Vdes ish-Presidenti Boris Jelcin; kush ishte dhe c'rol luajti ne bote.

[antares]

Nje minute perpara u dha lajmi i vdekjes se ish-Presidentit te Federates Ruse Boris Jelcin.
Pervec moshes (76) vjec, AFP/REUTERS nuk japin detaje te tjera.......
Do te shpresoja qe nese tema do te terhiqte ndonje interes, te zhvillohej ne linjat
a) C'rol luajti ky personazh ne Rusi
b) Roli i tij (dhe i shtetit qe perfaqesoi) ne arenen nderkombetare.
c) Zgjedhja e Putinit nga (Jelcini) ishte nje llogari e gabuar apo nje llogari me qitje te larget (Duke pare performancat dhe qendrimet shpesh diametralisht te kunderta te ketyre dy Presidenteve).
Shpresoj qe (nese do kete diskutim) te zhvillohete brenda rregullave etike dhe te dominoje analiza mbi emocionet.

[Borix]

Lajmi ne CNN, 4/23

Boris Yeltsin per mendimin tim ishte nje figure kontradiktore, dhe ne te njejten kohe nje politikan i trazuar ne socializem e qe nuk ia kishte idene demokracise. Nuk kam patur asnjehere simpati per ate njeri. Per te cituar AP: "Yeltsin greatly damaged his democratic credentials by using force to solve political disputes, though he claimed his actions were necessary to keep the country together."

[Dorontina]

Ishte shum i smuar...qfar mund te ben nji njeri qe smund te rin ne kambet e veta ...
ka shum njerz te smuar qe sundojn ....ka ardh koha femnat ne pushtet .

[Zemrushja]

Vdes ish presidenti rus, Jelcin

Ish-presidenti rus, Boris Jelcin, ka vdekur në moshën 76 vjeçare.
Z. Jelcin vdiq në spital pas problemeve në zemër. Është konfirmuar se ai vdiq papritur.

Por një nga autoritetet më të larta mjekësore në Kremlin nuk dha hollësi të tjera.

Edhe pse z. Jelcin kishte pësuar disa infarkte në vitet '90 kur ishte në postin e presidentit, vitet e fundit ai dukej më i shëndetshëm dhe kishte dalë disa herë në publik.

Deri tani nuk ka patur reagime nga personi i zgjedhur nga vetë z. Jelcin për t'u bërë pasardhësi i tij, presidenti rus, Vladimir Putin.

Por Mikhail Gorbachev, udhëheqësi i fundit i Bashkimit Sovjetik, i ka shprehur tashmë ngushëllimet familjet së tij.

Ndryshime dramatike

Ai tha se jetët e tyre ishin ndeshur në një kohë kur vendi po kalonte ndryshime dramatike, të shpërbërjes së BS në fillim të viteve '90.

I zgjedhur në vitin 1991, z. Jelcin ishte udhëheqësi i parë i Rusisë post-komuniste që e shtyu vendin drejt demokracisë dhe ekonomisë së tregut.

Gjatë tetë vjetëve të tij në pushtet, në Rusi u forcua klasa e oligarkëve ndërsa industria e vendit kaloi në pronësi private me çmime fare të ulta.

Z. Jelcin po ashtu e futi Moskën në konflikt me rebelët separatistë në Çeçeni, konflikt ky që përfundoi me tërheqjen e rusëve.

Z. Gorbachev, pasi mësoi lajmin e vdekjes së z. Jelcin tha se ai kishte bërë gjëra shumë të rëndësishme për Rusinë, por në të njëjtën kohë, kishte bërë dhe shumë gabime.

Reagime

Në Uashington Shtëpia e Bardhë tha se Boris Jelcin kishte qenë një figurë historike në një kohë ndryhsimesh dhe sprovash të mëdha për Rusinë.

Kryeministri britanik, Tony Blair, tha se z. Jelcin ishte një udhëheqës mbresëlënës që kishte kuptuar nevojën për reforma demokratike dhe ekonomike.

Ai tha se z. Jelcin kishte luajtur një rol jetësor në një kohë kyçe për Rusinë.

Në Moskë, një nga pjesëtarët e qeverisë së tij, Boris Nemtsov, tha se shumë nga liritë Rusia kihste fituar në kohën e tij, tani po zhdukeshin.

Z. Nemtsov tha se Boris Jelcin i kishte dhënë vendit shtypin e lirë dhe konkurencën politike, por këto arritje tani po shkatërroheshin.

BBC Shqip

[antares]

Sigurisht! Sipas BBC (shqip apo arabisht) eshte me "demokratike" dergimi i tankeve kunder Parlamentit se sa vendosja e ca ligjeve kunder kelysheve te CIA- me emrin Korpusi iPaqees apo ........

[Zemrushja]

Infarkti i merr jetën liderit të parë të Rusisë post-komuniste

Ish-presidenti rus, Boris Jelcin, u nda dje nga jeta dhe lajmi u konfirmua nga Kremlini. 76-vjeçari Jelcin ka humbur jetën nga një atak kardiak, pas një serie të gjatë shqetësimesh në zemër. Në vitin 1991, ai bujshëm, nxori jashtë loje ish-presidentin sovjetik Mikhail Gorbaçov dhe më pas triumfoi kundër parlamentarëve të linjës së ashpër, në vitin 1993. Jelcin u bë i pari President i Rusisë i zgjedhur në mënyrë demokratike, pasi Gorbaçov dha dorëheqjen si lider sovjetik në dhjetor 1991. Jelcin fitoi reputacion ndërkombëtar si mbrojtës i demokracisë kur në gusht 1991, ai u ngjit mbi një tank në Moskë, duke mbledhur moskovitët në protestë kundër një përpjekjeje për grusht shteti të mbeturinave të erës së glasnostit e perestrojkës. Jelcin ka kaluar pesë operacione në zemër gjatë atyre viteve. Jelcin urdhëroi tanket ruse të qëllonin kundër parlamentit të tyre, në tetor 1993, pasi godina ishte pushtuar nga kundërshtarët politikë të vijës së ashpër. Por, analistët thonë se Jelcin do të mbahet mend mbi të gjitha si njeriu që solli demokracinë në Rusi. Ai udhëhoqi vendin në kohën e privatizimit masiv, në fillimvitet ‘90-të dhe lançoi gjithashtu një operacion masiv ushtarak në Çeçeni, në 1994-ën. Lajmëroi tërheqjen e tij, ditën e fundit të shekullit të 20-të dhe ia dorëzoi pushtetin shefit të shërbimit sekret, Vladimir Putin. Duke folur në një intervistë në televizionin rus, në vitin 2000, Jelcin tha se ai i konsideronte jetët e humbura në Çeçeni si përgjegjësinë më të rëndë, me të cilën duhej të ndeshej tërë jetën e tij. Por, ai shtoi se nuk kishte pasur alternativë tjetër dhe se Rusia ishte detyruar të reagonte kundër separatistëve çeçenë. "Nuk mund ta heq nga mendja peshën e Çeçenisë, nuk mund të harroj dhimbjen e aq shumë nënave e baballarëve", tha ai. "Unë e mora atë vendim, ndaj edhe unë jam përgjegjës për gjithçka ndodhi". Ndërkohë, ndër të parët që i ka shprehur ngushëllime familjarëve të Jelcinit, ka qenë pikërisht rivali i madh i tij, Mikhail Gorbaçov. "Në historinë e tij, ka pasur vepra të mëdha në të mirë të vendit, por edhe gabime të mëdha", ka thënë Presidenti i fundit i ish-Bashkimit Sovjetik për agjencinë shtetërore të lajmeve, Interfax. Sidoqoftë, "fati i tij, ka qenë tragjik", ka deklaruar Gorbaçov.

Fakte

Ngritja

Ish-bosi i ndërtimeve, me flokë të zbardhur, nga Uralet, "pushtoi" botën në vitin ‘91, duke sfiduar komunistët e linjës së ashpër e i ngjitur mbi një tank, ndali grushtin e tyre të shtetit

Lideri

Kryesoi vendin në periudhën e vështirë të rënies së komunizmit sovjetik dhe u bë i pari lider i Rusisë, i zgjedhur në mënyrë demokratike. E mori pushtetin nga Presidenti sovjetik, Mikhail Gorbaçov

Rënia

Lufta e viteve 1994-1996, që ai filloi kundër rebelëve në Çeçeni, përfundoi me vdekjen e dhjetëra mijëra personave dhe ushtria e lodhur ruse pësoi një poshtërim të vërtetë, çka njollosi pushtetin e tij

Çoroditja

Kishte një anë të errët në personalitetin e tij dhe vitet e fundit në pushtet e paraqitën si një figurë të çoroditur, të izoluar në Kremlin dhe peng të depresionit. E për më tepër, këto vite mjegullohen edhe nga efekti i pijes

Dorëheqja

Jelcin nuk e humbi kurrë aftësinë për të çuditur. Dorëheqja, më 31 dhjetor ‘99, u shoqërua me një ndjesë për gabimet e bëra. Kjo habiti Rusinë e botën. Realizoi pas kësaj një kalim paqësor pushteti tek "i përkëdheluri" i tij, Vladimir Putin

© Gazeta Shqip - 2006-2007

[Zemrushja]

Trupi i ish presidentit rus, Boris Jeltsin është vendosur në një katedrale për homazhe në qendër të Moskës.
Ai vdiq të hënën nga pushimi i zemrës.

Funerali i zotit Jeltsin do të mbahet të mërkurën që është shpallur ditë zie kombëtare në Rusi.

Udhëheqësit botërorë kanë vlerësuar figurën e tij si personi që drejtoi rënien e BS dhe tranzicionin e Rusisë në demokraci dhe kapitalizëm.

Pasuesi i zotit Jeltsin, Vladimir Putin e cilësoi atë si baba të demokracisë ruse.

Mikhail Gorbacçov, udhëheqësi i fundit i ish BS ishte edhe reformator edhe rival politik i tij.

Duke i bërë homazhe veprës së Jeltsinit, ai foli për arritje të tij ashtu edhe gabime serioze.

Ky vlerësim i dyanshëm duket se do të jetë edhe mënyra se si Rusia do të mbajë mend Jeltsinin.

Ai siguroi që vendi të mos kthehet më në autoritarizimin mbytës të komunizimit sovjetik, por nga ana tjetër drejtoi edhe një fushatë ushtarake shkatërrimtare për të shtypur përpjekjet e Çeçenisë për pavarësi dhe ishte gjatë periudhës së tij që disa persona siguruan të ardhura të majme në rrethana plot pikëpyetje nga shitja e pasurisë shtetërore.

Për këtë arsye, shumë rusë do ta mbajnë mend atë si për opozitën ndaj komunizmit të vijës së ashpër, ashtu dhe kaosin që pasoi rënien e sistemit që ai sfidoi.
Në uashignton , Presidenti Bush e quajti atë figurë historike . Presdienti i Komisionit evropian Jos emanuel barrosi vlerësoi atë që ai e aujti kurajo tl zotit jeltsin në mbrojtje të lirisë

BBC Shqip

[Imperator]

Shpreh ngushellimet e mia per Ish Presidentin e Rusise.

Nga sa di une dhe nga informacionet qe kam une ai ka bere shume gjera te mira per Rusine post-komuniste, si e drejta e fjales se lire dhe e shtypit, lejoi pronen private dhe e mbeshteti Rusine ne castet e veshtira per tu integruar si nje shtet demokratik. Por si cdo njeri ka patur dhe ai gabimet e tij, si nisja e konfliktit me Çeçenine e disa deklarata te dyshimta te tij ne dem te disa shteteve ose krahinave ne lufte.

Pavaresisht ketyre ai ka bere me shume se cdokush per nje Rusi demokratike, madje dhe me shume se pasardhesi i tij Vladimir Putin i cili po e con Rusine dalengadale ne nje tjeter komunizem me shtypjen e perditshme te lirive dhe te drejtave te njeriut ne Rusi e gjithashtu dhe per rolin teper negativ qe luan ne arenen nderkombetare. Me pak fjale, Ish Presidenti Jelcin mbetet nje nga figurat me Demokratike te Politkes Ruse.

Edhe njehere shpreh ngushellimet e mia per Ish Presidentin Jelcin.

Imperator

[Davius]

Boris Jelcin, njeriu që solli demokracinë në Rusi

Boris Jelcin, ka lindur më 1 shkurt të vitit 1931 në Butka, në zonën Sverdlovsk, Rusi dhe vdiq më 23 prill të vitit 2007 në Moskë. Ai ishte një ndër politikanët më të njohur rusë. Jelcin qe presidenti i parë i Federatës së Rusisë (1991-1999) pas shkrirjes së bllokut komunist.

Fëmijëria dhe arsimimi

Ai ishte fëmija më i madh nga tre fëmijët e Klaudia Vassilievna dhe Nikolai Ignatieviç Jelcin, një njeri që besonte në arsim dhe edukim në mënyrë të verbër.Ai ka kaluar një fëmijëri të vështirë në një familje të shqetësuar nga ngjarjet dhe pasojat e tyre. Në vitin 1935, i ati i Boris Jelcinit e zhvendos familjen në Beriozniki dhe bëhet punëtor në kantierin e ndërtimit të një kompleksi industrial. Në atë kohë familja përballet me një jetesë jo shumë të përshtatshme, madje të vështirë duke fjetur në të vetmen dhomë që kishte në një barakë prej druri. Që fëmijë, Boris Jelcin ishte “ushqyer” me një energji që i vlejti atij për t’u zgjedhur komandant klase gjatë gjithë studimeve. Në këtë plan shkollor, ai nuk has kurrë vështirësi. Gjatë luftës, ai vjedh dy granata në një depo ushtarake dhe ndërkohë që ato shpërthejnë ai humb dy gishta të dorës së majtë. Ai ruante nga betejat e tij një hundë boksieri të lënë nga një goditje me shkop. Në autobiografinë e tij të titulluar “Deri në fund” ai tregon që në moshë shumë të re, duhej të përballej me budallallëkun dhe ligësinë. Në festën e dhënies së diplomave me rastin e përfundimeve të studimeve, Boris kërkoi të drejtën e fjalës. Para mësuesve, prindërve dhe nxënësve, ai akuzoi mësuesen kryesore të shkollës së sadizmit. Drejtoria e shkollës, e skandalizuar, vendos të mos i japë diplomën, gjest që i mbyll atij automatikisht portat e të gjitha shkollave të Bashkimit Sovjetik. I riu Boris kundërshtoi vendimin e dhënë, dhe për këtë shkak u hap një hetim për punën e mësueses në mënyrë që ai të merrte diplomën. Pas hetimeve, mësuesja u përjashtua nga shkolla. Që nga ajo kohë, i riu Jecin u apasionua pas shumë sporteve, por mbi të gjithë pas volejbollit. Ai e frekuentoi shumë këtë sport dhe u bë kampion në nivel rajonal. Kur ishte në periudhën e adoleshencës ai ishte shumë i dhënë pas anijeve. Bëri një kërkesë për të hyrë në seksionin e ndërtimit të Institutit Politeknik të Oralit, në Sverdlovsk. Paralelisht me studimet, ai u anëtarësua në ekipin e divizionit të parë të volejbollit të qytetit. Ky divizion ishte i përbërë prej 12 ekipeve më të mirë të Bashkimit Sovjetik. Është pikërisht në këtë kohë, që atij i bëhet zakon të mos flejë më shumë se katër orë në natë. Në një kohë kur ishte shumë i ngarkuar, ai has një dobësi kardiake. Pas kalimit të kësaj periudhe, ai kreu studimet e mesme në Berezniki dhe më pas në Institutin politeknik të Uralit në Sverdlovsk. Për të marrë diplomën e inxhinierit, Boris Jelcin realizoi një punim për televizionet. Jelcin paraqitet në shtator të vitit 1955 në uzinën e konstruksionit të instalimeve të rënda. Ai i kushtoi një vit mësimit praktik të 12 specialiteteve të ndërtimit. Pasi përfundoi këtë vit, punonjësi i ri ndjehet i gatshëm të bëhet përgjegjës. Ndërkohë që ai drejtonte një ekip të burgosurish, përgjegjësi i ri vendos t’i japë një rrogë për shpërblim përveç rrogës së zakonshme. Mënyra e tij e të llogariturit bëri që rroga e të burgosurve të ulet më shumë se mesatarja. Një i burgosur paraqitet në zyrën e tij i armatosur me një heshtë dhe i kërkon llogari për të rregulluar ish-urdhrin e pagimit. Boris Jelcin nuk pranoi, ndërsa i burgosuri e kërcënoi me vrasje. Nga viti 1956 në 1963, Boris Jelcin zë, pas atij të përgjegjësit, postet e shefit të kantierit, të kryeinxhinierit, më pas të shef i drejtorisë së ndërtimit të një kompleksi të punëve publike. Ndërkohë, ai bëhet anëtar i Partisë Komuniste në vitin 1961.

Anëtar i Partisë Komuniste

Ai u anëtarësua në vitin 1961 në Partinë Komuniste të Bashkimit Sovjetik dhe bëhet në vitin 1969 funksionar i partisë. Ai drejtoi duke filluar nga viti 1977 seksionin e partisë së zonës Sverdlovsk (që do të thotë që urdhëroi prishjen e vilës Ipatiev, ku u masakruan në korrik të vitit 1918, cari Nikola II dhe familja e tij. Më vonë, Jelcinit do t’i vijë keq që kishte dhënë këtë urdhër). Nga 24 dhjetori i vitit 1985 në vitin 1987, ai drejton seksionin e partisë së Moskës. Ai dha dorëheqjen nga funksionet e tij sepse kishte kritikuar Mikhail Gorbaçov për ngadalësinë e reformave të tij dhe bashkëshorten e tij Raisa, se përfshihej në çështjet e shtetit. Në mars të vitit 1989, ai zgjidhet deputet në Kongresin e deputetëve të popullit të Bashkimit Sovjetik. Në maj të vitit 1990 ai emërohet president i Republikës Socialiste Federative Sovjetike (RSFS) të Rusisë. Në qershor të vitit 1990, ai deklaron sovranitetin e RSFS të Rusisë dhe jep dorëheqjen nga partia komuniste. Gjatë zgjedhjeve presidenciale ruse të 12 qershorit të vitit 1991, ai u zgjodh me 57% të votave në krye të shtetit rus. Në vitin 1963, Boris Jelcin emërohet kryeinxhinier ndërtimesh i një kompleksi pallatesh. Tre vjet më vonë, në moshën 35-vjeçare, ai vihet në postin e përgjegjësit të përgjithshëm të kompleksit, një ndërmarrje ku u punësuan mijëra njerëz. Pasi kishte kaluar 14 vjet në këtë profesion, ai bëhet shef i shërbimit të ndërtimit në komitetin e Partisë Komuniste për rajonin Sverdlovsk. Gjatë kohës që ai filloi të kishte një karrierë profesionale të rëndësishme, jeta personale ecte po në të njëjtin drejtim. Ai ishte lumturisht i martuar me Naina Iosofovna Girina (1932), një studente që e njohur që kur ishte në shkollë. Boris Jelcin kishte me të dy vajza: Yelena (1957), dhe Tatyana (1960).

President i Rusisë

Gjatë puçit të Moskës drejtuar kundër Mikhail Gorbaçovit, i cili filloi më 19 gusht të vitit 1991, Jelcin shkoi në Shtëpinë e Bardhë të Rusisë për t’iu kundërvënë puçistëve. Forcat e armatosura të paraqitura vendosen në të dy anët e tij dhe Jelcin në këmbë mbi një podium mban një fjalim që mbetet gjatë në kujtesë, i cili do të luajë një rol të rëndësishëm në dështimin e puçit. Në shtetet e huaj ai përfitoi pothuajse menjëherë nga mbështetja amerikane dhe britanike, ndërkohë që presidenti francez François Mitterrand, me në siklet dhe mosbesues kundrejt Jelcinit, preferoi të deklarojë se kërkoi të arrijë qëllimet e "liderëve të rinj" sovjetikë duke njohur de facto qeverinë e dalë nga puçi, duke mos hezituar për të lexuar drejt për së drejti në televizion një letër që i ka dërguar atij autori i puçit. Përveç kësaj më 21 gusht, pjesa më e madhe e puçistëve ishin në arrati dhe Mikhail Gorbaçov, i liruar nga burgu i tij në Krime, mundi të kthehej sërish në Moskë. Gorbaçov ishte i pafuqishëm të pengonte shpërbërjen e ish-BS, që pushoi së ekzistuari zyrtarisht më 25 dhjetor të vitit 1991. Jelcin, i cili drejtonte Federatën e Rusisë, gjendet në krye të shtetit të ri. Kapitali i shtetit është shpërndarë në formë kuponash të blerë me çmim të mirë në një popullsi të pasigurt dhe pak të mësuar me mekanizmat kapitalistë nga më të pandershmit. Është pikërisht nën presidencën e tij që filloi në vitin 1994 lufta e parë të Çeçenisë. Jelcini kishte nevojë të një lufte të madhe dhe fituese në Çeçeni për t’i treguar popullit të tij që Rusia ishte ende një superfuqi dhe për të vendosur autoritetin e tij një ditë para zgjedhjeve presidenciale. Por në vend të një blici spektakolar, lufta do të shfaqë një dështim ushtarak dhe humanitar për Rusinë që do të ndeshë një rezistencë të ashpër të luftëtarëve të kombeve të ndryshme, duke përdorur armë të rënda shumë moderne. Personaliteti dhe gjendja shëndetësore e Boris Jelcinit janë bërë objekt i një sërë polemikash: ai u akuzua si përdorues i madh i alkoolit, gjë që i çoi disa njerëz të dyshonin në kapacitetet e tij për të përmbushur funksionet. I prekur nga sëmundje kardiake, Boris Jelcin pëson shumë atakë kardiakë, kryesisht në vitet 1995 dhe 1996, gjë që nuk e pengoi aspak të rizgjidhej sërish në këtë post përballë kandidates komuniste. Në vitet 1998 dhe 1999, përballë një situate krize ekonomike, Jelcini i ndërroi shpesh kryeministrat: Viktor Çernomërdin, Serguei Kirienko, Ievgeni Primakov, Sergei Stepaçine dhe Vladimir Putin kanë qëndruar më pak se dy vjet në krye të qeverisë ruse. Boris Jelcin qëndroi në postin e presidentit të Rusisë deri më 31 dhjetor të vitit 1999, datë në të cilën dha dorëheqjen për arsye shëndetësore, i bindur nga vajza e tij dhe këshilltarja Tatjana Diaçenko. Pasardhësi i tij u bë Vladimir Putin.

Vdekja e ish-presidentit Boris Jelcin

Ish-presidenti rus Boris Jelcin vdiq më 23 prill të vitit 2007, në moshën 76-vjeçare, bëri të ditur zëdhënësi i Kremlinit, por pa përcaktuar shkaqet e vdekjes. Megjithatë sipas burimeve mjekësore, vdekja e tij u shkaktua si pasojë e një ataku kardiak. Dihej prej kohësh që Jelcini vuante nga problemet e zemrës. Që prej largimit nga pushteti, Boris Jelcin po kalonte një pension të mrekullueshëm pasi edhe vendi po përjetonte një presidencë të mirë të vazhduar nga pasardhësi i tij Vladimir Putin. Ai ka qenë presidenti i parë i Federatës Rusi pas shpërbërjes së ish-BS dhe më saktësisht në vitet (1991-1999), para Vladimir Putinit, të cilin e kishte emëruar si pasardhësin e tij. Ai do të mbetet si njeriu i tranzicionit të komunizmit drejt kapitalizmit dhe shpërbërjes së Bashkimit Sovjetik. Në vitet 1994-96, lufta që ai zhvillon në Çeçeni shkakton dhjetëra mijëra të vdekur dhe përfundon me një tjetër zhgënjim për ish-Ushtrinë e Kuqe. Duke filluar nga viti 1995, Boris Jelcin ka shumë shpesh probleme me shëndetin, si dhe me alkoolin, deri kur u largua nga Kremlini për t’u kuruar në sanatorium për një periudhë relativisht të gjatë. Në korrik të atij viti ai u shtrua në spital për shkak të disa atakëve kardiakë. Jeta e tij bëhet një vazhdim mjekimesh dhe shtrimesh në spital.

Rëndësia e tij si lider i Rusisë

Boris Jelcin ka realizuar të pamundurën: ai ka çuar vendin në liri, theksoi Anatoli Çubais, një ndër liberalët e fundit të erës Jelcin, i cili qëndron ende në një post të lartë nën presidencën e Putinit, në atë të shefit të monopolit të elektricitetit. Nga një vend ku gënjeshtra ishte shumë e pranishme, ai bëri një vend që përpiqet të jetë në rrugë të drejtë. Për aq kohë sa ishte në jetë, Boris Jelcin kishte ende një autoritet të madh në elitat e vendit dhe pranë liderëve të huaj. Ai mundte të ngrinte gjithashtu zërin nëse kundrareformat i kalonin kufijtë. Ai ishte personifikimi i prishjes së ish-BS edhe pse në të vërtetë nuk ishte ai shkaku. Vendi i tij në historinë e vendit ishte i rëndësishëm për vetë kohën dhe te rejat që solli ai gjatë periudhës që ishte në krye të shtetit. Edhe për demokratët rusë, Jelcin “groposësi i komunizmit”, ishte një personazh multidimensional. Me gjithë temperamentin e tij autoritar, të ashpër, me gjithë faktin se qe rritur sipas rregullave komunistë të sistemit totalitar, Jelcin kishte kuptuar se ishte e rëndësishme për Rusinë të shkonte drejt demokracisë. “Jelcin na ka dhënë lirinë. Mënyra më e mirë për të nderuar kujtimin e Jelcinit do të jetë të lirojë vendin tonë”, u shpreh liberali Boris Nemtsov, ish-zëvendëskryeministër gjatë presidencës së tij. Boris Jelcin, si personalitet kompleks, lë imazhin e një reformatori shkatërrues të ish-BS, por ai i bashkëngjitet gjithashtu katastrofës së luftës së parë të Çeçenisë (1994-96) dhe kushteve të vështira të privatizimit të ekonomisë. Përkrahës i reformave të perestrojkës, Boris Jelcin njeh një periudhë lavdie dhe suksesi gjatë ditëve të puçit të dështuar në gusht të vitit 1991, kur ai hipi në një karrocë duke mbajtur nja fjalim solemn para manifestuesve duke refuzuar forcën e konservatorëve që ishin pro Mikhail Gorbaçovit. Në vijim "terapia e shokut" e administruar në ekonominë ruse bëri që miliona qytetarë të mbeten në varfëri, ndërsa të afërmit e tyre jetonin me mbetjet e ekonomisë kolektiviste të privatizuar.

Boris Jelcin varroset në prani të liderëve të huaj

Ish-kryetari i shtetit rus u varros në varrezën Novodeviçi, në jugperëndim të Moskës, në prani të shumë liderëve dhe personaliteteve të politikës së mbarë botës, ndër të cilët edhe George Bush, i ati dhe Bill Clinton. Shteti rus i dha lamtumirën më 25 prill të 2007 ish-presidentit Boris Jelcin, i cili u nda nga jeta në moshën 76-vjeçare. Me këtë rast rusët mbajtën një ditë zie kombëtare në kujtim të njeriut që shpërbëu Bashkimin Sovjetik. Përfaqësuesit e huaj, të kryesuar nga ish-presidenti amerikan Bill Clinton dhe paraardhësi i tij George Bush i ati, mbërritën rreth orës 12:00 në Katedralen e Shpëtimtarit Krisht në Moskë. Kryeministri ukrainas Viktor Janukoviç dhe presidenti kazak Nursultan Nazarbajv, që vinin nga dy ish-republika sovjetike, të cilat Boris Jelcin i ka ndihmuar të bëhen të pavarura, ishin ndër të parët që konfirmuan praninë e tyre në ceremoninë mortore. Ceremonia u zhvillua në Katedralen e Shpëtimtarit Krisht, një kishë që Josef Stalin e kishte shkatërruar në kohën e tij, por që ishte ndërtuar më pas me kërkesë të Boris Jelcinit në shenjë të mirënjohjes ruse. Përveç familjarëve, të afërmve dhe politikanëve të ndryshëm, mijëra rusë ishin mbledhur para Katedrales për t’i dhënë lamtumirën ish-liderit të tyre mëngjesin e së mërkurës. Shenjë e ndryshimit të ndodhur që prej rënies së komunizmit, Boris Jelcin nuk u varros në Sheshin e Kuq, siç ka ndodhur përgjatë disa dhjetëvjeçarëve për kryetarët e Kremlinit, por u dërgua në varrezën e Novodieviçit, ku pushojnë një numër i konsiderueshëm njerëzish të lavdishëm të Rusisë dhe Ish-Bashkimit Sovjetik, nga Gogoli te Ajnshtajni, nga Majakovski apo Kostakoviç. Konform dekretit të përhapur nga presidenti Putin, flamujt janë vendosur në gjysmë shtizë nëpër të gjithë vendin dhe stacionet televizive kanë pezulluar transmetimin e emisioneve dhe spektakleve argëtues. Të gjithë natën mijëra rusë kanë parakaluar para arkivolit të hapur të Boris Jelcinit, të ekspozuar në Katedrale për t’i bërë homazhe këtij personazhi me shumë vlerë, i cili qe i pari president i zgjedhur në mënyrë demokratike nga Rusia postsovjetike.

Si cilësohet Boris Jelcin

Vladimir Putin: Presidenti Boris Jelcin ka hapur një erë të re. Ai ka hyrë për gjithmonë në historinë e vendit dhe të mbarë botës. Një Rusi demokratike lindi, një shtet i lirë u hap në botë, një shtet në të cilin pushteti i përket realisht popullit.

Robert Gates, sekretari amerikan për Mbrojtjen: I shpreh simpatinë time familjes dhe ngushëllimet e mia popullit rus. Asnjë amerikan nuk do të harrojë imazhin e tij. Ai është një figurë e rëndësishme e zhvillimit të Rusisë drejt demokracisë.

José Manuel Barroso, president i Komisionit Evropian: Boris Jelcin ishte një referencë thelbësore në trazicionin postkomunist në Rusi. Si president, ai ka përballuar shumë sfida dhe mandate të vështirë. Ai ka mbetur në mendjet tona me faktin kur doli kundër grushtit të Shtetit që kishte si qëllim të vendoste një regjim diktatorial në Rusi. Me një kurajo të madhe personale, ai pati meritën të mbrojë lirinë.

Presidenti amerikan George Bush, e cilësoi Boris Jelcinin "figurë historike", duke nënvizuar faktin se ai i kishte shërbyer vendit të tij në një periudhë të ndryshimit themelor.

Nga ana e tij kryeministri britanik, Tony Blair, pohoi që Boris Jelcin ishte një burrë i veçantë, i cili ka luajtur një rol vital, në një moment thelbësor.

Për presidentin francez Jacques Chirac, Boris Jelcin është njeriu që ka futur Rusinë në rrugën e demokracisë.

Emri: Boris
Mbiemri: Jelcin
Ditëlindja: 01. 04.1931
Vendlindja: Butka
Kombësia: Ruse
Profesioni: Politikan rus
Presidenti i parë i Rusisë (1991-1999)

[malo666]

Nje minute perpara u dha lajmi i vdekjes se ish-Presidentit te Federates Ruse Boris Jelcin.
Pervec moshes (76) vjec, AFP/REUTERS nuk japin detaje te tjera.......
Do te shpresoja qe nese tema do te terhiqte ndonje interes, te zhvillohej ne linjat
a) C'rol luajti ky personazh ne Rusi
b) Roli i tij (dhe i shtetit qe perfaqesoi) ne arenen nderkombetare.
c) Zgjedhja e Putinit nga (Jelcini) ishte nje llogari e gabuar apo nje llogari me qitje te larget (Duke pare performancat dhe qendrimet shpesh diametralisht te kunderta te ketyre dy Presidenteve).
Shpresoj qe (nese do kete diskutim) te zhvillohete brenda rregullave etike dhe te dominoje analiza mbi emocionet.

a) ate qe populli sovjetik e krijoj me gjak per 70 vjet e shiti per 7 muaj tek palacot me te nevertishem ne bote.
c) zgjedhja e putinit ishte llogari e llogjikshme, sepse ishte po ky putin qe mban gjall kliken e yeltsinit dhe i ofroj imunitet.