Kafazi i Artë 5

[engjulli_peje^]

Nuk jeni aq shoqe sa thoni

“Pa ngelje hatri po t’a them troç nuk jeni aq shoqe të ngushta me njëra-tjetrën sepse po të ishit aq shumë shoqe do të rrinit gjithë ditën bashkë, ndërsa ti më shumë rri me Benin sesa me të”,- i ka thënë Albani, Dianës. Nga ana e saj ajo se ka pranuar mendimin e Albanit në lidhje me Enkin dhe është shprehur se ai e ka shumë gabim. “Lidhja ime me Enkin është shumë e bukur dhe e veçantë dhe unë për të lë gjithçka dhe kafazin, nuk ka lindur ai njeri që të më ndajë mua nga Enki”,- i ka thënë Diana, Albanit.
Albani ka ngulur këmbë në mendimin e vet dhe i ka vënë në dukje që ajo ja mban shumë anën Benit dhe kur ai s’ka të drejtë. Mendimi i tij është mbështetur dhe nga Elvisi por Diana nuk ka lëvizur nga e vetja dhe nuk ka pranuar asgjë. “Unë kam më shumë shoqëri me Benin dhe nuk dua t’a ul përpara teje prandaj në syrin tënd kam mbajtur anën e tij por më pas i kam folur nqs ai ka vepruar gabim”,- i ka thënë Diana, Albanit.

Beni është armiku im kryesor dhe ka për të qënë deri në fund

Debati midis Dianës, Albanit dhe Elvisit kanë vazhduar për një kohë të gjatë dhe kanë qënë të mënjanuar nga pjesa tjetër e shtëpisë. Albani ka deklaruar në sy të të gjitheve se dëshira e tij më e madhe është të shkoj në luftë, të mbroj atdheun dhe të japi gjakun për shqiptarët. Megjithë debatet që ka pasur me Dianën ai vazhdon të mendojë se ajo është burrneshë e vërtetë por ka deklaruar para kamerave se Beni është armiku i tij kryesor dhe ka për të qënë i tillë deri në fund. Banorët e tjerë janë në kuzhinë dhe po përpiqen të gatuajnë ndonjë gjë për darkë. Vetëm Turi është si elektron i lirë dhe vërtitet sa në shtëpi brënda, sa në tarracë

Gëzuar ditëlindjen

Kanë ngrënë darkë të gjithë së bashku dhe nuk kanë debatuar dhe as kanë hedhur kunja si ndonjë herë tjetër. Sonte ka gatuar Enki dhe specialiteti i saj kanë qënë makaronat me salcë. Albani është dëgjuar shpesh të thojë gjatë darkës “hani, hani ju ç’di bëj drejtorit unë”.
Më pas Beni i ka kërkuar një nder regjisë së kafazit, mqs sot kishte ditëlindjen babai i Enverit kanë dashur ti urojnë të gjithë së bashku “Gëzuar ditëlindjen” dhe për nder të tij kanë kërcyer shumë këngë e valle. Nga të gjitha kërcimet apo vallet spikaste si gjithmonë kërcimi i Albanit. Por nuk ndjejnë lodhje kafazierët tanë të dashur dhe pas kërcimit kanë dashur të sfilojnë dhe e kanë bërë në një mënyrë shumë të këndshme dhe gazmore.

[EkOnOmIsTi]

Vallai ket vit nqs do te mallkosh veten ik shif kafazin.

me gje koti se ket vit skom pa noiher aty secili per vete zoti per te gjith lan nam.

[sajmira]

une e kam ndjekur disa here kafazin. mund te them qe per nivelin shoqeror, kulturor e intelektual ne vend ky show, eshte ne nivelin normal. smund te pretendoj per me shume duke pare si eshte situata ne Shqiperi. por shpresoj ne te ardhmen ky nivel te vije duke u rritur. mendoj qe shqiperia ka ende intelektuale por ata nuk hyjne tek kafazi i arte. keshtu qe nuk pres mrekullira.

gjithsesi deri tani skam ndonje personazh te preferuar.

[engjulli_peje^]

Turi e nis ditën në palestër

Një pjesë e banorëve janë zgjuar dhe po vijnë vërdallë nëpër shtëpi. Turi mëngjesin e ka nisur në palestër duke bërë stërvitje, dhe më pas është drejtuar nga dushi. Ndërsa Visi ka preferuar të shijojë rrezet e para të diellit në tarracë. Sot kafazierët duhet të përgatiten mirë për shfaqen e cirkut, që do të kenë nesër gjatë spektaklit. Provë, që nëse dalin mirë do të fitojnë bonusin e javë, që do t’u dyfishojë ushqimin për javën tjetër.

Vajzat e nisin ditën me pastrimin e shtëpisë

Enki e ka nisur mëngjesi sot në kuzhinë. Ajo është marrë me larjen e enëve, ndërsa Diana po pastron shtëpinë. Albani me Visin janë ulur në kuzhinë dhe bisedojnë. Beni është ende në gjumë, kurse Enveri po vjen vërdallë nëpër shtëpi dhe Turi lan rroba në banjë. Më pas Albani është ngjitur në tarracë, për t’i lënë vajzat të pastrojnë rehat shtëpinë.

Kafazierët diskutojnë për tema të ndryshme

Biseda mes Albanit, Visit dhe Arturit sot në mëngjes ka kaluar nga një fushë në tjetrën. Kështu nga ushqimet e preferuara të tyre, ata kanë kaluar tek politika. Ata kanë folur për qeverisjen dhe liderat shqiptare, ku e kanë cilësuar Enver Hoxhën vërtet diktator por ai ka qenë i vetmi burrë shteti, që e mbajti Shqipërinë gati 50 vjet, kur asnjë nuk ka mundur ta bëj atë gjë. Ata kanë dhënë opinionet e tyre dhe për politikanët aktualë. Më pas biseda ka kaluar tek votimi dhe Albani i ka thënë Turit se e do fort se është djalë i mirë. Por Arturi ka debatuar me Visin sepse nuk e do mbrojtjen e tij. Në këtë debat është futur dhe Beni. Si duket afrimi i të martës i ka vënë në alarm kafazierët.

Kafazierët përgatiten për provën e javës

Kanë mbërritur edhe këtë mëngjes në shtëpinë e “Kafazit të Artë” dy artistët e Cirkut të Tiranës; akrobatja Stela dhe xhonglieri Sokrat, të cilët po përgatisin kafazierët për provën e javës. Pas kaq ditësh prova ata ia kanë marrë, por gjithçka do ta tregojë nata e nesërme. Nëse ata dalin mirë do të fitojnë bonusin e javës, që do t’u dyfishojë sasinë e ushqimeve javës tjetër. Gloria ka rezultuar shumë mirë me ushtrimet, ndërkohë që edhe Enki, që ditën e parë nuk bënte dot asnjë ushtrim sot ka qenë shumë mirë.

Albani dhe Beni debatojnë sërish

Gjatë provave të cirkut Albani dhe Beni kanë bërë sërish fjalë. Diana është përpjekur ta qetësojë Benin, po ai është larguar nga kuzhina i revoltuar. Diana i ka shkuar nga pas në dhomën e vajzave dhe i ka thënë Benit, që të mos e marr në konsideratë fare Albanin, po Beni ka thënë se ndihet shumë i fyer. Beni është kthyer në kuzhinë dhe e ka sharë Albanin duke i thënë; ordioner, rrugaç, drogaxhi, kokaina, etj. Albani ka vijuar me ofendime, duke vazhduar lojën e tij.

Beni ndihet i fyer nga Albani

Situata duket e qetë në shtëpi, por në të vërtetë të gjithë janë prekur nga zënka mes Benit dhe Albanit. Albani, Visi dhe Arturi bisedojnë në tavolinën e bukës, ndërkohë në dhomën e vajzave Diana me Enverin dhe Glorian po përpiqen të qetësojnë Benin, i cili është mërzitur aq shumë sa do që të dalë fare nga Kafazi. Diana e ka këshilluar që Beni duhet ta përballojë Albanin dhe jo të dorëzohet. Por Beni ndihet i fyer nga fjalët e Albanit. Ndërkohë Enki ka fshirë pluhurat e shtëpisë.

Banorët hanë drekë

Diana për të qetësuar Benin, i ka sjellë për analogji zënkën e saj me Arturin javës së parë dhe se sa e ofenduar ishte ndjerë, kur Turi i kishte thënë asaj ‘rrugaçe’. Ajo e ka këshilluar të mos reagojë fare dhe të sillet gjakftohtë me Albanin. Ndërkohë Enveri, Albani dhe Visi kanë ndarë rolet për në shfaqjen cirkut, që do të kenë nesër mbrëma. Dreka i ka bashkuar gjithë kafazierët. Ata kanë ngrënë makaronat e përgatitura nga Enki dhe kanë kaluar një kohë pa bërë llafe me njëri-tjetrin.

Vetëm muzika qetëson kafazierët

Vetëm muzika qetëson banorët e Kafazit. Këngët e Rovena Stefës i kanë ngritur në këmbë kafazierët. Ata kanë kërcyer dhe argëtuar duke sjellë një atmosferë ndryshe nga paraditja e sotme në shtëpinë e “Kafazit të Artë”. Beni kërcen me Dianën dhe Enverin në kuzhinë, ndërkohë Albani dhe Visi kërcejnë në tarracë dhe kanë qenë të vetmit, që kanë shfrytëzuar pishinën me hidromasazh në këtë ditë të nxehtë. Kështu dy grupet në Kafaz janë ndarë edhe në aktivitetet, që bëjnë aty.


Në “Kafazin e artë” ka rënë qetësia

Elvisi me Albanin po bëjnë banjo dielli në tarracën e shtëpisë ndërsa Arturi nuk bën banjo dielli por thjesht dëgjon gjëagjëza që ata i tregojnë njëri-tjetrit.
Ndërsa pjesa tjetër e kafazit Beni, Gloria, Enveri, Enki dhe Diana janë mbledhur të gjithë në një dhomë dhe pas disa shakash të çastit janë shtrirë për të fjetur. Në shtëpinë e Kafazit të artë ka rënë qetësia.


Enveri ka rrëfyer për dashurinë e jetës së tij

Nuk duan që nuk duan të zbresin nga tarraca madje kanë vendosur që të hanë dhe aty ku janë, buzë mini pishinës. Në një moment të caktuar Gloria me Enverin kanë ngelur vetëm dhe ajo e pyet nqs është i dashuruar apo jo. Enveri mendon se është i dashuruar dhe është hera e parë që ka rënë kaq shumë në dashuri. Por nuk ka dashur të tregojë emrin e të dashurës së zemrës megjithëse Gloria ka këmngulur.
Më në fund zbresin të gjithë poshtë dhe vendosin të bëjnë provat e javës për cirkun.
Hapin vend në sallon duke hequr tavolinën dhe divanin sepse në ditën e nesërme, që është dhe nata e spektaklit, aty do të japin shfaqe.

[EkOnOmIsTi]

ej perfundimisht ai beni qenka njeri pa seder. Se si e ka duru dje ate albanin ai nje perendi e di. Perfundimisht doli llafi albanit qe beni eshte p.....

[engjulli_peje^]

Dalin e Balotazh Elvisi me Dianen

Vazhdon mbrëmja e sotme me surpriza të shumta. Të gjithë banorët e “Kafazit të artë” mezi e kanë pritur momentin e balotazhit madje biseda kryesore gjatë gjithë ditës së sotme ka qënë pikërisht balotazhi, kush do të dalë nga kafazi dhe si do të votojnë kafazierët njëri-tjetrin. Mbërriti momenti final i gjithë mbrëmjes së sotme në balotazh për këtë javë janë Elvisi me Dianen .

[engjulli_peje^]

Largohet Elvisi nga Kafazi.
Nga votimi qe u be nga Kafazieret .ne Votat 5 Me 1 Largohet Elvisi.

[KUSi]

e kam prit kete rezultat , dhe dihet ajo se do te largohet visi se ashtu ishin clanet aty

[engjulli_peje^]

Elvisi është skualifikuar

Në balotazh dolën Diana me Visin. Shumica e banorëve votuan kundër Elvisit dhe ishte pikërisht ai që doli nga kafazi. Por nuk ishte një befasi, Elvisi e kishte bërë valixhen gati që në mëngjes. Albanit i erdhi shumë keq që Elvisi doli nga kafazi, tani është pa shok. Elvisi ka deklaruar se gjëja e parë që do bëjë tani që doli nga kafazi do të puth vajzën dhe gruan sepse e ka marrë malli shumë për to.
Të gjithë janë habitur nga mënyra e votimit, Enveri javën e kaluar ishte në balotazh ndërsa këtë javë ishte në vend të tretë. Turi kishte zbritur në vend të pestë.
Banorët e kafazit diskutojnë për mënyrën sesi është votuar.

[engjulli_peje^]

Dita 16 Java e Trete 16/05/07

Banorët mëngjesi i gjen në gjumë

Mëngjesi i ka gjetur në gjumë sot banorët e “Kafazit të Artë”, pas lodhjes së një nate më parë. Vetëm Albani dhe Turi janë zgjuar, ndërkohë që Albani është shtrirë në shezlong në tarracë dhe Turi është në palestër, ku bën stërvitje. Këtë javë banorët do të jenë vetëm shtatë, që do të luajnë për çmimin e madh 10 000 mijë euro, pasi Visi u largua dje.

Mëngjesi nis me sherr mes Albanit dhe Benit

Mëngjesi ka nisur me sherr mes Albanit dhe Benit. Ardhja e fansave në mesnatën e kaluar dhe ofendimet që ata i kanë bërë Benit, ka qenë shkaku i grindjeve mes të dyve. Beni e ka quajtur Albanin psikopat, ndërkohë që Albani e ka akuzuar Benin se nuk di të mbajë fjalën. Fyerjet dhe sharjet nuk janë kursyer nga ana e Benit. Beni i ka quajtur ata që e shajnë “ordinerë dhe të tillë janë si ty”, i ka thënë ai Albanit. Albani i ka thënë Benit “të të vijë turp që shan fansat e mi, sepse ata janë popull dhe harxhojnë lekët për të na votuar ne”.


Vazhdojnë debatet në Kafaz
Albani është mërzitur që Visi është larguar nga Kafazi. Ai është ofenduar shumë, aty ku nuk mban më nga Beni, i cili në debat e sipër e ka kapur me duart dhe i ka thënë “Unë do filloj përsëri me atë që ti ke fiksim”. Kaq është dashur që ata të konfliktohen sërish dhe të arrijnë të fyhen me njëri-tjetrin. Më pas Albani, Enveri, Enki dhe Gloria janë ulur në tarracë dhe kanë diskutuar për situatën e krijuar në Kafaz dhe të gjithë janë mërzitur. E ndërsa bisedonin, Gloria ka rënë nga karrigia, gjë që ka shkaktuar mjaft të qeshura.

Banorët diskutojnë të ndarë në dy grupe

Banorët janë ndarë në dy grupe. Albani me Enkin dhe Turin kanë biseduar për të gjitha ngjarjet e këtyre ditëve në tarracë, ndërkohë që grupi i Benit me Glorian, Dianën dhe Enverin kanë qëndruar në dhomën e vajzave dhe kanë diskutuar për sjelljen e Albanit, por edhe të Enkit. Po me ardhjen në dhomën e vajzave, Albani me të tjerët kanë rifilluar sërish debatet. Beni është ofenduar edhe nga Gloria, e cila ka qeshur për shkak se Albani ka imituar Benin. Ai është prekur dhe ja ka thënë Glorias këtë gjë.

Muzika bashkon kafazierët

Vetëm muzika mund të vendosë qetësinë në Kafaz, por njëkohësisht edhe të bashkojë kafazierët. Ka qenë Albani me Arturin ata që kanë nisur të kërcejnë, sapo në sfond është dëgjuar muzika dhe nuk ka kaluar pak kohë dhe gjithë banorët e tjerë janë afruar duke e kthyer kuzhinën e Kafazit në një disko të vërtetë. Më pas kafazierët kanë filluar të përgatisin drekën.

Biseda të qeta në Kafaz

Enki dhe Diana më së fundi kanë bërë muhabet, edhe pse Enki ka ende rezerva për mikeshën e saj. Albani është ulur me vajzat në kuzhinë dhe kanë bërë biseda të ndryshme. Beni ndërkohë po bën muhabet me Turin pikërisht për fyerjet, që i kanë bërë dje në mbrëmje Benit nga jashtë Kafazit. Gloria në asnjë moment nuk mund ta lërë pas këngën, ajo ka kënduar sërish për banorët. Ndërkohë kafazierët kanë përshëndetur dhe Visin, mungesën e të cilit e ka ndjerë më shumë nga të gjithë Albani.

Fansat e Benit bëjnë tifo përpara Kafazit
Ardhja e një grupi të rinjsh, fansa të Benit kanë shkaktuar një mërzi tek Albani dhe mjaft eufori tek Beni. Rreth 20 djem të moshës rreth 18-20 vjeç, kishin ardhur enkas nga Puka për të inkurajuar Benin, por nuk janë kursyer edhe sharjet e ofendimet ndaj Albanit. Albani është ngjitur në tarracë për t’u qetësuar dhe Enveri i ka shkuar pas për të mos e lënë vetëm. Ka qenë Enki e vetmja që ka guxuar të lahet në pishinë me rroba banje, ndërsa Gloria vazhdon të lahet me rroba.

Argëtim në tarracën e Kafazit
Enki, Enveri dhe Gloria kanë qenë të vetmit, që kanë shijuar pishinën me hidromasazh. Por Enki ka qenë ajo që është kënaqur më shumë, pasi asnjë çast nuk ka ndalur pa kërcyer dhe argëtuar. Diana dhe Turi nuk janë larë por kanë qëndruar me grupin në tarracë. Albani me Benin kanë fjetur gjumë. Ndërkohë që më vonë Beni është zgjuar dhe është bashkuar me të tjerët në tarracë. Banorët kanë biseduar më pas për çështje të ndryshme.

Kafazi një eksperiencë e bukur
“Kur mendoj se ka më keq jam shumë i kënaqur nga jeta dhe nga vetja”,- i ka thënë Beni, Turit në bisedë e sipër. Më pas kanë diskutuar për eksperiencën e kafazit, sesa të mirë kanë qënë autorët e këtij spektakli kaq të madhë, me ta. Madje Turi shkon dhe më tej, ai mendon se i kanë llastuar dhe ai ndihet fajtor kur bën ndonjë gabim. Ndërsa pjesa tjetër e grupit vazhdon të qëndrojë në tarracë rreth e rreth mini-pishinës, këndojnë ndonjë këngë dhe bisedojnë për gjëra të ndryshme.

Si duhet të jetë një mashkull bashkohor

Tarraca është vëndi më i preferuar për kafazierët tanë. Sidomos pasdrekja kalohet më mirë buzë mini-pishinës dhe kalojnë kohën herë duke bërë muhabet dhe herë duke bërë humor. Biseda më e preferuar është se si duhet të jetë një mashkull bashkohor, si duhet ti mbajë flokët, ç’farë duhet të veshi etj. Enki mendon se nuk mund të dalë me një mashkull që nuk është i veshur mirë apo nuk i ka flokët të prera shkurt. Me mendimin e tij bashkohet dhe Diana. Diskutimi kalon te pyetja që Beni u drejton vajzave të kafazit: A do ta propozonin një mashkull po ta kishin qef? Të gjitha gocat kanë qenë të mendimin se nuk do të propozonin kurrë një mashkull.

Dashuria lind dhe me shikim të parë

Tema më interesante është dashuria. Ndoshta është ndër të vetmet tema që banorët nuk zihen por e dëgjojnë njëri-tjetrin dhe flasin me rradhë. Beni me Dianën besojnë te dashuria me shikim të parë dhe mendojnë se nqs një femër dashuron s’ka asgjë të keqe të propozojë e para. Por nuk kanë qënë të gjithë në një mendje, Enverit nuk i pëlqejnë femrat që të propozojnë të parat dhe mendon se nusja e tij duhet të respektoi nënën e tij.Ndërsa Albani është i mendimit se nëna është e lumtur nëse djali me nusen shkojnë mirë. Sot banorët kanë ngrënë drekë shumë vonë.

Historia përsëritet

Duke ngrënë drekë dhe duke biseduar si miq të vjetër nuk të japin përshtypjen se banorët e kafazit shumicën e kohës zihen. E kanë mbaruar drekën por nuk janë ngritur nga tavolina vazhdojnë të bisedojnë. Në fillim e nisën me këngë të ndryshme që atyre u pëlqejnë madje dhe i këndojnë dhe dolën te Skënderbeu dhe te kalaja e Krujës. U përmëndën dhe figura të tjera historike të vendit tonë si p.sh Mbreti Zog etj. Por në përgjithësi biseda vërtitet rreth kohës sesa ndryshojnë gjërat dhe sesi njerëzit i rikthehen gjërave të vjetra. Madje dhe historia përsëritet.

Tupac dhe Meda, të preferuarit e Kafazit e artë

Kafazi i artë është mbushur me surpriza. Albanit i ka ardhur një poster i këngëtarit të preferuar, Tupac, nga një fans i tij. Albani e ka falenderuar nga zemra dhe i ka premtuar nëpërmjet ekranit se nuk do ti zhgënjejë kurrë fansat e tij. U ka treguar banorëve të tjerë të kafazit historinë e jetës së Tupac-ut të cilin ai e adhuron.Por dhe Diana ka pasur një surprizë, autorët e kafazit i kanë futur në sfond këngët e Medës të cilin Diana e pëlqen jashtëzakonisht shumë. Kanë kërcyer me qef të madh shumicën e këngëve të tij dhe Diana i ka shoqëruar dhe me fjalë. Ajo u shpreh se është fanse e çmendur e Medës dhe se ja di me pikë e me presje të gjitha këngët.

Kërcim me Tupac-un në sfond

Diana pasi ka dëgjuar këngët e Medës nuk ka pushuar më së foluri për të sa që Enki me Benin e ngacmonin se ç’farë do të bënte ajo nqs do të vinte Meda në kafaz.“Do të doja që të më këndonte një këngë, të ma dedikonte vetëm mua”.- ka thënë ajo më të qeshur. Turi i ka bërë masazh Enkit dhe Në shtëpi kërcehet me Tupac-un në sfond por jo të gjithë janë aktiv. Ata që kërcejnë më tepër janë Albani me Enkin ndërsa të tjerët kanë qëndruar ulur duke parë sesi kërcejnë Albani me Enkin. Pastaj kanë përshëndetur të gjithë këngëtarët, politikanët dhe aktorët e preferuar.