Close
Faqja 0 prej 2 FillimFillim 12 FunditFundit
Duke shfaqur rezultatin -9 deri 0 prej 12
  1. #1
    i/e regjistruar
    Anëtarësuar
    22-03-2003
    Postime
    10,240

    Deputeti, ndihme “Bandes se Lushnjes”

    Ne dosjen e hartuar nga prokuroret italiane rezulton emri i Erion Braces

    Pergjimet e realizuara nga prokuroria italiane per anetaret e “Bandes se Lushnjes” te drejtuar nga Aldo Bare, i njohur edhe me emrin Alfred Shkurti, kane nxjerre ne drite detaje interesante, ku permenden edhe emra politikanesh. Ne nje bisede te pergjuar me 11 prill 2004, mes Alfred Shkurtit (Aldo Bare) dhe Alxhi Nallbanit diskutohet mundesia e fitimit te tenderit per ndertimin e rruges Lushnje-Fier dhe marrja e ekskluzivitetit per vendosjen e disa pikave te karburantit. Ne diskutimet per tenderat, inkuadrohet dhe emri i Erion Braces, deputet i Partise Socialiste. Sipas kapitullit 18, faqe 398, te dosjes penale te prokurorise italiane, eksponenti socialist qe drejton dhe gazeten “Zeri i Popullit”, ne komunikimin me pjesetare te organizates se dyshuar kriminale, kishte deklaruar se gara e tenderit do te fitohej nga disa sipermarres italiane, te njohur nga ai. Prokurori Italian Dionixhi Tibone ka perfshire ne dosjen per pjestaret e “Bandes se Lushnjes” edhe tekstin e zbardhur te bisedes se pergjuar.

    Biseda e regjistruar nga autoritetet italiane te drejtesise, mban daten 11 prill te vitit 2004 dhe u kap ne numrin e Alxhi Nallbanit. Ai kreu nje bisede telefonike me Aldo Baren, i njohur dhe si Alfred Shkurti, qe posedonte numer turk. Biseda perqendrohej ne perpjekjet per te fituar tenderin per ndertimin e autostrades Fier-Lushnje. Ne lidhje me kete argument, Nardi (Renardo Nallbani), vazhdonte me faktin se kishte folur me Erion Bracen. Ky i fundit i kishte treguar se gara e tenderit do te fitohej nga disa sipermarres italiane, te njohur nga ai. Biseda vijonte mbi projektin qe kishte organizata kriminale, “te bazuar ne shtytjen nga deputeti socialist Brace, me synimin per te fituar te drejten ekskluzive te instalimit, mbi te gjithe rrjetin autostradal ne diskutim, te disa distributoreve te benzines, te administruar direkt nga grupi kriminal”.

    Komunikimi mes te shumekerkuarit te Shqiperise Aldo Bare dhe Alxhi Nallbanit, eshte ndalur dhe per udhetimin ne Gjermani qe Alxhi kishte bere me Renardo Nallbanin, i quajtur Nardi. Ne kete pike biseda behet e paqarte pasi Shkurti tregon se ka patur nje shkembim fjalesh me bashkeqytetasin i quajtur “doktori”, i cili po i linte menjane interesat e grupit te tyre. Alxhi replikon se ne momentin e rikthimit ne token shqiptare “do te merrej me doktorin”.

    Aldo Bare, njohur dhe si Alfred Shkurti, cilesohet nga policia dhe prokuroria shqiptare si kryetar i nje organizate kriminale, e njohur si “Banda e Lushnjes”. Grupi “kriminal” me te pakten 20 anetare, disa prej te cileve po gjykohen ne Tirane dhe te tjere ne Torino te Italise, akuzohet se ka kryer nje seri vrasjesh dhe krimesh te tjera te renda gjate dekades se kaluar, kryesisht ne Lushnje dhe Tirane. Bare eshte arrestuar ne Turqi para disa muajsh por ekstradimi i mundshem i tij ne Shqiperi, duket ende i vaket. Ai kerkohet dhe nga drejtesia shqiptare, nen akuzen e trafikut nderkombetar te drogave te forta.

    REGJISTRUAR NGA PROKURORIA ITALIANE

    Pjese e materialit hetimor per biseden e zhvilluar mes Aldo Bares (Alfred Shkurtit) dhe Nallbanit

    “Me daten 11 prill 2004, ne oren 22.53, ne numrin 338/8837418, ne perdorim te Alxhi Nallbanit, i quajtur Xhili, u kap nje telefonate drejt numrit turk 0090/5442172483, ne perdorim te Alfred Shkurtit. Gjate bisedes, ky i fundit e pyet Alxhin nese i ka perfunduar “punet”, Alxhi pergjigjet se ka bere “diskutimet”, vazhdonte duke sqaruar se do te qendronte ne Itali edhe per dy ose tre dite te tjera. Me pas i rrefen Shkurtit per udhetimin ne Gjermani te bere me Renardo Nallbanin, i quajtur Nardi, duke sqaruar: “shkova per te blere 2 kamione, me nje rruge, dy pune, e ke te qarte?” Alxhi me pas i sqaron Shkurtit se ne Itali jetohet shume mire, por ky i fundit i pergjigjet se “ne Itali ka shume shqiptare dhe te duket sikur je ne Tirane”. Shkurti tregon se ka patur nje shkembim fjalesh me bashkeqytetasin e tij i quajtur “doktori”, i cili po i linte menjane interesat e grupit te tyre, pra Alxhi replikon se ne momentin e rikthimit ne token shqiptare “do te merrej me doktorin”.

    Shkurti, gjithnje ne kuader te dialogut te mesiperm, perseriste nevojen, nga ana e organizates, per te “siguruar” garen e tenderit per ndertimin e autostrades Fier-Lushnje. Ne lidhje me kete argument, biseda vazhdohej nga Nardi, i cili sqaronte se kishte folur me ish-gazetarin Brace, tani eksponent i larte ne Partine Socialiste, i cili i kishte treguar se gara e tenderit do te fitohej nga disa sipermarres italiane, te njohur nga ai.

    Biseda vazhdonte mbi projektin qe kishte organizata kriminale, te bazuar ne shtytjen nga deputeti socialist Brace, me synimin per te fituar te drejten ekskluzive te instalimit, mbi te gjithe rrjetin autostradal ne diskutim, te disa distributoreve te benzines, te administruar direkt nga grupi kriminal.”

    Telekomandimi i goditjes

    Publikimi ne nje te perditshme i disa materialeve nga dosja hetimore per pjestaret e “Bandes se Lushnjes” terhoqi interesin maksimal te publikun, ndersa dolen ne drite edhe emra politikanesh te permendur ne biseda telefonike te pergjuara. Goditja publike dukej e telekomanduar, ndersa ne serine e pare te publikimeve u shenjestrua anetari i Keshillit te Larte te Drejtesise, Artan Gjermeni, ne serine e dyte ministry Lufter Xhuveli dhe ne te treten ish-Kryeministri Fatos Nano, nepermjet permendjes se ish-shoferit te tij. Vete ish-kreu socialist sqaroi poziten e tij, duke deklaruar se nepermjet zedhenesit se “prokurori ka bere te qarte qe Nano s’ka lidhje, pasi behet fjale per nje bisede te dy te pandehurve”. Bisede ku permendej emri i Nanos dhe i shoferit te tij. Per me teper, ish-Kryeministri vleresoi se sulmi ndaj tij vinte per shkak te kandidimit per postin e Presidentit te Republikes.

    Ne serine e botimit te materialeve per “Banden e Lushnjes” doli ceshtja e ndertimit te rruges Lushnje-Fier dhe interesit te grupit te njohur kriminal per te fituar tenderin. Pikerisht ne kete seri botimesh dosja u censurua dhe nuk u botua e plote, duke fshire emra te politikaneve te caktuar, te cilet permendeshin gjate bisedes mes dy pjestareve te “Bandes se Lushnjes”. Censurim qe hedh dyshime te forta mbi qellimin e vertete te botimit dhe perzgjedhjes se teksteve per t’u botuar. Ne deklaraten e tij publike, ish-Kryeministri Nano foli per manipulim faktesh dhe “qendrim abuziv dhe shantazhues te botuesit te ‘Gazetes Shqiptare’, i rreshtuar per interesa politike dhe komerciale te dyshimta…”.
    Fotografitë e Bashkëngjitura Fotografitë e Bashkëngjitura  
    #VamosArgentina

  2. #2
    Peace and love
    Anëtarësuar
    16-06-2006
    Vendndodhja
    usa
    Postime
    1,897
    Vetem emrin kur i permendet eshte nje tallje e madhe qe i behet shqiptareve,mos e pyet per epitetet"deputet" "kryeredaktor".C'mund te pritet nga nje njeri qe drogohet 7 ditet e javes?

  3. #3
    Creator Spiritus Maska e Dito
    Anëtarësuar
    02-04-2004
    Vendndodhja
    Ne Bahçen time
    Postime
    3,882
    E cuditshme njohin kaq shume politikane dhe do hane burgun! Mistrecat njihkan vetem te majte mire tu behet, ne litar :P Cfare nuk degjon ketu ne forum! Gallate e madhe eshte, njeri te thote Berisha furnizon me nafte e arme serbine, tjetri thote Nano me shoke eshte nje kriminel ordiner qe vjedh pula ne qymezet e miletit bobobobobo; mendo tani ke duhet te zgjedhim: Ore ndonjeri nga ju te forumit, meqe jeni burra e gra te mire/a pse nuk vini kanditaturen t'ju japim gropen keshtu voten se u bera lemsh.


    Dito.

  4. #4
    Perjashtuar Maska e thorgal
    Anëtarësuar
    20-05-2002
    Vendndodhja
    me zemer ne Shqiperi
    Postime
    296
    Citim Postuar më parë nga Dito
    E cuditshme njohin kaq shume politikane dhe do hane burgun! Mistrecat njihkan vetem te majte mire tu behet, ne litar :P Cfare nuk degjon ketu ne forum! Gallate e madhe eshte, njeri te thote Berisha furnizon me nafte e arme serbine, tjetri thote Nano me shoke eshte nje kriminel ordiner qe vjedh pula ne qymezet e miletit bobobobobo; mendo tani ke duhet te zgjedhim: Ore ndonjeri nga ju te forumit, meqe jeni burra e gra te mire/a pse nuk vini kanditaturen t'ju japim gropen keshtu voten se u bera lemsh.


    Dito.
    Te ishte per politikanet Shqiptare atyre s'do u ishte prekur as qimja e flokut por thuaj

    FALEMINDERIT DREJTESISE ITALIANE

  5. #5
    i/e regjistruar Maska e friendlyboy1
    Anëtarësuar
    25-06-2002
    Postime
    769
    hajde mafioz qenka ky bracja sa ja ka ven shinjestren dhe interpoli italian. po kshu jan keta palopolitikan lamash, nuk din te mendojn per popullin su ngopen per vete. hajde politikan hajde. erjon brace.

  6. #6
    i/e regjistruar Maska e Brari
    Anëtarësuar
    23-04-2002
    Postime
    18,826
    murik..

    ate qe drogohet erioni e ke fakt apo llaf kot..

    dhe mblidhini ne nje teme krejt keto punet e bandes lushnjes..

    dhe shpresoj qe kenetat e bregu detit i zones lushnjes (por dhe i gjithe shqiperise) te behen prone kombetare nen kujdesin e shkencetareve e jo biznese kriminelesh..

    vetem keshtu do kene rast te shohin zogj dhe ata qe do lindin ne vitet 2020 e kacafiu..

  7. #7
    i/e regjistruar Maska e Dorontina
    Anëtarësuar
    22-09-2006
    Vendndodhja
    "In your dreams making you happy"Nese e ke humb dashurin e ke humb aryen e jetes, nese ende se ke gjet ke arsye te jetojsh "
    Postime
    3,488
    Citate nga Sabri Selmani:

    Shqiptarët e gjorë me koka të zbrazëta e me këmbë të zbathura shkelin mbi tokat e veta etnike prej floriri.

    Elita politike shqiptare [B]qdoherë e bashkuar për tradhëti kombëtare
    kurse e coptuar dhe e ndarë në dobi të interesave kombëtare. [/B]
    "Msyja Henes po smujte me u ndal ne Hene,mbi yje ateron gjitsesi" ....

  8. #8
    i/e regjistruar Maska e elen
    Anëtarësuar
    07-01-2005
    Vendndodhja
    United States of Albania
    Postime
    919
    Keto 2 shprehjet e mesiperme qenkan super,llahtare fare.
    Never take life seriously. Nobody gets out alive anyway

  9. #9
    Perjashtuar
    Anëtarësuar
    30-10-2004
    Postime
    705
    Deputetë të Grupit parlamentar Socialist i kërkojnë dorëheqjen e krahut politik të Aldo Bares në Kuvend


    Debate në PS për lidhjet e Ramës dhe Braçes me krimin


    Deputetët e Partisë Socialiste i kërkuan dje dorëheqjen si anëtar kryesie dhe si kryeredaktor i "Zërit të Popullit", deputetit Erion Braçe pas publikimit të fakteve të pakontestueshme të Prokurorisë italiane që e implikojnë atë në pastrimin e parave të bandës së Aldo Bares. Ata i kërkuan Braçes të japë shpjegime lidhur me faktet tronditëse të autoriteteve italiane, por ai është munduar t'i anashkalojë ato përmes justifikimeve politike. Mungesa e argumentave për të hedhur poshtë akuza të tilla nga ana e Braçes e ka tensionuar jashtë mase situatën në mbledhjen e Grupit parlamentar të PS-së, derisa debati ka degjeneruar në sharje e fyerje personale mes tyre. Taulant Balla dhe Petro Koçi i kërkuan Braçes që të japë dorëheqjen e menjëhershme si anëtar kryesie dhe si kryeredaktor i "ZP"-së. Ata thanë se nuk mund të justifikojnë në opinionin publik këto fakte, të cilat nuk vijnë nga mazhoranca për luftë politike, por janë dokumenta të autoriteteve të besueshme të shtetit italian. Burimet pranë Grupit parlamentar të PS-së thanë se, debati ka dalë jashtë kontrollit dhe është dashur ndërhyrja e disa deputetëve të konsideruar si të papërzier në asnjërën palë që të qetësojnë situatën. Deputetët, gjithashtu kanë kërkuar arsyen e mungesës së Ramës në mbledhjen e Grupit të parlamentar, duke e konsideruar mospjesëmarrjen e tij si një tentativë për t'iu shmangur shpjegimeve që e lidhin atë me bandën kriminale "Hakmarrja për Drejtësi". Ndërkohë, debati mbi lidhjet e kupolës së lartë drejtuese të PS-së me organizatat kriminale është zhvendosur edhe në Kuvend, ku deputetët e mazhorancës kërkuan që Erion Braçes t'i hiqet imuniteti parlamentar me qëllim që t'u jepet mundësia organeve të drejtësisë të hetojnë mbi lidhjet e tij me bandën e Aldo Bares. Ndërkohë, vetë Braçe, duke folur në Kuvend ka sulmuar mediat që publikuan këto prrova të Prokurorisë italiane, duke kërcënuar drejtuesit e tyre se do t'i padisë. Nga ana tjetër, ai pohoi se ka ndërhyrë tek drejtuesit e "Gazetës Shqiptare" për të ndaluar publikimin e pjesës së përgjimeve telefonike që e implikojnë atë në pastrimin e parëve të bandës së Lushnjës. Braçe është munduar të anashkalojë faktet e rënda përmes qëndrimeve polittike dhe sulmeve ndaj qeverisë, ku herë-herë nuk ka nguruar të marrë edhe rolin e viktimës. I vetmi argument me të cilin Braçe është munduar të mohojë këto fakte ishin akuzat e drejtuara ndaj Ilir Kullës, i cili sipas tij, ka marrë nga Prokuroria e Torinos pjesën që e implikonte Braçen si ekonomist të organizatës krriminale të Lushnjës. Ndërkohë, vetë Rama nuk ka dhënë asnjë shpjegim për provat e Prokurorisë italiane që e implikojnë atë në dhënien e lejeve të ndërtimit për ngritjen e pallateve luksoze në qendër të Tiranës, organizatës kriminale "Hakmarrja për Drejtësi". Pavarësisht debateve të nxehta që kanë provokuar këto fakte tronditëse të drejtuesve të lartë politikë të PS-së me bandat kriminale, organet e drejtësisë kanë rënë në një heshtje varri. Prokuroria as nuk e ka marrë mundimin qoftë edhe të nisë hetimet për të konkluduar se sa të vërteta janë faktet që kanë publikuar homologët e tyre italianë, ndonëse është detyrim ligjor i Prokurorisë që të nisë hetimet edhe kryesisht kur ka qoftë edhe dyshimin më të vogël. Por, siç duket kjo shpjegon edhe simbiozën e përfaqësuesve të krimit në Partinë Socialiste me Prokurorin e Përgjithshëm, të cilët vazhdojnë të ndihmojnë njëri-tjetrin për t'i shpëtuar përgjegjësisë para drejtësisë dhe ligjit.


    Ylber Drazhi

  10. #10
    Perjashtuar
    Anëtarësuar
    30-10-2004
    Postime
    705
    Të lehësh pas “gardhit” të imunitetit
    Nga Mero Baze
    Një deputet socialist, emri i të cilit është i përfshirë në një dosje hetimore të autoriteteve italiane rreth një organizate kriminale që ka vepruar në Shqipëri, ka sulmuar dje i nervozuar shtypin që ka publikuar dosjen, e cila një ditë më parë ishte redaktuar me kujdes nga një gazetë tjetër për të mos dalë emri i tij. Pasi gazeta botoi pjesën e pabotuar të dosjes dhe pasi ka siguruar gjithë dosjen e plotë, ku përfshihet dhe emri i kryetarit të Partisë Socialiste, Edi Rama, si i lidhur me rivalët e organizatës kriminale në fjalë, “Hakmarrja për Drejtësi”, në Tiranë, socialisti Erjon Braçe ka patur pak shpresa të fshihej, siç bëri pardje dhe u hodh në sulm. Problemi qëndron se njeriu gjendet vërtet në hall, kur e sulmon Erjon Braçe.

    Problemi i parë ka të bëjë me faktin se, ai, kur sulmon, thotë gjëra aq kërcënuese sa të shkaktojnë të qeshura dhe nuk e merr dot seriozisht. Kështu, disa vite më parë, mbaj mend që më nisi një mesazh, ku më kërcënonte se do të më zhdukte fisin, familjen dhe mua natyrisht. Duke qenë ai që është dhe që e njohin të gjithë, përfiton nga rasti që njeriu nuk ankohet dot, se ndjehet i kërcënuar nga Erjon Braçe dhe kështu bëhet agresiv. E çova te një prokuror i Tiranës mesazhin, por dhe ai filloi të qeshte. Duke qenë se askush nuk e merr seriozisht, ai ka mbetur një tip i bezdisshëm si ato konet e vogla që lehin gjithmonë nga i njëjti vend pas gardhit, kur ti kalon rrugës dhe asnjëherë s`të dalin përpara.

    Problemi i dytë që vjen nga sulmet e tij është absurditeti, me të cilën formulon akuzat. Po t`i hedhësh një sy gazetës “Zëri i Popullit”, të ikën gjithë inati pesëdhjetëvjeçar me atë gazetë, pasi e kupton se më në fund, fati e ka dënuar, duke e bërë tërësisht qesharake dhe vulgare, qyshkurse ka rënë në dorë të Erjonit. Aty gjen një gjuhë urrejtjeje dhe skizofreni që do ta kishte zili çdo fantazi e një njeriu të sëmurë mendërisht. I kësaj natyre ishte dhe reagimi i tij, pasi iu publikua emri në dosjen hetimore të organizatës kriminale të Lushnjës.

    Nuk dua të merrem me të, as me gazetën që përpiqet t`i japë zemër Erjonit, por dua të tërheq dhe njëherë vëmendjen për standardet e dyfishta që përdorin këta të akuzuar si bashkëpunëtorë të mafias me drejtësinë shqiptare. Konkretisht, Erjon Braçe është i lirë të shajë dhe të fyejë në gazetë, pasi Sali Berisha ka marrë një vendim absurd që ndalon zyrtarët e tij ta padisin gazetën për shpifjet monstruoze. Por, pavarësisht budallallëkut të Sali Berishës, në këtë rast, vetë Erjon Braçe nuk nguron të thotë se, do të hedhë në gjyq gazetarët që ia botuan të vërtetën e hidhur, për të cilën çdo politikan në botë do të kishte ndërprerë karrierën dhe do të kishte ikur në shtëpi të vet. Standardi i dyfishtë qëndron te fakti se, kur të hedh në gjyq Erjon Braçe, quhet shtet ligjor, por, po të hedhësh në gjyq Erjon Braçen, quhet presion politik. Por, në kushtet kur kryeprokurori nuk ka lënë asnjë dilemë se është më fanatik se Erjon Braçe si militant socialist dhe gjykatat falë mungesës së reformave në drejtësi janë po ashtu skalione socialiste, nuk e kuptoj, përse ky Erjon Braçe, kur kërcënon se do të hedhë në gjyq gazetarët, nuk heq dorë nga imuniteti i tij si deputet dhe t`i nënshtrohet hetimit. Ne nuk e kemi akuzuar Erjon Braçen në emër tonë, por thjesht kemi botuar një faqe nga një dosje hetimore italiane. Në qoftë se Erjon Braçe është njeri i pastër, ai mund ta dorëzojë vetë imunitetin dhe të kërkojë hetim për ato që janë thënë dhe që mund të botohen për të. Në redaksi kanë ardhur shpesh materiale të tilla tronditëse për lidhjet e tij me botën e krimit, edhe pse kjo duket joserioze, për shkak të shtatit të tij. Ne s`i kemi botuar, për shkak se rëndësia e akuzës është në përpjestim të zhdrejtë me rëndësinë e Erjonit në politikën shqiptare. Por, meqë ky marrka guximin të hedhë në gjyq gazetarët, kur mendon se i preket liria dhe meqë Dhori Sollakun e ka më shumë sesa shok ideali në gjithë punët e tij, atëherë, përse nuk e dorëzon imunitetin dhe të ballafaqohet hapur me drejtësinë? Dhe në kushte të tilla ai është i privilegjuar, pasi prokurorinë sërish e ka me vete dhe sërish mund t`ia fshehë, siç ia ka fshehur deri më sot këto fakte që po botohen. Por, sidoqoftë, ne presim që ai të bëjë një gjest. Unë personalisht kam vendosur ta padis për ato që ka folur dje dhe për ato që ka shkruar më parë. Ai nga ana e vet është i lutur ta heqë atë imazhin e kones që leh nga vendi dhe të bëhet i barabartë si qytetar për të verifikuar akuzat. Pastaj, qytetarët binden vetë edhe për sekserin e Aldo Bares, edhe për “sekserin” e Sali Berishës.

Faqja 0 prej 2 FillimFillim 12 FunditFundit

Tema të Ngjashme

  1. Varfëria dhe mizerja.
    Nga DI_ANA në forumin Tema shoqërore
    Përgjigje: 125
    Postimi i Fundit: 18-01-2017, 05:25
  2. Çlirimi i Frymës
    Nga Matrix në forumin Komuniteti protestant
    Përgjigje: 59
    Postimi i Fundit: 12-08-2005, 12:55

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •