Transferimet e futbollistëve - [THASHETHEME]

[RaPSouL]

Ronaldinho si gjithmon ne mesin e vemendjes per merkaton e veres.

Ronaldinjo, Galiani darkë me vëllain e lojtarit



Administratori i Milanit, Adriano Galiani, është takuar të mërkurën në darkë me vëllain e Ronaldinjos, Roberto De Asis, i cili luan edhe rolin e menaxherit. Burimet zyrtare të klubit bëjnë të ditur se kjo darkë pune ishte vetëm rreth çështjes së brazilianit Oliveira, të cilin Milani e ka huazuar te Saragoza dhe dëshiron ta shesë në fund të sezonit. Por mësohet se është folur për Ronaldinjon, i cili ka probleme me Barcelonën dhe mund të largohet nga katalanasit me shifrën modeste të 17 milionë eurove.

[RaPSouL]

Reali ben propozim drejt Romes.

Real Madrid, propozohet shkëmbimi Vuçiniç-Saviola



Predrag Mijatoviç është takuar të martën në darkë me drejtuesit e Romës, jo për të kërkuar Akuilanin dhe De Rosin, por sulmuesin malazez Mirko Vuçiniç. Propozimi i drejtuesit të Realit të Madridit ka qenë shkëmbimi i tij me një prej lojtarëve aktualë të madrilenëve, sulmuesi Saviola. Por drejtuesit e skuadrës italiane e kanë refuzuar menjëherë këtë hipotezë, pasi kanë marrë në konsideratë tre detaje të rëndësishme. Vuçiniç është dy vjet më i ri se sulmuesi argjentinas i Realit, luan më rregullisht se ai dhe paguhet sa gjysma e futbollistit të madrilenëve, i cili merr rreth 5 milionë euro në sezon.

[RaPSouL]

Reali interesohet per Agueron.

Reali interesohet për Serxho Aguero



Gazeta spanjolle "Marca" ka bërë të ditur se Reali i Madridit po interesohet për sulmuesin argjentinas, Serxho Aguero. Futbollisti i Atletikos së Madridit shihet si një nga talentet më të mira në qarkullim dhe aktualisht çmimi i kartonit të tij arrin në 55 milionë euro. Edhe vetë trajneri Shuster nuk ka kundërshtuar zërat për një interesim rreth këtij lojtari. "Ka cilësi shumë të mira dhe ka një të ardhme po aq të rëndësishme", u shpreh ai, duke lënë të kuptohet se po sheh me vëmendje lojtarin e Atletikos.

[RaPSouL]

Shtohen thashethemet per transferimin e Alves ne Barcelone.

Edhe Barcelona ndjek Dani Alvesh



Mbrojtësi i Seviljes, Dani Alvesh, është shumë pranë kalimit te skuadra e Barcelonës, e cila kërkon me çdo kusht një përforcim në krahun e djathtë të prapavijës. Këtë e ka konfirmuar vetë menaxheri i futbollistit, Hose RodrÃ*guez Baster. "Po, ka interesim nga Barcelona, por është gjithçka në dorën e Seviljes dhe nuk e di nëse kanë filluar bisedimet. Ne do të ishim të gatshëm të uleshim menjëherë në tavolinën e bisedimeve", u shpreh ai, duke lënë të kuptohet se lojtari dëshiron të ndryshojë ekip.

[RaPSouL]

Barcelona kujton per merkaton. Vlen te ceket qe Ronaldinho i dha fund ketij sezoni shkaku i nje lendimi.

Adriano i hap rrugën shkëmbimit me Ronaldinjon

"Kalimi te ‘blaugranat‘, një aventurë e bukur"


Problemet që po kalon te Barcelona kanë bërë që Ronaldinjo të dalë virtualisht në merkato. Përveç Çelsit, në garë për të siguruar shërbimet e mesfushorit brazilian janë edhe tri skuadra italiane: Interi, Milani dhe Juventusi. Kjo bën që vizita në Milano e vëllait-menaxher të ish "Topit të Artë", Roberto de Asis, të mos jetë e rastësishme. Ai është takuar me Adriano Galianin, administratorin e deleguar të kuqezinjve, por sipas mediave spanjolle biseda ka pasuar edhe me drejtues të klubit zikaltër. Pikërisht Interi pritet që në orët në vazhdim të bëjë një ofertë mjaft interesante për Barcelonën. Para për arkat e klubit katalan, plus sulmuesi Adriano, i cili do të shërbente për të ulur çmimin e kartonit të Ronaldinjos. Kjo manovër synon që të ulë shpenzimet, edhe sepse momentalisht kartoni i fantazistit vlerësohet në afro 25 milionë euro.

Shkëmbimit i ka hapur rrugën edhe vetë Adriano, që momentalisht aktivizohet te Sao Paolo në kampionatin brazilian, ku është në formë huaje deri në qershor. Sulmuesi ka rigjetur qetësinë dhe besimin që i nevojitej: ai duket se është kthyer në formën më të mirë, duke realizuar edhe 11 gola. "Më kanë folur rreth këtij shkëmbimi të mundshëm ndërmjet Interit dhe Barcelonës dhe nuk jam i çuditur, duke pasur parasysh atë që po bëj këtu në Brazil", ka deklaruar 26-vjeçari. "Nuk ka asnjë dyshim që do të ishte një aventurë shumë e bukur të vishja fanellën e njërit prej klubeve më prestigjiozë në Evropë". Gjithsesi, Adriano ka preferuar të përqendrohet më shumë tek e tashmja. "Pavarësisht kësaj, shkëmbimi është diçka për të cilën nuk dëshiroj të mendoj në këto momente. Kur të kthehem në Itali, vendimi final i takon Interit. Çfarë do të bëja nëse do të kisha mundësi të zgjidhja? Prioriteti im është gjithmonë ai i të qenit të lumtur", shtoi në mënyrë disi enigmatike braziliani.

Por, ndërkohë që në radhët e Interit hipoteza për shkëmbimin Ronaldinjo-Adriano po avancon, kundërshtarët nuk qëndrojnë pa bërë asgjë. Mbi të gjithë Milani: në darkën e përpara disa ditëve ndërmjet Galianit dhe de Asis është vlerësuar hipoteza për të futur në marrëveshje Rikardo Oliveiran, që aktualisht luan në formë huazimi te Saragoza (klubi spanjoll duket se nuk dëshiron të paguajë 15 milionë për të blerë të gjithë kartonin e lojtarit). Sulmuesi ka treguar një formë të mirë në Primera Division (kampionat ku padyshim vlerësohet më shumë se në Serinë A) dhe nuk përjashtohet mundësia që Barcelona mund të jetë e interesuar për ofertën. Pas faktit që Milani ka filluar të mendojë strategjitë për të arritur te Ronaldinjo, duket se ka ndikuar vetë presidenti Silvio Berluskoni: "Ronaldinjo kuqezi? Shpresojmë ende", ka deklaruar njëshi i klubit gjatë një takimi në fushatën elektorale dhe ka bërë me dorë edhe një gjest, nëpërmjet të cilit dukej sikur donte të thoshte, "pothuajse e kemi marrë". Ndërkohë, në listën e pretendentëve teorikë është shtuar edhe Juventusi. Shtysë është bërë portieri Xhixhi Bufon, që disa ditë më parë u kishte "sugjeruar" drejtuesve të klubit të bënin një tentativë për të afruar Ronin në skuadrën bardhezi.

[Vjosa]

ama mo ta marri Milani ate palltone se do na dali si Rivaldo te shkoje te lozi ne greqi edhe ky se shume na e cau koke turp qe e karahasonin Ronin me Maradonen.

[RaPSouL]

Lajmi me posht eshte 99% zyrtar.

Mançini, projektuesi i blerjes së Hleb dhe Kapel



Interi duket se ka realizuar blerjen e parë të rëndësishme për sezonin 2008-‘09, duke siguruar mesfushorin 26-vjeçar të Arsenalit, Aleksander Hleb. Futbollisti bjellorus ka rënë dakord me ofertën e bërë nga kampionët e Italisë, të cilët kanë bërë gati një kontratë pesëvjeçare prej 2.5 milionë eurosh në sezon. Për të bindur Arsenalin ka mjaftuar një çek prej 14 milionë eurosh, ndërsa pritet që zyrtarizimi i marrëveshjes të bëhet menjëherë pas përfundimit të sezonit. Por zikaltrit nuk janë ndalur këtu, pasi po përgatisin një tjetër blerje të rëndësishme, 20-vjeçarin e Seviljes, Diego Kapel. Futbollisti mund të luajë në krahun e majtë si në mesfushë, ashtu edhe në mbrojtje, ndaj 12 milionë eurot që kërkon Sevilja janë më se të pranueshme për Moratin. Arkitekt i blerjeve ka qenë trajneri Mançini, i cili duket se ka siguruar qëndrimin e tij edhe për sezonin e ardhshëm, duke urdhëruar largimin e Sezar, Solarit, Figos dhe Manike

[RaPSouL]

Thashethemet per merkaton e madhe te Juves nuk kane te ndalur!

Sigurohet Liga e Kampioneve, nis planifikimi i merkatos



Fitorja me Milanin duket se i ka siguruar përfundimisht Juventusit pjesëmarrjen në Ligën e Kampioneve gjatë sezonit të ardhshëm dhe tashmë bardhezinjtë kanë filluar të mendojnë për merkaton verore. Objektivi kryesor i tyre vazhdon të jetë sulmuesi i Palermos, Amauri, për të cilin kanë kërkuar informacione të vazhdueshme gjatë javëve të fundit. Gjatë ditës së martë do të zhvillohet një takim me drejtuesit e Palermos, ku Seko dhe Blank do të bëjnë ofertën e tyre prej 15 milionë eurosh dhe një lojtari, emri i të cilit nuk është saktësuar ende. Por bardhezinjtë kërkojnë të bëjnë një përforcim cilësor edhe në mesfushë, duke synuar të marrin Lampard të Çelsit ose Diego të Verder Bremenit. Kapiteni i londinezëve është një nga futbollistët e preferuar të Ranierit, por kërkohet edhe nga skuadrat më të mëdha evropiane. Ndërsa për Diegon, çështja është më e thjeshtë, pasi mjaftojnë 25 milionë euro për të blerë brazilianin

[RaPSouL]

Manchester City kerkon per trajner Felipe Skolarin.

Mançester Siti mendon për Luis Felipe Skolarin



Trajneri i Mançester Sitit, Sven Goran Erikson, rrezikon të mbyllë shumë shpejt karrierën e tij në radhët e skuadrës angleze. Pas një fillimi sezoni shumë premtues, Siti pësoi një rënie të ndjeshme dhe tashmë është në vendin e tetë në renditjen e kampionatit anglez. Një gjë e tillë ka shqetësuar presidentin tajlandez të skuadrës, Thaksin Shinauatra, i cili kishte kërkuar kualifikimin në Ligën e Kampioneve. Për këtë arsye, Shinauatra ka filluar të kërkojë një zëvendësues për Erikson, duke hedhur sytë nga trajneri aktual i Portugalisë, Luis Felipe Skolari, pasi ky i fundit mund të lërë kombëtaren pas përfundimit të EURO 2008.

[RaPSouL]

Luajne thashethemet per nje merkato te papare nga Chelsea kete vere.

Çelsi, 125 milionë për të blerë 3 lojtarë



Presidenti i Çelsit, Roman Abramoviç, do të hapë përsëri portofolin e tij gjatë merkatos verore, ku mendohet se do të shpenzojë 125 milionë euro për të blerë tre lojtarë. Gazeta "Sunday People" ka bërë të ditur se miliarderi rus po bëhet gati t‘i dhurojë trajnerit Grant tre yje për të rikthyer lavdinë e skuadrës në sezonin e ardhshëm. Emrat që kërkohen janë mesfushori Garet Berri i Aston Vilës, sulmuesi Serxho Aguero i Atletikos së Madridit, si dhe Karim Benzema i Olimpikut të Lionit. Një pjesë e shpenzimeve mund të përballohen nga shitja e yjeve si Drogba dhe Lampard, të cilët kërkohen nga ekipet italiane dhe spanjolle.