Droga ne Shqiperi

[Zemrushja]

Durres, policia sekuestron 10 kilograme heroine. Arrestohet 52-vjecari

• Sipas policise mendohet se heroina e cila ishte e fshehur poshtë serbatorit të makinës, ishte e desitinuar per shperndarje brenda per brenda vendit

Dhjete kilograme droge e tipit heroine eshte sekuestruar ne qytetin e Durresit pasditen e sotme nga policia e ketij qyteti. Ne prangat ka rene 52-vjecari Arjan Polisi, nga Librazhdi por me banim ne Tirane. Ai eshte kapur ne periferi te qytetit te Durresit, teksa udhetoonte ne drejtim te Tiranes me makinen e tij, tip Benz me targe TR 29 58 F. Operacioni per kapjen e 52-vjecarit ishte I mireorganizuar pas marrjes se informacionit nga informatore nga Tirana ne adrese te antidroges se Durresit. Kjo e fundit ka njoftuar policine e qytetit, e cila me pas I ka bere prite makines ku ndodhej droga. Sipas njoftimeve te para te policise, mendohet se heroina e cila ishte e fshehur poshtë serbatorit të makinës, ishte e desitinuar per shperndarje brenda per brenda vendit, kryesisht ne jug, por per t’u trafikuar jashte. Tashme kane nisur procedurat e hetimit

Gazeta Shqiptare

*~*~*~*~*

Eshte nje fenomen qe po prek gjithmone e me teper shoqerine shqiptare.. Do doja ne kete teme te jepni opnionin tuaj rreth droges ne Shqiperi. Informacione te ndryshme se si ajo shperndahet, se si arrin te merret nga te rinjte etj etj.

Zemrushja

[Zemrushja]

Një agjent i infiltruar i policisë zbuloi rrjetin e trafikut të drogës. Pas disa kontakteve me të dyshuarit, agjenti lë takim me ta dhe bie dakord që t’i sjellin sasinë e heroinës. Sipas të pandehurve, droga ishte marrë në Shkup për 60 mijë euro dhe do të dorëzohej tek disa shqiptarë para “Hotel Mondial”, aty ku policia bëri dhe goditjen përfundimtare. Tre të akuzuarit janë shprehur se bashkë me ta është ndaluar dhe një person i katërt që ishte pikërisht porositësi dhe pritësi i mallit. Por në fakt, ai ka qenë agjenti që policia kishte infiltruar për të zbuluar rrjetin e trafikut të drogës. Agjenti është lënë më pas i lirë. Ndërsa tre të pandehurit, të ndodhur para një fakti të tillë, kanë pranuar akuzën. Prokuroria pretendon se ka një sërë provash që vërtetojnë fajësinë e tre shqiptaro-maqedonasve.

Ballkanweb

[Zemrushja]

Dy të pandehurit zbulojnë rrjetin. Flisnin në turqishte të vjetër

Me një turqishte të vjetër, dy shqiptaro-maqedonasit, Blerim Fejzullau dhe Habib Rexhepi, të akuzuar për trafik droge, kanë biseduar për disa minuta në qelitë e paraburgimit, pa e ditur se ishin vënë në përgjim. Por kjo bisedë e tyre është shndërruar në një provë të fortë për Prokurorinë e Krimeve të Rënda, pasi të pandehurit kanë hedhur dritë mbi rrjetin e trafikut të drogës, duke “tradhtuar” në këtë mënyrë veten e tyre. Dje, gjatë një seance gjyqësore që u zhvillua në gjykatën e Krimeve të Rënda në ngarkim të tre të pandehurve, Fejzullau Rexhepi dhe Naser Tahiri, është dëgjuar pikërisht përgjimi ambiental i realizuar në qelitë e paraburgimit. “Duhet të paguajmë që të dalim sa më parë nga ky vend. Të shpresojmë që Naseri të mos flasë”, - shprehet i pandehuri Rexhepi. Biseda zgjati për disa minuta dhe është një ndër provat më të forta që ka në dorë prokuroria, për të provuar akuzat e ngritura ndaj të pandehurve.

PËRGJIMI

Pas arrestimit në tetor të vitit të kaluar, Blerim Fejzulla dhe Habib Rexhepi janë lënë qëllimisht në një qeli. Duke përfituar nga ky rast, dy të pandehurit kanë nisur të bisedojnë për të rënë dakord mes tyre, që të mos flisnin gjatë marrjes në pyetje. Por biseda mes tyre ka rrjedhur në favor të prokurorisë. Pa e ditur se ata ishin në përgjim, kanë nisur të bisedojmë për një çantë, të cilën duhet ta merrnin në një destinacion të caktuar. Sipas prokurorisë, çanta për të cilën flasin dy të akuzuarit, ka të bëjë me veprimtarinë e tyre kriminale të trafikut të drogës. Dy të pandehurit kanë komunikuar në gjuhë turke. Sipas përkthyesit prezent në sallën e gjyqit, gjuha që kanë përdorur Fejzullau dhe Rexhepi është turqishte e vjetër, pa rend gramatikor që përdoret ende në disa vende të Ballkanit. Në bisedë e sipër, dy të akuzuarit përmendin dhe emrin e të pandehurit të tretë, Naser Tahiri. “Shpresojmë të mos flasë”, - shprehet Habib Rexhepi, duke vazhduar sërish rreth muhabetit të çantës, të cilën duhet të arrinin ta merrnin patjetër.

MESAZHET

Po dje janë bërë publike dhe disa mesazhe të përkthyera nga gjuha maqedonase, të gjetur në telefonin e të pandehurit Rexhepi në momentin e arrestimit . S h q i p t a r o - maqedonasi ka shkëmbyer mesazhe me një femër me emrin Zhivka. Në to flitej për biznese dhe mbarëvajtjen e tyre. Habib Rexhepi, Blerim Fejzullau dhe Naser Tahiri, u arrestuan në tetor të vitit të kaluar pranë “Hotel Mondial” në kryeqytet, pasi në makinën e tyre u gjet dhe sekuestrua 6 kilogramë lëndë narkotike e llojit heroinë. Tre të pandehurit lëviznin me një makinë të organizatës humanitare të Kryqit të Kuq të Maqedonisë. Për të zbuluar këtë rrjet të trafikut të drogës, prokuroria kishte hetuar për një kohë të gjatë, madje duke përdorur dhe një agjent të infiltruar. Goditja që dërgoi në pranga tre të dyshuarit, u bë pikërisht në momentin kur prokurorët kishin në dorë provat e mjaftueshme për t’i implikuar ata në veprimtarinë kriminale. Të pandehurit e kanë pranuar akuzën, duke kërkuar gjykim të shkurtuar.

Ballkanweb

[SKUTHI]

droga eshte nje nga bizneset me te fuqishme ne shqiperi dhe nje nga motoret kryesore per ekonomine shqiptare.Pse si mendoni ju ato pallate e klube si jane ngritur.pastaj kjo eshte nje faze kalimtare (faze e mbledhjes se kapitalit)tani ne shqiperi po hyme ne fazen e legalizimit te keti lloj kapitali i cili me dashje dhe padashje ka ndihmuar rritjen ekonomike te shqiperise..keto jane faze qe çdo shtet i civilizuar i ka kaluar.duhet durim!

[Zemrushja]

Policia arreston poseduesin nga kryeqyteti, Arjan Polisi: E kishte fshehur drogën në serbatorin e makinës

Antikrimi i Organizuar vijon operacionin edhe gjatë orëve të natës

Dhjetë kilogramë heroinë janë sekuestruar në qytetin e Durrësit, ndërkohë që është prangosur transportuesi i saj. Operacioni për kapjen e drogës është realizuar në orët e pasdites pas një hetimi 2-mujor që kanë organizuar specialistët e antidrogës në Drejtorinë e Luftës Kundër Krimit të Organizuar në Drejtorinë e Përgjithshme të Policisë së Shtetit. Burimet zyrtare nga Ministria e Brendshme deklaruan zyrtarisht se dhjetë kilogramë drogë, e llojit heroinë, është sekuestruar në qytetin e Durrësit, pasditen e djeshme nga krimi i organizuar në bashkëpunim me policinë lokale të qytetit bregdetar. "Në prangat e uniformave blu ka rënë 52-vjeçari Arjan Polisi, nga Librazhdi, por me banim në Tiranë. Ai është kapur në periferi të qytetit të Durrësit, teksa udhëtonte në drejtim të Tiranës, me makinën e tij, tip "Mercedes Benz", me targë "TR 2958 F", detajuan burimet zyrtare nga Drejtoria e Përgjithshme e Policisë së Shtetit. Më tej, forcat policore bënë të ditur se hetimi për këtë operacion kishte nisur disa muaj më parë. Sipas të dhënave nga grupi hetimor, para disa kohësh ishte marrë informacioni operativ se një person me banim në Tiranë, kryente transportim të lëndëve të forta narkotike, që ishte e destinuar për tregun vendas. Kështu, u bashkëpunua me Drejtorinë e Luftës Kundër Krimit të Organizuar, për të përdorur metodat speciale për dokumentimin e kësaj vepre penale. Në këto kushte, agjentët e antidrogës përdorën "blerje të stimuluar", sipas një vendimi që kishte dhënë Gjykata e Krimeve të Rënda. Ditën e djeshme, 52-vjeçari Polisi kishte udhëtuar drejt Durrësit, ku kishte marrë sasinë e drogës dhe gjatë kthimit për në Tiranë, kanë ndërhyrë forcat speciale të antidrogës. Ata kanë bërë arrestimin në flagrancë të këtij personi nën akuzën e trafikut dhe tregtimit të lëndëve narkotike, ndërkohë që për disa orë ka vijuar kontrolli fizik i mjetit për të gjetur lëndën narkotike, që ishte fshehur më së miri në mjetin e lartpërmendur. Sipas specialistëve që morën pjesë në operacion, ata i kanë bërë pritë makinës ku ndodhej droga. Sipas njoftimeve të para të policisë, mësohet se heroina ishte e fshehur poshtë serbatorit të makinës dhe ishte e destinuar për shpërndarje brenda përbrenda vendit, kryesisht në jug, por më pas për t‘u trafikuar jashtë shteti. Pas gjetjes së heroinës, e cila ishte paketuar në 20 pako, ajo është dërguar në laboratorin e kriminalistikës në Ministrinë e Brendshme për të bërë analizat e përqindjes së lëndës narkotike. Në lidhje me të arrestuarin 52-vjeçar, burimet policore bënë të ditur për "Shqip" se është ushtruar kontroll edhe në banesën e tij, të cilit i kanë gjetur vetëm disa sende të vogla implikuese. Nga ana tjetër, grupi hetimor deklaroi se në këtë trafik të lëndëve narkotike dyshohet se janë përfshirë edhe persona të tjerë, por ende nuk është zbardhur itinerari i trafikimit të lëndës narkotike. Sipas policisë, në këtë aktivitet kriminal dyshohet se ka edhe persona të tjerë, të cilët janë identifikuar, por për mungesë provash nuk janë kryer arrestime. Grupi hetimor shpjegoi se edhe gjatë natës do të kryhen kontrolle dhe do të ketë arrestime të tjera për heroinën e bllokuar.

© Gazeta Shqip - 2006-2007

ps. ju lutem pergjigjuni temes dhe jo te beni chiti chati..

[Zemrushja]

Shqiptarët janë bërë sërish protagonistë të krimeve të ndryshme në vendet fqinj. Në Itali dhe Greqi janë zhvilluar dy operacione të ndara, ku janë arrestuar disa shqiptarë për trafikim të lëndëve narkotike. Sipas mediave greke, policia e këtij vendi ka arrestuar një 22-vjeçar shqiptar për transportimin e një sasie të madhe lëndësh narkotike brenda shtetit helen. Më tej, mediat shpjeguan se, sipas policisë helene, shqiptari u arrestua në rajonin Palajo-Faliron, në jug të Athinës. Emri i të riut shqiptar nuk është bërë publik nga policia greke për shkak të hetimeve të mëtejshme për trafikimin e lëndës narkotike. Shqiptarit iu gjetën dy kilogramë kokainë, 87,5 kilogramë kanabis, dy armë dhe 105 fishekë. I dyshuari besohet se operonte në një bandë ndërkombëtare të trafikimit të lëndëve narkotike nga Shqipëria në Greqi. Policia shpreson se me marrjen në pyetje të 22-vjeçarit, të zbulojë më tepër të dhëna për shkatërrimin e kësaj bande trafikantësh. Nga ana tjetër, policia e Milanos ka arrestuar rreth 20 persona, mes të cilëve shqiptarë, italianë dhe afrikanoveriorë, të gjithë të akuzuar për trafik lëndësh narkotike. Gjatë këtij operacioni u sekuestruan 55 kg heroinë, 40 kg përzierës dhe pajisje të tjera për përpunimin e drogës. Operacioni ka nisur në fillim të 2005-ës, pas arrestimit në bordin e një treni që vinte në Milano, të dy korrierëve që kishin në zotërim 150 gramë heroinë. Hetimet vazhduan në 2006 deri në fillim të 2007 në rajone të ndryshme të Italisë, të cilat sollën si përfundim arrestimet e djeshme.

© Gazeta Shqip - 2006-2007

[shefqeti11]

Durrës, kapen 428.80 kg drogë, arrestohen tre persona

13:32 05/05/07




Sasia prej 428,80 kg lëndë narkotike e fortë, e bllokuar disa orë më parë nga policia e Durrësit, ishte nisur nga Kosova dhe ajo rezulton të jetë dyllojshe, në formën e pluhurit me ngjyrë të bardhë dhe kafe, ndërsa nje grup hetimor po punon intesivisht për sqarimin e destinacionit të saj dhe personave të tjerë të implikuar në këtë ngjarje.

Drejtoria e policisë së Durrësit, përmes zëdhënëses së saj, Ornela Çako, publikoi sot detaje nga operacioni i koduar "Autostrada", i cili përfundoi me sukses rreth orës 20:00 të ditës së djeshme me sekuestrimin e sasisë së madhe të drogës, e cila dyshohet të jetë e llojit heroinë, dhe me arrestimin e tre personave. Sipas saj, aksioni u organizua në bazë në informacionet e marra në rrugë operative forcat e Sektori të Luftës Kunder Krimit te Organizuar.

"Nga veprimet e para hetimore rezulton se sasia prej 428,80 kg lënde narkotike, e ndarë në nëntë thasë, po transportohej me automjetin furgon tip Benz me targa TR 0038 I dhe ishte fshehur midis mallrave të tjera ushqimore. Furgoni që drejtohej nga shtetasi Adem Duraku dhe që udhëtonte nga Kukësi në drejtim të Tiranës, u ndalua pranë Fushë Krujës. Ndërkohë janë ndaluar edhe dy shtetas të tjerë, të cilët prisnin në një automjet tjetër tip Benz mbërritjen e sasisë së drogës", tha më tej Çako.

Lënda narkotike rezulton të jetë dyllojshe, sqaroi Çako, duke shtuar se rreth 100 kg janë në formën e pluhurit të bardhë dhe 328,80 kg në formën e pluhurit në ngjyre kafe. "Për rezultatin përfundimtar të llojit të saj, jemi në pritje të kryerjes së ekzaminimit përkatës në Laboratorin Qëndror të Kriminalistikës", vijoi zëdhënësja e drejtorisë së policisë së Durrësit.

Ajo bëri të ditur ndër të tjera se në orët e para të mëngjesit të sotëm u bë arrestimi në flagrancë i shtetasve Adem Duraku, 53 vjeç, lindur e banues në fshatin Pobreg, (Kukës), Agim Kaçorri, 34 vjeç, lindur në Dibër dhe banues në Kamëz (Tiranë), i dënuar më parë për plagosje të lehtë me dashje, dhe Fatmir Kovaçi, 36 vjeç, lindur në Has dhe banues në lagjen nr.10 Tiranë.

Po ashtu së bashku me lëndën narkotike u sekuestrua automjeti tip Benz furgon me targa TR 0038 I, ku u gjet sasia e lëndës narkotike, automjeti tip Benz me targa TR 6570 K, ku dy shtetasit e tjerë po prisnin mallin si dhe 6 telefonë celularë, në përdorim të këtyre personave.

A1-tv

[no name]

Dje në mbrëmje dhe sot në orët e para të mëngjesit është kapur një sasi rekord droge të fortë heroinë nga ana e policisë shqiptare. Në aksionin e parë është kapur një sasi prej 47 kilogram heroine në aksin rrugor Lushnje-Fier dhe është arrestuar në Flagrancë shtetasi Dritan Tomorri, 38 vjec nga Elbasani. Por suksesi më i madh i policisë është kapja në orët e para të mëngjesit të një sasie rekort prej 430 kilogramë heroinë e cila ishte futur në thasë në një furgon me targa Tirane. Aksioni thuhet se është realizuar pas infiltrimit të një agjenti të antidrogës së Durrësit. Bashkë me drogën janë ndaluar edhe shtetasit Adem Durraku, Agim Kaçori, Fatmir Kocavi. Sipas policisë droga vinte nga Kosova dhe aksioni është kryer në aksin Fushë-Krujë Durrës.

[no name]

"Shkaterruam rrjetin Kosove-Shqiperi-Greqi"
E Hene, 07 Maj 2007

Pohimi i Policise se Shtetit: 476 kg jane perzieres lendesh narkotike dhe jo droge

Operacione te sukseshme jane quajtur nga Policia e Shtetit ato te dites se shtune ne mengjes dhe te se premtes ne darke, ku u vune ne pranga kater persona. Edhe pse u zbehen dy operacionet antidroge te Policise se Shtetit, perseri ato jane konsideruar si shkaterrim i nje linje trafiku te lendeve narkotike. "Sasia prej 476.5 kilogram e cilesuar dy dite me pare si lende narkotike, e llojit, heroine, pas ekspertimit ka dale paracetamol dhe kafeine te njohur si perzieres per disa lende narkotike te tilla si heroine, amfitamine, kokaine dhe metafetamine etj", pranoi dje Policia e Shtetit. Ky eshte rezulatit i dy "superoperacioneve" te Policive te Durresit dhe Fierit.

Gjithcka per uniformat blu eshte rrezuar kur kane dale rezultate perfundimtare te analizave te dala nga labaratori kriminalistik, per dergimit per ekzaminime te pluhurit te bllokuar ne Durres dhe ne Fier. Por dhe pse e gjithe lenda e bllokuar nuk eshte lende narkotike, policia nuk ka hequr dore nga rezulatet e operacioneve te bera. "Te dy operacionet e kryera kane synuar goditjen e nje linje trafiku te paligjshem nga Kosova ne Greqi duke mbajtur ne mbikqyrje per nje periudhe relativisht te gjate kohore subjektet qe bashkepunonin ne kete trafik", bene te ditur gjate dites se diele, burimet zyrtare te Policise se Shtetit, duke mos mohuar se rezultatet e operacioneve jane shume te mira. Sipas informacioneve dhe rasteve te evidentuara, prej disa kohesh ka qene ekzistente nje linje trafikimi lende narkotike dhe perziersi ne drejtimin Kosove-Shqiperi-Greqi, thane dje burimet zyrtare te policise, thate dites se djeshme. Por uniformat blu nuk heqin dore nga suksesi. "Rastet e evidentuara flasin si per transport lende narkotike te tipit heroine qe ne permbajtjen e saj ka patur dhe paracetamol e kafeine, ashtu edhe per transport vetem perziersi, qe ne te shumten e rasteve ka qene substance e paster paracetamol e kafeine", thane burimet e policise. Nderkaq eshte bere e ditur se, trafikimi i perziersve te lendes narkotike eshte nje aktivitet i njohur kriminal nisur edhe nga praktika e vendeve te tjera te perfshira ne rrugen e trafikimit te lendeve narkotike. "Shqiptaret kete aktivitet e kryejne si ne rastet kur shtojne sasine e lendes narkotike baze te destinuar per trafikim, ashtu edhe si aktivitet me vehte, pasi ky lloj trafiku ka fitime te larta, po te kihet parasysh se perziersi blihet me nje cmim prej 45-50 euro ne vendet e origjines dhe ne destinacion shitet me nje cmim prej 200-250 euro per 1 kg", bene te ditur burimet zyrtare. Sipas llogarive Policia e Shtetit, ka bllokuar 110 mije euro, paracetamol dhe kafeine. Dy operacionet e dy diteve me pare jane konsideruar si te sukseshme nga Policia Shqiptare ne goditjen e njeres prej linjave te rendesishme te trafikut te lendes narkotike.

Policia e ka pranua dy dite pas operaciove, "Autostrada" dhe "Ardenica", qe pluhuri i bllokuar nuk ka qene heroine, por perzieres i lendeve narkotike, paracetamol dhe kafetine, qe perdoren per perzierjen e heroines dhe kokaines, per ti shtuar ne peshe dhe sasi. "Akti i ekspertimit kimik nr.2569, date 05.05.2007, ka arritur ne konkluzionin se sasia e lendes kimike te sekuestruar eshte paracetamol dhe kafeine e njohur si perziers per disa lende narkotike si heroine, amfitamine, kokaine dhe metafetamine etj. Mbi bazen e ketij akti ekspertimi per personat e arrestuar do te procedohet ne baze te nenit 285 te Kodit Penal sipas te cilit ".. transportimi dhe shperndarja e substancave kimike baze ... ne rast se dihet qe ato perdoren per prodhimin ose trafikimin e paligjshem te substancave narkotike, denohet me burg nga tre gjer ne dhjete vjet", thane dje ne nje komunikim zyrtar me mediat, burimet e Policise se Shtetit. Nderkaq per kater te arrestuarit, ne Durres dhe Fier, pritet vetem formulimi i akuzes dhe cuarja e tyre perparatogave te zeza per masen e sigurise.

Sekuestrim rekord droge ne Shqiperi

TIRANA - Policia shqiptare ka bllokuar mengjesin e se shtunes nje sasi gjigante droge, e identifikuar si heroine. Kete shkruante dje, agjencia zyrtare e lajmeve ne Itali, Ansa. Sipas saj, "malli", ishte duke u transportuar ne drejtim te Durresit ne nje furgon. "Perfundimisht jane sekuetsruar 430 kilogram droge, ne pjesen me te madhe, heroine, nje sasi e paimagjinueshme per vendin e vogel", vazhdonte lajmi ne agjencine Ansa. Gjithashtu ne lajm, shkruhet se deri tani jane vene ne pranga tre persona, te cilet deri me sot nuk kane qene te perfishire ne aktivitete kriminale ne vend. Gjithashtu agjencia permend dhe sasine e lendes narkotike te bllokuar ne Fier, ne afersi te fshatit Vajkal.

[Zemrushja]

Etleva DELIA, Enkeleda ARAPI

Tani edhe lumenjtë e drogës në Shqipëri e kanë një digë. Aksioni i Policisë së Shtetit në Durrës, ku u kapën gjysmë toni heroinë dhe kokainë, jo vetëm është më spektakolari, por edhe më profesionali në aspektin teknik. Megjithatë për të arritur në kapjen e sasisë më të madhe të drogës me vlerë rreth 14 miliardë lekë, policisë i është dashur të kalojë në “suksese të vogla”. “Tirana Observer” boton në mënyrë të përmbledhur të gjitha rastet më të bujshme të sasive më të mëdha të drogës të kapura në territorin tonë. Duke filluar që nga viti 1996, kur një libanez u kap me 36.5 kilogramë heroinë; nga shkurti i vitit 2001, ku në një lokal në Tiranë u kapën 70 kilogramë heroinë e pastër që vinte nga Pakistani, e duke përfunduar me rastin më të fundit ku u sekuestrua gjysmë toni drogë në afërsi të Durrësit.
Zbulimi
Agjentëve të policisë u janë dashur plot tre muaj, që të përfundonin me sukses operacionin spektakolar, për bllokimin e sasisë më të madhe të drogës që është kapur ndonjë herë në Shqipëri. Përveç hetimeve dhe përgjimeve që shkonin edhe përtej kufijve, për kryerjen e zbulimit të madh të gjysmë toni heroinë dhe kokainë që kushton 14 miliardë lekë, kanë qenë të nevojshëm edhe agjentët e infiltruar. Burime nga policia bënë të ditur se lehtësirat e “stisura” në kufirin me Kosovën, kanë bërë që uniformat blu të organizonin më se miri operacionin e koduar “Autostrada” dhe t’i jepnin kohë vetëm deri diku pranë Durrësit tre personave që transportonin 430 kilogramë drogë. Trafiku i lëndës narkotike që kishte nisur nga Kosova dhe do përfundonte në Itali, është ndërprerë nga policia në afërsi të Durrësit. Aty është bërë i mundur sekuestrimi i sasisë më të madhe të drogës së kapur ndonjëherë dhe arrestimi i Adem Durakut, Agim Kaçorit dhe Fatmir Kovaçit. Këta e transportonin drogën me një furgon me targa të Tiranës dhe e kishin fshehur mes mallrave të tjera ushqimore.
Vlera e drogës
Një sasi kaq e madhe droge, e cila kishte edhe një vlerë marramendëse, nuk ishte kapur ndonjëherë në territorin shqiptar. Gjysmë toni heroinë dhe kokainë që vinin nga Kosova, kishin si destinacion Italinë. Burime nga policia bënë të ditur se duke qenë se droga do të shitej në tregun italian, vlera e saj arrinte në rreth 14 miliardë lekë. Vlerë kjo e përllogaritur me 30 mijë euro kilogramin.

I arrestuari me heroinë: Nuk ishte drogë, por allçi

Dritan Tomorri, 38-vjeçari që u arrestua me 47.5 kilogramë heroinë mbrëmjen e të premtes në Fier nuk ka pranuar akuzën. Në dëshminë e tij në komisariatin e policisë së Fierit, Tomorri ka thënë se sasia nuk ishte drogë, por ishte allçi. Sipas tij, ishte duke udhëtuar drejt Vlorës, së bashku me nënën e tij. 38-vjeçari tha se allçinë po e çonte në Vlorë, ku edhe kishte në ndërtim e sipër një banesë private. Operacioni i koduar “Ardenica” kishte kohë që kishte nisur me survejimin e 38-vjeçarit, si dhe me përgjimet telefonike.

Garancia 30 milionë, lë të lirë kryekomunarin

Kryekomunari i Temalit, Mark Zhuri është lënë i lirë nga gjykata e rrethit të Shkodrës. Ai u arrestua dy ditë më parë, pasi në makinën e tij u gjet 150 gramë heroinë. Vetë Zhuri e ka mohuar akuzën, por në fakt i është dashur të paguajë si garanci pasurore 30 milionë lekë. Kjo garanci pasurore është në shkëmbim të lirisë së tij. Ndërkohë që, sipas kësaj gjykate, Zhuri është lënë i lirë për mungesë të mjaftueshme provash që e fajësonin atë për transport të drogës. Pas lirimit të tij, Zhuri e ka quajtur një lojë të policisë për të cenuar imazhin e tij.

Te dhena per kapjen e droges

1. 3 muaj hetime dhe survejime i janë dashur Policisë së Shtetit për të bërë zbulimin e sasisë më të madhe të drogës që ka kaluar në vendin tonë

2. Përveç hetimeve për aksionin spektakolar ka qenë i nevojshëm edhe infiltrimi i agjentëve

3. 430 kilogramë heroinë dhe kokainë që janë bllokuar afër Durrësit, vinin nga Kosova në drejtim të Italisë

4. Duke u llogaritur për shitje në tregun italian, vlera e drogës arrin në 14 miliardë lekë

5. Përveç 3 personave që janë arrestuar dy ditë më parë, të cilët ishin pritësit, priten edhe arrestime të tjera

Heroina

100 kg heroinë,
viti 2002
një operacioni i forcave RENEA shkatërron një bandë narkotrafikantësh, duke sekuestruar 100 kilogramë heroinë që vinte nga Italia.

36.5 kg heroinë,
viti 1996
Një i huaj me origjinë nga Libani u kap nga agjentët e Antidrogës së kryeqytetit me 36.5 kilogramë heroinë, e destinuar për shitje.

15 kg heroinë,
3 shtator 2004
Dy persona kanë përfunduar në qeli, pasi janë kapur me 15 kilogramë heroinë në Durrës.

32 kg heroinë,
22 shtator 2004
Sekuestrohen 32 kilogramë drogë e llojit heroinë nga policia e Fierit dhe e Vlorës, ndërsa janë arrestuar pesë persona.

18.5 kg heroinë,
13 prill 2006
Agjentët e Antidrogës së Tiranës bënë të mundur parandalimin e trafikut të 18.5 kilogramë heroine dhe arrestimin e 5 personave të implikuar në këtë veprimtari.

17 kg heroinë,
27 janar 2007
Policia e Durrësit përfundon me sukses operacionin “Start 2007”, në sajë të të cilit u bë i mundur sekuestrimi i 17 kilogramë heroine me destinacion Italinë.

16 kg heroinë,
8 shkurt 2007
Një sasi droge prej rreth 16 kilogramë e llojit heroinë është sekuestruar në një makinë, e cila ishte parkuar në një zonë të “Tiranës së Re” në kryeqytet.

10 kg heroinë
26 shkurt 2007
Policia e Korçës ka arrestuar 3 persona, të cilëve iu bllokua edhe një sasi prej 10 kilogramë heroinë me destinacion Greqinë.

28 kg heroinë,
7 mars 2007
Zbulohet baza e heroinës në kryeqytet, dy persona përfundojnë në pranga. Një sasi prej 28 kilogramë heroinë është sekuestruar nga policia e kryeqytetit gjatë një operacioni nga i cili dy persona kanë përfunduar në pranga.

Tirana Observer