Transferimet e futbollistëve - [THASHETHEME]

[goldian]

ka mundesi te perkthej dikush se nuk kuptoj Italisht?

as une se kuptoj mire por mesa marr vesh thuhet
qe kuqezijte kane siguruar sulmuesin shqiptar edgar cani nga pescara qe konsiderohej si vieri i ri.ikerkuar dhe nga inter e sampdoria

0.4 milion euro paska kushtuar

[Flori]

Zyrtare

AC Milan Merr 17 Vjecarin Michelangelo Albertazzi Nga Bologna


Gilberto Nga Herta drejt Tottenham

[MaDaBeR]

Mesa di une, Gilberto nuk i ka kaluar testet mjeksore keshtu qe mbetet serish pjese e Hertes dhe ne fund te sezonit mund te largohet me parametra "zero"

Gjithashtu ka deshtuar dhe blejra e Tiagos nga Atletico de Madrid. Atletico beri nje oferte me te mire se Totenham por bardhezinjte nuk kane pranuar ta shesin.

[RaPSouL]

Palermo blen talentin shqiptar, Edgar Çani

Klubi sicilian fiton garën me Interin, Fiorentinën dhe Udinezen


Palermo blen talentin shqiptar, Edgar Çani. Sulmuesi 18-vjeçar, i cili është grumbulluar edhe nga trajneri i Kombëtares Shpresa, Artan Bushati, për miqësoren e 6 shkurtit me Maqedoninë, ka bërë një hap shumë të rëndësishëm në karrierën si profesionist, duke u transferuar nga Peskara në Serinë C1 B, në Serinë A italiane. Te Palermo ai do të gjejë shqiptarin tjetër, portierin premtues Saimir Ujkani. Konfirmimi i këtij kalimi është bërë nga mediat italiane vetëm pak orë përpara mbylljes së merkatos së dimrit. "Palermo ka blerë nga Peskara sulmuesin 18-vjeçar Edgar Çani", saktësonte "tuttomercatoweb.com". "Lojtari i ri ka luajtur katër ndeshje në Serinë C1 B, duke shënuar 3 gola. Për afrimin e tij, Palermo ka fituar garën me Fiorentinën dhe Udinezen".

Kalimi i Çanit në futbollin e madh dukej vetëm çështje kohe. Shqiptari, i etiketuar edhe si "Kristian Vieri i ri", ka fituar simpatinë e specialistëve të futbollit përtej Adriatikut, edhe sepse është një lojtar mjaft i fortë fizikisht për moshën që ka. Vetëm pak ditë më parë, Interi i Masimo Moratit kishte bërë hapin e parë konkret për sulmuesin premtues. Kampionët në fuqi të Italisë, që aktualisht kryesojnë bindshëm Serinë A, u kishin ofruar drejtuesve të Peskarës 1 milion euro për gjysmën e kartonit të Çanit. Në mesin e këtij muaji, lojtari rinovoi kontratën me Peskarën, duke pranuar që të qëndronte aty deri më 30 qershor 2012. Megjithatë, kjo rezultoi vetëm një manovër e presidentit të klubit, Xherardo Solia, për të blinduar sulmuesin dhe për ta shitur atë vetëm kur oferta të ishte e kënaqshme.

Detajet e kontratës së Çanit me Palermon, shuma e paguar për transferimin dhe sa vjet do të qëndrojë ai në Sicili, ende nuk janë bërë publike. Me këtë transferim ai bëhet lojtari i pestë me origjinë shqiptare që militon në një skuadër të elitës së futbollit italian, pas Erjon Bogdanit (Livorno), Igli Tares e Valon Behramit (Lacio) dhe Sajmir Ujkanit, që siç u theksua më lart, është pjesë e Palermos që prej verës së kaluar.

[RaPSouL]

Zyrtare, Elvin Beqiri kthehet te Vllaznia pas 5 vjetësh

Mbrojtësi i Kombëtares ka prishur kontratën me Arsenal Kiev


Vllaznia ka bërë blerjen më të goditur të merkatos së janarit, mbrojtësin e Kombëtares, Elvin Beqiri. Afrimi i 27-vjeçarit është "dhurata" e presidentit Valter Fushaj për tifozerinë shkodrane, por edhe për trajnerin Mirel Josa, që në pjesën e mbetur të sezonit do të ketë një skuadër edhe më të fortë. Lajmi është konfirmuar nga vetë Beqiri, i cili ka prishur kontratën me ukrainasit e Arsenalit të Kievit. Shkak për këtë është bërë konflikti me trajnerin e skuadrës, i cili ishte ankuar në media se drejtuesit e klubit kishin blerë një futbollist që në ato momente nuk i nevojitej. "Trajneri kishte deklaruar për një gazetë se reparti i mbrojtjes ishte i kompletuar dhe se unë nuk isha lojtari që kërkonte", pohoi shkodrani në linjë telefonike për "Shqip". "Menjëherë pasi mësova këtë deklaratë, bëra një takim me trajnerin dhe i kërkova të dija nëse ato që kishin shkruar gazetat ishin të vërteta. Në momentin që më konfirmoi gjithçka, vendosa se gjëja më e mirë ishte të prishja kontratën me Arsenalin, pasi asnjëherë nuk do të cilësohesha si zgjedhje e parë. Duke parë situatën e krijuar, drejtuesit e klubit vendosën të më jepnin të gjithë dokumentacionin dhe u bëra lojtar i lirë".

Emocionet për një rikthim te Vllaznia janë të mëdha. Pas afro 5 vjetësh, Beqiri do të luajë sërish me fanellën që e lançoi në kombëtare dhe ku u afirmua si futbollist, përpara se të luante në skuadra të ndryshme evropiane. "Pas një bisede të shkurtër me presidentin e Vllaznisë, Fushaj, arritëm marrëveshjen që të luaja deri në fund të këtij sezoni në skuadrën e vendlindjes, shpjegoi mbrojtësi. I kam dërguar klubit të gjithë dokumentacionin e nevojshëm për federimin tim, por nuk do të bashkohem menjëherë me skuadrën". Fillimisht 27-vjeçari ka planifikuar një "vizitë" 10-ditore në klinikën e ish-fizeoterapistit të përfaqësueses kuqezi, Akim Bulinger. "Kavilja më jep ende disa shqetësime të vogla dhe kjo është arsyeja përse do të shkoj për disa ditë në Gjermani, për të zhvilluar fizeoterapi me Bulingerin, shpjegoi Beqiri. Sapo të mbaroj seancat rikuperuese do të bashkohem me skuadrën, për të dhënë kontributin tim në këtë kampionat". Zgjedhja për t‘u bërë pjesë e kontingjentit kuqeblu ka ardhur pavarësisht ofertave nga jashtë Shqipërisë dhe ajo duket më se logjike: "Pas prishjes së kontratës tek Arsenali i Kievit, menaxheri më njoftoi se kisha mundësi të luaja në shumë skuadra të tjera në Ukrainë, të cilat ishin të gatshme të më blinin. Oferta kam pasur edhe nga kampionati belg, por e pashë më të arsyeshme të kthehesha në Shqipëri, përfundoi shkodrani. Në këtë mënyrë do të kaloj problemin në kavilje, duke luajtur dhe kur të arrij formën optimale do të bëhem gati për një tjetër aventurë evropiane".

[RaPSouL]

Gulit: Unë do ta kthej Bekam në kombëtare

Trajneri i LA Galaksi, Rud Gulit, ka premtuar se do të bëjë maksimumin që Devid Bekam të rikthehet në përfaqësuesen angleze. Lojtari nuk është grumbulluar për miqësoren e 6 shkurtit të Anglisë përballë Zvicrës, ndonëse pritej që të aktivizohej në ndeshjen e 100-të me përfaqësuesen. "Nëse ai dëshiron të vazhdojë me kombëtaren, unë do të bëj maksimumin për ta ndihmuar. Kur të ftohet nga kombëtarja, do të përpiqem ta lë pushim, në mënyrë që të jetë në formën më të mirë. Të luash për vendin tënd dhe të regjistrosh 100 paraqitje me fanellën e kombëtares është gjëja më e mirë që mund të të ndodhë. Nuk më vjen keq që Anglia nuk u kualifikua në EURO 2008, pasi në këtë mënyrë do ta kem Bekamin në dispozicion një muaj e gjysmë më shumë. A e kujtoni çfarë thanë njerëzit pasi Anglia u mund me Kroacinë? Të gjithë thanë se Bekam ishte lojtari më i mirë në fushë", deklaroi Gulit.


Gazeta Shqip

[RaPSouL]

Aleksandër Hleb i premton besnikëri Arsenalit

Xhilberto mendon largimin në fund të sezonit

Pas zërave të merkatos, se Aleksander Hleb është shndërruar në objektivin kryesor të Barcelonës, menaxheri i mesfushorit ka këmbëngulur se lojtari dëshiron të qëndrojë tek Arsenali. Që prej vitit 1995, kur u transferua nga Shtutgarti, Hleb është bërë një element kyç për formacionin e drejtuar nga Arsen Venger. Menaxheri i 26-vjeçarit, Niki Spilevski, ka konfirmuar se klienti i tij nuk mendon të ndryshojë skuadër në fund të këtij sezoni. "Mund ta kuptoj fare mirë përse Barcelona është e interesuar për Aleksin", tha Spilevski për tabloidin "The Sun". "Megjithatë, atij i pëlqen shumë jeta tek Arsenali. Hleb ndien se luan për klubin më të mirë në botë. Aty ka trajnerin ideal, është shumë i lidhur me shokët e skuadrës dhe dashuron Londrën. Përse do të donte të largohej?". Kapiteni i përfaqësueses bjelloruse ka shënuar dy gola në 21 takime të luajtura gjatë këtij sezoni në Premiership, ndërkohë që "topçinjtë" kryesojnë renditjen, me 2 pikë më shumë se kampionët në fuqi të Mançester Junajted.

Por, pasi ka marrë fjalën e njërit prej lojtarëve kryesorë, Venger rrezikon të humbasë një tjetër element të rëndësishëm, si Xhilberto Silva. Mesfushori ka deklaruar publikisht se "nuk sheh të ardhme tek Arsenali", pasi ka humbur vendin e titullarit gjatë këtij edicioni. Braziliani ka luajtur vetëm pesë herë si titullar në kampionat, duke vuajtur formën e mirë që po kalojnë Mathiu Flamini dhe Çesk Fabregas, të cilët kanë monopolizuar dy vendet si mesfushorë qendre. "Në këto momente mendoj se nuk kam të ardhme në këtë klub", deklaroi 31-vjeçari, Xhilberto për të përditshmen britanike, "The Guardian". "Do të shoh se çfarë do të ndodhë në muajt në vazhdim, deri në fund të sezonit dhe nëse nuk do më jepet shansi të luaj si titullar, atëherë do të largohem. Qëndrimi në stol më vret shumë dhe nuk mund ta duroj një tjetër sezon si zëvendësues".

Gazeta Shqip

[Davius]

Edhe pse tema ka një numër relativisht të madh postimesh, vendosëm të rihapim përsëri, deri në fillimin e afatit zyrtar të transferimeve të futbollistëve. Besoj se thashethemet më të reja të futbollit do t'i postoni këtu.

[RaPSouL]

Thashethemja me e fundit eshte ajo qe vjen nga Barcelona, ku thuhet se per afatin verore gati se eshte arritur mareveshje me Dani Alves te Sevilles. Pra thuhet se do te kaloj gjate veres ne Barcelone.

[RaPSouL]

Thashethemet reth lojtarit te Verderit Diegos nuk kane te ndalur!

Diego, në garë Juve, Arsenali dhe Reali



Futbollisti i Verder Bremenit, Diego, duket se e ka të sigurtë të ardhmen e tij larg skuadrës gjermane. Ka qenë vetë babai i futbollistit ai që ka saktësuar se për fantazistin po interesohen disa nga klubet më të mëdha të Evropës. "Ka shumë zëra rreth së ardhmes së djalit tim, por shumë prej tyre nuk janë të vërteta. Por mund të them se Reali i Madridit, Arsenali dhe Juventusi dëshirojnë të blejnë Diegon. Alesio Seko, drejtori sportiv i Juventusit, ka qenë në Bremen për të folur me Klaus Allofs", deklaroi ai. Diego ka një kontratë deri në vitin 2011 me skuadrën gjermane, ndërsa vlera e kartonit të tij është 25 milionë euro.