Lufta ndaj krimit te organizuar

[Lioness]

Emërimi, një femër në krye të luftës kundër trafiqeve


TIRANË- Po dje kryeministri Sali Berisha i ngarkoi ministrit të Brendshëm, Sokol Olldashi, detyrën e kryetarit të komitetit ndërdikasterial të luftës kundër trafiqeve. Në mbledhjen e djeshme të Këshillit të Ministrave u emërua në detyrën e zëvendësministres së Brendshme Iva Zaimi, e cila do të jetë koordinatore e luftës kundër trafiqeve. Ministri, si titullar që kryeson komitetin e përbërë nga po ai numër zëvendësministrash që kishte më parë, së bashku me koordinatorin e këtij komiteti, kanë për detyrë të rishqyrtojnë strategjinë e luftës kundër trafiqeve.

Për këtë arsye, Këshilli i Ministrave miratoi vendimin “Për disa ndryshime në vendimin nr. 8, datë 05.01.2002, të Këshillit të Ministrave, “Për krijimin e Komitetit Shtetëror të Luftës kundër Trafikut të Qenieve Njerëzore”, të ndryshuar. Vendimi, në kuadër të zbatimit të programit politik të qeverisë ndaj luftës kundër trafikut të qenieve njerëzore, synon të plotësojë vendin e mbetur vakant të kryetarit të Komitetit, për shkak të suprimimit të pozicionit të “ministrit të Shtetit”, si pasojë e reduktimit të posteve ministrore dhe caktimin e “ministrit të Brendshëm” kryetar, përmirësimin e strategjisë ekzistuese të luftës ndaj trafikut të qenieve njerëzore, si dhe të përcaktojë autoritetin përgjegjës për bashkërendimin institucional dhe organizimin e punëve dhe të mbledhjeve të Komitetit, duke ndryshuar emërtimin e “zëvendësministrit të Rendit Publik” në “zëvendësministër të Brendshëm si koordinator”.



Marre nga Shekulli

[AgainstAllOdds]

Shock - Rrjet i tregëtisë së organeve (Sipas shtypit grek)
Përgatiti Mimoza Dako
Botuar në gazetën "Vëzhguesi" , Selanik, Greqi

Në gjurmë të rrjetit të tregëtisë së organeve njerëzore të fëmijëve nga Shqipëria ndodhet policia e Selanikut, pas një raporti të ambasadës greke në Tiranë.
Sipas të dhënave të raportit që ushtruan shërbimet shqiptare dhe italiane rezulton se në këtë rrjet marrin pjesë mjekë grekë, italianë dhe shqiptarë. Tani drejtësia greke ftohet të bëj kërkime dhe të avancojë në ndjekjen penale në drejtim të personave që marrin pjesë dhe kështu në ditët e ardhshme çështja të shkojë për shqyrtim në prokurori.
Sipas të dhënave që publikohen në gazetën greke "Ta Nea" aktiviteti i rrjetit ka filluar që nga viti 1994. Viktimat ishin fëmijët që jetonin në jetimoren e Tiranës dhe fëmijë me aftësi të kufizuara, kurse organet e tyre hiqeshin në tre klinika, në Durrës, Fier dhe në një qytet në qëndër të Greqisë së Veriut.
Sipas të dhënave të raportit, ndërmjetësit e rrjetit "gjuanin" fëmijë me aftësi të kufizuara nga familje pa të ardhme të Shqipërisë dhe i kalonin ilegalë nëpërmjet pikës kufitare të Kapshticës dhe zonës greko-maqedonëse në Greqi për të bërë operacionet. Në disa raste heqja e organeve bëhej në klinika të Shqipërisë.
Përsa i përket fëmijëve të jetimores së Tiranës, që sipas raportit u vranë në 1998, kur të afërmit e tyre hapën arkivolet e gozhduara të cilat iu dorëzuan, u vërtetuan se disa ishin bosh dhe të tjerat ishte e dukshme që fëmijëve u ishin bërë ndërhyrje kirurgjikale.
Truri i rrjetit me sa duket është një italian, professor i mjekësisë, i cili kishte lidhje, sa me mjekë shqiptarë që janë mpleksur në krim aq edhe me grekë. Në raport është diktuar një grek mjek gjinekolog, i cili në të kaluarën ishte dënuar në një çështje adoptimi të paligjshëm. Profesori italian duhet të ketë bashkëpunëtorë ish-diplomatë dhe ish-qeveritarë të Shqipërisë të cilët mernin përsipër transportin e organeve nga Shqipëria në Itali në çese diplomatike të cilat nuk kontrolloheshin.
Kërkimet dhe shërbimet greke përqëndrohen në një klinikë të përcaktuar dhe në një mjek të saj në qëndër të Greqisë së Veriut, kurse raporti bën fjalë, pa dhënë emra, për tetë mjekë të tjerë grekë që janë të implikuar në këtë çështje.
Në rrjet thuhet se implikohen gjithashtu katër mjekë shqiptarë dhe drejtues klinikash nga Durrësi dhe Fieri, si dhe pesë bashkëkombës të tjerë që vepronin si bashkëpunëtorë. Një nga mjekët shqiptarë është i afërm i familjes i një ish-ministri të Shqipërisë.

Po mire , kto trafikantet qe mbysin femije per tju shitur organe , a thu kane femije per vedi ? A thu me ato pare do rrisi femine e vet...?
Nuk besoj sa ka krim me te madh se ky ! Ta marresh femijen gjalle , dhe ta copetosh per ta shitur !
Ishalla jua con Zoti te keqen aty ku i dhemb ma shume ktyne felliqsinave se sa per robin mendoj se turra e druve do ishte pak...!

[Lioness]

Kryeministri porosit Olldashin të përgatisë projketligjin. “Rojet bregdetare do të qëllojnë me armë skafistët”

Berisha: Asnjë motorr nuk do të pranohet, përveç jahteve të turistëve të huaj dhe peshkarexhave


TIRANË- Pritet që për tre vitet e ardhshme të bllokohet përdorimi i skafeve, gomoneve dhe mjeteve lundruese motorrike, me qëllim parandalimin e trafikut të drogës dhe qenieve njerëzore. Në mbledhjen e djeshme të qeverisë, kryeministri Sali Berisha i ka kërkuar ministrit të Brendshëm, Sokol Olldashi, që brenda një kohe të shkurtër të paraqesë në qeveri, për ta nisur sa më shpejt në parlament, projektligjin për një moratorium 3-vjeçar për bllokimin e të gjitha skafeve dhe mjeteve lundruese motorrike që mund të shërbejnë për trafiqe, përveç peshkarexhave të licensuara të peshkatarëve shqiptarë.

Pikërisht në projektligjin e ardhshëm pritet të përcaktohet edhe sesa do të jetë limiti i fuqisë motorrike të skafeve, gomoneve apo varkave që do të lejohen. ”Ne duhet të bllokojmë, duhet të pastrojmë ujërat tona nga tregtarët e vdekjes. Asnjë motorr nuk do të pranohet më, përveç jahteve të turistëve të huaj dhe peshkarexhave të peshkatarëve në ujërat terrioriale të vendit. Nuk mund të lejohet më tutje që këta tregtarë të vdekjes të marrin jetë njerëzish, të transportojnë helme për fëmijët e Italisë dhe vendeve të tjera të Evropës, të pasurohen në mënyrën më të paligjshme dhe të pandershme, të mbushin thasët me para të zeza, por të lyjenë me bojë të zezë imazhin e Shqipërisë dhe t’i sjellin asaj një damkë të pariparueshme. Shqipëria nuk mund të jetë dhe nuk do të jetë urë dhe rrugë kalimi e trafiqeve kriminale.

Zoti ministër, debati mbi skafet dhe skafistët është një debat që zhvillohet prej vitesh. Ata erdhën në pushtet së bashku me të tjerë. Faktikisht merren edhe me trafik klandestinësh, por tani i mbushin skafet e tyre me tonelata droge, kanabis etj”, - tha Berisha. Kryeministri kërkoi të përpilohet ligji që të imponojë dorëzimin e të gjitha mjeteve motorrike lundruese që mund të përdoren për trafik. Duke u kërkuar ndjesë atyre qytetarëve që i përdorin këto mjete për qëllime krejtësisht të tjera, Berisha u shpreh se është absolutisht e pamundur që të pranojmë lejimin e tyre, të paktën për tre vjet. Berisha shtoi gjithashtu se do të hartohen të gjitha amendamentet ligjore që ”shpallin skafistët kriminelë nga më të rrezikshmit”, çka do të thotë, sipas tij, forcim i madh i penaliteteve ndaj tyre, si dhe marrëveshje ekstradimi të menjëhershëm të çdo skafisti të arrestuar në brigjet italiane, në mënyrë që ata të mos përballen vetëm me ligjin italian, por me ligjin shqiptar.

Mjetet motorrike që do të dorëzohen në një datë të caktuar, do të merren në ruajtje nga qeveria. Të gjitha të tjerat do të konsiderohen mjete krimi të rrezikshme dhe atyre që do u gjenden, sipas Berishës, do të përballen me një ndëshkim shumë të rreptë penal, civil dhe të shumëllojtë. Kryeministri u shpreh se nuk mund të pranohet që ”një grusht kriminelësh të rrezikojnë jetët e njerëzve, të transportojnë pluhura vdekjesh dhe të nxijnë faqen dhe imazhin e vendit”. Qeveria do të marrë masa për të pajisur si rojet bregdetare, ashtu edhe njësitë patrulluese të policisë, me të gjitha mjetet e lundrimit në mënyrë që ata të ndalojnë, qoftë edhe me përdorimin e armëve, çdo skafist të izoluar që ndërmerr udhëtim në ujërat territoriale dhe që nuk ndalon. “Sikundër qeveria do të marrë masa për të pajisur si rojet bregdetare ashtu edhe njësitë patrulluese të policisë me të gjitha mjetet e lundrimit, në mënyrë që ata të ndalojnë, qoftë edhe me përdorimin e armëve, çdo skafist të izoluar që ndërmerr udhëtime në ujërat territoriale dhe nuk ndalet. Do të ketë zero tolerancë ndaj tregtarëve të vdekjes. Ky është qendrimi i qeverisë”, - tha Berisha.


1.Brenda tre vjetësh do të bllokohen të gjitha skafet dhe mjetet lundruese motorrike që mund të shërbejnë për trafiqe, përveç peshkarexhave të licensuara të peshkatarëve shqiptarë.
2.Të përpilohet ligji që të imponojë dorëzimin e të gjitha mjeteve motorrike lundruese që mund të përdoren për trafik.
3.Do të hartohen të gjitha amendamentet ligjore që ”shpallin skafistët kriminelë nga më të rrezikshmit”, që do të thotë forcim i madh i penaliteteve ndaj tyre.
4.Marrëveshje ekstradimi të menjëhershme të çdo skafisti të arrestuar në brigjet italiane, në mënyrë që ata të mos përballen vetëm me ligjin italian, por me ligjin shqiptar.
5. Mjetet motorrike që do të dorëzohen në një datë të caktuar, do të merren në ruajtje nga qeveria.
6.Të gjitha të tjerat do të konsiderohen mjete krimi të rrezikshme dhe atyre që do t’u gjenden, sipas Berishës, do të përballen me një ndëshkim shumë të rreptë penal, civil dhe të shumëllojtë.
7. Qeveria do të marrë masa për të pajisur si rojet bregdetare ashtu edhe njësitë patrulluese të policisë me të gjitha mjetet e lundrimit në mënyrë që ata të ndalojnë, qoftë edhe me përdorimin e armëve, çdo skafist të izoluar.

[Lioness]

Qeveria e re i ka duart plot me problemet e shumta qe ka vendi sot; probleme ekonomike, sociale etj. Megjithate, nqs keto projekte behen realitet dhe ecet me hapa te shpejta, Shqiperia do te jete ne drejtim te mire. Lufta ndaj krimit te organizuar dhe korrupsionit duhet te jete prioritet. Arritje pozitive ne keto fusha, do kete konsekuenca pozitive ne te gjitha fushat e tjera.

[qafezezi]

[QUOTE=Lioness][B]
Ambasadorja amerikane, Marsi Ris akuzon gjykatat shqiptare se nuk kane luftuar sic duhet trafikun njerezor.

Largimi me deshire nga Shqiperia i shume shqiptareve per arsye qe Ris i permendi, s'ka te beje fare me trafikun njertezor.Pas 40 vjetesh jam i sigurt se Bota do thoje qe shqiptaret u veteizoluan.

[Lioness]

Largimi me deshire nga Shqiperia i shume shqiptareve per arsye qe Ris i permendi, s'ka te beje fare me trafikun njertezor.Pas 40 vjetesh jam i sigurt se Bota do thoje qe shqiptaret u veteizoluan.

Qafezezi, e lexove mire artikullin? Ris, apo dhe vete qeveria shqiptare, nuk po flet te luftoje emigracionin, por trafikun e njerezve, (dhe rrjedhimisht droges, kontrabandes etj.) Ka plot postime qe e bejne te qarte situaten, nqs nuk je ne dijeni me realitetin.

[Lioness]

Krimet e Rënda, në bashkëpunim me homologët italianë, kanë arrestuar kreun e organizatës, Fatjon Skënderi, dhe 2 të tjerë


Prokuroria e Krimeve të Rënda godet një super-grup të trafikut ndërkombëtar të heroinës. Pasditen e djeshme, oficerët e Antidrogës kanë finalizuar hetimet disa-javore të prokurorisë me arrestimin e tre anëtarëve të organizatës së narko-trafikut, ndërsa shumë persona të tjera janë shpallur në kërkim. Operacioni i zhvilluar pasditen e djeshme në Tiranë është bërë në bashkëpunim me homologët italianë, të cilët kanë sjellë në Shqipëri një pjesë të materialeve që implikojnë një numër të madh shqiptarësh në trafikun e heroinës. Burime nga policia e kryeqytetit bëjnë të ditur se i kanë vënë prangat njërit prej krerëve të kësaj organizate, Fatjon Skënderit, si dhe dy bashkëpunëtorëve të tij të ngushtë, emrat e të cilëve nuk bëhen të ditur për arsye hetimore. Hetimet e kryera deri më tani kanë zbuluar se në këtë rrjet të trafikut janë implikuar edhe disa punonjës policie, por deri në orët e vona të mbrëmjes së djeshme asnjë prej tyre nuk ishte arrestuar.

Operacioni

Për drejtuesit e prokurorisë, grupi i goditur mbrëmjen e djeshme ia kalonte edhe organizatës së njohur me emrin “Kokaina”, për nga numri i personave të përfshirë në të dhe aktiviteti i kryer. Fillimisht, në gjurmë të këtij rrjeti të trafikut të heroinës ka rënë policia italiane, pas kapjes së disa shpërndarësve. Hetimet e kryera në Itali zbuluan se drejtuesit e kësaj organizate qëndronin herë në Shqipëri e herë në Itali, ndaj edhe vendosën kontakte me homologët shqiptarë. Përgjime telefonike, por edhe dëshmi të personave të kapur në Itali u janë përcjellë prokurorëve shqiptarë të Krimeve të Rënda, të cilët plotësuan dosjen dhe identifikuan të implikuarit në këtë rrjet. Paraditen e djeshme, emrat e anëtarëve të organizatës dhe fletë-arrestet për ta i kanë kaluar policisë së kryeqytetit, e cila brenda pak kohësh realizoi operacionin gjatë së cilit ranë në pranga 3 persona. “Mundëm të arrestonim tre persona, mes të cilëve edhe Fatjon Skënderin, i cili është drejtues i organizatës. Operacioni për shkatërrimin e gjithë këtij rrjeti të trafikut të heroinës ka vazhduar edhe gjatë natës së djeshme.Mësohet se pas arrestimit të dy personave të implikuar në trafik, agjentët e antidrogës kanë bërë një sërë kontrolle banesash në Tiranë, por burimet nuk saktësojnë nëse është gjetur apo jo lëndë narkotike.

Linja e trafikut

Sipas burimeve të mësipërme, organizata e siguronte heroinën në Bullgari. Droga sillej në rrugë tokësore deri në Shqipëri, prej ku më pas trafikohej drejt brigjeve italiane. Për të realizuar narko-trafikun, drejtuesit e organizatës, mes të cilëve akuzohet të jetë edhe Fatjon Skënderi, kishin rekrutuar edhe punonjës policie. Sipas grupit hetimor, ende nuk janë grumbulluar prova të plota për implikimin e oficerëve të policisë në këtë rrjet të trafikut të drogës, ndaj edhe nuk ka përfunduar në pranga ndonjëri prej tyre. Përveç materialeve të sjella nga prokurorët italianë, grupi hetimor i ngritur në Prokurorinë e Krimeve të Rënda ka grumbulluar prova të tjera që vërtetojnë implikimin e tre të arrestuarve në trafikun ndërkombëtar të lëndëve narkotike. Ndërkaq, hetimet po vazhdojnë për të zbuluar dhe vënë në pranga personat e tjerë të implikuar si dhe për të grumbulluar prova që vërtetojnë fajësinë e tyre.

OPERACIONI

Pasditen e djeshme, oficerët e Antidrogës në policinë e Tiranës u kanë vënë prangat 3 personave të implikuar në trafikun ndërkombëtar të heroinës. Sipas grupit hetimor, organizata e narko-trafikut është një ndër më të fuqishmet e goditura deri më sot në Shqipëri

URDHËR-ARRESTET

Pas bashkëpunimit me homologët italianë, prokurorët e Krimeve të Rënda kanë firmosur urdhër-arrestet për Fatjon Skënderin dhe dy bashkëpunëtorët e tij. Provat që ka në dorë prokuroria janë përgjime telefonike dhe dëshmi të tjera

LINJA E TRAFIKUT

Nga hetimet e deritanishme rezulton se organizata furnizohej me heroinë në Bullgari. Droga sillej në Shqipëri, për t’u trafikuar më pas në drejtim të brigjeve italiane. Për të realizuar aktivitetin, organizata kishte rekrutuar edhe punonjës policie

[MICHI]

[QUOTE=Leshator]Kjo e Sales qenka e bukur, por ce do se del nga goja e atij nen pushtetin e se cilit krimi dhe korrupsioni lindi, u konsolidua dhe u kthye ne kulture apo tradite. Ai njeri e kishte pushtetin, le ta bente. Nuk shof se cfare mund te beje ai njeri me shume sot se c'beri kur kishte pushtetin.


O ti rob i lashte. Krimi edhe korrupsioni kane lind qe kur eshte krijuar bota, POR banda e kuqe ne pushtet Tos nano Edi rama Gjinoja , klosi ect ect ect. E cuan shqiperine ne vend te pare FARE per KRIM EDHE TRAFIQE plus KORRUPSION po se po.

[mergimi98]

Eshte teme shume interesante edhe pse sado qe te shkruhet dhe te debatohet publikut i bie shume pak qe te mund te luftoje krimin e organizuar.Eshte nje e mire ketu sepse nepermjet kesisoj nismash behet e mundur sensibilizimi mbi efektet qe krimi i organizuar ka ne jeten e shtetasve.Kjo sepse ndikimet e tij jane ne disa sektore ku me kryesore jane politiko-shoqeror dhe ekonomik.
Thuhet se ekonomia amerikane u forcua nga gangsteret e Chicago-s.Kjo sepse aty shihet zanafilla e shume inisiativave ekonomike per shkak te potencialit financiar qe ata krijuan .Natyrisht ishte ne nje kohe shume me te hershme dhe tashme koha ka ndryshuar sikurse edhe mjetet me te cilat realizohet krimi i organizuar.Dikush mendon se krimi i organizuar sjell sasi paraje te madhe te cilat po te investohen ne sektore te ndryshem do te sillnin nje lloj rritjeje ekonomike dhe qe praktikisht eshte ide e sakte .Por problemi eshte se sa stabilitet ka nga keto lloj investimesh dhe aq me teper qe kjo para eshte para e gjeneruar nga aktivitete kriminale .Si rrjedhoje ajo do te rigjeneroje aktivitete te tilla .Jo ne pak raste ne Shqiperi eshte vene re krijimi i bizneseve mbi bazen e burimeve financiare te dyshimta .Shume biznese veprojne si mbulese per aktivitetet e kundraligjshme .Kjo do te thote se duhen goditur keto biznese ne menyre qe te mos kete mbulesa te tilla duke e lene parane e fituar nga krimi i organizuar te zbuluar dhe me te mundshem per bllokim.Per kete duhen ashpersuar ligjet dhe praktikat ligjore ne mbeshtetje te luftes ndaj krimit te organizuar.Shqiperia ka nevoje per ligje shume me te ashpra se vendet e tjera sepse niveli i mafias shqiptare eshte shume i frikshem edhe per ato vende si Italia ,Gjermania,Zvicra ,USA qe kane experience shume me te madhe ne luften ndaj grupeve kriminale te krimit te organizuar.Drejtori i FBI ne momentin e interpelances qe kishte para anetareve te kongresit amerikan u shpreh se "... Nje nder problemet qe sot Europa po perballet ne lufte me krimin e organizuar eshte penetrimi dhe fuqizimi i mafias shqiptare e cila si pjese e se vertetes vepron edhe ketu ne Amerike ne nivele te frikshme .Falenderojme Zotin qe ata jane ne anen tone ."Nuk e kishte fjalen miku se mafia shqipetare punon per amerikanet por qe te pakten nuk jane te lidhur me grupet terroriste nderkombetare .
Ne planin politiko-shoqeror mendoj se konstatimi apo meraku i Prokurorit te Pergjithshem Z.Sollaku eshte mese i drejte .Nje dite nuk eshte cudi qe mafia dhe krimi i organizuar te jene ne parlament.Kjo sepse kane mjetet financiare dhe kane mbeshtetje aktuale nga klane politike te te gjithe kraheve .Cdo force politike ne Shqiperi eshte e nderlidhur me krimin e organizuar shqiptar.Eshte utopi te mendosh ndryshe sepse ne rast te kundert do kishim nje prosperitet dhe zhvillim te Shqiperise dhe jo gjendjen e anarkise qe ka karakterizuar Shqiperine ne keto 15 vjet demokraci.
Ashpersoni ligjet,mbeshttesni policine dhe mos dilni ne konferenca shtypi duke mbrojtur kriminelet qe e kane vendin mbrapa hekurave dhe jo aty ku rrine ata qe sigurojne buken e gojes me pune te ndershme .

[Lioness]

Drejtori ekzekutiv i Zyrës së Kombeve të Bashkuara për Drogat dhe Krimin (UNODC), Antonio Maria Costa, thotë në një intervistë për BBC-në se Shqipëria ka bërë përmirësime në luftën ndaj krimit të organizuar.

Ai vë theksin në forcimin e bashkëpunimit mes policisë dhe sistemit të gjyqësorit, si dhe në luftën ndaj korrupsionit, si mënyra për të ndalur krimin e organizuar.

Ardi Pulaj bisedoi me zotin Costa dhe fillimisht e pyeti se si paraqitet gjendja në Shqipëri dhe rajon.

Costa: Ne jemi duke parë gjendjen me hollësi, pasi kemi qenë të shqetësuar sepse rajoni i Ballkanit, përfshirë edhe Shqipërinë, ka qenë një rrugë për trafiqet e paligjshme; atë të drogës veçanërisht, por edhe të qenieve njerëzore dhe armëve. Ballkani është konsideruar si një zonë e përdorur për aktivitete të paligjshme që vijnë nga një pjesë e botës dhe të drejtuara për në anën tjetër.

BBC: Ç'mund të thoni për shtrirjen e krimit të organizuar shqiptar në rajon dhe më gjerë në vendet perëndimore?

Costa: Në të gjithë Evropën, ne kemi dijeni për ekzistencën e grupeve kriminale me origjinë shqiptare. Ka edhe grupe etnike të tjera jashtë Ballkanit, në Itali, Rusi, ku krimi i organizuar është i përhapur jashtë kufijve të këtyre vendeve. Unë besoj se problemi i krimit të organizuar shqiptar është i njohur dhe unë jam i kënaqur me përpjekjet e qeverisë së re shqiptare për të luftuar këtë fenomen që jo vetëm i jep një imazh të keq Shqipërisë, por ndikon në pengimin e ardhjes së investimeve të huaja në vend. Si pasojë, pengon zhvillimin, hapjen e vendeve të punës dhe të stabilitetit në vend dhe më gjerë në rajon.

BBC: Ç'mendoni ju për marrëdhëniet polici-drejtësi, pasi policia ka si detyrë që të arrestojë personat e përfshirë në aktivitete kriminale, por gjykatave u takon t’i dënojnë ata?

Costa: Në të gjithë botën ka dobësi në marrëdhënie të tilla. Shqetësimi i Kombeve të Bashkuara është që të përmirësojë integritetin e te dyja palëve, policisë dhe sistemit gjyqësor. Ne kemi parë në vende të ndryshme të botës, ashtu si edhe në Shqipëri, raste kur personat e përfshirë në aktivitete kriminale janë arrestuar, por më pas janë lënë të lirë. Prandaj kërkohet një bashkëpunim i ngushtë përfshirë këtu edhe procesin e hetimeve.

BBC: Ç'mendoni për masat që ka marrë Shqipëria në luftën ndaj krimit të organizuar?

Costa: Përpjekjet në fakt kanë dhënë rezultate. Së fundmi është njoftuar shkatërrimi i disa bandave të fuqishme të kriminelëve, sasia e drogës që sekuestrohet është duke u rritur, ndërkohë që po punohet për të siguruar një qeverisje më të mirë dhe të ndershme. Pra ne mendojmë se panorama, dalëngadalë është duke u përmirësuar dhe ne jemi këtu për të mbështetur autoritetet në këto sipërmarrje.

BBC: Më konkretisht, çfarë po i ofrojnë Kombet e Bashkuara Shqipërisë për të luftuar krimin e organizuar?

Costa: Në të shkuarën, ne kemi pasur projekte për përmirësimin e kontrollit të kufijve në Shqipëri si dhe projekte për të reduktuar nivelin e trafiqeve të paligjshmë në rajon. Synimet në të ardhmen janë të përqëndrohemi tek trafikimi në të gjithë rajonin dhe në veçanti të forcojmë një dimension të ri: për të aplikuar konventën kundër korrupsionit që ka hyrë në fuqi disa muaj më parë dhe që do të ofrojë më shumë mundësi për vendet e rajonit.