Lufta ndaj krimit te organizuar

[Iceberg]

Krimi i organizuar ne Shqiperi fillon ne Kryeminstri, ministrite, bie me poshte tek kreret e disa partive politike, vazhdon ne prokurori, bashkite etj etj ..eshte nje hierarki e tere mafioze qe perfundon tek polici ne rruge.

[Kuntakinta]

Me ne fund dhe nje teme qe ja ka nevoje per diskutim. Eshte fatkeqesi qe, sic e tha dhe Brari, krimi ne Shqiperi eshte i larte, por mbi te gjitha ndeshkimi i tij eshte i paperfillshem. Une jam dakort qe faji me i madh mund te bjere mbi institucionet perkatese apo politiken, qe mund te neglizhojne punen e tyre. Do kisha deshire qe te jepeshin mendime, sepse krimi eshte teme me te vertet shqetesuese.
Nje faktor i rendesishem per mendimin tim jane kushtet e punes ne policine shqiptare. Me erdhi per te qare kur mesova se per nje krim te caktuar (te cilin nuk dua ta permend), policise i duhej per te shqyrtuar mbi 4000 shenja gishtash. Dhe mbi te gjitha ekspertit i duhej qe te shqyente syte mbi to, sepse asgje nuk eshte e kompjuterizuar ne shqiperi. Dmth mjetet dhe kushtet e punes ne policine shqiptare jane per te vene duart ne koke. Nje faktor tjeter shume i rendesishem eshte lidhja midis policise e shoqerise civile. Mardheniet midis dy paleve jane shume te dobeta. Polici shihet akoma si armik, dhe mbase ka ardhur koha qe ky mentalitet te ndryshoj. Pune duhet bere nga te dy palet, e jo vetem nga policia. Nuk dua te beje krahasime ordinere, por vete fakti qe asnje njeri tjeter (pervec Brarit) nuk ka kthyer pergjigje apo te hapte diskutime rreth kesaj teme ne kete forum, tregon sesa te shqetesuar apo gati per te ndihmuar jemi ne ndaj krimit. Pyetja ime do te ishte: Si mund te ndihmojme ne në venien e rendit ne vendin ku jetojme? Dhe si mund te ndihmojme ne sensitivizimin e shoqerise?
Une e di qe lufta ndaj krimit eshte proces i veshtire dhe qe s'ka mbarim, megjithate forume te tilla mund te ndihmojne te pakten ne diskutimin dhe dhenien e ideve. Nqs ne rrime në vend krimi gjen toke per te hedhur rrenjet dhe per tu shtuar.

[Brari]

ZP shkruan:

-----------------------

Interpoli: Ja skema që zbuloi rrjetin më të rrezikshëm të trafikut

Rrënjët e zbulimit të këtij trafiku, kanë nisur që në datën 28 gusht të vitit 2002. Interpol Tirana në bashkëpunim me Interpol Roma, kanë bërë të mundur zbulimin e një rrjeti tepër të rrezikshëm të trafikut të fëmijëve. Në Peskara të Italisë, policia arreston Xhulieta Peskara e cila dyshohej për ushtrim të trafikut të paligjshëm të fëmijëve. Pas këtij arrestimi, policia bën të mundur një tjetër arrestim. Bashkëshorti i Xhulietës, shqiptares në Durrësi, vihet në pranga nën të njëjtën akuzë. Pas marrjes në pyetje të këtyre trafikantëve të konsideruar si tepër të rrezikshëm, të dy organet homologe, në bashkëpunim edhe me policitë e vendeve respektive, organizojnë një tjetër aksion spektakolar. Në fillim të muajit shtator të vitit 2002, arrestohet në Itali, po në qytetin e Peskarës, kunati i Xhulietës, Nexhip Kacurri. Por, valla e arrestimeve nuk përfundon këtu. Personat e prangosur, zbulojnë njëri-tjetrin para policisë. Një shtetas italian vihet në pranga. Në nëntor të vitit 2002, arrestohet avokati i Xhulietës, nën akuzën e favorizimit të trafikut të paligjshëm të fëmijëve nëpërmjet lehtësimit të dokumentave. Por, goditjet kundër organizatës më të madhe të trafikut të fëmijëve të zbuluar kohët e fundit, vazhdojnë të kryhen njëkohësisht në të dy shtetet e prekura. Policia shqiptare arreston në 11 dhjetor të vitit 2002 në qytetin e Durrësit, Sofie Kacurrin, motrën e Xhulietës dhe gruan e Nexhipit. Të gjithë këta persona të arrestuar nën akuzën më të rëndë të trafikimit të fëmijëve, zbuluan më pas të gjithë masën e organizatës së rrezikshme dhe të mirëorganizuar të trafikut të fëmijëve që vepronte në mënyrë perfekte nga Shqipëria në Itali. Burime zyrtare të Interpol Tiranës, deklarojnë se kjo organizatë, tashmë e shpartalluar nga një goditje perfekte e policive dhe Interpoleve shqiptare dhe italiane, ka trafikuar plot 60 fëmijë. Ky numër është identifikuar zyrtarisht nga hetimet e zhvilluara deri tani në të dy vendet për këtë organizatë. Nga marrja në pyetje e shqiptares së arrestuar, Xhulieta Petalli, policia ka mësuar se për kalim të një fëmije nga Shqipëria në Itali, shuma e fituar ishte 2500 USD. Ndërkohë që të arrestuarit, në deponimet e tyre janë përpjekur të deklarohen se nuk kemi të bëjmë me një trafik të drejtpërdrejtë fëmijësh por me bashkim familjesh. Të arrestuarit, kanë deklaruar se nga kërkesat e vetë familjeve, ata organizonion nëpërmjet ndërrimit të fotografive, kalimin e fëmijëve të moshave të vogla.

Prokuroria: Organizata po hetohet për trafik organesh të fëmijëve

tirane- Në operacionin e përbashkët Shqipëri-Itali për shkatërrimin e rrjetit më të fuqishëm të trafikut të fëmijëve, mësohet se kanë qenë prezent vetë drejtuesit e Interpoleve. Sipas burimeve zyrtare, mësohet se në këtë operacion janë përfshirë edhe oficerë të Skuadra Mobile të Italisë të cilët edhe para ditëve të këtij operacioni, janë marrë me shoqërimin e dokumentacionit dhe me ndjekjen e tij në zbatim në Shqipëri. Po kështu, në operacionin e përfunduar me sukses, janë përfshirë edhe oficerë të INTERFORCE të instaluar në Itali. Gjithashtu, përfaqësues në operacion kanë qenë edhe oficerë të policisë gjyqësore të Prokurorisë së Përgjithshme, grupe të policisë së Tiranës, Interpol Tirana, Zyra e Trafiqeve pranë Ministrisë së Rendit Publik, grupe të policisë së Kavajës dhe grupe të policisë së Durrësit. Nga ky operacion spektakolar, policia ka zbuluar dhe ka sekuestruar gjatë kontrollit të banesave dokumentacione dhe fotografi të fëmijëve që trafikonin jashtë Shqipërisë, pasaporta, certifikata kompromentuese, etj. Nga burimet zyrtare të policisë, mësohet se të gjithë personat e arrestuar dhe pjestarë të kësaj organizate, bënin pjesë në rrjetin e trafikut të fëmijëve nga Shqipëria në Itali. Duke iu referuar burimeve policore, mësohet se hetimet e përbashkëta janë përqëndruar në dy pista kryesore. Njëra pistë është ajo e trafikut të fëmijëve për bashkim familjar ndërsa pista tjetër është ajo e trafikimit të fëmimijëve për transsplatim organesh. Në fakt, hetimet janë përqëndruar më tepër në pistën e dytë pasi të gjitha të dhënat e deritanishme të cojnë në këtë dyshim. Nga hetimet paraprake, ka rezultuar se një grua ka kryer këtë trafik. Ajo kishte organizuar edhe një infrastrukturë lidhëse me policitë dhe SHISH të cilët i kishin krijuar trafikantëve procedura lehtësuese në Portin e Durrësit, Portin e Vlorës dhe në Rinas. Punonjësit e policisë dhe SHISH u kanë krijuar lehtësira trafikantëve në dokumentacione në shumicën e rasteve duke ndryshuar fotiografitë e fëmijëve në pasaporta. Gjithashtu, ata janë përpjekur që të gjejnë edhe klientët përkatës. Burimet e policisë sqarojnë se në këtë rast, kemi të bëjmë me një rrjet të mirëorganizuar. Burime të Interpolit shqiptar, bëjnë të ditur se, "Për këta persona, kemi pasur sinjalizime që pas arrestimit të Petallit në Itali në muajin gusht. I gjithë rrjeti, përgjohej dhe mbahej nën vëzhgim gjatë gjithë aktivitetit duke u survejuar në të gjitha lëvizjet e tij. Goditja ishte e përqëndruar dhe e suksesshme në të dy shtetet.

G.D

Pranga për trafikantin fierak të femrave

Fier- Vazhdon aksioni për goditjen e krimit të organizuar dhe trafikut të qënieve njerëzore në qarkun e Fierit. Burime të policisë së Drejtorisë së këtij qarku bëjnë të ditur se dje ka rënë në pranga një tjetër i kërkuar nga policia, i njohur si njeriu i trafikimit të femrave për qëllime prostitucioni. 33 vjeçari Flirian Zenuni banor në qytetin e Patosit Fier, i martuar (i divorcuar), është arrestuar mbrëmë rreth orës 21 nga forcat e policisë së komiusariatit Fier. Ndalimi është bërë pasi në ngarkim të tij prokuroria e rrethit Fier, ka l;ëshuar një urdher ndalimi për asrsye se është autor i veprës penale të trafdikimit të një femre 16 vjeçare në Itali.

Në vitin 1994, Florian Zenuni, kur ishte jo më shumë se 24 vjeç ka mashtruar një minorene 16 vjeçare nga fshatrat e Lushnjes. Ai ka shkuar në shtëpinë e minorenes ku ka kërkuar dorën e 16 vjeçares për martesë. Falë kushteve të këqija ekonomike, i atii vajzës e ka dhënë, madje pa bërë dhe ceremoninë martesore. Me të arrirë në shtetin fqinj ai e ka nxjerrë direkt në rrugët e Barit fillimisht, dhe më vonë në ato të Milanos dhe të Bolonjës, por njëkohësisht ka pranuar të bashkëjetoje me të. /Adriana Hyso

Arrestohet 35 vjecari që shkaktoi rrëmujë në lokal

tirane- Policia arreston në flagrancë një 35 vjecar pasi ka kryer veprime terroriste. Burime zyrtare të ministrisë së Rendit Publik, deklarojnë se në datën 3, rreth orës 24.00, është arrestuar në flagrancë shtetasi Gjon Ndrec Biba, 35 vjec, lindur në Fan të Mirditës në Lezhë me arsim tetë vjkecar. Ndalimi i tij është kryer pasi rreth orës 16.00, së bashku me shtetasin Z.L, person i shpallur në kërkim në fshatin Gjegjan, pasi kanë pirë në lokalin e një shtetasi, kanë dëmtuar tavolina dhe karrike si dhe kanë plagosur lehtë me mjete të forta kamarierin 35 vjec.

Qëllon me armë zjarri një 27 vjecar, shpallet në kërkim

tirane- Një 26 vjecar ka plagosur me armë zjarri pistoelë një 27 vjecar. Burime zyrtare të ministrisë së rendit Publik, deklarojnë senë datën 3, rreth orës 14.00, tek hotel Turizmi, shtetasi Altin Remzi Sina, 26 vjec, banues në fshatin Rreth-Kala, ka plagosur me armë zjarri pistoletë një shtetas 27 vjec, banues në fshatin Ushtelenzë, i cili ndodhet në spital jashtë rrezikut për jetën. Policia po punon për sqarimin e plotë të rrethanave të ngjarjes dhe kapjen e autorit.

Arrestohen dy autoërt e vensosjes së eksplozivit tek Kisha Ungjillore

tirane- Policia arreston dy persona të cilët dyshohen të jenë autorët e vendosjes së ekspolzivit tek Kisha Engjullore e Përmetit. Burime zyrtare të ministrisë së rendit Publik, deklarojnë se në datën 3, rreth orës 16.00, është ndaluar shtetasi Bledar Spiro Gjoka, 24 vjec dhe Artur Sotir Cela, 29 vjec, banuesa në Përmet, me arsim të mesëm. Arrestimi i tyre është kryer pasi në datën 3, rreth orës 20.30 minuta dyshohen për vendosjen e lëndës eksplozive tek Kisha Ungjillore.

Pranga bashkëshortit që qëlloi mbi gruan me granadë

tirane- Arrestohet autori që goditi bashkëshorten me granadë. Burime zyrtare të ministrisë së rendit Publik, deklarojnë se në datën 3, rreth orës 11.00, është arrestuar shtetasi Shkëlqim Kadri Banushi, 30 vjec, banues në lagjen Kodër-Sukth, me arsim tetë vjecar, i dënuar një herë për armëmbajtje pa leje. Arrestimi i tij është kryer pasi në datën 31, për motive të dobëta ka kanosur për vrasje me granadë bashkëshorten. në banesë iu gjetën e iu bllokuan 3 granada dhe 9 copë kapsolladetonatore. /G.D

Fier- Gjykata e rrethit gjyqësor Fier ka vendosur si masë sigurimi "arrest në burg pa afat" për shtetasit Hodo Mersini, banues në qytetin e Fierit, i cili akuzohet për veprën penale të mbajtjes së bimeve narkotike; dhe shtetasit Ismail Kalemi nga fshati Gorishove i komunës së Cakranit rrethi Fier, i akuzuar jo vetëm për mbajtje të bimeve narkotike por dhe për vepren penale të armembajtjes pa leje. Të dy këta shtetas u arrestuan dy ditë më parë nga policia fierake. Sipas përfaqësuesit të Prokurorisë, prokurorit Sokol Malaj, të arrestuarit Hodo Mersini, gjatë kontrollit të banesës së ushtruar nga policia i janë gjetur fshehur në lavatriçen e shtëpisë 11 pako të mbështjella me qese plastike, të cilat peshonin 50 gr lende narkotike e tipit canabis sativa. /Adriana Hyso

Arrestohen tre persona për veprën penale të vjedhjes, një i shpallur në kërkim

tirane- Tre persona janë arrestuar në flagrancë në Tiranë pasditen e së Enjtes, duke vjedhur një sasi parash në dyqanin e një shtetasi, si dhe një person tjetër i shpallur në kërkim. Burime të Ministrisë së Rendit Publik bënë të ditur se, 15 vjecari me inicialet F.M., banues në Tiranë, me arsim tetëvjecar, është arrestuar në flagrancë nga forcat e policisë. Arrestimi i tij u bë, sepse 15 vjecari u kap duke vjedhur në dyqanin e një shtetasi një sasi lekësh të cilat u bllokuan në cilësinë e provës materiale.



Mbyllet shqytrimi gjyqësor për bandën e Yzberishtit

Mbyllet shqyrtimi gjyqësor i bandës së Yzberishtit. Gjykata e Faktit të Tiranës do të njihet javën tjetër me pretencën e prokurorisë për të shtatë anetarët e kësaj bande të rrezikshme. Deri tani, janë zhvilluar gjithsej 47 seanca gjyqësore ndërkohë që njëri prej anëtrarëve të kësaj bande është dënuar me 25 vjet burg. Gjykimi i bandës ka nisur që 8 nëntor të vitit 2001. Akuzat që rëndojnë mbi këtë bandë, janë ato të vjedhjes dhe grabitjes. Banda ka një aktivitet prej 6 vjetësh.



Dosja Koseni rikthehet në Elbasan

tirane- Dosja Koseni transferohet nga Tirana në Elbasan. Gjithcka është kryer dje pasi sipas burimeve mësohet se kjo dosje është nisur drejt Elbasanit pasi Koseni akuzohet për ushtrim dhune pikërisht në këtë qytet në kohën që ai ka qenë funksionar në policinë e Elbasanit. Transferimi i dosjes së Kosenit, bëhet për të dytën herë, pas kthimit të saj nga Elbasani në Tiranë



Gjykata jep vendimin për hajdutët e 41 milionë lekëve

tirane- Gjykata e Faktit të Tiranës jep vendimin gjyqësor për banditët që grabitën 41 milion lekë në Kamëz në banesën e një cifti të sapokthyer nga jashtë shtetit. Fation Hasa, është dënuar dje me 7 vjet burg, Ilir Shahini me 1 vit burg, SHkëlzen Haklaj me 1 vit burg, Idriz Mema, për moskallëzim krimi me 1 vit burg, Elidon Tota është konsideruar i pafajshëm. Të gjithë personat kanë qenë pjesmarrës në grabitjen e 41 milion lekëvë dhe akuzohen për vjedhje me dhunë.

G’D

-----------------

[ALBA]

Ne qekemi shume mire me kaq pak te burgosur,duke u bazuar ne varferin e vendit tone,duke krahasuar Ameriken demokrate dhe Superfuqi e cila mban rekord.
NEW YORK NY : Enti federal i statistikave në SHBA-s, Census - 2002, në bashkëpunim zyrtar me sekretariatin kombëtar të Burgjeve, sipas regjistrimeve të marra prej burgjeve, federale, shtetrore dhe ato lokale rezulton: se në të gjithë territorin e Shteteve të Bashkuara të Amerikës, ku sipërfaqja është 9,372,610 km katrore, popullsia 284,814,032 banorë, brënda dyerve të hekurta në qelitë e brugjeve qëndrojnë rreth 1,962,220 të burgosur, bëhet fjalë këtu për në burgjet federale , shtetrore dhe ato lokale . Çka do të thotë sipas këtyre statistikave gjatë vititeve të fundit ka pasur një rritje prej 1.3% nga ai i rezultateve të nxjerra në vitin 2000, dhe 3.6% më pak se në vitin 1995.

Rezultatet e statistikave të publikuara nga Census - 2002, tregojnë gjithashtu se ndër 100,000 amerikanë, 470 prej tyre janë në burg, nga 292 prej tyre që ishin në vitin 1990. Numëri i femrave të burgosura në burgjet federale, shtetrore e lokale, kanë pranuar autoritetet e burgjeve ka ardhur duke u rritur - në 0.2% nga dhjetori 2000 deri tek dhjetori 2001, Konkretishtë, janë futur në burg për shkelje të ndryshme të ligjeve, edhe 93,031 gra më shumë se gjatë dy vitteve të fundit. Ndërsa tek gjinia mashkullore patjetër që shifrat janë më të larta dhe shqetësuese për SHBA-s. Numëri i burrave të cilët qëndrojnë tani pas kangjellave të burgjeve, ka një ritje e cila shkon deri në 1.2%, d.m.th rreth 1,313,000 më shumë se dy vitetet e fundit. Nga këta ndër 100,000 amerikan të zinjë 3,535 prej tyre janë në burg. Ata që në amerikë njihen si spanjolët për shkak të origjinës së tyre, në 100,000 spanjol amerikan 1,177 prej tyre janë në burg. Tek të bardhët bie ndjeshëm numëri i të burgosurve, në 100,000 amerikan të racës së bardhë ndër të cilët bëjnë pjesë edhe shqiptarët, vetëm 462 veta janë në burg.

Popullsia e burgjeve në Shtetet e Bashkuara të Amerikës, prej 1,962,220 të burgosurve, është pothuajse e barabart me popullsinë e përgjithshme të Kosovës. Në burgjet amerikane, federale, shtetrore dhe ato lokale, qëndrojnë të gjithë ata qytetarë të cilët kanë thyer ligjet, midis tyre janë 46% deri në 49 % të burgosur, të dënuar për çfardo lloj dhune, 20% deri në 25% të burgosur për moralitet, 21% deri 22% përdorimi dhe mbajtaje pa leje të armëve- droga dhe dënime të tjera të kësaj natyre. Ndërsa 7% deri në 10% e të burgosurve u përkasin shkeljeve të ligjeve që mbrojnë të drejtat publike , aksidentet, taksat, gabime zyrtare, dhe të tjera shkelje që mbrojnë kondin qytetarë.

[Albo]

Kreu i opozitës paraqet paketën e masave antikrim. Propozime të ashpra dhe dënime të parevokueshme

Berisha: Ju tregoj si zhduket krimi dhe korrupsioni

«Komision për nepotizmin në administratë, të ngrihet xhandarmëria dhe të zhduken skafet për tre vjet »

TIRANE- Lideri i opozitës Sali Berisha bëri publike dje një paketë propozimesh me qëllim luftën ndaj krimit të organizuar dhe korrupsionit. Kryetari i demokratëve sqaroi se një pjesë e mirë e këtyre propozimeve do të përfshihen edhe në programin e Partisë Demokratike. “Lidhur me luftën kundër korrupsionit, unë propozoj para jush që korrupsioni të shpallet vepër e rëndë penale. Të bëhet abolicion imunitetit për të gjithë personat me imunitet për një periudhë së paku 5-vjeçare. Të krijohet një komision për studimin e nepotizmit në të gjitha nivelet e administratës, nga kushërinjtë e Fatos Nanos deri tek benjaminët, të afërmit dhe farefisi i deputetëve apo i zyrtarëve të tjerë, që janë në poste të cilat kanë të mundur procesin e korrupsionit, dhe brenda tre muajve ky komision t’u japë zgjidhje problemve të nepotizmit. Nepotizmi është një fenomen që favorizon shumë korrupsionin » , -tha Berisha. Lideri i opozitës përsëriti kërkesën që kontrolli i pasurive të zyrtarëve dhe Kontrolli i Lartë i Shtetit t’i kalojë opozitës. Berisha cilësoi të nevojshme të ndalohet me ligj
prokurimi i drejtpërdrejtë, apo me tender të kufizuar, për vlerat mbi 1 milion lekë.
«Të hiqen çmimet e referencës dhe të vendosen nën autoritetin e doganës të gjitha ato magazina doganore në mënyrë që zyrtarët e lartë të mos kenë të drejtë të kenë magazina doganore. Të liberalizohen plotësisht licensat, patentat etj. Brenda tre muajve të paraqitet në Parlament ligji për konfliktin e interesave.Të ngrihet gjykata e llogarive, me të drejtë vendimesh të parevokueshme » , -tha Berisha. Lideri i opozitës gjykoi se propozimet në fjalë do t’i japin përgjigje përpjekjeve që duhen bërë për të luftuar korrupsionin në Shqipëri. Duke u bazuar në shqetësimet e fundit që ngriti raporti i Komisionit Europian, veçanërisht për korrupsionin në piramidën e policisë së shtetit, Berisha tha se opozita kërkon krijimin e një force të re policore me qëllim eliminimin e krimit të organizuar në vend. « Konkretisht kërkojmë ngritjen e xhandarmërisë së shtetit si një institucion me destinacion shtypjen e krimit të organizuar. Për këtë qëllim propozoj një riorganizim të plotë të Ministrisë së Rendit, të Shërbimit Informativ Shtetëror dhe Prokurorisë së Shtetit për largimin nga këto institucione të të gjitha segmenteve të implikuara direkt në trafiqe », -tha Berisha. Duke cituar sërish raportin e Bashkimit Europian, Berisha tha se ndërkombëtarët në këtë raport flasin për një shtet koleon dhe jo për shtet ligjor. Për këtë arsye, kryetari i demokratëve cilësoi të nevojshme : « Moratorium 3-vjeçar për skafet në bregdetin shqiptar. Asnjë skaf për tre vjet, përveç peshkarexhave të peshkatarëve, të mos lundrojë në bregdetin shqiptar. Jam për vendosjen imediate të paketës ligjore antikrim me dënime fikse».

A.Lidhur me korrupsionin:
1-Korrupsioni të shpallet vepër e rëndë penale.
2-Të bëhet abolicion imunitetit për të gjithë personat me imunitet për një periudhë së paku 5-vjeçare.
3-Të krijohet një komision për studimin e nepotizmit në të gjitha nivelet e administratës
4-Kontrolli i pasurive të zyrtarëve dhe Kontrolli i Shtetit t’i kalojë opozitës.
5-Të ndalohet me ligj prokurimi i drejtpërdrejtë, apo me tender të kufizuar, për vlerat mbi 1 milion lekë.
6-Të hiqen çmimet e referencës dhe të vendosen nën autoritetin e doganës të gjitha magazinat doganore.
7.Të liberalizohen plotësisht licensat, patentat, brenda tre muajve, të paraqitet në Parlament ligji për konfliktin e interesave.
8.Të ngrihet gjykata e llogarive, me të drejtë vendimesh të parevokueshme

B-Për policinë :
1.Ngritjen e xhandarmërisë së shtetit.
2.Një riorganizim i plotë i Ministrisë së Rendit, Shërbimit Informativ Shtetëror dhe Prokurorisë së shtetit.
3-Moratorium 3-vjeçar për skafet në bregdetin shqiptar.
4-Vendosja imediate e paketës ligjore antikrim me dënime fikse.
5-Ngritja e Gjykatës së Krimeve Penale

[Zarathustra.]

Kjo e Sales qenka e bukur, por ce do se del nga goja e atij nen pushtetin e se cilit krimi dhe korrupsioni lindi, u konsolidua dhe u kthye ne kulture apo tradite. Ai njeri e kishte pushtetin, le ta bente. Nuk shof se cfare mund te beje ai njeri me shume sot se c'beri kur kishte pushtetin.

Megjithate per mua ka nje zgjidhje. DENIMI ME VDEKJE.

5 vjet marrveshje. Ne pranojme te mos pretendojme futjen ne BE, dhe aplikojme denimin me vdekje per 5 vjet, (kjo te ngelet marrveshje e fshehte). Nje grusht gjygjtaresh te paguar dhe te mbrojtur mire, si dhe te dedikuar ndaj detyres se tyre tu jipet e drejta te denojne me vdekje. Krijimi pra i nje grupi i ngjashem me ate "Untouchables" ne kohen e Al Kapones ne Amerike. Ekzekutoi per rreth nje muaj mbas vendimit te gjyqit, qe ti tregosh kriminelit se sa i pashprese eshte te dale qe andej i gjalle.
Terror mbi terrorin (krimin) per 5 vjet. Nocioni europian i drejtesise??!!....OVERRATED.
Ky eshte nocioni i drejtesise qe i sherben shoqerise shqiptare. Cdo tjeter eshte vetvrases per ne. Le ti sherbjme pra interesit tone dhe jo idealeve tona.

[Laerta]

Ore albo xhani!
Sala MIRE e ka por me cfare resorcash do arrihet ajo pune!
ore ai vend do dhe nje here enverin, ose nje si puna e tij, qe ta bej vendin ne rregull. te gjithe t
qe jane ne pushtet mor lal, jane kryemashturues, duke filluar nga fatosi e sala e deri tek doganieri. Ato tradhtare e kriminele duan litarin tek she shi i pazarit dhe pastaj me thuaj ti mua, shif nja dy tre te ketilla dhe ben njeri ashtu apo jo. ky akt nuk eshte jasht shkeljve te ete drjtave te njeriut sepse dhe qe te shpqetoje ai vend, cfare njerez jane ne pushtet duhet te hiqen te gjitha kokat dhe te vihen te reja!

[Laerta]

E ke shume mire leshator!
Une jam dakort pasi e kam komentuar dhe me lart, por denimi kapital te behet publik qe te marri vesh ai milet!

[ALBA]

PD: “Malaj-Ahmetaj” ka falimentuar të gjitha kompanitë e tjera

Berisha denoncon korrupsionin qeveritar tek amerikanët. Monopolet qeveritare dhe emërimet nepotike po mbysin tregun e lirë në Shqipëri. Takim i zgjeruar me përfaqësues të fondit dhe Bankës shqiptaro-amerikane në selinë qendrore të PD-së

Opozita ka denoncuar tek përfaqësuesit e fondit dhe Bankës shqiptaro-amerikane problemet serioze të krijuara nga monopolet qeveritare dhe emërimet nepotike të kryeministrit Nano. Kryetari i PD-së Sali Berisha në një takim të zgjeruar në selinë qendrore të PD-së me përfaqësuesit amerikanë, theksoi se monopolet private të qeveritarëve po shkatërrojnë tregun e lirë në Shqipëri, ashtu si dhe nepotizmi i kryeministrit me emërimet e tij që ka për qëllim goditjen ndaj liberalizimit ekonomik dhe parimeve të tregut. Si shembull në takim është sjellë praktika e fundit e emërimeve në krye të Telekomit shqiptar nga Nano, e cila ka sjellë falimentimin e më shumë se tridhjetë kompanive të licensuara për veprimtari në fushën e punimeve telefonike. Kjo për shkak se është kompania 'Malaj-Ahmetaj' e cila është gjithmonë e suksesshme dhe e vetëm pa konkurrentë pasi 'i shpon kabllat optike sa herë të dojë'. Por ky ka qenë vetëm një shembull "i suksesit të madh" të deklaruar në takim nga kryetari demokrat. Gjithashtu në takim është diskutuar edhe mbi mundësinë e shtrirjes së aktivitetit të Fondit dhe Bankës Shqiptaro-amerikane, si dhe për problemet e tregut në Shqipëri. Pas takimit të kryer pa praninë e mediave Berisha shprehu kënaqësinë e tij për vizitën 'e miqve të shquar të Shqipërisë, të Bankës dhe të Fondit Shqiptaro-amerikan', institucioine këto të "një historie e suksesi të vërtetë."

Duke komentuar arritjet e Bankës dhe të Fondit Shqiptaro-amerikan, Berisha u shpreh se "suksesi i tyre u detyrohet energjive dhe përkushtimit të zotit Granov, mikut tim Skalione si dhe bordit drejtues, të cilët kanë punuar me një përkushtim të madh për vendin tonë duke ngritur këto dy institucione të rëndësishme." Berisha veçoi si shumë të rëndësishme "mundësinë e zgjerimit të kreditimit të fermerëve shqiptarë si një ndihmë e jashtëzakonshme për ta."


--------------------------------------------------------------------------------

Berisha mbështet Moisiun në përplasjen me Nanon për Selanikun

Në krye të delegacionit, kreu i shtetit jo i ekzekutivit

Kryetari i PD-së Sali Berisha ka qendruar në krah të Presidentit të vendit Moisiu në zhvillimet më të fundit për sa i përket temës së përplasjes mes Nanos dhe Moisiut për kryesimin e delegcionit që do paraqitet në samitin e Selanikut. Berisha sqaroi se delegacioni duhet të kryesohej nga kreu i shtetit dhe se 'ky realitet, është dëshmi e mungesës totale më elementare të ekipit të Nanos dhe të vetë kryeministrit, sepse është e sanksionuar në kushtetutën e çdo vendi që përfaqësuesi i parë i kombit është Presidenti'. Kryetari demokrat e ka cilësuar zhvillimin e fundit si intrigë e njerëzve të paskrupullt, të cilët nuk kanë as konceptin më të vogël për shtetin. Berisha shprehu keqardhjen e tij për këtë qendrim të kabinetit Nano duke deklaruar se nuk bën që kryeministri të shtyjë karrigen e Presidentit të vendit, siç pati ndohur me rastin Meidani-Majko në Samitin e Sarajevës. 'Vetëm ata të cilët janë demonë të pushtetit, të cilët nuk i njohin askujt pushtet, përveç vetes së tyre, hyjnë në diskutime të tilla', pohoi Berisha. Ai sqaroi se është krejt normale të marrin pjesë të dy nëpër takime, por nuk mund të diskutohet se kush e përfaqëson delegacionin, sepse në të gjitha rastet atë e bën kreu i shtetit.


--------------------------------------------------------------------------------

Samiti. Shqipëria e pashpresë me qeverisjen aktuale

Shqipëria nuk mund të ketë shans për të dalë me rezultate konkrete dhe pozitive nga Samiti i Selanikut për sa kohë do të vazhdojë të ketë të njëjtën qeverisje si ajo aktuale. Kështu është shprehur kryetari i PD-së duke vlerësuar se Shqipërisë i janë bërë të qarta kushtet nga BE dhe komuniteti euroatlantik, i cili pret prej qeverisë respektimin e kushteve në mënyrë që vendi ynë të ecë përpara. 'Por Shqipëria është e pashpresaë me këtë qeveri', deklaroi Berisha. Si fakt për këtë Berisha përmendi debatin e mbrëmshëm parlamentar dhe mashtrimet e qeverisë në lidhje me situatën e rëndë të biznesit në vend. "Ju e dëgjuat dje Ministrin e Rendit se si theu rekordin e mashtrimit duke deklaruar se në vitin 1995 ka patur 75 rrëmbime. Unë ju njoftoj ju se ai do të përgjigjet shumë rëndë për këtë mashtrim, apo kryeministri shqiptar që deklaroi se janë investuar në ekonominë shqiptare vitin e kaluar 1 miliardë dollarë, ndërkohë që ai e kishte fjalën për 1 miliardë lekë. Pra ata janë një ekip shakaxhinjsh, joseriozë dhe të papërgjegjshëm, të cilët do të mbajnë përgjegjësi për vonesat historike që po i krijojnë vendit" ka qenë parashikimi i kryetarit demokrat.


--------------------------------------------------------------------------------

[Enri]

Byroja federale e hetimeve ka bërë publik raportin më të fundit për trafikun e klandestinëve në të gjithë botën

FBI: Mafia shqiptare në trafikun e njerëzve

Në vendet e para renditen Triadat Kineze, Jakuza Japoneze, rrjetet kriminale ruse si dhe mafia shqiptare

Ened Janina
TIRANË- Mafia shqiptare është bërë shumë e fortë dhe kërcënuese në “fushën” e trafikut të klandestinëve. Ajo renditet tek pesë më të mëdhatë në botë dhe sa vjen e po fuqizohet. Ky është një nga konkluzionet e raportit vjetor të Byrosë Federale të Hetimeve (FBI). Charles Demore, Ndihmës Drejtor i Përkohshëm i Departamentit të Hetimeve të Sigurisë së Brendshme ka bërë publik studimin më të fundit të FBI-së në lidhje me trafikun e klandestinëve në të gjithë botën. Në vendet e para ai rendit Triadat Kineze, Jakuzat Japoneze, rrjetet kriminale ruse si dhe mafien shqiptare. Në raportimin e tij përpara Komitetit të Senatit për Gjyqësorin në SHBA më 25 korrik Charles Demore ka bërë një rezyme të plotë të trafikut si dhe ka paraqitur rreziqet që mund të vijnë prej tij. Sipas raportit të Charles Demore, çdo vit në të gjithë botën trafikohen deri në 2.000.000 njerëz. “Rënia e komunizmit, së bashku me përkeqësimin e ekonomive të botës së tretë, kanë furnizuar rritjen dramatike të kësaj forme kërcënuese tregtie. Gjithashtu, grupe ndërkombëtare të krimit të organizuar të tilla si Triadat Kineze, Jakuzat Japoneze, rrjetet kriminale ruse, shqiptare, ukrainase, polake, nigeriane dhe tailandeze gjithashtu kanë shfrytëzuar ekonomitë e dobëta, korrupsionin dhe infrastrukturën e përmirësuar të transportit ndërkombëtar me qëllim që të lehtësojnë kontrabandën dhe trafikimin e rreth 700.000 deri 2.000.000 njerëz çdo vit në shkallë globale”,- thuhet në raportin e bërë publik dje nga Byroja Federale e Hetimeve. Sipas saj, mafia shfytëzon pikat e dobëta të shtetit dhe godet gjithnjë e më shumë. Ata shfrytëzojnë edhe lehtësirat që janë krijuar pas hapjes së kufijve ndërmjet shteteve të ndryshme të botës. Në Europë, klandestinët mjafton të hyjnë në një vend të Komunitetit Europian dhe mund të lëvizin lirshëm në 14 të tjerët. Aleancat e reja që janë krijuar ndërmjet trafikantëve të qënieve njerëzore janë bërë një rrezik serioz. “Disa prej këtyre organizatave kanë braktisur aleancat e tyre historike etnike për t’u bashkuar në sipërmarrje kriminale dhe për të penguar përpjekjet e zbatimit të ligjit”,- tha Charles Demore gjatë raportit të tij. Sipas tij, trafikantët kanë harruar problemet dhe inatet etnike që kanë patur ndërmjet tyre dhe janë bashkuar nën moton “për të fituar sa më shumë para”. Ata janë gati të bëjnë gjithçka vetëm për të fituar para. Ndërkohë përsa i përket Shteteve të Bashkuara të Amerikës është rritur së tepërmi infiltrimi i terroristëve me anë të trafikut të njerëzve. Prej disa kohësh Byroja Federale e Hetimeve ka vënë në shënjestër organizatat e trafikimit të klandestinëve të lidhura me terroristët. “Terroristët dhe miqtë e tyre kanë gjasa të lidhen me rrjete specifike të trafikimit të klandestinëve për të siguruar hyrje në Shtetet e Bashkuara pa u pikasur”,- tha Charles H. Demore, ndihmës-drejtor i përkohshëm i hetimeve në BICE, në raportimin e tij përpara Komitetit të Senatit për Gjyqësorin, numrin në rritje dhe sofistikimin e organizatave kriminale, aftësinë e tyre për të shfrytëzuar korrupsionin terroristët dhe trafikantët e njerëzve po kombinojnë përpjekjet e tyre për tri arsye, tha Demore: numrin në rritje dhe sofistikimin e organizatave kriminale, aftësinë e tyre për të shfrytëzuar korrupsionin publik dhe kontrollet e dobëta të imigrimit në shumë vende burimi dhe tranziti. “Trafikimi njerëzor, specifikisht ajo çka ligji i Sh.B.A. përkufizon si “forma të rënda të trafikimit të personave” ka të bëjë (përveç kur viktimat janë minorenë të trafikuar për shfrytëzim seksual) me forcën, mashtrimin apo shtrëngimin dhe ndodh me qëllim punën e detyruar apo shfrytëzimin seksual komercial. Trafikimi i klandestinëve është një sipërmarrje që prodhon përfitime afatshkurtra që rrjedhin nga detyrime të vetme që paguhen ose prej migrantëve të kontrabanduar ose në emër të tyre. Sipërmarrjet e trafikimit mbështeten mbi punën e detyruar dhe shfrytëzimin seksual komercial të viktimave për të prodhuar përfitime afatgjata dhe afatshkurtra. Të kontrabanduarit kanë vullnetin të rrezikojnë edhe me vdekje potenciale në kërkim të ëndrrës së tyre dhe normalisht janë të lirë ta kërkojnë atë në momentin që kanë arritur destinacionin e tyre përfundimtar. Nga ana tjetër, ne e dimë që viktimat e trafikimit e gjejnë veten në një ujdi ku shërbehet dhe e cila nuk merr fund kur ata kanë arritur destinacionin e tyre dhe për më tej, mund ta gjejnë veten të zhvendosur nga një destinacion në një tjetër në kundërshtim me vullnetin e tyre”,- thuhet në raport.