashku dhe ka qënë faji im që jemi ndarë. Do të ishte fat i madh për mua të kthehesha me atë femër. E kam takuar para se të hyjë në kafaz dhe më kanë dhënë fjalën se do të jetë tifoze me mua.

Elvisi

Me familjen e nuses kemi pasur hyrje dalje familjare. Ajo ishte 16 vjeç dhe unë nuk doja ti bija në sy që e doja. I shkoja shumë shpesh në shtëpi dhe nuk shkëmbenim veçse ndonjë puthje të vogël. Por rashë shumë në sy dhe një ditë vendosa të shkoja ti kërkoja dorën se bashku me babanë tim. Nuk ma dhanë fjalën menjëherë. Megjithatë u fejuam dhe pas katër vjetësh u martuam. Kemi dhe një vajzë të vogël të cilën e dua jashtëzakonisht shumë.

Arturi

Nuk dua të flasë për histori dashurie. Nuk jam tip që tregojë.

Vazhdojnë të tregohen historitë e dashurisë në “Kafazin e artë”

Beni
Unë jam dashuruar më shumë se një herë në jetë. Por sa herë që jam larguar më shumë se 1 muaj ose 2 muaj prej tyre jam ftohur dhe nuk kam ndjerë më gjë. Megjithatë njërën prej tyre e kam prezantuar dhe me të shtëpisë. Kishte muhabet shumë të ëmbël gjatë gjithë kohës shkëmbenim sms. Intelekti ishte ajo që vlerësoja më shumë tek ajo vajze. Por iku jashtë shtetit dhe kur je larg syve larg zemrës gjërat ftohen gradualisht.
Diana
E kam njohur në shoqëri aktualisht ndodhet jashtë shtetit. Më shumë nuk dua të flasë më tepër.
Gloria
Nuk kam qënë kurrë e lidhur më një djalë megjithatë po ju tregojë se një djalë që më ka propozuar ka qënë shumë i sinqertë por unë nuk e kam dashur.
Enki
E kam sekret dashurinë time dhe nuk ja tregoj njeriu.
Enveri
Dashuria për mua është kur fantazon për diçka. Vlerësoj më shumë bukurinë e brendshme te një femër dhe jo bukurinë e jashtme.

Sekreti i Arturit

Arturi e merr mënjanë Benin dhe i tregon një sekret. Ai dëshiron të flasë me Dianën dhe kërkon ndihmën e Benit. Ai ka menduar ti dhurojë një trëndafil dhe çokollatë. “Do ti bëj flokët me xhel dhe do të vesh xhinse kur të takojë Dianën nesër, dua të pajtohem sepse nuk dua të dalim të zemëruar me njëri-tjetrin nga kafazi,”- i ka thënë ai Benit. Ai e vlerëson shumë Dianën por nuk provon për të veçse simpati dhe nqs i dashuri i sa ose i vëllai bëhen xheloz ai nuk ja bën dhuratën.Mbrëmja ka vazhduar me acarime të shumta midis Albani, Elvisit dhe pjesës tjetër të kafazit. Enki u ka thënë haptas të gjithëve se nuk i pëlqejnë kunjat dhe ofendimet dhe mqs janë të detyruar të rinë të gjithë në një shtëpi duhet të sillën mirë.Beni ka imituar sesi kërcen Albani dhe kjo ka shkaktuar shumë të qeshura. Arturi i tregon dy të rinjve se dhe shakaja e ka një kufi por ata nuk i marrin parasysh fjalët e tij