Elita Shqiptare e Turqise

[Toni_GjilanCity]

kush i detyroi dhe ku eshte tmerri ketu???

PER SAINT SIMONE
i nderuar po te kishin perdor dhune turqit tek shqiptaret asnje kish nuk do ta kishin len mbi token e shqiptareve kete duhet ta dish?askush nuk ka perdor dhune sepse ju kan perbmbajt fjales se Allahut i cili ne Kuran thot ateher nese me dhun do te kishte ndodh kjo do tkishte qen njeri nder mekatet me te medhaja?

[Saint-Simone]

ketu eshte bere nje çorbe e madhe

PER DALLENDYSHEN
1.Te pyeta per emrin e asaj kengetares sa per ta ditur sepse bera search dhe ti e kupton qe po te besh search me emrin e gabuar nuk gjen dot gje. Une doja ta dija, dhe do te krenohesha po te kishte nje kengetare shqiptare te sukseshme. Nuk doja qe te "pergenjeshtroja" ty. (mesa duket ti ne kete forme e ke kuptuar). Meqe jemi ne fushen e muzikes. Ke degjuar per Candan Erçetin? (xhandan erçetin lexohet). Kjo eshte nje kengetare me origjine shqiptare tjeter mjaft e sukseshme dhe ka kenge shume te bukura.

2.

Le qe ti nuk je me orgjine shqiptare, c`te duhet te dishe....

une kete po e marr thjesht si nje fjali e thene ne momente zemerimi per te cilen me vone je penduar. Perndryshe me duhet te them gjera te tilla qe do te ofendonin...

mos i merr gjerat ters...mundohu te flasesh me njerezit dhe mos i ofendo. une te thase se ku eshte tmerri, kaq... doja ta dija nese ti e shihje tmerrin si veper e turqve apo e grekeve...nejse pak rendesi ka...

sa e njoh historine une ti nuk mund ta dish ...

PER TONIN...
ato qe tu nuk kane lidhje... i je drejtu personit te gabum...lexoji me kujdes ato qe jane shkruajtur...
sa per turqit mos ji aq i sigurte... edhe ata kane vra e pre...

[Bosi]

Besa ,ne Rradhe Te Pare Urime Per Gjuhen Shqipe Qe E Shkruan Shume Here Me Mire Se Shume Shqiptare Qe Kane Lind Dhe Jan Shkolluar Neper Shkollat Shqipe

[Saint-Simone]

kane lindur dhe jane shkolluar thuhet ne gjuhen shqipe...

[Bosi]

bravo kurioz, ke te drejte per kritiken.

[Saint-Simone]

une e dija qe e di...
thjesht per muhabet.. mos na keqkupto

[[xeni]]

Shume prej jush mbase nuk e kane degjuar kete emer me pare. Per fat te mire ne Turqi shume shqiptare kane arritur suksese te medha, por per fat te keq shume pak njihen.

Islam Çupi (Tirane 1932- Stamboll 2001)

Islam Çupi lindi ne vitin 1932 ne Tirane. Pas ardhjes ne pushtet te Enver Hoxhes familja e tij u shperngul ne Turqi. Ndoqi studimet ne "Gallatasaraj Lisesi" dhe me pas ne "Vefa Lisesi" nga ku edhe u diplomua. Per njefare kohe u aktivizua me disa skuadra amatore dhe me pas filloi punen si gazetar sporti. Gjate karrieres se tij 44 vjeçare si gazetar fitoi 26 çmime dhe fitoi rrespektin e te gjithe autoriteteve te kesaj fushe. Aftesite e tij gjuhesore dhe zgjuarsia e jashtezakonshme bene qe profesioni i "gazetarit sportiv" te fitonte rrespekt ne Turqi. Eshte cilesuar si "Balzaku i Sportit" dhe "Princi Shqiptar".
Vdiq me 6 Shkurt 2001.

[abica]

Kur flitet për një figurë të shquar si Ogyst Konti dhe për një filozof e sociolog pak të njohur si Branko Merxhani natyrisht nuk mund të mos ndjesh përgjegjësi për atë që do të shkruash apo që mendon të shkruash. Të dy janë të hershëm,njëri si themelues i rrymës së pozitivizmit dhe të sociologjisë si shkencë dhe tjetri për Shqipërinë një personalitet i letrave që ndonëse nuk i bëri as dy dekada në vendin e tij la gjurmë të pashlyeshme sidomos në mendimin filozofik shoqëror e politik shqipëtar të viteve 30 të shekullit XX. Përgjegjësia rritet më tepër kur do të shqyrtosh dhe ndikimet e francezit Kont në një mendimtar të kompletuar si Branko Merxhani .Është e natyrshme që edhe vështirësitëë dhe shqetësimet do të jenë të natyrave të ndryshme. Fillimisht njëherë me literaturën për këta dy mendimtarë. Na u desh mjaft kohë e përpjekje për ta grumbulluar. Për Brankon na e lehtësoi punën botimi i shtëpisë botuese ‘’Plejad’’,i veprës në një volum të tij me shkrime të zgjedhura.Vështirësi tjetër për ne ishte sigurimi i të dhënave për jetën e veprimtarinë e Merxhanit. Ai ishte dhe u bë sociolog e botoi një revistë edhe sociologjike si “ Përpjekja Shqiptare”, në një kohë kur për sociologjinë nuk flitej fare ose fitej fare pak krahasuar me kohën e sotme, duhet ta themi belbëzohej .Në këtë kuptim themi që rritet vlera e një figure si B.Merxhani po dhe vështirësitë për njohjen e saj dhe vendosjen e tij në mjedisin e kohës së vet. Vështirësitë kanë të bëjnë edhe me faktin se ne për herë të parë i hyjmë një pune të pavarur e cila kërkon përcaktimin e metodës së punës, rrugën që do të ndiqej deri në realizimin e saj .Pengesat dhe vështirësitë ishin dhe të karakterit praktik për konceptimin e temës ,përmast e saj, lidhur me përmbajtjen e saj e plot e plot të tjera. Një pjesë të kohës na e mori dhe gjetja e literaturës dhe përpunimi i saj. Na u desh të shihnim materiale të ndryshme në shqip e në gjuhë të huaj por dhe nga interneti. Në kërkimet tona sidomos për figurën e Ogys Kontit na u desh të shihnim pjesë të historisë së filozfisë, të sociologjisë,fjalorë të filozofisë dhe të sociologjisë, enciklopedi të ndryshme në gjuhët e mëdha. Kërkuam edhe për shkrime të vecanta për Ogyst Kontin në shqip e në gjuhë të tjera por gjetëm fare pak.
Ndërsa për Branko Merxhanin studime apo qoftë dhe artikuj të thjeshtë pothuajse s’ka fare. Si përjashtim ekziston vetëm një “Antologji e mendimit politik e shoqëror shqiptar ,mjaft voluminoze edhe një vëllim me vepren e tij. Pikërisht në këto të dyja u mbështetëm për pjesën që ka të bëjë me sociologun Merxhani edhe ndikimin e francezit Ogyst Kont mbi të. Të shpresojmë që studimi ynë të ketë arritur dicka, duke qenë se jemi në një fushë e në një Personalitet të palëvruar pothuajse fare. Urojmë që shkrimet në të ardhmen të shtohen,të shumohen që të jenë dhe një kontribut si për njohjen nga opinioni publik shqiptar, ashtu dhe nga sociologët e rinj që do të japin ndihmesën e tyre në zhvillimin e shoqërisë shqipëtare.
Por e tashmja, aq më tepër e ardhmja nuk mund të ravijzohet pa njohur të kaluarën.Ndihmesa e Branko Merxhanit është një prurje më tepër e rëndësishme e hershme që na nderon e na bën të ndjehemi krenarë me një figurë si Branko Merxhani.Shpresojmë që puna jonë të mbushë diçka në boshllekun që kemi në këtë drejtim. Të paktën do të jenë dy fjalë për sociologun shqiptarë.Të tjerët që vijnë le të thonë më shumë,më mirë e të thellohen më tepër në këtë fushë gati të paprekur.
Natyrisht kur fillon një temë si kjo e jona për një personalitet jo aq të njohur si Branko Merxhani që i takon brezit të viteve 30, të paktë për Shqipërinë, njeriu duhet të vrasë mendjen se si do ta shtjellojë temën, cilat janë fillesat e saj, para se të marrë penën të shkruajë.Pasi e studjuam mirë literaturën e mbledhur dhe disa materiale për kohën kur jetoi e punoi Branko Merxhani që kishin të bënin me tekstet e historisë u ulëm e bëmë konceptimin e temës. Për vetë natyrën e saj tema jonë ka dy pjesë:
Njëra ka të bëjë me Ogyst Kontin, ndërsa pjesa tjetër ka të bëjë me Branko Merxhanin dhe ndikimin e të parit mbi të dytin.Këto dy pjesë janë pak a shumë të barabarta. Në të parën menduam të kujtojmë dy paralele:Ogyst Konti si themelues i sociologjisë së sotme dhe më pak veprimtarinë e tij si filozof i mirëfilltë si themelues i rrymës të pozitivizmit.
Problemi tjetër kishte të bënte me sociologët e tjerë qe ishin bashkëkohës të tij apo që erdhën fill pas tij si një Emil Durkheim apo edhe të tjerë të djeshëm apo të sotëm. Pjesa tjetër ngërthen përgjithësisht tre apo katër paralele që kanë të bejnë me jetën e veprën e Branko Merxhanit si dhe ndikimin kontian në të.Këtu duhet të dallojmë në mënyrë të detajuar secilin prej tyre.
Së pari ,njëherë jeta, veprimtaria e Branko Merxhanit dhe disa paralele me jetën e Ogyst Kontit dhe sociologëve të tjerë si Emil Durkheim e ndonjë tjetër që ishte dhe bashkohës i Merxhanit. Së dyti, kemi një artikull të gjatë të vetë sociologut shqiptarë të viteve 30 për filozofin dhe sociologun Ogyst Kont, ku ai jep vlerësimet e pikëpamjet e veta mbi të si dhe në një mënyrë ose një tjetër trajton sociologjinë si shkencë.
Së treti, duke qenë që në ato kohra një personalitet i veshur dhe me kostumin e sociologut (e ka një stof të tillë në veprën e vet si rrallëkushi bile po të bëjmë krahasime jo vetëm me bashkëkohësit e tij por dhe me kohën e sotme) ai shqyrton me kompetencë dhe në fusha të tilla si historia ,arsimi, kultura, gruaja ,dhe e thotë një fjalë të re për Shqipërinë. Së katërti, problemi i katërt dhe i fundit që shtjellojmë në kuadrin e pjesës së dytë ka të bëjë me ndikimet kontiane në pikëpamjet e Merxhanit, në botëkuptimin e tij, në shrytëzimin e tyre për të parë një dritë të re për shoqërinë e prapambetur shqiptare brenda së cilës jetonte dhe ai vetë. Të bën përshtypje analiza sociologjike e detajuar dhe kompetente e jetës shqiptare të kohës, analiza që zor se i gjejmë dhe sot ndonëse kanë kaluar 80 vjet dhe sociologjia si shkencë dhe shoqëria shqiptare kanë ecur përpara Së pesti, sythi i fundit i pjesës së dytë ka të bëjë me disa mendimtarë por jo sociologë të kalibrit të Branko Merxhanit që s’u mungon dhe kompetenca sociologjike si Vangjel Koça , Nebil Çika, Ismet Toto e të tjerë të cilët krahasohen në një mënyrë ose një tjetër me të. Si lartësi mendimi apo personaliteti ato nuk qëndrojnë më poshtë se ai.
Në temë veç këtyre problemeve kryesore ,analizave dhe anë të tjera që kanë të bëjnë me formimin ideor të Branko Merxhanit jo vetëm si sociolog dhe si filozof i ka pasur edhe mësuesi i tij shpirtëror Ogyst Konti. Sigurisht jemi të vetëdijshëm se edhe me aq sa është botuar vepra e Branko Merxhanit nuk mund të futet në kornizat e një teme si e jona. Ajo kërkon forca të shumta për ta nxjerrë në pah ndihmesën e tij në sociologjinë shqiptare dhe për më tëpër specialist të mirëfilltë të sociologjisë që duhet të merren me këtë figurë të madhe të mendimit shqiptarë në gjysmën e parë të shekullit të XX e më gjerë. Sidoqoftë për ne që po merremi me një figurë si Branko Merxhani është nder dhe krenari pavarësisht se sado pak themi dhe dy fjalë mirë apo keq për këtë personalitet të letrave shqipe që ende mbetet i panjohur për publikun e lexuesin shqiptarë.
Jeta e Branko Merxhanit (vendi i tij në mendimin shqiptar) dhe disa paralele në jetën e Kontit dhe Durkheimit.
Branko Merxhani është nga ata autor që as koha nuk ia zbuloi të gjitha misteret që e rrethonin,pavarësisht kontributit që ai la për shoqërinë. Ai ishte mëshirim i gjallë i idealeve edhe pse ato nuk u realizuan por ndihmuan në përmirësimin e realitetit pikërisht kur këto ideale nuk merren si realitet.
Biografia e Branko Merxhanit është e vështirë të prezantohet e saktë për lexuesin pasi ai është një emër që edhe sot endet mes të njohurës dhe të panjohurës.Këtë fakt,të njohje mosnjohjes,e plotëson dhe prejardhja e tij e mjegullt. Ai u lind në një qytet anonim të Turqisë,ku dhe viti i lindjes mbetet i pasigurt, por menohet të jetë aty nga fundi i shekullit XIX. Nëna e tij mendohet të ketë qenë një guvernante gjermane. Ndërsa për sa i përket studimeve që ai ndoqi është sërish e vështirë të dalësh në përfundime të sakta, por presupozohet që Merxhani të ketë ndjekur kolegjin anglez
(ose ate francez) në Izmir të Turqisë. Studimet të mëtejshme ai i ndoqi në Gjermani ose Austri. Nuk dihet me siguri se në çfarë viti erdhi për herë të parë në Shqipëri dhe më konkretisht në Gjirokastër dhe Tiranë Branko Merxhani, por ajo që vlen për tu përmendur është që Merxhani do të konsiderohej si një nga mendimtarët më të shquar të historisë dhe kulturës shqiptare dhe një “publicist gjenial”, kjo për arsye se gjatë viteve 30-të Merxhani do të shfaqej si një ndër konfiguruesit dhe galvinizuesit më përfaqsimtarë të mendimit social e filozofik të inteligjencës shqiptare.
Merxhani është një gazetar i dorës së parë jo vetëm nga eseja, fejtoni, artikulli, vëzhgimi, analiza politike apo studimi shkencor i ndrydhur në rreptësinë e kufizës hipografike i japin penës së tij një tendosje të pazakontë,një përqëndrim dhe një fuqi komunikimi si rrallëkushi, por mbi të gjitha se ai në këtë kapërcyell, shtron tryezën e diskutimit intelektual të kohës, dilemën e madhe shqiptare:nga Lindja apo Perëndimi? Por pavarësisht shkëlqimit të tij si një gazetar, sociolog, filozof me një kapacitet të jashtzakonshëm ai sërish nuk ndjehet i plotësuar. Ai dëshiron që të ngrejë krye ndaj realitetit jo vetëm në mënyrë kritike por dhe konstruktive me ambicien për të ndërtuar një botë ideale, ku të duash t’i parapërgatitësh rrugët e së ardhmes një populli, e njëherësh të luftosh për t’u dhënë këtyre rrugëve kahun nëpër të cilin populli në mënyrë të paracaktuar zhvendoset,kjo do të thotë ta “kapërcesh” situatën imediate, realitetin ekzistues,në një drejtim revolucionar dhe të ngresh kundrejt tij kundër botën tënde. Duke mos qenë për një lojë intelektuale, dhe as një objekt kundrimi,kjo kundërbotë paraqitet si një përfitim,madje si programim e formulim i një “kodi gjenetik” të shndërrimit të popullit dhe kulturës shqiptare,dhe në vitin 1929 e pagëzoi këtë ideologji me termin Neo-Shqiptarizma. Gjatë vitit 1935 Merxhani është mjaft aktiv në gazetën “Demokratia” me një seri artikujsh të cilat u botuan nën titullin “Nga një libër i pabotuar”,në të cilën sociologu dhe filozofi u tregonte shqiptarve se c’janë kultura dhe qytetërimi, ç’farë e dallon materializmin historik nga idealizmi, ç’përfaqësojnë individi dhe shoqëria etj. Në vitin 1935 në qytetin e Fierit shpërthen një revoltë e drejtuar prej disa intelektualësh dhe ofucerësh e cila shtypet me shpejtësi. Ndër të parët që lufton doktrinën fashiste, Merxhani ka denoncuar eksperimentin sadist rus në zbatimin e doktrinës marksiste-leniniste dhe po në të njëjtën kohë ka lëshuar alarmin për rrezikun bolshevist në Shqipëri. Vendi është në kolaps,punë nuk ka, buka është shtrenjtuar, Italia ka pezulluar ndihmën ekonomike, arka e shtetit është e zbrazur. Më 1936, në Korçë punëtorët dhe studentët ngrihen në protesta me parrullën “bukë dhe punë”. Në Kuçovë punëtorët e naftës bëjnë grevë, zanatçinjtë mbyllin dyqanet, fshatarët nuk kanë me se të ushqehen. Qytetet janë kthyer në gjendje mjerimi. Edhe në këtë situatë emergjente për vendin, Merxhani vazhdon të jetë aktiv në shtypin e kohës duke u munduar t’u ngulisë në mendje shqiptarve idenë se e vetmja mënyrë shndërrimi është ajo e evolimit social,nëpërmjet kulturës dhe moralit. Këto mësime utopike Merxhani i kishte mësuar nga Ogyst Konti,Emil Durkheim etj. Opinioni i Merxhanit është original dhe mjaft interesant, por ai ka hasur mjaft vështirësi në botimin e artikujve sikundër dhe mjaft autor të njohur të kohës të viteve 30-të si: Z.Prismi,K.Maloki etj. Duke qenë se Merxhani dhe autorët e lartpërmendur flisnin pa dorashka për problemet që po kalonte vendi, qeveria mori një vendim drastik duke censuruar pothuajse të gjithë shtypin e kohës. Pavarësisht kësaj Merxhani utopik vazhdoi të shkruante artikujt e tij të sertë port ë vërtetë.Por utopizmi i B.Merxhanit përfundoi me largimin e tij nga Shqipëria duke e lënë vendin nën hijen e zezë të pushtimit italian. Ai mbeti një legjendë misterioze e viteve 30-të disi mistikejysmë turk-gjysmë shqiptar,gjysmë mysliman-gjysmë kaur,gjysmë filozof asket-gjysmë gazetar militant. Rreth 43 vjet pas largimit përfundimtar prej vendit të utopisë së vet Branko Merxhani ndërron jetë rreth moshës 87-të vjecare. Utopia e Branko Merxhanit në mënyrë të papritur po rifunksionalizohet, prandaj të mos habitemi nëse një ditë na shfaqet si një e vërtetë e parakohshme utopia e këtij njeriu të mistershëm prej të cilit askush nuk pati guxuar të kërkonte aq frikshëm rrugët e së ardhmes shqiptare,që shpesh shpërblimi i tyre është më i fortë te përpjekjet se sa të realizimit.E thënë ndryshe,të udhëtosh me shpresë është më mirë se sa të arrish. Ky ishte rasti tipik i utopisti shqiptar Branko Merxhani.

NURIJE SHEHI
sociologe

[[Asteroid]]

Besa ,ne Rradhe Te Pare Urime Per Gjuhen Shqipe Qe E Shkruan Shume Here Me Mire Se Shume Shqiptare Qe Kane Lind Dhe Jan Shkolluar Neper Shkollat Shqipe

Une i kam ber urimet me kete profil dhe tani po i bej perseri me profilin tim te ri se nuk me kujtohen te dhenat. Ok urime te gjithe atyre qe ruajn traditat, gjuhen dhe cdo gje qe ka te bej me identitetin e tije. Ju falenderoj perzemersisht