Droga ne Shqiperi

[JestersWorld]

Per mendimin tim personal Shqiperia do te bente mire ti fuste nje legalizim te pjesshem droges, te pakkten drograve te lehta. Ce do thoni ju?

Nuk eshte e ndaluar nga BE :d
Ul numrat e krimit te organizuar ne menyre te ndjeshme
Sjell turizem masiv nga vendet e tjera te europes ( shih hollanden tani shtoji dhe detin dhe bukurine e natyres Shqitpare... e do shihni se sa veta do shkojne ne greqi per pushime )
Rrit te ardhurat e shtetit nga taksat ne menyre te ndjeshme
I heq mundesine subjekteve kriminale er tu marre m kee biznes duke u hequr keshtu shume te ardhura. Gje qe do i conte ato drejt falimentimit.

[brooklyn2007]

Per mendimin tim personal Shqiperia do te bente mire ti fuste nje legalizim te pjesshem droges, te pakkten drograve te lehta. Ce do thoni ju?

Nuk eshte e ndaluar nga BE :d
Ul numrat e krimit te organizuar ne menyre te ndjeshme
Sjell turizem masiv nga vendet e tjera te europes ( shih hollanden tani shtoji dhe detin dhe bukurine e natyres Shqitpare... e do shihni se sa veta do shkojne ne greqi per pushime )
Rrit te ardhurat e shtetit nga taksat ne menyre te ndjeshme
I heq mundesine subjekteve kriminale er tu marre m kee biznes duke u hequr keshtu shume te ardhura. Gje qe do i conte ato drejt falimentimit.

Komplet e gabuar. Turizmi dhe begatia ekonomike e Shqiperise nuk duhet te vije nga legalizimi i drograve ose prostitucionit, por nga puna dhe investimet e kapitalit intelektual shqiptar dhe te huaj. Pak po degjenerohet dita dites shoqeria shqiptare nga hallet e ndryshme te jetes aty, bej edhe legale drogen e te tjerat dhe do e shohim sa shpejt do zhdukemi si komb. Hollanda e holandezet e kane ne terezi prej kohesh. Nuk vuajne as per drita, uje, pune e as per shume banalitete te tjera qe vuajne shqiptaret. Kur te arrijme edhe ne si Hollanda, atehere flasim per legalizimet e droges (qe une prape jam kundra).

[no name]

Bllokohen rreth 85 kg heroinë dhe përzierës, katër në pranga

Rreth 85 kilogramë drogë janë kapur mbrëmë në
Tiranë, ndërsa të paktën katër persona janë
shoqëruar në polici pas një aksioni të Antidrogës
së kryeqytetit. Lënda narkotike, sipas të dhënave
paraprake, mendohet të jetë heroinë dhe përzierës, por
rezultatet përfundimtare pritet të dalin vetëm pas analizave
në laboratorin e kriminalistikës. Operacioni është zhvilluar
në dy pjesë, njëra në lagjen Kombinat të Tiranës dhe pjesa
tjetër në aksin Tiranë-Elbasan, në afërsi të Kërrabës.
Operacioni ka nisur pas orës 20:00 dhe ka përfunduar rreth
orës 23:00 të mbrëmjes së djeshme. Të ndaluarit
akuzohen se janë pjesë e një rrjeti trafiku të drogës që
vepronte në Tiranë. Kreu i grupit, sipas policisë, ishte
shtetasi Rexhep Avdillari, 53 vjeç, me banim në lagjen
Kombinat të Tiranës, të cilit iu gjet në shtëpi sasia më e
madhe e drogës, rreth 75 kilogramë. Pjesa tjetër prej 10
kilogramë lëndësh narkotike iu është gjetur shtetasve Dritan
Muça 22 vjeç, Ernest Nane 41 vjeç dhe Dallëndyshe
Sulejmani 41 vjeç, të ndaluar në afërsi të Kërrabës.



Gazeta Shqip

[no name]

Blof me drogën, del prapë paracetamol

Përsëritet historia. Pas "heroinës" së Durrësit e Lushnjës, edhe ajo e Tiranës rezulton përzierës. Policia: është lëndë kimike

Lënda narkotike, e bllokuar dy net më parë, është dërguar në laboratorin e kriminalistikës, pasi dyshohet se mund të jetë paracetamol i përzier me kafeinë dhe jo drogë. Burimet nga grupi hetimor bënë të ditur se sapo është bërë bllokimi i 115 kilogramëve lëndë e dyshuar me përmbajtje narkotike, kanë lindur dyshimet se ajo mund të jetë përzierës. Kjo lëndë u bllokua gjatë një operacioni të koduar "Beqari", i cili u realizua dy net më parë, në zonën e Kombinatit dhe njëkohësisht në rrugën Tiranë-Elbasan. Gjatë këtij operacioni u arrestuan tri persona dhe u shoqërua një grua. Burimet nga grupi hetimor i Antidrogës së kryeqytetit bënë të ditur se kampionët e sasisë së bllokuar janë dërguar në laboratorin e kriminalistikës. Ndërkohë, laboratori kriminalistik në Ministrinë e Brendshme deklaroi se lënda e sekuestruar gjatë operacionit "Beqari" është paracetamol dhe kafeinë. Megjithatë, përgjigjja ekzakte pritet pas dy ditëve. "Nga të dhënat paraprake kemi arritur në konkluzionin se sasia e sekuestruar e lëndës kimike është paracetamol dhe kafeinë, e njohur si përzierës për disa lëndë narkotike si heroinë, amfitaminë, kokainë, metafetaminë etj.", detajoi policia. Megjithatë, zyrtarët e policisë deklarojnë se tri personat e arrestuar mund të dënohen me nga tre deri në dhjetë vjet burg, pasi kjo lloj lënde përdoret vetëm për përzierës droge. "Bazuar në të dhënat e grupit hetimor për personat e arrestuar do të procedohet në bazë të nenit 285 të Kodit Penal, sipas të cilit "...transportimi dhe shpërndarja e substancave kimike bazë..., në rast se dihet që ato përdoren për prodhimin ose trafikimin e paligjshëm të substancave narkotike, dënohet me burg nga tre deri në dhjetë vjet", shpjegohet nga policia. Më tej, uniformat blu thanë se sipas informacioneve dhe rasteve të evidentuara prej disa kohësh, ka qenë e pranishme një linjë trafikimi lënde narkotike dhe përzierësi në drejtimin Kosovë-Shqipëri-Greqi. Rastet e evidentuara flasin si për transport lënde narkotike të tipit heroinë, që në përmbajtjen e saj ka pasur edhe lëndë të tjera kimike, ashtu edhe për transport vetëm përzierësi, që në të shumtën e rasteve ka qenë substancë e pastër paracetamol e kafeinë. Sipas të dhënave nga policia, trafikimi i përzierësve të lëndës narkotike është një aktivitet i njohur kriminal, nisur edhe nga praktika e vendeve të tjera të përfshira në rrugën e trafikimit të lëndëve narkotike. "Elementët kriminalë shqiptarë këtë aktivitet e kryejnë si në rastet kur shtojnë sasinë e lëndës narkotike bazë të destinuar për trafikim, ashtu edhe si aktivitet më vete. Sipas specialistëve, ky lloj trafiku ka fitime të larta, po të kihet parasysh se përzierësi blihet me një çmim prej 45-50 euro në vendet e origjinës dhe në destinacion shitet me një çmim prej 200-250 euro për 1 kg. Gjatë operacionit "Beqari", policia sekuestroi 115 kg pluhur, lëndë e dyshuar me përmbajtje narkotike dhe arrestoi shtetasit Rexhep Faik Avdillari 53 vjeç, Dritan Luan Muca 22 vjeç dhe Ernest Koçi Nane, 41 vjeç. Lënda e bllokuar mendohet se do të dërgohej nëpërmjet Korçës për në Greqi. Avdillari e kishte kthyer banesën në një laborator, pasi ishte ndarë me të shoqen. Ky ka qenë edhe personi kryesor, i cili përgjohej nga policia, nga ku mori shkas edhe emri i operacionit. Gjatë operacionit, policia shoqëroi edhe Dallëndyshe Sulejmanin, e cila u kap në banesë me Avdillarin, por që u la sërish e lirë.




Përsëritja


Heroina e katër muajve më parë, e njëjta histori


Katër muaj më parë policia shqiptare bëri bllokimin e një sasie tepër të madhe përzierësish narkotikë, që më pas rezultoi se ishte paracetamol dhe kafeinë. Sipas të dhënave policore, më datën 4 maj të këtij viti, Policia e Shtetit ka kryer dy operacione antidrogë në qytetet e Lushnjës dhe të Durrësit, ku është sekuestruar respektivisht sasia prej 47,5 kg dhe 428,8 kg, pluhur ngjyrë bezhë dhe i bardhë, i dyshuar si lëndë narkotike. Të dyja operacionet e kryera kanë synuar goditjen e një linje trafiku të paligjshëm nga Kosova në Greqi, duke mbajtur në mbikëqyrje për një periudhë relativisht të gjatë kohore subjektet që bashkëpunonin në këtë trafik. Por, pas ekspertimit të lëndës së bllokuar, rezultoi se në të nuk kishte përqindje droge.




Gazeta Shqip

[no name]

Bledi Çelaj u paraqit në policinë e Tiranës bashkë me avokatin e tij. Më 14 shtator, ai mundi t‘u shpëtonte uniformave blu

Droga në QSUT, vetëdorëzohet infermieri

37-vjeçari pranon akuzën. Prej disa ditësh ishte fshehur te miqtë e tij

Arrestohet infermieri i shpallur në kërkim për tregtim heroine. Prangosja e tij u mundësua në orët e pasdites së djeshme, ku ai u është dorëzuar forcave antidrogë të kryeqytetit. Bledi Çelaj u identifikua para pak ditësh si furnizues droge për disa shpërndarës të Tiranës. Sipas të dhënave, natën e operacionit, infermieri 37-vjeçar kishte arritur t‘i shpëtonte prangosjes. Burimet zyrtare nga Drejtoria e Policisë së Tiranës bënë të ditur se nga specialistë të sektorit të luftës kundër drogës u bë e mundur prangosja e shtetasit në kërkim Bledi Aleksandër Çelaj, 37 vjeç, banues në Tiranë, me detyrë infermier pranë pavijonit të djegieve në spitalin "Nënë Tereza". "Ky person ishte shpallur në kërkim nga policia e Tiranës, pasi dyshohet se duke qenë i punësuar si infermier, u shiste personave të ndryshëm lëndë narkotike të llojit heroinë. Një tregti të tillë, ai e kryente në ambientet e spitalit "Nënë Tereza". Më datë 14 shtator, policia nisi operacionin për kapjen e tij, por mundësoi vetëm arrestimin e shpërndarësit Denio Ermir Gjinali, 30 vjeç, banues në Tiranë, student pranë Institutit Bujqësor të Kamzës. Ky i fundit u kap në ambientet e një bar-kafeje, në momentin e shkëmbimit të lëndës narkotike prej 2 gramësh, duke ia shitur personave të tjerë. Pas kapjes së menjëhershme të shtetasit Denio Gjinali, ai ka deklaruar se lëndën narkotike e blinte dhe furnizohej shpeshherë, nga Bledi Aleksandër Çelaj. Sipas të dhënave nga grupi hetimor në policinë e Tiranës, ndaj shtetasit Çelaj u mor masa e ndalimit rreth orës 21.00‘ të së hënës për konsumim të veprës penale, prodhimit dhe shitjes së narkotikëve. Sipas uniformave blu, natën e operacionit të parë, Çelaj ka qenë në punë, por ishte larguar dhe kolegët e tij nuk e dinin arsyen. Gjatë kontrolleve në sendet vetjake, policia ka bllokuar pasaportën dhe lejen e drejtimit të makinës. Ndërkaq, dy efektiva blu, gjatë gjithë këtyre ditëve kanë ruajtur makinën e infermierit, që ndodhej përballë repartit të djegieve në QSUT. Uniformat blu kanë kontrolluar imtësisht në ambientet e Spitalit dhe të pavijonit, ku Çela punonte. Gjithashtu, i është kontrolluar dhe gardëroba dhe në përparësen e tij u gjetën rreth 12 gramë heroinë e paketuar në 45 doza, ndërsa 9 doza u gjetën të boshatisura. Ndërkohë, 37-vjeçari dyshohet se duke qenë i punësuar si infermier, shiste heroinë në ambientet e spitalit "Nënë Tereza". Sipas policisë, 37-vjeçari ka pranuar të vetëdorëzohej në prani të avokatit të tij. Kur i arrestuari është marrë në pyetje nga oficeri i policisë gjyqësore, ai e ka pranuar akuzën e ngritur ndaj tij.





Gazeta Shqip

[no name]

Uniformat blu të Tiranës arrestojnë Sajmir Canin. Operacioni u realizua tek Ura e Farkës

Antidroga bllokon 700 gramë heroinë, pranga transportuesit

Policia: Bashkëpunoi me një korçar dhe një grek

Antidroga e Tiranës ka organizuar një tjetër operacion gjatë orëve të natës duke sjellë arrestimin e një personi dhe identifikimin e dy bashkëpunëtorëve të tij. Gjatë operacionit, uniformat blu bënë sekuestrimin e 700 gramëve heroinë dhe prangosjen e poseduesit Sajmir Cani. Sipas hetimeve, i arrestuari dyshohet se ka bashkëpunuar edhe me një grek.

Drejtoria e Policisë së Tiranës bëri të ditur se gjatë orëve të vona të së mërkurës, nga specialistë të seksionit të luftës kundër drogës, u mundësua kapja dhe më pas arrestimi në flagrancë i shtetasit Sajmir Xhemal Cani, 34 vjeç, banues në Tiranë. "Kapja e tij u realizua rreth orës 21:30, në afërsi të Urës së Farkës, ku pas një kontrolli të imtë, personit të lartpërmendur iu gjendën rreth 700 gramë lëndë narkotike, e cila dyshohet të jetë e llojit heroinë", shpjegoi grupi hetimor nga antidroga e kryeqytetit.

Sipas të dhënave nga grupi hetimor, dokumentimi ligjor i aktivitetit të tij kriminal u mundësua pas një hetimi për një periudhe 2-javore investigimi me metodat e hetimeve speciale. Ndërsa e gjithë sasia e lëndës narkotike u dërgua për ekzaminime kimike pranë Institutit të Policisë Shkencore në Tiranë. "Aktualisht, specialistë të sektorit të antidrogës janë duke bashkëpunuar me Prokurorinë e Tiranës, mbi identifikimin e personave të tjerë të implikuar në këtë veprimtari kriminale apo të aseteve të përfituara prej saj. Ndërkohë, ndaj shtetasit Sajmir Cani u mor masa e arrestit për veprën penale të prodhimit dhe shitjes së lëndës narkotike", deklaroi zyrtarisht policia. Më tej, uniformat blu shpjeguan se në lidhje me këtë operacion ishte marrë informacion se një person siguronte lëndën narkotike në Tiranë dhe më pas e dërgonte për shitje në Korçë.

Policia ka mundur të zbulojë edhe shitësin e saj, por në momentin që do të kryhej dorëzimi i mallit, ai ka rënë në gjurmët e policisë dhe ka anuluar pazarin me Canin. Në këto momente, Cani është kthyer, por rrugës ka rënë në prangat e policisë. Nga hetimet e mëtejshme, pavarësisht se policia nuk ka mbledhur të gjithë faktet e duhura, ka identifikuar edhe blerësin e heroinës. Sipas grupit hetimor, ai është një korçar, i cili është person me precedent penal dhe që dyshohet se ka lidhje me një shtetas grek. Shpeshherë, ai blinte heroinë me sasi jo shumë të mëdha dhe më pas e trafikonte drejt Greqisë. Megjithatë, ndaj këtyre personave të akuzuar për trafikimin e lëndës narkotike në shtetin fqinj, organi i akuzës nuk ka mundur të ngrejë akuzën e grupit të strukturuar kriminal, por vetëm shitje të drogës në bashkëpunim. Burimet nga antidroga e kryeqytetit bënë të ditur se ende po mblidhen fakte në lidhje me këtë operacion dhe brenda një kohe të shkurtër do t‘i kërkohet institucionit të prokurorisë që të lëshojë të tjera urdhër-arreste për drogën e sekuestruar. Personit të arrestuar, veç drogës së kapur, policia i sekuestroi mjetin me të cilin lëvizte, me targë TR4261L dhe shumën e parave prej 10.600 lekë e 250 eurosh.





Gazeta Shqip

[gerland]

Eshte e kot te diskutohet
Trafiku droges, droga etj etj ska per tu luftuar kurr sepse se lufton dot nje sindrome te tille.
Ekonomia na meson ku ka kerkes ka edhe treg, kshu qe eshte shume me e llogjikshme te bejme sic e ben gjith bota, te lehtat te lejohen ode te durohen edhe te rendave te luftohen.
eshte e kot te kerkohet shfarrosja totale e tregut te droges ne Shqiperi se ska ndodhur ne asnje vend te ketij globi qe te ndodhe te ne, me pozitivja do te ishte nje rruge e mesmet po
politika jone nuk shquhet shume per arritje te tilla.
G