Transferimet e futbollistëve - [THASHETHEME]

[goldian]

po keto sikur do iknin ne premier lig
njeri tek liverpul e tjetri tek chelsea

[AlbaneZ]

Per ke e ke fjalen ?

[goldian]

taren dhe bogun

[AlbaneZ]

Hera e pare qe e degjoj nje lajm te tille !

[Flori]

Torino, Tare e Bogdani, për sulmin

Bogdani shënon 3 gola, tani e kërkon Torino

Erjon Bogdani ka shënuar tre gola në ndeshjen e kontrollit brenda grupit që zhvilloi dje Livorno. Sulmuesi kuqezi gjeti tre herë rrugën e rrjetës, duke i shtuar akoma më shumë dilemat për trajnerin Kamoleze, që i duhet të zgjedhë mes tij e Tristan. Ndërkaq, mediat italiane kanë publikuar dje interesimin e Torinos për të marrë bomberin shqiptar, pas refuzimit të Rolando Biankit. Gjithsesi, duket vështirë që Bogdani të lërë Livornon.

[Flori]

Igli Tare, vjen oferta surprizë nga Roma

Lacio nuk pranon transferimin e lojtarit që ka shkëlqyer në ndeshjet e fundit. Shqiptari, nga "i padëshiruar", në "i pashitshëm"

Pas ofertës për Erjon Bogdanin gjatë verës, Roma ka hedhur sytë nga një tjetër futbollist shqiptar. Bëhet fjalë për Igli Taren, sulmuesin e Lacios, i cili ka shfaqur një formë shumë të mirë në ndeshjet e fundit, ku është aktivizuar me skuadrën e drejtuar nga Delio Rosi. Sulmuesi shqiptar cilësohej si "i padëshiruar" në fillimin e edicionit, por kanë mjaftuar tri ndeshje radhazi që ai të fitojë përsëri besimin e drejtuesve të klubit, të cilët tashmë e vlerësojnë si "të pashitshëm". Interesimin surprizë të Romës e ka bërë të ditur një burim shumë i besueshëm pranë kësaj skuadre, gazeta "Il Romanista", që është e lidhur me ambientin verdhekuq.

Roma nuk ka bërë asnjë lëvizje në merkaton e janarit, duke pritur momentin e duhur për të kërkuar një përforcim të vlefshëm. Duket se reparti ku do të ndërhyhet gjatë këtyre ditëve është pikërisht sulmi, ku Toti dhe Vuçiniç kanë nevojë për zëvendësues, pasi luajnë thuajse në të gjitha takimet e sezonit. Trajneri Spaleti ka kërkuar një lojtar që të shërbejë si "qendër" në minutat e fundit të ndeshjeve, për të ndihmuar edhe avancimin e mesfushorëve teknikë të skuadrës verdhekuqe. Që pas kërkesës së Spaletit, klubi ka gjetur dy alternativat më të mundshme për të mbuluar këtë rol, lojtarë me eksperiencë dhe që japin maksimumin, ndonëse përdoren vetëm në minutat e fundit të ndeshjeve. Përveç argjentinasit të Napolit, Sosa, emri tjetër në qarkullim është ai i Igli Tares. Sipas "Il Romanista", ky i fundit ka më shumë shanse për t‘u përzgjedhur nga verdhekuqtë për eksperiencën që ka në nivelet e larta të futbollit italian, për koston e ulët të transferimit dhe për efektshmërinë që i jep manovrës së skuadrës në minutat e fundit të ndeshjes. Tare do të shërbente si zëvendësues i Totit dhe Vuçiniç në minutat e fundit të ndeshjeve, por do të kishte mundësinë të aktivizohej si titullar në ndeshjet më të lehta të kampionatit gjatë periudhës kur Roma do të luajë në Ligën e Kampioneve.

Por çuditërisht, pengesa më e madhe për transferimin e Tares bëhet pikërisht Lacio, ekipi që e nxori në shitje gjatë merkatos verore. Ndonëse skuadra bardhekaltër sapo ka nënshkruar një kontratë me Rolando Biankin, ajo nuk ka ndër mend ta largojë Taren, duke e cilësuar tashmë "të pashitshëm". Kjo nuk vjen nga fakti se largimi drejt Romës i Tares do të përforconte "kushërinjtë e urryer", por sepse sulmuesi po shfaq një formë të admirueshme. Tare ka shënuar dy gola të rëndësishëm dhe ka dhënë një asist në ndeshjet e fundit të ekipit të drejtuar nga Delio Rosi. Ky i fundit, ndonëse e cilësonte "të pavlefshëm" futbollistin, tani po mendon t‘i japë më shumë hapësira në formacion gjatë pjesës së dytë të sezonit, duke përdorur rotacionin me titullarët. Në një situatë të tillë, Tare do të ketë edhe luksin e zgjedhjes në fundin e sezonit, pasi Lacio po bëhet gati t‘i ofrojë atij rinovimin e kontratës.

© Gazeta Shqip

Roma kërkon Taren,një derbi në merkato

Roma kërkon një sulmues të gjatë dhe objektiv i skuadrës verdhekuqe është bërë shqiptari që luan me rivalët e Lacios, Igli Tare. Për shkak të kostos së operacionit, për karakteristikat që paraqet dhe për eksperiencën e tij, sulmuesi shqiptar shihet si një nga alternativat kryesore në sulm. Problem në këtë rast mbetet klubi i Lacios që nuk dëshiron të privohet nga Tare edhe pse sapo është blerë nga Mançester Siti, Rolando Bianki. Tare ka shënuar 2 gola në 3 ndeshjet e fundit.

© BalkanWeb

[AlbaneZ]

Befasia e Tottenham: Londinezet, oferte per Puyol

Revulucioni me emrin ‘Ramos’ tek Totenhemi po jep frytet e para duke i sjellë ekipit të ‘Uait Hart Lein’ finalen e parë pas shumë vjetësh. Dhe sigurisht pjesë e skemave të trajnerit spanjoll janë dhe lojtarët të cilët do të mundësojnë ngritjen e ekipit në nivele të lartë.

Oferta më e fundit e nisur nga zyrat e klubit të Totenhemit, ka patur si shënjestër kapitenin e Barcelonës, Karles Pujol edhe pse me shumë gjasa mësymja e anglezëve do të gjejë një përgjigje negative. Në favor të londinezëve, është mosha e kapitenit të katalanasve që këtë vit mbush 30 vjec dhe mund të largohet për një shumë të arsyeshme sipas rregullave të FIFA-s.

Por megjithë përpjekjet e Totenhemit, një futbollist i rritur tek Barcelona si Pujol vështirë se do të pranojë të transferohet në një ekip tjetër m,e nivel më të ulët se skuadra ‘blaugrana’ pavarësisht milionave.

[RaPSouL]

Sevilja: Luis Fabiano kushton 60 mln


Presidenti i Seviljes, Hoze Maria Del Nido, ka bërë të ditur se kushdo që dëshiron sulmuesin Luis Fabiano, duhet të bëjë gati një ofertë prej të paktën 60 milionë eurosh. Sulmuesi brazilian mendohej të kishte filluar bisedimet me Mançester Sitin, për të kaluar në Angli gjatë sezonit të ardhshëm. Por duket se transferimi i tij është krejtësisht në dorën e klubit, që kërkon të përfitojë sa më shumë, ashtu siç ka vepruar edhe me mbrojtësin Daniel Alvesh. Del Nido ka qenë shumë i prerë rreth lojtarit në fjalë. "Do të jem shumë i qartë. Luis Fabiano ka një kontratë fikse me Seviljen. Një javë më parë, ne zhvilluam një takim për ta diktuar këtë çështje, por ta dini që Sevilja zotëron 100% të kartonit të futbollistit. Nuk ekziston asnjë mundësi që ai të largohet nga ekipi. Nëse një klub e dëshiron atë, duhet të flasë vetëm me ne. Luis Fabiano do të largohet vetëm nëse klubi merr një ofertë prej më shumë se 60 milionë eurosh. Kushdo që interesohet për të, duhet të flasë me mua, as me lojtarin dhe as me menaxherin e lojtarit", deklaroi Del Nido. Skuadra e Seviljes, aktualisht është e impenjuar edhe në Ligën e Kampioneve.

Gazeta Shqip

[Flori]

Sissoko Dhe Stendardo e konfirmuar arritja e tyre ne Juventus

S. Kuffour tek Ajax

[Flori]

Zyrtare: Milan Baros Nga Olimpiku I Lion Tek Portsmouth