Transferimet e futbollistëve - [THASHETHEME]

[Flori]

Rajkard mohon sërish: Ronaldinjo nuk shitet

Krenar me veten, Ronaldinjo hoqi bluzën dje për të mohuar thashethemet në lidhje me shëndetin e tij të tepërt. Fantazisti i Barcelonës është quajtur i shëndoshë dhe një gjë e tillë nuk i ka lënë një shije të mirë. Pasi hoqi fanelën, braziliani tha: "E shihni, nuk jam i shëndoshë, jam vetëm pak i mbushur". Ka qenë humori përgjigja me të cilën fantazisti iu përgjigj informacionit të publikuar në ditët e fundit në mediat spanjolle, ku thuhej se ai është mbipeshë. Pavarësisht kësaj, Ronaldinjo do të mungojë edhe në sfidën e sotme, që Barcelona do të zhvillojë për çerekfinalet e Kupës së Mbretit ndaj Vilarealit. Gjë që sërish ka krijuar aludime në Spanjë, për më tepër që zërat e ardhur nga Milano në lidhje me një transferim të mundshëm të fantazistit në radhët e Interit, janë shtuar. Rajkard megjithatë nuk ka thirrur as mbrojtësin Erik Abidal, i cili vuan nga një ndrydhje e këmbës. Në fushë do të jetë megjithatë Hoze Edmilson, ndonëse ai nuk mund të luajë ende për 90 minuta.
Rajkard
Trajneri i Barcelonës ka këmbëngulur edhe dje se çdo gjë që thuhet rreth Ronaldinjos nuk përputhet me realitetin. Braziliani është folur për një kalim të mundshëm tek dy klubet e Serisë A, Milan apo Inter, por për Rajkard një gjë e tillë nuk do të ndodhë, të paktën tani afër. "Ka shumë zëra, por asgjë konkrete", u shpreh holandezi. "Ne jemi të lumtur me Ronin", shtoi ai. Trajneri tha gjithashtu se lënia jashtë e Ronaldinjos për ndeshjen e sotme në "El Madrigal" kundër Vilarealit, ka ardhur për shkak të dëmtimit të tij. "Duke pasur parasysh situatën e tij që vjen pas një dëmtimi të rëndë, mendoj se është duke ecur mirë", tha Rajkard, sipas të cilit, fantazisti do të jetë shumë shpejt në fushën e lojës. "Unë kam folur me doktorët dhe trajnerët fizikë dhe ata më thanë se është në një formë të mirë dhe se tani nuk ka më probleme", deklaroi Frenki Rajkard. Ronaldinjo ka munguar për një pjesë të mirë të ndeshjeve të këtij sezoni për Barcelonën si shkak i dëmtimeve të shumta. Megjithatë, braziliani nuk ka treguar një formë të mirë në ato ndeshje që është aktivizuar, duke u fishkëllyer shpesh nga tifozët. Ronaldinjo nuk luan që prej "El Klasikos" më 23 dhjetor.

[Flori]

Bianchi nenshkruan për Lazion

Bianki zbret në Romë, që sot me Lacion

Rolando Bianki ka zbritur dje në mëngjes në Romë, duke iu bashkuar ekipit të Lacios, me të cilin mund të luajë që sot në mbrëmje në Kupën e Italisë. Sulmuesi që vjen nga Mançester Siti është blerja kryesore e bardhekaltërve, që këtë vit rrezikojnë seriozisht rënien nga kategoria. Lacio ka paguar 12,5 milionë euro për këtë futbollist. Gjithçka është vendosur dje pasdite, pas një takimi me Lotiton dhe drejtorin Sabatini. "Tani mund të luajmë edhe me 3 sulmues", tha trajneri Delio Rosi.

[Flori]

Juventus: Sissoko Blerja u Krye, Konfirmimi Zyrtar te Shtunen!

[Flori]

Zyrtare: Almiron tek Monaco

[Flori]

Boumsong tek Lion çështje orësh

[goldian]

po per shqiptaret di gje o FLORI

[Flori]

Van der Vaart tek Juventus shum shpejt

[Flori]

Henri Shiba firmos per Cavese

Henri Shiba ka firmosur sot nje kontrate me skuadren e S.S. Cavese 1919. Drejtori sportiv i kesaj skuadre Nicola Dionisio ka bere te ditur per faqen zyrtare blerjet e sotme. Behet fjale per Shiben dhe per mesfushorin Francesco Favasuli.

Te dy lojtaret kan firmosur kontrata qe do te skadojne ne vitin 2010. Ata do te jene ne dispozicion te trajnerit Papagni qe neser.

Henri Shiba ka lindur ne Tirane ne 16/03/1988 dhe eshte i gjate 187 cm. Ai eshte thirrur me pare edhe ne skuadren e shpresave. Shiba vjen te Cavese pasi ka perfunfuar me mirekuptim kontraten me Novara. Shiba firmosi per Reggina me pare dhe ka luajtur edhe te Pro Vasto ne Serie C2.

S.S. Cavese 1919 merr pjese ne kampionatin C1 A dhe tani per tani renditet ne vend te 11 me 25 pike pas 21 ndeshjesh.

23/01/08

[AlbaneZ]

Juventus, Sisoko të dielën në Torino

Transferimi i Mohamed Sisoko te Juventusi duket pothuajse i mbyllur. Të dielën pritet zyrtarizimi, pas vizitave mjekësore. Ai do të bëhet pjesë e skuadrës së Ranierit falë investimit prej 13 milionë eurosh: para që janë siguruar nga shitja e Tiagos te Totenhemi. Kontrata e Sisokosë në Torino është për 4 vjet, me 2,5 milionë euro rrogë në sezon, plus opsionin për ta vazhduar bashkëjetesën edhe për një tjetër vit. Ndërkohë, Serxho Almiron ka kaluar në formë huaje te Monako, ndërsa Bumsong udhëtoi drejt Francës, për të bërë vizitat mjekësore te Lioni. Tashmë pritet edhe "ok" i Melberg, për të kaluar nga Aston Vila te bardhezinjtë.

[AlbaneZ]

Torino, Tare e Bogdani, për sulmin

Igli Tare dhe Erjon Bogdani janë dy alternativa për sulmin e Torinos në këtë merkato dimri. Sipas të përditshmes italiane, "La Stampa", emrat e sulmuesve shqiptarë janë lakuar pasi klubi "Granada" ka dështuar në afrimin e Rolando Biankit, i cili është transferuar te Lacio nga Mançester Siti. Në të vërtetë, objektivi kryesor i skuadrës së Serisë A është Karaçolo, por arritja e marrëveshjes është shumë e vështirë. Gjithsesi, duket se presidenti i Torinos, Kairo, nuk është shumë i interesuar për të marrë shërbimet e Tares dhe të Bogdanit. "Donim të merrnim Biankin, tha ai. Në këtë mënyrë do t‘u bëja një dhuratë tifozëve. Lojtari ishte i yni, por menaxheri i ndryshoi mendjen. Unë dhe Lotito (presidenti i Lacios) i kishim ofruar të njëjtën shumë parash. Alternativat? Mendoj se jemi të kompletuar". Gjithsesi, emrat e dy sulmuesve shqiptarë pritet të qarkullojnë deri në fund të janarit, kur mbyllet edhe merkato. Me ardhjen e Biankit, hapësirat për Taren zvogëlohen edhe më shumë, pavarësisht formës së mirë që ka treguar ish-kapiteni i Kombëtares. Edhe situata e Bogdanit nuk është më e pëlqyeshme: sulmuesi është shndërruar në lojtar stoli pas shpërthimit të spanjollit Tristan.