Transferimet e futbollistëve - [THASHETHEME]

[RaPSouL]

Edhe disa thashetheme te tjera.

Fred: Do të qëndroj te Lioni

Deko: E ardhmja? Në fund të sezonit

Çelsi zbulon objektivat: Kaka dhe Mesi

Dy yjet e futbollit ndërkombëtar janë kandidatë për të zëvendësuar Drogbanë


Çelsi do të bëjë të pamundurën që në verë të blejë yllin brazilian, Kaka, ose talentin argjentinas, Leo Mesi, si zëvendësues të Didier Drogbasë. Drejtuesit e lartë në "Stemford Brixh" kanë humbur durimin nga deklaratat publike të sulmuesit nga Bregu i Fildishtë, që kërkon të largohet nga Londra, e tashmë kanë zbuluar objektivat për sezonin e ardhshëm. Çelsi e ka të qartë se Barcelona dhe Milani, dy prej destinacioneve të mundshme të trajnerit Hoze Murinjo, janë kandidatet reale për të blerë Drogbanë, edhe sepse lojtari nuk e ka fshehur ambicien për të luajtur me një nga këto klube. Sipas të përditshmes britanike, "Daily Mirror", blutë do të pranojnë të hyjnë në bisedime me Barçën vetëm nëse edhe Leo Mesi do të jetë pjesë e marrëveshjes - e njëjta gjë vlen edhe për Milanin dhe Kaka. Momentalisht Çelsi e vlerëson kartonin e Drogbasë afro 40 milionë paund, ndërkohë që përpara tre viteve e gjysmë ai është blerë nga Marseja për 24 milionë paund. Kjo linjë e fortë që ka ndërmend të ndjekë klubi është mbështetur edhe nga pronari Roman Abramoviç, i cili nuk e ka fshehur mërzinë e shkaktuar prej lojtarit me origjinë nga Bregu i Fildishtë. Por, këto objektiva të merkatos së verës lidhen edhe me synimet e manjatit rus që kërkon të ndërtojë një skuadër me futboll spektakolar: Kaka dhe Mesi janë dy futbollistët që Abramoviç ëndërron t‘i shohë me fanellën blu.

Në dy vitet e fundit, Milani i ka rezistuar presionit të Realit të Madridit, që kërkonte me çdo kusht Kakanë. Megjithatë, në Angli të gjithë janë të bindur se shpërthimi i 18-vjeçarit Pato mund të shërbejë si shtysë për hapjen e bisedimeve. Nga ana tjetër, "Daily Mirror" citonte se marrëveshja më e mundshme për t‘u realizuar është ajo me presidentin e Barcelonës, Johan Laporta, i cili mund të tregohet më tolerant për largimin e Mesit nga "Kamp Nou". Përveç faktit që me zbulimin e këtyre objektivave Çelsi kërkon të testojë dy klubet kandidate për blerjen e Drogbasë, mbrapa mund të fshihet edhe diçka tjetër. Sipas mediave spanjolle, katalanët kanë vendosur të shesin talentin Xhovani Aleks dos Santos Ramirez (i njohur si Xhovani). Çelsi duket skuadra më e favorizuar për të blerë meksikanin, që kushton 25 milionë euro e për shërbimet e tij mund të jenë të gatshëm të fillojnë bisedimet për shkëmbimin me Drogba.

[Flori]

Shevçenko, gati rikthimi te Milani

Blerja e Nikolas Anelka e ka kthyer Andrij Shevçenkon një sulmues rezervë tek Çelsi. Trajneri i bluve Avram Grant ka zgjedhur dyshen Anelka-Drogba për të luajtur si titullare dhe ukrainasi po mendon seriozisht rikthimin. Sipas asaj që bëjnë të ditur mediat angleze, destinacioni i tij duket se është sërish Milani. Skuadra kuqezi megjithatë pritet të paguajë shumë pak sesa ajo që dha Abramoviç për ta marrë Shevçenkon në Londër. Rikthimi i tij në "San Siro" tashmë duket më pranë.

[RaPSouL]

Vjen ne Valenci perforcimi i pare.

Kuman siguron firmën e Hedviges Maduro

Ronald Kuman ka arritur të sigurojë përforcimin e parë të merkatos së janarit për Valencian, duke firmosur me mesfushorin 22-vjeçar holandez, Hedviges Maduro. Futbollisti ishte në mbyllje të kontratës me Ajaksin dhe për këtë arsye, transferimi ka qenë i thjeshtë, për një shumë jo të lartë, e cila gjithsesi nuk është bërë ende publike nga palët. Maduro ka qenë nën vëzhgimin e shumë skuadrave gjatë viteve të fundit, ku interes më të madh për të kanë shfaqur Interi dhe Fiorentina. Por Kuman e njeh shumë mirë futbollistin që e ka afruar vetë tek Ajaksi, ndaj e ka pasur më të lehtë të sigurojë shërbimet e tij.

[goldian]

Shevçenko, gati rikthimi te Milani

une mendova se do shkonte bogdani tek milani

[RaPSouL]

Ish lojtari i Shkendijes se Tetoves kalon ne radhet e Elbasanit.

Artim Shaqiri firmos për verdheblutë

Zyrtarizohet kalimi i lojtarit të kombëtares maqedonase


Skuadra e Elbasanit tashmë mund të cilësohet një pretendente për titullin kampion, pasi presidenti Laze ka bërë goditjen më të rëndësishme të merkatos. Verdheblutë kanë zyrtarizuar dje kalimin e mesfushorit Artim Shaqiri nga KF Shkëndija, ndërsa vetë futbollisti ka qenë mbrëmë në Elbasan. Kjo është një goditje shumë e rëndësishme për Elbasanin, që ka afruar një futbollist i cili është aktivizuar me përfaqësuesen e Maqedonisë, pa harruar edhe eksperiencën e tij në kampionatin anglez. Përveç 34 vjeçarit, presidenti Laze ka arritur të afrojë nga kampionati maqedonas edhe 24 vjeçarin Afrim Abdullai nga Bashkimi i Kumanovës, ndërsa priten edhe dy sulmues serbë. Gjatë ditës së sotme do të bëhet prezantimi i lojtarëve të rinj, të cilët do t‘i bashkohen menjëherë skuadrës duke u vënë nën urdhrat e trajnerit Alimehmeti. Me këto përforcime cilësore, Elbasani tashmë shihet nga të gjithë si një prej pretendenteve kryesore për titull.

[RaPSouL]

Diego ne Juventus thashethemja me e re.

Ranieri mendon për Diegon: Duhet të blejmë një “yll”

[RaPSouL]

Duket qart qe Diego eshte shume afer kalimit tek Juventusi.

Juve: Melberg menjëherë, Diego në qershor

Bardhezinjtë gjejnë marrëveshjen për mbrojtësin suedez dhe "prenotojnë" talentin brazilian


Javët e ardhshme parashikohen të jenë decizive për Juventusin. Objektivi i vendosur për kampionatin është që skuadra të mos humbasë më terren kundrejt Interit dhe Romës, por edhe të mbajë një distancë sigurie nga Fiorentina, Udineze dhe Milan. Ndërkohë, në merkato janë përshpejtuar bisedat për të afruar një mbrojtës dhe po punohet për afrimet e sezonit të ri.

MELBERG: I menduar për t‘u afruar në qershor, suedezi i nevojitet menjëherë skuadrës. Pas dëmtimit të Kielinit dhe shitjes së Krishitos, brenda pak kohe 30-vjeçari i Aston Vilës është shndërruar në një lojtar të domosdoshëm. Të hënën, Alesio Seko do të fluturojë drejt Birmingamit për të bindur drejtuesit e klubit britanikë që të lejojnë largimin e menjëhershëm të suedezit. Bardhezinjtë nuk dëshirojnë që të shpenzojnë më shumë se 1 milion euro për të marrë gjashtë muaj përpara afatit Melberg, që në verë do të transferohej me parametër zero. Nëse përgjigja e Aston Vilës do të jetë negative, Juve ka bërë gati një alternativë: bëhet fjalë për kroatin e Milanit, Dario Simiç, që nuk po gjen më vend në ekipin e Ançelotit.

TIAGO: Pasi ishte tërhequr në mënyrë të papritur, Totenhemi është rikthyer në garën për të siguruar shërbimet e mesfushorit portugez. Vlerësimi i bërë nga Juventusi është 13 milionë euro (paratë e shpenzuara gjatë verës), shumë që "Hotspurs" tashmë duken të gatshëm t‘i paguajnë. Lajmi është bërë i ditur nga tabloidi "The Sun", sipas të cilit më në fund trajneri Huande Ramos është bindur se një lojtar si Tiago do t‘i bënte shumë punë. Në garën për portugezin është edhe Atletiko e Madridit, por spanjollët, që e cilësojnë si zëvendësues të denjë të Manike, dëshirojnë ta marrin vetëm në formë huazimi.

SISOKO: Mesfushori i Liverpulit duket gjithmonë e më afër. Juventusi ka përgatitur një çek prej 10 milionë eurosh për ta marrë menjëherë. Anglezët nuk kanë lëvizur asnjëherë nga kërkesa për 15, por me 12 milionë marrëveshja mund të mbyllej menjëherë. Benitez është bindur që të lejojë lojtarin nga Mali të largohet dhe për Sisokonë është gati kontrata 4-vjeçare me 2,5 milionë euro rrogë në sezon.

DIEGO: Këto janë ditë të rëndësishme edhe për Diegon. 22-vjeçari i Verder Bremenit është futbollisti që mund të ndihmojë skuadrën në hopin cilësor. Braziliani është objektivi kryesor i Ranierit, që për sezonin e ri ka premtuar "një lojtar të klasit botëror". Gjermanët pretendojnë 30 milionë euro, ndërsa Juve është gati të paguajë 20 milionë.

[RaPSouL]

Shevcenko me sa duket eshte shume prane kalimit ne Milan, mirepo ne Itali do te vij definitivisht.

Shevçenko: Seria A, më e mirë se kampionati anglez

"Anelka? Secili do të ketë vendin e tij në skuadër"


Andri Shevçenko nuk ka kursyer ankesat e tij për jetën në Angli, duke bërë gjithnjë e më të paqartë të ardhmen te skuadra e Çelsit. Sulmuesi ukrainas që u ble për 30 milionë sterlina nga skuadra londineze në vitin 2006, nuk ka arritur ende të shfaqë formën e tij më të mirë, ashtu siç bënte te Milani. Lojtari, i dëmtuar për të disatën herë gjatë këtyre 18 muajve në Angli, ka pranuar se i mungon Italia dhe se Seria A është një kampionat më superior se ai anglez. Sipas tij, Arsenali dhe Liverpuli do të vuajnë shumë në përballjet kundër Milanit dhe Interit, ndërsa personalisht shpresonte që pasi të mbyllte karrierën si lojtar, të kthehej në një ambasador sportiv për Ukrainën.

"Unë ndjej nostalgji për Italinë. Më mungojnë miqtë e mi dhe disa gjëra të atij vendi, duke filluar nga ushqimi. Më pas më mungon atmosfera dhe tensioni i ndeshjeve italiane. Gjërat janë shumë më të qeta këtu. Unë i kuptoj pjesën më të madhe të gjërave në gjuhën angleze, por e kam të vështirë të flas, preferoj më shumë italishten. Futbolli italian është fantastik. Ai ka lidhje me taktikën dhe inteligjencën. Vetë italianët vlerësojnë kampionët e mëdhenj dhe futbollin e bukur. Ndërsa futbolli anglez është më i shpejtë dhe fizik. Skuadrat e vogla mundohen të ngushtojnë diferencën me skuadrat e mëdha, duke luajtur me shumë forcë. Mund ta përmbledh gjithçka, duke thënë se futbolli italian është më shumë për logjikën dhe finalizimin, pak a shumë si shahu, ndërsa loja angleze bazohet më shumë te shpejtësia dhe instinkti", ishte krahasimi i Shevçenkos mes së kaluarës së tij dhe së tashmes.

Sipas tij, problemi më i madh gjatë aktivizimit në Angli ka qenë mungesa e qëndrueshmërisë në paraqitje dhe në formën fizike. "Problemi im kryesor është se nuk kam qenë në gjendje të siguroj vazhdimësi. Këtë sezon unë po paraqitesha mirë, kisha shënuar 7 gola në 10 ndeshjet e fundit, por çuditërisht m‘u shfaqën përsëri problemet në kurriz. Tani më duhet të qëndroj pushim për një muaj. Do të dëshiroja që të kthehesha përsëri rregullisht në fushën e lojës para se njerëzit të japin mendime të nxituara për mua", u shpreh ukrainasi, i cili është vlerësuar si blerja më e dështuar e të gjitha kohërave në kampionatin anglez.

Sulmuesi beson se mbërritja e Nikolas Anelka te Çelsi nuk do ta nxjerrë atë përfundimisht jashtë formacionit. Francezi pritet të jetë titullar përkrah Dider Drogba në sulmin e londinezëve, por Shevçenko pret rastin e tij për të treguar se është i vlefshëm te kjo skuadër. "Nuk shqetësohem nëse afrohen lojtarë të tjerë në skuadër. Unë kam besim tek aftësitë e mia. Unë e di që nëse jam në formë të mirë, jam aq i vlefshëm sa çdo futbollist i skuadrës ndaj besoj se mund ta ruaj vendin tim. Lojtarët e rinj vetëm do të përforcojnë këtë ekip dhe të gjithë e dinë që një klub si Çelsi afron gjithmonë futbollistë cilësorë. Kjo do të thotë se të gjithëve u duhet të luftojnë shumë për të siguruar vendin në formacion. Edhe unë jam një lojtar i tillë", u shpreh Shevçenko. Ukrainasi ka folur edhe për ecurinë e dy prej ekipeve angleze në Ligën e Kampioneve, Arsenalit dhe Liverpulit, të cilët sipas tij, nuk do ta kenë të gjatë në këtë turne. "Arsenali mendoj se është ende një skuadër e re për këtë turne. Ndërsa Liverpuli po kalon shumë probleme dhe nuk po luan në vazhdimësi", përfundoi 31- vjeçari.

[RaPSouL]

Porto, Lisandro Lopez qëndron

Porto ka kompletuar blerjen e plotë të kartonit të 24-vjeçarit Lisandro Lopez. Sulmuesi argjentinas luan që prej vitit 2005 për klubin portugez, periudhë kur ai u transferua nga spanjollët e Rasing Santander. Pas huasë, drejtuesit e Portos kanë vendosur ta konfirmojnë futbollistin, duke paguar afro 4 milionë euro për blerjen e gjysmës tjetër të kartonit. Tashmë duket pothuajse e sigurt që Lopez do të qëndrojë në Portugali, pavarësisht se gjatë muajit nëntor ishte përfolur se ai mund të kalonte në Itali.

Thashethemja me e re eshte kalimi i Ronaldinhos ne Inter.

Mançini: Mund të marrim Ronaldinjon

Trajneri i zikaltërve fillon të mendojë për fantazistin brazilian


Ronaldinjo vazhdon të jetë një prej ëndrrave të merkatos së futbollit italian, por këtë radhë nuk është Milani që mendon për të, por Interi. Këtë e ka konfirmuar vetë trajneri i kësaj skuadre, Roberto Mançini, i cili u ka hapur dje rrugë spekulimeve të mëtejshme, duke deklaruar se futbollisti do të gjente hapësira në formacionin zikaltër. Duke parë situatën e tensionuar te Barcelona, marrëveshja mund të arrihet gjithmonë nëse presidenti Morati është i gatshëm të shpenzojë një shumë marramendëse për fantazistin brazilian.

Mançini dukej se e kishte përgatitur prej kohësh përgjigjen për Ronaldinjon, pasi i pyetur rastësisht nga gazetarët rreth blerjes së mundshme të brazilianit, ka treguar menjëherë se kjo ishte një marrëveshje që mund të arrihej. "Disa kohë më parë unë thashë se Interi po përpiqej ta blinte, por askush nuk më besoi, në të kundërt, filluan të qeshnin", ishte batuta e parë e Mançinit. Por më pas ai ka treguar se ideja e Ronaldinjos me fanellën zikaltër nuk ishte një gjë që duhej anashkaluar, pasi mund të bëhej realitet. "Nuk besoj se do të jetë problem ambientimi i tij me grupin. Ronaldinjo është një lojtar i madh, duke anashkaluar këtu sjelljen e tij. Gjëja më e rëndësishme është se një kampion kur hyn në fushë bën diferencën. Ai e bën thuajse gjithmonë një gjë të tillë", ishte komenti i trajnerit të Interit. Duket se ai ka ndjekur me vëmendje situatën e yllit brazilian te Barça dhe beson realisht se një transferim mund të ndodhë. Edhe dje, Ronaldinjo ka qenë në qendër të vëmendjes të shtypit spanjoll, i cili e ka akuzuar se nuk impenjohet sa duhet në stërvitje. Për të konkretizuar në këtë akuzë, gazeta "As" ka paraqitur fotot e brazilianit pas stërvitjes së fundit, duke treguar se Ronaldinjo është mbipeshë. Kaq ka mjaftuar që të shpërthejë përsëri debati mes tifozëve, nëse braziliani duhet të vazhdojë të qëndrojë te Barcelona, apo të largohet sa më parë, për t‘u bërë vend talenteve të reja si Xhovani dhe Krkiç. Situata e tensionuar mund të shtyjë brazilianin të vendosë vetë për një largim, pa pritur mendimin e drejtuesve të skuadrës, ndërsa shihet qartë se nuk mungojnë alternativa për të. Interi është një alternativë mjaft e mirë për fantazistin, duke parë se kjo skuadër ka vendosur hegjemoninë në futbollin italian dhe kërkon tashmë të afirmohet edhe në skenën botërore.

Gjithsesi, Mançini ka preferuar të shohë më shumë të ardhmen "e afërt", duke cilësuar si të rëndësishëm rikthimin në stërvitje të Patrik Vieira. "Ai është në gjendje të mirë dhe dëshiron që të jetë në stolin e rezervave. Do ta bëjmë një gjë të tillë, ndërsa për ta aktivizuar si zëvendësues do ta mendoj vetëm gjatë ndeshjes. Nuk do të jetë Stankoviç, pasi duhet të jemi të kujdesshëm me riaftësimin e tij. Manike? Mund të jetë mes titullarëve, është në gjendje të mirë dhe nuk ka asnjë problem që mund ta lërë jashtë fushe", u shpreh ai. Ndeshja kundër Parmës do të jetë e 200-ta për Mançinin si trajner i Interit. "Është një mrekulli më vete, por unë shpresoj që të bëj të tjera", u shpreh me humor trajneri i zikaltërve, të cilët para emërimit të tij kishin ndërruar me vazhdimësi drejtuesit. Nëse Interi vazhdon me këto ritme, Mançini nuk duket se do të ketë shqetësime në këtë aspekt.

[Flori]

Thashethemja me e re eshte kalimi i Ronaldinhos ne Inter.

Nje intervist e ber moratit sot nga gazetaret italian. Morati ka deklaruar qe nuk e kam then kete gje dhe nuk me ka shkuar akoma nder mend. Nqs do na e bej dikush dhurat le ta bej !