Nano-Berisha, sa shtrenjte i kemi paguar!

[Ingenuous]

Si pa kuptuar, po bëhen gati dy dekada që një bandë piratësh e ka mbërthyer anijen “Shqipëri” dhe e harbuar e përplas atë në det të hapur, pa busull, si i do qejfi. Vetëquhen “klasa politike”. Harbutllëkut të saj i jep zemër përgjumja jonë, inercia jonë provinciale. Nuk është hera e parë në historinë tonë që ne biem në gjumë, kur duhet qëndruar syçelë. Është kollaj të kërkosh të keqen jashtë vetes, tek të huajt, por edhe në këto gati 100 vjet që jemi më vete s’kemi qenë aspak të lumtur. Bashkatdhetari im i dashur, imoraliteti më i madh është të gënjesh popullin tënd, le të mos e bëjmë këtë poshtërsi, le t’i themi gjërat troç: fajin e kemi vetë!

Atë ditë, atë vit që shumica jonë do ta kuptoj këtë, atëherë në Shqipëri do të vendoset me të vërtetë demokracia. Qeveritarët do të jenë xhuxhë para nesh, popullit dhe jo ne, populli, xhuxhë para tyre. Të rraskapitur, të lodhur, të demoralizuar na gjeti viti 90-të, Shqipëria ndodhej në fund të qorrsokakut ku e kishin futur politikat absurde. Udhëheqja e kohës nuk e kishte më as forcën dhe as moralin për të gjetur rrugën e shpëtimit. Makina me emrin shtet u la në mes të rrugës. Për të marrë frenat e saj u sulën duke shtyrë e pështyrë, duke u çjerrë e bërtitur, njerëzit më të shkathët të rrugës. Ata që u porositën të mbanin pardesy të bardha për tu dalluar nga turma qenë zgjedhur me ngut, qenë rastësorë e të padenjë. Ata, midis tyre, që qëlluan të ishin idealistë, shumë shpejt u flakën jashtë me shkelma. Ata që të bënin gjëmën për të mbrojtur shokun Enver, brenda natës u konvertuan në antikomunistët më të tërbuar, tashti që regjimi i vjetër qe dorëzuar, këta tregonin trimëri pas beteje. Kështu lindi një brez heronjsh pa heroizma ose heronjsh qesharakë. Në këtë luftë virtuale, më llafazani e prezantonte veten si më trimi dhe siç është dëshmuar, demagogët e sharlatanët arrijnë ta gënjejnë popullin për një kohë por jo përgjithmonë. Çdo gjë u kthye kokëposhtë, heronjtë u quajtën tradhtarë dhe tradhtarët heronj, çdo gjë e ndërtuar në Shqipëri duhej të rrëzohej ashtu siç u rrëzua dhe regjimi që i kishte ndërtuar. Çdo gjë do të fillonte nga zeroja. Shkatërrimin në këto përmasa nuk e pati bërë në Shqipëri as pushtuesi më i egër. Marrëzitë patën fund. Keshtu vepruan demokratet spo morën pushtetin. Kjo logjikë qe fatale për vendin dhe për vetë ata se “ekuacionet e politikës” janë shumë të vështira. Politika shterpë e këtyre viteve është vërtitur rreth dy emrave, Berishës dhe Nanos. Këta të dy, si individë dallojnë nga njëri-tjetri, por janë të njëjtë në imoralitetin e tyre politik. Shqiptarët kanë lëvizur në një rrugë të ngushtë midis Nanos dhe Berishës, shtigjet e tjera qenë mbyllur. Këta dhe lakenjtë rreth tyre, janë njerëz të veçantë (sui generis) në verbërinë politike që i ka mbërthyer. Megjithëse kanë tru të kufizuar, zotërojnë vullnetin e maniakut dhe instinktet për tu orientuar, nuk shqiten kollaj edhe kur njeriu normal mendon se kaq e patën. Për të larguar Berishën e Parë, Shqipëria duhej të digjej në tym e në flakë, për të larguar Nanon, PS duhej të dilte në opozitë. Shihni sa shtrenjtë i kemi paguar këta oktapodë! Brezi i politikanëve të sotëm narcistë është shumë i lehtë nga mendja për të shëruar plagët e shoqërisë sonë, ata vetëm mund ti shtojnë ato. Politikanët që ndryshojnë nga këta janë minorancë, gishtat e një dore mjaftojnë për ti numëruar.

Nga: Pasho Alimerko

[Ingenuous]

Sigurisht qe te dy keta persona kane merite dhe dhane kontributin e tyre ne fillimet e kesaj etape te re post-komuniste per Shqiperine. Dhe me te vertete ne ate kohe, 1990, te dy keta persona ishin ne nje fare menyre alternativat me te pjekura per ate moment dhe i dhane shtytjen e pare rrotes se historise shqiptare qe kishte ngelur ne vend numero per 50 vjet rresht.

Por cfare ndodh tani pas 17 vjetesh? Kush eshte ai shqiptar qe do te donte te kishte mbi supe nje individ te vetem edhe per 50 apo me shume vite te tjera? Apo me keq, nje binom komunist me fytyra demokrato-liberale?

Nano dhe Berisha, me te mirat dhe te keqijat e tyre, NUK kane se cfare te afrojne me ne politikat dhe zhvillimet e shpejta ekonomike-sociale qe imponon koha moderne ku jetojme. Cfare kishin per te "dhene … e dhane" gjithashtu cfare kishin per te "marre … e moren".

Tentativa reale per momentin eshte dalja e Rames, si fillim i carjes se binomit Nano-Berisha.
Kurse PD eshte ende nen sundimin e nje individi te vetem ku per rrjedhim si produkt nxjerr fytyra te kllonuara te vetvetes (sikurse Olldashi), ose individe qe jane ende te ndrojtur te shprehin vlerat per nje ndryshim total (sikurse Topi).

Nuk ka baze besushmerie qe PD nuk ka alternativa. Por alternativat duhen inkurajuar te jene individe ne rradhe te pare dhe jo turme, dhe me kryesorja duhen mbeshtetur edhe kur kane guximin te mendojne ndryshe. Per me teper, nese dikush do te marre persiper te udheheq nje force politike gjeja e pare qe duhet te beje eshte TE MENDOJE NDRYSHE ne krahasim me c’eshte menduar deri ne ate moment.

ingenuous

[Ingenuous]

VEZET E NJE PULE


Ka disa vjet ne Shqiperi, dy veze
Sa do fort qe te perplasen
Me qe kane te njejten gjeneze
As nuk thyhen as nuk plasen.


Te dyja kane te njejten madhesi
Veçse ngjyrat i kane ndryshe
Po ti shohesh ne brendesi
Ngjajne si dy dallendyshe.


I ka bere e njejta pule
Pra e njejta b... e s...
Te njejten damke ose vule
Pjella te Partise Punes.


Shqipetare bejuni realiste
Me te keqen mos beni krushqi
Me dy pale komuniste
Qe gjer dje ishin nji.

[Dragut]

Nga: Pasho Alimerko

Pasho kush????

Këtu të drejtën për të sharë e kanë vetëm ata që kanë vuajtur padrejtësisht... apo iu shuajtën familjet nga burgjet e Verucit.

Ata plerat që ky Pashua... nuk i ka përmendur (duke gjetur të këqinj vetëm Nanon e Berishën) janë më plera... Meta skraparlliu apo Rama klyshi komunist... janë vemje të gjithë e na bëjnë retorikë antikomuniste tani... duhen tredhur të gjithë nga Meta, Rama, Gjinushi vetëm atë Braçen jo se ai osht vetë ashtu.

[thorgal]

Pasho kush????

Këtu të drejtën për të sharë e kanë vetëm ata që kanë vuajtur padrejtësisht... apo iu shuajtën familjet nga burgjet e Verucit.

Ata plerat që ky Pashua... nuk i ka përmendur (duke gjetur të këqinj vetëm Nanon e Berishën) janë më plera... Meta skraparlliu apo Rama klyshi komunist... janë vemje të gjithë e na bëjnë retorikë antikomuniste tani... duhen tredhur të gjithë nga Meta, Rama, Gjinushi vetëm atë Braçen jo se ai osht vetë ashtu.

Meta si kryeminister dhe Rama si Kryetar i Bashkise se Tiranes mund te kene bere gabime e faje,
por te krahasosh punen e Metes dhe te Rames me DEGJENERIMIN qe i kane bere Shqiperise Nano e Berisha eshte si te krahasosh Naten me diten.

[thorgal]

Lexoni ketu poshte per te kuptuar se cfare i kane bere Shqiperise keta dy mostra






Komiteti per pajtim Mbarekombetar


Më datë 14 prill të këtij viti, me nr. Protokolli00/4, Komiteti i Pajtimit Mbarëkombëtar, u ka nisur një Memo “surprizë”, institucioneve më të rëndësishme ndërkombëtare. Kjo organizatë, që ka në bordin e saj figurat e shquara të jetës akademike dhe shoqërore shqiptare, për herë të parë kërkon hapjen e gjyqeve ndërkombëtare për shkeljet flagrante të të drejtave të njeriut, që ndodhin çdo ditë në vendin tonë, dënimin e veprimeve kundër integritetit kombëtar, si dhe kërkon “masa të domosdoshme” për parandalimin e krimit të vrasjes. Por surpriza e vërtetë në këtë Memo është kërkesa për gjykimin e krimeve ndaj popullsisë në vitin 1997. Për herë të parë pas dhjetë vitesh, përveç akuzave të ndërsjella nëpër sheshe qytetesh dhe televizionesh, klasa politike shqiptare, e cila faktikisht është e njëjta edhe sot, asnjëherë nuk ka kërkuar hapjen e një gjyqi për “dosjen viti ‘97”. Duket se Komiteti i Pajtimit Mbarëkombëtar “ka kuptuar” se të gjitha krimet ordinere të organizuara dhe veçanërisht ato politike, në Shqipëri do të vazhdojnë me tendencë rritje përderisa ende nuk është bërë gjyqi i kujtdo që organizoi dhe realizoi krimet ndaj popullsisë shqiptare në ngjarjet e vitit 1997. Gjithashtu, nëpërmjet një panorame të detajuar investigative, paraqiten në këtë Memo lidhjet e lobingjeve antishqiptare me krimin e organizuar, roli antishqiptar i një pjese të politikës dhe qeveritarëve shqiptarë dhe në vendet fqinje etj. Kjo Memo ka mbërritur tashmë në Gjykatën Europiane për Mbrojtjen e të Drejtave të Njeriut, Gjykatën Ndërkombëtare të Krimeve, Komisionin Europian, Këshillin e Europës, OSBE, si dhe në Departamentin e Shtetit, në Senatin dhe te Presidenti i Shteteve të Bashkuara të Amerikës. Në dijeni të saj tashmë janë edhe institucionet më të larta të vendit tonë: Presidenti, kryetarja e Parlamentit, kryeministri, kryetarët e partive parlamentare, të gjithë deputetët, si dhe të gjithë ambasadorët dhe organizatat e akredituara në vendin tonë.


Krimi kundër jetës, pronës dhe integriteti kombëtar

Mbështetur në Kartën e Kombeve të Bashkuara, Deklaratën e Përgjithshme për të Drejtat e Njeriut, Konventën Europiane për Mbrojtjen e të Drejtave të Njeriut dhe të Lirive Elementare, Paktin Ndërkombëtar për të Drejtat Civile dhe Politike, po ju paraqesim me shqetësim shkeljet e papranueshme të të drejtave të njeriut në Shqipëri, gjendjen e rëndë të krimeve kundër jetës dhe pronës si dhe veprimet kundër integritetit kombëtar të shqiptarëve. Shqyrtimi me seriozitet i kësaj gjendjeje, që është në kundërshtim të plotë me dokumentet themelore politike e juridike të qytetërimit modern, është obligim themelor i çdo pushteti publik, si i pushtetit shtetëror shqiptar, ashtu edhe i pushteteve ndërkombëtare, organizatave ndërkombëtare dhe të mekanizmave të tyre juridike e politike.
Prej 17 vjetësh shqiptarët përjetojnë kriza, stres shoqëror e ngjarje tragjike që s’i ka përjetuar asnjë vend tjetër i Europës. Pasiguria për jetën, varfëria ekstreme, stresi i dhunës politike e mediatike, mosbesimi për të ardhmen vazhdojnë të nxisin rrënimin e vlerave të jetës dhe një emigrim të dhimbshëm e pa fund. Pasojë e kësaj gjendjeje janë edhe dhuna tragjike në familje, vetëvrasjet si dhe vrasjet për hakmarrje e gjakmarrje. Kjo situatë është bërë shqetësim edhe për ata anëtarë të komunitetit ndërkombëtar që udhëhiqen nga ndjenja dashamirëse për të ardhmen e popullit shqiptar. Shkaktarët e kësaj krize të tejzgjatur, që po gjeneron vazhdimisht krimin, janë udhëheqësit politikë e klanet e tyre me trashëgimi nga e kaluara, të pozicionuar që në fillimet e pluralizmit në të dyja anët e politikës shqiptare. Këto klane influencohen nga lobe antishqiptare që veprojnë kundër interesave të popullit dhe integritetit tonë kombëtar. Influenca e këtyre lobeve në mjediset e politikës shqiptare ka bërë që gjatë gjithë këtyre viteve të mbizotërojë anarkia e lufta për pushtetin, të rrënohet gjithë pasuria kombëtare, të inskenohen trazirat e vitit 1997 për rrëzimin e ushtrisë e strukturave shtetërore, rrëmbimin e parave të shqiptarëve e nxitjen e popullsisë në luftë civile ku mbetën të vrarë 1500 veta. Lobet antishqiptare me suport politik e fetar, në rajon e më gjerë, kanë qenë e mbeten rreziku kryesor i stabilitetit në Shqipëri. Qeveritarët shqiptarë, nën trysninë e Europës për stabilitet, e mbulojnë këtë gjendje me propagandë mediatike, demagogji të sofistikuar e debate të rreme mbi reformat e integrimin. Nën sundimin e këtyre udhëheqësve politikë demokracia është dhunuar e deformuar. Shumë projektligje të qeverive nuk u shërbejnë interesave të qytetarëve, por strategjive të lobeve antishqiptare.

Krimi i organizuar dhe lobet antishqiptare

Në shërbim të këtyre lobeve janë edhe potencialet kryesore të trafikut Lindor të lëndëve narkotike, që shkojnë drejt Europës nëpërmjet korridorit Sofje-Beograd dhe ishujve të Greqisë. Në dispozicion të pastrimit të parave të tyre janë qindra banka në Jug të Gadishullit. Ato e maskojnë këtë veprimtari duke nxjerrë si shqetësues territorin e Shqipërisë, në një kohë kur sasia e qarkullimit të lëndëve narkotike në vendin tonë është inekzistente, 1.5 tonë në vit, përkundrejt 2000 – 2500 tonëve që ky trafik Lindor qarkullon përgjatë 12 muajve. Amplifikimi i zhurmës për rrezikun e trafikut në Shqipëri bëhet me qëllim: A - për të maskuar rrjetin; B - për të diskredituar shqiptarët; C - për të tejzgjatur krizën e blerë sa më lirë resurset; D - për të dobësuar e çuar drejt zhdukjes integritetin tonë kombëtar nëpërmjet dominimit të tregut dhe ekonomisë. Kjo lojë i ka shërbyer pengimit të zhvillimit të vendit, rrënimit të jetës ekonomike të qytetarëve, ndalimit të prodhimit, shkatërrimit të bizneseve e të mundësive turistike, ndërprerjes e prishjes së perspektivës së hidroenergjetikës, shpërdorimit e vjedhjes së buxhetit, kalimit të parave të shqiptarëve në duart e bankierëve të huaj. Të gjitha resurset tona ekonomike po kalojnë nën kontrollin e kapitalistëve joshqiptarë. Përveç krahut të lirë të punës ata po kërkojnë shfrytëzimin e terrenit me përfitime thuajse falas në një kohë kur trojet shqiptare janë mesdhetare, produktive dhe më të lakmuarat. Me parullat për “globalizmin” e “integrimin” klasa politike shqiptare ka përgatitur terrenin e kësaj strategjie antihumane që nuk i shërben as Europës së Bashkuar e as Aleatëve të Atlantikut Verior. Europës i shërben më shumë një komb shqiptar i përparuar e me kulturën e tij se sa një popull i degraduar e pa atdhe që endet rrugëve të perëndimit. Mbajtja e vendit në krizë të vazhdueshme për të thithur “investimet e huaja” nga “operatorët e rëndësishëm të vendeve mike” është strategjia e vepra e këtyre lobeve për zotërimin e tregut me lehtësi dhe përfitimit nëpërmjet politikës.

Edhe politikanë e qeveritarë të vendeve fqinje, të përzier

Nga informacionet e përfaqësuesve ndërkombëtarë mësojmë se në këto veprimtari janë implikuar edhe politikanë e qeveritarë të vendeve fqinje. Në aksionet e policisë së këtyre vendeve kundër shqiptarëve mbulohen shpesh herë lëvizje të sasive të mëdha të drogës. Këtë shqetësim e ngrenë para opinionit perëndimor edhe avokatët mbrojtës të shqiptarëve që penalizohen në vendet europiane për sasi të papërfillshme lëndësh narkotike. Nga statistikat e vendeve perëndimore rezulton se as 10 % e shqiptarëve është përfshirë në trafiqe. Të tjerët punojnë në mënyrë të ndershme, kërkojnë të integrohen dhe janë shumë më tepër familjarë se qytetarët e vendeve ku ata shkojnë. Qeveritë shqiptare jo vetëm që nuk u vijnë në ndihmë, por kanë nënshkruar rikthimin e tyre nëse ata nuk kanë marrë të drejtën e azilit, në një kohë kur shumica e popullsisë shqiptare mbahet me të ardhurat nga emigrantët. E vetmja mundësi për të dhënë të drejtën e azilit një shqiptari është vetëm atëherë kur ai ka frikë të kthehet për shkak të gjakmarrjes. Fatkeqësisht, edhe policia shqiptare nuk ka mundur të regjistrojë as 10% të konflikteve mbi pronën, dinjitetin e personit apo për çështjet e nderit, që të argumentojë rrezikshmërinë e kthimit.

Emigrantët shqiptarë, 20 miliardë euro për 17 vjet

Komiteti i Pajtimit Mbarëkombëtar është përpjekur të sensibilizojë vendet perëndimore që Europa jo vetëm të mos lejojë sjellje të tilla ndaj emigrantëve shqiptarë, por t’i sistemojë sa më mirë e të ndalojë çdo paragjykim ndaj popullit tonë, sepse ka detyrime. Për përfitimet e fuqive europiane, vendi ynë është ndarë në katër pjesë. Dëmi ekonomik që i është bërë popullit tonë nga ky copëtim do të kërkonte dëmshpërblimin e qindra miliardë dollarëve e megjithatë shqiptarët nuk e kanë ngritur zërin. Në kushtet e tanishme do të ishte detyrim moral i pakontestueshëm që Europa të investonte me kushte lehtësuese për hidroenergjetikën, për arsimin, shëndetësinë e infrastrukturën rrugore. Kështu mund të shpejtonte kontributin për procedurat e pranimit. Sigurisht, ky investim do ishte bërë nëse klasa jonë politike nuk do të ishte nën influencën e politikave regresive e do vepronte me dinjitet në mbrojtje të interesave të popullit të saj. Influenca e këtyre politikave regresive në qeveritë shqiptare e ka shkatërruar vendin dhe larguar afatet e pranimit në BE. Në kushtet e një varfërie ekstreme, në këto 17 vjet, shqiptarët kanë grumbulluar rreth 15 miliardë dollarë për buxhetin e tyre, pa llogaritur ndihmat e ndërkombëtarëve. Ky buxhet është shpërdoruar me një administratë të fryrë e vjedhur me investime elektorale pa perspektivë. Vetëm me 2 miliardë dollarë do të ishte përfunduar sistemi hidroenergjetik i planifikuar që para tranzicionit, i cili mund të furnizonte edhe vende të tjera të rajonit me kapacitetin e burimeve ujore që ka. Ky sistem pritash e ujëmbledhësish do të ishte kontribut edhe për turizmin e ekologjinë. Sot shqiptarët nuk kanë mundësi as për turizëm e as për të zhvilluar ekonominë dhe kapitalin e tyre. Shumica e popullsisë është e papunë nga mungesa e tregut dhe prodhimit vendas. Edhe ai aktivitet tregtar që bëhet me mallra skarco të importit ka një nivel shumë të ulët e zhvillohet vetëm gjatë orëve të ditës, në një kohë kur në vendet fqinje të ardhurat nga aktiviteti i natës kapin shifra prej miliarda dollarësh. Në vendin tonë, në mënyrë krejt absurde, shteti jo vetëm që nuk e stimulon tregun dhe punën gjatë 24 orëve, por ka nxjerrë ligje e rregulla të palogjikshme deri tek memorandumi antikushtetues i skafeve duke penguar aktivitetin privat të qytetarëve të tij.

Strategjia e lobeve të huaja për shkatërrimin e Shqipërisë

Strategjia e shkatërrimit deri në nivelin zero (predikuar me fillimet e pluralizmit në auditorët e partive politike) i ka shërbyer nxitjes së dëmtimit masiv të vlerave natyrore, rrënimit të shtratit të lumenjve, prerjes së pyjeve për t’i tregtuar pikërisht në ato vende ku këto vlera ruhen me fanatizëm. Rrënimit të shtratit të lumenjve dhe të të gjithë bregdetit po i shtohet lejimi i ndërtimit thuajse falas të TEC-eve apo naftësjellësit AMBO në brigjet e Adriatikut, ku vetëm për mbrojtjen e sistemit ekologjik të hapësirës ku instalohen duhet që përfituesit të paguajnë një shumë minimale prej 20 miliardë dollarësh. Kontratat e investimit për këto TEC-e dhe naftësjellësin nuk arrin as tek një miliard dollarë, në një kohë kur qeveritë marrin kredi nga bankat e huaja edhe për çështjet sociale. Qeveritë shqiptare i shpallin si suksese këto kredi, duke ia fshehur popullit faktin se rikthimi i detyruar i borxhit ndaj këtyre bankave do të bëhet me pasuritë kombëtare. Kontrolli i lobeve antishqiptare po shtohet çdo ditë jo vetëm mbi jetën ekonomike, por edhe atë private. Këto ditë janë vënë në përdorim mjetet e nevojshme për ruajtjen më tej të monopolit mbi bisedat telefonike të dy kompanive të huaja, edhe pse përfitimi në kurriz të qytetarit është çnjerëzor. Operatorë nga Kanadaja e Shtetet e Bashkuara, që kanë kërkuar të ndërhyjnë për liberalizimin e këtij tregu, konfirmojnë se e njëjta pengesë u ka ndodhur edhe në disa vende të Afrikës, ku qeveritarëve u jepet një bakshish prej mëse 10 milionë dollarësh në vit nga kompanitë e monopolit, për të mos lejuar licensimet e reja. Në mënyrë krejt çnjerëzore shteti dhunon jetën private për t’i kontrolluar më shumë bizneset e kundërshtarëve politikë, sesa kriminelët e vrasësit që enden të lirë. Numri i personave të vënë nën përgjim në Shqipëri është aq sa në Shtetet e Bashkuara të Amerikës, ku vetëm Kalifornia ka një qarkullim vjetor prej 30 miliardë dollarësh nga tregtia e marijuanës. Një tregues tjetër i dukshëm i dominimit të këtyre lobeve dhe i përfitimit në kurriz të qytetarëve është monopoli i tyre mbi kazinotë e lojërat e fatit. Qytetarët shqiptarë nuk kanë asnjë mbrojtje ndaj këtij dhunimi e shfrytëzimi kriminal, sepse sindikatat janë inekzistente ose nën kontrollin partiak. Lufta politike për marrjen ose mbajtjen nën kontroll të institucioneve të pavarura të shtetit i ka bërë ato të pafuqishme përkundrejt këtyre krimeve ekonomike që lidhen me politikën. Për krimin ekonomik ndiqen vetëm qytetarët e thjeshtë e bizneset e tyre.

Politika antishqiptare në kulturën dhe trashëgiminë kombëtare

Në hullinë e kësaj politike antishqiptare vazhdon prej vitesh sulmi ndaj historisë e lënia në degradim e vlerave të trashëgimisë kulturore kombëtare. Me pretekstin e reformave janë lënë pa punë, ose nxjerrë në pension shumica e shkencëtarëve me tituj të merituar. Prishja e institucionit të Akademisë së Shkencave bëhet për të asgjësuar mbrojtjen e vlerave të historisë dhe trashëgimisë sonë kombëtare, veçanërisht të trashëgimisë jashtë territoreve të Shqipërisë, që përbën mëse 70% të kësaj vlere. Kjo vjen nga fakti se partitë politike shqiptare nuk kanë mision kombëtar, as vizion për vlerat e njerëzimit. Eliminimi i së djathtës politike në Shqipëri, e cila do të kishte si program mbrojtjen e pronës dhe vlerave të trashëguara, fuqizimin e ekonomisë kombëtare dhe shmangien e krizave shoqërore të vendit, ishte hapi i parë i realizimit të strategjisë së lobeve antishqiptare në politikë. Dominimi i tyre është shfaqur vazhdimisht edhe në proceset elektorale duke nxitur financime të pakontrolluara.

Viti ‘97 dhe monopolet politike

Nën trysninë e këtyre lobeve, eksponentët e politikës shqiptare të përfshirë në skenarin tragjik të vrasjes së popullsisë në vitin 1997 bënë të mundur shpalljen e një amnistie, për t’i vënë kapak kësaj vepre që mbart në vetvete edhe krim kundër njerëzimit. Politikanët shqiptarë nuk kanë pranuar as përgjegjësinë më të vogël morale për këtë krim. Minimumi që duhej të bënin ishte t’i kërkonin falje popullit e të jepnin dorëheqje. Por ata vazhdojnë ta riciklojnë veten në politikë e postet e larta të shtetit. Më 21 qershor të vitit 2004, Komiteti i Pajtimit Mbarëkombëtar, në bashkëpunim me disa Organizata të tjera Jo-Qeveritare, nxori një promemorie drejtuar opinionit publik shqiptar dhe faktorit ndërkombëtar për ndryshimin e gjendjes politiko shoqërore në Shqipëri dhe prishjen e monopolit mbi partitë politike. Promemoria u kërkonte gjithashtu institucioneve më të larta të shtetit shqiptar, partive politike, kryeministrit dhe kryetarit të opozitës, ngritjen e një komisioni kombëtar të pavarur, me ekspertë shtetërorë e të shoqërisë civile, për hetimin e lidhjeve të krimit me politikën, analizimin e ngjarjeve të vitit 1997, gjetjen e organizatorëve të skenarit të luftës civile, të vjedhjes së parave të popullit e dërgimin e tyre para drejtësisë. Lidershipi politik e shmangu pa asnjë arsyetim krijimin e këtij komisioni. Për t’u justifikuar para presionit ndërkombëtar, që kërkoi hapjen e demokratizimin e auditorëve të partive politike, u bënë manovra mediatike kundër disa individëve të pafajshëm dhe formimin e ndonjë “strukture me shoqëri civile”, duke forcuar më tej prezencën e këtyre lobeve në politikën shqiptare.

2000 kriminelë lihen të lirë

Të favorizuar nga korrupsioni në drejtësi e ligjet në Kodin Penal, mbi 2000 kriminelë lëvizin të lirë nëpër rrugët e Shqipërisë dhe të Europës (shumicën e tyre i kërkon dhe Interpoli), të cilët janë bërë shkak i veprimit të gjakmarrjes mbi ta. Gjatë gjithë këtyre viteve, kërkesat tona për një strategji kombëtare mbi parandalimin e vetëgjyqësisë dhe respektimin e institucioneve të shtetit të së drejtës janë abandonuar. Pasojat kanë rënë mbi qindra gra e fëmijë të pafajshëm, që ngujohen nga frika e vrasjes për faj të krimit që ka kryer një i afërm i familjes. Kësaj ane tragjike të shoqërisë shqiptare i kanë shërbyer ligjet në favor të uzurpimit të tokave e pronave të tjetrit duke futur në konflikt mbi 200 000 familje shqiptare. Ndonëse është bërë një ligj për ndërmjetësimin dhe ngritjen e këshillit koordinues për ndalimin e vrasjeve për hakmarrje e gjakmarrje nuk është nxjerrë asnjë akt nënligjor për implementimin e tij. Me bllokimin e akteve nënligjore është kërkuar që ai të lihet mënjanë dhe të bëhet një ligj tjetër që nuk e kontrollon Presidenca, por Kryeministria. Fatkeqësisht edhe donatorët perëndimorë kanë rënë pre e trafikut të influencës së lobeve të sipërpërmendura. Janë derdhur miliona dollarë në projekte false e të hartuara sipas interesave të këtij trafiku që nuk kanë dhënë asnjë efekt pozitiv mbi shoqërinë shqiptare. Donatorët nuk kanë qenë asnjëherë vigjilentë ndaj operatorëve që bashkëpunojnë me ta në Shqipëri. Thjesht për të justifikuar projektet e mbështetura nga donatorët, është bërë e udhës që të propozohen struktura të panevojshme e ndryshime të herëpashershme të ligjeve pa i ballafaquar me realitetin e të drejtat e njeriut, pa logjikën juridike e kriterin profesional. Kjo ka sjellë perceptimin se ligji nuk i përket interesave të qytetarëve, por interesave të partive politike duke shkaktuar aq “inflacion” në vlerësimin ndaj tij saqë qytetarët nuk paraqesin më asnjë interes për të. Për trembëdhjetë vjet u financuan projekte për Kodin Zgjedhor e ligjet për barazinë gjinore e nuk dhanë asnjë rezultat pozitiv. Po kështu, për përfitime monetare e me qëllime të mbrapshta bëhen financime projektesh të panevojshme mbi bashkëjetesën fetare në Shqipëri në një kohë që populli ynë është shembull pozitiv para gjithë botës në këtë drejtim.
Rezolutat parlamentare dhe projektligjet për dënimin e krimeve të komunizmit janë kthyer në farsë politike e nuk i kanë shërbyer aspak rehabilitimit të dëmeve të shkaktuara, sidomos ndaj pronarëve e familjeve të tyre të persekutuara, institucioneve fetare, klerit e të burgosurve politikë.

Çfarë i kërkohet Gjykatës Europiane për të Drejtat e Njeriut, Gjykatës Ndërkombëtare të Krimeve si dhe Institucioneve Ndërkombëtare

1- Të ngrihet një komisioni ndërkombëtar për hetimin e shkeljeve të rënda të të drejtave të njeriut, si dhe të krimeve ndaj popullsisë në Shqipëri, veçanërisht në ngjarjet e viti 1997.
2- Të detyrohet shteti shqiptar, si përgjegjës për mbrojtjen e firmave piramidale, t’u kthejë paratë qytetarëve e të çojë para drejtësisë fajtorët.
3- Të detyrohet shteti shqiptar që të njohë të drejtën e pronës e të zhdëmtojë qytetarët e cënuar nga Ligji 7501 mbi tokën e ligji mbi legalizimet.
4- Të detyrohet shteti shqiptar të reformojë ligjet që bien në kundërshtim me të drejta e njeriut dhe konventat ndërkombëtare.
5- Të detyrohet shteti shqiptar që organet e ndjekjes e të hetimit të krimit si dhe drejtësisë shqiptare të bashkëpunojnë me organizmat ndërkombëtare për çështjet e trajtuara në këtë dokument. Ato nuk munden t’ia arrijnë qëllimit për të dhënë drejtësi pa ndihmën e institucioneve ndërkombëtare, sepse janë nën trysninë e politikës dhe krejtësisht të pambrojtur nga ajo. Organizatorët e veprimeve kriminale mbi popullsinë gjatë këtyre viteve ndodhen në jetën politike e në administratën e shtetit. Qytetarët shqiptarë, të cilët prej 17 vjetësh kanë qenë viktima të politikës, duhet të ndjejnë përgjegjësinë e komunitetit ndërkombëtar dhe të drejtësisë për ndëshkimin e krimeve. Lufta civile në vitin 1997 u shmang, jo se deshën politikanët, por në sajë të intuitës së popullit, të ndërhyrjes së faktorit ndërkombëtar dhe të punës së përfaqësuesve të misionit të pajtimit në veri, që bindën shumicën e familjeve për të mos i çuar djemtë e tyre në jug kundër protestuesve.
* Komiteti i Pajtimit Mbarëkombëtar kërkon që partitë politike shqiptare të bëjnë një kthesë rrënjësore e me dinjitet para qytetarëve, duke ndërtuar vizion të ri e punuar me përkushtim për riparimin e dëmeve që i kanë shkaktuar popullit të tyre.
* Komiteti i Pajtimit Mbarëkombëtar i bën apel faktorit ndërkombëtar që ta mbrojë me përgjegjësi humane nga rrënimi të ardhmen e kombit tonë, i cili është një nga pemët më të hershme në kopshtin e kulturave të Europës. Kopshti i Europës së Bashkuar nuk do të jetë aspak më i bukur pa pemën karakteristike shqiptare.

Bordi i Komitetit të Pajtimit Mbarëkombëtar

Prof. Arbër Xhaferri
Prof. Ylli Popa
Prof. Zekeria Cana
Prof. Luan Omari
Prof. Farudin Hoxha
Prof. Shaban Demiraj
Prof. Afërdita Onuzi
Prof. Et’hem Ruka
Dr. Rustem Gjata
Dr. Eno Koço
Dr. Arjan Starova
Rrahman Parllaku
Uran Butka
Mirie Rushani
Eni Çobani
Lefteri Lleshi
Rubena Moisiu
Marie Biba
Ilir Çumani
Zef Sokoli
Sokol Delia
Fran Lleshi
Dedë Peraj
Jorgjie Dodani
Bardhok Sulejmani
Sotirulla Hoxha
Aranita Qilimi
Afërdita Sokoli
Preng Cara
Frederik Gusho
Pasho Uruçi
Dhurata Zeqo
Vangjel Bello
Tanush Frashëri


Dërguar: Gjykatës Europiane për Mbrojtjen e të Drejtave të Njeriut
Gjykatës Ndërkombëtare të Krimeve
Komisionit Europian
Këshillit të Europës
OSBE-së
Departamentit të Shtetit, Senatit dhe Presidentit të SHBA-ve

Prezentë

Presidentit të Republikës së Shqipërisë
Kryetares së Parlamentit të Shqipërisë
Kryeministrit të Shqipërisë
Kryetarëve të partive parlamentare shqiptare
Kryetarëve të komisioneve parlamentare
Deputetëve të Kuvendit të Shqipërisë
Gjithë ambasadorëve dhe organizatave ndërkombëtare të akredituara në Shqipëri

Për Bashkëpunim

Z.Ermir Dobjani Avokat i Popullit
Z.Theodhori Sollaku Prokuror i Përgjithshëm i Republikës së Shqipërisë
Z.Besnik Mustafaj Ministër i Jashtëm i Republikës së Shqipërisë
Z.Bujar Nishani Ministër i Brendshëm i Republikës së Shqipërisë
Z.Ilir Rusmali Ministër i Drejtësisë i Republikës së Shqipërisë
Znj. Majlinda Bregu Ministre e Integrimit të Republikës së Shqipërisë
Z.Bahri Shaqiri Drejtor i Shërbimit Informativ të Shtetit

[Brari]

lol

ne ate liste jan macja me miun bashke..

ujku me qengjin..

njeriu me kanibalin..

pra krejt ky komiteti e kjo deklarate eshte nje karikature e ill popajve me shoke qe si duket skleroza i ka cuar deri ne kte marri historike..

igenus.. kembanat qe bien.. ulerasin per kriminelet edvin brace e compani..

ju ka zen frika.. mos thot gje nanua..??


pashua do altin arapin kryeminister..

po mir te fitojne votat e le ta bejne..

biroja kanibale me antar moisiun sallakun ceken gjinushin meten zabitin etj me edvinin ne krye po prodhojne cdo dite teori te reja po baza eshte.. enverizem me armani ne kub.. pra polpotizem..

asgje tjeter..


...

[Zemrushja]

Meta si kryeminister dhe Rama si Kryetar i Bashkise se Tiranes mund te kene bere gabime e faje,
por te krahasosh punen e Metes dhe te Rames me DEGJENERIMIN qe i kane bere Shqiperise Nano e Berisha eshte si te krahasosh Naten me diten.

Kete mendim kam dhe une.. Shqiperine e sotme me shum e kane shkaterruar vet "kreret e lart te te dyja partive" se sa te tjeret..

Me thoni nje rast qe nje pushtetar ka hipur ne pushtet dhe nuk ka kontrolluar xhepin e tij me pare? Ka?... 1 ose 2 qe kane nje ndergjegje aq te paster sa sikur te ishin te gjith si ata te dy kishte per te qene ndryshe ketu.. por.. 99% e politikaneve te jeni te bindur kane pare xhepin e tyre ne fillim.

Xhepi i popullit? Si te jete vakti.. po u ankua e shofim ne te kundert e harrojme, shofim tonin ne pse jo?

brar.. sa i shqetesuar dukesh .. t'pash emrin ne list lol.. shaka..