Kafazi i Artë 5

[engjulli_peje^]

Dita 17 18/05/07

Kafazierët zgjohen nga gjumi

Diana dhe Enki këtë mëngjes janë marrë me pastrimin e shtëpisë, ndërsa Albani dhe Turi e kanë nisur ditën në tarracë, ku po diskutojnë për gjërat, që ndodhën gjatë ditës së djeshme. Madje Albani ka thënë se i pëlqen shumë pamja nga tarraca ku mund të shohësh malin e Dajtit. Enveri ka qenë më i përgjumuri sot. Ai mezi është zgjuar nga gjumi, pasi i ka folur Diana disa herë. Gloria është kujdesur për veten e saj këtë mëngjes, ndërsa Beni e ka nisur ditën duke bërë nj dush.


Pastrim ne shtepine e Kafazit

Enki me Dianën kanë pastruar shtëpinë gjatë gjithë mëngjesit, ndërkohë që më pas Enki është ngjitur në tarracë me Albanin. Gloria është e përgjumur dhe është shtrirë në divanin e kuzhinës, ku e ka zënë dhe gjumi. Ndërsa Beni i ka shfrytëzuar gazetat, me të cilat duhet të përgatisin veshjet e tyre për provën e javës, duke lexuar artikujt një nga një. Turi ka qenë shumë i menduar sot, ndoshta për situatën që u krijua dje mes kafazierët, ku e kanë akuzuar se ti shan prapa krahëve.

Debat, por edhe argëtim

Beni është përpjekur sot të mbajë premtimin që u ka bërë dje kafazierëve dhe publikut, që sot do bëjë show gjatë gjithë ditës. Dhe këtë e ka nisur me leximin e shtypit. Për këtë ka përdorur gazetat që u janë futur nga autorët e Kafazit, me të cilat banorët do të bëjnë veshje për veten e tyre, për provën e javës. Ai ka sajuar artikuj për kafazierët duke u bërë komplimente kafazierëve të tjerë, përveç Albanit. Sajimet e tij kanë shkaktuar të qeshura mes banorëve, ndërkohë që Albani e ka ngacmuar aty dhe kanë filluar fjalët ”shpresoj që javës tjetër të bëhet pak më burrë se çfarë është”. Po Beni nuk ka reaguar aty. Nuk ka kaluar pak dhe Beni i ka thënë Arturit “Ti je me dy fytyra”. Dhe kjo sepse Turi i ka thënë “mjaft”, për veprimet, që po bënte. Turi i ka thënë se nuk më pëlqen kjo që po bën dhe kaq. Po Beni i ka thënë se “ti je një njëri që nuk di ta mbash shoqërinë. Po ke për ta parë që Albani nuk ka për të të folur me gojë jashtë Kafazit. Ai po të përdor ty vetëm kundra meje këtu në Kafaz”. Po Turi i ka thënë që “nuk mbaj anën e askujt. Unë jam vetvetja dhe ti nuk ke përse më flet me atë gjuhë”. Albani ka ndërhyrë dhe i ka thënë “ti ke dështuar dhe dëshiron që të konfirmosh votën e banorëve që i afron dhe i bën për vete me lajkat e tua”. Pas pak Beni ka filluar të godasë tavolinës dhe Albani i ka thënë që “mos u streso kaq shumë, e theve një mikrofon tani do thyesh dhe tavolinën. Duket që je shumë i stresuar ke nevojë për multivitamina”. Beni nuk ka reaguar fare po ka vazhduar t’i bjerë tavolinës më fort. Vetëm muzika ka shkrirë akullin e krijuar dhe ka krijuar një atmosferë më të këndshme në Kafaz.

Fansat mbërrijnë përpara Kafazit

Fansat e kafazierëve kanë gjetur sot një pikë të re për të përshëndetur kafazierët. Pikërisht nga qendra “Shalom”, që është përballë tarracës së “Kafazit të Artë” disa të rinj, nxënës shkolle kanë ardhur për të përshëndetur banorët e tyre të preferuar. Madje nuk kanë munguar dhe parullat për Albanin dhe Enkin, duke përdorur kështu çdo mënyrë për të kënaqur banorët e tyre të preferuar. Ata kanë bërë tifo për Albanin dhe vajzat e Kafazit, ndërsa Beni është mërzitur për këtë gjë. Ndërkohë Albani e ka ironizuar Benin duke i thënë “Fli gjumë Beno e mos ji kaq i verdhë”, ndërsa përpara kamerave ka kërkuar që tifozët të vijnë, janë gjithmonë të mirëpritur, por ju është lutur të mos ofendojnë asnjë njeri. Ndërkohë që nuk kanë munguar dhe fansat me makina, që kanë ardhur duke thirrur Albanin dhe Benin dhe janë larguar qetësisht. Pozitive është se nuk kanë fyer më njeri, gjë që do të thotë se ata i respektojnë dëshirat e banorëve të tyre të preferuar. Diana ka gjetur një lojë të re për kafazierët. Ajo u ka lidhur këmbët Enverit dhe Benit dhe ata kanë bërë një garë në korridor se kush nxitonte më shpejt. Beni është rrëzuar sapo ka bërë dy hapa. Dhe Enveri ka qenë fitues


Argëtim në Kafaz

Diana i është drejtuar palestrës, ndërsa të tjerët kanë qëndruar në dhomën e vajzave. Më pas muzika ka bërë që vajzat dhe Albani të kërcejnë dhe të argëtohen. Turi ka qëndruar në tavolinë dhe shikon miqtë e tij që dëfrejnë. Albani e ka ftuar të kërcejë, por ai ka preferuar të qëndrojë duke parë. Beni dhe Enveri janë bashkuar më vonë me grupin.

[engjulli_peje^]

Gloria bën fjalë me Benin

Kafazierët kanë ngrënë drekë qetësisht, po nuk kanë munguar dhe batutat mes tyre. Gloria më pas ka pastruar shtëpinë dhe u ka thënë djemve, që edhe ata duhet të aktivizohen me punët e shtëpisë, sepse janë mësuar keq, duke i bërë punët vetëm vajzat. Benit i ka ngelur hatri pse Gloria ka bërë humor me Enkin. Ai i ka thënë që “në këtë mënyrë më ofendon mua, që bën shaka me atë, me fyerjet, që ata më bëjnë mua”. Gloria ja ka treguar këtë situatë edhe Dianës, e cila i ka kërkuar ta kuptojë Benin, pasi ai është i mërzitur prandaj sillet ashtu.

Diskutime të qeta mes banorëve

Enki, Albani dhe Turi kanë parë fotografitë e Glorias dhe kanë bërë komente për to. Gloria ka treguar për familjen e saj, por është përpjekur të mësojë dhe papagallin të flasë fjalën “Kafaz”: Ndërkohë që ata kanë folur dhe për njohjet e tyre të përbashkëta. Në dhomën e vajzave Enveri, Diana dhe Beni kanë folur për marrëdhëniet djalë-vajzë dhe për mënyrën sesi sillen djemtë në Shqipëri, kur ngacmojnë një vajzë.

Dreka vijon e qetë

Albani, Gloria dhe Enki ka luajtur me telefona. Albani ka bërë rolin e një babai të rreptë, Enki rolin e gocës dhe Gloria rolin e të dashurit të pasionuar. Kanë qeshur shumë me batutat që i hidhnin njëri tjetrit ndërkohë që luanin.
Banorët e tjerë kanë pritur që dreka të jetë gati dhe nuk kanë marrë pjesë në lojë. Sapo dreka u bë gati të gjithë u ulën për të ngrënë supën të gatuar nga Gloria, e cila nuk e ka me përtesë gatimin

Dy grupet dalin haptas në kafaz


Enki me Albanin janë gjithmonë të veçuar nga pjesa tjetër e grupit dhe diskutojnë për të tjerët në përgjithësi.
“Flet Diana për jetën time private me Benin, ç’i duhet asaj, po të jetë për të folur flas vetë unë”,- i ka thënë Enki, Albanit. Njëri nga grupi ka për të dalë kësaj jave dhe ta shohim se ç’farë do bëjnë pastaj. Veçse po të dalë Diana në balotazh ajo do ta votojë për hir të shoqërisë që ka pasur me të jashtë kafazit. Ndërkohë në dhomë ka hyrë Gloria dhe të dy janë munduar ta bindin që atë e manipulojnë të tjerët.
Pse s’rri ti me mua i ka thënë Enki, Gloria, pse duhet të të manipulojnë të tjerët, pse duhet të të tregojnë të tjerët se ç’farë të veshësh. Ti nuk më njeh i thotë ajo, nuk mund të flasësh në emrin tim. Biseda mbetet e hapur.


Gloria ndihet në siklet

Turi, Gloria, Enki dhe Albani janë ende në dhomë dhe diskutojnë për mardhëniet që kanë banorët me njëri-tjetrin dhe mënyrën sesi ata komunikojnë. Enki me Albanin duan që ti mbushin mëndjen Glorias për karakterin e Benit dhe Dianës.Glora nuk i kundërshton por as nuk i aprovon mendimet e tyre.Enki është shumë e zhgënjyer nga Diana dhe ajo mendon se kur ishte jashtë kafazit ishte shumë e lumtur që po futej së bashku me shoqen e ngushtë, por nuk priste këtë sjellje nga ajo.
Ndërsa pjesa tjetër e kafazit Diana, Beni dhe Enveri qëndrojnë në tarracën e shtëpise dhe diskutojnë për gjëra të ndryshme.

Energjia elektrike

Banorët e “Kafazit të artë” janë mbledhur të gjithë në sallon dhe diskutojnë normalisht por jo me shumë entuziazëm. Në dukje nuk vihet re që ata janë të ndarë në dy grupe.
Por në një moment të caktuar ata kanë hapur një temë shumë interesante për të debatuar, energjinë elektrike. Tregojnë mënyrën sesi paguajnë faturën e energjisë në shtëpitë e tyre.
Dsikutojnë a është e drejtë të paguash fatura afrofe, a ka mundësi që shteti të ndihmojë familjet e varfra për të paguar energjinë. Është hera e parë që Albani me Benin bien dakort në një bisedë dhe mbështesin mendimin e njëri-tjetrit.


Provat e javës

Banorët janë kujtuar përsëri për provën e javës. Meqënëse javën që kaloi nuk e fituan provën e javës, kësaj rradhe janë të vendosur ta fitojnë provën e javës. Enki kujton se mami i vet ka revista enkas për të prerë dhe qepur rroba dhe se për momentin nuk kujtohet se si bëhej. Megjithatë ajo nuk ka hequr dorë, i ka marrë matjet Albanit dhe i ka bërë një bluzë dhe një kapele. Ai nuk e ka menduar dy herë po e ka çuar provën deri në fund ka bërë dhe sfilatë në korridor. Beni është marrë me punët e shtëpisë, ka larë enët dhe dyshemenë.

Enveri është pa qef

Ndërkohë që të tjerët merren me provat e javës pra me stilimin e veshjeve, Enveri është ndier shumë keq madje ka patur dhe temperaturë. Gloria është shqetësuar për të dhe e ka marrë në tarracë për të diskutuar të qetë dhe larg banorëve të tjerë. Nuk e ka shprehur arsyen e mërzitjes por gjithsesi i ka thënë Glorias se sot ka ndenjur më shumë se gjysëm dite me Albanin dhe Enkin sesa me të.
Enki pasi ka stiluar disa veshje është ndier e lodhur, sidomos sytë i dhembin shumë.
Në këto momente poshtë shtëpisë së “Kafazit të artë” kanë ardhur fansat e Benit të cilët thërasin emrin e tij dhe i bien bories së makinave.


Zënka në kafaz

Pasi u larguan fansat e Benit, poshtë shtëpisë së “Kafazit të artë” mbërrijnë fansat e Albanit, të cilëve ai u ka kërkuar që të mos shajnë. Pasi kanë ikur të gjithë fansat në dhomë ka plasur sherri midis Albanit dhe Benit. Janë ngrënë me fjalë për mënyrën sesi flasin fansat dhe për fjalorin që përdorin. Beni është shprehur se nuk i duron dot fansat e Albanit sepse nuk dinë të shprehen dhe janë të paedukatë. Ndërsa Albani mendon se asnjë nga fansat nuk duhet të shahet. Banorët e tjerë nuk kanë ndërhyrë në këtë bisedë por kanë qëndruar indiferent pa shprehur ndonjë opinion konkret.

Mbrëmja vijon e qetë

Duket se banorët bashkohen vetëm kur hanë darkë ndërsa sapo mbarojnë së ngrëni secili shkon në punë të vetë dhe ndahen përsëri në dy grupe. Enki me Albanin rrinë ende në tavolinën e bukës dhe diskutojnë për sjelljen e Dianës. Për mua ajo ka dështuar shprehet Enki dhe që nga ky moment zëre se nuk e kam më shoqe. Ndërsa Beni, Gloria, Enveri dhe Diana lozin e qeshin me njëri tjetrin dhe pine nga një gotë çaj. Kur në sfond është dëgjuar muzika të gjithë janë çuar për të kërcyer. Vetëm Diana është ngjitur në tarracë dhe ka preferuar të rri vetëm fare.

[King_Arthur]

Cili mendoni Se do TE Fitoje nga Kafazieret ?
Enkeleda (Enki)
Arbeni (Beni)
Gloria (Gloria)
Arturi (Turi)
Ardiana (Diana)
Enveri (Enveri)
Ariola (Ariola)
Gano (Geni)


po Albani ku eshte ketu mer ?????????????

Albani eshte 1 ai ka per ta fituar kafazin , une per te kam votuar dhe votoj gjithmone .

[engjulli_peje^]

Cili mendoni Se do TE Fitoje nga Kafazieret ?
Enkeleda (Enki)
Arbeni (Beni)
Gloria (Gloria)
Arturi (Turi)
Ardiana (Diana)
Enveri (Enveri)
Ariola (Ariola)
Gano (Geni)


po Albani ku eshte ketu mer ?????????????

Albani eshte 1 ai ka per ta fituar kafazin , une per te kam votuar dhe votoj gjithmone .

Albani eshte Fut 1 jam me mbrapa Bashke me Elvisin i cili u eleminua nje jave me pare.

[bigstar]

Pse Nuk I Jepni Te Gjitha Postimet Ju

[bigstar]

Po Ju Pyes Te Gjitheve Ju Qe Shkruani Ne Kete Forum A E Besoni Ate Qe Ka M Shkruajtur Me Larte Se Nuk Eshte Reality Show Por False Show

[EkOnOmIsTi]

E terboi albani ate benin papapapapapapa e ka bo me fol me vete cunin e huj.

[engjulli_peje^]

Mëngjesi i gjen në gjumë kafazierët

Kafazierët mëngjesi i sotëm i ka gjetur në gjumë, pas grindjeve të herë pas hershme të ditës së djeshme mes Benit dhe Albanit, apo edhe debatit me Turin. Por Beni dje ka bërë fjalë për herë të parë gjatë qëndrimit në Kafaz edhe me Glorian, e herë pas herë edhe me Enkin. Madje Enki në mbrëmje ka kërkuar, që Beni të mos flejë më në dhomën e vajzave, pasi tani në dhomën e djemve është një krevat bosh.

Ritëm në Kafaz

Ka nisur me ritëm dhe muzika dita sot në “Kafazin e Artë”. Kanë qenë tingujt e muzikës që i kanë zgjuar kafazierët dhe menjëherë Albani është zgjuar dhe ka nisur të kërcejë në tarracë. Enki është marrë me rregullimin e dhomës së vajzave këtë mëngjes, ndërsa të tjerët janë zgjuar dhe ja kanë kushtuar mëngjesin kujdesit për pamjen e tyre. Sot mbasdite kafazierët do të presin personazhin misterioz.

Banorët hanë mëngjesin

Banorët kanë ngrënë mëngjesin të qetë sot. Më pas ata kanë ardhur vërdallë nëpër shtëpi. Vajzat kanë bërë dush dhe po bisedojnë për të bërë ndonjë gjë të veçantë gjatë ditës. Beni e ka nisur mëngjesin duke kënduar, ndërkohë që Gloria ka hedhur idenë të bëjnë një klip. Gloria dhe Beni kanë praktikuar anglishten me njëri-tjetrin. Ndërsa Turi me Albanin janë ulur në tarracë, ku po shijojnë kohën e bukur.

Banorët qëndrojnë në tarracë

Beni dhe Gloria kanë kaluar një kohë të gjatë duke kërcyer në kuzhinë, ndërsa Enki pasi ka bërë dush është ulur për të ngrënë mëngjesin. Edhe Albani është afruar për të kërcyer dhe Beni me njëherë është larguar. Banorët janë ngjitur në tarracë dhe kanë përshëndetur tifozët, që nuk kanë munguar as këtë paradite. Ndërsa Beni dhe Diana janë shtrirë në shezlong dhe nuk janë përfshirë në biseda me të tjerët.


Beni debaton me Albanin dhe Enkin

Albani është zënë sërish me Benin, për shkak të fansave, që vijnë për Albanin. Në debat ka ndërhyrë edhe Enki, e cila është ofenduar se dje Beni i tha që “Shihu njëherë në pasqyrë si je”. Që nga ai moment, në çdo rast që i është dhënë Enkit e ka ofenduar dhe përçmuar Benin. Pasi kanë debatuar Beni është dorëzuar dhe ka zbritur në kuzhinë. Diana ka mbajtur anën e Benit por nuk ka reaguar. Por debati ka vazhduar sërish. Beni duke mos i bërë ballë me fjalë Albanin e ka ofenduar, por ai ka reaguar mjaft qetë. Albani i ka thënë, që mua mund të më thuash çdo gjë por tek fansat mos ndërhy, se ata na respektojnë dhe na duan. Ai i ka thënë se ti ke nevojë për multivitamina. Por Beni i ka thënë “shijo këto ditë se deri të martë do jesh këtu”. Më pas muhabeti ka degjeneruar dhe Beni ka filluar nga ofendimet. Por Albani i ka thënë që ty të njohin të gjithë se si je. Beni e ka ofenduar sërish Enkin dhe ajo e ka quajtur “ordiner”. Enki i ka thënë “mos zë shoqërinë time në gojë dhe me kë rri unë se po fillova unë do të t’i nxjerr të gjitha të palarat. Ti nuk ke shanse të flasësh me mua. Ik në shtëpi Beni të jesh i qetë. Je alabak më vjen keq për familjen tënd, por ti qenke djalë i keq. Por Beni i ka thënë se “duhet të të vij keq për familjen tënde jo të të vij për mua”. “Ti ju merr femrave lekë. Mbylle gojën e mos më fol mua se ti je djalë vërtet i keq” i ka thënë Enki. Enki ka hedhur dhe fjalë për shoqen e saj, Dianën që rri gjithë kohës me Benin. “O idiot, o injorant unë nuk të zura në gojë familjen tënde thjesht të thashë që më vjen keq për ty. Ti je burracak”, i ka thënë ajo. “Presionet e tua nuk i ha”, i ka thënë Beni. Ndërsa Enki i ka thënë që të pastroj fjalorin. Beni ka akuzuar Albanin se ai është molla e sherrit. Po Albani i ka thënë rri urtë mos u sill kështu. Ndërsa Beni i ka thënë që ti je zero. Beni i ka thënë që ja arrite të bësh për vete Enkin por Turi nuk e ha. Turi ka ndërhyrë dhe ka thënë që unë nuk jam me asnjë. Beni ka thënë se Enki e nxori kokën kush është.

Vazhdon debati ne Kafaz

“Ti vetëm mburresh që jam unë i pari, por do të të shohim deri në fund”, i ka thënë Albani Benit. Albani i ka thënë se ty të është prishur humori, po sillu mirë se të shohin në televizor. Beni i ka treguar me kërcënim Albanit që kam njerëz në shtet. Albani i ka thënë që ti me mua nuk merresh dot me mua prandaj reagon në këtë mënyrë. Enki e ka diskutuar këtë situatë edhe me Glorian dhe Enverin dhe i ka ardhur mirë, që ata nuk janë përzier në këtë muhabet dhe kanë mbajtur qëndrimin e tyre indiferent. Biseda mes të tjerëve më pas ka vazhduar e qetë. Beni i ka thënë Dianës se është mërzitur dhe do dalë nga Kafazi.

Albani i premton Benit, që nuk do ta ofendojë më
“Po shkatërrohem nga fjalët e tua”, i ka thënë Beni Albanit. Ndërsa Enkit i ka thënë “po iki nga ty. Gjithsesi të uroj suksese”. “Nuk kam më nerva jam i fyer”, ka thënë Beni. Këto fjalë u ka thënë banorëve Beni, i cili për një moment ishte gati ta linte Kafazin. Diana, Enveri dhe Gloria janë përpjekur t’i kthejnë mendjen Benit por ka qenë totalisht e pamundur. Për një moment Beni kishte vendosur të dilte nga Kafazi. Albani e ka komentuar situatën, që Beni nuk duroi dhe u dorëzua. Por autorët janë munduar të qetësojnë situatën dhe kanë kërkuar nga Albani dhe Beni të sillen qetë dhe të mos fyejnë më njëri-tjetrin. Albani i ka kërkuar falje për fyerjet, që i ka bërë Benit dhe i ka thënë të vazhdojnë lojën qetësisht, me debate por pa fyerje. Situata duket më e qetë, por Beni ende është në mëdyshje të vazhdojë lojën ose jo.

Situata e tensionuar mes banorëve

Situata në Kafaz ka qenë e tensionuar. Kafazierët kanë biseduar për gjithçka që ka ndodhur sot në Kafaz, pas kërkesës së Benit për të dalë nga shtëpia. Ai ka thënë se nuk e përballon dot më këtë gjendje dhe është duke e menduar qëndrimin e tij në Kafaz. Më pas banorët kanë ngrënë drekën, por situata duket që është e nderë në shtëpi. Gloria ka qenë e mërzitur dhe nuk është ngritur nga krevati për të ngrënë drekë.

Poezi humoristike në kafaz

Banorët e “Kafazit të artë” kanë ngrënë drekë dhe janë shpërndarë përsëri në grupe, grupe. Diana me Benin janë ngjitur në tarracë dhe po bisedojnë. Albani me Turin dhe Glorian janë shtrirë në dhomë dhe po lexojnë një poezi humoristike në lidhje me kafazierët. Enki me Enverin janë në kuzhinë dhe po hanë diçka.

Batuta filmi dhe poezi në kafaz

“Në jetë ka lot në jetë ka gëzime të lutem më thuaj sa vlen zemra ime”,-poezi e krijuar nga Alban Rexha. Glorias i pëlqeu shumë kur e dëgjoi dhe u habit që Albani krijonte poezi. Më pas ata kanë biseduar për poezinë në përgjithësi dhe për shprehje në veçanti. Hedhin tek tuk ndonjë batutë filmi dhe qeshin të gjithë së bashku.Turi i bën masazh Benit dhe ai e uron që të marrë një nuse të mirë.
Beni, Diana dhe Enveri diskutojnë për mënyrën sesi janë gjërat brënda në kafaz dhe sesi mund të duken ato jashtë tij. Se ç’farë mendojnë familjarët e tyre për ta etj.

Nuk jam më vetëm

“S’jam më vetëm, tani kam dhe Glorian dhe Enkin. Do ti respektoj si shoqe”,-deklaron Albani para kamerës. Ndërkohë Turi dremit paksa në divan dhe mënyra se si ai merr frymë, shkakton të qeshura te banorët e tjerë. Në një moment atyre u është mbushur mendja që të ngjiten në tarracë.Ngjiten dhe ndërkohë që në tarracë bie shi ata fillojnë të kërcejnë pa muzikë sipas kërcimit që bën Albani. Janë lagur por njëkohësisht dhe janë argëtuar pa masë nën shiun e imët që binte pa pushim. Enki ka zbritur në shtëpi për t’u ndruar dhe Diana, Enveri dhe Beni kanë më shumë se një orë që janë shtrirë për të fjetur.

Enki me Glorian, si dy mike të vjetra

Enki me Glorian bisedojnë si dy mike të vjetra, në fillim kanë diskutuar për kafshët shtëpiake. Gloria ka në shtëpi një qen pekinez të cilin e do shumë ndërsa Enki ka një pitbull të cilin e ka shumë frikë. Por të dyjave u pëlqejnë shumë majmunët. I lënë pas këto biseda dhe fillojnë të merren me flokët , Enki i bën gërsheta të vogla Glorias dhe ndërkohë këndon këngë të ndryshme shqiptare, kryesisht refrene. Herë pas here diskutojnë për ndonjë film që kanë parë, para se të hynë në kafaz. Turi duke ardhur vërdallë nëpër shtëpi gjeti gazetat te dera, të cilat u duhen për provën e javës dhe filloi ti lexojë. Banorët zgjohen nga gjumi dhe të gjithë së bashku ngjiten në tarracë, e cila është e lagur nga shiu që ka rënë gjithë mbasdite.

Tifozat e Tironës përshëndesin Albanin

Banorët e kafazit janë në pritje të personazhit misterioz, gjatë gjithë ditës kanë aluduar se kush personazh mund të jetë, femër apo mashkull, por nuk i kanë rënë në të, do të jetë me të vërtetë një surprizë. Në të njëjtin moment poshtë shtëpisë së “Kafazit të artë” janë mbledhur fansat e Alban Rexhës të organizuar në grup dhe me shumë flamuj të klubit tirana, i cila sot ka dalë kampion. Kësaj rradhe tifozat kanë qënë shumë të sjellshëm nuk kanë sharrë dhe nuk kanë ofenduar askënd, vetëm kanë përshëndetur Albanin. Më pas banorët bëhen gati për të pritur mikun e rradhës dhe vajzat janë rregulluar me merak si gjithmonë, Enki ka veshur një bluzë me kurriz jashtë e cila i nxjerr në pah tatuazhin që ka në mes të shpatullave, Gloria ka veshur një bluzë të bardhë me kurrizin si rrjetë dhe Diana ka veshur një bluzë të zezë e cila i shkon shumë.

Nuk punon darja se e ka zënë parja

Personazhi misterioz i radhës ka qënë humoristi nga Durrësi, Muharrem Hoxha. Gjatë gjithë ditës banorët janë munduar ta gjejnë dhe kanë ngritur shumë hipoteza por nuk e kanë menduar fare se do të ishte Muharremi. Humoristi durrsak ka hyrë në shtëpinë e Kafazit të artë i veshur si femër me paruke dhe me fund të gjatë , ka qënë Beni ai që e ka gjetur i pari personazhin. Ai i ka përshëndetur të gjithë banorët me rradhë. Të gjithë janë ngjitur në tarracë dhe ai i ka uruar në veçanti Albanin dhe Benin për paqen që kanë bërë sot nga mesdita. Madje ai ka theksuar se kështu do që ti shohë këtej e tutje. Janë ulur rreth tavolinës me nga një shishe birrë dhe i kanë uruar mirëseardhjen mikut i cili e ka gojën shumë të ëmbël sepse sa ka hyrë në kafaz vetëm i ka koplimentuar të gjithë. Duke biseduar ai u tregon histori të ndyshme nga jeta e vetë dhe nga rolet në skenë, banorët e dëgjojnë me vëmendje dhe kanë filluar ti tregojnë ndonjë rol pikant që u kujtohet për momentin si “nuk punon darja se e ka zënë parja” etj. Albani shkon dhe më tej ai i ka uruar jetë të gjatë të gjithë humoristave të vjetër si Muharrem Hoxha, Cekja, Zef Deda, Fadil Hasa etj. Pasi kanë pirë nga një birrë dhe kanë treguar anekdota të ndryshme nuk kanë harruar të ngrënë dolli për të gjithë banorët e kafazit me rradhë. Në sfond është dëgjuar një pjesë humoristike nga Muharrem Hoxha, parodia e Lefterisë, shumë e njohur nga të gjithë. Këngët popullore e kanë ndezur atmosferën ,të gjithë kanë filluar të kërcejnë me qef të madh. Një mbrëmje shumë e këndshme kjo pas një ditë shumë të tensionuar për kafazierët tanë të dashur.

Opinioni i Muharrem Hoxhës për kafazierët

Para se të dilte nga “Kafazi i artë”, Muharrem Hoxha shprehu mendimin e vet për të gjithë banorët pa përjashtim.Ti Enki i tha je më e mirë se motra jote, Enveri është diplomati i kafazit, Turi nuk je në Krujë je në mes shokësh dhe duhet të shprehesh më shumë. Diana je gocë veriore me potencial të madhe. Gloria ti njoh prindërit dhe kënga të shkon shumë, Rexha je me fat se ke hyrë i fundit në kafaz, je djalë i shkathët dhe ke fituar pikë sot kur je pajtuar me Benin. Beni ke kulturë tjetër se ke qënë jashtë shtetit dhe je tip i ndjeshëm. Por të gjithë jeni shumë të mirë.E kanë përcjellë më duartrokitje dhe me urime të shumta nga shtëpia e tyre duke ja bërë të gjitha nderet mikut. Pas kësaj vizite kaq gazmore, kafazierëve u është ngritur morali dhe u ka ardhur humori, kanë kërcyer pa rreshtur shumë këngë popullore.

Argëtim dhe hare në shtëpinë e “Kafazit të artë”

Banorët e kafazit kanë qënë duke kërcyer në tarracën e shtëpise ku një grup fansash kanë filluar të bërtasin për të preferuarit e tyre Enkin, Turin dhe Albanin. Dita sot ka qënë shumë e ngarkuar me mërzitje, pajtime, fansa gjatë gjithë kohës dhe kërcim pa pushim pa harruar dhe personazhin misterioz, i cili i ka argëtuar pa masë kafazierët.Pasi janë lodhur duke kërcyer, janë kujtuar se duhet të ushqehen dhe kanë zbritur poshtë për të ngrënë darkë. Si gjithmonë kur hanë darkë janë të gjithë së bashku dhe diskutojnë për ngjarjet e orëve të fundit. Duket se mirëkuptimi ka rënë në shtëpinë e “Kafazit të artë” në këto orë të vona.

[engjulli_peje^]

Pse Nuk I Jepni Te Gjitha Postimet Ju

Ne Ckuptim te gjitha postimet, Poistimet qe beni ju apo. Te kafazit ?
Keto jan ngjarjet kryesore te Dites, Dhe si mungon as pike as presje.Per postimet tuaja ka te tjer qe merret me keto pune.

[BaBa]

E terboi albani ate benin papapapapapapa e ka bo me fol me vete cunin e huj.

eko, po ai beni qenka vejush fare mer ca bahet kshu gjynah per fisin e atit qe e felliqe qe qan si femer ne kafaze ajde cun ajde ati o turp me i than cun si femer me duket mu iher ai

PS: kurse Albani , ca cuni dallavere pik kom asht i lujti menc sa jan mrena kafaze duken dallaveret so nevoja em fol



o albani o enki e mer kafazin e art,

sa per enki alamet goce motra madones hahahahahah shkatarrohem tu qesh me kto katunaret qe bajn sikur jan tirans puro ekonomist ta felliqen qytetin