Transferimet e futbollistëve - [THASHETHEME]

[The.ReaL]

[ZYRTARE]

Almiron , nga Juventusi ne Monaco.



J.Boumsong , nga Juventusi ne O.Lyon.



Stendarto , nga Lazio ne Juventus.

[AlbaneZ]

Talenti Çani kërkohet nga Mançester Siti

Nuk kanë të mbaruar kërkesat për sulmuesin e talentuar shqiptar Edgar Çani. Pas Interit e Sampdorias, Udinezes dhe Palermo, një tjetër klub i madh, që në drejtimin e tij ka një nga njohësit më të mirë të futbollit si suedezi Sven Goran Erikson , interesohet për shërbimet e sulmuesit 19-vjeçar të Peskarës në Itali.

Sipas asaj që raporton gazeta italiane “Il Tempo”, klubi anglez Mançester Sitit shfaqi interesimin e tij për xhevairin më të ri të futbollit shqiptar. Klubi i Peskarës kërkon kontakte ekskluzive dhe ka të ngjarë që të vendosë për shitjen e Edgarit brenda 31 janarit, ditës së fundit të merkatos dimërore.

Gjithsesi, pista më e mundshme për Canin është brenda Italisë. Çani (tre gola deir tani me Peskarën në Serinë C1) duket se do të përfundojë ose te Interi ose te Palermo, ku ndodhet edhe një shqiptar tjetër, portieri i Kombëtares U-21, Saimir Ujkani.

[AlbaneZ]

Të gjithë çmenden pas Çanit, në garë edhe Mançester Siti

Peskara nxjerr në ankand lojtarin shqiptar që lakmohet nga skuadrat e Serisë A

Edgar Çani është bërë tashmë një prej emrave më të lakuar të merkatos italiane të janarit. Sulmuesi i Peskarës, autor i tre golave në kampionat me fanellën e kësaj skuadre, duket se shumë shpejt do të kalojë në një skuadër të nivelit elitar. Pas tij janë vënë në ndjekje disa nga emrat më të njohur të futbollit italian, si Interi, Palermo, Xhenoa, Udineze dhe Siena, ndërsa dje, në garë ka hyrë edhe Mançester Siti, pasi Erikson ka kërkuar me ngulm futbollistin e talentuar shqiptar. Vetë lojtari preferon të qëndrojë në Itali, por oferta e duhur mund ta bëjë të ndryshojë mendje.

Kjo është ndër rastet e rralla kur vërshojnë kaq shumë oferta për një futbollist shqiptar. Edgar Çani, i cilësuar si "Vieri i ri" në Itali, ka tashmë luksin e zgjedhjes me cilën skuadër dëshiron të vazhdojë karrierën e tij, pasi ka shpërthyer te Peskara me paraqitje të jashtëzakonshme. Sulmuesi ka shënuar vetëm tre gola deri tani në Serinë C, por ka bindur me teknikën e tij dhe mënyrën se si ndihmon skuadrën. Në fakt, futbollisti sapo ka firmosur rinovimin e kontratës me Peskarën, një lëvizje e kërkuar me ngulm nga klubi që rrezikonte ta humbiste me parametër zero në fundin e sezonit. Megjithatë, skuadra është shprehur e gatshme ta nxjerrë menjëherë në merkato futbollistin shqiptar, nëse ka një ofertë të rëndësishme, duke hapur një ankand të vërtetë mes ekipeve që e kërkojnë atë. Ekipi i parë në listë është Interi, i gatshëm të blejë 1 milion euro gjysmën e kartonit të futbollistit. Por Çani do të luajë me skuadrën e të rinjve derisa të bindë Mançinin, një zgjidhje që nuk i pëlqen aq shumë futbollistit dhe Peskarës, e cila kërkon të përfitojë sa më shumë nga shitja e tij e menjëhershme. Interesim të vazhdueshëm kanë shfaqur edhe Xhenoa, Palermo, Udineze dhe Siena, skuadra të cilat u besojnë shumë talenteve të reja dhe që mund t‘i garantojnë Çanit hapësirat e nevojshme për të debutuar brenda vitit 2008 në Serinë A.

Por në garë nuk janë vetëm skuadrat italiane, pasi futbollisti tashmë kërkohet edhe nga Anglia. Sipas mediave italiane, drejtuesit e Peskarës janë takuar me ata të Mançester Sitit, që drejtohet nga Sven Goran Erikson. Ky i fundit kërkon lojtarë të rinj, të cilët mund të gjejnë hapësira në turnetë e shumtë në të cilët marrin pjesë skuadrat angleze. Megjithatë, vetë Çani është i bindur të qëndrojë në Itali, ndërsa duket se e ka refuzuar fillimisht një hipotezë transferimi në kampionatin anglez. Si rrjedhojë, Peskara ka thjeshtësuar gjithçka, duke u kërkuar atyre që dëshirojnë lojtarin se ai mund të largohet për një shumë më të madhe se 1.5 milionë euro. Peskara do t‘u propozojë blerësve që ta lënë huazim Çanin te kjo skuadër deri në fundin e sezonit.

© Gazeta Shqip

[AlbaneZ]

Deportivo La Korunja pas Gjasulës

Mesfushori, Jurgen Gjasula, që aktualisht luan në radhët e St. Galen në Zvicër, ka tërhequr vëmendjen e shumë skuadrave të njohura evropiane. Së fundmi, për shërbimet e shqiptarit me pasaportë gjermane është interesuar edhe skuadra e Primera Division, Deportivo La Korunja. Këtë e ka konfirmuar edhe menaxheri i futbollistit, Agron Krasniqi. "Ka disa skuadra që janë të interesuara për Jurgenin, mes të cilave edhe "Deportivo La Korunja", tha ai për kosovaren "Express". Përveç iberikëve, për lojtarin e lindur në Tiranë interesohet edhe Lacio, si dhe një ekip nga Premiershipi, emrin e të cilit menaxheri Krasniqi nuk ka preferuar ta zbulojë. Në anën tjetër, Gjasula pohon se pas përfundimit të këtij sezoni, me 99 për qind do të largohet nga St. Gallen, skuadër me të cilën ka kontratë deri në qershor të këtij viti. "Në fund të sezonit, sipas të gjitha gjasave, do të largohem nga St Gallen. Ka disa skuadra që janë të interesuara për shërbimet e mia dhe për këtë po merret menaxheri im", tha mesfushori.

© Gazeta Shqip

[AlbaneZ]

Zyrtare

Sisoko vishet bardhezi, Mellberg në qershor

Juventusi ka siguruar disa përforcime të rëndësishme për pjesën e dytë të sezonit, pa harruar të mendojë edhe për atë pasardhës, kur bardhezinjtë do të rikthehen në Kupat e Evropës. Pas mbërritjes në formë huazimi të Stendardos nga Lacio dhe shitjes së Bumsong te Lioni, bardhezinjtë po bëhen gati për dy zyrtarizime të rëndësishme. I pari është mbrojtësi suedez i Aston Vilës, Olof Mellberg, i cili ka nënshkruar dje parakontratën që do ta lidhë me bardhezinjtë deri në vitin 2011. Kapiteni i Suedisë do të vijë me parametër zero vetëm në qershor, pasi Aston Vila ka dashur ta mbajë atë deri në fundin e këtij sezoni. "Jam shumë i lumtur për këtë akord të firmosur dhe pres me padurim fillimin e kësaj sfide të re. Juventusi është një prej klubeve më të famshme në botë, në një prej kampionateve më të forta", u shpreh dje suedezi për mediat britanike. Lajmi është pritur mirë edhe nga trajneri i Juventusit, Klaudio Ranieri, i cili ka bërë të ditur se e kërkonte prej kohësh futbollistin. "Këtë lojtar e njoh shumë mirë dhe e kam ndjekur me interes që gjatë periudhës kur drejtoja Çelsin. Ai do t‘i sjellë Juventusit eksperiencë ndërkombëtare dhe cilësi të padiskutueshme", ishin fjalët e tij. Por Ranieri po bëhet gati të presë krahëhapur një tjetër lojtar për të cilin ka insistuar gjatë, mesfushorin Sisoko. Ky i fundit ka qenë të dielën në darkë në Torino për të bërë vizitat mjekësore, por do t‘i bashkohet skuadrës vetëm pas përfundimit të Kupës së Afrikës ku po merr pjesë me përfaqësuesen e Malit. 13 milionët e marrëveshjes me Liverpulin do të sigurohen nga shitja e Tiagos, i cili duhet të pranojë ofertën nga Totenhemi apo Atletiko Madrid, në të kundërt do të qëndrojë në pankinë gjatë të gjithë sezonit.

© Gazeta Shqip

[Flori]

Zyrtare

Nicolás Gastón Navarro - Argentinos Juniors - Napoli


Da Costa - PSV - Fiorentina


F. Santacroce - Brescia - Napoli

[goldian]

edgar cani kalon tek palermo

[Agon_xh]

edgar cani kalon tek palermo

Ku e degjove kete lajm, jep me teper informata nese din ?

[goldian]

Ku e degjove kete lajm, jep me teper informata nese din ?

www.controcampo.tv.


13:54 PALERMO - ECCO IL GIOVANE EDGAR CANI
I rosanero si sono assicurati l'attaccante albanese Edgar Cani del Pescara, considerato il nuovo Vieri. Sul giovane, classe 198,, si erano mosse anche Inter e Sampdoria

[Agon_xh]

ka mundesi te perkthej dikush se nuk kuptoj Italisht?