Elita 5

[Nuh Musa]

NEW
NEW
NEW

......ska koment kjo

[EuroStar1]

Pse o Nuh a i nigjoke kanget me kitara ti aaa ?

A po tlejon Islami aaaa ?

Kam kujtue se vec ilahi po nijshe

[Nuh Musa]

Pse o Nuh a i nigjoke kanget me kitara ti aaa ?

A po tlejon Islami aaaa ?

Kam kujtue se vec ilahi po nijshe

Kitara eshte instrument qe perendimorte e kane adaptuar nepermjet kultures islame bre Eurostar ..........

Kush ta shpjegon teje islamin pash zotin ???...........ce cki Nuha jot i ka akoma te memorizume te gjith Hitet e viteve te 90-, bile bile jarigasit, shokut tim, moti kohe ja ofrova numrin e kundrave te Tom Cruisit, se i kish hijt ne pune......para "internetit", njerezia informohej nepermjet te mediumeve te shtypura, dhe ketij nuhes nuk i kane kaluar gazetat e te rrinjve, lexues i pasionuar i BRAVOS dhe javores NEWS te austrise...........une jam deshmitare okular i shperberjes te formacionit Take That, dhe jo, nuk kam qare, aman ishim aq xhentellmena per me ja u ofruar kraherorin vajzave ne ato caste te rrenda per mbeshtetje.....

......preferencat e mija per muziken prekin nje hapesire te gjere, nder ta kuptohet edhe ILAHIJET.....te cilat per kulturen tone te madherishme nuk jane dicka e "re", apo ekzotike, por thjesht nje forme e artit te larte poetik qe na percjell "panderprere" neve shqiptareve. Mevludi, i cili nuk eshte nderprere ASNJEHERE nder shqiptaret (perpos ne shqiperi, por, per shqiptarine natyrisht se nuk jane "vetem" qytetaret e rep. se shqiperise reprezentativ) eshte me ne fund nje "ilahi", kurse Adem Ramadani, qe Allahu e ka gezuar me nje ze te shkelqyeshem, kete ART, kete KULTURE, e vazhdon, dhe i jep "boje" ne frymen e kohes. Secili njeri qe ka senze per art dhe kulture, duhet para Adem Ramadanit ta hjek kapuqen dhe ta falemnderoj per pasurim te kultures tone SHQIPTARE. Vallahi, bej be, se po qe se ka edhe nder te krishteret nje "kultivim" te ketij arti (pra, atij fetare), do te isha edhe me i gezuar. Ne vendet gjermanfoles pershmebull eshte artisti Xavier Naidoo, i cili ne tekstet e tija faktikisht inspirohet nga bindja e tije fetare. Dhe kenget e tija kane nje thellesi poetike jashtzakonisht te madhe, dhe suksesi qe ka verteton "nevojen" per kete lloj arti nder njerezit.

Kurse per Eliten duhet poashtu me e hjek kapuqen, jo per me shume, se per besnikerine qe ja kane mbajt rock-ut, dhe na kane deshmuar se JETOJN PER ARTIN E MUZIKES......kush e ben nje veper, nje pune, me sinqeritet, nga thellesia e zemres, pa asnje rezerve, ai ka sukses, dhe patjeter e gjene kuptimin ne ate qe ben, dhe me ne fund edhe i kthehet ai sinqeritet edhe nga tjeret, gje qe e shohim tek artistet e vertet, dhe padyshim, edhe Elita 5 hijn ne kete tufe njerezish.

Fatkeqsisht jane nje gjenerate pak me e vjeter se une, dhe nuk i njoh perzonalisht ato djema, por i kam perjetuar Live dhjetra here, dhe jam krenar per punen e tyre dhe ate qe na kane dhuruar, dhe inshallah edhe do te na dhurojn ne te ardhmen.


tung

[shigjeta]

Elita 5, grupi vjen me album të ri

Rock grupi legjendar shqiptar “Elita 5”, së shpejti do të publikojë albumin e ri. Vokalisti i grupit, Arif Ziberi ka deklaruar për të përditshmen ‘Zëri’ se albumi do të jetë me shumë befasi, ku dhjetë këngët e realizuara do të trajtojnë tematika të ndryshme. “Jemi në përgatitje për albumin e ri. Ajo që mund t’ju them tani për tani është se ky album do të vijë me shumë befasi”, ka theksuar Arifi. Ai më tej shtoi se albumi do të ketë edhe videoklipe që do të lançohen paralelisht me albumin. Pritet që në këtë album të ketë edhe shumë surpriza sa i takon muzikës dhe përzgjedhjes së tematikave të këngëve. Albumi do të përmbajë 10 këngë dhe disa prej tyre shoqërohen edhe me videoklipe. Grupi “Elita 5” është shumë i njohur dhe i pëlqyer nga të gjitha grupmoshat. Pothuajse të gjitha këngët e grupit janë kthyer në hite dhe i kanë rezistuar kohës.

MAPO

http://mapo.al/wp-content/uploads/2013/09/elita-5.jpg

[Nuh Musa]

new.....new......new....


Per ju te diaspores andej oqeanit qe e vizitoni shqiptarine nje here ne 10 vjet....

Nese ju mer malli per nje shqipe te shqiptuar kulluar dhe kthjellet me nje estetike te pakrahasueshme, atehere ndegjojeni shqipen e Arifit, frontmanit te formacionit Elita 5 ne kengen me te re te tyre......


ndegjim te kendshem....





....pa kosove ska shqiperi....thojn...............une them: pa TETOVE ska shqiptari.....

[BOKE]

Nese s'fjalet s'kane kuptim
me e mire eshte heshtja...

Me fal, te lutem me fal
qe nga mendja s'te ndaj
Ti e di qe jam pafaj...

Shume bukur.

[Nuh Musa]

Shume bukur.

.....nëse loti është i rremë
njësoj është buzëqeshja....

...sikur lotët e gjith' botës,
të takohen në një vend,
prap nuk mund ta thon,
dashuria sa dhemb....

[sirena_adria]

Është njëri ndër bendet më të kërkuara në trojet shqiptare. Janë këta rok-grupi Elita 5, të cilët nuk po kanë të ndaluar. Përveç lansimit të këngës ‘Meteor’ ky grup është duke menduar të punojë edhe në projekte të reja. Këtë gjë e ka konfirmuar kitaristi i Elitës, Valon Gashi, i cili ka folur edhe për shumëçka tjetër

Po mbushen pothuajse tri dekada prej që rok-bendi Elita 5 është pjesë e pandashme e skenës muzikore shqipe. Gjatë gjithë kësaj periudhe kohore, ata i kanë kontribuar zhvillimit të këtij zhanri te ne me krijimin e shumë këngëve të cilat janë shndërruar në hite. Por, Elita 5 nuk mendon të ndalojë asnjëherë. Ata do t’i qëndrojnë besnik fansave të tyre duke u sjellë shumë këngë të reja. Së paku kështu për gazetën Tribuna ka deklaruar Valon Gashi, i cili është njëri ndër anëtarët e këtij grupi, i cili ndër tjera ka shpalosur edhe shumë detaje tjera.


Tribuna: Fillimisht a mund të na flisni rreth rrugëtimit tuaj në karrierë si rok-grup?

Gashi: Grupi ekziston që 28 vjet. Është e vërtetë se në këtë treg të vogël shqiptarë, sidomos me këtë stil muzikor jo komercial, është shumë e vështire që të mbijetosh. Por ne jemi së pari miq të mirë, e pastaj edhe ajo qenësorja që gjithmonë kemi tentuar që të mos bëhemi të tepërt për adhuruesit tanë, na ka mbajtur së bashku për kaq vite.

Tribuna: Albumi i ri “Mohikani i fundit” është suksesi i radhës i grupit Elita 5, çka do të thotë edhe një sukses për ju?

Gashi: Albumi i ri është rezultat i një pune të palodhshme 10-vjeçare. Pra, në këtë periudhë kemi punuar shumë e më shumë kujdes në këngët e albumit, ndaj edhe suksesi i albumit nuk mungoi, e suksesi për ne do të thotë një forcë shtytëse për punë të mëtutjeshme.

Tribuna: Pse keni kaq pak bashkëpunime me kolegët tjerë të estradës?

Gashi: Në çdo album e kemi pas nga një bashkëpunim me ndonjë këngëtare, vetëm me Adelinën, divën e muzikës tonë, kemi zgjedhur t’i kemi dy, sepse vërtet ia ka vlejtur. Në këtë album kemi bashkëpunim me Mimoza Shkodrën.

Tribuna: Çka i bën këngët tuaja që të jenë të pavdekshme?

Gashi: Ne punojmë shumë në krijimet tona. Ato paramendohen me kujdes, prandaj edhe zgjat më shumë krijimi i tyre. Por edhe kohëzgjatja e tyre është më e gjatë për shkak të kualitetit që e kanë.

Tribuna: Këngët e juaja a ka raste kur janë personale?

Gashi: Asnjëra nga këngët tona nuk ka temë nga jeta personale. Pra janë tema të përgjithësuara, pra mundohemi të jemi shërues kolektiv të zemrave.

Tribuna: Si ndiheni kur fansat këndojnë së bashku me ju këngët tuaja?

Gashi: Në mbrëmjet tona, pos fansave që na përcjellin që 28 vjet, gjithnjë e më shumë kemi fansa të rinj, pra të rinj e të reja 14/15 vjeç që i dinë këngët tona fjalë për fjalë dhe kjo na gëzon tej mase dhe na jep fuqi që të vazhdojmë më tej.

Tribuna: Pse nuk i preferoni festivalet ?

Gashi: Festivalet në trojet joshqiptare janë vende të përsosura për t’u promovuar artistët e rinj. Kurse te ne i shohim si evenimente jo fer, ku gjithmonë fitojnë kokat e vjetruara, prandaj edhe nuk i preferojmë.

Tribuna: Cili është mendimi juaj për rokun shqiptar?

Gashi: Fatkeqësisht, pavarësisht talentëve të shumtë që i hasim në rokun tonë, ata për një kohë shumë të shkurtë po shuhen. Ne mendojmë se ata nuk po mundohen mjaft, sepse edhe ne e kemi kaluar të njëjtën rrugë, ndoshta edhe më të vështirë, për të arritur këtu ku jemi. Pra, e kemi një porosi për ta, të punojnë sepse vetëm kështu do t’i ndihmojnë rokut shqiptar që ta tejkalojë krizën.

Tribuna: A arrini të gjeni kohë për familjen dhe a bëni jetë të rok-yjeve, apo jeni më tradicional?

Gashi: Vendi ku jetojmë na dikton që mos ta kemi jetën e rok-yjeve, pra të jemi tradicionalë dhe ta jetojmë një jetë solide. Muzikën e duam shumë, por e pazëvendësueshme edhe familja.
(Tribuna)


http://www.teksteshqip.com/elita-5/lajme_8388.php

[sirena_adria]

[sirena_adria]

Neser mikpritja e rradhes per ELITE- n !