Presidenti Bush viziton Shqipërinë

[Albo]

Sondazhi: Rreth 74% mendojnë se ardhja e Bush ndikon për në NATO

“SHBA, avokate e Shqipërisë”

1/3 e shqiptarëve do e ndjekin nga rruga vizitën e Bush

Shumica e shqiptarëve mendojnë se Shtetet e Bashkuara të Amerikës janë avokati më i mirë i interesave të vendit tonë.

Në të njëjtën kohë shqiptarët mendojnë se vizita e Presidentit të Shteteve të Bashkuara të Amerikës, Xhorxh Bush, në Tiranë më 10 qershor, do të ndikojë fuqishëm në anëtarësimin e Shqipërisë në NATO. Në prag të vizitës së shefit të Shtëpisë së Bardhë në kryeqytetin shqiptar, zyra për Mbrojtjen e Qytetarëve bën publike rezultatet e një sondazhi të kryer në katër qytete të vendit. Kështu, 1300 qytetarë nga Tirana, Durrësi, Shkodra dhe Vlora kanë dhënë vlerësimet e tyre në lidhje me vizitën e Bush në Tiranë. Nëpërmjet këtij sondazhi, zyra për Mbrojtjen e Qytetarëve ka mundur të grupojë dhe analizojë një sërë perceptimesh dhe opinionesh të ndryshme, të cilat hedhin dritë mbi frymën politike apo tendencat kombëtare të shqiptarëve për disa nga çështjet më të rëndësishme politike, por në veçanti mbi qëndrimin popullor mbi marrëdhënieve shqiptaro-amerikane. 61% e qytetarëve të intervistuar mendojnë se Shtetet e Bashkuara të Amerikës janë avokati më i mirë interesave tona, ndërsa pas tyre vjen Italia me 10%. Për sa i përket synimeve të Shqipërisë dhe mundësisë për të marrë ftesën në samitin e ardhshëm të Bukureshtit për anëtarësim në NATO, 74% e qytetarëve vlerësojnë se vizita e presidentit Bush do të ndikojë fuqimisht që Shqipëria të anëtarësohet në këtë aleancë dhe 8.8% nuk besojnë që kjo vizitë do ndikojë. Të pyetur se ku do të preferonin ta ndiqnin vizitën e presidentit të SHBA-ve në Tiranë, 30% e qytetarëve, ose 1/3 e atyre të intervistuar, do të dëshironin ta ndiqnin atë në rrugë apo në sheshe, ndërkohë që 56% e tyre thonë se do ta ndjekin nga mediat.

Kosova
Në të njëjtën kohë, shumë qytetarë të intervistuar në këtë vëzhgim mendojnë se vizita e Bush në Tiranë do të ketë një rëndësi të madhe edhe për Kosovën. Kështu, sipas kreut të ZMQ-së, Kreshnik Spahiu, “vihet re se shqiptarët në mënyrë masive shpresojnë në një mbështetje të fuqishme të diplomacisë amerikane për të fituar statusin e Kosovës. 61.7% e të intervistuarve gjykojnë se vizita e Presidentit Bush do të ndikojë shumë në zgjidhjen e statusit të Kosovës, 24% gjykojnë se kjo do të ndikojë disi, 7.8% pak dhe vetëm 6.2 aspak”. Të pyetur nëse do ta njohë SHBA-ja pavarësinë e Kosovës në rast vetoje të Rusisë në Këshillin e Sigurimit të OKB-së, 67% mendojnë se një gjë e tillë do të ndodhë dhe vetëm 11.6% mendojnë se SHBA nuk do ta njohë një gjë të tillë.

sondazhi

Ndikimi i vizitës së Bush në statusin e Kosovës
61.7% - do ndikojë shumë
24% - do ndikojë disi
7.8% - do ndikojë pak
6.2% - nuk do ndikojë aspak
Vizita e Bush do ndikojë në anëtarësimin në NATO
74% - do ndikojë fuqishëm
8.8% - nuk do të ndikojë
16.9 - nuk janë të sigurt
Kush është avokati më i mirë i interesave tona?
61% - SHBA
10% - Italia
8.5% - Turqia
8.5% - NATO
Ku do ta ndjekin vizitën e Bush shqiptarët
30% në sheshe dhe rrugë
56% nëpërmjet medias
13.8% nuk do ta ndjekin fare

Panorama

[Albo]

Presidenti Bush, “Dekoratë Mirënjohjeje” 25 ushtarakëve shqiptarë

Armand Bajrami

Tiranë - Presidenti i Shteteve të Bashkuara të Amerikës, Xhorxh W. Bush, gjatë vizitës së tij në Shqipëri të dielën, do të dekorojë 25 ushtarakë shqiptarë.
Lajmi u bë i ditur nga burime të sigurta të “Albania”-s pranë Komandës së Stërvitjes së Trupave Ushtarake në Regjimenti Komando të Zall-Herrit.
Duke iu referuar këtyre burimeve, bëhet e ditur se presidenti amerikan, gjatë vizitës 6-orëshe në shtetin shqiptar, do të dekorojë ata ushtarakë që kanë kontribuar në Misionet Paqeruajtëse “Liria e Irakut”, që kryhen nën komandën e forcave amerikane.

Përzgjedhja
Burimet e mësipërme pohuan se përzgjedhja e kontingjentit të “fatlumëve” që do të dekorohen nga presidenti Bush nuk ishte aspak e rastësishme. Ajo është kryer nga ushtarakë të lartë amerikanë, të këshilluar nga homologët e tyre shqiptarë.
Pak ditë më parë, këta funksionarë kanë organizuar një mbledhje udhëzuese me efektivët specialë të kontingjentit Komando. Fillimisht funksionarët e lartë amerikanë u kanë kërkuar ushtarakëve të përzgjedhur paraprakisht të mbushnin disa formularë. Në këto formularë përfshiheshin të dhëna personale të çdo ushtaraku në mënyrë të hollësishme.
Përveç identitetit të tyre, në këto formularë kërkoheshin të dhëna jetësorë në mënyrë të detajuar, si: trajnimet, kualifikimet, eksperiencat në ushtri dhe deri te emrat e bashkëshorteve apo emrat e familjarëve të tyre.
Por kjo nuk ishte e mjaftueshme. “Edhe pse se ju i plotësuat të gjithë formularët, jo të gjithë do ta keni fatin të takoni Presidentin e Shteteve të Bashkuara”, - janë shprehur funksionarët amerikanë para ushtarakëve shqiptarë.

Sekreti
25 njerëzit me uniformë, që presin dekorimin nga presidenti Bush, do t’i përkasin efektivave të tanishëm të forcave Regjimentit Komando në Zall-Herr, si dhe atyre në Batalionin Special të Farkës, apo të quajtur ndryshe “beretat e kuqe”.
Burimet e “Albania”-s saktësojnë se një ndër kriteret kryesore të përzgjedhjes do të jetë angazhimi i këtyre ushtarëve në misionet e kryera nga Ushtria Shqiptare në Irak dhe në Afganistan.
Në të njëjtën kohë, këto burime bëjnë më dije se, për arsye sigurie, nuk dihet akoma se në çfarë ambientesh do të bëhet dekorimi. Gjithashtu, nuk dihet se kush do të jenë ushtarakët e lartë shqiptarë që do të asistojnë në këtë ngjarje.
Forcat e kontingjentit Komando do të jenë primarë në sigurinë e vizitës së presidentit Bush në Shqipëri.
Të specializuar në ruajtjen e personaliteteve, detyrë që kanë pasur në të shumtën e kohës gjatë misioneve të tyre në Irak, këto forca do të jenë së bashku me ushtarakët dhe agjentët amerikanë, duke treguar vigjilencën e tyre të plotë në ruajtjen fizike të presidentit amerikan Bush.

9 Misionet e Ushtrisë Shqiptare në Irak

Pjesëmarrja e kontingjenteve në misionin “Liria e Irakut” është në përbërje të koalicionit botëror në luftë kundër terrorizmit

Kontingjenti i parë
ka kryer misionin e tij në prill-nëntor 2003. Ky kontingjent përbëhej nga 73 trupa të Regjimentit Komando me komandant major Tefik ÇEPANIN.

Kontingjenti i dytë
ka kryer misionin e tij në nëntor 2003-prill 2004. Në këtë kontingjent morën pjesë 73 trupa nga Regjimenti Komando, me komandant major Zihni QAZIMIN.

Kontingjenti i tretë
ka kryer misionin e tij në prill-tetor 2004. Në këtë kontingjent morën pjesë 73 trupa të Regjimentit Komando, me komandant major Bilbil BITRIN.

Kontingjenti i katërt
në operacionin "Liria e Irakut", tetor-mars 2005, ka qenë një kompani me komandant major Ardian BALIN.

Kontingjenti i pestë
ka kryer misionin e tij në prill 2005–tetor 2005. Në këtë kontingjent morën pjesë 120 trupa.

Kontingjenti i gjashtë
ka kryer misionin e tij në nëntor 2005-prill 2006.

Kontingjenti i shtatë
ka kryer misionin e tij në prill 2006-shtator 2006.

Kontingjenti i tetë
ka kryer misionin në kuadër të operacionit “Liria e Irakut” në shtator 2006-mars 2007. Në këtë kontingjent morën pjesë 120 trupa, në komandën e major Ali MALIT.

Kontingjenti i nëntë
aktualisht është duke kryer misionin.

Albania
5 Qershor 2007

[dibrani2006]

Po qe keshtu qofte per hajr, le te vije sepse le te shikon dhe te ndegjon me mendjen dhe syrin se kush jemi ne Shqipetaret,por edhe vizita e fundit mos do te jete kush e di kur ta shikoj shqiperine mos valle do te vije si shpesh nuk vjen kot ky jo.

[Bejbi]

Mire se ardhja e Bushit do te jet dicka historike per popullin Shqiptare

[Cimo]

Berisha: Vizita e Bush, jo lidhje me statusin e Kosovës

TIRANË- Kryeministri Sali Berisha ka deklaruar dje se nuk sheh lidhje midis qëndrimeve të përpunuara të Presidentit amerikan Xhorxh Ë. Bush për Kosovën me vizitën që ai do të zhvillojë në Tiranë në datën 10 Qershor. "Vizita është respekt i madh për kombin shqiptar"-ka shtuar mbrëmë Berisha gjatë emisionit "Kontrast" në tv "Alsat". Ndonëse nënvizoi faktin se, Presidenti Bush e ka shpjeguar qëndrimin e SHBA-së gjatë bisedës telefonike që zhvilloi me Presidentin rus, Putin, kreu i qeverisë shqiptare ka sqaruar edhe njëherë se në tërësi udhëheqja perëndimore, e ka të qartë se Serbia e madhe sjell destabilizim dhe jo paqe.

Duke u ndalur në vizitën e Presidentit Bush në 10 qershor, Berisha ka lënë të nënkuptohet se, ajo nuk do të jetë e përmasave të vizitës së ish- sekretarit amerikan të shtetit, Xhejms Bejker në vitin 1991 në Tiranë. Megjithatë, Kryeministrit theksoi se, ajo për shqiptarët është shpirtërisht shumë herë më e madhe. "Në njërin aspekt, shpirtëror, tejkalohet, sepse në rast se në '91 ajo ishte një aspiratë e madhe, tani është një realitet, ku ndihma, roli, mbështetja e SHBA-së ka transformuar më shumë se çdo gjë tjetër Shqipërinë, Kosovën dhe rajonin në tërësi.

Shpirtërisht është shumë herë më e madhe",- tha Berisha, duke lënë të nënkuptohet se, masat e sigurisë në 10 qershor nuk do të mund të lejojnë tubimet në sheshe si në vitin 1991. Kryeministri e ka konsideruar vizitën e Presidenti Bush në Shqipëri si vizitën më të veçantë dhe të rëndësishme të karrierës së tij politike dhe ka rrëfyer për herë të parë publikisht disa detaje mbi takimin e tij të shkurtër, prej 30 sekondash, që ka zhvilluar kohë më parë në SHBA me të.

Berisha tha se, në atë takim i kishte thënë Presidentit Bush se "shqiptarët janë populli më proamerikan në Evropë dhe ata kanë 15 vjet që presin vizitën e një Presidenti të SHBA-së, duke uruar që ai tua plotësonte këtë dëshirë". "Reagoi miqësisht. Në çdo letër i kam përcjellë thuajse të njëjtat fjalë",- tha Berisha, duke shtuar se, për qeverinë vizita e Presidenti Bush është një afirmim për kursin e reformave, me anë të së cilave synohet konsolidimi i parimeve dhe vlerave për të ndarë me SHBA-në. I pyetur nëse vizita e Presidentit Bush është një mbështetje për anëtarësimin në NATO të vendeve të A3, kryeministri u shpreh se, "kjo është vizitë bilaterale", megjithatë ai theksoi se, anëtarësimi në NATO është në dorën e çdo vendi, pra përmbushja e detyrimeve.

shekulli

[Cimo]

[Cimo]

Tirana, “Red, White and Blue” për Bushin

Duket se vizita e Presidentit Bush ne Shqiperi ka mobilizuar si rralle here dekorimin e qytetit si per dite feste. Pritesit e Presidentit Bush po sigurohen qe ta çmerisin me nje mikpritje qe s’e ka provuar as ne Teksas. Tirana po vishet tashme me flamuj amerikane dhe shqiptare dhe me billborde qe pershendesin Z. Bush.

Them se eshte ide e mire qe miqesia jone te shpaloset edhe ne koto forma dekorative demonstrative, edhe pse duket sikur sot ka me shume flamuj amerikane ne Sheshin Skenderbej sesa ne Capitol Hill. Ne e kemi diskutar gjate kesaj jave te fundit ate pyetjen e Andi Bejtjes per ndryshimin midis qeverive pro-amerikane dhe popujve pro-amerikane, e them se me siguri qe nje dalje ne rruge do ta bindte Presidentin Bush se shqipot jane nje popull pro-amerikan, nga ata qe ne Ballkan gjenden me pakice.
Tirana duket krejt amerikane me keto simbole e flamuj kuq e blu. Ndoshta pakez e tepruar, ndonje europiani do i dukej “grotesque”, e megjithate gjithcka e ka nje domethenie. Ky Pro-Amerikanizem kaq demonstrativ eshte nje revolte gati subkoshiente karshi Europes se mbyllur, qe Shqiperine s’e qas ne asnje menyre. Qendrimi pro amerikan qe karakterizon shqiptaret do kulminoje te djelen kur populli te kete rastin te pershendese Presidentin Bush.

Arsyeja e dyte e ketij tualeti qe ka vene Tirana sot duhet kerkuar ne natyren serviliste te kastes sone politike. Te ndergjegjshem se qendrojne shume me poshte ne vlerat e tyre reale te Demokracise, politikanet shqiptare jane naive ne veprimet qe mundohen te maskojne natyren e tyre “ish-sovietike” me “Red, White and Blue”.

Ndoshta politikanet tane, me xheste me shume sesa me vepra, me pankarta dhe flamuj me shume sesa me integritet dhe vizion, deshirojne te duken si miq te Bushit, por ne thellesi nuk jane tjeter vecse mini-Putinë, pasi kane goxha me shume pika te perbashketa me nevrikun rus.

Ne fund, itenerari i vizites se Presidentit Bush eshte ende i panjohur, megjithate, dekorimi i Rruges se Durresit dhe Sheshit Skenderbej duket sikur zbulon detajet e para.

Blendi Salaj
pesjkupauje.com

(Fotot Arben Celi - REUTERS)

***

Tirana, Nje tjeter performance per viziten e presidentit Bush
Mberritja e presidentit Bush ne Tirane diten e diele ka bere qe Tirana te vishet me ngjyrat e flamujve shqiptar dhe amerikan dhe me pankarta e billborde

Tirana ne fillim te kesaj jave eshte gdhire e veshur nen ngjyrat e flamurit shqiptar dhe atij amerikan. Ne te gjitha rruget kryesore te kryeqytetit jane vendosur pankarta te cilat I urojne mireseardhjen presidentit amerikan Xhorxh W. Bush. Duke filluar qe nga qendra nderkombetare e kultures, tek korpusi e deri perbri ambasades amerikane jane vendosur pankarta te medha mireseardhje per presidentin Bush. Vemendje e madhe i eshte kushtuar rruges se “Durresit“, ku pergjate gjithe rruges jane vendosur billborde te vegjel pasi kjo eshte edhe rruga nga ku do te kaloje eskorta presidenciale.

Ndersa fasada e pallatit te kultures eshte mbuluar me flamuj shqiptare dhe amerikane. Pritet qe deri ne fund te javes te behet nje mbulim I plote I Tiranes me pankarta dhe billborde, ndersa piramida do te mbulohet me nje alternim te flamujve shqiptare dhe amerikane. Ne kete vizite te presidentit amerikan do te angazhohen edhe te rinjte e kryeqytetit. Karta rinore 26, projekt i qeverise studentore I ka shperndare te rinjve flamuj, bluza e kapele me ngjyrat dhe simbolet e te dy vendeve.

Disa dite me pare Gazeta Shqiptare ka botuar nje shkrim ku flitej per nje vendim te qeverise shqiptare per miratimin e nje fondi shtese ne buxhetin e shtetit per perballimin e shpenzimeve financiare me rastin e vizites se presidentit amerikan, Xhorxh Bush ne Tirane. Shuma totale e ketyre shpenzimeve arrin shifren e mbi 1 miliarde e 100 milione lekeve te vjetra, apo rreth 1 milione euro. Sipas ketij botimi ne kete vendim parashikohen 50 milione leke te reja per shpenzime operative te drejtorise se Sherbimeve Qeveritare, 3 milione leke te reja per shpenzimet e ministrise se Jashtme dhe rreth 4 milione te tjera per ministrine e Kultures. Konkretisht, per dreken zyrtare qe do te shtrohet nga kryeministri Berisha ne ambjentet e viles 30 jane planifikuar mbi 17 milione leke te reja per investime, dekorime dhe pergatitjen e ceremonise. Per rregullime ne ambjentet e kryeministrise me rastin e vizites se Bushit jane planifikuar 35 milione leke te reja investime. Per dekorimet e rrugeve, shesheve etj., do te shpenzohen mbi 50 milione leke te reja. (News 24/Gazeta shqiptare)

[Llapi]

Veton Surroi është takuar me Presidentin amerikan Xhorxh Bush

Prishtinë/Pragë, 6 qershor Gjatë qëndrimit në Pragë, ku po merr pjesë në konferencën për demokratizim dhe siguri, kryetari i Partisë Reformiste ORA është takuar me Presidentin amerikan Xhorxh W. Bush, me te cilin ka biseduar për zgjidhjen e statusit të Kosovës dhe rezolutën e Kombeve të Bashkuara për Kosovën, thuhet në një njoftim të partisë Ora. "Me Presidentin amerikan biseduam për rezolutën dhe statusin e Kosovës. Presidenti Bush shprehu qëndrimin e prerë amerikan për vazhdimin e procedurës, me hapa të shpejtuar, për aprovimin e rezolutës së re për Kosovën, në Këshillin e Sigurimit", është shprehur kryetari i ORA s, Veton Surroi. "Shpreha falënderimin e gjithë kosovarëve për lidershipin amerikan dhe nevojën që ky lidership të mbetet i shprehur ne këto momente. Shpreha bindjen se pozicionimi qe po mbahet me Kosovën nga Serbia, dhe me përkrahje te Rusisë, po behet me qëllim të krijimit të një konflikti të ngrirë, qoftë duke kërcënuar me veto, qofte me përpjekjen për të kriju një pjesë të ndarë ne veriun Kosovës, që do të operojë si konfliktet e ngrira në Kaukaz", ka theksuar Surroi . Kryetari i ORA s ka zhvilluar një takim edhe me ministrin e jashtëm çek, Karel Shvarcenberg, te cilin e ka falënderuar për angazhimin e tij në mbrojtjen e te drejtave te njeriut gjatë kohëve shumë të vështira për Kosovën. "Karel Shvarcenberg, si mik të vjetër të Kosovës, e falënderova për angazhimin e tij që nga vitiet e 80 kur ka qenë kryetarë i Federatës së Helsinkit , kur nëpërmjet të zërit të tij sensibilizoi opinionin botërorë për shkeljet e të drejtave të njeriut në Kosovë. Shpreha dëshirën e madhe që të prijë në procesin e brenda shteteve të BE së, për të çuar përpara edhe rezolutën e Kombeve të Bashkuara për Kosovën edhe njohjen e pavarësisë së Kosovës", citohet të ketë thënë Surroi në një njoftim për media të partisë së tij.

[Lioness]

Te respektosh mikun, nuk ka te beje fare me "demokracine", ka te beje me nje nga virtytet e trasheguara shqiptare. Dhe te respektosh nje burre shteti, sado i dashur apo i urryer te jete ai ne bote, nuk ka te beje fare me preferencat personale politike te njerezve, ka te beje me kulturen demokratike te gjithesecilit. Kush respekton presidentin respekton voten e atij populli qe e ka zgjedhur ne ate post.

Kryenecesia nuk eshte virtyt, eshte ves i keq bile.

Albo

Ves i keq, he? Ndoshta e kemi ne gjenetike ne shqiptare, se askush nuk eshte i imunizuar duke perfshire dhe ty.
Ta marr vesh une, kam dale gje ne demonstrata te protestoj ardhjen e Bushit ne Shqiperi? Ne ndonje nga postimet e mia, pe ndonje fjale ofenduese? Nga i nxjerr keto konkluzione?

Persa i perket votes se popullit amerikan, domosdo qe e respektoj. Aspekt i kesaj vote ishin dhe zgjedhjet e Nentorit te kaluar, qe edhe per ata/ato qe s'i ndjekin shume zhvillimet politike ne US, e dine qe nuk ishin thjesht zgjedhje kongresi, por referendum per politiken e Bushit. Dhe rezultati u pa.

Pavaresisht nga kjo, duke pasur parasysh marredheniet shqiptaro-amerikane, kjo vizite eshte kulminim i tyre dhe ne shume aspekte pozitive. Te tjerat, jane debate forumi, ne nje forum shqiptar. Nuk u lejokan?!

[Kryeplaku]

Me cfare truri prej bajgash po e fshehin pllakaten e Pallatit te Kultures keta idiote?

Nese bota me date 10 i ka syte nga Tirana ne duhet t'i tregojme pak nga historia jone e jo fytyren e atij personi qe nuk ka minute te mos jet i pranishem ne ndonje kanal boteror. Me idiotesi nuk behet para!