Lufta ndaj krimit te organizuar

[ALBA]

Korrupsioni që ushqejmë ne vetë

Bashkim Kopliku

Politikanët janë të korruptuar”, “deputet, baras hajdut”, janë shprehjet që nxijnë faqet e shtypit shqiptar e që të shpojnë timpanin e veshit në mediat elektronike. E vazhdon i njëjti refren, në kafenetë, në shtëpitë e kudo. E krah për krah me politikanët rreshtohen edhe gjykatësit, prokurorët, nëpunësit e ministrive e të bashkive e komunave etj. Po ata që kritikojnë, që nervozohen, që indinjohen si janë: a janë ata vetë të korruptuar? Përgjigjja e kësaj pyetje është pikëlluese: shumica e shqiptarëve, në të gjitha profesionet e fushat e aktivitetit, është e korruptuar. Po atëherë si do t’i vejë halli!...

Mjeku
“Sa i mirë është doktor Saimiri. I kam borxh jetën e ....”, - dëgjohet rëndom. “Sa i dhe?” - vazhdon investigimi. “I dhashë vetë vetëm 500000 lekë (të vjetra), por pa m’i kërkuar,” — dëgjohet përgjigjja më e lumtur (kjo në rastin më të mirë, sepse ka edhe përgjigje: “Nuk na zinte me dorë pa i dhënë paratë, i poshtri!”). E më tej, merr vesh se mjeku human shqiptar, me përjashtime shumë të pakta idealistësh “tuhafë”, merr bakshishe duke punuar në ambientet shtetërore, duke shfrytëzuar pajisjet shtetërore dhe kohën që supozohet t’i paguhet nga shteti. Ka mjekë që u takon në ditë të “fitojnë” disa “500-mijëlekësha”, ku secili është sa disafishi i pagës mujore të punëtorit: pra, një mjek mund të fitojë në ditë, në mënyrë të paligjshme, edhe mbi 30 herë pagën mujore të një punëtori (natyrisht që e harron fare pagën mizerabël nga shteti). Shkelja e ligjit merr ngarkesa edhe më të mëdha, me faktin se mjeku na u bëka “i mirë” edhe me vartësit: ndan nga bakshishi i vet, për të gjithë, për reanimatorin, për infermieret, për sanitaret, duke marrë tipare të krimit të organizuar, apo të veprës penale në grup. Natyrisht që nuk ka ndonjë rëndësi të madhe praktike, nëse mjeku t’i kërkon paratë, apo ia jep vetë pacienti, sepse krimi i korrupsionit është kryer njësoj: bile, mbase është më e ndershme kur t’i kërkon vetë, se sa kur është hipokrit, e ia lë dikujt tjetër të të afrohet e të të thotë se do t’i japësh kaq apo aq mjekut, se përndryshe — nënkuptohet — kur të kesh prapë nevojë për të, të pi e zeza etj. E nevoja për mjekun mund të jetë krejt e papritur: që sa pa dalë te dera. (Natyrisht që e kemi fjalën për bakshishet e mjekut në punë shteti, dhe jo për pagesën për vizitat private të mjekut, për të cilat është krejt normale që për honorarin që kërkon nuk ka pse të ketë as kufizime ligjore e as morale, sepse vepron ligji i konkurrencës që e rregullon honorarin më mirë se çdo urdhëresë ministrie apo parimi moralist). U ka qëlluar shumë vetëve të jenë të shtruar në spitalet në Itali, Gjermani, etj. Të tentosh t’u japish bakshish mjekëve atje, është një absurditet: asnjë nuk ta pranon (së paku shumica dërrmuese nuk ta pranon), nuk ta pranojnë as pasi të kesh kryer punë me ta, e që vërtetë që mbase nuk ke për të pasur kurrë nevojë për ta. (Natyrisht, t’u japish një peshqesh simbolik është krejt tjetër gjë: shumë institucione të huaja e kanë të normuar madhësinë e peshqeshit që mund të marrë një punonjës i tyre; p.sh. Banka Botërore e ka të normuar diku te 70 dollarëshi, e po qe më tepër duhet të dorrëzohet; kini parasysh se ky “70-dollarësh” është shumë më pak se paga ditore e punonjësve në ato ambiente.) Por mjeku shqiptar të “rruan”, e mos e harroni se të gjithë ne ua ushqejmë këtë veprim kriminal, duke u bërë bashkëpunëtorë me ta.

Mësuesi
Ecën rrugës e përshëndetet nga të gjithë, mësuesi. Paraqitet me pamje herë akademike, herë prej babaxhani. “E more provimin?” —pyetet. “Po”. “Sa qe kësaj here?”. “Ishte rëndësishëm, 100 dollarë, sepse nuk e jep për më pak ajo zuzka, sepse është zonjushë që del edhe në televizor e jep moral për ligjet,” — merr përgjigjen më normale, në kuptimin që është e zakonshme dhe e përditshme. Natyrisht që ka edhe ndonjë mësues që i mbahet parimeve: nuk mer para e as që merr favore në këmbim të kryerjes së detyrës së tij shtetërore; nuk e jep mësimin keq që pastaj të thërrasë nxënësit në konsultime private, pra, me para (qoftë te vetja, apo qoftë te kolegët e tij — marifet që bëhet për të t’iu fshehur kontrolleve); nuk ua ul notën nxënësve të mirë, që të interesohen e të paguajnë për të ngritur notën; nuk u firmos librezat me nota kaluese, e bile dhe të mira, studentëve që as titullin, e lëndës së dhënë provim nuk e dinë; etj. Fatkeqësisht, këta lloj mësuesish të moralshëm, janë një specie e rrallë në mes mësuesve shqiptarë: shumica janë të korruptuar.

Prostituta
Normalisht është një nevojtare që nuk ka gjetur zgjidhje tjetër: del në rrugët e Evropës, dhe shet trupin e saj për pak para, shpesh për më pak se paga mujore e një punëtori në Shqipëri. Ka shumë shtete që këtë aktivitet e kanë legalizuar dhe e kanë rregulluar me ligj: e përse jo; më mirë të bëhet i kontrolluar se sa të bëhet në të zezë — ata nuk vuajnë nga vaniteti. Aktiviteti i prostitutës është shumë më pak i kundraligjshëm se sa aktiviteti i shumë profesioneve të tjera, të nderuara, të përmendura më lart: në fund të fundit, është vetëm evazion fiskal, apo punë në të zezë: shpresoj të mos ulërasin shumë pseudomoralistët.

Ç’duhet bërë?
Natyrisht, perveç mjekut, mësuesit e prostitutës, mund të përmendim edhe shumë profesione e aktivitete të tjera, ku njësoj, ka më tepër të korruptuar se sa të ndershëm. Zgjidhja e problemit të korrupsionit është shumë e vështirë; duhet të merret në dorë nga vetë ne, përfshirë edhe të korruptuarit e bashkëpunëtorët e tyre. E vetmja zgjidhje është zbatimi i ligjit, i kërkuar nga të gjithë e për të gjithë. Duhet goditje konkrete e veprimit korruptiv, që në hallkën ku lind korrupsioni, e jo në përgjithësi dhe pa e personalizuar; e goditja nuk është gjë e lehtë: është me pasoja të dëmshme për atë që godet: po ku ka punë pa lodhje e pasoja. Një kontribut i madh do të ishte nëse do të lehtësohej shteti ynë nga shumë detyra që i mban kot mbi shpatullat e tij të dobëta: pra, duhet që sa më shpejt të privatizohen sa më shumë aktivitete, spitalet, shkollat, e çdo gjë që mund të jetë private, që shteti të përqendrohet në kryerjen direkt të sa më pak shërbimeve, në kryerjen mirë të atyre pak shërbimeve që mbeten, por që janë më kryesoret: të përqendrohet në drejtësinë (gjykatat, prokuroritë etj), në politikën (Kuvend, parti politike, etj.), në menaxhimin e ministrive e pushtetit lokal, e përsëris: duke ua lënë privatëve aktivitetet e shërbimet e tjera, e duke kontrolluar që “ato të tjerat” të zhvillohen në përputhje me ligjet e rregullat transparente e të pranuara nga e gjithë shoqëria. Shërimi i shoqërisë sonë nga korrupsioni është një sfidë e madhe e Shqipërisë, e që duhet të ndërmerret së pari në kokat e secilit prej nesh, e pastaj edhe të zbatohet, shkallë shkallë, pa u lodhur e me optimizëm — mos të gënjehemi se “do të vijë një apo disa gra e burra shteti të ndershëm që do ta rregullojnë këtë punë”: nuk vijnë dot në krye të ndershmit, nëse ne, shumica, jemi të pandershëm. Natyrisht që bëhet fjalë për të ulur numrin e të korruptuarve, sepse zero nuk bëhet kurrë: mjafton që shumica të bëhen jo të korruptuar.

[Ingenuous]

Krimi tek ne e filloi si femije i vogel rugaç, qelloi me llastiqe dike, vodhi nje xhep, gervishi pak me thike. Pastaj si femija-UFO filloi te rritej jo me me vite, jo me muaj, por me dite e ore. Mori permasa, u harlis, hodhi shtat e dege e rrenje derisa e shohim te madh, te zi, te na zere rrugen, driten, diellin, te na mari jeten.

Ne jemi shoqeria ku ndodhin jo krime por barbari qe ja kalojne edhe mesjetes. Ne jemi shoqeria njerezore ku priten koka e shetiten neper qytet, ne jemi vendi ku sakatohen e perçundohen trupat e vajzave te reja, ne jemi shoqeria civile ku tritoli hedh ne ere shtepine pa pyetur per shpirtrat njerezore qe ndodhen brenda saj, ne jemi vendi ku foshnjat rrembehen e masakrohen, ne jemi...

Nderkohe ne majen e Olimpit arsyetohett me qetesi, peshohet, se fundi leshohet verdikti, (verdikti qe nuk denon krimin me vdekje, verdikti qe na denon ne te tjeret me vdekje): "Eshte vertetuar shkencerisht (??!) se nuk ka pasur ulje te kriminalitetit aty ku eshte aplikuar denimi me vdekje. Kaq". Ja edhe pergjigja e baba shetit.


O zot po ku eshte bere kjo shkence. Vertet ku keshtu? Ne France? Ne Gjermani?
A jemi ne ne ate stad zhvillimi qytetar, kulturor, demokratik? Apo ne Itali ku pasojat e mosdenimit i dime. Apo ne Amerike ku vazhdojne te denojne me vdkje. Po kush e beri kete studim ne Shqiperi? A mos valle Keshilli i Europes ?


Mirulexofshim.

[BOKE]

Mafia shqiptare, e treta, sipas Strasburgut

Këshilli i Evropës, në një dokument të posaçëm që merret me organizatat kriminale në botë, vlerëson se korrupsioni në shtetin shqiptar i ka fuqizuar bandat shqiptare, duke i bërë ato si dështimin më të madh të politikës ndërkombëtare ndaj Shqipërisë

Në një raport të posaçëm, agjensi të specializuara të Këshillit të Evropës, kanë vënë alarmin rreth dështimit të përpjekjeve për të ndaluar organizimin e celulave kriminale në ish-vendet komuniste. Kështu, në të dhënat e para të publikuara dje, të ashtuquajturat "banda shqiptare" vlerësohen si të tretat në listën e mafieve më të rrezikshme ndërkombëtare, pas mafies italiane dhe asaj ruse. "Bandat shqiptare kanë ekzistuar në fakt, prej më shumë se 30 vitesh, raporton agjensia e Strasburgut, por ato fituan rëndësinë e tyre natyrale, vetëm pas vitit 1990. Ato janë veçanërisht aktive në trafikimin e drogës, armëve, qenieve njerëzore dhe kontrabandës së cigareve", vlerëson në një vështrim përmbledhës raporti. Së bashku me disa nga degët kryesore të mafies, të dhënat e FMN-së të cituara nga raporti shprehen për një të ardhur vjetore prej 500 bilionë dollarësh që lëvrohen nga mafia. Këshilli i Evropës shprehet me shqetësim për dështimin e strategjisë së ndjekur për të ndalur fuqizimin e degëve të mafies në vendet ish-komuniste. Duke komentuar këtë zgjerim të mafias në lindje të kontinentit, raporti vëren se gjithçka është favorizuar, për shkak të bllokimit të lëvizjes në drejtim të përmbushjes së standarteve të institucioneve shtetërore. Së bashku me dështimin në reformën ligjore, për Shqipërinë të dhënat kryesore i ka dhënë GRECO, një protagonist i njohur i monitorimit që përdor KE për qeverinë e që rregullisht ka publikuar shkeljen e marrëveshjeve dypalëshe nga ana e qeverisë shqiptare. Agjensia "GRECO" mbulon kryesisht çeshtjet e luftës kundër korrupsionit, por duket se tek qeveria Nano, ka hasur nxënësin e vet më të keq. Riorganizimi i bandave mafioze pas vitit 1997, sidomos me shtrirjen e gjerë të ndikimit në administratën shtetërore ka mbërritur deri atje sa Transparency International të parashikojë destabilizimin e të gjitha institucioneve të shtetit, në rast se vijohet me mungesën e vullnetit për të luftuar korrupsionin. Deri para këtij viti, bandat shqiptare mbetën segmente të marxhinalizuara të mafies ndërkombëtare, por tashmë, përdorimi i logjistikës shtetërore në betejën rajonale, e ka rritur mafian tonë në nivele, duke e bërë të aftë të lëvrojë deri 2 miliardë dollarë narkotrafikë e të kërcënojë edhe territoret e mafias tradicionale italiane.

"55"

[wittstar]

Menjehere pas ktheses se rregjimit ne Shqiperi u vra ne rrethana teper te dyshimta
Maksim Kroi ,gazetar dhe diplomat shqiptar.
Ky shenim behet me kerkesen per prokurorine shqiptare qe te hapi nje hetim ne ceshtjen e vrasjes se organizuar te Maksim Kroit.Ky krim u be pasi me qershor te vitit 1990 qeveria e Alias
kish larguar me dhune nga Shqiperia nje tjeter pjesetar te familjes Kroi: Qytetarin shqiptar
me datelindje 15.03.1958 banues ne Rruga Sami Frasheri,pall 9/ Shk 6 ap 51.
Kush e vrau Maksim Kroin!!!
Ky shenim ka vleren e nje dokumenti juridik dhe eshte nje apel ndaj prokurorise se Tiranes per te hapur sa s'eshte vone nje hetim ne keto dy ceshtje qe jane te lidhura pazgjidhshmerisht
me njera tjeten.
Vec kesaj kush ka te dhena ne lidhje me kete vrasje eshte i lutur te dergoje mesazhe private tek Wittstar.Informacionet do te trajtohen me diskrecion.

++++++++++++++++++++++++++++++++++++++++++++++++
Shenimi i Wittstar gjetke ne kete forum se Enver Hoxha ka qene nje agjent i Amerikes ishte nje shaka makabre.

O te rrapi more ne Mashkullore
Ky ndyu vejusha dore
duke vrare ca dasmore.

[kolombi]

Sfida e luftës kundër kriminalitetit


Ministri Toska flet për vendosmëri në luftën kundër krimit
Lufta kundër kriminalitetit, sidomos atij të lidhur me trafiqet e paligjshme të njerëzve dhe drogave, mbetet një nga sfidat kryesore të Ministrisë së Rendit Publik në Shqipëri.
Ajo është një luftë e vështirë, jo thjesht për faktin se krimi sofistikohet paralelisht me goditjet që merr, por në rastin e Shqipërisë, edhe për faktin se në jo pak raste është zbuluar se segmente të caktuara të forcave të rendit, deri edhe drejtues policie, kanë qenë të lidhur me botën e krimit, sidomos me trafiqet e paligjshme, të cilat sigurojnë fitime kolosale dhe të shpejta.

Duke folur para dy ditësh në parlament, ministri i Rendit, Igli Toska, pohoi faktin se ish-drejtues të policisë, dhe këtu është fjala për oficerë të lartë, apo shefa komisariatesh, zotërojnë pasuri të mëdha që do t'ua kishin zili edhe kolegët e tyre të Evropës Perëndimore.

BBC intervistoi ministrin e rendit, Igli Toska.
Kërkoj të rris besimin e publikut në mënyrë që unë të marr informacione direkt nga publiku aty ku ndodh ngjarja.


Igli Toska, ministër i Rendit

BBC: Përse e keni fjalën konkretisht?
Zoti Toska: Është e vërtetë që unë në parlament përmenda pasuritë e disa uniformave blu të cilat i kanë krijuar këto pasuri në një periudhë të shkurtër kohore. Disa ish-bodigardë, të ish-ministrave të kohës së qeverisjes së opozitës, si dhe disa ish-drejtues të policisë të përjashtuar kohët e fundit. Është fakt që ish-bodigardët tashmë e kanë ligjëruar pasurinë e tyre, ata janë konvertuar në biznesmenë dhe sipërmarrës duke filluar që nga mali i Dajtit, anëve të rrugëve nacionale kryesore, qendrës së Tiranës, me pallate shumë katëshe. Ndërsa kategoria e dytë janë përshtatur terrenit dhe kanë mundur që ta kamuflojnë pasurinë e tyre në emra vëllezërish, motrash dhe pseudonimesh.

BBC: Duket sikur ju keni shumë besim që ky realitet mund të ndryshohet. Ka 14 vjet që ndodh kështu, përse keni besim?
Zoti Toska: Pikërisht sepse besimi tek publiku është ajo pikë e errët, delikate e cila e ka dëmtuar policinë. Unë dua ta orientoj policinë drejt parametrave të policive evropiane ku ne duam të shkojmë. Në gjithë botën policia është e padukshme sidomos ajo kriminale. Unë kërkoj të rris besimin e publikut në mënyrë që unë të marr informacione direkt nga publiku aty ku ndodh ngjarja. Unë akoma nuk jam i bindur nëse e kam krijuar tek publiku shqiptar këtë besim. Pavarësisht se rezultatet janë të dukshme, pavarësisht se ka më shumë njerëz që bësojnë sot tek policia, unë akoma e ndiej veten se kam akoma shumë punë për të bërë. Akoma ka njerëz që nuk e dinë numrin 129 të policisë. Domethënë, nëse ndodh një ngjarje të gjithë njerëzit duhet ta kenë të ngulitur që 129 është policia që të vjen në ndihmë menjëherë.
Nuk është aspak e vërtetë që policia shqiptare të ketë një situatë të paqëndrueshme.


Igli Toska, ministër i Rendit

BBC: A është pjesë e këtyre përpjekjeve edhe fakti që vazhdimisht kohët e fundit jemi dëshmitarë të spastrimit të radhëve të policisë? A nuk krijohet një gjendje e paqëndrueshme në radhët e policisë, zoti ministër?
Zoti Toska: Unë do të thosha që është e kundërta. Pra, është një term keqdashës i përdorur nga politikanët, por nuk është aspak e vërtetë që policia shqiptare të ketë një situatë të paqëndrueshme. Fakti që drejtoria e policisë së qarkut Tiranë, zbardhi në një kohë rekord vetëm prej 4 orësh, ngjarjen kriminale me dy policët në hyrje të Laprakës, ku njeri humbi jetën, apo me ngjarjen ku dy maska u futën në banesë për qëllime grabitje dhe nuk kaloj as 24 orë dhe ngjarja u zbardh. Për mos të ardhur tek shembulli i fundit, rasti i pengmarrjes. Këto fakte janë domethënëse dhe për mua flasin shumë. Pra, nuk kemi gjendje paqëndrueshmërie.

BBC: Ju përmendët disa suksese të policisë, por nga ana tjetër evidentohet dhe rritje e kriminalitetit kohët e fundit. Atëhere ju si i shihni këto dy dukuri?
Zoti Toska: Është e vërtetë që ka një rritje të kriminalitetit dhe kjo ndodh për dy arsye: e para, është evidentimi që ne i kemi bërë kriminalitetit, dhe e dyta, është bllokimi i trafiqeve të paligjshme. Kuptohet që me bllokimin e trafiqeve të paligjshme të cilët janë mësuar të fitojnë në mënyrë të kundraligjshme, detyrimisht do të gjejnë rrugë që në mënyrë të kundraligjshme të fitojnë përsëri para të kundraligjshme.

[krokodili_73]

TIRANE (22 Korrik) - Vetëm 10 ditë më parë Edmir Stambolliu (Almir Llupo) u la në masën e arrestit në shtëpi nga Gjykata e Apelit Vlorë. Stambolliu ishte arrestuar nga Policia e Fierit më 28 maj me kërkesë të Policisë së Brukselit. Ish-e fejuara e kishte akuzuar pranë autoriteve të policisë së kryeqytetit belg, më 8 shkurt të këtij viti, se Stambolliu e rrihte dhe e kishte detyruar të dilte në rrugë si prostitutë. Xhoana Stavri, vajza e shfrytëzuar për 4 vite nga ish-i fejuari, ka kontaktuar me Gazetën që denoncoi vendimin e gjykatës së Apelit të Vlorës. Ajo ka thënë se ndihet e kërcënuar nga lirimi i Stambolliut, në një kohë që procesi, ku prova kyç është denoncimi i saj, sapo ka nisur. Vajza, e cila gjendet në një qendër për trajtimin dhe rehabilitimin e viktimave të trafikut, në periferi të Brukselit, ka rrëfyer dramën e jetës së saj që nisi 5 vjet më parë. Si nisi historia juaj? Edmirin e njoha kur isha në shkollën e mesme. Edhe ai ishte nga fshati ku banoj, Goriçaj në Lushnjë. Isha e re atëherë dhe ai nuk e pati të vështirë të më bindte mua e më pas familjen për t'u fejuar me mua. Kur ndodhi që ju nxori në rrugë? Nuk ndodhi që në fillim. Ne shkuam një herë në Greqi, ku ai punonte vetë derisa sa e kapën pa letra dhe më pas shkuam në Itali. Këtu qëndruam disa muaj derisa një ditë ai erdhi dhe kërkonte të më mbushte mendjen për të dalë në rrugë si prostitutë. Në fakt punët s'po na shkonin mirë dhe ishte pa punë. Juve pranuat? Në fillim jo, por Edi ma kërkoi si sakrificë për pak kohë, gjë që ai ishte dakord ta harronim kur të rregulloheshim. Ka qenë një presion i madh psikologjik dhe unë pranova. Isha në moshë të re… Çfarë ndodhi më pas? Ajo që pranova më shkatërroi jetën. Siç duket ia ndjeu lezetin lekëve dhe përdorte të gjitha kërcënimet që unë të mos hiqja dorë. Unë vija nga një fshat i vogël dhe kjo ndikonte në gjendjen time psikologjike. Në Itali më ka kapur 7 herë policia dhe më kanë kthyer. Më vinte turp e nuk kam shkuar në shtëpi, por jam nisur e jam kthyer përsëri me gomone në Itali, pa e marrë vesh askush. Po me familjen si i kishit marrëdhëniet? Mundohesha të hiqesha se bëja jetë normale për të mos i shqetësuar, por edhe nuk kisha guxim t'ua thoja se çfarë bëja në të vërtetë. Ata nuk e kanë marrë vesh kurrë dhe kur ua thashë mbetën tepër të tronditur. Si arritët të shkëputeshit? Këto 4 vite kanë qenë një tmerr i vërtet për mua, por sa vinte bëhej më e vështirë. Ai filloi të pinte dhe më rrihte çdo darkë. I kisha thënë që do ikja, por ai më kërcënonte dhe ia kisha frikën se mos hakmerrej ndaj familjes sime në fshat. Si të priti policia belge? Më pritën shumë mirë, dëgjuan me kujdes rrëfimin tim. Ata më kanë mbështetur e më kanë dhënë kurajo gjatë të gjithë kohës. A vazhdoni të mbani kontakte me ta? Ata interesohen për gjendjen time, apo ndonjë problem që mund të më dalë nga denoncimi. Kur u thashë që Edmiri ishte liruar më siguruan se nga ana e INTERPOL Brukselit ishte dërguar dosja e kopsitur në policisë shqiptare. Ndërsa kanë bërë çudi sesi drejtësia e vendit tim ka nxjerrë nga burgu njeriun që më bëri prostitutë. Çfarë mendoni për drejtësinë shqiptare? Jam shumë e indinjuar për vendimin që i fali lirinë trafikantit tim. Nuk dua të besoj që prokurori i çështjes ka marrë lekët e nxjerra me gjakun tim, por do të doja që para se të kërkonte lirimin të mendonte se çfarë do kërkonte nëse unë do isha nëna apo motra e tij. Në qendrat e rehabilitimit të viktimave të trafiqeve dhe prostitucionit të kryeqytetit belg, Bruksel, gjenden disa dhjetëra prostituta shqiptare. Sipas Xhoana Stavrit, 22-vjeçares që u nxor për të prostituar në rrugë nga bashkëshorti i saj, vetëm në qendrën që kujdeset për të janë 12 vajza nga Shqipëria. Kujdesi i punonjësve të këtyre qendrave i ka bërë që, në një jetë pa tutorë dhe trafikantë, të harrojnë sadopak dramat e jetës së tyre. ro/ro (GazetaShqiptare/BalkanWeb)


ky artikulli tregon se sa e veshtire eshte perpjekia per te luftuar kriminalitetin kur kriminelat jane edhe prokurore.
Une se di se simund tja bejme qe ketij prokurori ti fusim nje hu ne b...., se vetem keshtu do marrin vesh keta ....sme vjen nai llaf tamam se si ti pershkruaj.
Mendoj media duhet te nxjerri nje rubrike ku te publikoje fotot dhe emrat e prokuroreve apo gjyqtareve qe jane te krimbur nga krimi i korrupsionit, pra te pakten ti demaskojme publikisht derisa te daliligji i hurit.

Kroksi

[krokodili_73]

Gjykata liron djalin e Leonidha Toskes
E Diele, 25 Korrik 2004
Erjon Toska dhe Altin Malo, te arrestuar me 38 grame heroine, jane liruar dje nga Gjykata e Tiranes. Per djalin e Kryetarit te Keshillit te Qarkut te Tiranes dhe kusheri i ministrit te Rendit, u dha masa e "arrestit shtepiak" ndersa per shkokun e tij, "detyrim paraqitjeje". Megjithese posedonin rreth 120 doza, mbi ta tashme rendon vetem akuza e perdorimit te droges, e hequr tashme nga Kodi Penal

E ndersa gjyqtaret e rrethit te Tiranes prej nje jave kane filluar pushimet verore, kur temperaturat e mesdites se djeshme shenonin mbi 35 grade, eshte gjetur mundesia qe gati ne fshehtesi te plote, te zhvillohet nje proces gjyqesor, sigurisht per personazhe "speciale". Dhe pas kesaj, perfundimi i vendimit te drejtesise shqiptare, merret me mend. Erjon Toska, djali i Kryetarit te Keshillit te Qarkut te Tiranes dhe kusheri i ministrit te Rendit Igli Toska, i kapur me 38 grame heroine, ka rifituar lirine. Madje, edhe shoku i tij Altin Malo. Te dy, tashme do te gjykohen me masat me te zbutura qe parashikon Kodi i Procedures Penale dhe me nje akuze te re, e cila nuk parashikon me mase denimi nga Kodi Penal shqiptar.

Ne seancen e djeshme te zhvilluar ne oret e paradites ne Gjykate e Shkalles se Pare te kryeqytetit, dy te pandehurt jane paraqitur pas perfundimit te afatit te mases 30 ditore te arrestit me burg, qe kishte dhene per ta nje muaj me pare, po kjo gjykate. Pas degjimit te pretendimeve te prokurorit dhe te avokateve mbrojtes gjyqtarja ka vendosur lirimin e dy te pandehurve dha ka percaktuar qe gjykimi i tyre te kryhej ne masen"arrest shtepie" per Tosken dhe "detyrim paraqitje" per shokun e tij Altin Malo. Nderkohe akuza qe rendont mbi ta eshte ajo e "perdorimit te lendeve narkotike", pra jo edhe "mbajtja" e droges. Nje veper kjo, qe tashme nuk parashikohet me si veper penale.

Kerkesen per kete zhvillim ne gjykate, e kishin paraqitur avokatet qe mbronin dje dy te pandehurit. Alibia e tyre ishte e thjeshte: Njeri prej te arrestuarve, Erjon Toska ishte vetem nje perdorues i lendes narkotike dhe jo shperndares i saj, nderkohe qe shoku i tij Altin Malo, sipas tyre ishte ndodhur rastesisht ne automjetin ku policia kishte kryer arrestimin e tyre.

Ngjarja e percjelle me buje nga mediat e Tiranes, ka ndodhur me 21 qershor te ketij viti, kur dy te rinje u ndaluan nga agjentet e antidroges se kryeqytetit. Dy dite me pas, gjykata vendosi masen e sigurise "arrest me burg, me afat 30 ditor" per ta. Ne momentin e ndalimit, gjate kohes qe po udhetonin me makine ne nje nga rruget e kryeqytetit, 26 vjecarit Erjon Toska, banues ne rrugen "Sali Nivica" ne Tirane, i'u kap nje sasi prej 38 gramesh heroine e paster e llojit "braun shuger". Bashke me te, ne momentin e ndalimit, udhetonte edhe Altin Malo.

Sipas burimeve te policise, droga qe ishte kapur, ishte ndare ne rreth 120 porcione dhe ishte bere gati per t'u shitur, perdoruesve. Nderkohe qe ne skedat e agjenteve antidroge, por edhe ne rrethet e perdoruesve te heroines ne kryeqytet, emri i ndonjerit prej te ndaluarve, njihet si shperndares i "mallit te bardhe". Gjate operacionit te ndalimit te tyre,- ndoshta te rastesishem,- policia bllokoi mjetin me te cilin udhetonin dy te ndaluarit, dy telefonat e tyre celulare, si dhe nje shume parashe, qe per nga sasia duket se ishin grumbulluar nga tregtimi i disa porcioneve heroine. Burime zyrtare te drejtorise se Policise se Tiranes, bene te ditur, se Toska e Malo u arrestuan ne afersi te kinema "Millenium 1", ne rrugen e Kavajes, pas kontrollit te makines e tipit Benz, me ngjyre jeshile me targa TR 2531 C.

Por, prova e kapur prej 120 porcionesh heroine,- pas kerkeses se avokateve,- eshte pranuar dje edhe nga gjykata, jo si prove se dy te rinjte ishin shperndares e ndoshta edhe perdorues njekohesisht, por thjeshte se ata jane perdorues. Gje qe duket e pabesueshme, edhe nese per nje moment pranohet se ato u ndaluan nga policia, ne kohen kur kishin shkuar te furnizoheshin me shumice. Pasi ne Tirane, nje perdorues i rregullt mund ta gjeje "mallin" qe i duhet per konsum, ne cdo vend e kohe te dites a nates. Pavaresisht nga kjo, Toska, djali i Kryetarit te Keshillit te Qarkut te Tiranes, njekohesisht kusheri i ministrit te Rendit Igli Toska, dje eshte lene i lire nga gjykata. Pavaresisht se formalisht ai do gjykohet ne "arrest shtepie", ai qe dje e ka rifituar plotesisht lirine. Me formulimin e akuzes per Tosken dhe Malon thjeshte si perdorues te lendeve narkotike, bazuar ne nenin 283 te Kodit Penal,- i cili percakton se kjo behet per rastin e mbajtjes "ne doza te vogla", i perjashton ata nga masa e denimit.

[ALBA]

harta e krimit

studimi


Qytetet me koeficient kriminaliteti më të ulët në raport me popullsinë janë Librazhdi dhe Bulqiza

Durrësi dhe Kurbini qytetet e krimit

Studimi: Shqipëria sipas popullsisë ndahet në katër grupe


Laureta Rryçi

Shkalla më e lartë e kriminalitetit: Durrës, Kurbin
Shkalla e parë e kriminalitetit: Tiranë, Gjirokastër, Tropojë, Sarandë, Vlorë
Shkalla e dytë e kriminalitetit: Korçë, Krujë, Kukës, Lezhë, Mirditë, Pukë, Shkodër, Kavajë
Shkalla e tretë e kriminalitetit: Berat, Dibër, Fier, Elbasan, Gramsh, Kolonjë, Tepelenë, Lushnjë, Mat, Përmet, Pogradec, Skrapar
Shkalla e katërt e kriminalitetit: Bulqizë, Librazhd


Qyteteve sipas koeficientit të kriminalitetit në raport me popullsinë

Rrethet - Krime - Popullsia

Berat - 110 - 163981
Bulqizë - 21 - 42985
Dibër - 47 - 86144
Durrës - 523 - 182988
Elbasan - 232 - 257894
Fier - 232 - 241035
Gramsh - 26 - 35723
Gjirokastër - 140 - 55991
Kavajë - 90 - 78415
Kolonjë - 15 - 17179
Korçë - 210 - 183143
Krujë - 75 - 64357
Kukës - 115 - 83896
Kurbin - 171 - 54519
Lezhë - 89 - 68218
Librazhd - 28 - 72520
Lushnjë - 124 - 144351
Mat - 37 - 61906
Mirditë - 50 - 37055
Përmet - 26 - 25837
Pogradec - 48 - 70900
Pukë - 43 - 34454
Sarandë - 90 - 46094
Skrapar - 20 - 29874
Shkodër - 240 - 222564
Tepelenë - 30 - 32465
Tiranë - 927 - 523150
Tropojë - 70 - 28154
Vlorë - 221 - 147267



Ministria e Drejtësisë / Statistikat e pesë vjetëve të fundit tregojnë se kriminaliteti shënon rritje

Ja shkaqet pse vrasin shqiptarët
Studimi: Shifrat më të larta i ka krimi kundër pasurisë

Shkaqet kryesore që i shtyjnë shqiptarët të kryejnë vepra penale në këto pesë vitet e fundit janë pasuria dhe motivet e dobëta.

Kështu ka konkluduar një grup specialistësh nga Ministria e Drejtësisë, pas një studimi të detajuar për pesë vitet e fundit mbi ecurinë e kriminalitett në Shqipëri. Po në këtë studim paraqitet me shifra edhe pjesa që zënë veprat e tjera penale që kanë konsumuar në pesë vitet e fundit shqiptarët. Sipas këtij studimi, duke u bazuar qoftë në kërkesat penale apo edhe në çështjet e përfunduara së gjykuari nga të gjitha gjykatat e rretheve të vendit, veprat penale më të zakonshme janë krimet kundër pasurisë apo sferës ekonomike dhe vrasjet me paramendim. Në të njëjtën kohë specialistët, mbi bazën e shifrave, kanë vënë re se kriminaliteti në pesë vitet e fundit ka ardhur në rritje. Kjo ka ndodhur përgjithësisht për të gjitha veprat penale dhe në të gjitha qytetet e vendit. Rritje është vënë re si në çështjet e përfunduara penale, ashtu edhe në çështjet e përfunduara civile.

Përse vrasin shqiptarët
Sipas studimit të fundit të specialistëve të Ministrisë së Drejtësisë, numri më i madh i krimeve pesë vitet e fundit është kryer për shkak të pronës. Ndërkohë, nuk mungojnë edhe krimet të kryera për shkak të dinjitetit, moralit dhe familjes. Në të njëjtën kohë jo pa rëndësi është edhe konsumimi i veprës penale për vrasje për motive banale apo krime kundër shëndetit. Sipas studimit krimi kundër pasurisë dhe në sferën ekonomike përbëjnë totalisht 54% të të gjitha krimeve të gjykuara në vend. Ndërkohë, një përqindje paksa më të vogël zë edhe krimi kundër jetës. Po i njëjti studim shpjegon se krimet më të rralla janë ato në fushën e drejtësisë dhe kundër lirisë së personit.

Krimi në 5 vjet shënon rritje
Studimi i fundit ka paraqitur shifra alarmante që tregojnë se në pesë vitet e fundit krimi ka ardhur duke u rritur me shifra alarmante. Kjo rritje ka ndodhur si në çështjet e gjykuara që i përkasin fushës penale ashtu edhe në çështjet civile. Gjatë krahasimit e të dhënave të vitit 2002 me ato të vitit 2003 janë vërejtur se ka pasur një rritje të numrit në lidhje me veprat penale për krime kundër jetës me 25 çështje, kundër pasurisë dhe sferës ekonomike me 561 çështje, kundër drejtësisë 16 çështje, si dhe kundër shëndetit 6 çështje. Ndërkohë, është vënë re se ka pasur ulje vetëm në çështjet që janë të lidhura me moralin, dinjitetin dhe familjen me 25 çështje më pak. Lidhur me vepra të veçanta vërehet se ka rritje numri i çështjeve të përfunduara për krimin e vrasjes së cilësuar, vjedhjes së thjeshtë, mashtrimit, falsifikimit të letërnjoftimeve apo vizave dhe trafikimit të qenieve njerëzore.



Klasifikimi i të dënuarve për krime sipas grup veprash penale

Krime kundër jetës 342 të dënuar
Krime kundër shëndetit 80 të dënuar
Krime seksuale 60 të dënuar
Krime kundër lirisë së personit 44 të dënuar
Krime kundër moralit, dinjitetit, familjes 150 të dënuar
Krime kundër pasurisë dhe në sferën ekonomike 2936 të dënuar
Krime kundër rendit dhe sigurisë publike 1139 të dënuar
Krime kundër drejtësisë 218 të dënuar
Krime të tjera 275 të dënuar


Më shumë apelime bëhen nga të pandehurit

Gjatë vitit 2003, sipas studimit të specialistëve të Ministrisë së Drejtësisë, është rritur numri i apelimeve. Nga 5702 çështje të përfunduara janë gjykuar 1733 çështje në Apel, të cilat përbëjnë 30% të tyre. Nga ankimimet gjithsej në 567 raste kemi apelim të prokurorit, që përbëjnë 33% të numrit të përgjithshëm, ndërsa në 1360 raste ose 67% kemi apelim të të pandehurit.



Çështje të përfunduara për vitin 2003

kanë përfunduar 340
Çështje të gjykuara për krime kundër jetës me 8 nene të parashikuara në Kodin Penal

kanë përfunduar 72
Çështje të gjykuara për krime kundër shëndetit

kanë përfunduar 58
Çështje të gjykuara për krime seksuale

kanë përfunduar 30
Çështje të gjykuara për krime kundër lirisë së personit

kanë përfunduar 113
Çështje të gjykuara për krime kundër moralit, dinjitetit dhe familjes

kanë përfunduar 2199
Çështje të gjykuara për krime kundër pasurisë dhe në sferën ekonomike

kanë përfunduar 1138
Çështje të gjykuara për krime kundër autoritetit të shtetit

kanë përfunduar 89
Çështje të gjykuara për krime kundër drejtësisë, të përfunduara

kanë përfunduar 11
Çështje të gjykuara për krime të tjera

[tim]

krimi ka eksistuar ne te gjitha format dhe ne te gjitha kohrat dhe ne te gjitha shtresat shoqerore pra eshte nje forme e rebelimit qe njeriu e ka ne brendesi dhe qe te gjithe e kemi kete forme rebelimi por per ndonje arsye apo tejter jemi te pajtuar me ate rregull dhe nuk rebeleohemi .
ne kohen e komunismit kishte krime dhe sa te duash por quheshin krime e shtetit ( dhe nuk shikoheshin ) kurse sot krimet jane te privatit jane te individit dhe jane ne pah ne driten e diellit dhe ne rrethanet e kryerejs jane te lira per cdo njeri se nuk eshte e veshtire te kryesh nje veper penale dhe te fshihesh shume mire por ketu futet pikerisht puna e shoqerise tone e familjeve tona ne edukimin e indivedeve qe paraqesin keto problemi dhe isolimin e tyre qe ne momentet e para por me sa duket jemi te lodhur dhe te trishtuar dhe ne ne nje fare menyre jemi te dorezuar kundrejt ktyre njerzeve qe jane aq te dobet ne karakter qe nuk jane te zot per jeten e tyre dhe fillojne dhe tregtojne ne menyre qe te ndihen te fuqishem ne pasigurine e tyre per jeten ja pra kto jane kto dhe per mendimin tim duhet nje riedukim rrenjesor dhe nuk mjafotn vetem denimi i cili mund te ashpersoj akoma me shume idene e vepres penale dhe eshe nje mangesi ne administratat shtetrore qe te mungojne strutura te tilla ndoshta edhe mund te jene por jane vetem sa per te treguar se jane .

[wittstar]

Para 14 vjetesh isha plot deshire te studioja drejtesi dhe te luftoj nder te tjera edhe kriminin e organizuar.(Aman more sa naiv qe jane ca njerrez)
E qe thoni ju punet duket se ecnin mire.Po studioja juridik ne Heidelberg kur me vjen nje
punonjes i shtetit gjerman profesor doktor Albert Hartmutt e thonin dhe me thote: Kam degjuar se do te luftosh krimin e organizuar.Po i thashe .Mire tha se ta tregoj une.E c'nuk me bene ata shoket e tij more
aman te keqen.S'me lane gje pa bere.Vetem se kisha guxuar i kisha thene nje te njohuri student
gjerman se do te kisha deshire te luftoj krimin e organizuar.
Me bene fertele.Me nje fjale Mafia shqiptare ka miq te medhenj te Mafia shteterore gjermane.
Dhe ka ca idiot edhe sot e kesaj dite qe duan te luftojne mafian.

Prandaj une tani i penduar se tepermi i kerkoj te falur Mafias,kudo qe eshte,dhe kudo ajo eshte.
Ju them me falni more mafioze qe guxova per nje moment te mendoj t'ju zhduk,ja qe e bera kete
gabim,me falni more.
C'mu desh mua te shkretit qe guxova e fola kunder jush more.
Pra une Wittstar pendohem krejtesisht edhe i lutem bile Mafias te me gjej ndonje pune
se jam katandisur keq qe kur me shkau mendja e goja dhe fola kunder jush,qe thoni ju.
Pra meqe e shihni se jam penduar ju lutem shihni more mafioze shqiptare se mos keni ndonje pune per mua.Ndonje pune transporti apo ndonje pune tjeter.Ju lutem o ju mafioze te
gjithegjendshem,pra meqe paskeni kaq miq te medhenj edhe ne mafian shteterore gjermane,shihni se mos gjeni edhe ndonje pune edhe per mua more aman.(lol)

Till next time

Gjermani moj e pabese
Te shkela se me bere ftese
Ta dija c'ke nen lekure
Nuk te kisha shkelur kurre Author Wittstar