Opinionet tuaja mbi konfliktin Media(TopChannel)-Qeveri.

[kacaku basket]

Te dashur anetare pa dashur te ndikoj me mendimet e mia ndaj kesaj krize do te ishte me shume interes qe te dinim opinionet e gjithkujt rreth kesaj krize mediatike qe ka perfshire sot Shqiperine.

Nga njera ane qendron Qeveria Shqiptare dhe nga ana tjeter Media(TopChannel-Top Albania Radio-Top Records-DigitAlb-Top Media-Gazeta Shqip)

Nga pikpamja juaj:
Kush jane shkaqet e kesaj krize?
Kush jane ata qe duan te vendosin pushtetin mbi fjalen e lire?
A duhet te nenshtrohen Shqiptaret perseri nje diktature te quajtur "Demokratike"?

[TOKE GEGA]

..."Vëllezër shqiptarë, ju të gjithë e dini se çfarë shkalle kulture ka arritur Europa. Prej shkencave, arteve, letërsisë, industrisë, tregëtisë, dhe mbi të gjitha prej ligjeve të saj dhe liberalizmit të saj, ajo shkëlqen si një diell që lëshon dritën e tij mbi të gjithë hapësirën tokësore.

Ne jetojmë në shekullin e nëntëmbëdhjetë, kur të gjitha kombet dhe të gjithë popujt kanë filluar të zgjohen nga gjumi letargjik, ku shekujt e errësirës i kishin zhytur. Në ditët e sotme, rrallë ju mund të gjeni një popull që nuk ngre lart me kryelartësi ballin e tij dhe të mos shpallë të drejtat e tij para Zotit dhe para njerëzimit.

Vetëm ne Shqiptarët, ne të vetmit flemë ende në gjumin e vdekjes, ne që megjithëse jemi pasardhësit e Pellazgëve dhe banorët më të lashtë të kontinentit tonë të vjetër, luftëtarët më të shquar të kohëve të shkuara, po aq të shquar në artet dhe mjeshtritë sa edhe në fushën ushtarake, ne të vetëm, unë e përsëris, kemi mbetur në kulturë më të prapambeturit e të gjithë popujve që kanë ardhur pas nesh në Lindje, dhe madje gati të zhdukemi nga faqja e dheut. Sot kur bota na cilëson si të egër dhe si barbarë, sot kur armiqtë e racës sonë na ngjisin të gjitha llojet e epiteteve, kujt i bie faji dhe përgjegjësia? Vetëm neve, them unë, ne vetë jemi përgjegjës që nuk kemi lëvruar gjuhën amtare, që kemi shkretuar fushat tona dhe që kemi përforcuar rradhët e armiqve tanë.

Këta që na cilësojnë si njerëz të egjër mund të lëvdohen se kanë kontribuar në egërsinë tonë. Kushdo që do të vijë në mjedisin tonë, në familjet tona, në shtëpitë tona, -cilido që do të studiojë ritet tona, zakonet tona, karakterin tonë, edukimin tonë, -kushdo që do të shfletojë dokumentet tona historike, etnografike, gjuhësore dhe shkencore, -do të bindet se ne Shqiptarët jemi pasardhësit e Pellazgëve të vjetër, dhe se ne kemi ruajtur pothuajse të paprekura të gjitha zakonet e tyre. Homeri vetë me Iliadën e tij dhe zakonet e kohës së tij jeton mes nesh, madje edhe në ditët e sotme Shqiptarët besojnë se nderi dhe begatia arrihen nëpërmjet luftës, ashtu siç thotë poeti i pavdekshëm.

Gjithë kohën, dhe në çdo rast, ne kemi qënë me armë në dorë, duke i treguar botës se na pëlqen nderi dhe trimëria. Ja pra, ku konsiston të qënit tonë barbar dhe i egër.

Siç e shihni ju vetë, vëllezër shqiptarë, sado trima që jemi, sado inteligjentë, sado të ndershëm dhe sado punëtorë që jemi, përsa kohë që ne nuk do të përqafojmë kulturën e shkencave dhe nuk do kemi një gjuhë të shkruar, nuk do të arrijmë asgjë dhe do mbesim përherë viktima të popujve më të shkolluar se ne, të cilët zotërojnë një histori dhe një letërsi kombëtare të shkruar në gjuhën e tyre amtare.

Dhe ja se si kombi Shqiptar do të shkojë nga dita në ditë duke u rrëgjuar, madje edhe deri në zhdukjen e emrit i saj, nëse ne nuk dalim nga moskokëçarja dhe topitja ku kemi rënë.

Tashmë, ne nuk jemi në ditët e sotme veçse gjysma e vetes sonë, gjysma tjetër ka rënë në rrjetat e sllavizmit dhe të greqizmit, armiqve tanë vrasës, të cilët, duke mos mundur të na vrasin me shpatë, na kanë vrarë me kryqin duke bërtitur përherë se ne jemi vëllezër në Jezu Krishtin. Ne të tjerët ashtu si fëmijët, gjithherët e kemi lënë veten të na mashtrojnë, dhe kemi derdhur gjakun e djersën tonë për të mirën e tyre dhe të shfrytëzuar prej tyre në dëm dhe në mjerim të racës sonë.

Një shkëndijë e vetme shprese ka mbetur ende në shpirtrat e atyre që kanë një zemër që rreh për Shqiptarët falë Providencës hyjnore që ata të zgjohen një çast e më parë dhe të shohin humnerën që mund të na përpijë.

Ne, pra, që japim sinjalin e kushtrimit, kryejmë një detyrë të shenjtë me qëllim që çdo shqiptar të zgjohet dhe të shohë rrezikun e madh që i kanoset. Vëllezër Shqiptarë, ka ardhur koha të zgjohemi, ti vihemi punës, të studiojmë gjuhën e bukur e të ëmbël të të parëve tanë, vetë gjuhën amë të gjuhëve klasike! Është koha ta shkruajmë këtë gjuhë, ta lexojmë, ta nxjerrim nga rrënojat e saj dhe ta fusim ndër shkolla, në kisha, në vatrat tona, dhe kudo ku gjendet edhe një i vetëm Shqiptar.

Vetëm kështu mund të dalim nga errësira ku jemi kredhur, errësira e cila na ka verbuar, deri në atë shkallë, sa nuk njohim më veten tonë dhe nuk dallojmë as armiqtë tanë, të cilët përditë na akuzojnë para Europës së qytetëruar se jemi barbarë dhe të egër, e për rrjedhojë, nuk e meritojmë të jetojmë.

Nga këto shpifje kaq të ndyra, është shtyrë Europa në gabim dhe ka shkuar deri aty sa të na ndajë si një kopè bagëtishë të përshtatëshme vetëm për tu vënë nën zgjedhë, duke përforcuar kështu, nëpërmjet nesh, krahët e armiqve të Europës dhe të njerëzimit. Dhe a e dini ju përse? Sepse, dhe duhet ta pranojmë si turpin tonë, asnjë zë Shqiptar prej këtyre miliona krahëroresh nuk është ngritur për të protestuar kundër akuzave të ndyra dhe intrigave që thuren kundër nesh.

A e dini ju, vëllezër Shqiptarë, se kush janë këta shpifës? Janë këta, ortodoksit tanë të dashur, vëllezër në Jezu Krishtin! Eh mirë atëhere, ta sqarojmë botën e qytetëruar për gabimin dhe ti dëshmojmë se shumica e popullsisë së Shqipëri-Maqedonisë është shqiptare dhe vllehe, dhe aspak greke dhe sllave siç i pëlqen shumëkujt të besojë. Këta vëllezër të kryqit janë armiqtë më të egër me të cilët jemi përballur dhe të cilëve ne vetë iu kemi dhënë jetë. Madje, edhe në ditët e sotme, ne u japim atyre pronat dhe pasuritë tona, për të zmadhuar të tyret.

Deri dje, ata edhe emrin e tyre e kishin shkëmbyer dhe quheshin romgnios, domethënë Romanë. Këta pasardhës të shquar të Kadmit dhe të Cekropsit të ardhur nga Egjypt-Fenikia, që kishin qënë mbiquajtur grèer (grerëz-grenxë) nga të parët tanë Pellazgët, e meritonin me të vërtetë këtë nofkë.

Sipas shqiptimit të tyre, Europianët ata i quajtën Grekë prej grèer. Populli thotë: "Mos i beso atij, është një grèer (Grek)". Një tjetër proverb latin thotë graeca fides, nulla fides. Të tilla janë cilësitë e mira të grèerëve tanë.

Siç ju kam thënë, vëllezërit tanë helenë, qysh me mbërritjen e tyre nga Egjypt-Fenikia, si shpërblim të pritjes që të parët tanë të lashtë, Pellazgët, dhe ne vetë pasardhësit e tyre, iu kemi bërë atyre, janë kthyer nëpërmjet murgjëve të tyre, në tiranë, pasi punojnë me të gjitha forcat e tyre të pengojnë zhvillimin e gjuhës sonë dhe të kombit tonë.

Si dëshmi të kësaj vetëm po ju themi se, qysh në ditën e parë kur ne filluam të hedhim farën kombëtare, ata kanë filluar të mbjellin ne fushat tona farën e grindjes e të përçarjes....

...Të mos shkurajohemi, vëllezër shqiptarë, nga intrigat dhe pengesat e armiqve tanë që punojnë prapa shpine për të na mbajtur në errësirën e padijes, për të na shkombëtarizuar, dhe për të na rrëmbyer thesarin tonë më të vyer në botë, domethënë emrin tonë dhe gjuhën tonë.

Ne besojmë se asnjë Shqiptar nuk dëshiron humbjen e këtij kombi që ka jetuar mijëra e mijëra vjet. Vetëm bastardët, lakejtë dhe tradhëtarët mund ta lejojnë një gjë të tillë.

Të ruhemi që të mos biem përsëri në kurthin e Grekëve, mbi të gjitha të klerit grek, pasi ai është në radhë të parë armiku ynë për vdekje. Ju kujtohet mjaft mirë se shkolla e parë Shqipe e hapur në Korica (Korçë) u anatemua dhe u mallkua nga kryepeshkopi grek, sikur ne të kishim kryer krimin më të rëndë.

Me të njëjtat poshtërsi, ata besojnë t'ia dalin në krye që ne të mbetemi në verbërinë tonë, pasi ata nuk duan që ne të hapim sytë. Pak rëndësi kanë për ne të tilla dashuri, pasi ne e dimë se sa vlen dashuria e tyre.

Ata e dinë përse na i dërgojnë falangat e veshura si djalli (peshkopët dhe priftërinjtë). Është detyra jonë t'i çjerrim maskën, për hir të shpëtimit të emrit dhe të gjuhës sonë, kjo edhe për atë të ashtuquajturin fatin tonë dhe atë të Ortodoksisë. Por, të krishterët e ndershëm, dishepuj të Krishtit, dëshirojnë të shohin tek u hiqet maska e hipokrizisë, në mënyrë që bota ti njohë ata. T'ua çjerrim ne vetë këtë maskë, që të dalin në shesh me lakuriqësinë e tyre, që gjithashtu ti shohin vëllezërit tanë të një gjaku dhe miqtë tanë.

Fqinjët tanë zemërgjerë dhe bashkëpatriotët nuk punojnë për të na bërë të krishterë të mirë, por shtyhen nga dashuria që kanë për milionat tona, si dhe për të mbushur kuletat e tyre. Ata kanë frikë prej ringritjes sonë kombëtare, pasi atëhere ata nuk do të kenë se me çfarë të mburren.

Ne do të provojmë me shifra atë çka kemi thënë, me qëllim që çdo njeri të krijojë një përfytyrim për parimet që ne mbrojmë, dhe të shihet prej nga dhe prej ku jeton mbretëria greke.

I. 3000 profesorë grekë mbahen në Shqipëri-Maqedoni, me 100 napolona në vit.

II. 3000 nxënës studiojnë në Athinë për të përhapur helenizmin mes Maqedo-Romanëve dhe Shqiptarëve.

III. 2300 prindër të nxënësve të lartpërmendur vizitojnë Athinën çdo vit, dhe shpenzojnë secili 100 napolona.

IV. 1000 persona nga jashtë shtetit që vizitojnë Athinën, shpenzojnë çdo vit minimumin ........

V. për librat didaktikë.

VI. Ndihma nga jashtë shtetit për shkollat e Epir-Maqedonisë, të paktën.......

E ardhura totale vjetore në napolona: .........................



Përfitime të tjera që nuk do ti numërojmë këtu, vijnë gjithmonë nga Shqipëri-Maqedonia dhe i kapërcejnë 100 000 milion frangat, përfitime prej gjakut tonë dhe prej djersës sonë. Përveç kësaj, në kohët e luftës, miliona e miliona lira janë dërguar në ndihmë të Greqisë, pa përfshirë mijëra ushtarët që shkuan të vriten për Grekët. Të kishin shkuar të paktën këto para në Rumani, pasi ajo ka më shumë të drejtë se Greqia. Koha tashmë është e volitëshme.

A nuk na vijnë të këqijat më të mëdha nga Greqia, nga kombësia greke, dhe nga strofulla satanike që quhet patriarkati grek i Kostandinopojës? A nuk kurdisen aty të gjitha planet diabolike për të na rrënuar shpirtërisht e materialisht? Aty përdoret Krishti si një vrasës.

Tani që jemi në buzë të varrit, që i shohim me sytë tanë, që i dëgjojmë me veshët tanë, të gjitha padrejtësitë dhe gjitha poshtërsitë e klerit grek, a mund të ketë një shpirt njerëzor, një ndërgjegje të pastër, që të mos revoltohet prej kaq shumë faktesh monstruoze.

Turp, njëmijë herë turp! Të afërmit shpirtërorë veprojnë si xhelatë.

Këtej e tutje ti vihemi punës me të gjitha forcat tona. Çdo diskutim, çdo çast i humbur, do të ishte i kobshëm për ne. Ne duam të jetojmë dhe, për të jetuar, na duhet dritësimi. Dritën do ta kemi nëse e dëshirojmë. Një proverb i vjetër thotë: -Kush kërkon gjen, ndriçoje veten dhe do të jesh. Kështu pra, të kërkojme dritën para së gjithash. Për ne ajo është po aq e nevojshme sa edhe buka.

Dituria është ajo që kushton më pak. Një abetare kushton 10 qindarka, dhe librat e tjerë pothuajse aq. Në Rumani ne jemi afërsisht 20 mijë vetë. Nëse ne kontribuojmë me një frangë në muaj, do të arrijmë një shumë prej 20 mijë frangash mujore.

Ashtu si dielli, ne të përhapim dritën në të gjithë Shqipëri-Maqedoninë. Një frangë nuk është asgjë. Çdo i varfër apo pasanik mund ta japë atë pa dëmtuar punët e tij vetjake apo tregëtinë e tij. Me një kontribut të tillë, vendi ynë do të ndriçohet, ai do ti shpëtojë një vdekjeje të sigurt. Sa prej nesh i shpenzojnë kot mijëra franga? Përse nuk i imponojmë vetes sakrifica për një kauzë sa të shenjtë aq edhe njerëzore?

Brezat e ardhshëm do të na jenë përjetësisht mirënjohës. Mos harroni, vëllezër shqiptarë, se rimëkëmbja e kombit tonë varet nga ne që gjendemi në Rumani. Të jemi, pra, në lartësinë e misionit tonë.

Nga jashtë Rumanisë, ne marrim ndihma nga Egjypti dhe nga vende të tjera ku ne kemi bashkatdhetarët tanë. Ne shpresojmë, gjithashtu, se individë të kombësisë Shqiptare, -që kanë miliona dhe që punojnë kundër racës së tyre, të tillë si Konstantin Zhapa i Broshtenit dhe Hr. Efendi Zografi i Parisit, etj., -duke parë përparimin tonë, të dalin nga udha e gabuar ku ata janë futur e të vijnë në ndihmë tonë.

Përndryshe, historia do ti shkruajë emrat e tyre në faqet e zeza të saj, dhe brezat e ardhshëm do ti damkosin si vëllavrasës.

Rumania mund të na shërbejë si shembull, ajo gjithashtu ka qënë e mbytur nga kleri grek dhe nga gjuha greke. Qysh se kanë hequr qafe këto lebra, ata kanë filluar të lulëzojnë dhe të përparojnë me hapa gjigandë në udhën e progresit. Edhe të ndarë nga Grekët, a nuk kanë mbetur Rumunët gjithmonë të krishterë ortodoksë? A nuk i pranon Zoti lutjet e tyre po aq mirë në gjuhën e tyre, ashtu si në një gjuhë të huaj? A nuk iu tha Zoti dishepujve të tij: "shkoni dhe përhapni dritën", dhe dishepujt a nuk e mësuan dhe përhapën fenë në gjuhët e folura e të kuptuara nga popujt? Të tilla kanë qënë themelet e fesë së krishterë.

Për sa kohë që fenë nuk do ta kemi të shkruar në gjuhën e etërve tanë, ne nuk do mund ta quajmë veten të krishterë, pasi ne nuk e njohim përmbajtjen e besimit tonë fetar. Çdo njeri mund ta kuptojë këtë, dhe të shohë se sa egoiste (mbytëse) dhe antikristiane janë pretendimet e klerit grek. Ata e kthejnë Ortodoksinë një privilegj të vehtes, dhe duan të bëjnë botën të besojë se Shqiptaro-Maqedonët ortodoksë janë Grekë dhe se ajo nuk është për Shqiptarët. Nëse emri ynë nuk do të dëgjohej më, edhe Bullgarët, Serbët dhe Malazezët do të përvehtësonin të drejtat mbi kombin tonë.

Sa na përket ne, të mos marrim parasysh se kemi rite të ndryshme, por të bashkohemi dhe të mbrohemi kundër armikut të përbashkët të ekzistencës sonë kombëtare.

Ka 450 vjet që jetojmë nën perandorinë Otomane. Ndonëse zot i jetës sonë dhe i ekzistencës sonë, ajo kurrë nuk ka sulmuar pronat tona, të drejtat tona, gjuhën tonë, kombësinë tonë dhe zakonet tona të lashta, domethënë thesaret më të shtrenjta të kombit tonë.

Ajo madje nuk na ka hequr as armët që ne i mbajmë me mburrje në brez. Nëse ndonjëherë kemi kryer gabime dhe kemi ngritur krye kundër monarkut tonë, ne e kemi bërë këtë vetëm të shtyrë nga kleri grek, armiku i përjetshëm i perandorisë muslimane, i cili për shekuj me rradhë e bren atë me çdo lloj mënyre dhe na shfrytëzon ne për të arritur qëllimin e tij kriminal. Mos harroni, vëllezër shqiptarë, se Zoti i krijoi kombet përpara fesë, pra kombi është përpara gjithçkaje. Le të bashkojmë trupat dhe shpirtërat tanë me Perandorinë Otomane, duke parë se vetëm prej saj ne mund të ruajmë jetën e kombit tonë të dashur përkundër së ashtuquajturës Ortodoksi e Grekëve. Nën emrin e Ortodoksisë janë fshehur armiqtë e Krishtit, të njerëzimit dhe të kombeve.

Pra si rrjedhojë, Perandoria Otomane është mbrojtësja jonë më e madhe dhe më dashamirëse. Tek ajo ne kemi vënë gjithë shpresat tona dhe besojmë se si shpërblim të përkushtimit që kemi treguar në çdo rrethanë, ajo nuk do të na lërë prè në duart e armiqve tanë dhe të saj.

Ne jemi në atë gjendje të trishtë ku kanë qënë Rumunët njëqint vjet më parë, kur ata kishin turp të thonin se ishin Rumunë, pasi ky emër iu jepej vetëm katundarëve të pagdhendur. Në të tillë mënyrë i kishin katandisur Fanariotët.

Sot Rumunët janë Rumunë të vërtetë dhe vlejnë shumë më tepër se Grekët. Ata janë krenarë për origjinën e tyre dhe për kombin e tyre. E pse të mos jemi edhe ne për kombin tonë. Atëhere bota do të na vlerësojë dhe do të na nderojë...

...Tashmë, Patriarkut të Kostandinopojës i është bërë kërkesa që të kryhet shërbimi hyjnor në gjuhën e popullit. Nëse nuk ia dalim në krye të fitojmë këtë të drejtë, të mos e humbasim asnjë çast shpresën se e drejta është me ne dhe se ajo do të triumfojë...".



Shënim: -Në tabelën e shifrave të përfitimeve greke mungojnë në tekst disa shifra që ne i kemi shënuar me pikësim.

[Zemrushja]

Nuk e kuptoj gjith kete "drejtim" qe kerkohet te merret ndaj Top Channel. Ne fund te fundit si media qe eshte i takon e drejta per te qene e lire dhe te shprehi sa me lirshem opinionin e vet apo se cfare ndodh ne vendin tone. Pse duhet t'i mbylle qeveria gojen medias? C'fare e shqeteson?

Me mahnitin "ethet" qe ka marre qeveria nga "zbulimi" i te vertetave qe po u nxjerr media sot dhe me vjen shum keq per qeverine qe tregohet kaq e dobet. Ne vend qe te shtroje koken para problemeve qe ka para; ne vend qe te perpiqet te zgjidhe ato, e vret mendjen se cfare thot media, se cfare humori kishte futur, pse e kritikoi kete apo ate politikan etj. Politikanet tallen ne gjith boten nuk eshte se po tallen vetem ke ne. A nuk ju kujton kjo situate "KOMUNIZMIN" ku asnje skishte te drejte te fliste apo te thoshte dicka ndonese te drejte? A nuk eshte kjo Heqje Lirie? E pra, Vendi yn nuk ka per ta gezuar LIRINE DEMOKRATIKE po vazhdoi ne kete menyre.

Nuk them se nuk duhet te kete kontroll mbi median. Perkundrazi nese ato shpifin atehre te nxjerre ligje qe te denojne Shpifjen. Por jo te mbylli nje media kot, sepse nuk i pershtatet shijeve qeverise, sic eshte Top Channel. Sado mos ta doje Top Channel qeveria, eshte populli qe e don.

[TOKE GEGA]

Te dashur anetare pa dashur te ndikoj me mendimet e mia ndaj kesaj krize do te ishte me shume interes qe te dinim opinionet e gjithkujt rreth kesaj krize mediatike qe ka perfshire sot Shqiperine.

Nga njera ane qendron Qeveria Shqiptare dhe nga ana tjeter Media(TopChannel-Top Albania Radio-Top Records-DigitAlb-Top Media-Gazeta Shqip)

Nga pikpamja juaj:
Kush jane shkaqet e kesaj krize?
Kush jane ata qe duan te vendosin pushtetin mbi fjalen e lire?
A duhet te nenshtrohen Shqiptaret perseri nje diktature te quajtur "Demokratike"?

LE(H)SIZMI QË TË NGJALL NEVERI NË GAZETARI



Ka disa kohë që bëhet një zhurmë e kotë gjoja në mbrojtje të lirisë së shtypit dhe në funksion të mbrojtjes së shtypit nga "manjatët e biznesit".

Qysh kur u botua numri i parë i gazetës "Rilindja Demokratike", në Janar të vitit 1991, në Shqipëri u arrit fitorja e madhe dhe e pakthyeshme e lirisë së shtypit. Prej asaj kohe e deri tani shypi shqiptar ka bërë një rrugë të suksesshme në liri të plotë. Askush nuk ka të drejtë të mendojë ose të pohojë me keqdashje të kundërtën. Edhe mendja e shqiptarëve ka ndryshuar rrënjësisht lidhur me mundësinë e të mirat e shtypit të lirë.

Si kudo edhe në Shqipëri me lirinë e shtypit kanë manipuluar, spekuluar, provokuar. Këtë e kanë bërë pushteti, partitë, botuesit, gazetarët dhe lexuesit. Por edhe kjo është shfaqje e lirisë së shtypit, ndonëse në pozicion të përmbysur. Prandaj është mirë të mos merremi kot me debate shterpe se po cënohet, apo pengohet liria e shtypit. As pushtetarët nuk e kanë ndrydhur dot lirinë e shtypit. Kur gazetarët kanë qenë në rregull e të vendosur asnjë pushtetar, as Berisha me Meksin, që i rrihnin në kohën e tyre, as Nano e të tjerët që i shtrydhin financiarisht tani nuk kanë mundur t'i venë pranga shtypit.

Sa herë shtypi është vënë në pranga këtë e kanë bërë botuesit e shtypit, gazetarët që për shkak të mangësive të tyre të theksuara në përgatitjen profesionale, në etikën e dinjitetin gazetaresk; për shkak të etjes së tyre të pngopur për para, për pushtet, për sensacion, për intrigë kanë bërë plot poshtërsira që i vuan shtypi i lirë dhe liria e shtypit.

Një ndër dukuritë më të shëmtuara në shtypin e lirë shqiptar, qysh në hapat e parë të tij, është "Le(h)sizmi". Është një rast i çuditshënm që dy kuptime të cilat normalisht nuk kanë të bëjnë me njëri-tjetrin mund të shprehen kaq lehtë me një fjalë duke pykëzuar një shkronjë. "Lesizmi" është simbol i një shtypi të mbizotëruar nga fryma e intrigës fshatareske, e mendësisë hileqare fshatareske, një shtyp i nisur pa pofesionalizëm, vetëm në saje të një kujdesi të një pushteti e politike që deshi të paraqitej ndryshe duke i vënë gazetarit me opinga dhe një kollaro shumëngjyrëshe të lidhur keq si gushë papagalli.

Ishte Nikoll Lesi që u ngarkua ta bënte atë gazetën provincialiste të Komitetit të Partisë së Lezhës, gazetë të kohës së demokracisë."Koha Jonë" ishte gazetë lezhjane që shtypej e shpërndahej në Tiranë. Pastaj nga Lesi lindi "lesizmi" një praktikë gazetareske e përçudnuar, provokuese, sherrndjellëse, sherrnxitëse, pas së cilë u kapën shumë forca perverse shqiptare e të huaja për të bërë çorap Shqipërinë. Nuk ishte rastësi që në vitin 1997 "Koha Jonë", e cila tashmë njihej si gazetë e "lesizmit"dhe e "lehsizmit", luajti rolin e zjarrvënësit kryesor e cinik në Shqipëri.

Për herë të parë në gazetarinë shqiptare fjalën "Le(h)si" e kam lexuar në shkrimin e një intelektuali demokrat lezhjan. Me këtë operacion të thjeshtë kozmetik fjalësor ai krijoi një shenjë dalluese, që sot kurrsesi nuk duhet harruar kur vëmë re se çfarë debatesh bëhen për punët e gazetave e të gazetarisë, aq sa na qenka shqetësuar edhe Këshilli i Europës, ku vet Sali Berisha ka marrë përsipër të përçojë "le(h)sizmin", më saktë të "lehë" në emër e në dobi të "Le(h)sit".

"Le(h) sizmi" po kërkon biznes të komanduar në gazetari. "Le(h)sizmi" po proteston kundër ndërhyrjes së biznesit të mirëfilltë në biznesin e gazetarisë dhe në punët e gazetarisë. "Le(h)sizmi) po paraqitet si prirje monopolizuese në gazetari e propagandë. Kur Lesi ishte i përkëdheluri i të gjithëve në dominimin e tregut të gazetarisë, sidomos me ndihmën e Sorosit, ai lihte ndryshe nga sa angullin tani që i kanë dhënë disa shkopinj turinjëve e këmbëve. Me Lesin janë bashkuar dhe të tjerë, që gazetarinë e kthyen më shumë në lehje publike. E çuditshme është pse edhe kryeredaktori i gazetës më të vjetër partiake, "ZP" ka rënë në logjikën e kërkesat e "le(h)sizmit"!

Sipas "le(h)sizmit" pasanikët shqiptarë nuk duhet të fusin hundët e turinjtë në punët e gazetave. Po pse atëherë botuesit e gazetave, apo gazetarë të privilegjuar shqiptarë fusin hundët e turinjtë e tyre në punët e biznesit, bëhen ndërtues pallatesh, përvetësues trojesh në bregdet, aksionerë shoqërish, ortakë të politikës, partiakë të hapur ose të maskuar? Pse këta nuk merren vetëm me zanatin fisnik të gazetarit e të jetojnë me atë pasuri modeste, që mund të sigurojnë në këtë rrugë? Pse atëhere botues gazetash e gazetarë bëhen gjysmë mafiozë dhe u zhvasin para biznesmenëve se gjoja kështu ka urdhëruar partia që ka majmur biznesmenin? Përse gazetarë e botues bëhen ortakë me mekanizma të huaja të dyshimta dhe bëjnë shërbime të fëlliqura për disa para, i ndërrojnë të preferuarit e tyre për financim nga Taivani e Koreja e Jugut në Greqi, Serbi, Rusi, Francë, Itali, Amerikë etj.?

"Le(h)sizmi është një rrymë e përçudnimit të gazetarisë shqiptare për ta lënë këtë gazetari në mëshirën e disa grupimeve gazetareske, që tashmë kanë marrë formën e një mafieje të veçantë të kontrabandës, prostitucionit e korrupsionit me fjalën e shkruar e të transmetuar për ta mbajtur publikun shqiptar, politikën e biznesin në Shqipëri nën trysninë e mekanizmave më të fuqishëm bandokrate shqiptare e mafioze ndërkombëtare.

Prandaj "le(h)sizmi" kërkon rregull socialist në ekonominë e tregut gazetaresk në Shqipëri. Po të jetë për shitje gazetash asnjë botues nuk e mban dot gazetën e vet, asnjë gazetar nuk e nxjerr dot rrogën që merr. Nuk është shitja e gazetave, por janë burime të tjera të ardhurash që mundësojnë shfaqjen e kaq shumë emra gazetash (shumica pa kuptim) nëpër tezga, madje gazeta me kaq shumë faqe çdo ditë. Në një kohë kur Bashkia e Tiranës bën një marrëveshje me pronarë lokalesh që pensionistëve në orë të caktuara të ditës t'u shitet një kafe me 20 lekë Lesi e gjithë lehsistët bëjnë fushatë që me ligj të vendoset të ngrihen çmimet e gazetave. Kjo do të thotë se ata nuk janë aspak të interesuar që njerëzit të lexojnë gazeta, por thjesht të jenë ata kontrollorë të tregut të shtypit, të përdorin ata parlamentin edhe për marrëzira të inatit fshataresk.

Specialistë të tregut, duke përfshirë dhe Zef Preçin, analistë si Gjergj Buxhuku kanë shpjeguar qartë kotësinë e vendosjes së çmimit dysheme për shitjen e gazetave. Nuk mund të ketë çmim të tillë. Është e palogjikëshme. Nuk shërben për asgjë. Mbase. Lesi e lehsistët morën shembull nga shoqata e ndërtuesve, që arriti të shkëpuste një marrëveshje për të caktuar çmimin dysheme të shitjes për metër katrore (se gjoja kështu lehtësohej grumbullimi i tatimeve nga shteti) dhe menjëherë filloi të bënte ngritje mafioze të tavaneve të çmimeve të banesave. Gazetat mund të shpërndahen falas. Sikur të shitej gazeta "Nju Jork Tajms" në SHBA sipas kostos, që të dielën është aq e trashë sa duhet ta transportosh me karrocë dore, shumë pak njerëz do të blinin gazeta të tilla.

Disa përdorin argumentin se gazeta është mall si çdo mall tjetër. Gazeta është mall nëse flasim për letrën. Gazeta është dhe shërbim kur flasim për punën që bëjnë shkronjat në atë letër. Gazeta është politikë, është kulturë, është ushqim shpirtëror, është zbavitje në kohë të lirë. Gazeta dhe TV- ja janë shumë më tepër se mall e nuk mund t'u nështrohen në mënyrë strikte vetëm rregullave të tregut të lirë kur masim vlerën e tyre shoqërore. Gazetat janë edhe ushtarë, edhe policë edhe gjyqtarë, edhe hetues, edhe spiunë edhe…

Nuk thuhet kot se shtypi është pushtet i katërt. Por si me çdo pushtet nuk duhet spekulluar as me pushtetin e katërt. Si për çdo pushtet nuk duhet minuar as i katërti. Lehsizmi është praktikë uzurpuese e pushtetit të katërt. Ekziston njëfarë rreziku që nga bashkimi i bandokracisë (pushtet i bashkuar i politikës dhe krimit të organizuar) me pushtetin e katërt të dëmtohet rëndë demokracia, shoqëria, individi. Tani ka një ndërthurje të pushtetit të katërt me bandokracinë. Shumë botues gazetash u bënë pronarë pasanikë me mënyra tëdyshimta. Shumë gazeta po dalin të lidhura me shërbimet sekrete. Biznesi krijoi gazetat e veta për të bërë luftë herë të ndershme herë të pandershme. Gazetat partiake janë pakësuar e zbehur. Kjo duhet parë si dukuri negative jo pozitive sikurse kujtohej para disa vitesh. Pushteti përpiqet të blejë e nënshtrojë gazetarë dhe gazetarët përpiqen të tërheqin pas e të kompromentojnë ose diskreditojnë pushtetin. Veprimtaria që bën Lesi në parlament, në një farë mase edhe Braçe, është tregues se si pushteti i katërt kërcënon me keqpërdorim pushtetin tjetër ku ka futur këmbët e hundët. Kështu bëjnë Baze, Balliu, Rakipi e të tjerë në mjediset partiake. Prandaj është shumë e rrezikëshme që ligjvënia për pushtetin e katërt të bjerë në dorë të Lesit e të lehsizmit, siç është e rrezikëshme që dhe gazetari të bëhet bisht i biznesit. Këtu duhet roli i gazetarëve të ndershëm që të luftojnë për lirinë e pastërtinë e shtypit, të ngrejnë mbi gjithçka forcën e profesionalizmit, të mbajnë pandershmërinë e biznesit, politikës, partive larg nga kontrolli mbi gazetarinë, që është shërbimi publik më i nevojshëm dhe duhet të jetë më i ndershmi. Pastaj duhet shikuar me shumë shqetësim rënia e gjyqsorit nën diktatin e politikes për të sulmuar gazetarinë, apo edhe nganjëherë nën diktatin e gazetarisë që përçudnon politikën.

Ka një kompleks problemesh për lirinë e shtypit e pushtetin e katërt, që nuk duhet në asnjë mënyrë të lihet të trajtohen sipas mendjengushtësisë e dinakërisë së "le(h)sizmit".

[FierAkja143]

TopChannel-Top Albania Radio-Top Records-DigitAlb-Top Media-Gazeta Shqip)

lol te gjitha me "top" ne shjqipri ca behet kshu!

po ti AAAA pse bertet nje here? mendon se ta kemi friken apo ca?


ju flm per mirkuptimin
Top-Fierakja143

[TOKE GEGA]

lol te gjitha me "top" ne shjqipri ca behet kshu!

po ti AAAA pse bertet nje here? mendon se ta kemi friken apo ca?


ju flm per mirkuptimin
Top-Fierakja143

CUPE E BABAJT UNE JAME I URTE PA KETA TE PARTIS SOCJALISTE JANE TE IDHTE[COLOR="Blue"][COLOR="Red"]!!![FONT="Arial Black"][SIZE="6"]E BENE MASAKREN 1997 DHE PO PUNOJNO MOJ PUNOJNE QE NATEN TA KETHEJNE NE DITE DUKE PUNUAR QE TA RIBEJNE EDHE NJE HERE 1997


Pergjimet e Bares/Urdhri në telefon për vrasjen ditën e zgjedhjeve MireC'kaKeq Vleresimi: (0 Vota)


Lajme te ngjashme
Pergjimet e bandes se Bares- Dondollaku kryepolicit: Lëre punën
• i dates 21/04/07


Derguar me: 24/04/2007 - 08:04
• Goditja e grupeve rivale që u krijonin probleme apo që përbënin një kërcënim serioz për “Bandën e Lushnjës” është një tjetër pjesë e rëndësishme e dosjes

Unë them kështu...nga shtëpia e “Kele”, shtëpia e Taullaut duket shumë mirë, me një karamele të gjatë ...e heq qafe”. Kjo pjesë është shkëputur nga biseda mes Dondollakut dhe “profesorit”, të cilët janë duke rrahur mendimet në lidhje me një rivalin e tyre të drejtpërdrejtë. Dondollaku i njohur si “krahu i djathtë” i “profesorit” i propozon atij një variant sesi mund të eleminojnë një person të njohur në qytetin e Lushnjës. Goditja e grupeve rivale që u krijonin probleme apo që përbënin një kërcënim serioz për “Bandën e Lushnjës” është një tjetër pjesë e rëndësishme e dosjes së hartuar nga Policia Italiane. Agjentët e Seksionit të Shtatë të Antidrogës së Torinos kanë rregjistruar disa telefonata që dëshmojnë se si drejtuesit e bandës organizonin veprimet operative në terren. Në tre telefonata të rregjistruara në datat 24 dhe 27 shkurt 2003 bëhet fjalë për organizimin e një atentati ndaj shtetasit Baki Taullahu. Ky i fundit njihej si një biznesmen që mbështeste haptazi PD-në në qytetin e Lushnjës. Madje ekzekutimi i tij është bërë pikërisht mbrëmjen e 3 korrikut 2005, kur mbështetësit e së djathtës në Lushnje ishin duke festuar në qendër të qytetit fitoren e zgjedhjeve parlamentare. Por Taullahu dhe njerëz të afërt të tij kanë qenë gjithashtu të skeduar nga policia si elementë me precedentë penale. Njerëz shumë të afërt të tij janë arrestuar gjatë një operacioni antidrogë të policisë së kryeqytetit me 30 kilogramë përzjerës heroine dhe një pistoletë me silenciator. Pavarsisht këtij fakti, në dosje ekspozohet vetëm ajo pjesë që tregon se cilat ishin kapacitetet e kësaj organizate dhe çfarë ishte në gjëndje ajo të bënte, sesi drejtuesit e saj nëpërmjet fjalëve të koduara, “karamele”, “marmitë”, “atlete sportive” etj, jepnin mesazhe për të vënë në lëvizje strukturat e tyre.
Atentati
Pasditen e 24 marsit 2003 agjentët e Seksionit të Shtatë të Antidrogës së Torinos kanë rregjistruar një bisedë që bëhej mes Dondollakut dhe “profesorit”. Dondollaku e informon “profesorin” për një plan që ai kishte në mëndje me anë të të cilit synonte eleminimin e një rivali të tyre. Mes të tjerash Dondollaku i propozon shefit të tij për ti çuar një “karamele”(plumb) Taullaut. “Profesori” e pyet nëse e kishte menduar mirë dhe çfarë masash kishte marrë që goditja të dilte me sukses. Në të vërtetë detajet e bisedës së transkriptuar nga policia italiane janë me të vërtetë të frikshme. Por pavarsisht bisedave të rregjistruara, policia italiane nuk jep detaje nëse atentati është realizuar apo ka dështuar. Këto fakte të paraqitura në dosjen 9772/02, nuk përbëjnë një provë ligjore, përsa kohë nuk ka një vendim gjykate që ti ketë vlerësuar si të tilla.
Objektivi
Personi i cili përmendet si objektiv i atentatit në bisedat telefonike nr. 150, 151, 152, Baki Taullau tashmë është i vdekur. Eleminimi i tij është kryer pikërisht nga një prej eksponentëve më të rëndësishëm dhe më të frikshëm të së quajturës “Banda e Lushnjës”, Leonard Priftit apo i njohur ndryshe me nofkën “Çibiku”. Taullau u ekzekutua në qendër të Lushnjës, duke qenë një nga dy precedentet e përgjakshëm të zgjedhjeve të 3 korrikut 2003, ditë në të cilën mbeti i vrarë dhe komisioneri i PR-së në Tiranë, Laerton Vathi. Viktima kishte qenë një nga më mbështetësit më aktivë të opozitës së asaj kohe gjatë fushatës elektorale dhe sapo kishte marrë vesh lajmin e fitores kishte dalë në shesh për të festuar, duke i lënë pas dore masat e sigurisë. Prifti ka përfituar nga ky fakt dhe i është afruar pa rënë në sy. Me anë të një pistolete me silenciator ai e ka lënë Taullaun të vdekur në mes të sheshit. Por Prifti nuk ka mundur të ecë më shumë se 30 metra nga vendi i krimit pasi është vrarë po nga një armë me silenciator, duke marrë me vete enigmën një seria të gjatë atentatesh të bujshme. Kjo ngjarje, e cila përgjaku fitoren e së djathtës, duket se ishte zanafilla e operacionit “Laguna” të organizuar nga Ministria e Brendëshme, që kishte si objektiv asgjesimin e “Bandës së Lushnjes”.

Artan Hoxha

[LAINA]

As shkronjat blu dhe as selia blu (normal ose bold qofshin) nuk kane te drejte te na imponojne mendimet apo opinionet e tyre. Qeveria (nese eshte vertet e tille) dhe presidenti duhet te pozicionohen ashtu sic u takon ne kete ceshtje. Kush eshte Partia apo qeveria apo Salia qe do na heqe te drejten e te menduarit vete, te drejten e te thenit te asaj qe mendon ,te drejten e te besuarit te se vertetes dhe te manifestimit te opinioneve personale?! A di te ma thote njeri ndryshimin mes indoktrinimit te nje populli te tere per 50 vjet rresht nga diktatura komuniste dhe asaj qe Berisha & co. po mundohen te bejne?! Nese ka qofte edhe nje ndryshim, uroj qe ndryshimi te jete qe kjo e dyta te ngelet thjesht nje tentative!
Duart e pastra nuk tregohen me sulme te uleta dhe as me thika mbas shpine, as me akuza papagajsh te stervitur qe perserisin besnikerisht mesimin e rradhes! E verteta eshte shume e thjeshte dhe perceptohet kollaj! Kujtoni qe nuk ka me budalla se gomari plak qe rrezohet dhe bie dy here ne te njejtin vend.........

[Alienated]

ore AAA po zvogelo nje cik ato germat o burre i dheut se na hape syte na na duke u munduar te lexojme ca ke katranosur aty

Konflikti i Berishes me Top Median me duket tendence per te ndaluar fjalen e lire e cila po i krijon shume probleme Berishes.

Top Media me te gjitha elementet perberese (TopChannel, TopAlbania Radio, DigitAlb, Gazeta SHQIP) po i bejne shume probleme Berishes, sepse ne emisionet e TCH, sidomos ne Fiks Fare gati per cdo nate ka nga nje tregim per Berishen. Cfare ka thene ne kohe fushtate - dhe cfare po ben ne nderkohe. Te terhiqet nje paralele e tille, eshte shume gje e mire per votuesit shqiptare, te cilet i kane besuar kryetarit blu. Te tregohet se ajo qe e ka premtuar po shkelet, dhe ajo qe e ka share Berisha po realizohet s'me duket fare gje e keqe.

Ishte Berisha qe thoshte se Nano eshte mafioz, klani i Zemunit, Aldo Barre, e cdo gje per NANON dhe doli nje dite dore per dore me te, duke u munduar ta beje president e te ndikoje ke nje grup Socialistesh komuniste truvyshkur qe te largojne RAMEN qe Berisha e ka "halë ne sy".

Ishte Berisha qe tha se AlbTelekomi s'duhej shitur turqve dhe se Kompania qe e kishte blere ishte e Nanos, dhe perseri te njejten i shiti turqve.

Ishte Berisha qe tha se nuk do lejonte ndertimin e centralit ne Vlore ngaqe po demtohej bregdeti dhe megjithate dha leje per ta ndertuar.

Ishte Berisha qe tha se Club Mediterrenean s'duhej ndertuar dhe se duhej toka t'u kthehej pronareve te vertete, dhe perseri i dha token ClubMedit per ta bere kompleksin turistik.

Keto krahasime, dhe shume te tjera qe po i ben FIKSI nepermjet Top Medias, keto i pengojne Berishes.

Shto ketu dhe nje mikun e Berishes (kunat a baxhanak - ca e kishte) qe paska hapur nje TV privat e qe s'i ben dot balle konkurences se Top Medias, dhe kjo nje arsye e ulet shume, per te shuar TopChannel.

TopChannel (sipas revistes EUROSAT) ishte ne numrin 10 ne listen e 20 televizioneve satelitore me te shikuara ne BOTE!!!

[TOKE GEGA]

Nis sot kontrolli në të gjithë territorin e vendit për evidentimin e respektimit të rrezes së transmetimit nga operatorë


KKRT: Penalizohen ata që nuk respektuan licensën


Këshilli Kombëtar i Radio-Televizionit do të nisë sot aksionin për pastrimin e spektrit të frekuencave nga transmetimet e paautorizuara, me qëllim rritjen e cilësisë së transmetimeve të operatorëve të ligjshëm. Në mbledhjen e saj të radhës, pak ditë më parë KKRT vendosi ndërmarrjen e një kontrolli në të gjithë territorin e vendit për evidentimin e respektimit të rrezes së transmetimit nga operatorët e licencuar. Zëdhënësja e KKRT-së, Armanda Shtëmbari, njoftoi dje se kjo ndërhyrje e entit rregullator bëhet me qëllim zbatimin e Ligjit "Për Radion dhe Televizionin Publik dhe Privat", i cili parashikon respektimin e kushteve të licencimit të operatorëve. Në mënyrë të veçantë, ky vendim parashikon krijimin e hapësirave për dhënien e licencave të reja dhe marrëveshjen ndërkombëtare në këtë fushë. Me zbatimin e këtij vendimi do të merret grupi teknik i KKRT-së, i cili do të veprojë sipas një plani të përcaktuar gjatë punës për finalizimin e planit të frekuencave. "Vendimi për kontrollin e shfrytëzimit të frekuencave që është vendosur në mbledhjen e Këshillit Kombëtar të Radio-Televizionit, do të zbatohet në të gjithë territorin e Republikës së Shqipërisë. Madje, në këtë vendim parashikohet dhe marrja e masave ndëshkimore që parashikohen në ligjin 8410 për të gjithë ata operatorë që nuk respektojnë dispozitat ligjore. Masat ndëshkimore që parashikon ky vendim, do të jenë plotësisht transparente, proporcionale dhe jodiskriminuese, në përputhje me kriteret e ligjit 8410", u shpreh Shtëmbari, duke shtuar se ky plan konsiston në verifikimin e shfrytëzimit të spektrit të frekuencave për transmetimet televizive. Ajo theksoi gjithashtu se në këtë vendim është parashikuar që grupi teknik i KKRT-së të verifikojë të gjitha ndërhyrjet e dëmshme për transmetimet e radio-televizionit, madje ky vendim për kontrollin e shfrytëzimit të frekuencave që është marrë nga KKRT-ja, i ka dhënë grupit teknik të këtij institucioni kompetencën për të bllokuar të gjitha stacionet televizive që janë të paautorizuara për transmetim. Po në deklaratën për shtyp bëhet e ditur se ky vendim, i cili është diskutuar dhe më parë, parashikon dhe verifikimin e mbulimit me sinjal të territorit nga televizionet kombëtare, përfshirë edhe televizionin publik, dhe në mënyrë të veçantë evidentimin e vendeve të lira për planifikimin e transmetimeve numerike (dixhitale).





Vetëm në Tiranë, kreu i PS-së rekruton më shumë se 2300 anëtarë me pagesë


Rama, paramilitarë për zgjedhjet në PS


Drejtuesit e Partisë Socialiste të Tiranës janë përfshirë nga debate të ashpra lidhur me anëtarësimet masive në prag të zgjedhjeve për kryetarin e PS-së në Kongresin e 12 majit. Ata shprehën dyshime të forta për përdorimin e anëtarëve të rinj nga kryetari i PS-së, Edi Rama, për përmbysjen e rezultatit që do të dilte në rast të pjesëmarrjes së anëtarëve realë të PS-së. Sipas tyre, anëtarët e rinj janë njerëz të paguar të Ramës, të cilët janë anëtarësuar në mënyrë të përkohshme sa për të marrë përfitimet e premtuara nga kreu i PS-së. Burimet brenda kësaj partie thanë se për zgjedhjet e 12 majit janë bërë 2300 anëtarësime të reja. Sekretari Organizativ i Degës së Tiranës, Enver Reçi, vetëm pak ditë më parë shprehu shqetësimin e tij për fluksin e jashtëzakonshëm të këtyre anëtarësimeve në një numër kaq të lartë. Burimet pohuan gjithashtu se kryetari i PS-së së Tiranës, Besnik Bare, përveç anëtarësimeve të reja, ka krijuar 2000 organizata të partisë në kryeqytet për të siguruar sa më shumë propozime në favor të Ramës. Kjo ka bërë që deri dje të regjistrohen vetëm gjysma e kandidatëve që do të marrin pjesë si delegatë të Kongresit, ndërkohë që regjistrimi i tyre përfundoi dy ditë më parë. Socialistët e Tiranës shprehën shqetësimin për përfshirjen e LSI-së në përplasjet e brendshme të socialistëve, duke e parë këtë si një ogur të keq në mbarëvajtjen e debateve në parti. Në Njësinë Bashkiake të Kombinatit, kryetarja e kësaj njësie, Luzhiana Abazi, ka shkarkuar 14 kryepleqtë e zonës, të cilët njëkohësisht mbajnë edhe postet e kryetarëve të organizatave bazë socialiste. Të shkarkuarit shprehen se vendimi i kryetares së Njësisë Bashkiake është një presion i hapur i saj ndaj drejtuesve socialistë në funksion të zgjedhjeve të brendshme në PS. Sipas tyre, në këtë vendim kanë ndikuar lidhjet familjare të kryetarit aktual të PS të Tiranës, Besnik Bare, dhe kryetares së Njësisë Bashkiake të Kombinatit. Shkeljet e rënda të statutit, mosfunksionimi i partisë dhe rezultatet humbëse në dy proceset e fundit zgjedhore janë pasojë e abuzimeve me procesin zgjedhor që përgatitet brenda PS-së. Dy ditë më parë, anëtarë të Kryesisë dhe asamblesë së Degës së PS të Durrësit kërcënuan se nuk do të lejojnë zhvillimin e procesit zgjedhor brenda strukturave të kësaj partie më 12 maj. Ata akuzuan të deleguarin e Ramës në Durrës, Gazmir Bizhga, për shkelje të rënda të statutit të partisë. Edhe në këtë degë, shkak i përplasjeve janë bërë anëtarësimet e reja masive që kanë të njëjtin synim, atë të manipulimit të rezultateve të votimit të anëtarësisë. Grupi i kundërshtarëve, ku bëjnë pjesë edhe ish-deputetët Bardhyl Agasi, Natasha Paço dhe Gjergj Koja, si dhe mjaft ish-drejtues të pushtetit vendor, u shpreh se përbën më shumë se gjysmën e anëtarëve të Kryesisë dhe të Asamblesë së Degës së PS në Durrës. Ditët e fundit, reagime të ashpra janë vërejtur në të gjitha degët lokale të socialistëve, sidomos atje ku ka qenë prezent edhe kryetari i PS-së, Edi Rama. Në Përmet, Vlorë, Fier, Lushnjë, militantët janë ngritur kundër politikave denigruese, përjashtuese dhe klienteliste që ka instaluar Rama dhe klani i tij. Në Përmet, Rama u detyrua të tërhiqet nga lista e anëtarëve falso dhe të përulet para kërcënimeve të shumicës, që nuk kanë ngurruar të përdorin edhe grushtet, për ta bërë Ramën që të dëgjojë zërin e tyre. Ndërsa në Dibër, dhuna ka degjeneruar në goditje me thika. Paketa e miratuar në Kongres dhe që po shqyrtohet në të gjitha degët, ka shërbyer për të ravijëzuar grupet rivale dhe konfliktet e thella që ekzistojnë në radhët e PS-së, ashtu si edhe në gjirin e të majtës.

[no name]

Mediat duhet te jene te lira per mendimin tim