Hetimi mbi rrugën Durrës-Morinë, ministri Basha dëshmon në Prokurori

[DYDRINAS]

Po, po kane gjete rrugezgjidhjen e duhur nderrojme emrin harrohet hajdutlliku nga publiku.

Nuk e kuptoj ku eshte ndryshimi? Apo te mbulojne gjurmet e pisllikut


Te njejtet hajdut do jene por tani nen emer te ri.


Berisha mos te hesht apo shkrije drejtori por le te dale hapur ta denoj korrupsionin e qeverise nese nuk eshte i perlyer se ka premtuar do qeverise me duar te pastra dhe tani gjithe zyrtaret i jane bere multi-millionera.

Cfare zgjidhe shkrirja e Drejtorise se Rrugeve?


Mos ta perziej hajdutllikun me patriotizem politik. Ku ka me turp per nje min. te jashtem te jete perzier ne aferta korruptive dhe pale kerkone debat per pasurine.
Duhhh pahhh ca trupi do me dal ne tv me thene kam dy shpi dhe tre makina dhe do na drejtoje politiken e jashteme.


P.S Dydrinas ti perderisa e mbron aq shume hajdutllikun e ktyre duhet te jesh fis me ata hajduto-pronaro-zyrtaret e arrestuar se ndryshe ske si shpjegohet shkundja e google-it per me gjete gjasme vepra neper bote te ngjashme me kukes-durres.

P.S. Vagabondo_nyc,
Eshte njesoj sikur te te them se ti je fis me Edi Ramen ose me dike ne PS qe i mbron kaq shume.
Une nuk mbroj hajdutllekun e asnjerit, sepse nga neveria qe pata per tenderat qe shiteshin neper Shqiperi dhe nuk i bije dot murit me koke, zgjodha te punoj diku jashte.
Une i kam provuar tenderat qyshkur dhe kam pare e njohur shume si p.sh. bosat e tenderave te Ministrise se Aresimit (kryetari i komisionit te tenderave nuk u nderrua nga asnjera parti per vite te tera).
Tenderat jane shitur e shiten atje qe nga viti 1993 e ne vazhdimesi dhe atje ka nje organizem qe funksionon ne mirekuptim te plote ndermjet kraheve te ndryshme te politikes.
E njoh fenomenin shitje tenderi, sepse e kam vuajtur personalisht dhe tani ndjej neveri per ate sistem kriminal, qe pengo zhvillimin e tregut te lire, frenon konkurencen dhe frenon biznesin e ndershem.
Anetaret e tenderave te shkuar dhe te sotem jane te rehatuar neper vila moderne, kane pune te mira, hiqen si "xhentelmene" etj pa derdhur fare djerse!

Mirepo ne rastin ne fjale eshte tjeter gje.

Fakti se tenderi ka qene i hapur, i njoftuar ne shtypin prestigjioz, kane marre pjese firma me emer si Bechtel dhe Strabag, cmimet jane vendosur nga tregu e jo nga marreveshje "xhentelmenesh" neper qoshet e Tiranes, gjithcka ka qene e monitoruar dhe publike, deshira per ta pare ate rruge sa me shpejt qe te jete e mundur ne funksion, forcimi dhe fuqizimi i faktorit politik dhe ekonomik shqiptar ne Ballkan etj, me shtyjne te zgjedh rrugen e mbrojtjes.
Me Shqiperine qe 9 vite nuk me lidh asgje!

[DYDRINAS]

Rrëshen-Kalimash, më 2015-n, apo 2020-n?


Bejdo Malo

Kush janë njerëzit që administrojnë një miliard dollarë të rrugës Rrëshen-Kalimash? Pse për një vit në tunelet e Thirrës është avancuar vetëm 300 metra? Punët e vështira i bëjnë shqiptarët dhe shpërblimin e marrin të huajt. Mjerimi i 5000 banorëve të luginës së Fanit të Madh. Bashkëjetesa e 500 inxhinierëve dhe specialistëve turq me zemrën e katolicizmit shqiptar. Rruga që prej një viti punohet pa projekt, por me gjurmë. Ku kanë shkuar 20 milionë dollarët e projektit?

Thirrë. Kështu quhet fshati ku fillojnë tunelet e rrugës Rrëshen-Kalimash. Është ora 07:30 e mëngjesit të datës 21 shtator 2007 dhe rreth 500 turq dhe pak më shumë shqiptarë popullojnë luginën 75-kilometërshe të Fanit të Madh. Lugina, derisa ngrihet dielli dy hostenë, rri e mbuluar nga mjegulla dhe lagështira të mbush gojën me vesë. Për të mbërritur në Thirrë, atje ku është hyrja e tunelit 6,3 kilometra të gjatë, jemi nisur nga Tirana në orën 04:00. Kemi udhëtuar në rrugën e boshatisur duke pirë vetëm një raki kumbulle dhe një kafe në Rrëshen. Në këtë luginë të mjegulluar më parë dëgjon zhurmat e makinave dhe pastaj shquan siluetat e njerëzve dhe të peizazhit të një prej luginave më të ashpra shqiptare. Historia e këtyre anëve është ngatërruar kohët e fundit për shkak të tenderit të përfolur të rrugës Rrëshen-Kalimash. Nuk i thonë shaka. Bëhet fjalë për një rrugë që kushton një miliard dollarë, që është përcaktuar fituesi, pa asnjë projekt dhe pa tender të hapur, që punimet prej një viti kanë filluar vetëm mbi një vijë, që në gjuhën e ndërtuesve quhet gjurmë. O Zot, këto gjëra mund të ndodhin vetëm në Shqipëri! Shumë pak shqiptarë kanë dëgjuar për fshatin Thirrë, që në gjuhën e vendasve do të thotë ulërimë. Shumë e shumë më pak të tjerë kishin dëgjuar për Bisakun, Dardhasin, Domgjonin, Fanin, Gjakëzën, Hebejën, Klosin, Konjatin, Petoçin, Sangun, Shtrungajn, Shëngjinin, Thirrën dhe Zall-Xhuxhën. Janë të tërë fshatra shumë të thellë malorë, që varfëria është e tejskajshme. Petoçi është vendlindja e ish-zëvendësministrit të Transporteve, Nikolin Jaku, i prangosur pak ditë më parë për afera në miliona euro për tenderat e rrugëve. Në shtatorin e vitit 2007, zonat më të thella të Shqipërisë janë të populluara nga katër kombësi të ndryshme: turq, amerikanë, italianë dhe francezë.

Misteret e një miliard dollarëve

Misteret që kanë mbuluar rrugën Rrëshen-Kalimash e bëjnë dhe më të vështirë këtë rrugëtim. Për të shkuar në Thirrë duhet që të marrësh kthesën në Shpal, ish-kryeqendra e rrethit të Mirditës në vitin 1948. Pas një zbritje të vështirë për në Reps, ish-miniera e braktisur e bakrit enverian, duhet të udhëtosh për rreth 75 kilometra në shtratin e lumit Fan. Rruga ndryshon shpesh për shkak të 40 kantiereve të ngritura në tërë shtratin e lumit nga firma amerikane “Bechtel”, firma turke “Enka” dhe nga firmat italiane që merren me ndërtimet e veprave të artit. Duke parë shkoqitjen e kantiereve dhe zgjimin e tyre të rreh në kokë si çekan pyetja se kur do të mbarojë kjo rrugë. Palët në Tiranë po kacafyten dhe pala që ka përcaktuar tenderin pretendon edhe vitin 2009, edhe vitin 2010. Ndërsa opozita dhe shumë specialistë të vërtetë pretendojnë 2015-n dhe 2020-n. Një ditë para së të niseshim për në Fan na thanë se kur Doktor Berisha e kishte marrë vesh se kjo rrugë do të përfundonte në fund të vitit 2011, ishte zalisur, ishte mbërthyer në karrige dhe ishte zverdhur. Ngaqë rruga ishte pa projekt dhe punët në “dorë” i kishin të huajt, do të përfundonte në vitin 2009. Kjo do t’i zgjidhte shumë punë doktorit në katrahurë energjetike dhe katrahurë politike, që ai i ka gatuar vetë. Por le ta lëmë Doktor Berishën në interpelancën e Erion Braçes dhe të shikojnë konkretisht se çfarë ndodh në të shumëpërfolurën rrugë Rrëshen-Kalimash. Udhërrëfyes të parë për të shkuar në Thirrë morëm Anton Pregën. Ai ishte një djalosh 19-vjeçar që punonte prej gjashtë muajsh si numërues makinash në kantierin e Bisakut. Merrte një rrogë 35 mijë lekë të rinj në muaj. Kur e pyetëm Antonin se kur mund të mbaronte rruga, tha se nga 2015-a mundet. Edhe pse ai numëronte makinat dhe dinte shumë nga të fshehtat e kësaj rruge, pohimi i tij na tronditi. Shyqyr që nuk e dëgjoi Doktor Berisha, se do t’i kishte rënë të fikët dhe do ta kishin pushuar nga puna Antonin e shkretë. Antonin e zbritëm tek çajtorja e turqve. Turqit në çdo kantier kishin ngritur nga një çajtore dhe nga tre tualete plastike. Tubat e shkarkimit i kishin shpurë thellë në lumë. (Qenkan të çmendur, mendova. Këtu ka shkëmb dhe pyll ku mund të kryesh çdo lloj nevoje dhe këta kanë ngritur banja! Ato të italianëve, amerikanëve ishin akoma më moderne. Po kjo hata! Tualete moderne në luginën e Fanit!). I dhamë dorën Antonit dhe i uruam një ditë të mbarë.

Rruga mbaron në vitin 2020

Si udhërrëfyes të dytë për të shkuar drejt Thirrës, te gryka e tuneleve, morëm mësuesin e shkollës së Konjatit, Tomën. Hakiu, shoferi i makinës që udhëtonim, e mori për turk dhe i tha: “Ju turqit fjalës borë i thoni si anglezët makinës”. E tha atë fjalën që është e vështirë të thuhet në shqip, por ai na e ktheu në shqipe mirditore. Kishim vendosur që të gjithë ata që punonin aty t’i pyesnim se kur mbaronte rruga dhe nga ky rregull nuk mund të shpëtonte as Toma. E pyetëm. “Në 2020-n, besoj. Kështu si po shkojnë punët është shumë e vështirë. Kjo rrugë është si puna e Murit Kinez. Duhen me qindra mijëra kinezë që ta bëjnë në vitin 2009 kur e dëshiron Doktor Berisha. Kinezët ia dinë mirë sekretet malësisë shqiptare”, - thotë Toma. Mësuesi na futi akoma më shumë në pesimizëm. Por shyqyr që zbriti shpejt dhe e harruam vitin 2020. Udhërrëfyesi i tretë ishte një nxënës i shkollës së Klosit. Ai ishte në klasën e gjashtë, por realisht ishte një analfabet. Shkolla e Klosit kishte 100 nxënës. Të drithërohej shpirti kur shikoje se si udhëtonin mbi një orë në këmbë rreth 1000 vocërrakë të luginës së Fanit për të shkuar në katër shkollat 9-vjeçare të kësaj komune. Mësues Toma na tha se “Fani në vitin 1995 ka pasur 12 mijë banorë e tash ka vetëm 5 mijë banorë”. Fëmijë migjenianë në tërë kuptimin e vërtetë të fjalës udhëtonin në rrugën që kishin hapur turqit për makineritë e rënda të hapjes së autostradës. Në dy anët e rrugës shikoje gra të moshës së thyer të zhytura në zhele të zeza që ruanin 10 deri në 15 dhi, të cilat ishin tërë pasuria e tyre. Dhi, rrush me erë (rrush amerikan) dhe misër ishte tërë pasuria e këtyre banorëve. Gjendja është shumë e mjeruar, na tha Toma. “Këtu jetohet vetëm me emigracion dhe me ndonjë punë shteti. Ardhja e firmave të rrugës është rrufeja në qiell të pastër. Janë punësuar rreth 500 faniotë në punët tretësore të ndërtimit të rrugës. Të privilegjuar janë vetëm 100 shoferë që kanë punuar në Fierzë dhe në minierën e Repsit, të cilët punojnë si shoferë betonieresh në tunelin e Thirrës”. Nëse do të pyesje ndonjë specialist turk, përgjigjja ishte e njëjtë. “Nuk kuptojmë se çfarë thoni”. Edhe pse na ndihmonte ndonjë përkthyes që ishte afër tyre. Tërë sulmi i medias, tërë amplifikimi i asaj që ndodh me tenderin një miliardë euro të kësaj rruge ka hermetizuar gjithçka. Askush nuk do të flasë, nuk do të të presë zyrtarisht. Hapja e fundit për gazetarët është ajo e vizitës së ministrit të Punëve Publike dhe Transporteve, Sokol Olldashi... Ta imagjinosh vetë se kur do të mbarojë kjo rrugë është shumë shumë e vështirë. Në tërë gjatësinë e gjurmës së rrugës, se projekt nuk ka, janë shtrirë mbi 40 kantiere. Vizita e vështirë në tunelet e Thirrës, nga një llogari e thjeshtë, tuneli mbaron për 10 vjet...
Gjatë rrugës për në Thirrë pamë mbi 500 fuoristrada të tipit “Toyota” të fjalës së fundit, të cilat drejtoheshin nga specialistët dhe inxhinierët turq të firmës “Enka”. Të gjithë udhërrëfyesit që pyetëm për përshtatshmërinë e turqve në një ambient tërësisht katolik, morëm të njëjtën përgjigje: “Nuk ka asnjë problem, shkojmë shumë mirë”. Ata janë natyralizuar për bukuri. Këtë bashkëjetesë mes katolikëve dhe turqve e vije re kudo. Turqit me “Toyota” të reja alpine, duket se e kishin shkelur edhe DININ, edhe IMAMIN. Në sediliet e tyre të pasme shpesh shikoje vajza bionde, të cilat dremitnin. Punë e tyre. Në tunelet e Thirrës punohej 24 orë pa ndërprerje. Por përballeshe me një fakt shumë trishtues. Punohej 24 orë pa ndërprerje dhe fatkeqësisht në njërin krah ishte avancuar 300 metra dhe në kahun tjetër sa gjysma e kësaj gjatësie. Kjo do të thotë: për një vit 600 metra. Sipas një llogarie të thjeshtë, për 6300 metra duhen 10 vjet. Jemi në 2007-n dhe tuneli duhet të përfundojë më 2017-n. Për pak informacion më të saktë komunikuam me dy shoferët e betoniereve të tunelit, Nikolla Biba nga Klosi i Fanit dhe Eles Plaku nga Puka. Ata kishin ankesa të panumërta në adresë të palës turke. “Punojmë 12 orë në ditë dhe paguhemi vetëm 50 mijë lekë në muaj. Punojmë me betoniere dhe 15 ditë nga ora shtatë e darkës deri në shtatë të mëngjesit dhe 15 ditë e tjera nga ora shtatë e mëngjesit deri në shtatë të darkës. Jemi të diskriminuar”, - ankoheshin ata. “Turqit marrin dyfishin tonë”. Ushqimin dhe fjetjen shoferët shqiptarë e kishin falas. “Ku nuk kemi shkuar”, - ankoheshin ata. “Kemi shkuar dhe te drejtori i madh, por ai na tha se nuk është kompetenca jonë”. Kantieri i tuneleve të Thirrës punon me cikël të mbyllur. Gurorja, impianti i betonimit, por dhe tërë proceset e tjera kryheshin në një shesh të madh prej më shumë se 10 hektarësh....



Petoçi, kundër arrestimit të Nikolin Jakut

Ish-zëvendësministri i Punëve Publike dhe Transporteve, Nikolin Jaku, është nga fshati Petoç i Fanit. Në Zall-Xhuxh, atje ku fillon Petoçi, ndodhet dhe një nga kantieret më të mëdha të rrugës Rrëshen-Kalimash. Por banorët e fshatit janë tronditur shumë nga arrestimi i Nikolinit. Ata e shfajësojnë atë dhe kanë mendimin se arrestimi i tij është bërë për të mbuluar gjurmë të tjera. Tjetër vend fle lepuri, thonë bashkëfshatarët e tij, që për hir të kanunit, nuk flasin në vetën e parë.



Dy fjalë për Mirditën dhe mirditorët

Krahina e thellë e Mirditës është vendbanimi më tradicional i fiseve më të mëdha katolike të Shqipërisë. Ata përmblidheshin në tre grupe. Ka një legjendë që shpjegon prejardhjen e Mirditës. Dikur jetonin tre vëllezër, të cilëve i ati, kur u vdiq, nuk u la asgjë tjetër veç një shalë dhe një shoshë. Djali më i madh mori shalën. I dyti shoshën dhe i treti mbeti me duart bosh. Duke u larguar u tha vëllezërve “mirdita”. Sipas kësaj legjende mbetën emrat e tre fiseve: Shala, Shoshi dhe Mirdita, të ardhur nga i njëjti stërgjysh. Gjatë regjimit të Enverit mirditorët ishin shumë të varfër. Mirdita nuk kishte asnjë besim tek administrata e lartë në Tiranë, dyshonte tek cilado qeveri. Ky fenomen duket se mbizotëron ende dhe sot. Por duket se mjegullën e vërtetë e ka hedhur ajo që po ndodh me rrugën Rrëshen-Kalimash. Jo vetëm në Tiranë, por edhe në Mirditë, zhvillohet një tjetër betejë për misteret e kësaj rruge.


Nesër do të lexoni:

Çfarë vodhën nga Enver Hoxha, Pandeli Majko, Sali Berisha dhe Lulzim Basha në rrugën Rrëshen-Kalimash. Në sa kilometra rrugë ende punimet nuk kanë filluar fare. Cilat janë devijimet në lotin Rrëshen, Rreps. Të fshehtat e banorëve të zonës së thellë të Fanit dhe politika e Sali Berishës…


24 Shtator 2007



Kush e paguan kete gazetare injorant, qe shkon e merr "informacione" nga njerezit e rruges apo nga shoferet?
Eshte e turpshme se si lexohen e si shiten gazeta te tilla, te mbushura me dacibao kineze dhe me injorance shqiptare.


O shkarravites! (Se eshte e turpshme ta quash gazetar)
Meso se informacioni qe ke dashur te marresh dhe per te cilin je derguar (dhe per kete shkrim te kane paguar) nuk merret as ne rruge e as duke pyetur mesues, shofere e ku di une!
Si mor shkon e pyet njerezit e rendomte neper rruge, per te mesuar se kur mbaron tuneli?

[Forumisti]

Po ti dysho kur thu se mbaron???

[TOKE GEGA]

Hetim për tradhtarët politikë që baltosin rrugën e shqiptarëve


Deputetët e djathtë kanë propozuar dje t’u jepet fund akuzave pa bazë ndaj rrugës mbarëkombëtare Durrës-Prishtinë, duke ngritur një komision hetimor për të zbardhur procedurat e tenderimit. Tërhiqen socialistët, të cilët janë të interesuar për shpifjet e përbaltjet, e jo për të zbardhur aksionin patriotik për krijimin e një hapësire të bashkuar ekonomike dhe forcimit të faktorit shqiptar në rajon


Partia Demokratike është e vendosur për t’u shkuar deri në fund etapave spekuluese dhe atyre të shpifjes të bëra nga celula të opozitës, veçanërisht, eksponentë të PS-së. Në këtë drejtim Grupi Parlamentar i Partisë Demokratike do t’i kërkojë gjatë ditëve në vazhdim Kuvendit ngritjen e Komisionit të Posaçëm Hetimor Parlamentar për procedurat e rrugës Durrës-Morinë. Në këtë aspekt, celulat e PS-së, gjatë muajit të pushimeve, gjatë muajit gusht, duke përfituar nga pavëmendja politike si pasojë e pushimeve sezonale, hodhën tymnaja, duke akuzuar anëtarë të kabinetit qeveritar për përfshirje në afera korruptive gjatë procedurave të tenderimit për një nga investimet më madhore të rajon. Kështu, megjithëse prokurorisë iu vunë në dispozicion të gjitha dokumentet e nevojshme të kësaj rruge, ku përfshinin gjithçka, nga procedurat parësore të fillimit të tenderit në përcaktimin e firmës fituese “Bechtel Enka” dhe deri në fillimin e punimeve, në këtë segment. Kjo nismë e partisë më të madhe në vend, kërkon të vendosë transparencë të plotë para qytetarëve shqiptarë për veprën më të madhe dhe më të rëndësishme publike që është ndërtuar në këto vite. “Ne e konsiderojmë atë si investimin e shekullit për Shqipërinë dhe shqiptarët dhe kërkojmë që publiku të njohë me detaje meritat apo përgjegjësitë e qeverisë apo të zyrtarëve të veçantë, që janë përfshirë në këtë projekt gjigant. Hetimi parlamentar besojmë se do t’i japë fund të gjitha spekullimeve dhe shpifjeve që janë bërë deri më sot nga disa përfaqësues të lartë të Partisë Socialiste, me prapavijë të pastër politike apo mafioze qofshin ato”, tha Kryetari i Grupit Parlamentar të PD-së, Astrit Patozi. Ndërkaq, siç u theksua ky komision u kërkua nga PS-ja gjatë pushimeve verore dhe pikërisht gjatë muajit gusht, duke u përjekur të dëmtojnë imazhin e mirë të qeverisë dhe vetë të PD-së. Duke filluar nga besnikët e Edvinit, si Mimi Kodheli, Fatmir Xhafa, Arta Dade, gjatë muajit gusht nuk reshtën së prononcuari para medieve, megjithëse ylberisti ndodhej në një turne anembanë evropës dhe partinë e u’a kishte besuar pionerëve të tij. Ndërsa nënkryetari i grupit parlamentar të PS-së, gjatë interpelancës me ish-ministrin e Transporteve, aktualisht ministër i Punëve të Jashtme, Lulzim Basha, u detyrua të braktisë sallën e Kuvendit, për t’iu shmangur turpit të mbjellë nga ideatori i “politikës së re”, Edvini dhe demonstrimin e saj, sipas kategorive të nomeklaturës komuniste, duke e pasuar sa tek njëri tek tjetri. Të gjitha këto kauza spekuluese të mbarsura nga ylberisti, kanë si qëllim të tërheqin vëmendjen e popullsisë në të tilla këtë drejtim për ta shmangur atë nga petku i krizës që ka kapluar PS-në dhe akti më final që pritet në të, ai i dekompozimit final. Mazhoranca shprehu në vazhdimësi se është e gatshme të presë cdo propozim të PS-së në lidhje me cështjen e ngritur nga vetë ata. Por me fillimin e sesionit të ri parlamentar, kur pritej që kjo cështje të shtrihet më tej, ndodhi ajo që edhe ishte parashikuar nga një pjesë e mirë e politikanëve, të saj të bashkuar tashmë me lëvizjen Nano. “Këto nuk janë gjë tjetër vecse, spekullime të hartuara nga Rama, për të mbuluar atë që po ndodh në PS”, tha një deputet i përjashtuar dhunshëm nga PS-ja. Pra, pavarësisht përpjekjeve të turpshme të pionierit të Edvinit, Erion Braçe dhe me daljet e tij të përditshme në media, duke u përpjekur të zbatojë urdhrin e Edvinit, për të luftuar me armë spekuluese dhe gënjeshtra të pafund, duket se nuk ua fshehin shenjën e turpit në fytyrë, e cila pritet të marrë përmasa edhe më madhore. “Ne kemi pritur me durim deri më sot, që ky komision hetimor të kërkohej nga opozita ashtu si vetë eksponentë të Partisë Socialiste kishin paralajmëruar gjatë pushimeve të verës, po edhe në ditët e nisjes së sesionit të ri parlamentar e deri më sot. Por në vend të hetimit të rrugës Durrës-Morinë, Grupi parlamentar i PS ka kërkuar ngritjen e një komisioni që do të hetojë të gjitha prokurimet që janë bërë në këtë vend, në dy vjetët e fundit. Devijimin nga hetimi për rrugën Durrës - Morinë të Partisë Socialiste ne e konsiderojmë si një taktikë të saj për ta lënë çështjen në kuadrin e shpifjes dhe të thashethemit. Pikërisht, për ta nxjerrë atë në dritë të diellit, në ballafaqimin me të gjitha aktet ligjore, me provat dhe me faktet, ne do të kërkojmë ngritjen e këtij komisioni, duke shpresuar se edhe opozita do të marrë pjesë në të dhe do ta shfrytëzojë këtë rast për të provuar se sa qëndrojnë të gjitha akuzat e saj para qytetarëve shqiptarë” - nënvizoi Patozi.

[GL_Branch]

O toke Lulka me Berishken te veje ne prokurori ku behen hetimet jo te hapi hetime per vetveten ne parlament ku ste denon njeri! Rrugen spo e baltos njeri po baltosen turqit dhe shqiptaret e korruptuar qe po harxhojne miliarda euro per te!

Vertet sa bukur tingellon nuk u japim leke firmave shqiptare se jane te korruptuar po ua japim turko-amerikaneve qe duan 8 milione euro per nje km sipas nje ligji qe e vendosim vete ne se ligjet e shtetit sna pelqejne dhe hapim hetim per veten tone e themi se cmimet e larta i ka vene firma keshtu qe ne skemi faj!

Sa te neveritshem qe jane!

Tung plako!

[njemik]

Me fal te te korigjoj.
8 milion ishte vlera me parashikimin numer 1 ku rruga kushtonte 400 e ca milion
tani me parashikimin nr 2 (qoft i fundit) ka shkuar 12 milion euro per km dhe vlera e rruges 700 milion euro

[no name]

Qeveria: 270 mln euro "Bechtel"

Shuma që do të përdoret vetëm në 2008 për ndërtimin e Durrës-Kukës

Pavarësisht faktit se realizimi
i investimeve publike në
Shqipëri mbetet një nga
problemet më të mëdha për Shqipërinë,
qeveria po përgatitet që
për vitin e ardhshëm të rrisë sërish
planin e saj në buxhet. Zëvendësministri
i Financave,
Sherefedin Shehu, në një prononcim
për gazetën "Shqip", deklaroi
se shifra e investimeve publike
e parashikuar në buxhetin e
vitit 2008 do të jetë plotë 1 miliard
euro, shifër kjo që kalon mbi 12 për
qind të Prodhimit të Brendshëm
Bruto. Për buxhetin e vitit 2007
shpenzimet kapitale ose investimet
publike siç njihen ndryshe
ishin pak më shumë se 700 milionë
euro, çka do të thotë se rritja është
mbi 40 për qind. "Vetëm ‘Bechtel‘
parashikohet që të marrë mbi
270 milionë euro për vitin e ardhshëm,
të cilat do të financohen nga
kredi prej 230 milionë eurosh, që
qeveria mori nga dy bankat greke
dhe pjesa tjetër nga buxheti i shtetit",
tha Shehu. Investimet me
financime të huaja për vitin 2007
parashikohet të jenë 500 milionë
euro, ndërsa po kaq janë menduar
dhe investimet me fondet e
brendshme nga buxheti i shtetit.
Të gjitha këto fonde do të përdoren
kryesisht në ndërtimin e
veprave të mëdha infrastrukturore,
ku përveç rrugës Durrës-
Kukës, qeveria parashikon të fillojë
punimet edhe për Levan-
Vlorë si dhe disa akse të tjera të
rëndësishme. Projektbuxheti i
vitit 2008 pritet të miratohet në
qeveri brenda datës 15 tetor dhe
më pas të kalojë në Kuvend për
votim, për të qenë gati që në fillim
të vitit të ardhshëm.
Realizimi
Por problemi kryesor i investimeve
publike në Shqipëri mbetet
realizimi i tyre, sidomos ai për financimet
e huaja. Ndonëse për
këtë vit, qeveria përshpejtoi procedurat
e miratimit të buxhetit
me qëllim që të mundësonte realizimin
e plotë të investimeve, ky
tregues mbeti në të njëjtat nivele
me atë të vitit të kaluar. Krahasuar
me vitin 2006, investimet publike
rezultojnë me rritje, por po të merren
në raport me planin, treguesi
i realizimit të tyre është nën 50 për
qind, ndonëse kemi hyrë në muajin
e dhjetë të vitit dhe sipas ministrit
Bode, brenda këtij muaji do
të pezullohet dhe disbursimi i
mëtejshëm i fondeve për realizimin
e projekteve. Sipas specialistëve
problemi qëndron me kapacitetet
absorbuese të ekonomisë
dhe aftësinë e kompanive
për të kryer vëllime të mëdha
punimesh, pasi kemi të bëjmë me
fonde që kapin shifra të jashtëzakonshme.
"Për vitin e ardhshëm
ne jemi optimistë, pasi kemi gati
një numër të madh kontratash,
për të cilat fillimi i punimeve është
i garantuar vitin që vjen", tha
Shehu. Sakaq paratë e parashikuara
për t‘u përdorur në investime
publike gjatë këtij viti, por
që nuk arritën të shpenzoheshin
si pasojë e mosrealizimit të investimeve
do të kalojnë për
shpronësimet.
Pagat
Edhe për vitin e ardhshëm
qeveria ka parashikuar një rritje
tjetër të pagave. "Objekt i kësaj
rritjeje do të jenë sektorët e klasifikuar
si prioritarë, të cilët kanë
marrë rritjen më të madhe të pagave
gjatë këtyre dy viteve, arsimi
dhe shëndetësia. Rritja do të
fillojë më 1 korrik dhe mendohet
të jetë 15 për qind", pohon Shehu.
Por ai ka bërë të ditur se edhe
brenda të njëjtit sektor do të ketë
diferencime në rritjen e pagave.



Gazeta Shqip

[no name]

Autostrada Durrës-Kukës, nën hetim diskutimet në qeveri

Diskutimet në mbledhjen e
qeverisë për rrugën Dur
rës-Kukës do të bëhen objekt
verifikimesh nga Prokuroria e
Përgjithshme. Kjo e fundit do t‘i
kërkojë qeverisë "Berisha" dokumentet
dhe deklarimet e anëtarëve
të qeverisë në lidhje me rrugën e
shumëpërfolur. Mësohet se ish zv/
ministri i Ekonomisë, Gjergj Bojaxhi,
ka qenë edhe oponenti më i ashpër
i ministrit Basha. Bojaxhi ka
debatuar me Bashën dhe Berishën
për vendin që do të zinte investimi
i rrugës Rrëshen-Kalimash në buxhetin
e shtetit. Prokuroria ka thirrur
për të dëshmuar Bojaxhiun, i cili
u ka pohuar prokurorëve të çështjes
se u qëndron thënieve të tij në
mbledhjen e qeverisë. Mësohet se
procesverbali i kësaj mbledhjeje të
qeverisë së datës 23 gusht 2006
është protokolluar pranë Kryeministrisë
dhe nuk është vënë në dispozicion
të hetimit. Pas kësaj procedure,
si dhe transferimit të
dosjes, akuza qendrore ka nisur një
verifikim ndaj vendimeve të qeverisë,
ku dyshohet se disa prej tyre
janë kryer jashtë ligjeve shqiptare.
Në dosjen e organit hetimor vlerësohet
se katër vendime të qeverisë
në vitin 2006 nuk bazohen në
Kushtetutë dhe në ligje. "Vendimet
nr. 460, 481, 526, 651 kanë
legjitimuar një gjendje të tillë
paligjshmërie me pasoja të rënda
financiare ekonomike për buxhetin
e shtetit. Këto vendime janë
nxjerrë në kapërcim të kompetencave
ligjore që ka Këshilli i Ministrave
dhe janë në kundërshtim flagrant
me ligjin, pra absolutisht të
pavlefshme", thanë burimet.
Ndërkohë pritet që akuza qendrore
të marrë në pyetje persona
të tjerë, të cilët mund të hedhin
dritë mbi procedurat e tenderimit
të rrugës Durrës-Kukës. Sektori i
Krimit Ekonomik në Prokurorinë e
Tiranës, gjatë hetimeve 185-ditore
mbi skandalin e ndërtimit të segmentit
rrugor Rrëshen-Kalimash,
mori në pyetje 12 persona. Sipas
dosjes 41-faqëshe, fletë-thirrjeve
të organit të akuzës u janë përgjigjur
të pandehurit Andi Toma e Lejla
Saraçi, ndërsa refuzoi ish-ministri i
Transporteve, Lulzim Basha. Qeveria
shqiptare mori vendimin për
ndërtimin e rrugës Rrëshen-Kalimash,
duke nënshkruar në një
vendim qarkullues dhe duke
shmangur debatin në mbledhjen
e qeverisë. "Vendimi i qeverisë, i
datës 10 korrik 2006, është vendim
qarkullues. Nga ministri Lulzim
Basha për në Këshillin e Ministrave
është nisur relacioni shpjegues për
këtë vendim, si dhe mendimi i
APP", vlerësojnë prokurorët. Në
fakt, miratimi i një vendimi të
rëndësishëm siç ka qenë ai për
ndërtimin e rrugës duhet të shoqërohej
me një debat në
mbledhjen e qeverisë. Ndërkaq, dy
ditë më parë hetuesit e akuzës qendrore
kanë shkuar në Drejtorinë e
Përgjithshme të Rrugëve, ku kanë
sekuestruar një mori dokumentesh
dhe materiale, të cilat janë në gjuhën
angleze.




Gazeta Shqip

[Brari]

me cduken bathet.. sallaku, dora e djathte e altin arapit te edvin enver hoxhes se ramiz hysni kapo nexhmijes.. do ti veje byzylyqet lulit te berishes e berishes vete..
hajde kushtetute hajde..
nje i pazgedhur nga vota e popullit si puna e ketij mafiozit dhor sallak.. sundon e fshin bi.then me te zgedhurit nga vota.. e i merr ne hetusi me kollajllek enveroist e i thot tope bamirit e joz topalles e berish saliut.. me hani m.unë se un i bindem vetem altin shyto edvin brace arapve e ju permjer mu ne 3 korrikun tuaj..

kulmi..

ec mimedvin kodhelaj..se rrugen e kini te hapur..
sundoni e mos lini kusur..
ti edvin zevendeso enverin e ti mime..shoqen nexh..e beni qejf e mbushni baulet mire..

..

[njemik]

Brari...
U ktheve me ne fund..
te ishte prishur interneti apo ke qen me sherbim