Korçë, rrihet barbarisht një e moshuar

[Zemrushja]

Drita Trëndafili është gjetur pa ndjenja, e mbytur në gjak, në një nga rrugët e qytetit

Policia: Dhunuesi kishte qenë shok burgu me të birin e gruas së dëmtuar

Një grua 63-vjeçare është gjetur e masakruar dhe e mbuluar në gjak në afërsi të "Trekëndëshit" në qytetin e Korçës. Drita Trëndafili, është kthyer në viktimë të dhunës barbare, kur një i sapoliruar nga burgu i ka shkuar në shtëpi për ta grabitur.

Sipas policisë, autor i dhunës ka qenë njeriu që ka ndarë qelinë e burgut me djalin e 63-vjeçares, i cili është dënuar për trafik të qenieve njerëzore. Policia dyshon gjithashtu, se agresori e ka rrahur gruan e moshuar në shenjë hakmarrjeje dhe jo vetëm për një grabitje të thjeshtë, ai i ka shkuar natën në shtëpi dhe e ka rrahur në mënyrë çnjerëzore.

"Laert Zaçe, 26 vjeç, nga fshati Miras i Devollit ka qenë autori i dhunës ndaj 63-vjeçares Drita Trëndafili", tha për "Shqip" një oficer policie në Komisariatin e Korçës. Sipas policisë, 26-vjeçari ka dashur fillimisht t‘i marrë një shumë parash të moshuarës. Edhe për shkak të njohjes me gruan që jetonte vetëm, ai ka përfituar kur kjo e fundit i ka hapur derën e shtëpisë dhe e ka goditur menjëherë në kokë. Më pas, 26-vjeçari Zaçe ka kontrolluar çantën e gruas, nga ku ka dashur të vjedhë edhe lekët, por kur nuk ka gjetur asgjë dhe ka hasur edhe në rezistencën e viktimës së tij, që është munduar ta nxjerrë jashtë banesës, ai ka nisur ta sulmojë me grushte dhe me shkelma.

Pasi e ka tërhequr zvarrë 63-vjeçaren, deri jashtë shtëpisë, ai e ka lënë në tokë pa ndjenja, ndërsa i ka rrëmbyer nga qafa një varëse prej floriri.

Pas këtij akti, 26-vjeçari e ka lënë gruan dhe është larguar nga vendi i ngjarjes. Sipas burimeve policore, kanë qenë disa kalimtarë të rastit, të cilët e kanë gjetur të shtrirë në rrugë dhe të mbuluar në gjak Drita Trëndafilin.

Ka qenë ora 23:30 minuta kur gruaja e dëmtuar në kokë dhe në pjesë të ndryshme të trupit është dërguar drejt spitalit të qytetit të Korçës, në gjendje të rëndë shëndetësore.

Sipas mjekëve, nëse nuk do të kishte mbërritur shpejt në spital, gruaja nuk do të mund të mbijetonte.

Ndërkohë, policia e Korçës është vënë në kërkim të autorit të dhunës. Burimet e policisë kanë deklaruar se është identifikuar menjëherë 26-vjeçari Laert Zaçe si dhunues. Për shkak edhe të mosmarrëveshjeve që ka pasur në qeli me djalin e viktimës, Zaçe, i liruar nga burgu vetëm përpara tri ditëve, është vënë në ndjekje nga policia.

Krerët e Komisariatit të Korçës kanë urdhëruar ngritjen e postblloqeve nëpër qytet dhe dy orë pas ngjarjes, 26-vjeçari ka rënë në pranga. Zaçe është kapur rreth orës 01:30 të mëngjesit të djeshëm në një nga rrugët e qytetit, ndërsa i është gjetur edhe zinxhiri prej floriri që ia kishte rrëmbyer 63-vjeçares Drita Trëndafili.

Sipas policisë së Korçës, 26-vjeçari është person me precedentë penalë dhe sapo ishte liruar nga burgu, pasi kishte vuajtur dënimin për trafik të qenieve njerëzore.

Ekspertët e policisë thanë se pas lirimit nga burgu, i riu kishte mbetur pa të ardhura dhe kishte shkuar në Korçë të vetmin qëllim, për të siguruar para nga ndonjë grabitje. Ai i është drejtuar gjatë natës shtëpisë së 63-vjeçares, për t‘i marrë asaj paratë që mund të kishte në shtëpi, por pasi ka hasur në rezistencë e ka rrahur atë barbarisht.

© Gazeta Shqip - 2006-2007

[King_Arthur]

eshte vertet nje akt barbar , aq me shume qe eshte nje e moshuar .
ky kafshe qe ka bere kete veprim duhet te denohet me bugim te perjetshem dhe mos shohi drite djelli me me sy .

me vjen shume keq per kete plaken .

[Korca_Reli]

Ne nje teme tjeter eshte bere pyetja: A duhet vendosur denimi me vdekje?
Ne raste te tilla Po

[100% BRUNE-BABY]

mi mami ca behet keshtu?????????????

[zhorzhi]

Ne nje teme tjeter eshte bere pyetja: A duhet vendosur denimi me vdekje?
Ne raste te tilla Po

patjeter qe denimi me vdekje duhet vene sidomos ne shqiperi.
vetem kjo mund te zgjidhe shume gjera ketu...........