Droga ne Shqiperi

[no name]

Kapen 78 kg marijuanë, në kërkim transportuesi i drogës

Bllokohet makina me targa të Durrësit. Droga kishte si destinacion përfundimtar Greqinë

Policia e Pogradecit ka bllokuar 78 kilogramë kanabis sativa, ndërsa nga operacioni që ka zgjatur për më shumë se një orë nuk është mundur të vihet në pranga transportuesi i kësaj lënde narkotike. Operacioni i policisë është mbyllur në mes të qytetit, vetëm me kapjen dhe bllokimin e mjetit, ndërsa autori ka mundur të shpëtojë, pasi ka braktisur makinën dhe ka ikur me vrap. Sipas të dhënave zyrtare nga ana e policisë së Pogradecit, sasia prej 78 kilogramësh ka qenë e paketuar në një makinë me targa të Durrësit. Burimet e policisë lokale thonë se aksioni që ka bërë që mjeti të vihej në shënjestër dhe më pas në ndjekje ka nisur pas një sinjali dhe të dhënave operative për udhëtimin e mjetit drejt qytetit. Të njëjta burime tregojnë se lënda narkotike e paketuar dhe e vendosur në pjesën e pasme të makinës kishte si destinacion qytetin e Korçës, ndërsa mendohet se më tej, pas dorëzimit të saj në këtë qytet, droga do të niset drejt Greqisë. Sipas policisë, autori i cili është identifikuar, është larguar gjatë ndjekjes, duke braktisur mjetin, ndërsa rezulton se ai do të kryente vetëm transportin e lëndës përkatëse drejt Korçës, ku mendohet se droga do të dorëzohej te persona të tjerë për të bërë të mundur edhe kalimin matanë kufijve. Makina tip "Lancia" me targa DR 4949 A, sipas policisë ka qenë duke iu afruar qytetit të Pogradecit, kur policia i është vënë pas për ta ndjekur pas dyshimeve për trafik të narkotikëve. Ndjekja me shpejtësi të jashtëzakonshme ka nisur që në Qafë-Thanë, ndërsa ka vazhduar dhe brenda në qytet. Ka qenë pikërisht këtu ku autori ka braktisur mjetin, duke përfituar nga rrugicat për të lënë pas lëndën dhe për t‘i shpëtuar kapjes nga ana e policisë lokale. Mësohet se transportuesi i drogës, tashmë me një identitet, është nga qyteti i Durrësit. Ai mendohet se sillte lëndën narkotike nga qyteti bregdetar, ndërsa dyshohet se është pjesë e një rrjeti që ka shtrirje në disa qytete. Sipas policisë, autori ka mundur të largohet edhe për shkak të errësirës, ndërsa është parë duke ikur me vrap mes banesave. Drejtuesi i mjetit me targa të Durrësit, Dr 4949 A, është larguar nga vendi i ngjarjes, ndërsa sasia prej 78 kilogramësh është bllokuar nga ana e policisë, bashkë me mjetin në cilësinë e provës. Sipas policisë, droga e gjetur në makinë ishte e presuar dhe e paketuar në pako të vogla 2 kilogramëshe dhe gjendej në bagazhin e makinës, e maskuar në dy çanta bashkë me disa veshje sipër. Nga ana tjetër, pas identifikimit të autorit të trafikut të narkotikëve, drejtuesi i mjetit është shpallur në kërkim edhe pranë pikave kufitare.

[^AngeL^]

droga eshte nje nga bizneset me te fuqishme ne shqiperi dhe nje nga motoret kryesore per ekonomine shqiptare.Pse si mendoni ju ato pallate e klube si jane ngritur.pastaj kjo eshte nje faze kalimtare (faze e mbledhjes se kapitalit)tani ne shqiperi po hyme ne fazen e legalizimit te keti lloj kapitali i cili me dashje dhe padashje ka ndihmuar rritjen ekonomike te shqiperise..keto jane faze qe çdo shtet i civilizuar i ka kaluar.duhet durim!

jam mase ndakord me ate qe ke shkruar me larte.

por duke menduar se ky biznes eshte i jashtligjshem, duhet te kete nje Stop.... sa me shume futesh ne te aq me shume i terheq.

[no name]

Droga ne autobus, burg te akuzuarit

E Diele, 15 Korrik 2007


TIRANE - Gjykata e Krimeve te Renda ka lene ne arrest me burg 30-vjecarin nga Saranda, Romeo Haderi, i akuzuar per vepren penale "trafik nderkombetar te lendeve narkotike". Masa eshte dhene diten e djeshme, tre dite pas arrestimit te te akuzuarit. Gjate dhenies se mases, Haderi nuk ka folur, nderkohe qe mbrojtja ka hedhur poshte akuzat ndaj klientit te saj. Arrestimi i Haderit erdhi si pasoje e gjetjes se 118 kg marijuane me 8 maj te ketij viti ne autobusin e linjes Sarande-Athine dhe pas analizes se gjurmeve te gishterinjve, te cilat perputheshin me ato te te akuzuarit. Arrestimi u krye nga policia e Vlores, pas nje operacioni dhe flete-arrestit te Prokurorise se Krimeve te Renda.


kohajone

[no name]

Gjenden 5 parcela hashash, në kërkim kultivuesi


A.Dushi
05-09-2007


SHKODËR- Një person është shpallur në kërkim për kultivim hashashi, pas një aksioni që u zhvillua në Bajzë të Malësisë së Madhe. Sipas policisë, shtetasi

Aleksander Pashko Çulaj, 38-vjeç, është shpallur në kërkim, pasi në parcelat që mendohet se janë pronë e tij u gjetën sasi të konsiderueshme bimësh narkotike.

Kanabis sativa u identifikua në disa parcela,jo larg qendrave të banimit. Pas informacioneve të marra në rrugë operative, efektivat e sektorit të luftës kundër drogës në drejtorinë e policisë së Shkodrës, në bashkëpunim me atë të FNSH-së dhe të komisariatit të policisë së Malësisë së Madhe ushtruan kontroll në lagjen "Çulaj" të fshatit Bajzë në komunën e Kastratit në Malësi të Madhe. Në këtë lagje u konstatuan 5 parcela me rreth 710 rrënjë bimë narkotike kanabis sativa, e mbjellë kjo në tokat që mendohet të jenë në pronësi të Çulajt. Bimët vaditeshin nëpërmjet një pusi që ndodhej në oborrin e shtëpisë së këtij shtetasi. Gjithashtu në afërsi të banesës së tij, në një ndërtesë të pabanueshme, u gjetën dhe u sekuestruan në cilësinë e provës materiale 7 thasë të mbushura me lëndë bimore të thara në formë gjethi. Materialet në ngarkim të këtij shtetasi i kaluan Prokurorisë së Rrethit Gjyqësor Shkodër për veprat penale "Kultivim i bimëve narkotike" dhe "Prodhim e shitje të lëndëve narkotike".


Shekulli

[TOKE GEGA]

Kryeministri paralajmëron hartimin e një strategjie për parandalimin e zjarreve, që do të pasqyrohet edhe në buxhet


Qeveria, zjarrvënia do të konsiderohet krim i rëndë



Qeveria do të hartojë një strategji të re, me qëllim parandalimin e zjarreve në të gjithë territorin e vendit. Gjatë mbledhjes së djeshme të qeverisë, kryeministri Berisha, duke iu referuar situatës së zjarreve gjatë kësaj vere, theksoi se qeveria do të përfundojë para marsit të vitit të ardhshëm planin e masave për përballimin e situatave të krijuara në rastin e rënies së zjarrit. Kreu i qeverisë tha se duhet të shqyrtohet Kodi Penal, në mënyrë që zjarrvënia të përfshihet si një krim i rëndë. Gjithashtu, Berisha nënvizoi se do të hapet tenderi për marrjen me qira të avionëve dhe helikopterëve zjarrfikës për verën e ardhshme. "Është e domosdoshme që të fillojë puna e të hapet tenderi për kontraktimin e marrjes me qira të avionëve zjarrfikës "Canadair" dhe helikopterëve multifunksionalë, të cilët do të jenë të stacionuar në Shqipëri", u shpreh Berisha. Ai theksoi se për të siguruar një vëzhgim dhe kontroll më të mirë të zjarreve, është e domosdoshme që brenda një kohe të shkurtër, të gjitha kullotat dhe pyjet jashtë parqeve kombëtare t'iu kalojnë tërësisht autoriteteve vendore. "Duhet të përcaktohet ndërtimi i rrjeteve dhe pajisjet me mjetet e nevojshme për vëzhgimin e terrirorit. Sistemi i vëzhgimit duhet të bëhet nga bashkitë dhe komunat e vendit. Në asnjë rrethanë dhe rast, qeveria qendrore nuk mund të ketë kullotat e Nivicës apo Shishtavecit. Të gjitha pyjet, përveç parqeve kombëtare, qoftë edhe ato private, duhet të kenë statusin e tyre të qartë dhe të prerë", tha kreu i qeverisë, i cili shtoi se vera përvëluese që kaloi u karakterizua nga qindra zjarrvënie nga kriminelë piromanë dhe jo piromanë, të cilat dëmtuan sipërfaqe të konsiderueshme pyjesh, ullishtesh dhe vreshtash, rrënuan dhjetra shtëpi dhe në disa raste rrezikuan edhe jetë njerëzish. Duke folur më tej për këtë çështje, kreu i qeverisë vlerësoi punën e Task-Force për përballimin e kësaj situate, duke nënvizuar se në tërësi ajo veproi me eficiencë në mobilizimin e mjeteve të brendshme dhe në gjetjen e mbështetjes nga vendet mike. Gjithashtu, kryeministri shprehu falenderimin e qeverisë shqiptare për ndihmën e çmuar financiare që dhanë Shtetet e Bashkuara të Amerikës si dhe Italia, Gjermania, Çekia dhe Ukraina, në ofrimin e mjeteve dhe pajisjeve zjarrfikëse. Kryeministri vlerësoi se pa këtë ndihmë, zjarret në Shqipëri do të kishin patur përmasa shumë më të gjera dhe dëmet e tyre do të kishin qenë më të mëdha. Më tej, Berisha vlerësoi se në tërësi parqet kombëtare janë ruajtur, por e vërteta është se klima imponon ndryshime rrënjësore të qeverisë shqiptare në dy drejtime: në drejtimin e energjisë, për të cilin qeveria po punon në mënyrë të vazhdueshme për një qëndrim të ri, dhe drejtimi i dytë kryesor është qëndrimi ndaj zjarreve. "Është tepër e rëndësishme që të ketë një trajtim të shumanshëm të problemit të zjarreve, ndërsa vlerësoj përpjekjet e ushtrisë, policisë, zjarrfikësve dhe rojeve të pyjeve për betejën e jashtëzakonshme dhe sakrificën në shuarjen e zjarreve. Zjarret janë fuqi e verbër, me një potencial shumë të madh shkatërrues. Duhet të ndërmerren të gjitha masat për hartimin e një strategjie, që do të pasqyrohet edhe në buxhetin e ardhshëm", tha kreu i ekzekutivit, duke shtuar se klima në vend dhe rajon po shkon drejt ngrohjes dhe për këtë arsye duhet përshtatur me të. "Këto masa kërkojnë mbështetje të plotë ligjore dhe buxhetore, programim dhe planifikim, në mënyrë që ato të jenë të kompletuara, së paku deri në marsin e vitit që vjen. Është e domosdoshme të bëhet një ripërtëritje e plotë në të gjithë shërbimin e zjarrfikësve. Ne duhet të synojmë një zgjerim të shpejtë të këtij shërbimi, rajonizim më të përshtatshëm të tij, stërvitje dhe furnizim më të mirë me pajisje", saktësoi Berisha, duke theksuar se të gjitha investimet duhet të adresohen në fuqizimin e repartit të zjarrfikëses.

[no name]

Trafikuan drogë me makinën e Kuvendit, 20 vjet në burg


F.Vezaj
06-09-2007


Krimet e Rënda kanë dënuar dy shoferët e institucioneve kushtetuese dhe dy organizatorët e trafikut

TIRANË- Gjykata e Krimeve të Rënda, pas aplikimit të gjykimit të shkurtuar vendosi të deklarojë fajtorë katër të pandehurit e arrestuar me akuzën e "trafikut të lëndëve narkotike" në bashkëpunim dhe t'i dënojë me 20 vjet e 8 muaj burg. Pas shqyrtimit të çështjes nga trupi gjykues dhe dëgjimit të palëve në proces u vendos që katër të pandehurit të dënoheshin me burg. Për të pandehurit Xhelo Gërveshi dhe Bastri Asllani, togat e zeza vendosën dënimin me nga 5 vjet e 4 muaj burg, duke i cilësuar si drejtues të rrjetit të trafikut të lëndëve narkotike. Për dy shoferët e institucioneve kushtetuese, Gentian Alizoti dhe Armand Gjinushi gjykata vendosi t'i dënojë me nga 5 vjet heqje lirie, duke i akuzuar vetëm për veprën penale të "prodhimit, mbajtjes dhe shitjes së lëndëve narkotike" në bashkëpunim. Ndërkohë, në muajin korrik dy përfaqësuesit e akuzës kërkuan nga gjykata që i pandehuri Xhelo Gërveshi të dënohej me 11 vjet burg, pasi kishte kryer veprat penale të "organizimit, drejtimit dhe financimit të lëndëve narkotike" dhe "trafikut të lëndëve narkotike" në bashkëpunim. Për të pandehurin Bastri Asllani, prokuroria kërkoi dënimin me 9 vjet heqje lirie, ndërsa për dy shoferët e institucioneve kushtetuese, Gentian Alizoti kërkoi dënimin me nga 7 vjet e 6 muaj burg. Sipas akuzës, katër të pandehurit në bashkëpunim me njëri-tjetrin kanë organizuar trafikun e lëndëve narkotike nga jugu i Shqipërisë në drejtim të qytetit të Peshkopisë, ku më pas hashashi prej 120 kg do të dërgohej në Maqedoni. "Dy të pandehurit Gërveshi dhe Asllani u arrestuan paraditen e 22-nëntorit të vitit që shkoi, si drejtues të këtij rrjeti të trafikut të hashashit. Ndërsa dy shoferët e Gjykatës Kushtetuese dhe Kuvendit të Shqipërisë ishin transportuesit e 120 kg hashash që do të trafikohej në Maqedoni nga i pandehuri Asllani",-kanë pohuar prokurorët e çështjes.


Shekulli

[no name]

Ndalohet me 540 gram heroinë 34-vjeçari


A.Dushi
06-09-2007


Policia: Vëzhgohej prej një jave. Kishim informacion se merrej me transport e shpërndarje droge
SHKODER-Policia e Shkodrës ka ndaluar një 34-vjeçar që kishte me vete 540.15 gram heroinë. Sipas të dhënave policore, mësohet se i ndaluari shërbente si korrier droge, shpërndante dhe transportonte sasi lëndësh narkotike dhe ka qenë në vëzhgimin e policisë. Ndalimi i tij është bërë rreth orës 16.00 të pasdites së djeshme, në afërsi të vendit të quajtur Banja e Vogël, në lagjen "Manush Alimani". Shpëtim Beqiri, 34-vjeç, u vu në pranga në një rrugicë, teksa ka qenë duke lëvizur në këmbë. Mësohet se ai është banor në lagjen "Partizani" në qytetin e Shkodrës. "Shpëtim Beqiri ka qenë duke ecur në këmbë, ndërsa agjentët civilë të policisë e kanë ndaluar në befasi dhe kanë ushtruar kontroll në trup"- theksojnë burimet policore.

Gjatë kontrollit në brez atij i është gjetur një qese plasmasi, brenda së cilës ndodhej një paketë e mbështjellë me naterban. Menjëherë Shpëtim Beqiri është shoqëruar në polici dhe ka rezultuar se pakoja që kishte fshehur në trup mbante brenda lëndë narkotike të tipit heroinë, në një sasi 540.15 gram. Policia ka kryer veprimet proceduriale dhe ka ndaluar 34-vjeçarin, i cili ka qenë i dënuar në vitin 2006 për kontrabandë cigaresh. Burime nga policia bëjnë të ditur se kishte pasur informacion më parë se ai merrej me shpërndarje e transport lënde narkotike dhe kishte një javë që ndiqeshin veprimet e tij. Dje policët kanë qenë të sigurtë se ai e kishte me vete lëndën narkotike dhe kanë ndërhyrë duke e kapur në flagrance. Mësohet se i ndaluari nuk ka pranuar të thotë asgjë, vetëm ka kërkuar avokatine tij. Lënda narkotike, mendohet se është e llojit heroine e presuar.



Shekulli

[no name]

Hashash në bagazhet e udhëtarëve, bllokohet autobusi


Ndërsa ishte në kilometrat e fundit të udhëtimit nga Himara për në Sarandë, autobusi i kësaj linje është bërë objekt i një kontrolli policor të ushtruar paraditen e djeshme, pas marrjes së informacionit për praninë e një sasie droge në bagazhet e pasagjerëve. Automjeti me targa VL 4718 C është ndalur në Qafën e Gjashtës dhe nga kontrolli ka rezultuar se njëra prej çantave të vendosura në bagazh përmbante në sasi lënde narkotike. Në bazë të informacionit paraprak, për atë janë akuzuar dy djem të rinj, të cilët janë shoqëruar për në komisariatin e policisë. Emrat e tyre nuk bëhen të ditur për arsye hetimi. Gjatë pyetjes, asnjeri prej të dyshuarve nuk ka pranuar që çanta me përmbajtje droge është pjesë e bagazheve personale. Kjo ka bërë që policia të shoqërojë për në komisariat të 27 udhëtarët e ndodhur në autobusin që drejtohet nga Sevo Bala, si dhe të bllokojë autobusin.




Gazeta Shqip

[ELDORADO]

lojeni er dreqer te lirohet pazari i ktyne gjonave se me shume restrikte jane ligjet per te me shume rritet pazari ,mmmmhh mka marr malli per cik kanabis nga ato te rritura ne shtepine time ...............

[no name]

Kapshticë, kapen 5 kg heroinë me destinacion Greqinë

Ky është rasti i tretë brenda një muaji i zbulimit të lëndëve narkotike të forta

Të paktën pesë kilogramë lëndë narkotike e llojit heroinë është kapur në territorin doganor vendas, në pikën kufitare të Kapshticës, ndërsa kishte për destinacion shtetin grek. Ka qenë një operacion i policisë së Devollit dhe asaj kriminale të Drejtorisë së Korçës, që ka zbuluar këtë trafik të heroinës, i treti rast ky që kapet në të njëjtën pikë kufitare brenda një muaji dhe me të njëjtën lëndë që tentohet të kalohet matanë kufirit. Një 29-vjeçar është kapur në kufi duke tentuar të kalonte drogë me mjetin e tij me targa të Korçës. Sipas policisë edhe në këtë rast duket se autori ka shfrytëzuar kalimin e emigrantëve dhe dyndjen e tyre për t‘u futur me mjetin e vet në radhë, duke pritur procedurat. Autori Kristian Hani nga Vlora kishte pak kohë që ishte shpërngulur me banim në qytetin juglindor. Ai ishte nisur i vetëm drejt Greqisë, si emigrant shqiptar që punon atje, me pretendimin se kishte ardhur për pushime e tashmë duhej të kthehej sërish në vendin e punës. Por ndërsa dyshohet që ai të ketë qenë në të njëjtën linjë trafiku me dy raste precedente, 29-vjeçari është bllokuar në kufi, ku gjatë kontrollit ju gjet edhe sasia prej 5 kilogramësh lëndë narkotike. Sipas burimeve zyrtare të policisë, heroina ka qenë e paketuar në 9 qese me peshë të përafërt 500 gramë secila. Sa ka shkelur në brendësi të territorit doganor dhe i është afruar sporteleve, policia ka devijuar mjetin për të ushtruar kontrollin, ndërsa mësohet se ka pasur të dhëna paraprake për një ngarkesë të mundshme me lëndë narkotike, e cila do të kalonte nëpërmjet kësaj pike. Droga e destinuar për trafik drejt shtetit fqinj u gjet e fshehur në mjetin me targa KO6217A. Sipas të dhënave zyrtare, 29-vjeçari Kristian Hani e kishte vendosur drogën poshtë këmbëve, në afërsi të pedaleve të makinës. Droga kap një peshë të paktën 5 kilogramëshe, ndërsa është bllokuar menjëherë edhe mjeti me të cilin i riu po e transportonte atë drejt Greqisë. Sipas policisë, nga të dhënat paraprake rezulton se droga është e llojit heroinë, ndërsa në pranga është vënë Hani, i cili është kapur në kushtet e flagrancës. Autori akuzohet për trafik ndërkombëtar të lëndëve të forta narkotike. Burime zyrtare kanë bërë të ditur se rasti i 29-vjeçarit jo vetëm është i ngjashëm me atë të kapjes së heroinës dy javë më parë, por dyshohet të jetë pjesë e të njëjtit rrjet. Nga ana e policisë po kryhen hetime për të zbuluar origjinën e kësaj lënde dhe qytetin pritës ku ka qenë i destinuar për t‘u dorëzuar droga. Nga burimet e policisë deklarohet se edhe këtë herë bëhet fjalë për qytetin e Selanikut si destinacioni i fundit i lëndës narkotike. Pronari i drogës ka qenë në ndjekje nga ana e policisë që në qytetin e Korçës, përgjatë itinerarit drejt pikës kufitare. Ky është i treti rast i kapjes së heroinës në brendësi të territorit të pikës së kalimit në Kapshticë. Vetëm brenda një muaji janë kapur nga ana e policisë katër persona, midis të cilëve edhe një çift emigrantësh nga fshati Zëmblak, të cilët do të çonin në qytetin e Selanikut 13 kilogramë heroinë të fshehur në ndenjësen e pasme të makinës, me të cilin udhëtonin bashkë me fëmijët. Gjithsej gjatë këtij muaji janë bllokuar 28 kilogramë lëndë narkotike të llojit heroinë. I pari që ka rënë në pranga ka qenë Sentiljano Runga, me 10 kilogramë, ndërsa në fund të muajit gusht çifti Satomani do të çonte edhe tre kilogramë më shumë se kjo sasi nga kufiri. Në të tri rastet e drogës, sipas policisë mendohet se heroina ka ardhur nga Turqia dhe ka pasur për qëllim trafikun ndërkombëtar.


Gazeta Shqip