Hetimi mbi rrugën Durrës-Morinë, ministri Basha dëshmon në Prokurori

[no name]

Rruga Durrës-Kukës, sekuestrohen dokumentet

Prokuroria: Firmat konkurruese nuk kanë paraqitur ofertë monetare

Prokuroria e Përgjithshme ka zbardhur shkelje të tjera në tenderin e rrugës Rrëshen-Kalimash. Krahas 19 problemeve themelore që janë hasur gjatë verifikimit të kontratës mes qeverisë shqiptare dhe firmës fituese të tenderit, "Bechtel International" nga Prokuroria e Tiranës, janë konstatuar se firmat që pretendonin të fitonin ndërtimin e rrugës nuk kanë paraqitur një vlerë financiare, por vetëm projektet që kanë zbatuar në vendet e tjera. Kjo ka sjellë çudinë e hetuesve të çështjes, teksa një problem tjetër mbetet gjuha e përdorur gjatë procesit të tenderit. Dy hetues të çështjes kanë vizituar Drejtorinë e Përgjithshme të Rrugëve, ku kanë sekuestruar projektet e tri firmave që konkurronin, krahas firmës fituese "Bechtel International". Në dokumente bie në sy mënyra sesi firmat pretendonin të fitonin tenderin. Mësohet se materialet kanë mbërritur në organin qendror të akuzës dhe pritet që të fillojë një hetim i hollësishëm. Shkelja e radhës është vazhdimi i "serisë" së parregullsive të konstatuara gjatë procedurave të tenderit të rrugës Durrës-Kukës. Abuzimi më i butë i kontratës për tenderin është leja mjedisore dhe ajo minerare që duhet të lëshohet nga ministritë përkatëse. Ndërkohë, vijnë me radhë shkeljet e tjera: Kontrata është lidhur dhe më pas është miratuar, pa pasur një projekt përfundimtar për ndërtimin e rrugës. Ligji parashikon që objektet të ndërtohen në bazë të projekteve të zbatimit të hartuar nga organe të pajisura me licencën përkatëse. Gjithashtu, ligji thotë që oponenca teknike për projektet e ndërtimit të objekteve do të bëhet për të gjitha llojet e ndërtimeve. Në rastin konkret, nuk ka asnjë oponencë teknike. Po kështu, kontrata mes palëve është lidhur, miratuar më pas me VKM dhe ka filluar përmbushja e detyrimeve të kontratës

pa pasur mbikëqyrësin e punimeve (supervizorin), gjë që është detyrim ligjor. Nga ana tjetër, gjithmonë kur bëhet një tender ka një fond limit. Në rastin konkret vërehet se nuk ka një fond limit për lëvrimin e fondeve nga buxheti i shtetit. Një tjetër shkelje vërehet te paradhënia, e cila nuk mund të kalojë më shumë se 10% të vlerës së kontratës (në rastin konkret vlera fillestare e çmimit të synuar të kontratës ishte 418.333.986 euro), pasi në

rastin konkret i janë dhënë sipërmarrësit mbi 100 milionë euro. Nga ana tjetër, në kontratë parashikohet se do të zbatohet ligji anglez. Në asnjë rast nuk mund të kenë efekt mbi territorin shqiptar, ligjet e një vendi të huaj. Shkelje tjetër është dhe fakti se një pjesë e dokumenteve të paraqitura për pagesë, si dhe të dokumentacionit në përgjithësi janë në gjuhën angleze çka përbën shkelje të ligjit. Të gjitha këto shkelje gjenden në duart e hetuesve të Prokurorisë së Përgjithshme, të cilët pritet të japin verdiktin e tyre. Për këto parregullsi, Prokuroria e Tiranës ka njoftuar Armand Telitin dhe Andi Tomën për veprën penale shpërdorim detyre. E njëjta akuzë rëndon edhe mbi Lulzim Bashën, por ministri aktual i Jashtëm nuk u është përgjigjur thirrjeve të njëpasnjëshme të organit hetimor. "Si persona të dyshuar si përgjegjës për këtë vepër penale janë shtetasit Andi Toma, Armand Teliti dhe Lulzim Basha, të cilët kanë përgatitur të gjithë dokumentacionin dhe kanë iniciuar procedurat e VKM nr. 460, 481, 526 dhe 651 të vitit 2006", thanë burimet nga akuza qendrore.





Gazeta Shqip

[no name]

Tenderat, ofertat tashmë përmes internetit

Berisha: Ky projekt i jep fund njëherë e mirë korrupsionit në tendera

Me motivin e
luftës ndaj
korrupsionit
qeveria shqiptare
ka vendosur t‘i
kalojë të gjitha prokurimet
publike në rrugë elektronike,
duke përdorur për këtë
teknologjinë më të fundit,
atë të internetit. Në bazë të
kësaj metode, për çdo tender
ofertat do të paraqiten
vetëm ditën e fundit dhe
përmes internetit, çka, sipas
Kryeministrit Berisha,
shmang mundësitë për
marrëveshje paraprake mes
zyrtarëve me firmat private.
Kjo formë, sipas Kryeministrit
Berisha, ofron transparencën
maksimale në vendimmarrje,
pasi nuk u jep
mundësinë edhe firmave
konkurruese në tendera të
njohin në rrugë ekstraligjore
ofertat e njëri-tjetrit dhe
shmang mundësinë që zyrtari
vlerësues të njohë më
parë ofertat, duke qenë se
ato hapen të gjitha
njëherësh vetëm në ditën e
tenderit. "Tashmë, prokurimi
në Republikën e Shqipërisë
do të jetë tërësisht
elektronik dhe vlerësuesit,
ofertuesit kontraktorë nuk do të
mund të njohin më njëri-tjetrin
dhe ky është një ndryshim epokal
për çështjen e prokurimeve publike
dhe luftën kundër korrupsionit.
Ky projekt, sikundër projekti i
parë i regjistrimit të biznesit, i cili
do të shtrihet së shpejti në 18 rrethe, do t‘i japë fund njëherë e mirë
korrupsionit të fusha të ndryshme",
tha Berisha. Prokurimi elektronik
është një nga projektet e
programit të qeverisë amerikane
të Llogarisë së Mijëvjeçarit, që
synon luftën kundër korrupsionit
në Shqipëri dhe që nisi me
detyrimin për të tërhequr dokumentet
e tenderave përmes internetit,
një mundësi që për shkak
të korrupsionit u hiqej shumë firmave
të interesuara për konkurrim.
Me interpretimin që bëri
Kryeministri Berisha la të kuptohej
se kjo ishte forma e abuzimit
për të cilën akuzohen sot zyrtarët
e lartë të Ministrisë së Transporteve.
"Kjo ka dhënë një ndihmesë
shumë të madhe me uljen e
korrupsionit në këtë proces, sepse
të korruptuarit me mekanizmat e
tyre, për t‘i dhënë tenderin atij që
donin, me një qëndrim haptas antiligjor,
u mohonin të drejtën e
tërheqjes së dokumenteve kompanive
të tjera. Nuk mund të
them se ishte një veprim masiv,
por ndodhte dhe ne konstatuam
se kjo ishte përgjegjëse për 25 deri
në 30% të rasteve të korrupsionit",
përfundoi Kryeministri.



Shqip

[Brari]

qe thua ti dy drins..po dhe ti njemiki.. lexo.. ceshtja e rruges durres-prishtin.. kerkon oponence ne fakt.. pra do ish dashur nje referendum popullor para se te fillonte puna..
me pitjen drejtuar popullit..
e doni apo jo..kte rruge..
ose..
a e dini se do te kushtoje aq e kaq miliarde.. dhe a jeni te gatshem o milet ta paguajm kte rruge a jo..

pra eshte dashur nje diskutim popullor i madh.. per koston.. e me von nje debat inxhiniero teknologjik.. me eksperte te vendit e te huaj e nje publikim i skicave e projekteve e pastaj te fillonte shpronesimi.. i katundarise per rreth aksit rrugor.. sqarimi i shum ceshtjeve ne lidhje me mbi kalimet e nen kalimet qe nevoja do ti diktoje nga kjo rruge qe te vazhdoje normaliteti ne zonat andej..

pastaj ftesa firmave te njohura nga europa.. si psh gjermano suedeze a zvicerano austriake..pra nga vende me kompani te stazhionuara ne carjen e maleve..
e pastaj persosja deri ne imtesi e projektit nga e cila do dilte dhe pasqyra e sakte e shpenzimeve..

sic duket menyra shqiptarce e yryshllekut ne cdo pune.. pasqyrohet dhe ne fillimet e kesaj rruge..
ketu ka gjetur rast te perfitoje per te bere karshillek dhe mafia ps-iste..
fatkeqsi qe skemi opozite te vertete se punet do kishin vajtur mire..
i mbeti erion braces te gjykoje kte rruge.. e kujt pa.. zedhenesit te partise qe parate e rruges i beri rrush e kumbulla.. kur ish ne qeverrisje e kjo ja ul vleren diskutimit..

kur hajdutet derdhin lot krokodili per parat e popullit athere behet komedi..

sallaku eshte me i fituari..
tek yryshlleku berishian i berjes se punve ka gjetur eldoradon.. pra komerdaren e shpetimit..

dhe edvin hajduti ferkon duart..
nja 3 vjet askush sdo merret me miljardat e vjedhura nga mimshalso tahiroedvinet..

i mjeri lul bash qe desh te bej dicka.. por me nje prapavije te dobet.. nga ato qe nje zan caush i rrezon si mullar kashte..

do ta rrezojne berishen ustallaret e 97-tes qe i ve ne rresht koburja e altin arapit..

nje 97 edvino gjinushisto meto zabitoiste po troket ne dere..

asnje thirrje perkrahese nuk i vjen berishes nga kosova.. ne lidhje me rrugen..
po e len si athere ne meshir te caushizmit edvinist..

politikanet e kosoves pa perjashtim jan vene nen hyqmin e edvin erion brace krasto xhungo qose thaqve.. e po presin renjen e saliut..
i ka te forta rrenjet polpotizmi enverist ne kosove..
ec dhori.. bej qejf nashi si dikur aranito nevzat rrapo minot e dulles..
te erdhi ora more hajdut e enverist i qelbur..
saliu te ujiti more pis.. haja gurmazin tani..

nje TEC eshte dashur fillimisht te ndertohej urgjentisht diku ne pishporo a porto ramano a mbi Tecin e vjeter te Fierit.. e pastaj rruga..
olele korrenti thon shqiptaret cdo dite..jo olele kukso rruga..

lenini nuk ish budalla kur tha.. elektrifikim plus pushtet sovietik.. dhe e bera kamunizmin..

kur komunizmi muzhikoist i kohes babaqemo-isto ruso 1900-tes.. do korrent mendo se cfar korrenti do kapitalizmi i 2000 e case..


mungon mencuria.. tek qeveria e berishes..






...

[DYDRINAS]

qe thua ti dy drins..po dhe ti njemiki.. lexo.. ceshtja e rruges durres-prishtin.. kerkon oponence ne fakt.. pra do ish dashur nje referendum popullor para se te fillonte puna..
me pitjen drejtuar popullit..
e doni apo jo..kte rruge..
ose..
a e dini se do te kushtoje aq e kaq miliarde.. dhe a jeni te gatshem o milet ta paguajm kte rruge a jo..

pra eshte dashur nje diskutim popullor i madh.. per koston.. e me von nje debat inxhiniero teknologjik.. me eksperte te vendit e te huaj e nje publikim i skicave e projekteve e pastaj te fillonte shpronesimi.. i katundarise per rreth aksit rrugor.. sqarimi i shum ceshtjeve ne lidhje me mbi kalimet e nen kalimet qe nevoja do ti diktoje nga kjo rruge qe te vazhdoje normaliteti ne zonat andej..

pastaj ftesa firmave te njohura nga europa.. si psh gjermano suedeze a zvicerano austriake..pra nga vende me kompani te stazhionuara ne carjen e maleve..
e pastaj persosja deri ne imtesi e projektit nga e cila do dilte dhe pasqyra e sakte e shpenzimeve..

...

Ne nje kohe tjeter ndoshta do te behet keshtu sic thua ti, por po te mendosh se sa vite jane humbur, atehere del se shqiptaret nuk kane me dite per te humbur e jo me vite.
Qe nga viti 1999 deri ne kohen kur nisi punen vepra ne fjale, nga qeverite e majta nuk u be asgje tjeter, vecse projekt-ide, studime, variante dhe me ne fund u miratua varianti qe eshte sot ne zbatim.
Jane harxhuar gjithe ato fonde per studime e variante te rruges (kane qene paraqitur tri variante), jane nxjerre ushtare qe te germojne dhe perfundimi ishte se asgje nuk u be.
Ekspertet e vendit kane qene te gjithe nen ombrellen e firmave te huaja (italiane dhe franceze) dhe per ta varianti me i mire ka qene nje rruge me dy kalime dhe mundesisht duke zgjeruar dhe rikonstruktuar rrugen ekzistuese.
Pastaj cilet eksperte te vendit do te jipnin idete apo te benin recensen?
Cili eksperte vendas ka marre pjese ne projektimin dhe ndertimin e objekteve te permasave te tilla?
Cila rruge ne Shqiperi mban vulen e 100% te eksperteve tane?
Cdo shqiptar sapo kalon kufirin, gjeja e pare qe i bie ne sy eshte dallimi ne cilesine e rrugeve dhe gjelberimin e pyjeve.
Ne Kosove, Mal te Zi apo Maqedoni (pa permendur Greqine dhe shtetet e tjera) edhe ne katundet me te largeta ka nje rruge ne parametra inxhinierike!
Tek ne bejne perjashtim vetem rruget e ndertuara ne kohen e Zogut dhe me ndihmen e inxhinierise italiane, qe dhe sot e kesaj dite dallojne nga shtigjet e ndertuara nga ekspertet tane.
Ndryshimi eshte shume i madh!
Pastaj tenderi ishte i shpallur ne organet me te njohura nderkombetare dhe aty u pa se interes paten vetem kater kompani e ku nga to, dy jane nder me te njohurat ne te gjithe boten: Bechtel (amerikane) dhe Strabag (austriake).
Te dy keto kompani jane lojtare te tregut te Ballkanit dhe te Europes Lindore, ndersa kompani te tjera ende nuk operojne ne kete zone.
Pastaj firma qe po merret me projektin e zbatimit te tunelit (Scetaroute), eshte nje nder firmat me emer ne Europe.
Ndersa pasqyre e imet e projekteve te tilla, eshte e pamundur qe te behet, sepse behet fjale per veper inxhinierie te nje veshtiresie te larte.
Tunelet ne pergjithesi jane vepra te veshtira per t'u projektuar dhe per t'u ndertuar, sepse nentoka fsheh te papritura.
Per Shqiperine ka per te qene kjo rruge nje shkolle e vertete, per ata qe duan te merren ne te ardhmen me ndertime rrugesh, urash dhe tunelesh.

[Ujku'80]

Sekretari i Përgjithshëm i Kryeministrisë, Gjergj Lezhja, ka injoruar kërkesat e prokurorëve për të vënë në dispozicion dokumentet shtetërore, të cilat nuk klasifikohen si sekrete

Habjon Hasani
Sekretari i Përgjithshëm i Kryeministrisë, Gjergj Lezhja, minimalisht do të shoqërohet në prokurori pasi ka penguar në mënyrë serioze hetimin e dosjes Rrëshen-Kalimash. Pas refuzimeve të njëpasnjëshme që Lezhja u ka bërë kërkesave të prokurorisë, atij do t’i komunikohet padia penale për “pengimin e qëllimshëm të hetimeve”, pasi sipas prokurorëve, Lezhja ka fshehur dokumentacionin zyrtar dhe ka penguar prokurorët të kryejnë funksionin e tyre kushtetues. Nëse ndodh që edhe pas shoqërimit në prokurori Lezhja të vazhdojë të “fshehë” këto dokumente, atëherë prokurorët kanë parashikuar arrestimin e tij, duke qenë se ai përbën një rrezik për hetimin e mëtejshëm të çështjes. Ndryshe nga aktorë të tjerë të lidhur me çështjen, Lezhja nuk gëzon kurrfarë imuniteti, pasi është person i emëruar në atë post dhe nuk ka mburojë ligjore përballë padisë së prokurorëve. Gjithçka është mësuar pasditen e djeshme, që në fakt ishte dhe afati i fundit që i ishte lënë sekretarit të Përgjithshëm Lezhja për të vënë në dispozicion dokumentacionin e kërkuar. Ndërkohë që është mësuar se edhe pse Lezhja kishte premtuar se do të dorëzonte të paktën deri dje dokumentet, ai nuk e ka bërë një gjë të tillë. Prokurorët e kanë pritur deri në orën 14:30 Lezhjën, por pa rezultat. Tashmë hetuesit e çështjes janë gati të veprojnë duke shfrytëzuar të drejtat që u jep ligji për të realizuar detyrën e tyre kushtetuese, e në fakt janë duke përpiluar argumentet juridike për të ngritur padinë penale ndaj sekretarit të Përgjithshëm të Kryeministrisë. Gazeta “Albania” është përpjekur të telefonojë dje rreth orës 19:30 me sekretarin e Përgjithshëm Lezhja për të dëgjuar edhe “versionin” e tij, por kontakti ka qenë i pamundur, pasi Lezhja kishte bllokuar thirrjet të paktën në dy numra celulari që ai përdor zakonisht.

Hetimi

Dosja “Rrëshen-Kalimash” ka kaluar prej tri javësh nën kompetencën e Prokurorisë së Përgjithshme dhe një ndër arsyet që prokurori i Tiranës Ervin Karanxha ia kaloi Prokurorisë së Përgjithshme këtë çështje, ishte dhe pamundësia e tij për të pasur akses në tërheqjen e disa dokumenteve në kryeministri si pasojë e refuzimeve të përsëritura nga ana e sekretarit të Përgjithshëm Lezhja. Burime kofidenciale nga ekipi i prokurorëve në Prokurorinë e Përgjithshme, që merret posaçërisht me këtë çështje, i thanë dje “Albania”-s se ndalimi i Lezhjes është i domosdoshëm në kushtet kur nga ana e Këshillit të Ministrave kërkesat legjitime të prokurorëve gati janë shpallur si “non grata”. Prokurorët, gjithsesi, janë të bindur se për sa kohë që zotërimi i këtij dokumentacioni do të jetë një e drejtë e tyre kushtetuese, askush nuk do të ketë forcën t’i privojë. “Në një kohë që pikërisht nga ana e këtij institucioni reklamohet me të madhe se procedurat kanë qenë transparente, neve nuk na lejohet që të njihemi me to. Për më tepër, në bazë të ligjeve shqiptare, dokumentacioni që ne kemi kërkuar nuk kategorizohet si i klasifikuar apo si sekret shtetëror, sikurse pretendojnë zyrtarët e Kryeministrisë”, - i tha dje “Albania”-s një prej hetuesve të skandalit.

Gafa

Duket se për sekretarin e Përgjithshëm të Kryeministrisë, Gjergj Lezhja, është regjistruar edhe një episod gati-gati komik. Kjo ka ndodhur pasi Lezhja, gjatë kontaktit që ka pasur me prokurorët, u ka thënë atyre se mund t’i hidhnin një sy dokumenteve që kërkonin, por kurrsesi nuk mund të dilnin me ato dokumente nga godina e Kryeministrisë. “Edhe pse në dukje qesharake, ky është një gabim serioz dhe tregues i mosnjohjes së ligjit. Një dokument ose është sekret, ose është publik, nuk mund të ketë akrobacira dhe sjellje të tilla. Jo vetëm që dihet botërisht se ai lloj informacioni që ne kërkojmë konsiderohet si informacion i hapur, por edhe sikur me një vendim ligjor të ishte kategorizuar si informacion i klasifikuar, zoti Lezhja duhet të na tregonte vendimin në fjalë, e jo të na ftonte në situata groteske. Prokuroria ka për detyrë të mbledhë prova dhe në bazë të tyre të ngrejë argumentet e saj ligjore, por kurrsesi prokurorët nuk mund të trajtohen si auditori i një biblioteke, ku u lejohet vetëm të lexojnë por jo t’i marrin “librat” me vete. Kjo është sa qesharake, aq dhe e rrezikshme, sepse injorohet dhe nëpërkëmbet misioni ynë kushtetues”, - thekson burimi.

ALBANIA

[vagabondo_nyc]

Sekretari i kryeministrit nuk puno ne kok t'vet po i thot Sala mos hap tefteret per ata te prokuroris se na mori lumi.

mire ate po kete....tani cdo vit kta do e bojne shumzim per 2


Rruga Durres- Kukes, Firma: Nga 400 mln euro, duam 800


(Derguar me: 06/10/07) Nga Genc Kondi

Në rast se do të zbatohet projekti, realizimi i të cilit tashmë ka filluar, për ndërtimin e segmentit rrugor të Verilindjes, Durrës-Milot-Rrëshen-Kalimash-Kukës-Morinë, kostoja rezulton të jetë shumë më e lartë se sa parashikimi fillestar i qeverisë shqiptare. Burime nga kompanitë e huaja private, që janë drejt përfundimit të projektit për segmentin më të shtrenjtë të rrugës, atë midis Rrëshenit dhe Kalimashit, në të cilin parashikohet të ndërtohet edhe tuneli më i gjatë në Ballkan, prej 6 kilometrash, thonë se fondi prej 400 milionë eurosh, që ishte deklaruar më parë publikisht, është shumë larg kërkesave të ndërtimit të kësaj rruge.

Madje, është, praktikisht, sa gjysma e fondit, që nevojitet realisht. Francezja “Scetaroute” dhe italiania “Italconsult” dorëzojnë këto ditë zyrtarisht projektin e segmentit më të vështirë të rrugës, ndonëse punimet në të kanë nisur prej kohësh. Por, sipas ekspertëve të tyre, të kontaktuar dje ngë “Gazeta”, shifra totale e fondit, që duhet për të ndërtuar këtë rrugë luhatet midis 700 dhe 800 milionë eurove. Natyrisht, theksojnë ata, në rast se nuk ndohin të papritura gjatë hapjes së tunelit të Kalimashit.

Kjo kosto e re flet edhe për atë pse këto ditët e fundit nga zyrtarë të lartë të Financave janë dëgjuar zëra për fonde shtesë, që do të shkojnë nga Buxheti i Shtetit, në adresë të financimit të punimeve në këtë segment problematik. Sidoqoftë, edhe në këtë rivlerësim, që duket të jetë më afër realitetit, ekspertët e huaj ndërtues kanë shprehur rezervat e tyre. Duke qenë se punimet e plotësuara mund të kërkojnë, sipas tyre, madje edhe 1 miliard euro. Pa vënë në diskutim vlerën e ndërtimit të këtij aksi të domosdoshëm rrugor, kjo shumë përbën një shifër jashtëzakonisht të lartë për shtetin shqiptar, po të mbajmë parasysh se Buxheti i Shtetit llogaritet në 2 miliardë dollarë amerikanë.

Financat publike
Sa do të rëndojë kjo kosto mbi arkën e shtetit? Për këtë mund të gjykohet, po të mbahen parasysh deklaratat më të fundit të zëvendësministrit të Financave, të ngarkuar me sektorin e Shpenzimeve, Sherefedin Shehu. Sipas tij, nga burimet e brendshme, ky dikaster parashikon të shpenzojë rreth 40 miliardë lekë, pa përfshirë këtu privatizimet strategjike.

Vetëm “Bechtel”-i do të ketë 30 miliardë lekë në vitin 2008, pra rreth 310 milionë dollarë, tha ai, duke përmendur kompaninë realizuese të segmentit Rrëshen-Kalimash. Ndërkohë, qeveria ndodhet në një pozitë të vështirë, duke qenë se dëshiron të vijojë zbatimin e kontratave edhe në akset rrugore të jugut, duke filluar nga Lushnja dhe duke vazhduar deri në Borsh, përfshirë këtu edhe segmentin nga Levani në Tepelenë. Edhe KESH-i do të jetë një sektor tjetër ku qeveria duhet të japë garanci për huatë që merr, pasi donatorë të tillë si BERZH-i dhe BEI kërkojnë gjithmonë një garanci të tillë nga shteti, sipas Shehut. (Genc Kondi)

Gazeta Shqiptare

[no name]

Hetimet për Durrës-Kukës, opozita kërcënon me bojkot

Braçe: Nëse nuk pranohet kërkesa për tre komisionet hetimore

Partia Socialiste është në prag të bojkotit politik. Numri dy i grupit parlamentar deklaroi dje se shkak për këtë qëndrim mund të bëhet mungesa e përgjigjes pozitive nga Kuvendi për nismat e ndërmarra. Në sekretarinë e Parlamentit janë depozituar prej kohësh kërkesat për ngritjen e tri komisioneve hetimore parlamentare. Kjo bashkangjitur me një numër relativisht të madh interpelancash me funksionarët e qeverisë. Socialistët i bënë thirrje Kryetares së Kuvendit të mos bëjë rolin e nënkryetares së Partisë Demokratike. "Pra të mos pengojë më nismën e deputetëve socialistë dhe të opozitës, për të hetuar prokurorimet publike për vitet 2006-2007 ku më i rëndësishmi dhe më i kushtueshmi mbetet ai prej miliona eurosh të segmentit Rrëshen- Kalimash", tha Braçe. Sipas tij, pa këtë akt procedural nuk do të ketë seancë ditën e hënë. "Nëse Kryetarja e Kuvendit vazhdon të na e mohojë këtë të drejtë, ne si deputetë socialistë dhe deputetëve të tjerë që i janë bashkëngjitur kësaj nisme, do të jemi të shtrënguar të rishohim pozicionin tonë në të gjitha tavolinat e bashkëpunimit me PD-në dhe aleatët e saj", insistoi Braçe. Ai i kërkoi prokurorisë të mos humbasë më kohë me shkresa apo me pingpongun e shkresave sa nga prokuroria në qeveri dhe nga qeveria në prokurori, por të zbatojë ligjin penal për të gjithë zyrtarët që po pengojnë drejtësinë të zbardhë këtë çështje. "Presidenti i Republikës të ndalë sulmet ndaj Prokurorit të Përgjithshëm në këtë moment. Të ndalë presionin lidhur me këtë çështje, hetimi për të cilën ka nisur kryesisht dhe të shprehet njëherë të vetme në mbështetje të prokurorisë për të hetuar deri në fund këtë çështje", vijoi Braçe. Duke nënvizuar se kreu i shtetit nuk do të ketë mbështetjen e opozitës nëse e kthen reformën në drejtësi në një vepër të gjykatësve, që mbyllën çështjen e parë korruptive të qeverisë së Sali Berishës dhe të pluralizmit, apo me shantazh personal të prokurorit për të ndërprerë hetimin e skandalit të shekullit. "Presidenti nuk mund të lajë borxhet ndaj Sali Berishës, ish-kryetarit të partisë së tij në këtë formë", vlerësoi Braçe. Nënkryetari i grupit parlamentar tha se Kryeministri Berisha po implikohet gjithnjë e më shumë, në skandalin financiar të segmentit Rrëshen-Kalimash, prokurimit, zbatimit dhe financimin e këtij projekti. "Deklarata më e fundit e Kryeministrit lëshuar dje në Durrës, pohon botërisht se kompania "Bechtel" tha se do të blinte - thotë Kryeministri, materiale shumë milionëshe në vend, por më pas u tërhoq, sepse nuk i jepnin çmimin real të mallit, duke i afruar fatura me gjysmën e çmimit", sqaroi Braçe. Kjo deklaratë, shtoi ai, ka qenë në faqen zyrtare të Këshillit të Ministrave, por sot (dje) në mëngjes nuk rezulton më, është hequr. "Rritja artificiale e çmimeve, që e pohon dhe Kryeministri, rezultati i zgjedhjes qeveritare për prokurim për njësi, dhe jo sipas projektit dhe preventivit përkatës, prodhon sigurisht rritjen e kostos së ndërtimit të këtij segmenti", argumentoi Braçe.


Gazeta Shqip

[Ujku'80]

Kryeministri Berisha dhe kundërshtarët e tij politikë, socialistët, kanë nxjerrë më në fund në sipërfaqe të gjithë prapavijën e debatit për rrugën Durrës-Kukës. Sipas të dyja palëve, problemi madhor që fshihet nuk është vetë rruga, por kostoja e saj që po njeh një rritje konstante artificiale për shkak të asaj që nga deputeti Erion Braçe është cilësuar si një tendencë e firmës amerikane për të rritur fitimin. E pohuar nga Berisha një ditë më parë në Durrës, por i fshehur në kuptimin e vet politik, fakti në fjalë e sjell veprën në fjalë si një ngrehinë që i ngjan gropës thithëse. Sipas Braçes, arsyet e fshehjes nga Berisha lidhen me tenderimin e rrugës pa projekt, një veprim që duket se e ka vendosur qeverinë në një rreth vicioz ku ndoshta vetëm Ridvan Bode nuk ka pranuar të bëhet pjesë. “Rritja artificiale e çmimeve, që e pohon dhe Kryeministri, rezultati i zgjedhjes qeveritare për prokurim për njësi dhe jo sipas projektit dhe preventivit përkatës, prodhon sigurisht rritjen e kostos së ndërtimit të këtij segmenti. Natyrisht, nuk është ndonjë gjë e re për kompaninë në fjalë, pasi për të njëjtën çështje apo për të njëjtën skemë akuzohet në SHBA, në vendin e origjinës. Për të njëjtën çështje, rritjen e kostove, është akuzuar në Rumani. Për të njëjtën çështje, rritjen e kostove artificialisht pas fillimit të punimeve, është akuzuar edhe në Kroaci. Pra, kjo provon më së miri dhe sjell në kujtesë që ne e kemi atakuar që në fillim prokurimin e rrugës pa projekt dhe pa preventiv”, - tha Braçe. Më tej, ai ka akuzuar kryeministrin për fshehje të të vërtetave të pohuara prej tij duke qenë se problematikën e çmimeve të trajtuar prej tij në Durrës, siti zyrtar i qeverisë e ka eliminuar nga njoftimi zyrtar. Ai nuk ka lënë pa përmendur edhe rastin “Lezhja”, duke iu referuar gazetës “Albania”, në të cilën sekretari i Përgjithshëm i Kryeministrisë ka pohuar mosdorëzimin e dokumenteve në Prokurori për arsye të një vendimi të Këshillit të Ministrave që e ka shpallur konfidencial transkriptin e mbledhjes. Renditjes së këtyre fakteve, Braçe i ka shtuar kërkesat politike ku kërkohet lejimi i hetimit të prokurimeve publike, refuzimi i së cilës mund të sjellë edhe prishjen e seancës ditën e hënë. “Pa këtë akt procedurial, nuk do të ketë seancë ditën e hënë dhe nëse kryetarja e Kuvendit vazhdon të na e mohojë këtë të drejtë, ne si deputetë socialistë dhe deputetët e tjerë që i janë bashkëngjitur kësaj nisme do të jemi të shtrënguar të rishohim pozicionin tonë në të gjitha tavolinat e bashkëpunimit me PD-në dhe aleatët e saj”, - tha Braçe. Sipas tij, edhe angazhimi i fundit i Presidentit po shkon drejt presimit të prokurorit të Përgjithshëm për të ndalur hetimin e korrupsionit që mbështjell ndërtimin e kësaj rruge.



8 Tetor 2007

[Ujku'80]

Bechtel dhe bemat e saj ne Ballkan
Ne Kroaci Bechtelit i kane hequr projektin


31/08/2004

E ndjekur prej akuzave për korrupsion, qeveria kroate ka vendosur të zhvillojë një tender publik për një kontratë të ndërtimit të rrugëve që më parë i ishte akorduar Bechtel. Ky veprim konsiderohet si një hap i rëndësishëm drejt transparencës më të madhe.

Analiza nga Liz Baret për Southeast European Times në Budapest - 31/08/04


Autostrada Bregana-Zagreb-Dubrovnik ishte ndërmjet projekteve të akorduar më parë për Bechtel. [Arkiv]

Akuzat për korrupsion në lidhje me dy ministra të lartë bënë që kjo të ishte një verë e nxehtë për qeverinë kroate. Në qendër të vëmendjes ishte një kontratë për ndërtimin e një pjese prej 37 km të autostradës ndërmjet Dugopoljes dhe Sestanovaçit, pjesë e një rruge që do të lidhë Dubrovnikun dhe Splitin. Qeveria njoftoi në mes të korrikut se ia kishte akorduar kontratën një firme të SH.B.A.-së, Bechtel, e cila më parë ka ndërtuar autostrada në Kroaci. Skandali shpërtheu sepse qeveria nuk zhvilloi një tender publik për këtë kontratë dhe sepse Ministri i Jashtëm Miomir Zuzul kishte lidhje të mëparshme personale me këtë ndërmarrje.

Zuzul kishte punuar për një firmë lobuese të SH.B.A.-së, e cila rendit Bechtel si një prej klientëve të saj dhe madje ka shërbyer edhe si këshilltar privat për vetë Bechtel. Natën përpara njoftimit të kontratës, Zuzul hëngri darkë me përfaqësues të Bechtel në Zagreb. Që atëherë Zuzul ka mohuar çdo shkelje dhe qeveria argumenton se marrëveshje ishte krejtësisht e ligjshme sipas kushteve të një kontrate të mëparshme. Megjithatë, kontrata -- e përfunduar më 1998 gjatë epokës së Tuxhmanit -- gjithashtu ishte përfshirë prej zërave për korrupsion.

Deri në këtë pikë, historia ishte pak a shumë e parashikueshme. Skandale të tillë shpesh shfaqen në Europën Lindore dhe edhe në Europën Perëndimore. Por atëherë qeveria ndërmori dy hapa të admirueshëm. Së pari, vendosi t’i kërkojë BE-së që të gjykojë nëse marrëveshja ishte e pranueshme. Më vonë, më 4 gusht, ndryshoi edhe më tepër duke premtuar të anullojë kontratën me Bechtel dhe të zhvillojë një tender të hapur për punën në autostradë.

Ky veprim konsiderohet si një kryevepër e marrëdhënieve publike. Qeveria tregoi se vlerëson marrëdhëniet e mira me BE-në mbi gjithshka tjetër, se reagon ndaj kritikave dhe se do t’a bëjë transparencën një përparësi në shpenzimin e parave të taksapaguesve.


Vendimi i Kryeministrit Ivo Sanader për zhvillimin e një tenderi të ri për kontratën e ndërtimit të rrugës u përshëndet gjerësisht. Por tani i takon atij dhe qeverisë së tij të provojnë se ky veprim përfaqëson një angazhim afat-gjatë për pastrimin e prokurimeve publike, jo vetëm një përpjekje për të minimizuar një skandal turpërues. Akuzat kundër Hebrang gjithashtu mund t’a errësojnë këtë imazh.

Në Kroaci ka ardhur koha për një luftë të organizuar kundër korrupsionit. Ligji i ri mbi konfliktin e interesit tashmë ka ngjallur debate në lidhje me marrëdhëniet e drejta ndërmjet politikës dhe biznesit. Dhe seksioni për Kroacinë i Transparency International është duke ndihmuar që publiku të kuptojë se individët mund të mbajnë qëndrim ndaj korrupsionit. Por përvoja prej vendeve të tjera tregon se një prej faktorëve më të rëndësishëm në luftën kundër korrupsionit është angazhimi i një udhëheqësi karizmatik. Sanadër bëri një fillim premtues këtë verë.
Kjo përmbajtje është autorizuar nga SETimes.com

[Ujku'80]

Zbardhet për herë të parë pas më shumë se një viti kontrata e nënshkruar mes Drejtorisë së Përgjithshme të Rrugëve dhe Bechtel Enka për ndërtimin e rrugës Rrëshen Kalimash (57 km) në një vlerë totale parashikuar në kontratë prej 418.3 milionë eurosh. Dokumenti prej më shumë se 190 faqesh mban firmën e ish drejtoreshës Lejla Saraçi, e emëruar rishtaz pak javë më parë në këtë detyrë.

Kontrata, sipas asaj që thuhet në të, është nënshkruar mbi bazën e propozimit të shoqërisë Ecorys Group, shoqëria holandeze e përzgjedhur për specifikimet e tenderit ndërkombëtar. Ndërkohë që edhe pse flitet për bërjen e një projekti deri në mars 2007 në këtë kontratë, projekti dhe oponenca si dhe fondi limit, nuk janë specifikuar në kushtet dhe termat e kontratës.

Të 190 faqet e kontratës, tregojnë se nuk do të punohet me ligjet dhe kushtetutën shqiptare, por me ligjin anglez. Kështu, qeveria angazhohet ligjërisht sipas legjislacionit anglez, vendos të sigurojë punonjësit sipas legjislacionit shqiptar, ndërkohë që për kushtet teknike të ndërtimit të rrugës zbaton rregullat e Autoritetit të Rrugëve të Kroacisë.

Kontrata dhe termat e saj zbulohen per here te pare nga Gazeta Shqiptare e cila publikon dhe pjese te saj deri tani e mbajtur ne secret te plote nga ekzekutivi dhe Drejtoria e Pergjithshme e Rrugeve midis këtij institucioni dhe kompanive “Bechtel-Enka”, të cilat janë angazhuar nga shteti ynë për ndërtimin e segmentit qendror të autostradës Rrëshen-Kalimash, me një tunel prej 6 km, më të gjatin në Ballkan.

(news24/balkanweb)