Kafazi i Artë 5

[no name]

mire qe nuk mbrojte enveren thektho se do te kisha futur nje peshtyme :P lol !!!

Nuk mbaj anen e asnjerit , shikoj se kush e merito por kete vit ka qen katastrof!

[engjulli_peje^]

Pershendetje Te Gjithve !

Pra sipas tradites ai qe e hap Siparin Ai duhet Ta mbyll.
Ishte nje kenaqesi qe dham Informavionet e nje Reality Show ne Shqiperi
Pavarsishte ne Nivele shume te Dobta por Plot Emocione Grindje (Sharje)Biseda Benda shtepis se kafazit te arte 5

Sa per dianen Them se e k meritur Fitoren Se ka qen e Vetmja qe ka mundur ti bej Ball Vetes Durimi kultura dhe Krenaria e saj e beri ate Fituese ,

Ju Faleminderit Te gjith Juve QE morret Pjes ne kete Loje Dhe keni dhen Mendimet Tuaja Per baoret e Kafazit Te Arte 5.

Ujoj qe Kafazi Arte 6 Te Beje Zgjelljen e Duhur Te Banoreve Te Saje .

Faleiminderit Te Gjithve .

Me Respekt Saimiri

[Flori]

un ve bast qe e fiton (Diana)

kush ka nei bast LIVE ketu n`ven

[RaPSouL]

Enki: Jam e gëzuar, u rilidha me të dashurin

Ka zgjedhur të pushojë pas Kafazit në bregdetin e mrekullueshëm të Vlorës. Por nuk e kishte menduar që gjatë gjithë kohës do të ishte e rrethuar nga fansat. Njerëz që e ndalonin në rrugë për t’i marrë autografe, brohoritje dhe urime pafund. Kanë qenë emocione të pakrahasueshme, që Enkit, fitueses së vendit të dytë të edicionit të pestë të “Kafazit të Artë”, i fali pikërisht ky realit-show. Këto ditë të para për të kanë qenë të pazakonta. Nuk e kishte menduar, por tashmë po jeton me idenë e të qenit njeri publik.
Si ke kaluar këto ditë pas Kafazit?
Çfarë të them. Ndihem e mrekulluar. Kam qenë në Vlorë, në Fier dhe në Durrës, ku njerëzit më kanë bërë një pritje të mrekullueshme. Njerëz që më ndalonin dhe më përqafonin e kërkonin autografe. Janë mbresa të pashlyeshme. Në Vlorë, sidomos kemi dalë dhe qindra njerëz më janë afruar dhe më kanë përshëndetur gjithë dashamirësi. Ajo që më ra në sy, është se asnjë nuk më tha je sjellë keq. Por vetëm më kanë kritikuar përse nuk ja hoqa maskën Dianës dhe të tregoja të gjitha të vërtetat për të. Dhe nuk kanë qenë vetëm të rinj ata që ma thoshin këtë, por edhe intelektualë, jo si fëmijët që kanë pritur Dianën dhe grupin e saj.
A e kishe parashikuar këtë para se të hyje në Kafaz?
Unë i kam ndjekur edicionet e para të Kafazit dhe pak a shumë e dija që Kafazi do të më jepte famë. Por të them të vërtetën, asnjëherë nuk e kisha menduar në këtë shkallë. E kam thënë që Kafazi ishte eksperienca më e bukur e jetës sime dhe ende po eci me emocionet që më fali. Nuk e kisha menduar kurrë që do të ndihesha kështu.
Cili ka qenë momenti më i bukur që pas daljes nga Kafazi?
Jam rikthyer sërish me të dashurin tim, Baçin, që e kam përmendur shpesh në Kafaz. Ai më kërkoi të falur dhe e kam falur. Ai është shumë krenar për mua dhe ndihem shumë e lumtur. U ndava me të para se të hyja në Kafaz, pasi ai nuk ishte dakord me këtë gjë. Dhe ai më kishte ndjekur çdo ditë. Më kishte mbështetur gjatë gjithë kohës që isha atje dhe vetëm një gjë më tha dhe ai, si shumë njerëz që më takojnë rrugës, që përse u tregove aq e qetë me Dianën. Ajo nuk e meritonte sjelljen tënde të butë. Por tani gjithçka mbaroi. Unë ndihem shumë e lumtur për ata fansa që kam fituar, për ata njerëz që më përshëndesin gjithë dashuri dhe kjo është gjëja më e veçantë që Kafazi më fali.
Ç’mendon për Dianën, tani që ke dalë nga Kafazi?
Unë nuk e dija që ajo kishte folur me banorët e tjerë keq për mua. Nuk ma merrte mendja. Kur kam dalë kam mësuar të vërtetën. Sigurisht që nuk më ka ardhur aspak mirë. Pasi unë shpesh i thosha brenda, që fol Diana, më thuaj çfarë ke me mua dhe ajo nuk fliste. Pasi donte që të dilte si e mirë, kur në të vërtetë nuk është aspak e tillë. Të gjithë e kanë kuptuar këtë dhe shumë njerëz të njohur dhe të panjohur ma kanë vënë në dukje këto ditë, që i kam takuar. Vërtet Diana zuri disa miq të rinj, por ka humbur të gjithë ata që kishte, se asnjë nuk rri më me të.
A e vazhdon miqësinë me Albanin?
Sigurisht. Albani është i vetmi që më qëndroi pranë në Kafaz dhe i vetmi që më doli krah, kur shoqja ime më kishte kthyer shpinën për Benin. Kemi dalë me Albanin këto ditë dhe patjetër që do ta vazhdojmë miqësinë. Albanin unë e kam konsideruar vëlla dhe ai mua motër. Shumë njerëz e kanë paragjykuar këtë marrëdhënie tonën. Por unë nuk e kam quajtur asnjëherë shok atë, pasi një shok edhe mund ta kesh të dashur më pas, por dikë që e quan vëlla, kurrsesi. Dhe unë me Albanin jemi si motër e vëlla.
Çfarë ke menduar të bësh këto ditë. A i ke planifikuar pushimet?
Në të vërtetë, do të kem një surprizë këtë fundjavë për gjithë njerëzit. Por do ta rrëfej më vonë. Ndërkohë, javës tjetër do të shkoj në Mal të Zi për pushime. Më pas do të shkoj tek motra ime në Zvicër, ku më kanë kërkuar shumë shqiptarë që jetojnë atje. Ndoshta do të organizohet ndonjë koncert, ku unë do të jem mes tyre, dhe mbase edhe këndoj. Pastaj do të shkoj në Gjermani, tek babai im. Kështu që për pak kohë do të largohem nga kryeqyteti.

[RaPSouL]

Albani: Me fitoren e Dianës, fitoi injoranca

Alban Rexha flet pak ditë pas mbylljes së Kafazit

Ka të njëjtat mendime për Benin, si në ditët e zhurmshme e plot debate të Kafazit. Ndërkohë që nuk ka qenë aspak dakord me fitoren e Dianës. Megjithatë, ashtu si edhe mikesha e tij, Enki, është i lumtur për audiencën që ka fituar. Fansa dhe oferta pune pa fund. Mes të tjerave, edhe një album muzikor. Alban Rrexha, banori më problematik i “Kafazit të Artë 5”, do të na shfaqet shumë shpejt si këngëtar, me një album të tijin. Dhe jo vetëm kaq. Por atë e presin edhe turne të shumtë jashtë shtetit, apo oferta për t’u bërë imazh publicitar i disa firmave. Në një intervistë për “Gazetën”, Albani na rrëfen edhe mendimet e tij për finalen dhe fituesen e Kafazit.
Keni deklaruar se do të shfaqeni me një album muzikor. Mund të na tregosh diçka rreth kësaj iniciative?
Është grupi “Lela”, me të cilën kam lidhur një kontratë për të bërë një album me këngë, ku unë për herë të parë do të shfaqem si këngëtar. Është një këngë shumë e bukur, që flet për gjithë njerëzit, që janë shqiptarë, për djemtë dhe gocat, që nuk e vrasin mendjen fare, për nënat shqiptare, etj. Unë jam nip i Bab Myslymit dhe këtë e demonstroj, që bëj çfarë mendoj. Shqiptari është i egër nga natyra dhe një varg në këngë thotë; “bëj gjithçka për shqipen/, flet ujku në errësirë”. Gjithashtu, pas albumit, do të bëj një hit me këngëtarin Stine, një tjetër ujk si unë, që do të jetë një këngë e mrekullueshme.
Ndërkohë, keni pasur edhe oferta të tjera, apo jo?
Është një firmë italiane, “Çezare”, që më ka kërkuar të bëj një reklamë flokësh. Por janë edhe disa kontrata të tjera, me një firmë greko-shqiptare, por që bëhet fjalë për nga muaji shtator, ku edhe do të lidh kontratë me to.
Gjithashtu, do të zhvilloni edhe një turne jashtë shtetit?
Po, është e vërtetë. Do kemi vizita në disa qytete të Shqipërisë dhe pastaj me grupin “Lela” do të jemi në një turne jashtë shtetit, ku do të zhvillohen disa koncerte dhe bëhet fjalë për në; Greqi, Itali, Turqi, Gjermani, Holandë, Angli, Kanada.
E kishit parashikuar këtë famë dhe këto oferta përpara se të hynit në Kafaz?
Me thënë të drejtën, Albani e kuptoi që brenda Kafazit të Artë këtë famë. Por me sinqeritet, nuk e kisha menduar asnjëherë të këtyre përmasave dhe që do të ndodhte kaq shpejt.
E quan tashmë veten VIP?
Jam i kënaqur, por nuk e quaj veten VIP. Jam shqiptar. Ky është Albani brenda dhe jashtë Kafazit. Dhe unë do të këndoj për shqipen.
E vazhdoni miqësinë me Enkin?
Po, dhe është njësoj si në Kafaz. Dalim bashkë, flasim në telefon. Enki është shumë e mirë si gjithmonë dhe do ta vazhdojmë miqësinë. Edhe pse është e dashuruar, ne do të vazhdojmë të dalim si motër dhe vëlla, sikurse jemi.
Natën e finales ike rrëmbimthi. Ç’mendon për fituesen?
Për fitoren e Dianës them se ka fituar injoranca. Çfarë kulture i dha rinisë Diana, atë të mos pastërtisë. Beni nuk është nga Veriu. Beni është ai që kam thënë gjithë kohës. Ata njerëz, që i bëjnë presione Ujkut nëpër televizione, Ujkun e kanë gjithë ditën rrugëve dhe të më takojnë nëse më duan. Nuk i trembet njeriu Ujku. Zoti ta jep jetën dhe ai ta merr. Beni është njeriu më i ndyrë që mund të ekzistojë. Unë do të jem në Shkodër në një miting madhështor me Enkin shumë shpejt. Sepse shkodranët e ndjejnë shqiptarin e vërtetë dhe këtu dua të përshëndes edhe një fanse tonën, që është poete, Linditën, e cila ka krijuar edhe poezi për mua dhe Enkin.
Cila është gjëja më e veçantë që more nga Kafazi?
Meqë më jepet rasti, dua të falënderoj për tufat e luleve që na kanë ardhur nga fansat nga burgjet. Dhe u uroj atyre bij nënash, që të dalin sa më shpejt dhe paqe atyre, që janë rivalë, se jemi shqiptarë. Gjithashtu, dua të përshëndes News 24, që na dha këtë famë, por njëkohësisht edhe e urrej, se na mori fitoren.

[Brari]

Kryqëzatat e injorancës televizive

Nga Celo Hoxha

Disa nga ish-të burgosurit në kafazin elektronik të një televizioni lokal, në Tiranë, u pritën në Bulqizë me të njëjtin entuziazëm që Fushë-Kruja priti më 10 qershor presidentin e Shteteve të Bashkuara të Amerikës. Arsyet për entuziazmin e fushë-krujasve, veç investimit që ka bërë qeveria amerikane aty, ishte deklarata e qartë e Bushit për pavarësinë e Kosovës që ai bëri atë paradite në Tiranë. Ndërsa arsyeja e entuziazmit të banorëve të Bulqizës për banorët e “Kafazit” ishte fakti që ata kishin dalë për disa javë, çdo natë, në ekran.

Dhe gjërat nuk mbarojnë këtu. Disa anëtarë të tjerë të kafazit, lajmëronin dje në “Gazeta Shqiptare”, se do bëjnë vizita nëpër Shqipëri dhe jashtë vendit e madje do të jenë të ftuar edhe nëpër koncerte e do të këndojnë edhe vetë. Duket se bota shqiptare po ecën përpara me rregullat e lojës të lexuara nga e kundërta: dikur njerëzit shkruanin e botonin libra, bënin piktura e ekspozonin, ose luanin muzikë, e pastaj bëheshin të famshëm, ndërsa sot duket se njerëzit bëhen të famshëm, pastaj mendojnë të merren me muzikë, letërsi ose ndonjë gjë tjetër. Secili për hesap të vet, por të gjithë në shfrytëzim të “famës” që iu dha ekrani, kafazierët kanë nisur një kryqëzatë entuziazte për të përhapur injorancën.

Sigurisht, këta idiotë të famshëm nuk kanë faj. E keqja janë e ideatorët dhe organizuesit e këtij programi, të cilët, duke shfrytëzuar fuqinë e medias, tentojnë të çorientojnë hierarkinë e vlerave në vend, duke krijuar modele protagonistësh shoqërorë, që nuk kanë asnjë cilësi diferencuese nga miliona njerëz të tjerë. Asnjëri prej tyre nuk ishte një atlet rekordmen, një biznesmen i sukesshëm, një student fitues olimpiade, një këngëtar, albumi i të cilit udhëheq shitjet në treg, një romancier i parakohshëm premtues, askush prej tyre nuk kishte bërë diçka me vlerë për shoqërinë e gjerë – të kishte qenë infermier vullnetar në Irak për shembull, të kishte shpëtuar, duke rrezikuar jetën e vet, dikë nga rrotat e trenit apo dallgët e detit. I vetmi dallim që ata kanë nga anëtarët e turmës që iu shkojnë nga mbrapa, është fakti që kanë dalë në ekran, 24 orë papushim, gjatë disa javëve.

Siç duket, të bëhesh idhull i një komuniteti të caktuar, mjafton të dalësh në ekran. Mirëpo kjo është e rrezikshme, sepse synimi i adhuruesve – të ndjekin shembullin e idhujve të tyre, siç ndjek një shkrimtar i ri shkrimtarin që ka idhull, për shembull – do të jetë dalja në ekran, pa asnjë shqetësim tjetër anësor. Një gjë e tillë mund të bëhet me shumë mënyra, njëra prej të cilave është krimi; mjafton të vësh tritol në ndonjë godinë, ose të vrasësh dikë me thikë, sepse, të shpresosh të hysh në “Kafazin” e ardhshëm, është shumë e vështirë, përveç korrupsionit që stimulojnë kërkesat e shumta, probabiliteti mes atyre që duan të futen dhe numrit të atyre që pranohen është shumë i vogël. Ndërsa krimet mund të realizohen më lehtë; gjithkush ka një thikë buke në shtëpi, të cilën mund ta përdorë kundër dikujt, edhe pa dalë prej banesës.

Konkurrenca e mediave është bërë shumë e ashpër e për pasojë, disa media kërkojnë të bëjnë bazën e shikuesve të tyre atë pjesë të popullsisë që, për arsye të ndryshme, ka patur dhe vazhdon të ketë kontakt tangent me shkollën. Deri këtu nuk ka asgjë të keqe, e keqja është se mentaliteti i të qenit dikush, vetëm sepse je prezent në ekran, është shumë i përhapur, edhe tek ata që mund të përkufizohen, shumë herë në mënyrë abuzive, si aktorë të opinionit publik.

Individët që shikojmë në ekran janë pothuajse një bashkësi e njëjtë, ajo që ndryshon, janë temat e diskutimit, ndërsa ata llomotisin seriozisht për të gjitha. Te ne nuk ka specialistë, këtu ka vetëm njerëz me licencë të dalin në ekran.

Rreziku është se në një moment të caktuar, këta lloj njerëzish fillojnë të besojnë se janë, pa qenë faktikisht, ata që kanë ëndërruar të jenë dhe e shtrijnë veprimtarinë në sfera, ku ndikimi i tyre merr rëndësi për të gjithë shoqërinë.

Mbartësi tipik i mentalitetit të “Kafazit” është Edi Rama. Ky njeri, duke marrë kontrollin e partisë së dytë më të rëndësishme në vend, e imponoi atë të kandidonte për deputet në zonën 86 në Pogradec, në zgjedhjet e 16 qershorit, një individ me format kafazieri. Vlera e vetme e kandidatit ishte fakti që atij i del koka çdo natë, mes shalëve të dy vajzave të veshura thuajse vetëm me një gjethe fiku, në ekran.

Nuk është keq që t’iua shpjegojmë çdo ditë kalamajve dallimin mes kafshëve, se ndonjë ditë mund të zhvillohet kafazi televiziv me shimpaze, siç ndodhi në Rumani para disa kohësh dhe do t’i shohim fëmijët tanë të brohorasin shimpazenë fituese, si të ishte krijesa më e rëndësishme e planetit.

--
Tema

[Bamba]

Programi me fallco qe egziston ne Shqiperi (edhe te jete me fallco do te thote qe me te vertete ja kalon te gjithave)!

p.s nga nje qe ka pas punuar aty!

[bigstar]

me falni si mund ti gjej fotot e kafaziereve te edicionit 4

[engjulli_peje^]

me falni si mund ti gjej fotot e kafaziereve te edicionit 4

;unde te kerkosh ne Gogle Kafazi arte 4 Dhe i ke fotot e Bashkangjitura
ose ne faqen E kafazit te arte te Cilen e ke ne postimet e para te kesaj teme.

[CuLi-GoaL]

Enkeleda (Enki)