Kafazi i Artë 5

[strange]

Geni ishte me i miri aty, dhe e deshmoi ate me largimin e tij nga kafazi ska faj ai, me ata njerz si diana nuk qohet jeta e ve ne provokim turin si sdi si te them fol shum nuk thote asgje me vler vetem ofendon. Turi me dhimet se nuk di cfar tju thote e kan marr inati te gjithe asnjeri nuk i fol si njeri te gjithe i bertasin ska qa te baj i mjeri ndersa Dianes i duket vetja si qika presidentit ven rregulla aty. edhe beni eshte 1qik mendemadh.

[engjulli_peje^]

Dita 6 7/5/07

Ariola, e para që zgjohet në Kafazin e Artë

Ariola është zgjuar e para sot në shtëpinë e “Kafazit të Artë”. Ajo është ngjitur në tarracë për të pastruar. Ndërkohë nga çunat është zgjuar edhe Arturi, i cili ka bërë një dush. Kafazierët e tjerë vazhdojnë të flenë. Ata kanë qëndruar zgjuar mbrëmë deri afër mëngjesit. Pikërisht si pasojë e ndenjjes deri vonë këto ditë banorët e kanë pasur të vështirë të zgjohen në mëngjes.


Beni kurioz për ish lidhjen e Enkit

Më së fundi të gjithë kafazierët janë zgjuar dhe po vijnë vërdallë nëpër shtëpi. Diana po gatuan mëngjesin. Një bisedë është zhvilluar mes Dianës dhe Benit ku ka qenë në qendër Enki dhe ish lidhja e dashurisë së saj. Beni ka qenë mjaft kurioz të dijë më shumë për vajzën simpatike dhe i ka bërë shumë pyetje shoqes së saj të ngushtë. Më pas Beni ka bërë dush dhe ka bërë muhabet me Glorian që ishte në tualet, ku kanë diskutuar për personin që mund të iki këtë javë.

Beni magjepset pas kërcimit të Glorias

Sfilata është bërë përsëri pjesë e argëtimit të kafazierëve. Nën ritmet e muzikës, Beni ka kërcyer e sfiluar, ndërkohë që ka marrë përqendrimin e gjithë kafazierëve. Pas tij ka qenë radha e Glorias. Dhe kërcimi i Glorias e ka magjepsur tërësisht Benin. Më pas Gloria ka sfiluar me Turin, ndërkohë që edhe Ariola ka bërë për herë të parë një sfilatë në Kafaz. Të tjerët kanë duartrokitur sfidantët dhe kanë mbështetur ata. Vallëzimi dhe këngët kanë shoqëruar kafazierët në tarracë.

Nisin diskutimet për shown e së martës

Banorët e “Kafazit të Artë” kanë ngrënë mëngjesin e përgatitur nga Diana dhe më pas janë ngjitur në tarracë. Duke mos u pëlqyer koha pak e vrenjtur, ata kanë zbritur sërish në kuzhinë, ku nën ritmet e muzikës ata kanë kërcyer dhe dëfryer. Turi sot nuk ka qenë aspak i zhurmshëm, madje ka rënë në një qetësi. Enveri dhe Beni kanë biseduar për ardhjen e ditës së martë, që është show dhe duket që po e presin me pak ankth. Beni ka treguar procedurën që ndiqet çdo edicion në Kafaz. Më pas me ta është bashkuar dhe Turi, po ai nuk është ndjerë fare. Çunat janë ankuar për kohën e paqëndrueshme.

Lojëra, kërcim dhe teatër në Kafaz

Loja e njohur me karrige, ku lojtarët rrotullohen rreth saj, ka qenë argëtimi i radhës për kafazierët. Arturi ka mbetur i pari pa karrige, ndërkohë që Gloria është shpallur fituese. Të qeshura dhe hare kanë pasuar, ndërkohë që triumfuesja është mbajtur më pas në kurriz nga Beni. Nën tingujt e muzikës kafazierët kanë kërcyer, por Ariola dhe Turi nuk janë bashkuar me të tjerët. Gloria dhe Diana kanë vendosur maska gjatë kërcimit, gjë që i ka argëtuar mjaft ato. Ato madje kanë improvizuar skena të ndryshme humori, duke imituar disa pjesë humoristike të njohura.

Tarraca, skena e provave të tangos

Kafazierët janë rehatuar në tarracë, ku kanë biseduar për çështje të ndryshme. Ata kanë komentuar mesazhet e publikut, të cilat i lexuan mbrëmë dhe kanë qeshur me to. Mesazhi drejtuar Dianës, që e cilësonte “vajzë seksi”, ka qenë më i komentuari prej tyre. Ndërkohë ata janë bërë çifte; Turi me Ariolën, Diana me Benin dhe Gloria me Enverin dhe kanë bërë prova për tangon. Enki nuk ka pasur partner dhe nuk është përfshirë në aktivitet me të tjerët.

Enki, gatuan pulë për drekë

Kafazierët kanë ngrënë për drekë pulën e gatuar nga Enki. Ata janë ankuar se pula nuk ishte pjekur shumë, kështu që e kanë futur sërish në furrë atë. Gjithsesi banorët e kanë falënderuar Enkin për ushqimin. Arturi është shtrirë për të fjetur, ndërsa të tjerët kanë vazhduar bisedat në kuzhinë. Beni përsëri e ka ngacmuar me humor Dianën për mesazhin, që i ka ardhur nga publiku “Diana, je seksi e paparë”. Ata kanë qeshur dhe janë marrë më pas me pastrimin e shtëpisë.

Diana i tregon Benit jetën e saj

Pas drekës Gloria ka larë enët, ndërsa vajzat e tjera kanë shkuar në dhomën e tyre. Ariola është shtrirë për të fjetur, ndërsa Enki po shkruan në ditarin e saj. Më pas ajo i ka treguar mikeshës së saj, Dianës se çfarë kishte shkruar në të. Turi në dhomën e çunave lexon anglisht, kurse Beni dhe Enverin po qëndrojnë në tarracë, ku kanë biseduar për çmimet në Maqedoni. Beni e ka pyetur djalin nga Shkupi edhe për familjen e tij, shtëpinë dhe jetesën. Më pas në tarracë ka shkuar dhe Diana, e cila ka treguar për babain e saj. Beni ka treguar pastaj për punën e tij dhe kanë folur për vëllain e Dianës, që është shok me Benin. Diana ka treguar që është shumë e pavarur dhe nuk i jep njeriu llogari për jetën e saj. Edhe Arturi ka ardhur të dëgjojë rrëfimin e Dianës.

Sëmundjet seksualisht të trasmetueshme

Biseda e pasdrekes ka qënë shumë serioze. Duket se temat sociale po bëhen shumë të kërkuara në kafaz. Kanë folur rreth sëmundjeve infektive dhe kryesisht për sidën. Ariola mendon se shumica e njerëzve sidomos ata që infektohen nuk kanë as kulturën e as edukatën e duhur seksuale dhe nuk përdorin mjete mbrojtëse. Kanë treguar histori të ndryshme rreth kësaj sëmundje të tëmershme të cilat kanë ndodhur këtu në Shqipëri. Enki mendon se gabimi i parë është i mashkujve sepse jepen kollaj dhe nuk pyesin se me cilën shkojnë në shtrat qoftë dhe vetëm për një natë. Beni është fobik përsa i përket sëmundjeve infektive seksualisht të transmetueshme. Gloria dhe Enveri janë në një mendje për sa i përket se është prindi ai qe ndikon në jetën e fëmijës, në edukatën e tij.

Poezi dashurie

Enki ka recituar një poezi të vetëm për kënaqësinë e shokëve që e rrethojnë. Të gjithëve u ka pëlqyer shumë poezia e dashurisë dhe e kanë duartrokitur. Kanë diskutuar përsëri për seksin, tema e preferuar e kafazierëve.Beni dhe Diana janë në një mëndje se seks pa dashuri ka por dashuri pa seks nuk ka. Ka ardhur orari i provave të tangos dhe të gjithë janë angazhuar për ti bërë lëvizjet sa më mirë . Vetëm Enki ka mbetur pa partner që kur Geni doli nga kafazi. Ajo dhe në mbrëmjen e djeshme është shprehur se ja ndjen shumë mungesën Genit. Nuk janë lodhur duke provuar dhe riprovuar nga e para, lëvizjet e tangos. Janë të vendosur të fitojnë bonusin e javës.

[engjulli_peje^]

07/05/2007 -ora- 19:00
Kam respekt për ty

Pasi janë lodhur së kërcyeri tango janë shpërndarë nëpër shtëpi në dy grupe. Beni, Diana, Enveri, Enki dhe Gloria janë mbledhur së bashku. Ndërsa Ariola bën palestër dhe Arturi i bën shoqëri asaj.Biseda vërtitet rreth hyrjes së Arturit në kafaz, shumica e tyre nuk e pëlqejnë dhe konfliktohen herë pas here me të. Beni përpiqet të pajtojë Dianën me Arturin por është e pamundur. Dianës nuk i mbushet mëndja se ai mund të ndryshojë dhe i thotë përsëri se nuk i flet një personi si puna e tij, që rren, që është konfliktual. Arturi largohet i ofenduar dhe deklaron se nuk dëshiron miqësi me zor më mirë pranon të rri vetëm megjithëse ka respekt për Dianën dhe dëshiron ti flasë me të.


Neser Pritet Spetakli i madhe ku Nje Perej Kafazieret Do te Elemeinihet

[_Elena_]

Ca eshte ky show?
Mos eshte si Big Brother?!
Nuk di ca te them pasi se kam pare dhe se kam iden per cfare behet fjale aty
Fitofte me i miri

[engjulli_peje^]

Diana rrëfen për jetën e saj intime

07/05/07 Ora 20:30

Diana rrëfen haptas për jetën e saj intime. I dashuri i saj jeton jashtë shtetit dhe Diana tregon se ai e ka tradhtuar por përsëri e pret . Beni se pranon këtë lloj situate dhe i thotë se nuk është normale që një vajzë që e tradhton i dashuri ta pres akoma. Ajo nuk dëshiron të flas më tepër për këtë histori dhe ndoshta kur të dalin nga kafazi do t’ja shpjegojë me imtësi.
Si gjithmonë Beni organizon lojra gazmore, kësaj rradhe ka dalë në korridor dhe ka propozuar Enkin. Batutat kanë qënë të ndryshme, kanë imituar atë kategori femrash të cilat lidhen me meshkujt vetëm për interes. Pjesa tjetër dëgjojnë me shumë interes ndërsa merren dhe punë të tjera. Arturi nuk bën pjesë në grup, ai shëtit i vetmuar nëpër shtëpi.
Diana i bën flokët me kaçurrela Glorias.

[engjulli_peje^]

Spikat performanca e Glorias dhe e Enverit

07/05/07 Ora 21:02

Banorët e “Kafazit të artë” po bëjnë përgatitjet e fundit për të pritur Kozeta Bakiun dhe dy balerinët. Benit i kanë humbur shapkat dhe i kërkon nëpër shtëpi, ai pyet dhe Enkin por nuk e ndihmon njeri.
Vajzat kanë bërë tualetin e mbasdites ku spikat performanca e Glorias, e cila i ka bërë flokët kaçurrela, ka veshur një minifund shumë fëminor dhe një bluze të zezë pa mëngë. Por dhe Enveri nuk mbetet pas, ka kaluar më shumë se 10 min para pasqyrës dhe është veshur me të bardha. Të tjerët janë më të thjeshtë dhe nuk e vrasin shumë mëndjen se ç’farë do të veshin. Mblidhen të gjithë në sallon dhe presin zysh Kozetën dhe Enverin,i cili po i jep dorën e fundit ballukeve. Zysh Kozeta hyn në kafaz dhe i përshëndet të gjithë banorët përzemërsisht. Provat fillojnë.

[dibrani2006]

Diana eshte lope mali me gjith Benin ai duket si motor i prishur kal Puke tregon vetem fantazira asgje tjeter kurse te tjeret jane pak sa te ndregjegjeshem ne vetveten ENKI eshte sexsi dhe simpatike Enveri nga do njehere behet si femije Turi eshte shume i thjeshte akoma nuk ka zene nje shok por mendoj qe do ta kerkojne nese ndodh ndonje gje me interesante sepse eshte i drejte Gloria me shume i pelqen te kendoje dhe kafeja por nuk eshte e keqe Artiola eshte pak sa ne mendime ndoshta pse ka nje femije dhe i mungon.

[engjulli_peje^]

Dita e 6 07/05/07

Kërcimi në tarracë

Kozeta Bakiu ka nisur provat në “Kafazin e artë” dhe është shumë e kënaqur nga arritjet e banorëve të kafazit. Vërejtjet e saj konsistojnë vetëm në anën interpretative. Kafazierët duhet të impenjohen më shumë për anën aktoriale të kërcimit, mënyrën e mbajtjes së trupit, etj. Beni ka ndëruar partnere, nuk kërcen më me Dianën por ka zgjedhur Glorian. Enki është sërish vetëm dhe kërcimi i tangos siç thotë ajo i kujton shumë Genin. Pushimin e rradhës e kanë bërë në tarracë, në ajër të pastër. Aty kanë pasur mundësi ti bëjnë pyetje të ndryshme zyshës, kryesisht rreth baletit, shkollës, se si mund të bëhesh balerinë, ç’farë kriteresh duhen etj. Madje dhe balerinët që shoqërojnë Kozeta Bakiun kanë ngjallur kuriozitetin e kafazierëve dhe janë bombarduar me pyetje prej tyre.Pas pushimit prej 10 minutash, provat kanë filluar sërish, kësaj rradhe në tarracën e shtëpisë, nën dritën e yjeve. Çifti më i saktë kanë qënë Ariola me Turin.

Përsëri makarona për darkë

Kozeta Bakiu largohet me përshtypjet më të mira nga “Kafazi i artë”. Banorët e përshëndesin me dashuri dhe kthehen në sallon, i cili duhet rregulluar në mënyrë që të marrë pamjen fillestare. Më pas ata diskutojnë se ç’farë duhet të gatuajnë për darkë, por edhe këtë mbrëmje nuk kanë shumë alternativa dhe janë të detyruar të bëjnë përsëri makarona. Kuzhinjeria e rradhës është Gloria.Në pritje të darkës janë mbledhur rreth tavolinës dhe mendojnë se si ta bëjnë sa më interesante mbrëmjen. Komplimentet që i bëjnë njëri-tjetrit janë shumë interesante duke filluar që nga “je si shpirt”, “t’a hëngsha zemrën”, “je si yll”, “o mirditore o hiç fare” etj.Nuk mungojnë dhe këngët shqiptare të cilat kafazierët tanë të dashur i kanë shumë qef.

Incident në “Kafazin e artë”

Diana këndoi këngë të qytetit të saj të lindjes, Mirditës por në mënyrë shumë gazmore si p.sh “O mirditore a ke frena dore”. Në momentin që këndonte Diana kishte hipur në një karrige dhe Enki i tërhoqi karrigen dhe ajo u rrëzua përtokë. Por ndërkohë që të tjerët po qeshnin me të madhe ajo filloi të qante. Enki u ndje fajtore dhe i kërkoi të falur më shumë se një herë.Pasi e mori veten Djana, Beni krijoi një situatë të tillë gazmore që ajo ra përseri në shesh së bashku me Enkin dhe me atë vetë. Pasi mbaruan darkën dhe pastruan ambientin vendosën të ngjiten në tarracë të flasin për gjëra intime si p.sh kush ka qënë historitë më zhgënjyese në jetën e tyre.

[engjulli_peje^]

Dita E Show 8/5/07

Dita e show-ut mbërrin në “Kafazin e Artë”

Arturi është zgjuar i pari nga gjumi dhe ka zënë të rregullojë krevatin e tij. Ndërsa nga vajzat ka qenë Ariola, e cila po lan enët e darkës së djeshme. Më pas është zgjuar edhe Diana. Ajo ka vizituar djemtë në dhomën e tyre dhe ka qenë Diana që i ka zgjuar nga gjumi. Ajo është ulur tek krevati i Enverit dhe ka biseduar pak me atë. Pastaj në bisedë është përfshirë edhe Beni. Ndërkohë është zgjuar dhe Enki me Glorian. Enki po rregullon dhomën e saj. Për një prej tyre sot është dita e fundit e qëndrimit në “Kafazin e Artë”, ndërkohë që dy banorë të rinj do të hyjnë në mbrëmje

Arturi i bën komplimenta Glorias

Kafazierët janë marrë këtë mëngjes me rregullimin e shtëpisë pas rrëmujës, që kanë bërë dje në mbrëmje, me provat e tangos dhe me lojërat që kanë organizuar. Ndërkohë që Beni do lahet në dush Enki po pret radhën. Ariola pastron shtëpinë, ndërkohë Gloria po mendon çfarë të veshi sot në mbrëmje, që do të jetë show. Edhe këtë mëngjes Arturi i ka bërë komplimenta Glorias, të cilën ai e vlerëson më shumë nga gjithë banorët e tjerë. Ai i ka thënë asaj, se është një vajzë me botë.

Beni përgatit planin e paradites

Kafazierët janë mbledhur më në fund të gjithë në kuzhinë dhe Diana me Ariolën kanë filluar të përgatisin mëngjesin. Bisedat janë fokusuar tek mbrëmja e sotme. Dëshira për të dalë sa më mirë, por edhe për të vazhduar lojën janë ndjenja që do t’i shoqërojnë sot banorët. Ata janë në merak, se kush nga familjarët apo miqtë do t’u vijë në shoë-n e mbrëmjes. Gloria ka hedhur idenë të dalin të marrin reze në tarracë, por Beni e ka kundërshtuar duke thënë se sot duhet të ecin sipas këtij plani: së pari të diskutojnë për temën “Bashkëjetesë apo martesë”, të bëjnë provat e tangos dhe pastaj të pastrojnë shtëpinë.

Kafazierët diskutojnë temën “Bashkëjetesë apo martesë”

“Bashkëjetesë apo martesë” ka qenë tema e diskutimit, që ka rrëmbyer vëmendjen e kafazierëve. Diana ka qenë dakord për bashkëjetesën. Ndërsa Enveri ka qenë komplet kundër saj. Për Ariolën bashkëjetesa është një periudhë njohje, por martesa është më serioze dhe kjo i tremb njerëzit. Martesa është siguri për fëmijët. Ariola ka treguar se në situatën, në të cilën ndodhet do të preferonte bashkëjetesën. Enki mendon se martesa është e rëndësishme dhe shton dashurin mes çiftit. Enki ka qenë pro martesës. Ndërsa Beni mendon se i duhen dy vjet bashkëjetesë përpara se të martohet. Për të është mjaft e rëndësishme bashkëjetesa para martesës, ai e quan parapërgatitje martesore. Edhe Gloria është i të njëjtit mendim. Ndërsa Arturi thotë se në se bashkëjeton e ndahesh mashkulli në Shqipëri të ofendon dhe të paragjykon. Kjo temë ka sjellë edhe mendime për abortin.

Çmimi 10 mijë euro fut në debat Benin me Turin dhe Enkin .

Arturi ka thënë se nëse fitoj çmimin e parë do t’i jap njëmijë euro një shoqate, në mënyrë që t’i shërbej dikujt që ka nevojë. Ndërsa Beni e ka kundërshtuar dhe ka thënë se unë nuk ja fal asnjë njeriu ndërkohë që nuk e ka besuar as deklaratën e Turit. Çmimi i madh është bërë kështu temë debati në Kafazin e Artë. Beni ka thënë se nëse do organizoj një festë të madhe nëse fiton por nuk i jap lekë asnjë njeriu dhe aq më tepër atyre që më votojnë. Ata i falënderoj por më duket e tepër t’i dhurosh lekë dikujt. “Unë nuk fal lekë”, ka thënë kategorish Beni, i cili është acaruar me Arturin, sepse sipas tij Turi e bën për mashtrim, që thotë se do fal lekë. Beni është zënë dhe me Enkin, e cila ka thënë se biseda të tilla janë pa vlerë dhe se edhe ajo do të bëj një veprim si Turi, që t’i dhuroj dikujt lekë. Biseda është zhvendosur nga kuzhina në tarracë me të njëjtat tone. Enki e ka quajtur të djallëzuar Benin, dhe për herë të parë ka mbrojtur Turin.

Pas debatit kafazierët bisedojnë të qetë .

Kafazierët janë qetësuar pas debatit të shkaktuar mes Benit dhe Turit. Ata janë pajtuar me njëri-tjetrin. Gloria dhe Enki po marrin reze dielli në tarracë. Ndërkohë që Enveri me Benin po lahen në vaskën me hidromasazh. Turi është përpjekur të flejë gjumë në kuzhinë. Ariola po bën drekën, ndërsa Diana ka bërë një dush. Më pas në edhe Diana është ngjitur në tarracë dhe vajzat kanë biseduar për veshjet.

Ariola, kuzhunieria e “Kafazit të Artë 5”

Ariola edhe sot ka bërë kuzhinieren në shtëpinë e “Kafazit të Artë”. Ajo ka përgatitur drekën për kafazierët, ndërsa ata kanë qëndruar për një kohë të gjatë në tarracë. Më pas edhe Ariola është bashkuar me pjesën tjetër në tarracë. Ndërkohë që Arturi pasi është zgjuar nga gjumi ka ndenjur në dhomën e tij duke medituar. Enki i ka folur ashpër Benit, kur ai sërish ka komentuar dhuratën që Arturi do të bëj bamirësi, nëse do të fitojë “Kafazin e Artë 5”.

Kafazierët hanë drekën e përgatitur nga Ariola

Pas larjes në vaskën me hidromasazh dhe marrjes së rezeve te diellit në tarracën e “Kafazit të Artë”, Enveri është drejtuar për në palestër, ku është ushtrua duke bërë vrap. Beni e ka ngacmuar Arturin në lidhje me ndjenjat e dashurisë dhe ka treguar jetesën e tij në fshat. Më pas ata kanë ngrënë drekën e përgatitur nga Ariola, edhe pse ishte djegur pak.

Pasdreke e qetë

Diana bisedon me Enverin rreth femrave shqiptare dhe mënyrës sesi ato vishen. Ajo është dakort që femrat të vishen në mënyrë ekstravagante por kur ato janë elegante dhe jo kur janë të shëndosha. Enveri i ka qef femrat ekstravagante dhe që vishen bukur. Ndërkohë Gloria hekuros rrobat. Beni nuk është shumë në terezi ndoshta nga spektakli i natës së sotme. Enki lan enët e drekës në kuzhinë dhe Turi vin vërdallë nëpër tarracë krejtësisht i vetëm. Kafazierët i kanë zën ethet e darkës dhe nuk janë shumë në formë megjithëse përpiqen mos ta japin veten dhe bëjnë ndonjë shaka tek tuk.

Enki imiton Turin

Nuk e pranojnë shpesh Turin në muhabet dhe ai shumicën e kohës rri i vetmuar, parapëlqen tarracën dhe kësaj rradhe po e shijon vetminë e tij duke kënduar një këngë të Redon Makashit “Shko vajzë ti në rrugën tënde”. Gloria i ka rregulluar flokët Dianës, e cila mendon se n.q.s do dalë këtë mbrëmje të paktën të jetë e bukur. Beni dëshiron alegri, muhabet dhe diskutime, nuk mund ta shty gjithë ditën pa folur kështu që sa po vajzat bëhen pak aktive ja fillojnë muhabetit dhe shakave si gjithmonë. Enki imiton Turin dhe e bën aq bukur sikur të jetë aktore e vertetë.Enveri me Glorian nuk po marrin pjesë në bisedë, janë ulur të dy në një krevat dhe po lozin me zara. Ariola nuk bashkohet me grupin.

Ariola nuk ndihet mirë

Me Enverin dhe Glorian që luajnë me zara është bashkuar dhe Enki ndërsa Arturi bën palestër dhe Ariola ndodhet në kuzhinë. Beni me Dianën imitojnë një çift arixhinjsh dhe i përshëndesin të gjithë ata që i votojnë. Në një moment të caktuar të gjithë mblidhen në sallon dhe shqetësohen për Ariolën e cila nuk ndihet mirë dhe nuk merr pjesë aktivisht në bisedat dhe lojrat e ndryshme që bëjnë banorët e tjerë të kafazit.Më pas Gloria i bën masazh Enverit dhe diskuton me Enkin se ç’farë tualeti të bëjnë sot në darkë dhe ç’farë duhet të veshin. Enki ndërkohë ka shkuar të bëjë palestër. Shqetësimi i vetëm i kafazierëve është sesi do të dalin në provën e tangos dhe si duhet ta bëjnë tualetin etj.

Provat e tangos vazhdojnë

Megjithëse banorët e kafazit kanë qënë gjatë gjithë ditës në ankth dhe shumë të emocionuar për mbrëmjen e sotme, mbledhin forca për të bërë provat e fundit të tangos. Ata janë të sigurt që do t’a fitojnë bonusin e javës dhe mes të qeshurash gazmore vazhdojnë provat në tarracën e shtëpisë, në ajër të pastër.
Beni kërcen me Glorian, Arturi me Ariolën ndërsa Enveri kërcen herë me Dianën dhe herë me Enkin. Megjithëse u mungon një partner provat vazhdojnë me intensitet të lartë duke iu kthyer shumë herë të njëjtës lëvizje me dëshirën për të arritur përsosmëri teknike dhe interpretative. Më pas zbresin në shtëpi për të bërë dush dhe për tu veshur në mënryrë skenike për kërcimin e tangos.

[engjulli_peje^]

Dy Persona te Tjere Do te futen sot ne KAfazin e Arte.

Sipas Procedures Sot eshte dita ku nje Perj Kafaziert Duhet te Lere Kafazin.
Dhe Dy Persona Te tjere do te futen,Cilet do Te jen Ata , A do te Drsuhoj Ngjyra e Kafzit .Keto do ti shikojme ne Oret Ne vazhdim.Ne Show-in e dites se sotme , i Cili do je jepet Live ne oren 21:00 ne News24 Tv Arberia
Dhe MPT stacioni Komatar i Maqedonis.