Selajdin Saliu

[best_of_lifee]

TË NGREMË NGA NJË GOTË

Vjen mëngjesi
Me sy të enjtur nga pagjumësia
Babadimri i ka plot thasët
Të mbushur me iluzione
E kam fryrë këtë vit
Si tollumbace
Ka plasur marëzia
Të ngremë nga një gotë o njerëz
Të festojmë për sukseset e dështimeve tona
Të gënjesh apo të jesh i gënjyer
Kjo është çështja që kërkon përgjigje
Të parën s'ma lejon natyra ime
Prej engjulli
Të dytën s'ma lejon natyra ime kryeneqe
prej djalli...

[best_of_lifee]

DHOMA E POETIT

Mund të ketë një tavolinë pune ku shkruan poezi
Sirtarë me libra që kurrë s'i ka lexuar
Një filxhan me kafe të idhtë si dita
Një shpuzore plot cigare të djegura nga zhgënjimi
Fletë të shkaravitura ëndrra të zbehura
Krrokama që përplasen në qelq mendimi
Mund të ketë ditë të lodhura nga vetmia
Të mbështjella me tis kotësie
Shekuj të djegur nga utopia
Ëndrra të ngrira pamje që s'i zbeh harrimi
Mund të ketë peisazh vjeshte dhe gjethe të vdekura
Lumenj shprese dritë terr ferr e tmerr
Mefistofel Hamlet Jago kolonel
Santjago derr të vuajtur dhe Sokrat - derr
Mund të ketë meteorë mendimesh që digjen
dhe shuhen befas në univers qenësie
Diku në zonat e errëta të njeriut
Nocionet lart poshtë djathtas majtas
Mund të humbin kuptimin
Koha mbrapsht të rrjedh në klepsidër jete
Mundet që aty të mos jetë fare poeti...
Të ketë shkuar larg
Me shpresën e kthimit në sy
Dhe mund të kthehet sërish në atë dhomë
E ta gjejë trupin e vet - kufomë
Gjithçka mund të ndodhë në atë dhomë...

[best_of_lifee]

NATË E ÇMENDUR

Dua të t'i puth thimthat
Gjithë yjet të t'i shuaj me një puthje
Mbi trupin tënd të rëshqas si ngjalë
Kjo natë është e çmendur
Dritat e mosdurimit janë ndezur
Çdo ndjenjë pacifiste është shuar
Nga epshi kryengritës e rebel
E çmendur
Plot epsh
Kjo natë...

[best_of_lifee]

NË STACION

Shkojnë e vijnë njerëzit
Këtu më ke pritur
Këtu të pres tani
Mbi tela telefoni koten zogjtë
Mesazhe dashurie
Ankthe
Dënesje
E fjalë
U ngatërrohen nëpër këmbë
Jemi udhëtar të përhershëm
E në këtë botë jemi përkohësisht, e dashur
Në këtë botë të madhe sa trishtimi
Në këtë botë të vogël sa ngazëllimi
Nëntor 1997

[mondishall]

Lexova, ndjeva, me bere per vete, dua te tjera, te tjera....nga talenti dhe stili tuaj i vecante..Respekt mondishall

[best_of_lifee]

TË HESHTIM E DASHUR

Më janë thinjur mendimet
Më janë lodhur fjalët
Shumë kemi folur kemi gënjyer
Duhet të mësohemi të heshtim e dashur

[best_of_lifee]

ME NJË PUTHJE MË ZGJON

Më zgjon me një puthje
Më sjell në këtë botë të madhe sa trishtimi
Ti dashuria ime
E freskët si mëngjesi i vesuar nga malli
Që më mbështjell
Më thua se dita e re çeli
Ashtu qoftë e dashur!
Ashtu qoftë e dashur!
Amin!

[bili99]

TË NGREMË NGA NJË GOTË

Vjen mëngjesi
Me sy të enjtur nga pagjumësia
Babadimri i ka plot thasët
Të mbushur me iluzione
E kam fryrë këtë vit
Si tollumbace
Ka plasur marëzia
Të ngremë nga një gotë o njerëz
Të festojmë për sukseset e dështimeve tona
Të gënjesh apo të jesh i gënjyer
Kjo është çështja që kërkon përgjigje
Të parën s'ma lejon natyra ime
Prej engjulli
Të dytën s'ma lejon natyra ime kryeneqe
prej djalli...

Shum e bukur.... o ,Engjull Djalli,... Te lumt........

Me nderime per bukurine e jetes,
bili99

[best_of_lifee]

Shum e bukur.... o ,Engjull Djalli,... Te lumt........

Me nderime per bukurine e jetes,
bili99

flm shum shokut do keni nderin qe ti shihni edhe nje numer shum te madh te poezive te poetit Selajdin

[best_of_lifee]

SËRISH SHFAQESH NË KËTË QYTET

Më ngjan si numër telefoni
I fshehur në skutat e kujtesës
Si biletë udhëtimi më ngjan
Fshehur në xhep harrimi
Me të cilën kam udhëtuar dikur
Përtej kotësisë
A jemi të njëjtit e dashur, apo jo
Apo kemi ndryshuar
Jo...