Transferimet e futbollistëve - [THASHETHEME]

[goldian]

flamini sipas mediave ka nenshkruar per 5 vjet me milanin
sipas nje gazete spanjolle lahm ka nenshkruar per barcelonen
nuk dihet nese kontrata i fillon kete vere apo pas nje viti kur i skadon kontrata me bayern

[RaPSouL]

"Drogba te Reali, për të lënë të lirë Van Nistelroin"

Mediat angleze janë të sigurta për kalimin e lojtarit afrikan te kampionët e Spanjës


Reali i Madridit është shumë pranë sigurimit të një tjetër sulmuesi, për të ndërtuar skuadrën e sezonit të ardhshëm. Bëhet fjalë për Didier Drogba, i cili shihet si qendërsulmuesi i përkryer, zëvendësuesi më i mirë i mundshëm i Rud Van Nistelroi. Dy gazetat britanike "Daily Mirror" dhe "Daily Star", kanë publikuar të njëjtin variant në lidhje me bisedimet trepalëshe mes Realit të Madridit, Çelsit dhe Milanit. Sipas tyre, këto skuadra do të ndërrojnë sulmuesit gjatë verës, për të rindërtuar kontingjentin aktual.

Gjithçka fillon nga Milani, i cili vazhdon të interesohet për Rud van Nistelroin, duke e cilësuar atë partnerin ideal të të riut Pato. Kuqezinjtë janë të gatshëm të shpenzojnë mbi 20 milionë euro për sulmuesin holandez, duke shtyrë madrilenët të kërkojnë një zëvendësues të tij, duke kontaktuar me Drogban. Sipas mediave angleze, futbollisti nga Bregu i Fildishtë ka rënë dakord me drejtuesit e Çelsit që të largohet për një shumë të përafërt me 20-22 milionë euro, ndërsa menaxheri i tij, Pierr Frelot, është takuar edhe me drejtorin sportiv të madrilenëve, Predrag Mijatoviç. Futbollisti ka shprehur prej kohësh pakënaqësinë e tij që pas largimit të Hoze Murinjos nga ekipi londinez dhe nuk e duron praninë e trajnerit Avram Grant. Një burim pranë Realit të Madridit ka treguar për mediat angleze se si kanë rrjedhur ngjarjet gjatë javëve të fundit. "Drogba i ka komunikuar Çelsit vendimin e tij, por dy klubet kanë vendosur të mos bëjnë asgjë zyrtare deri në mesin e muajit maj". Sipas gazetës "Daily Star", Reali i Madridit po bën gati një kontratë trevjeçare për futbollistin, që do të përfitojë 7.6 milionë euro në sezon. Sipas saj, Çelsi ka kërkuar fillimisht Robinjon si shkëmbim për sulmuesin nga Bregu i Fildishtë, por madrilenët kanë refuzuar, duke planifikuar që të mbajnë edhe për një sezon brazilianin. Kjo ka shtyrë drejtuesit londinezë që të bëjnë një kërkesë krejtësisht ekonomike, duke kërkuar mbi 20 milionë euro për Drogba, pa u shqetësuar për faktin se do të mbeten me një lojtar më pak në repartin e avancuar, pasi në janar blenë një lojtar me tipare të njëjta, francezin Nikolas Anelka.

[RaPSouL]

Totenhemi blen nje talent te ri.

Totenhemi blen talentin Luka Modriç

Skuadra e Totenhemit ka mundur konkurrencën, duke siguruar shërbimet e një prej lojtarëve të ri më të talentuar në qarkullim, kroatin Luka Modriç. 22-vjeçari i Dinamos së Zagrebit mendohet të ketë kushtuar 15.8 milionë sterlina, por detajet më të hollësishme do të jepen në ditët në vazhdim. Futbollisti që ka luajtur më shumë se 20 ndeshje ndiqej me interes nga shumë skuadra, si Mançester Siti, Çelsi, Arsenali dhe Njukasëlli. Megjithatë, Totenhemi ka siguruar lojtarin, pasi trajneri Huande Ramos i ka premtuar një rol prej protagonisti në skuadrën që do të luajë në Kupën UEFA gjatë vitit të ardhshëm.


Shqip

[strong_07]

Moratti jep Ibrahimovicin për Messin
Presidenti i Interit, Massimo Moratti, i ka thënë Barcelonës se ata mund të nënshkruajnë me Zlatan Ibrahimovicin, por me kusht që Messi të luajë për zikaltrit.

Moratti qe një kohë të gjatë është admirues i Messit dhe kurrë nuk e ka fshehur ëndrrën e tij për ta sjellë argjentinasin në Giuseppe Meazza.

Për Ibrahimovicin, i cili duket se nuk dëshiron të vazhdojë më karrierën në Itali, përveç Realit është e interesuar edhe Barca, ndërsa Moratti preferon një këmbim të dy fenomeneve.

“Ibrahimovici do të qëndrojë me ne... absolutisht. Ndoshta atij i pëlqen Barcelona,... ndërsa mua më pëlqen Messi”, ka mbyllur filozofinë manjati i naftës.

[DoLpHiN]

Ibra eshte 0 me xhufke perpara Messi-t.
Rapsoul , Modric eshte ai i kombetares kroate qe donte te merrte Barcelona. Mund ta kishte blere qe ne janar per 15 mil euro por nuk e bleu se ju duk shtrenjt. Shume keq qe paska ikur te Tottenham.

[RaPSouL]

Ibra eshte 0 me xhufke perpara Messi-t.
Rapsoul , Modric eshte ai i kombetares kroate qe donte te merrte Barcelona. Mund ta kishte blere qe ne janar per 15 mil euro por nuk e bleu se ju duk shtrenjt. Shume keq qe paska ikur te Tottenham.

Epo ske c'ti bësh, e morri Tottenhami, edhe pse ishte nje lojtar i mirë.

Sa i përket transferimit të lojtarit të Palermos, sulmuesit Amaurit, thuhet se marëveshja vetem se është arritur dhe ai sezonin e ardhshëm vishet me dresën bardh e zi.

Kjo blerje mendoj se është një blerje tepër e mirë që ka bërë Juventus për sezonin e ardhshëm, është një talent dhe një lojtar teper i fort si në duele ashtu edhe gjuajtjet e tij jane tejet të frikshme. Blerje e qëlluar do të ishte ky transferim.


Rapsoul

[RaPSouL]

Nasri shume afer largimit.

Marseja: Nasri largohet për 20 milionë euro


Presidenti i Olimpik Marsejës, Pape Diuf, ka folur rreth së ardhmes së një prej talenteve më të mëdhenj të futbollit francez: Samir Nasri. Numri 1 i klubit ka folur rreth të ardhmes së lojtarit, i cili cilësohet si pasardhësi i Zidan, e që ka tërhequr vëmendjen e shumë "big"-ëve evropianë, duke mos e hedhur poshtë mundësinë e largimit. "Për Samirin gjithçka është e hapur. Më ka kërkuar të provojë eksperienca të tjera dhe çmimi i tij është 20 milionë euro".


Shqip

[RaPSouL]

Alvesh refuzon Çelsin, mendon për katalanasit


Gazeta spanjolle "Marca" ka bërë të ditur dje se mbrojtësi i Seviljes, Daniel Alvesh, ka kërkuar që të transferohet te Barcelona, duke refuzuar mundësinë për t‘iu bashkuar Çelsit gjatë merkatos verore. Një vit më parë, futbollisti brazilian dukej se po drejtohej nga skuadra angleze, e cila ofronte një rrogë më të majme dhe mundësinë për më shumë publicitet. Por, presidenti i Seviljes, Hoze Del Nido, i refuzoi të gjitha ofertat, duke e mbajtur edhe për një vit tjetër lojtarin te Sevilja. Tani, Alvesh kërkon përsëri të largohet, por duke ndryshuar destinacion. Sipas informacioneve të gazetës "Marca", ai është interesuar për projektin e rindërtimit të Barcelonës, pas dy sezoneve pa trofe, ndërsa dëshiron të qëndrojë në kampionatin spanjoll, të cilin e njeh shumë mirë. Për më tepër, edhe presidenti Del Nido ka ulur ndjeshëm kërkesat e tij ekonomike. Meqë skuadra merrte pjesë në Ligën e Kampioneve, ai e shihte të arsyeshme të mbante lojtarin për sa kohë që askush nuk afronte 40 milionë euro. Por, këtë radhë, kërkesa e tij mund të zbresë në 25-30 milionë, duke parë se futbollisti i kombëtares braziliane nuk do të pranojë një tjetër sezon pa trofe.

[RaPSouL]

David Vija "çmend" të mëdhenjtë. Reali, superofertë për sulmuesin

Në garën për spanjollin futet edhe Interi. Totenhemi nuk heq dorë


E ardhmja e David Vijës duket se është e lidhur me Realin e Madridit, por gara për të siguruar shërbimet e tij nuk duket aspak e lehtë. Një ndërthurje ofertash e dëshirash, që duket se do të sjellë telenovelën e radhës në merkaton e futbollistëve. Sipas gazetës iberike "Marca", madrilenët janë shumë pranë lojtarit, por edhe Interi nuk ka ndërmend të tërhiqet për të afruar sulmuesin e kombëtares spanjolle. Ndërkohë, 26-vjeçari ka bërë të ditur se do t‘i pëlqente të transferohej në kampionatin anglez. Spekulimet janë ndezur, pas deklaratës së bërë nga Vija, që pak ditë më parë pohoi se gjatë verës do të largohej nga Valencia, transferim që do të ndihmonte në zgjidhjen e situatës aspak të mirë financiare që po kalon klubi.

Për të blerë sulmuesin, Reali është gati të ofrojë 30 milionë euro plus njërin ndërmjet Esteban Granero ose Ruben De la Red. Nga ana tjetër, Interi ka filluar kontaktet e para për David Vijën, por sipas "Marcas" gjithçka ka mbetur pezull, pasi ish-lojtari i Saragozës pret lëvizjen konkrete nga "merengues". Fillimisht Valencia mendonte ta shiste kartonin e futbollistit për 20 milionë euro, por tashmë drejtuesit e klubit vendosën ta dyfishonin çmimin. Trajneri Bernd Shuster bëri të qartë se dëshiron që në sezonin e ri të ketë në dispozicion një sulmues të fortë, duke mos e fshehur simpatinë për holandezin Jan-Klas Huntelar. Pra, në merkaton e verës do të ketë një "duel" Vija-Huntelar, fituesi i të cilit do të vendoset nga drejtuesit madrilenë: klubi nuk ka ndërmend që të blejë më shumë se një sulmues për edicionin e ri. 40 milionë eurot e pretenduara nga Valencia për Vijën duket se nuk kanë trembur as Interin e Moratit. Presidenti Masimo Morati ka mbetur i mahnitur nga loja e 26-vjeçarit, kur dy sezone më parë ai ka shënuar nga distanca e largët në eliminimin që spanjollët i shkaktuan zikaltërve nga Liga e Kampioneve. "Për repartin ofensivë, Interi mund të mbështetet tek Ibrahimoviç dhe Kruz, por italianët kërkojnë edhe një sulmues, që shënon me vazhdimësi. Me David Vijën, ata do të tentonin të fitonin Championsin vitin e ardhshëm", siguronte "Marca", duke kujtuar, ndër të tjera, se kampionët e Serisë A po ndjekin me vëmendje edhe zhvillimet rreth sulmuesit të Çelsit, Dider Drogba.

Kandidate serioze për Vijën është edhe Totenhemi. Shumë media ndërkombëtare e kanë nënvlerësuar rolin e "Hotspur", edhe pse ata janë ndër klubet më të pasura në Angli. Kjo është njëra arsye, përse skuadra e Huande Ramos nuk mund ta quajë veten jashtë garës. Në ndihmë të Totenhemit ka ardhur edhe lojtari, i cili dëshiron të provojë fatin në Premiership. Së fundmi, ai ka thënë se do t‘i pëlqente të luante me Çelsin ose Arsenalin, por Venger ka bërë të ditur se Vija nuk u nevojitet "topçinjve". Kjo deklaratë i hap rrugën Huande Ramosit, me të cilin sulmuesi ka pohuar se do t‘i pëlqente të punonte. Në Angli besojnë se kontaktet e klubit nga "Uajt Hart Lajn" me Valencian kanë filluar.


Shqip

[RaPSouL]

Lorik Cana "del" nga merkato: Do të qëndroj te Marseja

Pavarësisht interesimit të klubeve të mëdha evropiane në adresë të Lorik Canës, futbollisti shqiptar ka deklaruar se nuk dëshiron të largohet nga Olimpiku i Marsejës. Në një intervistë për "LaProvence", kapiteni i marsejezëve ka deklaruar se skuadra tashmë mund të luftojë më e qetë për vendin e tretë në renditje, duke përgatitur ndeshjen e të dielës kundër Bordo. "Fitorja në Monako na ka ndihmuar të punojmë më qetësisht gjatë kësaj jave. Në këtë mënyrë jemi në kushte më të mira për të përgatitur fazën e fundit të kampionatit. Vendi i tretë në renditje do të përcaktohet në dy ndeshjet e ardhshme dhe në rast të dy fitoreve radhazi, do ta kemi siguruar pjesëmarrjen në Ligën e Kampioneve. Merkato? Nuk ka asnjë arsye pse të largohem, sidomos nëse Olimpiku i Marsejës e mbyll kampionatin në vendin e tretë dhe merr pjesë në Ligën e Kampioneve. Mua më pëlqen ky klub. Për sa kohë që përfitoj kënaqësi në fushën sportive dhe klubi arrin objektivat e tij, unë nuk kam arsye pse të kërkoj të largohem. Mund të marr në konsideratë një hipotezë të tillë vetëm nëse Olimpiku nuk përmbush objektivat, por një gjë e tillë nuk po ndodh aktualisht. Gjithsesi, nëse klube të tjera interesohen për mua, duhet që të jenë skuadra të rëndësishme. të jeni të sigurt: nëse largohem ndonjë ditë nga Marseja, nuk do të jetë për të shkuar në ndonjë skuadër dosido. Olimpiku është një klub i madh në Francë dhe shumë i njohur në Evropë", u shpreh Cana në intervistën e tij.

Shqip