Pellasgët Dhe Svastika Në Vorbullën E Shekujve

[Baptist]

http://i43.tinypic.com/29dxwg1.jpg

Idhujt pellasg_______________

Në natyrën e shoqërisë njerëzore, faktori idhull, përmes fenomenit të imitimit me të cilin Aristoteli e spjegon edhe lindjen e mimezës e teatrit ne përgjithësi, përkufizon edhe normat e sjelljes. Imitimi i jetës së shpendëve si totemë të këtij populli krijoi një kulturë totale. Strukturoi botën emotive, motivore, materiale, artistike, moralin, konceptin estetik, si dhe konstantën emocionale të grupit. Këtë popull s’mund ta paramendosh të hidhëruar, ky ishte populli më i qeshur në të gjitha kohërat. Vizatimet që janë gjetur në Kretë e gjetiu, karakteristika e tyre dhe akcenti më markant është fluturimi, lëvizshmëria, mungesa e peshës së trupit, që në fakt të gjitha përshkruajnë lumturinë.

Konservimet kulturore_________

E tërë kultura pellasge është e lidhur ngushtë me shpezët. Duke u nisur nga priftëreshat, ritualet, emrat, veshja. Gjithkund në plan të parë vërehet imitimi i shpezëve dhe krahasimi me to. Edhe sot, priftëreshat katolike mbajnë veshje që imiton dukjen e laraskave. Gjubleta e grave shqiptare është e qepur asisoji që kontura e femrës në profil të duket sa më identike me patat, shotat, apo ndonjë shpez tjetër të familjes së tyre. Ato janë të shkurtëra qëllimisht aq sa të përfitojnë proporcionet e këmëbëve të shotës. Ecja e grave që veshin gjubletën e cila tundet butësisht para-mbrapa, saktësisht ta krijon përshtypjen se ato nuk ecin, por notojnë. E tërë eleganca dhe bukuria e tyre matej me shotën. Vallja e shotës që edhe sot jeton ndër shqiptarët, është vetëm një fakt më shumë se kjo traditë dhe kulturë parahistorike është ruajtur në formë të artit deri në ditët e sotme dhe se vlera arketipore e shpendëve në kulturën, traditën, dhe vetëdijen kolektive shqiptare ka mbetur e gjallë gjatë shekujve.

Familja______________________

- kishte një rregullim unik, dhe krahasuar me botën sot, bashkëkohor. Këtu do të gjejmë edhe një përforcim të faktit pse Odiseu i cili ishte pellasg nuk shkon te gruaja Penelopa, (të përkujtojmë se ky emër do të thotë patë), por e bjen me vete në Itakë. Koha kur ndodhë kjo martesë i takon retroaksionit matriarkal. E vërteta për këtë popull ideal (e them pa ngurrim) është se ata për nga aspekti shoqëror nuk bënin ndonjë dallim të madh ndërmjet gjinive, ose bënin aq sa bëjnë dhe kanë bërë këto shpezë ndërmjetvete. Në ne ende gjallon shprehja (në realitet kategoria) zot i shtëpisë, krahas asaj, zojë shtëpie. Vetëm kaq mjafton që të dijmë se ata ndanin pozita të barabarta në familje. Shtysë matriarkale dhe incestuoze kanë mundur të bartin me vete vetëm shoqëritë të cilat si totem, pra si idhull e kishin lopën apo ndonjë gjitar tjetër të kësaj familje. Kjo shtresë kulturore e cila padyshim pati ndikim të konsiderueshëm në gjeneratat tona të mëvonshme, nuk arriti ta zëvendësojë këtë element të fuqishëm të shpirtit pellasg.

[Baptist]

Pellasgët provokoheshin nga largësitë e panjohura__

-Populli që ka pasur figurë të adhurimit shpendin, nuk ka mundur t’i shpëtojë imponimit të mënyrës së mendimit dhe motivimit që si rezultat japin një shoqëri me potencial të madh krijues dhe civilizues. Pikë së pari, ndërmarrje të madhërishme të shtegtimit në vise të panjohura. Ndërmarrjet e tilla në historinë e njerëzimit njihen si përshpejtime të mëdha të zhvillimit kulturor apo përgjithësisht civilizues. Adhurimi i shtegtuesve në këtë shoqëri është i pashmangshëm, prandaj edhe zakoni i mikpritjes që u ruajt tek shqiptarët në një formë metafizike, që bashkon dy kundërshti konkurencash të mëdha, jurinë dhe religjionin, krijoi një lloj kulti të ri, -të Mikut, i cili me ardhjen e tij sjell me vete diçka hyjnore, apo një formë të njeriut në të cilën shfaqet perëndia supreme, Zoi. Zoi i cili, ta sjell kumtin para mbytjes së madhe. Po qe se dikush ta nget mikun do të ndodhë hataja! Çfarë janë disa pika gjak, në krahasim me zhdukjen e plotë të cilën e shkakton Zeusi Mikpritës. Nuk është e vërtetë se gjakmarrjet kanë krisur për tokë a për femra. Këto zakonisht janë zgjidhur me mjete më adekuate, bile sa i përket tokës, deri vonë ajo nuk ka qenë e ndarë plotësisht në pronësi familjare. Malet deri vonë kanë mbetur pronë e përbashkët fisnore a e gjakut. I vrari në dhunim të nderit femror ka shkuar në të shumtën e rasteve gjakhupës dhe gjakmarrja është ndërprerë shpejt, por kur është prerë miku ato zakonisht kanë zgjatur deri në shfarosje për arsye se “gjaku i mikut nuk falet”!(K.i L.Duk.) Ky është parimi, askush nuk ka tagër që ta falë gjakun e mikut. Ai që nuk e nxjerrte gjakun e Mikut, leçitej dhe i digjej shtëpia ku ritualisht i nxirreshin edhe katër gurët kyç të themelit. (Shih Eskili, dhe P. i Thyer, të I.Kadare-së).

[Baptist]

Sorrat_________________________

Priftëreshat që vesheshin plotësisht zi nuk shtegtonin. Ato ishin të përhershme dhe nderoheshin si sorra. Ato kishin për detyrë t’i ruanin të vdekurit. Puna e tyre intelektuale ishte e lidhur ngushtë me misterin e vdekjes. Fillimisht në këtë rend inicoheshin gratë pas klimaksit dhe ato e kishin në duar monopolin e ritualit të varrimit. (Njerëzimi, edhe sipas rrëfimeve biblike, varrosjen e mësoi prej sorrave). Përse këtë monopol e fituan “sorrat” e jo rendi i ngjajshëm me to “sorranët” mund të thirremi në mitin pellasg për krijimin që krahas ekzistimit të varrezave tumulare argumentohen reciprokisht. Pellasgët e nxjerrin gjenezën nga Eurinoma dhe Ofioni.“Eurinoma u bë pëllumbeshë ndërsa ofioni ishte gjarpër gjigand. Perëndesha mesdhetare gjithnjë paraqitet në përcjelljen e gjarpërit. Pellasgët e lindur nga toka, thonin se u krijuan nga dhëmbët e Ofionit. Pelarg do të thotë lejlek”. (R.Grevs). Prandaj, rituali i varrimit të pellasgëve ishte mbjellje e eshtërave të tyre që mbështetet në grupin e perëndive të tokës, Nënën Tokë. Varrezat tumulare individuale bëheshin asisoji që t’i përngjajnë barkut të gruas shtatzënë. E njëjta ndodhte edhe me varrezat familjare ku të gjithë hynin në një bark. Këta rilindeshin kur të piqeshin kushtet e besimit. Vetëm Sorrat e dinin këtë ritual, (ishin femra). Ata që nuk varroseshin nga “sorrat” nuk do të ringjalleshin, -prandaj ky ritual shumë i vlefshëm ishte i monopolizuar. Njësoj ky mit më vonë u modifikua për të spjeguar gjenezën e evoluimit të ilirëve prej tyre. Ata poashtu u lindën nga toka dhe dhëmbët e gjarpërit Ilo (Illyrianka), e jo siç thonë autorët e vonshëm antik. Ringjallja e të vdekurve sipas ciklit mitologjik me përkatësi iliro-pellasge, ndodhte pas përmbytjeve të mëdha.

[Baptist]

Përmbytja_______________________

Cikli i mitologjisë, bartës të së cilës ishin pellasgët ilirët dhe shqiptarët, për përmbytjen dhe ringjalljen e përjashton incestin. Ata rilinden prej gurëve (eshtërave të Nënës Tokë) dhe eshtërave të të parëve, bile shumica e varrezave tumulare tregojnë se të ndjerët varroseshin në pozitë të mbledhur të fetusit. Pas përmbytjes së Zeusit, i biri i Prometheut dhe e bija e Epimetheut, dy njerëzit më të mirë në botë e popullzuan tokën sërish duke hedhur gurë prapa shpinës! Edhe pse këta ishin fëmjë të dy vëllezërve (e jo nga të njejtët prindër sikur në mitologjitë tjera ku nuk apstrahohet incesti), ky është ndoshta, i vetmi mit për ringjalljen e njerëzimit që e përjashton incestin. Kanuni shqiptar* poashtu sanksionon incestin deri në katërqind breza. Të damunit e zjermit edhe në katërqind breza me kenë, as nuk marrin e as nuk japin.(Kjo është e barabartë me 72 shekuj po qe se një brez llogaritet vetëm 18 vjet!), që do të thotë, -kurrë!

* eshte ligji i vetem nder gjithe civilizimet e derisotme te njerezimit i cili incestin e perjashton plotesisht edhe si mundesi te rastit.

[Baptist]

Shpendët zgjojnë imagjinatën___________

Zbulimi i lundrës nuk ka mundur të bëhet nga askush tjetër pos nga ata që i patën totemë shpendët ujor. Pas këtij zbulimi, udhëtimet e tyre u bënë shumë më intenzive, më ndërmarrëse dhe më të guximshme. Kurreshtja e këtij populli për të parë botëra sa më të largëta u shtua vazhdimisht. Perfeksionimi i lundrave është dashur të ketë marrur hov dhe s’është çudi pse ilirët edhe më vonë janë të njohur si lundërtarët më të mirë dhe anijendërtuesit më të shkathtë të atyre kohërave. Të gjithë historianët e pohojnë pa ngurrim se si grekët ashtu edhe romakët, të gjitha për anijendërtimtarinë i kishin mësuar nga ilirët. Ndërmarrje të tilla kishte pasur shumë. Për shumicën e tyre kemi dëgjuar edhe në legjendat e mitet që mbetën të shkruara nga grekët. Jasoni, i vëllai i Dardanit, ndër të parët kishte bërë një udhëtim të tillë të shenjtë. (Jasoni kishte shkuar për lëkurën e dashit të artë). Kjo do të thotë se ai kishte vajtur atje për të rrëmbyer mjeshtërinë e rritjes së dhenëve. Në pellasgji më parë nuk kishte dele. Njëherit ky është edhe takimi me principet patriarkale, atij iu desh të fuste rendin patriarkal për të fituar mbretërinë sipas gjakut et atit, kulti i dashit e kishte këtë forcë. Dhenët ishin ekonomi që shërbente për krijimin e ushtrive rrebeluese dhe pasi nuk kishin tokë për të mbjellur drithëra, dhenët ishin më të përshtatshmet për këtë qëllim.

[Baptist]

Korbët ose sorranët________________

A ishin këto shtegtime të rregullta apo jo dhe a shtegtonte i tërë populli apo vetëm gjysma e tij më vitale? Kush kujdesej për vendbanimin dhe për pasuritë që nuk barteshin me vete përpos “sorrave” plakave në të zeza? A ishte i përzier rendi i pleqëve në të zeza me këtë rit apo i takonin një rendi tjetër ende më të vjetër siç është Terezia, pleqnarët apo të urtit që i peshonin gjërat. Këta merreshin me misterin e harmonisë dhe jurisdikdisonit? Tiresitë ishin të verbër, ose simbolikisht pëfytyroheshin si të tillë, ata ishin të lidhur ngushtë me magjinë e labirintit dhe komunikonin me kanalet e fshehta të nëntokës. Si vazhdimsi e Uranit, ata ishin urithë, apo të urtë,dhe më vonë Kronit, ata ishin korbë, (korbët siduket janë konsideruar gjini mashkullore e sorrave?), por për dallim nga sorrat që merreshin me misterin e vdekjes dhe mbanin monopolin e ceremonisë së varrimit te et vdekurve, këta merreshin me paralajmërimin e saj dhe me drejtësinë. Këta ishin juristët e parë dhe drejtësinë e mbronin me kërcnimet që vinin nga Hadi. Ata ftoheshin për të zgjidhur qështje të komplikuara juridike kur mbreti nuk kishte aftësi për vendim. Ishin të vetmit që kishin leje të komunikonin me botën e nëndheshme. Pasardhës të tyre të drejtpërdrejtë janë Pleqnarët Kanunor.

“Kroni nga grekët u kuptua si kronos (ati kohë) që paraqitej me drapërin e tij. Pas një kohe është paraqitur me sorrën, ngjajshëm me Apolonin, Eskulapin dhe Saturnin. Chronos, sigurisht do të thotë sorrë ngjajshëm me fjalën latine cornix dhe greke corone”. Thotë Robert Grevs, por megjithatë shprehja corone = sorron pra sorran, edhe pse larg nga kuptimi chronos=kohë, megjithatë në mënyrën e vet rituale është e lidhur me sorrën n.f., cornix - korbin, kuptohet si përcjellës i domosdoshëm i atij që paralajmëron dhe shkakton vdekjen. Kroni megjithatë do të thotë krua, që simulon kohën. Ai më tutje thotë se sorra është zog orakull në të cilin hyn shpirti i mbretit të shenjtë që është flijuar. Koha u zbulua me zbulimin e kroit si gurrë dhe Kronit si perëndi. Pavdeksinë e shkatërroi koha, prandaj koha dhe vdekja rrijnë në marrëdhënie asociative. Drapëri i tij pos korrjes (që bënë vdekja) simbolizon edhe vet vdekjen. Edhe Apoloni, edhe Eskulapi, edhe Saturni janë të lidhur ngushtë me vdekjen. Prandaj të Shtundeve (Saturna) ilirët është dashur t’u bënin libasione të vdekurve dhe këtë ditë e kalonin me të afërmit e tyre të vdekur.

[Baptist]

Pyetje...______________

Pellasgët ishin udhëtarët më të mëdhenjë në histori dhe kjo nuk mund të paramendohet pa njohuri të holla astronomike. Kush ishin navigatorët, njohësit e yjeve dhe shtigjeve të shtegtimit? Ku mbet kjo njohuri? Tregimi për fëmijët që i solli lejleku. Muaji i mjaltit që ende qarkullojnë në kulturën evropiane,-a është e mundur që të rrjedhin nga pellasgët dhe fisi i tyre i njohur me emrin Leleg? A është e mundur që dyndjet t’i kenë bërë çiftet e reja të sapomartuara, dhe fëmijët e tyre të kenë qenë deportuar nga lejlekët, pjesëtarët e fisit të kësaj infrastrukture të çuditshme, ndërsa muaji i mjaltit të ketë fituar emrin nga udhëtimet për në bregun lindor? Këto pyetje mund të marrin përgjegjet e tyre menjëherë pas stabilizimit të teorisë që bazohet në shpendët ujor për Svastikën.

[Baptist]

Svastika si figurë e stilizuar_____

Pavarësisht nga teoria e pranuar se svastika ka të bëjë me rrotullimin e përhershëm të diellit, çështja është se, sa do të ketë mundur njeriu i asaj kohe ta krijojë atë përfytyrim? Njerëzit e shohin vetëm gjysmën e rrotullimit të tij virtual. Dielli në gjysmësferën qiellore përshkruan vetëm një hark dhe jo rrethin e plotë. Ndërsa forma e simbolit në fjalë, më shumë na tregon për një rrotullim rreth boshtit të vet, se sa rreth ndonjë trupi tjetër. Sa mund të qëndroj kjo teori nëse themi se dielli si trup qiellor deri në mesjetë është konsideruar si disk apo monedhë e artë? Tek e fundit - se dielli sillet rreth boshtit të vet -është zbulim ende i freskët. Fisi ilir Paionët apo Peonët diellin e adhuronin në formë të diskut të ngritur mbi një shtyllë të lartë e jo në formë të svastikës sikur duhet të pritej. Sërish mbetet pyetja: -çfarë simbolizon svastika në të vërtetë?

[XH.GASHI]

Peruroj per temen e hapur edhe pse shumicen e ketyre nentitujve i kemi biseduar neper tema te ndryshme megjithat kan mbetur gjera te pa shtjelluara pamvarsisht nga ngecja ato do te hecin para njekohsisht me thellimin e analizes .

Baptist te shkruash per svastiken ne hollsi eshte e pa mundur te anashkalosh te verrteten Ptudimi ne hollesi i keti simboli na jep rezultatae qe truri yne veshtire se ka kapacitet ti permbledh ti shenoj daunlod.Pra nese kuptimin e suastices e kuptojm ne tersi do te arrijm perseri te e verrteta ekzistenciale e nje fuqie krijuese nuk po them a -z por po them atom qeliz dhe shpirti ne form energjie cytse .Thjesht Krijuesi caktoj gjdo gje ne precizitetin me te madh ne te kaluaren, te tanishmen dhe te ardhmen .Nese logjikojm sikur adn-en e njeriut qe eshte e perber nga kater elemente ADENINA TININA GUANINA CITOZINA ne fakt adn-ja ka nje element qe eshte i domosdoshem ky eshte elementi pest shpirti qe ndoshta me kohen do te jete me i kuptueshem .
Pra harmonia e ketyre kater elementeve pa elementin e pest eshte nje hiq vakum apo 0 .

Suasticen shpesh her neper artifakte e hasim ne forma te ndryshme psh ne form kafshe dhe shpesh kemi edhe ne form kembesh qka na ben te ditur se behet fjal per nje levizje te panderprer po lind pyetja kush eshte qe leviz nese jan planetet e sistemit ton diellor pra te paret tane paskan pas njohuri ne saktesi per planetet dhe levizjet e tyre rreth nje boshti njekohsisht bashk me kete bosht duke levizur ne nje kahje te caktua ne nje qender qe mendja njeriut akoma ska mund te definoj.
Pra nese kan pas kete njohuri per sistemin diellor te Pellazget as qe ka ardh ne shprehje politeizmi ,politeizmin e sollen te pa diturit qergart. QERG-GREQ.
Pellazget ishin Monoteista
PELLAZGET kan besuar ne nje fuqi supreme ,Zot apo Perendi e cila ishte e pa zavendsueshme po ja erdhen kulturat tjera dhe engjujt na i shpallen per zot dhe vet u shpallen engjuj ,,bij te zotit"perfitojn edhe sot e kesaj dite nga procesi Hyjnizimit-hyllenizimit -hellenizimit , gjuhen na e modernizuan alfabetin na e shtrembruan ishim te djatht na bene te majt si ata te perrojit ( demonet).
E verrteta nje dite do dal sheshi.
Megjithate suastica ecen nuk ndalon .

Baptist suksese per temen .

[eagle_black]

Peruroj per temen e hapur edhe pse shumicen e ketyre nentitujve i kemi biseduar neper tema te ndryshme megjithat kan mbetur gjera te pa shtjelluara pamvarsisht nga ngecja ato do te hecin para njekohsisht me thellimin e analizes .

Baptist te shkruash per svastiken ne hollsi eshte e pa mundur te anashkalosh te verrteten Ptudimi ne hollesi i keti simboli na jep rezultatae qe truri yne veshtire se ka kapacitet ti permbledh ti shenoj daunlod.Pra nese kuptimin e suastices e kuptojm ne tersi do te arrijm perseri te e verrteta ekzistenciale e nje fuqie krijuese nuk po them a -z por po them atom qeliz dhe shpirti ne form energjie cytse .Thjesht Krijuesi caktoj gjdo gje ne precizitetin me te madh ne te kaluaren, te tanishmen dhe te ardhmen .Nese logjikojm sikur adn-en e njeriut qe eshte e perber nga kater elemente ADENINA TININA GUANINA CITOZINA ne fakt adn-ja ka nje element qe eshte i domosdoshem ky eshte elementi pest shpirti qe ndoshta me kohen do te jete me i kuptueshem .
Pra harmonia e ketyre kater elementeve pa elementin e pest eshte nje hiq vakum apo 0 .

Suasticen shpesh her neper artifakte e hasim ne forma te ndryshme psh ne form kafshe dhe shpesh kemi edhe ne form kembesh qka na ben te ditur se behet fjal per nje levizje te panderprer po lind pyetja kush eshte qe leviz nese jan planetet e sistemit ton diellor pra te paret tane paskan pas njohuri ne saktesi per planetet dhe levizjet e tyre rreth nje boshti njekohsisht bashk me kete bosht duke levizur ne nje kahje te caktua ne nje qender qe mendja njeriut akoma ska mund te definoj.
Pra nese kan pas kete njohuri per sistemin diellor te Pellazget as qe ka ardh ne shprehje politeizmi ,politeizmin e sollen te pa diturit qergart. QERG-GREQ.
Pellazget ishin Monoteista
PELLAZGET kan besuar ne nje fuqi supreme ,Zot apo Perendi e cila ishte e pa zavendsueshme po ja erdhen kulturat tjera dhe engjujt na i shpallen per zot dhe vet u shpallen engjuj ,,bij te zotit"perfitojn edhe sot e kesaj dite nga procesi Hyjnizimit-hyllenizimit -hellenizimit , gjuhen na e modernizuan alfabetin na e shtrembruan ishim te djatht na bene te majt si ata te perrojit ( demonet).
E verrteta nje dite do dal sheshi.
Megjithate suastica ecen nuk ndalon .

Baptist suksese per temen .

ja dicka mbi swastiken