Mos E Mbroni Dhunën Policore Maqedone

[biligoa]

Organizata e Veteranëve të Luftës të Ushtrisë Çlirimtare Kombëtare

R E A G I M

MOS E MBRONI DHUNËN POLICORE MAQEDONE

Paraqitja në media para disa ditësh të një inçizimi që ka të bëjë me njërin nga të arresutarit e fshatit Brodec, konkretisht ish-pjestarin e UÇK-së Habib Ahmetin, ndaj të cilit shihen shenjat e dhunës së intervenimit shtazarak shtetërorë në Malësinë e Sharrit, zbehu ndjeshëm “legjitimitetin dhe suksesin” e treguar të operacionit të Nëntorit të vitit 2007, në të cilin kishte të angazhuar mbi

2000 ushtarë, mbi 100 automjete ushtarake dhe dy helikopterë.

Tashmë siç e dijmë, ky opracion u quajt i “suksesshëm” nga Qeveria, vetëm se pati 6 shqiptarë të vrarë prej të cilëve 4 ish-pjestarë të UÇK-së dhe dy të rinjë të fshatit, si dhe arrestimin e 13 të tjerëve dhe terrorizimin e fshatërave të Malësisë së Tetovës. Fatkeqësisht këtij terrori të ushtruar nga ky “shtet” ndaj qytetarëve shqiptar, në një shkallë kaq të lartë, që u kritikua nga Amnesty International dhe Komiteti i Helsinkut, po vazhdon t’i dalë në mbrojtje participuesi shqiptar në Qeveri, i cili jo rallë herë me deklarata të pamatura, nëpërmjet gojës së disa spikerëve partiak po vihet në shërbim të së keqes, me çka jo vetëm që e shtrembëron realitetin, por dëmton shtresën që përfaqëson, duke dëmtuar edhe vetvehten (deklarata të tilla të pamatura kemi dëgjuar edhe gjatë konfliktit të vitit 2001).

Në vend që të falenderohet gazeta “Lajm”, apo kushdoqoftë dashamirë që ka kontribuar në zbardhjen e këtij realiteti të turpshëm, Partia Demokratike Shqiptare merr guximin të japë vlerësime për viktimat, apo etiketime, me çka dëshmon bashkfajsinë në këtë turp. Siç duket, plagët e vitit 2001 që lufta heroike i shkaktoi kësaj Qeverie vazhdojnë të ekzistojnë edhe sot, prandaj kjo përbërje qeveritare, vazhdojnë të ndjehen edhe sot e kësaj dite, meqë jo rallë herë ushtarët e UÇK-së, nga goja e tyre vazhdojnë të quhen si kriminelë, vrasës, kontrabandist duhani, vjedhës, edhepse një pjesë të kësaj ish-strukture ushtarake të UÇK-së e ka në përbërje të ngushtë të saj.

Në përfundim, i kujtojmë kësaj Qeverie që pretendon NATO-n dhe BE-në, se me reklama të tilla që u servon qytetarëve, nuk e ka vendin në struktura demokratike Euro-Atlantike, por në MESJETË. Ndërsa, partisë shqiptare në Qeveri, i bëjmë thirrje të mos luaj rolin e Prokurorit dhe Gjykatësit, për interesa të ngushta, me çka vihet në shërbim të dhunës shtetërore.

Shërbimi për informim i OVL-UÇK-së

Tetovë, 11. 02. 2008

http://www.pashtriku.org/

[biligoa]

TERRORI SLLAVOMAQEDONAS KUNDËR SHQIPTARËVE!



Para disa ditësh në web faqen www.truveo.com është publikuar një video-inçizim, në të cilin pasqyrohet qartë urrejtja, primitivizmi dhe barbaria e forcave policore-ushtarake maqedone pas arrestimit të disa të rinjëve shqiptarë, gjatë aksionit famëkeq „Stuhia Malore“ në fshatin Brodec të Malësisë së Tetovës.



Në këtë video, i inçizuar me telefon celular, duket qartë se të arrestuarit janë të veshur me rroba civile dhe nuk posedonin armatim apo uniforma ushtarake.


“Unë jam për t´i vrarë” - dëgjohet zëri i një pjestari të policisë sllavomaqedone, i cili i fyen e shanë me nënë… të arrestuarit, madje edhe i kërcënon me vdekje.



Në këtë mesë dëgjohen edhe zëra tjerë të barbarëve sllavomaqedonas, të cilët i shanin me urrejtje shqiptarët e rrahur e të përgjakur, të shtrirë për toke me duar të lidhur prapa shpinës. Në video duken vetëm fytyrat e dy pjestarëve të njësisë speciale, ku njëri prej tyre me tytën e pushkës godet në shpinë, një të arrestuar shqiptar.

http://www.pashtriku.org/

Në vijim ju ftojë të shikoni këtë video:



http://www.megavideo.com/?v=MEBMGEAB