Presidenti Bush viziton Shqipërinë

[Brari]

“Mapo” e Erion Veliajt, çmim për artikullin më antiamerikan për vizitën e Presidentit Bush

Grada e perdoruesve-ve: / 17
I varferI mire
Monday, 11 June 2007
Nga Kastriot Myftaraj

Një garë e pashpallur se kush do të botojë artikullin më antiamerikan, me rastin së parës vizitë të një Presidenti të SHBA në Shqipëri, u zhvillua ndërmjet disa mediave pro Edi Ramës, si gazeta “Shekulli”, gazeta “Shqip”, “Gazeta Shqiptare”, revista “Mapo”.Këtë garë duket se e fitoi revista “Mapo” e cila është pronë e Erion Veliajt, drejtorit të Lëvizjes “Mjaft”, që ironikisht financohet dhe nga USAID. Kryeredaktor i revistës “Mapo” është Skënder Minxhozi, një nga krerët e “Aksionit Civil”, një lëvizje pro Edi Ramës, që është krijuar dhe vepron në bashkëpunim me Lëvizjen “Mjaft”. Nëse do të shikoni stafin e revistës “Mapo” në faqen 5 të saj do të vini re se atje janë dhe dy anëtarë të Asamblesë së PS, të Edi Ramës, Ajola Xoxa, e fejuara e Erion Veliajt dhe Artan Lame. Gjithashtu në stafin e kësaj reviste është dhe një nga krerët e Lëvizjes “Mjaft”, Kristi Pinderi, si dhe dy nga propagandistët kryesorë të Edi Ramës sot, Sokol Balla dhe Henri Çili. Kështu, revista “Mapo” është simbol i bashkëpunimit të Lëvizjes “Mjaft”, mediave pro Edi Ramës, dhe PS të Edi Ramës. Në numrin e 9 qershorit 2007 (nr. 35), f. 70, është botuar shkrimi “Një shaka me rastin e vizitës së Bush në Tiranë”, ku është një vendim imagjinar i parlamentit shqiptar, që i paska ardhur me e-mal Arian Çanit për emisionin “Zonë e lirë” (nuk jepet adresa e-mail edhe pse kjo mund të sajohet lehtë), me këtë përmbajtje:
Kuvendi i Shqipërisë
Data 7 qershor 2007
VENDIM:
“Mbi masat e emergjencës civile për pritjen e vizitës historike të Presidentit të SHBA në Shqipëri”.
Me nderim dhe respekt për dëshmorët amerikanë të rënë për lirinë e Shqipërisë, me vlerësim dhe mirënjohje të thellë për fondet amerikane të asistencës teknike, si dhe me rastin e vizitës historike të presidentit amerikan George W. Bush, Kuvendi i Shqipërisë vendosi: Të zëvendësojë nëpër shkolla dhe institucione fotografitë e vjetra të zotit Moisiu (dhe në disa komuna të largëta fotografitë e vjetra të zotit Meidani) me fotografi të reja të zotit President Mr. Bush.
Të riemërojë urgjentisht të gjitha rrugët dhe sheshet e mundshme dhe të ratifikojë këto emërime rrugësh dhe sheshet nga Këshillat Bashkiakë përpara ardhjes së Presidentit.
Në kuptim të këtij vendimi, Kuvendi i Shqipërisë vendosi:
I. Në Elbasan:
1. Sheshi “Hans-Dietrich Genscher” të quhet sheshi “Henry Kissinger”
2. Pallati i Kulturës «Isuf Myzyri» të quhet Qendra Kulturore «Frank Sinatra»
II. Në Tiranë
1. Ish-Rruga Mbretërore (sot «Rruga e Barrikadave») të quhet Rruga «Presidenti Bush»
2. Rruga “Vllaznit Huta” të quhet Rruga “Vëllezërit Belushi”
3. Bulevardi “Zog I” të quhet Bulevardi “J.F.K.”
4. Sheshi “Wilson” të mbetet Sheshi “Wilson”
5. Sheshi “Italia” të quhet Sheshi “Amerika”
6. Bar “Amerika” të rindërtohet me fonde nga buxheti i shtetit
7. Sheshi “Fan Noli” përballë Akademisë së Shkencave të quhet Sheshi “Benjamin Franklin”
8. Fakulteti i Elektroteknikës të quhet “Kolegji Tomas Edison”
9. Qendra e Kinematografisë të quhet Fondacioni “Harrison Ford”
10. Stadiumi kombëtar “Qemal Stafa” të quhet “Aeroporti i helikopterëve të Tiranës”
11. Burgu 313 të quhet “Qendra e Rehabilitimit Guantanamo JR”
12. Aeroporti i rindërtuar “Nënë Tereza” i Rinasit të quhet “Holy Mother of Centre”
III. Në Shkodër:
1. Ish-Sheshi “Heronjtë e Vigut” të quhet “Heronjtë e Alamos”
V. Gjiri i Vlorës të quhet Gjiri i Floridës, Labëria të quhet “Teksas”, qyteti i Kukësit të quhet “Fort Kukës”, dhe të gjitha qytetet me nën 20,000 banorë të marrin parashtesën “Fort”
VI. Ky vendim hyn në fuqi menjëherë.
Nënshkruar nga Kryetari i Senatit (ish-Parlamentit)
Josy Pelosi-Limp. Ky është teksti i botuar në “Mapo”! Kur Sllobodan Millosheviç filloi mitingjet të ashtuquajtura të së vërtetës, në Serbi, në vitin 1998, në të cilat u ndez flakë shovinizmi serb, u shfaq dhe një banderolë e madhe: “Ec para Sllobodan, të shkojmë deri në Tiranë!” E pra, Sllobodan Millosheviçi nuk arrit dot deri në Tiranë, vetëm në sajë të SHBA, ndryshe ushtritë serbe dhe greke do të qenë takuar në Tiranë, duke ardhur nga veriu dhe jugu. Por, në Tiranë arriti Goran Bregoviçi, një këngëtar çetnik dhe arkanist serb, të cilit Edi Rama i dorëzoi çelësat simbolike të qytetit të Tiranës, në prill 2006, me rastin e koncertit, që Bregoviç dha në Tiranë. Në rast se të gjitha ato që u bënë me rastin e vizitës së Presidentit amerikan, kur dihet se çfarë përfaqësojnë SHBA për Shqipërinë dhe shqiptarët, ç’ duhet thënë për atë që bëri Edi Rama, që solli në vitin 2006 solli në Tiranë një këngëtar çetnik serb, Goran Bregoviç, koncertin e të cilit në Pallatin e Kongreseve e ndoqi personalisht, dhe në fund i dorëzoi në mënyrë simbolike çelësin e qytetit të Tiranës. Koncerti i Bregoviç në Tiranë u shndërrua në një bakanalie, harbim, orgji ku salla e mbushur me rrethin e Edi Ramës, mjaftistë, fresshistë kaloi në ekstazë kur Goran Bregoviç jepte komandat e këngës “Kallashnikov”: Juriiiis(Sulm)…. Pucaaaaaj(Qëllo-zjarr)!
Në të njëjtën mënyrë e kishin pritur Bregoviçin hordhitë gjakësore serbe të Ratko Mlladiçit, Vojisllav Sheshelit, Zheljko Raznjatoviçit-Arkanit (të gjithë këta kanë qenë miq të Bregoviçit), në koncertet që ky dha për ta në kohën e luftës në Kroaci dhe Bosnje, në Vukovar, Pale, Banja Luka, Srebrenica. Bregoviçi ishte një nga këngëtarët e preferuar të tyre. Posaçërisht kënga “Kallashnikov” u bë këngë e preferuar e çetnikëve të Sheshelit, “tigrave” të Arkanit etj. Këtë këngë e dëgjonin terroristët serbë në Kosovë. Kjo këngë shpërthente nga kasetofonët e automjeteve të ushtarëve dhe paramilitarëve serbë që bënin vrasje, përdhunime dhe spastrim etnik në Kosovë. Dhe Brega (Bregoviçi) ka marrë pjesë dhe në orgjitë e çetnikëve dhe “tigrave” të Arkanit me vajzat e rrëmbyera kroate, boshnjake dhe shqiptare të Kosovës. Pikërisht një njeriu të tillë, kryetari i Bashkisë së Tiranës, Edi Rama, i simbolikisht dorëzoi çelësat e qytetit të Tiranës. Kjo është njëlloj si t’ ia dorëzosh çelësat e Tiranës, Sheshelit, Arkanit, Mlladiçit. Por, për të gjitha këto njerëzit e “Mapo” kanë heshtur. Nëse do të ironizohet nderimi që Edi Rama i bëri Goran Bregoviçit, duke përdorur si manual tekstin e botuar në revistën “Mapo”, do të thuhet sa më poshtë:

Kuvendi i Shqipërisë
Data 7 qershor 2007
VENDIM:
“Mbi masat për pritjen e vizitës historike të Goran Bregoviç në Shqipëri”.
Me nderim dhe respekt për dëshmorët serbë të rënë për ta çliruar Ballkanin nga okupatorët amerikanë, duke përfshirë edhe Shqipërinë, me vlerësim dhe mirënjohje të thellë për fondet serbe të spiunazhit për paraardhësit tanë, si dhe me rastin e vizitës historike të Goran Bregoviç, Skupshtina, më falni, Kuvendi i Shqipërisë vendosi: Të zëvendësojë nëpër shkolla dhe institucione fotografitë e vjetra të zotit Moisiu (dhe në disa komuna të largëta fotografitë e vjetra të zotit Meidani) me fotografi të reja të zotit Boris Tadiç. Të riemërojë urgjentisht të gjitha rrugët dhe sheshet e mundshme dhe të ratifikojë këto emërime rrugësh dhe sheshet nga Këshillat Bashkiakë përpara ardhjes së Goran Bregoviç.
Në kuptim të këtij vendimi, Kuvendi i Shqipërisë vendosi:
I. Në Elbasan:
1. Sheshi “Hans-Dietrich Genscher” të quhet sheshi “Ilia Garashanin”
2. Pallati i Kulturës «Isuf Myzyri» të quhet Qendra Kulturore «Dobrica Qosiç»
II. Në Tiranë
1. Ish-Rruga Mbretërore (sot «Rruga e Barrikadave») të quhet Rruga «Presidenti Milloseviç»
2. Rruga “Vllaznit Huta” të quhet Rruga “Vëllezërit Nemanja”
3. Bulevardi “Zog I” të quhet Bulevardi “Karagjorgjeviç”
4. Rruga “Vasil Shanto” të mbetet Rruga “Vasil Shanto”
5. Sheshi “Italia” të quhet Sheshi “Serbia”
6. Sheshi “Fan Noli” përballë Akademisë së Shkencave të quhet Sheshi “Vuk Karaxhiç”
7. Fakulteti i Elektroteknikës të quhet Kolegji “Mira Markoviç”
8. Qendra e Kinematografisë të quhet Fondacioni “Stefan Dushan”
9. Stadiumi kombëtar “Qemal Stafa” të quhet “Zheljko Raznjatovic-Arkan”, meqë ky i fundit ishte mik i Goran Bregoviç dhe dashamir i futbollit dhe luante futboll me koka shqiptarësh dhe bosnjakësh.
10. Burgu 313-ta t’ i vihet në dispozicion shërbimit sekret serb, BIA për të trajtuar pa gjyq të gjithë intelektualët shqiptarë që kanë shkruar dhe folur kundër Serbisë.
12. Aeroporti i rindërtuar “Nënë Tereza” i Rinasit të quhet “Shën Sava”
III. Në Shkodër:
1. Ish-Sheshi “Heronjtë e Vigut” të quhet Sheshi “Sheshel”
V. Gjiri i Vlorës të quhet Gjiri i Beogradit të Ri, Labëria të quhet “Shumadije”, qyteti i Kukësit të quhet “Vasa Çubrilloviq”, dhe të gjitha qytetet nën 20,000 banorë të marrin emra të “heronjve” serbë të dalë para Gjykatës së Hagës. Kur emrat nuk mjaftojnë të plotësohen me anëtarët e bandës së Zemunit.
VI. Ky vendim hyn në fuqi menjëherë.
Nënshkruar nga Kryetari i Skupshtinës (ish-Parlamentit), Tomislav Nikoliç, i partisë çetnike të Sheshel (radikale), i ardhur në fuqi në Tiranë, pasi në Beograd u detyruan ta shkarkojnë nën presionin e ndërkombëtarëve.

Përtej humorit, është për t’u indinjuar që këto gjëra Erion Veliaj i bën me para amerikane, të dhëna pa kursim nga Ambasada Amerikane në Tiranë. Dhe mikesha e Sorosit, që edhe për disa ditë do të jetë ambasadore e SHBA në Tiranë, që është përgjegjëse për këto gjëra, ditën e vizitës së Presidentit Bush vraponte rreth çiftit presidencial gjithë servilizëm, e veshur si velinat e Bregoviçit, pasi kishte bërë gjithçka që Presidenti Bush të denigrohej nga miqtë e saj në Shqipëri.


gazeta sot

[drity]

SHUMË ZHURM PËR ASGJË....

Sipas mendimit tim se fajet duhet ti kete gazetari ne terren ....

A e lexove ate linkun qe solla une ?
Alba Malltezi nuk thote qe lajmi vjen nga nje "gazetar ne terren", ajo thote qe e ka pikasur vete quke pare filmimet.

Mire do ishte qe ajo te shpjegohej.

[dordi1]

Po ca te shpjegohet, njeri, mer amon! Se ne e hoqet trunin fare me kto postime te ububushme...
Po ktu ka tre dite resht NY TIMES qe na kishte ne faqe te pare nga e Shtuna e kalueme deri te Honen! Edhe pa pase nevoje per lufte apo kushedi! Per te MIRE more, per te MIRE! Per Adhurimin dhe Mirenjohjen qe i treguam te parit President te U.S.A. ne pozite qe shkoi n'Tirone masi baba i vet ka shkue nja dy here n'Shqipni ma perpara, 2004 edhe 2006. Pa permend banorin e Ellijay, Georgia, ish-presidentin J. Carter.
Pis milet! kur thote turku...
Nuk shohim ma larg se hunda jone!
Mizerjen e meritojme se mizerabel jena!
U ka dashte me e mohue Tony Snow ne Press Conf.! U ka dashte me "ju hape syte robve" B. Williams @ NBC! Dhe kulmi!!! U ka dashte me fole edhe me u fotografue W vete qe ne ta kuptojme edhe nje here qe ajo plake mirditore e kishte me gjithe mend kur e kapte edhe e puthte me te dyja duret Bush Junior ne Fushe Kruje!!!
Ku je Fan Stilian Noli, ku je?! Se sot i duhesh Kombit ma shume se kurre...

[drity]

dordi, do beje mire te lexoje postimet para se te pergjigjeshe.

[macia_blu]

Ora e Bushit dhe Dhori i Ores





Aleksander Frangaj*
E Shtune, 16 Qershor 2007

Edhe një prej vizitave më të rëndësishme politike në historinë e shtetit shqiptar, e cila fatmirësisht shkoi si s’ka më mirë, antishqiptarët u përpoqën ta përbaltin mjaft keq. Xhelozët e qeverisë shqiptare si dhe antishqiptarët që punojnë për ta, ende pa u shuar jehona në mbarë botën për pritjen e jashtëzakonshme të Presidentit të Botës, i hynë punës për ta sfumuar këtë reklamë mjaft pozitive që fitoi Shqipëria në ekranet dhe në sytë e gjithë botës. Dhe supersuksesi duhej konkurruar me një superlajm: Shqiptarët i vjedhin orën e dorës Presidentit amerikan. Analistët bëjnë të ditur se ideatori i këtij lajmi famëkeq ka qenë Edi Rama, por unë nuk mund ta vërtetoj këtë. Ajo që dihet është se distributori i këtij lajmi të fabrikuar si s’ka më mirë, rezulton të jetë një joshqiptar që drejton një gazetë “shqiptare” e që quhet Carlo Bollino. Ky botues italian, i lidhur fort me Edi Ramën, në një kohë rekord shpërndau jo vetëm në Shqipëri, por edhe në Itali shpifjen antishqiptare. Të dy këta të përfolur për këtë skandal kishin arsye ta bënin një gjë të tillë, sepse Edi Ramës nuk iu dha rasti i shumëpritur të takohej me Presidentin e parë amerikan që shkelte në Shqipëri. Kryetari i Bashkisë së Tiranës nuk begenisi t’i dhurojë Çelësin e Tiranës të parit President amerikan që vizitoji Kryeqytetin e shqiptarëve, çelës të cilin ia kish dhuruar kohë më parë edhe serbit Goran Bregovic. Ky kryetar bashkie nuk denjoi as të marrë pjesë në ceremoninë e dhënies së emrit Xhorxh W. Bush rrugës para parlamentit, ashtu siç nuk pranoi që këtë emër ta merrte Rruga e Barrikadave. Prandaj, Bush nuk vizitoi Bashkinë e Tiranës, që e kryeson i majti Edi Rama, por vizitoi qytetin më të afërt që drejtohet nga e djathta, Fushë-Krujën. Ky qytet i vogël, që habiti Bushin dhe këdo që ka parë pritjen e tij, xhelozoi pa masë jo vetëm kryetarin socialist të Bashkisë së Tiranës, por edhe italianin Carlo Bollino, sepse vizita e Bushit në Itali nuk zuri vend në asnjë ekran ndërkombëtar, sikurse pati lajm vetëm protesta italiane ndaj tij. Kështu, Bollino, i mësuar prej kohësh me shpifje dhe qëndrime antishqiptare, pa pikë turpi, fyeu një Shqipëri të tërë. Ai nuk fyeu Shqipërinë e Berishës thjesht në gazetën e tij, sepse për këtë nuk do të shqetësohej njeri. Ai i fyeu shqiptarët në të gjithë botën: Shqiptarët janë HAJDUTË.

Fatmirësisht, ora e Bushit u sqarua në sajë të përgënjeshtrimit të Ambasadës USA në Tiranë, Shtëpisë së Bardhë në Uashington apo dhe agjencisë më të madhe të lajmeve në botë, Reuters. Po Sollaku i “ORES” ç’bën? Ky Kryeprokuror i “pavarur”, që u shqetësua nga lajmet dhe shpifjet e Bollinos, 6 muaj më parë, vetëm e vetëm se KKRT dha një licencë televizive, ku është? Pse hesht për këtë superskandal antishqiptar me përmasa dhe dëm ndërkombëtar? Ky Dhori i “ORES” (kështu do ta quaj gjithmonë), ngriti grup nga Prokuroria e Krimeve të Rënda, sepse Bollino i News 24 rrezikohej nga konkurrenca e televizionit të ri ORA NEWS. Dhe vetëm për këtë fakt, ky Kryeprokuror apo prokurori i tij, u vunë në shërbim të antishqiptarit Bolino, duke provokuar dhe fyer KKRT, duke nxjerrë në gazetë të dhënat sekrete private që i merrnin në emër të ligjit. Dhori i ORËS, filloi hetim sepse u dha një licencë televizive lokale, e para në historinë e dhënies së licencave me konkurrim të hapur (njoftimi i botuar në gazetën e Carlos) dhe ku asnjë subjekt i interesuar për licencë nuk ka pasur pretendime për shkelje apo abuzim. Veç Carlo i rrezikuar që do humbiste audiencën, siç e humbi, i mbështetur nga një deputet spurdhjak, dhe Dhori i ORES, krijuan për disa muaj një histori të paqenë, si e si të sulmonin Berishën dhe njerëzit e medias që nuk mendojnë si ky klan antishqiptar.

A do të kërkojë Dhori i ORES të paktën të përgënjeshtrohet nga media e Carlos shpifja e bërë? A do të nisë Dhori i ORES hetim për këtë shpifje publike të bërë në dëm të të gjithë shqiptarëve? Absolutisht jo. Sepse Dhori i ORES nuk guxon të hetojë Carlon e Ramës.

*Aleksander Frangaj,
Botues i Gazetes “ Koha Jone”

[no name]

Berisha: Entuziazmi per Bushin, jo vetem ne Fushe Kruje

E Shtune, 16 Qershor 2007


Berisha flet ne rrjetin televiziv amerikan CNN per pritjen e Bushit ne Shqiperi si dhe per statusin e Kosoves

Kryeministri Sali Berisha ne nje interviste te drejtperdrejte ne rrjetin televiziv amerikan, CNN, theksoi dje se Presidenti i SHBA-ve, Bush do te pritej me te njejten entuziazem si ai i Fushe-Krujes ne cdo qytet tjeter te Shqiperise. Duke komentuar viziten e Presidentit Bush ne Shqiperi, Berisha theksoi se pritja e ngrohte qe shqiptare i ben Presidentit amerikan eshte e justifikuar nga ndihma e madhe qe nder vite SHBA dhe presidentet e saj i ka dhene vendit tone per ceshtje te rendesishme dhe kritike. Kryeministri Berisha deklaroi ne CNN se vendosja e statusit perfundimtare te Kosoves nuk duhej vonuar, duke shtuar se nuk ka asnje arsye te pritet me per qendrimin e Serbise ne kete ceshtje. Sipas tij, pavaresia eshte e vetmja zgjidhje per statusin e Kosoves, zgjidhje kjo qe do te krijonte paqe dhe stabilitet ne rajon.

Z.Kryeminister ne nje moment kur duket se procesi per statusin e Kosoves ka ngecur, cfare mund te beje Shqiperia dhe komuniteti nderkombetar tani per ta shtyre procesin e statusit te Kosoves perpara?

Mendoj se Presidenti Bush ishte plotesisht i qarte dhe kishte plotesisht te drejte se prej nje viti dokumenti i Presidentit Ahtisari po shkon nga njera shtyrje ne tjetren dhe nuk ka asnje ndryshim ne qendrimin e pales tjeter. Me duket se te presesh Serbine, qe te jete realiste per momentin, eshte pothuajse njelloj sikur te presesh Godone. Sepse ende fantazma e Serbise se Madhe jeton ne Beograd. Per sa i perket Rusise, nuk e di nese kjo eshte per arsyet e Serbise, apo per disa arsye specifike te Rusise, qe Rusia po mban nje qendrim te tille. Megjithate, Kosova eshte unike ne rastin e saj, nuk ka asnje rajon tjeter ku lufta eshte zhvilluar per lirite dhe te drejtat e nje populli.

Nese mund t`ju nderpres per nje moment z. Kryeminister. Cfare do te deshironit ju qe komuniteti nderkombetar te beje ne menyre specifike per te ndihmuar ceshtjen e pavaresise se Kosoves? Cfare mund te bejne ata perballe qendrimit te Rusise?

Mendoj se mund te miratojne rezoluten dhe te ndihmojne Kosoven te ndertoje pavaresine e saj si e vetmja mundesi per te siguruar paqe dhe stabilitet ne Kosove dhe me gjere. Kjo eshte zgjidhja e vetme. Cdo shtyrje tjeter eshte e demshme dhe Rusia nuk po paraqet asnje opsion tjeter pervec bllokimit.

Z. Kryeminister le te kthehemi tani te vizita e Presidentit Bush javen e shkuar ne Shqiperi, ai u prit ne menyre mjaft te ngrohte nga gra dhe burra ne rruget e Shqiperise. U pa qarte qe edhe ju gjithashtu i bete nje pritje te ngrohte. A u befasuat nga ngrohtesia e pakufishme qe i ofruan njerezit Presidentit Bush ne rruget e Shqiperise?

Nuk u befasova aspak, besoj se keta qytetare perfaqesojne cdo shqiptar, sepse SHBA jane si nje shtylle e botes dhe ka luajtur nje rol thelbesor ne momentet tona kritike pas pavaresise. Ishte Presidenti Uillson, qe bllokoi planin e copezimit te metejshem te vendit tim. Me vone, ne vitet ‘90 ishte Presidenti Bush, Kongresi dhe Senati Amerikan qe punuan shume per te mos lejuar Shqiperine te behej “Kuba e Adriatikut”. Presidenti Bill Klinton udhehoqi luften per clirimin e Kosoves. Ne kete kontekst, Shtetet e Bashkuara siguruan nje ndihme shume te madhe per shqiptaret, per te ndertuar lirite dhe demokracine e tyre. Ate pritje qe pati ne Fushe-Kruje, Presidenti Bush do ta kishte ne cdo qytet te Shqiperise.

[no name]

“Ndjese nga prodhuesit e lajmit per oren e Bushit”

E Shtune, 16 Qershor 2007


Ndjese publike ka kerkuar qeveria dje, qe mediat te kerkojne lidhur me ate qe e cilesoi fabrikim i lajmit per humbjen e ores se Presidentit Bush ne Fushe-Kruje. Drejtori i Informacionit dhe Marredhenieve Publike ne Keshillin e Ministrave, Grid Rroji, deklaroi dje se “mediat dhe krijuesit e lajmit te rreme per humbjen e ores se dores se Presidentit Bush, gjate vizites se tij ne Fushe-Kruje, duhet te kerkojne ndjese publike. Rroji vleresoi se “me kete lajm te rreme qe disa nga mediat shqiptare shperndane” eshte prishur imazhi i Shqiperise ne bote, pas vizites historike qe Presidenti i SHBA-ve, Bush, zhvilloi ne vendin tone. “Na duket e drejte qe drejtuesit dhe pronaret e ketyre mediave, si dhe krijuesit e ketij lajmi te rreme te kerkonin falje publike per prishjen pa shkak te imazhit te vendit neper bote ”, deklaroi Grid Rroji. Pak dite me pare disa, media vendase perhapen lajmin se Presidentit Bush, gjate takimit te tij me banoret e Fushe-Krujes, i kishte humbur ora e dores. Me pas ky lajm u botua edhe ne nje agjenci lajmesh italiane dhe per te u shkrua edhe ne nje te perditshme te vendit fqinje. Lajmi u pergenjeshtrua nje dite me pas nga autoritetet zyrtare te Shtepise se Bardhe. Sipas tyre, Presidentit Bush nuk i kishte humbur ora e dores ne qytetin e Fushe-Krujes, ai vete e kishte hequr ate per ta rivene perseri.



kohajone

[artur]

Ne Itali lajmi u dha menjehere nga canale 5 (Carlo Rossella DREJTOR I televizionit CANALE 5-kush e njeh mire ne Itali e di mire qe eshte KOMUNIST DERI TEK BRIMA E BYTHES), NUK E DI SI I KA SHPETUAR BERLUSKONIT????????????......................Ne Itali lajmi u pergenjeshtrua nga televizionet te nesermen me "zgerdhirje", plus me fraza-"Sido qe te jete na ngelet dyshimi qe mund t'ja kene vjedhur.........po rrezikon te behet incident dipllomatik"-----------Ne universitetin tim te gjithe studentet Italiane, pane lajmin e vjedhjes, por nuk kane pare pergenjeshtrimin.....U lodhem duke u thene qe NUK ESHTE E VERETETE...... por nuk na besojne,(bien dakort vetem me faktin qe Carlo Rossella eshte komunist)..............................Grusht me te rende se ky s'kishte ngrene krenaria shqiptare ne 15-te vjetet e fundit ne ITALI!!!!!!!!!!!!!

[artur]

Kam nje propozim!!!!!!!!!!!!!!!:- Duhet qe ndonje djale trim shqiptar TE SHKOJE DHE TI BEJE SHURREN ne surrat Calo Bollinos, pronarit te gazetes Shqiptare.. Me siguri eshte kollaj ta gjesh ne ndonje bar VIP-ash ne Tirane. Pastaj nje dite me vone le ta pergenjeshtroje lajmin, le te thote:-Jo me, si bera shurren i hodha pak nga uji i "paster" i LANES, ...............ISHTE SHAKA........

Ps...........( ore mos e merrni serjozisht, se i shkon ndonjeri pastaj dhe e rreh per vdekje,,,,,,dhe na pjell belaja pastaj.......lerini HALETE TE JETOJNE DHE ATA)

[TOKE GEGA]

“Ora e vjedhur”, “Nderi i Shqipërisë” dhe “Nderi i Zegjinesë”

Nga Mero Baze
Lexova dje shqetësimin e gazetarit të njohur nga Kosova Baton Haxhiu rreth reagimit të mundshëm të kryeprokurorit të Shqipërisë për të hetuar dhe ndëshkuar autorin e lajmit të rremë mbi vjedhjen e orës së presidentit Bush. Logjika normale e protestës së tij buron nga fakti, se ai e shikon Shqipërinë nga jashtë dhe si miliona shqiptarë të Kosovës dhe mijëra shqiptarë të Shqipërisë që ndeshen me të huaj jashtë saj, edhe ai është ndjerë i fyer, kur media botërore na portretizoi si hajdutë të orës së presidentit. Por problemi i hetimit të publikimit të këtij lajmi, unë mendoj se nuk bëhet për të ndëshkuar as autorin dhe as ideatorin. Mendoj se një hetim serioz dhe ligjor duhet bërë për të certifikuar një rast unikal në gazetarinë e gjuhës shqipe që ka tronditur botën, duke na bërë të ndjehemi keq si njerëz të lindur në këtë vend.

Së pari, dua të theksoj se pas çdo rezultati nuk duhet kurrfarë ndëshkimi. Jam kategorikisht kundër ndëshkimit të Carlo Bollinos apo redaktorëve të “Top Channel”-it, pse nën ndikimin e Edi Ramës kanë fabrikuar atë lajm. Por, jam tërësisht i angazhuar që hetimi të kryhet dhe zyrtarisht të thuhet se botimi i këtij lajmi u bë në këto rrethana. Kjo do të ndihmonte shoqërinë shqiptare të vendoste një standard të ri vlerësimi për median dhe seriozitetin e saj. Nëse arrihet në përfundim konkret me emra dhe mbiemra, se kush e ka bërë lajmin dhe pse e ka bërë, shqiptarët nuk kanë nevojë të shikojnë koka të prera. Ata thjesht do të kuptojnë qartë, se me çfarë mediash kanë të bëjnë dhe sa kushton e vërteta për ta, kur cenohen ambiciet e sëmura të një kryetari partie, i cili njësoj si Neroni është i gatshëm t’i vërë zjarrin këtij vendi, vetëm që të mos e lënë jashtë vëmendjes.

Së dyti, dua të theksoj se duke qenë se lajmin e ka marrë përsipër ta fabrikojë një botues shqiptar, por që është shtetas italian, do të kishte pasoja të mëdha dënimi i tij, pasi do të na akuzonin për racizëm. Ne duhet t’i dëshmojmë Carlo Bollinos se e pranojmë të jetojë mes nesh si të ketë dëshirë ai, e pranojmë jetën e tij private dhe publike, pranojmë urrejtjen e tij për shqiptarët dhe përdorimin e mediave të tij si fabrika idesh kundër shoqërisë sonë që përpiqet të ngrihet në këmbë dalëngadalë, por nuk pranojmë të na bëjë budallenj dhe të na thotë se këtë po e bën për të mirën tonë. Thjesht, duhet ta hetojmë këtë rast, për të thënë se kamikazi i përzgjedhur për këtë masakër ndaj imazhit të shqiptarëve është një “dhëndërr brenda” në Shqipëri, me të cilin jemi të detyruar të bashkëjetojmë.

Së fundi, arsyeja përse duhet të mos dënohet as financiarisht dhe as penalisht ky mashtrues racist është pamundësia për të dënuar me mjete të matshme një gjest të tillë. Në tavolinën time është një fletë gjyqi nga një grua me emrin Zegjine Sollaku, e cila kërkon rreth 300 mijë euro, se i është cenuar “nderi”, ngaqë gazeta ka pyetur publikisht, nëse ajo ia ka treguar të vërtetën burrit të saj mbi vrasjen e shoferit. Gruaja e kryeprokurorit kërkon për këtë pyetje provokuese, siç e quan ajo, rreth 300 mijë euro. Përfytyro sikur të ishte parimor Dhori Sollaku, sa vite burg dhe sa milionë dollarë do të kërkonte për fabrikuesin e këtij lajmi. Por ai nuk e bën dot, jo se çdo gjë në jetë e mat me “nderin e Zegjinesë”, por për arsyen e thjeshtë se burrëria e tij merr fund, aty ku shfaqet emri dhe dora e Edi Ramës. Ndaj është e kotë të presim, i dashur Baton, ndonjë hetim apo ndëshkim për këtë masakër mediatike ndaj shoqërisë sonë.

E kuptoj se mijëra shqiptarë në botë, që janë ndjerë të turpëruar nga ky lajm, duan ndëshkim. Por ne s’kemi arsye të biem në këtë humnerë. Përkundër ndëshkimit unë do të kërkoja së paku që ata të kërkonin ndjesë. Por ata kanë qenë të vetëdijshëm, kur e kanë publikuar atë lajm. Edhe pas tri ditësh, autorët dhe ideatorët e këtij lajmi heshtin. Kjo tregon se asgjë nuk ka qenë rastësi apo gabim njerëzor. Ka qenë një vendim thuajse politik, për ta fyer këtë vizitë për llogari të mitomanisë politike të Edi Ramës dhe zellit të papenguar të njerëzve të tij në media, të cilët këtë lajm të fabrikuar e kthyen në një ortek mediatik botëror, që ka fyer gjithë shqiptarët. Është diçka që nuk dënohet me gjyq. Është një turp, po aq historik, sa nderi që na bëri një president amerikan duke vizituar Shqipërinë.