Elita 5

[Mendolin]

tung !

A ka Elita 5 faqe zyrtare ne internet ????????

[Alban]

Djemtë nga Tetova kanë kënduar dje në Amfiteatrin Calvin. Një koncert në prag të albumit të ri të bandës, që pas qetësimit të ujërave të Maqedoni, thonë se janë dhe më cilësorë
Banda “Elita 5”: Nuk jemi politikë

Qysh kur djemtë nga Tetova thyen akullin e publikut shqiptar me një koncert në Sheshin Skënderbej, po kthehen me një kartë të sigurtë: Tirana ka publikun më të nxehtë. Thuhet se kanë zakon që në çdo qytet që s’është Tetovë, kyçen në hotel dhe preferojnë të ndjekin nga larg se si shkojnë punët teknike të koncertit. Kështu ndodhi edhe këtë herë me bandën “Elita 5”. Prej zgjimit në orët e vona të mëngjesit, deri pasdite, ata kanë kaluar vetëm pak kohë në hollin e Hotel Diplomat, kanë dhënë disa intervista dhe kanë preferuar të ngjiten lart në dhomë.
Solisti Arif Zyberi, kitara bas Agron Idrizi dhe shpirti i muzikës së grupit Virusi (Nexhat Mujovi) thonë se i ndihen borxhlinj publikut të Tiranës dhe dje në amfiteatrin Calvin, veç hiteve të repertorit në vite, kanë sjellë edhe disa nga krijimet më të reja. “Elita 5” është prag të nxjerrjes së një albumit të shtatë. Iu duket kohë e gjatë tre vjet, pas daljes së albumit të fundit. Arsyet kanë qenë të lidhura, sidomos me situatën e trazuar në Maqedoni. Dhe nëse ka faktor që muzika e tyre është rritur cilësisht, i vetmi ndryshim sipas tyre nga muzika e mëparshme, sepse djemtë tani janë më të qetë dhe së fundi kompozitori lider i bandës, tani ka një studio të vetën.
Grupi përbëhet nga Arif Zyberi (solist), Besim Ibrahimi (baterist), Agron Idrizi (kitarë bas), Nevip Mustafai (kitarë solo) dhe Nexhat Mujovi (Virusi), orkestrues. Ky i fundit njihet ndryshe edhe si zbuluesi i talenteve. Përveçse është krijuesi i gjithë muzikës së “Elitës”, ai vazhdimisht preferon të bashkëpunojë me këngëtarë të tjerë, kujtojmë Adelina Ismaili, Gili, Bleona Qerreti, me të cilën mblodhën në “Skënderbej” 100 mijë spektatorë. Hitet e tyre mbeten “Nuk jam Al Kapone”, album që i bëri të njohur pas ‘90-ës në Shqipëri, apo “Fol vetëm fol”, dhe së fundi “E urrej shiun”.
Pas 13 vjetësh së bashku, kur kanë realizuar 7 albume, kur janë pranuar si grupi më i mirë i rock-ut në territorin mbarëshqiptar, nga të gjithë brezat e publikut dhe shijet muzikore, edhe kur dy vjet më parë fituan përfundimisht pikët në Tiranë, përballë grupit legjendar “Scorpions”, “Elita 5” mbetet “Elita 5”, siç pëlqen të thotë pa modesti Virusi.

Çfarë ju bëri të ktheheni sërish në Tiranë?
Vendosëm të bëjmë një prezantim të ri para daljes së albumit. Për herë të fundit në Tiranë kemi kënduar në Sheshin Skënderbej. Pritja e asaj nate na la shijen se po iknim duke i mbetur borxh publikut shqiptar.

Çfarë sjell në krijimtarinë tuaj albumi i shtatë?
Arifi: Do të jetë një kualitet më i mirë i këngëve në albumin e ri. Tani kemi kushte më të mira. Virusi prej disa kohësh ka një studio të vetën.
Virusi: Edhe pse Elita 5 është Elita 5, nuk mundohemi të dalin nga muzika që kultivojmë, nga stili që kemi. Mbase se kështu na do publiku.
Ka pëmirësime, ndoshta ka pak ndryshime. Vetë koha ndryshon, edhe ne ndryshojmë bashkë me të.

Pas 13 vjet karrierë së bashku, çfarë ka ndryshuar në marrëdhëniet me fansët tuaj?
Virusi: Po, tani kemi më shumë publik.
Agroni: Euforia ndaj “Elita 5” ekziston gjithkund. Këtë e kemi provuar edhe në Perëndim. Tek shqiptarët e Londrës, në Gjermani. Po ashtu janë rritur admirues të brezave të ndryshëm që preferojnë muzikën tonë. Kam dëgjuar këngët tona të këndohen nga 12- vjeçare, ashtu sikur dëgjohen edhe nga ata 60- vjeçarët.
Virusi: Koncerti më i nxehtë i “Elita 5” ka qenë ai i realizuar në sheshin “Skënderbej”. Në Perëndim nuk mund të ketë asnjëherë kaq publik dhe nuk mund të gjesh as këtë atmosferë. Të mbledhësh katër mijë vetë në sallë në ato vende është shumë. Ndërsa në “Skënderbej” kishte 100 mijë spektatorë. Na habiti numri aq i madh, nuk e prisnim. Nuk e dinim që kishim kaq adhurues në publik. Dhe kur këndojnë të gjithë, ajo është kënaqësia më e madhe për ne.

Si lind një këngë e “Elita 5”
Virusi: Motivet e këngëve janë tonat, tema të jetës së përditshme, shoqërore, mbi dashurinë. Ngjarje që i kemi hasur rreth nesh. Sekretet e dikujt. Kjo besoj është nja arsyet që jemi edhe kaq popullorë, sepse mbetemi shumë konkretë. Mundohemi të jemi të sinqertë. Unë vë re se tekstet janë të veçanta, në kuptimin të ndryshme nga bota e muzikës këtu.
Arifi: Poezia dhe Muzika jonë flet për problemet më të zakonshme të njerëzve, të të afërmëve, për atë që nuk shkon, dhe nuk është në rregull. Dhe publiku duhet të marrë vesh se çfarë është ajo që na shqetëson. Çdo poezi e këngës ka një ngjarje, është frymëzuar nga një e vërtetë. Tekstet e këngëve janë të poetëve si Ergon Berisha, Ilir Berani, muzika e Virusit.

Çfarë e mban në formë një grup që edhe pse i bashkon muzika, janë pesë mendje.
Arifi: Bashkë kemi 13 vjet. Në këtë formacion, kush ka ardhur e kush ka dalë. Por formacioni është ky që është prej disa kohësh dhe jemi të njëjtët që kemi realizuar katër albume.
Virusi: Mbi të gjitha ka qenë mirëkuptimi, që na ka mbajtur. Nuk kemi arritur asnjëherë deri aty sa të shpartallohet grupi.

Ndjeni tronditje në tregun muzikor me qarkullimin e grupeve dhe rrymave të reja muzikore në hapësirat mbarëshqiptare?
Virusi: Kanë pasur përkrahjen tonë. I dëgjojmë. Muzikë për t’u bërë, ka për të gjithë. Sa më shumë aq më mirë, për të ardhur pastaj tek konkurrenca e vërtetë.
Muzika që qarkullon sot në Kosovë e Maqedoni, është e kohës. Le të vazhdojnë punën. Në Kosovë dominon më shumë R&B, hip-hop, rock. Ndërsa ne jemi një soft rock, më shumë se hard nuk shkojmë.

Ngjarjet në Maqedoni, ju kanë frymëzuar të shkruani muzikë për to, të shkruani edhe për politikë?
Agroni: Në repertorin ka vetëm një këngë të politizuar, është “Fol vetëm fol”. Një këngë edhe pse e krijuar vite më parë mbetet aktuale edhe sot.
Virusi: Zhvillohej një tubim para zgjedhjeve në Maqedoni. Pa vetëdije, është kënduar në shesh “Fol vetëm fol”. Por “Elita 5” është apolitike.
Arifi: Politika ndërron, ne mbesim këta që jemi. Nuk na intereson.

Ndërsa kohën më të madhe jua marrin turnetë dhe përgatitja e një albumi, ç’ndodh në jetën private?
Arifi: Gjejmë kohë edhe për familjen. Të pestë kemi fëmijë…Si shqiptarë që jemi.
Familjet tona janë të pranishme nëpër koncertet që mbajmë afër apo larg qofshin.
Edhe ata e dëgjojnë shumë “Elita 5”. I dinë këngët, i këndojnë.

Ju duket shumë 3 vjet kohë për përgatitjen e albumit të fundit?
Virusi:Albumi hidhet në treg në shtator. Ka dhjetë këngë. Dalja në treg tani, është kohë e gjatë për ne. Shkak ka qenë situata në Maqedoni, megjithëse gjithçka është në përmirësim. Ky album reflekton edhe ngjarjet aktuale.
Kur atmosfera është e tendosur edhe muzika është më e tendosur. Tani që punojmë të qetë kemi bërë vërtet edhe muzikë qetësuese

[MtrX]

jam 100% dakord me titullin e temes, jane...

[MiLaNiStE]

ene un i kom qef Elita 5 po nuk besoj se jan mo te miret ne shqipri ka ene mo te mir se ato. nuk o se kom gjo kunder me mendim e juj. po ne s'kena vetem Elita 5 ne shqipri kshuqe.
nejsee sic kom thon ene do e them
opinionet jon si veglat secili ka te vetat

[LLASTICA]

Kete vere isha ne koncertin e tyre ne Tirane. Dhane ne spektakel fantastik tek Calvin. Personalisht kam kercyer edhe kenduar per 2 ore rresht, great show. mezi po e pres albunin e ri te dal ne shtator, nje nga kenget e reja u kendua aty ne koncert e cila me dha pershtypjen se edhe ky album i ri do jete shume i sukseshem. edhe pse muzika e tyre eshte e vjedhur tekstet edhe interpretimi jane goxha lart.

[Alban]

Elita 5 "Bardh e zi" 64
Elita 5 "Bardh e zi" 256
Klinko siper per ta shikuar

[BOY_UK]

elita5 besoj se eshte nje nga grupet me te bukura shqiptare dhe me te degjuarat elita5 ka zhvilluar edhe nje mbremje ne londer e cila ishte shum e bukur u uroj suksese ne kenget e tyre dhe te ecin sa me para

[LLASTICA]

hey Alban rrofsh ..... mezi po e prisja albumin e ri.
kete kengen e kisha degjuar nje here edhe me pelqen shume

[Besniku]

Jam Tetovar dhe e mbaj mend kur Elita 5 nisi si grup dhe kendonte neper dasma, ato ishin edhe grupi kendues ne maturen prej shkolles se Tetvjeçares. Por prej ateher qe 12 vjet jam ne Amerike dhe me te vertete eshte nje grup muzikor elite. Me djeg zemra ta blej ose ta degjoj ket albumin e rri por nuk mund ta gjej dot. A e din dikush se a eshte ne shitje per ne Amerike? Apo a mund se paktu ti degjoj kenget diku ne internet, deri sa te mund ta blej albumin e rri? Nese dikush e ka degjuar krejt a eshte album i mire?

[Alban]

albumi i ri nuk eshte dal ne shitje ende por une e kam ndegjuar kenge te albumit te ri, dhe mund te them qe ky album eshte me cilesori deri tash. Albumi eshte perfunuar dhe une e kam por nuk eshte dal ne shitje ende nuk e di pse???