KQZ: Zgjedhjet lokale në bashkinë e Elbasanit të pavlefshme

[Zemrushja]

Zgjatja e procesit të votimeve

Opozita e bashkuar ka kundërshtuar dje vendimin e Komisionit Qendror të Zgjedhjeve për përsëritjen e zgjedhjeve në Elbasan, duke e cilësuar atë si të padrejtë dhe në kundërshtim me ligjin. Pas një takimi të zhvilluar në selinë e PS-së, drejtuesit e pesë partive të majta u shprehen se opozita do të ndërmarrë të gjitha nismat ligjore dhe se nuk do të njohë zhvillimin e zgjedhjeve në këtë bashki. Kryetari i PS-së, Edi Rama tha se po të shihet me kujdes e gjithë periudha e qeverisjes së djathtë, veçanërisht pas 18 shkurtit, ka një përshkallëzim të frymës antidemokratike dhe antiligjore në vend. Rama tha se opozita do të ndërmarrë hapa konkretë që anëtarët e KQZ-së që votuan pro përsëritjes së zgjedhjeve në Elbasan të mbajnë përgjegjësitë ligjore. Ndërkohë kreu i LSI-së, Ilir Meta e cilësoi vendimin e KQZ-së një veprim të hapur puçist. Sipas Metës ai tregon më së miri veprimin politik të pesë anëtarëve të KQZ, që nuk njohin vendimin e Kolegjit Zgjedhor dhe të cilët synojnë të nëpërkëmbin vullnetit e qytetarëve të Elbasanit. Meta tha se ky nuk është një veprim krejt i papritur, pasi KQZ edhe më parë ka treguar një anësi politike. Skendër Gjinushi i PSD-së ka shkuar më tej duke e cilësuar vendimin në fjalë, të pazbatueshëm. Sipas tij vendimi i KQZ-së është një dhunë e hapur ndaj votës së lirë. “Opozita nuk do të njohë asnjë rezultat tjetër përveç atij që është i certifikuar nga Kolegji Zgjedhor, që është instanca më e lartë ankimore për zgjedhjet”, tha Gjinushi. Në të njëjtën linjë kanë qenë dhe Milo e Ceka, të cilët janë shprehur se vendime të tilla politike të KQZ-së janë të vazhdën e zhurmës që bëhet për të hequr vëmendjen ndaj problemeve reale që ekzistojnë në vend. Ata kanë kundërshtuar dhe qëndrimin për ligjin e auditimit të brendshëm, i cili pritet të kalojë së shpejti për miratim.

Gazeta Metropol

[Brari]

Data: 26/04/2007

Edvinerjonarta mbi barrikada



Natyra rebele, origjina kuaziproletare e dajallarëve, afeksioni për llagëmet pariziene dhe veset e vegjëlisë, si dhe dobësia e njohur për tablonë revolucionare “Liria mbi barrikada” e piktorit majtist Ezhen Delakrua, e yshtën Edvinin të bëjë thirrje për të ngritur barrikada revolucionare të tipit të komun(ist)arëve, nëpër rrugët e metropolit të kulturës, dijes dhe qytetërimit shqiptar, Elbasanit, “Scampinus-it” tonë të lashtë, me sebepin e kundërshtimit të përsëritjes së zgjedhjeve vendore për bashkinë e qytetit.

Dhe pas kushtrimit të lëshuar nga Kumandari shtatlartë, i pari që mendohet të marrë pjesë në ngritjen e këtyre barrikadave, është tetëvjeçaristi Qazo, që në vazhdën e metaforës së një filmi shqiptar, do të përdoret për të hapur zjarr, kur dikush nga krerët tanë revolucionarë neokomunistë të PS, të shkulë “mustaqen e majtë”.

Por nuk do të mungojnë të lartësohen mbi barrikada edhe rebelët Arta Dade, Erion Braçe dhe Taulant Dedja, nën shembullin e vetë Komandantit Legjendar, që dikur “shtrinte” përdhe fashistët nëpër përleshjet e demonstratave komuniste.

Flitet se për ngritjen e këtyre barrikadave proletare, do të përdoren materialet ndërtimore të katër firmave të ndërtimit të Edvinit, të cilat kanë mbetur pa punë për shkak të mosshitjes së apartamenteve që janë ofruar në tregun e shtëpive dhe banesave me çmime të Dauning Stritit dhe Manhatanit.

Mendohet se komandant i paramilitarëve që do të angazhohen me mbrojtjen e udhëheqësve, do të jetë Paulin Sterkaj, grave revolucionare të proletariatit të papunë të Elbasanit do t’u prijë vetë shoqja Arta Dabulla, të rejave do t’u prijë Megi Ajtyresa ndërsa të rinjve debatikasi Erjon Braçe.

Mediat janë porositur ta pasqyrojnë hap pas hapi këtë rebelim revolucionar, ku mendohet se do të merret peng Taulant Balla, me sebepin e kalimit në orarin e shtetrrethimit, për në Librazhd, ku dyshohet se do të dërgohet për t’i bërë thirrje solidarizimi sharrëxhinjve të papunë.
Re. Po.

55

[Borix]

U vonuan shume bile, si priten kaq gjate. S'do mend, e treguan karakterin e tyre 'demokratik' qe para zgjedhjeve lokale, kur hoqen raket-posterin e kandidatit te PS ne Elbasan dhe u larguan vjedhurazi naten. I pa edhe policia, po c't'u bente, merresh me kriminele te tille? (Do mireprisja nje nga ato pergjigjet e Brarit se i ka te forta, por e lashe si pyetje retorike - se mos pergjigjet ndonjeri...)

[njemik]

Rrëzohet vendimi i KQZ-së për votimet në Elbasan

12:52 27/04/07



Pas shqyrtimit të ankesës nga Partia Socialiste, Kolegji Zgjedhor ka vendosur të mos përsërisë zgjedhjet në Elbasan. Vendimi përfundimtar i Kolegjit është përshëndetur nga kreu i PS-së, Edi Rama. “Drejtësia do t’i japë Çlirim Gjatës atë që meriton” – tha Rama, i cili ka paditur dje në prokurori të gjithë krerët e KQZ-së për vendimin që kanë marrë lidhur me rizhvillimin e zgjedhjeve në Elbasan.

Ky vendim ka shpallur kështu zyrtarisht kandidatin e PS Qazim Sejdini fitues te zgjedhjeve për bashkinë e Elbasanit.

Vendimi i hedhur poshtë i KQZ-së ka ndeshur në reagime të forta nga të gjitha grupet përfshirë dhe ato aleate me PD-në. Nikollë Lesi i cili u shpreh se nëse PD-ja nuk ndikon tek përfaqësuesit e saj në KQZ për ta tërhequr këtë vendim, atëherë vendi do të përballet me trazira dhe jo vetëm qyteti i Elbasanit.

Tashmë ky vendim është hedhur poshtë përfundimisht nga kolegji dhe Rama i ka uruar sërishmi fitoren fituesit të zgjedhjeve të 18 shkurtit në Elbasan, Qazim Sejdini.

http://www.a1tv.al/index2.php?faqe=lajmi&lajmID=12846

[ClaY_MorE]

U vonuan shume bile, si priten kaq gjate. S'do mend, e treguan karakterin e tyre 'demokratik' qe para zgjedhjeve lokale, kur hoqen raket-posterin e kandidatit te PS ne Elbasan dhe u larguan vjedhurazi naten. I pa edhe policia, po c't'u bente, merresh me kriminele te tille? (Do mireprisja nje nga ato pergjigjet e Brarit se i ka te forta, por e lashe si pyetje retorike - se mos pergjigjet ndonjeri...)

Meqe ti ke permendur heqjen e tabeles reklamuese ku qendronte posteri i kandidatit per kryetar bashkie, i cili perfaqesonte kualicionin e majte Z. Qazim Sejdini une do te permend djegien e makines.

Nese nuk ke degjuar apo nuk ja ke idene se per cfare makine behet fjale ben mire te pyesesh Qazimin.

[Zemrushja]

A. Rama
28-04-2007

Pas këtij vendimi, tashmë nuk ka asnjë dyshim që në bashkinë e Elbasanit nuk do të përsëriten zgjedhjet në 6 maj, ndryshe nga sa vendosi KQZ-ja


TIRANË- Përfundon odiseja zgjedhore për kryetarin e bashkisë së Elbasanit. Kolegji Zgjedhor i Gjykatës së Apelit rrëzoi dje vendimin e marrë një javë më parë nga Komisioni Qendror i Zgjedhjeve, vendim që kërkonte përsëritjen e votimeve për kryetar bashkie në të gjithë bashkinë e Elbasan. Pas dy mbledhjeve të zhvilluara, Kolegji Zgjedhor pranoi si të drejtë kërkesën ankimore të Partisë Socialiste, duke e konsideruar vendimin e marrë nga KQZ-ja të dielën e kaluar, si të pabazuar ligjërisht. Pas këtij vendimi, tashmë nuk ka asnjë dyshim që në bashkinë e Elbasanit nuk do të përsëriten zgjedhjet në 6 maj, ndryshe nga sa vendosi KQZ-ja. Në këtë mënyrë, fitues i zgjedhjeve të 18 shkurtit rikonfirmohet kandidati i PS-së, Qazim Sejdini, të cilit nuk i mbetet që tjetër veçse të fillojë zyrtarisht detyrën e kryebashkiakut të Elbasanit.

Ky i fundit, tha pas vendimit të Kolegjit Zgjedhor, se kishte pasur besim tek qëndrimi që do të mbante drejtësia për këtë çështje, pasi kjo ishte hera e dytë që ai vinte në këtë gjykatë për të ankimuar vendimet e marra nga KQZ-ja. Sipas Sejdinit, populli i qytetit të Elbasanit nuk e meritonte këtë trajtim që iu bë nga qëndrimi politik i KQZ-së. Ndërkaq edhe kreu i PS-së, Edi Rama, vlerësoi vendimin e marrë nga Kolegji Zgjedhor, duke nënvizuar se ishte rasti për të shprehur konsideratën për këtë institucion, për vendimin e drejtë që kishte marrë. Por, Rama theksoi se nëpërmjet padisë penale të depozituar në Prokurorinë e Përgjithshme, kreu i KQZ-së, Çlirim Gjata do të marrë atë që meriton. "Është rasti për të shprehur respektim për Kolegjin Zgjedhor, i cili dy herë e zmbrapsi këtë tentativë për të imponuar me dhunën dhe verbërinë e fuqisë abuzive të pushtetit, një vullnet të ndryshëm nga vullneti i qytetarëve të Elbasanit.

Dhe unë dua t'i garantoj të gjithë votuesit në Elbasan dhe në gjithë Shqipërinë, se drejtësia mund të vonojë, por nuk do të harrojë t'i japë Çlirim Gjatës dhe atyre që si ai që mendojnë se Kushtetuta është një copë letër pa vlerë, atë që meritojnë në emër të Kushtetutës dhe të ligjit, sigurisht dhe jo të një pikëpamjeje të ndryshme politike",- tha Rama. Disa javë më parë, Kolegji Zgjedhor kishte shpallur pavlefshmërinë e zgjedhjeve vetëm në një qendër votimi në bashkinë e Elbasanit, në të cilën nuk u votua në 18 shkurt Por, sipas Kolegjit, kjo QV ku nuk ishte votuar, nuk ndikonte në rezultatin përfundimtar pasi diferenca mes dy kandidatëve, Qazim Sejdinit, të PS-së dhe Luçiano Boçit, të PD-së, ishte rreth 678 vota, ndërsa numri i votuesve ishte rreth 800. Argumentim të kundërt dha në vendimin e marrë të dielën e kaluar KQZ-ja, duke pohuar se mos votimi në një QV në bashkinë e Elbasanit ndikonte në rezultat, duke shpallur përsëritjen e zgjedhjeve në të gjithë njësinë.

Vendimi i KQZ-së, u shoqërua me reagime të ashpra nga ana e të gjithë përfaqësuesve të opozitës që e konsideruan si akt banditesk, që shkonte deri në kufijtë e një grushti shteti. Kreu socialist kërkoi gjatë këtyre ditëve, nisjen e procedurave për shkarkimin nga detyra të Gjatës. Madje në seancën plenare kur kryetari i KQZ-së, Gjata do të raportonte në Kuvend mbi punën e institucionit zgjedhor për vitin 2006, deputetët e opozitës akuzuan sërish Gjatën për vjedhjen e mandatit të Sejdinit në Elbasan, duke braktisur edhe sallën e Kuvendit në shenjë proteste.

Shekulli