Lufta ndaj krimit te organizuar

[ardi]

Un them pa lexu asnje koment...

...bej Zogun mbret (vetem nje koke shteti jep garanci dhe kredibilitet)...

...vendos ligje shume te repta (vrasja denohet me vdekje pa perjashtim...trafikimi i sasi te medha droge njesoj etj ejt)...

...formo grup special forcash rendi (jo si keto qe kemi deri tani... top sekret - pagohen maksimumin e mundshem - stervitje speciale ne zona te "klasifikuara" me specialist te jashtem - jane nen komand te mbretit dhe ndoshta kryeministit)...

...me ndihmen e nje departamenti special te shik-ut - kunder krimit te organizuar - dhe 2-3 ndermjetesish qe bejne qarkullimin e informacionit midis departamentit - mbret/kryminister - pergjegjesit te forcave speciale...

...aksione te shpejta e te pa meshirshme...ku ju jepet e drejta e plote forcave speciale me te drejte qe te qellojne/vrasin cilindo qe mund te krijoj rezistence...

keto forca speciale jane nen urdhrat e mbretit dhe i binden vetem atij ne menyre te padiskutueshme (qe te mos kemi konflikte interesash kryeministri duhet te kete djeni per te gjithe operacionet e rrendesishme ... tani varet kush eshte kryeministi :P)

...thoni cfare te doni ne si popull jena firyksa...sa te shikohet seriozitet dhe rreptesi nga ana e shtetit kunder krimit do te ndihet prap nje fare larku rreth qafes te qenit qe ka 11 vjet qe eshte i leshuar nga zinxhirat e nuk di si te ngopet me liri

Para se te me hidhet njeri ne gryk per punen e mbretit dua te them vetem nje gjej...une besoj se i vetmi njeri qe ja do tja donte te miren vendit do te ishte nje mbret qe e ka Shqiperine vendin e tij, vendin qe do tja lej femijve te tij...politikanet vene e vijne e duan ta mbushin xhepin e tyre sa me shpejt e sa me shume

[panstek]

nuk e di sa do ti duhej nje monarki shqiperise sepse sa per pushtete totalitare kemi hequr disa ne kuriz ,do te thoni qe nje monarki parlamentare eshte ndryshe ,po! Por kur mbret vihet nje njeri qe vjen nga nje familje qe e ka marre fronin me menyra jo shume ortodokse per shekullin e 20 dhe qe ka qene i shpallur person i pa deshiruar ne atdheun e tij per tentative te se njejtes marke, dhe ka akuza per trafik armesh .... nuk e di po me duket pak si pa baze .Pastaj mos te harojme se ne shqiperi edhe republika nuk ndihet mire nga rreziku i totalitarizmave pa lere pastaj mbreteia. Sa per krimin e organizuar mos harroni se po e votojne shqiptare njehere ne 4 vjet per tu vene ne krye te shtetit ,dhe po e bejne qe ne fillim te viteve 90 dhe kush e di dhe per sa do ta votojme akoma

[ardi]

hapi syte panstek,

"fronin me menyra jo shume ortodokse" - shembuj te tille ke pafund ne historine boterore dhe vete ate Shqiptare ... per mua si e merr "fronin" nuk eshte e rrendesishme cfare ben me te me pas eshte cfare duhet te vlersohet. Po, Nano e Sala po e marrin "fronin" me te "drejte", ne votime te lira ... qesharaka ...

U shpall njeri i pa deshiruar nga kush? Do te merrte pushtetin me cfare, po ta vendosnin ne ndonje ndeshje basketbolli edhe ka mundesi? Trafik armesh te ndryshkuar, relika? Nga informohesh...???Zogun e rotullojn te ashtequajturit politikano/mafjozet Shqiptare si tju doje qefi.

E mbaj mend si tani, kur u be referendumi per monarki ... nga ora 10-12 e nates (nuk e mbaj mend cfare dite) po thuhej nga TV Arberia dhe TVSH qe monarkia kishte fituar me ~70% ne ora 12:30 e nates RAI jep lajmet dhe thote qe Zogu ka fituar ne Shqiperi me nje shifer 60-70% ... kjo shifer u ul te nesermen ne 40-50 derisa mbaroi ku mbaroi.

Republika ... e drejta e votes se lire ... Shqiperia ka 13 vjet qe eshte nje republike totalitare e implikuar nga Kryeministi e Presidenti deri ne pastrusit ne te ashtequajturin "krim i organizuar" ku ne Shqiperi eshte vetem cfare mund te quhet "normale".

Po e perseris nga posta ime e meparshme...

"Para se te me hidhet njeri ne gryk per punen e mbretit dua te them vetem nje gjej...une besoj se i vetmi njeri qe ja do tja donte te miren vendit do te ishte nje mbret qe e ka Shqiperine vendin e tij, vendin qe do tja lej femijve te tij...politikanet vene e vijne e duan ta mbushin xhepin e tyre sa me shpejt e sa me shume..."

Gjithe te mirat e na rofte xhaxhi Enver e Shqiperia jone demokratike qe na beri emigrant e refugjat ne te gjithe qoshet e globit

[DetiJone]

Vritet në Greqi ish-oficeri i SHIK
Mitat Mersinllari 47-vjeç goditet me makinë në mes të Selanikut


Një aksident i dyshimtë i merr jetën ish-agjentit sekret shqiptar në qëndër të Selanikut. Ngjarja ka ndodhur në 2 tetor 2003 ku është vrarë aksidentalisht në Greqi ish-oficeri i SHIK-ut Mitat Mersinllari, 47 vjeç. Vrasja e tij është mbuluar me mister, ndërsa vëllai dhe shokët e tij, këmbëngulin për një vrasje shtetërore të projektuar mirë dhe jo për një aksident automobilistik të zakonshëm.

Kjo nuk është hera e parë që ndodh kështu, tha vëllai i tij Mersin Mersinllari, pedagog në Universitetin e Tiranës. Sipas familjarëve dhe shokëve të tij, aksidenti mund të ketë lidhje me të shkuarën e tij si oficer i Shërbimit Sekret Shqiptar (SHIK), detyrë që ai e ushtroi deri në vitin 1997. Mitati, njëkohësisht njihej edhe si veprimtar politik në Greqi dhe merrte pjesë në aktivitete të tilla.

Policia ka mbërritur menjëherë në vendngjarje, por në emër të mbledhjes së provave dhe fakteve, e ka vonuar rreth dy orë dërgimin e Mitatit në spital, i cili ishte jo më larg se 200 metra. Sipas variantit të policisë, Mitati është goditur nga një makinë me targë NZN 2698 e drejtuar prej 18-vjeçares Theofili Zeropulos, e bija e çifutit Jakov. Policia thotë se makina e ka goditur Mitatin në rrethana të paqarta, por, ndërkohë, ajo nuk e ka kapur autorin e ngjarjes. Makina, menjëherë pas goditjes, ka ikur nga vendngjarja, duke e lënë viktimën të shtrirë përtokë. Pas ngjarjes tragjike, aty ka shkuar ekipi hetimor, i cili ka marrë me vete të gjitha provat e krimit, dhe si përfundim i ka lënë fajin viktimës. Ekspertët policorë nuk kanë deklaruar rrethanat e këtij krimi, duke u mjaftuar me mbrojtjen e autorit të krimit.

Vëllai i viktimës, por edhe disa prej shokëve të Mitatit, këmbëngulin se krimi ishte i planifikuar dhe se në timonin e makinës nuk ishte 18-vjeçarja, por i babai i saj, i cili jashtë çdo mundësie ka goditur shqiptarin për vdekje dhe më pas është larguar qetë-qetë pa u ndjekur nga policia dhe nga askush.

Mitati ka qëndruar i shtrirë në asfalt rreth dy orë, pra nga ora 21.30 deri në 22.45, kur ai u dërgua në spital. Pasi u dërgua në spital, ai mori ndihmën e parë, por vdiq në orën 22.30. Nëse policia do ta kishte marrë menjëherë në vendngjarje, sipas burimeve shqiptare, ai do të kishte shpëtuar, por miqtë e tij këmbëngulin se ai u la aty për të vdekur me çdo kusht. Një detaj tjetër, për të cilin këmbëngulet, është fakti se policia e Selanikut nuk e lajmëroi konsullatën shqiptare, derisa për këtë u kujtuan shokët e Mitatit. Konsullata, pasi i bëri telefon policisë dy ditë më pas konfirmoi vdekjen e Mitat Mersinllarit. Kur shefi i konsullatës kërkoi shpjegime për mosinformimin, zyrtari i policisë tha se ne nuk e dinim numrin e telefonit. Shokët e Mitatit thanë se kur e kërkuan kufomën e shokut të tyre, polica e fshihte. Bashkë me kufomën policia, sipas tyre, ka zhdukur edhe provat e krimit, duke krijuar pseudoprova të tjera. Policia i dha të shoqes së Mitatit rroba pa gjak, një portofol me 40 euro dhe lejën e vjetër të qëndrimit. Gruaja e tij nuk di greqisht, kështu që ajo firmosi për marrjen e këtyre gjërave, pa ditur se policia po përdorte një mekanizëm për fshehjen e provave të së vërtetës. Ne kërkojmë drejtësi. Po ata që thanë se djali nga Hasi u vra nga plumbi që bëri rikoshetë në ajër, thanë se vëllai im u vra aksidentalisht. Por hetimet për djalin nga Hasi treguan se ai u vra me qëllim, ashtu siç gjurmët e krimit për vëllanë tim u fshehën për të bërë fajtor viktimën, shprehet i revoltuar Mersini.

Dy emigrantë korçarë kanë nderruar jete gjithshtu dje pas një aksidenti në kryeqytetin grek, Athinë. Burimet nga qyteti i Korçës bëjnë të ditur dje se, dy viktimat, Vaskë Ceci dhe Romeo Treni, banues në qytetin e Korçës, pësuan fundin tragjik gjatë një përplasjeje mes automjetesh në një autostradë në dalje të Athinës.

Në morgun e Selanikut, që prej dy muajsh vazhdon të dergjet trupi i pajetë i një shqiptari nga Gjirokastra. Quhet Jorgo Vasili. Këtë e dëshmon për gazetën prof. Mersin Mersnillari. Kur unë shkova të merrja trupin e vëllait, shefi i morgut m'u lut të bëja publik faktin që në këtë morg dergjej edhe një shqiptar tjetër, për të cilin nuk kujdesej askush. Ne i kemi kërkuar ndihmë konsullatës shqiptare, por ajo na ka thënë se po interesohemi, por në fakt askush nuk ka ardhur të marrë trupin e tij. Më thanë se në disa qytete të tjera, ka edhe shqiptarë të tjerë, që dergjen në morg pa ditur se kush janë dhe që nuk kujdeset askush për ta, saktëson Mersini.


Gazeta Panorama
11 Tetor 2003

[MICH]

ca lufte ndaj krimit mo me sistem gjygjsor te korruptum as ska asnje ere lufte ndaj krimit. por su oqi dore politika nga sistemi gjygjsor.

[xengjell]

Krimi i Organizuar ne shqiperi nuk mund te lufohet kurre sepse
i ka shtrire kembet si nje Oktopod gjigan i cili ka mbuluar te gjithe Shqiprine. Me kryesorja eshte se Krimi i Organizuar e bejne vete qeveritaret shqipatre dhe ata smund te luftojne dote veteveten se jane te pa skrupullat. besoj se kjo gje do te zgjas shume vite te tjera per fatin tone te keqe...

[krokodili_73]

Mafia shqiptare duke hequr qafe kompeticionin

DURRES (10 Mars) - Policia portuale e Durrësit ka sekuestruar sot në orët e para të mëngjesit mbi 13 kg lëndë narkotike të tipit heroinë, si dhe ka arrestuar në flagrancë një shtetas italian, i cili po e transportonte drogën me automjetin e tij drejt portit të Barit. Pas disa informacioneve të marra në rrugë operative, sektori policor i luftës kundër trafikut të drogës, ka bllokuar në orët e e para të ditës një autoveturë me targa italiane, në të cilën ishte fshehur një sasi droge". Autovetura, pronë e shtetasit italian Donato Grezzo, po nisej nga porti i Durrësit drejt portit italian të Barit me tragetin e linjës "Palladio". Gjatë kontrollit të specializuar nga qentë antidrogë, lënda narkotike, heroinë, u gjet e fshehur brenda serbatorit të autoveturës së shtetasit italian Grezzo. Droga e tipit heroinë ishte paketuar në pako me peshë 1.5 kg dhe ishte futur brenda karburantit lëng, që ndodhej në serbatorin e autoveturës. Policia e Durrësit ka sekuestruar sasinë e drogës, si dhe ka arrestuar në flagrancë shtetasin italian Donato Grezzo, 38 vjeç. ro/ro (BalkanWeb)

[Tigris]

lufta smund te fitohet

[ALBA]

E Shtune, 10 Prill 2004


TOSKA: JEMI VATER KRIMI!

Ministri i Rendit Publik, Igli Toska, pranon se policia ka deshtuar ne luften e saj kunder trafikanteve te drogave te forta dhe pse ai ndodhet ne krye te saj prej kater muajesh. Ai e tha kete gjate nje takimi te zgjeruar me perfaqesues te pushetit vendor dhe me nxenes te shkollave te mesme ne Fier. Toska e shenoi qytetin myzeqar si me te inkriminuarin ne vend dhe ia veshi pergjegjesine drejtuesve lokale te policise, te cilet i kritikoi per paaftesi.

Ministri tha se pozicioni gjeografik i Fierit perdoret edhe nga autoret e krimit, perfshire edhe trafikantet e qenieve njerezore dhe te droges. "Keto mallra kriminale, kur destinohen drejt Perendimit, sigurisht nuk kalojne ne rruge ajrore, por pikerishtne territorin e Qarkut. Me keqardhje duhet te pranohen se rezultatet e goditjeve ne keto figura krimi, specifike dhe tejet shqetesuese per komunitetin tone, por edhe per komunitetin nderkombetar, vijojne te mbeten ne nivele simbolike", u shpreh Toska. Toska nenvizoi se drogat e forta, ne Fier, kane gjetur kanalet e lirshme dhe se policia vijonte te ishte ne pritje te ndonje kapjeje te rastesishme. Duke vazhduar vleresimet e tij me nota tejet kritike, ministri i Rendit Publik vuri ne dukje se viktimat e trafikut kalojne nepermjet Qarkut te Fierit dhe se, sipas statistikave evropiane, viktimat e trafikut nga ky qark zene vendin e pare. "Pergjigja pse ndodh kjo duhet gjetur pikerisht ketu: duhet te jete objekt reflektimi, mbi te gjitha, per strukturat lokale te policise", drejtoi gishtin fajesues Toska. Pa ulur tonet, ai shtroi nje mori pyetjesh te cilat i quajti retorike dhe per te cilat u justifikua se i bente per te qene realist dhe per te mos luajtur strucin: "si shpjegohet inkriminimi ne nivele jo te zakonshme, kur papunesia ne kete qark eshte nen nivelin kombetar?; pse grupet, e ashtuquajtura, te fierakeve njihen jo vetem ne Tirane, por edhe ne Greqi, Itali, Belgjike, France dhe Angli?; pse ky rreth eshte kampion per ndertimet e paligjshme?; si ka mundesi qe njerez qe nuk firmosin ne asnje bordero, nuk kane asnje te ardhur zyrtare te deklaruar, ngrene shumekateshe, hotele, motele dhe karburante pa hesap?; pse polici bezdis me ndalime makine qytetarin e thjeshte dhe nderon ceremonialisht te fortin?; si tolerohet qe mbjellesit tashme te rangut te marijuanes dhe transportuesit e drogave te forta vazhdojne te dehen me Wiski ne lokalet luksoze te Fierit, nen hunden pa nuhatje te disa uniformave blu?; pse policia nuk identifikon dot prejardhjen e pasurive te dukshme dhe te mbira si kerpudha, brenda dites?" Igli Toska ua kerkoi pergjigjet drejtuesve te policise se Qarkut, por ne fakt nuk mori pergjigje ne sallen ku zhvillohej takimi.

Gentjan Ruko

Koha jone

[ALBA]

Pse mafia nuk vret politikane?
Politikani shqiptar paraqet nje nga tabllote me te zymta te gjendjes se Shqiperise: Fuqine e Krimit perpara Shtetit. Dhe, konluzioni i tij ne fund mbetet dhe me i zymte: "Ne kete ngrehine te gjithe kane zgjedhur te heshtin si celesi i mbijeteses ne nje sistem te inkriminuar ne themel. E pra ne te vertete, a mundet qe mafia te godase veteveten?!"

Nga Kreshnik Spahiu*

Nje vit me pare kur klani Zemunit vrau ish-kryeministrin serb Xhinxhic disa gazetare shqiptare qe po pergatisnin kronikat, po debatonin pas kuintave per kete fenomen te ri ne rajon. Dilemat vertiteshin rreth pyetjes "Pse ne Shqiperi nuk kemi raste te atentateve, qe mafia te godase politikanet shqiptare?". Heshtjen qe pllakosi sallen e theu njeri prej gazetareve, i cili shkurt dhe prerazi u pergjigj: "Sepse ata nuk mund te vrasin vehten"... Te qeshurat qe shperthyen nuk munden te fshihnin brengosjen kolektive te gazetareve per gjendjen ne te cilen jane katandisur nje pjese e politikaneve shqiptare.

Tashme eshte bere e modes qe organizatat kriminale apo mafia te godasin individe te ndryshem ose biznesin ne logjiken e thjesht te perfitimeve financiare. Tashme viktime e mafies jane bere shpesh individe, tregtare, punonjes te administrates deri ne diplomate te perfaqesive ne Shqiperi. Ne nje perqindje te larte, vrasjet jane ende te pa hetuara per mungese provash ose te pezulluara nga organi procedues, ku ne te shumten e rasteve autoret mbeten gjithmon te paditur dhe anonim. Nderkohe grabitjet apo gjobat qe mafia iu ka adresuar njerezve te biznesit kane kaluar shpesh jashte vemendjes se opinionit per shkak te imponimit qe ajo ka diktuar nepermjet heshtjes, e cila i ka mbyllur gojen cdo kujt dhe ne vecanti atyre qe jane goditur financiarisht prej saj. Forca e imponuar e heshtjes ka ardhur si rrezultat i agresivitetit qe manifeston mafia shqiptare. Ne kete kontekst kjo mafie i ka sofistikuar jashtezakonisht format e organizimit dhe menyren se si ajo operon.

Ndonese autoritetet shpesh deklarojne se ne Shqiperi nuk ka grupe kriminale te organizuara ne format e mafias, shume burime pohojne se ne Shqiperi perfundimisht operojne tete familje mafioze. Ato veprojne te ndara dhe per llogari te tyre ndonese ne disa raste manifestojne publikisht ndarjen e zonave te influences qe te le te nenkuptosh se ka nje pazar per zonat, fushat dhe strukturat ku ato operojne.

Ne vehtevete secila prej tyre ka rrenjet e organizates ne baze gjinie, klani dhe lidhje krahinore. Shume prej tyre jane perqendruar ne kontrollet e trafikut te droges.

Insistimi i autoriteteve per te mos pranuar ekzistencen e tyre shpesh duket i pakuptimte dhe nuk ndihmon as ndyshimin e imazhit te Shqiperise, por as edhe punen e tyre ne luften kunder krimit. Raportet per gjendjen e kriminalitetit ne vend ne thelb jane informacion surreal dhe fshehin hapur realitetin e hidhur Shqiptare. Niveli i veprave penale apo i krimit nuk mund te ulet duke iu shmangur fakteve dhe rrethanave ne cilat operon krimi i organizuar. Ne thelb te gjitha keto raporte iu referohen rasteve nen hetim apo ceshtjeve te gjykuara duke harruar se tabloja e krimit dhe e mafias eshte krejt dicka e ndryshme nga ajo qe jemi mesuar te shikojme ne bankot e te akuzuarve.

Nje nga argumentet e sterperdorur nga autoritetet shqiptare eshte ai se organizatata kriminale shqiptare funksionojne jashte vendit per shkak te tregut te droges dhe prostitucionit ne keto vende. Ne pamje te pare, ky eshte nje argument bindes, por qe bie lehtesisht, kur ballafaqohesh me nje seri aktivitetesh ekonomike te kontrolluara nga keto organizata te cilat deri dje kane operuar jashte vendit. Pas shume vitesh aktivitet kriminal shume prej tyre kane preferuar rikthimin ne atdhe pasi ketu ndjehen me te qete nga drejtesia, policia, autoritetet dhe keshtu kane mundesi te lajne "mekatet" duke investuar parat e fituara keto vite. Mohimi i ekzistences se ketyre familjeve mafioze nuk eshte gje tjeter vecse nje alibi e cila iu krijon atyre frymarrjen e duhur per te maskuar dhe filtruar cdo aktivitet te tyre. Fundja si shume familje te tjera te mafias rajonale edhe ato shqiptare kane tendencen qe te shkeputen nga vrasjet apo grabitjet duke synuar kontrollet e sektoreve te ndryshem ne ekonomi nepermjet monopoleve. Vrasjet dhe grabitjet jane dicka e dale jashte mode per ta pasi arkat e financave te tyre mund te tejmbushen me lehte nepermjet diktatit ne ekonomi. Per te arritur kete qellim medoemos nevojiten korruptimi i pushtetit apo pse jo edhe perfshirja e drejtperdrejt ne pushtetin politik. Politika eshte celsi qe mund ti hap mafias dyert e ekonomise dhe pushtetit. Vrasjet, atentatet, dhuna jane mjeti te cilat shfaqen kur politika dhe drejtesia jane rezistente ne luften kunder mafias. Ne rast se ato nuk jane te pranishme do te thote se mafia nuk ekziston ose kjo e fundit e ka bere pazarin me politiken.

Vende si Shqiperia ku krimi dhe mafia benin kerdine kane njohur qindra shembuj se si mafia ka goditur njerzit e drejtesise apo politikes, kur keta te fundit jane bere vertete barriere per ta.

Ne Shqiperi lidhjet me mafien tashme jane bere publike nga vete politikanet, te cilet ne perplasjet e tyre brenda llojit ne kohe te ndryshme zbulojne dhe publikojne me akuza njeri tjetrin. Si pasoje edhe ndonje goditje organizatazh vjen si rrjedhoje e luftes se brendshme qe kane gjate krizes politike grupet te cilat kane lidhje me keto familje mafioze. Cdo perplasje ne politike shoqerohet me arrestime te bashkepunetoreve kriminale te kundershtarit politik, si mesazh qe nese nuk qendrojne ne zonat e influences paraprake atehere lidhjet mund te zbulohen krejtesisht. Aludimet dhe hipotezat nuk jane gje tjeter vec kercenime te rradhes per te mos kaluar kufijte e paracaktuar te pushteteve.

Fundja te gjithe kane filluar te ndjehen te barabarte ne nje shoqeri ku shteti i se drejtes dhe sistemi gjyqesor nuk arrin dot te ndaje nga "vatha" engjejt dhe djajte e nje klase politike. Ne kete ngrehine te gjithe kane zgjedhur te heshtin si celesi i mbijeteses ne nje sistem te inkriminuar ne themel. E pra ne te vertete, a mundet qe mafia te godase veteveten?!

*politikan