"Kerkohet nje ambasador"

[vagabondo_nyc]

Parisi ska ambasador per 6 muaj.

Mustafaj: S’kemi pasur një kandidat të përshtatshëm


Ministria e Jashtme nuk ka arritur ende të gjejë një kandidat të përshtatshëm për postin e ambasadorit të Shqipërisë në Paris. Faktin e bënë të ditur vetë ministri i Punëve të Jashtme, Besnik Mustafaj, i cili shton se emri i njeriut që do të përfaqësojë vendit tonë në Francë duhet të jetë një diplomat i zgjedhur. Në një prononcim për gazetën “Tirana Observer”, ministri shpjegon arsyet se përse nuk është dekretuar ende ambasadori.


Mungesa e kandidatit

Për ministrin e Jashtëm, Besnik Mustafaj, mungesa e një ambasadori në Paris shpjegohet me mungesën e një emri të përshtatshëm për këtë post. Megjithatë ai shton se misioni në Francë vazhdon punën normalisht, pasi atje ka përfaqësues të Ministrisë së Jashtme. “Arsyet se përse nuk ka një ambasador sot në Francë kanë të bëjnë me mos gjetjen e një kandidature të përshtatshme për këtë post deri më sot. Nuk kanë munguar kandidaturat, por duhet të kuptojmë se një mision diplomatik në Francë kërkon një nivel përfaqësimi mjaft të mirë profesionalisht”, tha Mustafaj.



Nga ministri i Jashtëm, Besnik Mustafaj, publicisti Luan Rama dhe diplomati Ferit Hoxha

Tre ambasadorët në 16 vite

Qamil XHANI

Që nga 7 shtatori i vitit 2006, në ambasadën tonë në Francë nuk ka ambasador. Detyrën e përfaqësuesit shqiptar në këtë ambasadë e kryeson i ngarkuari me punë i Shqipërisë, Mehdi Hoxha, pas lirimit nga detyra të Ferid Hoxhës nga kreu i shtetit Alfred Moisiu. Ndërkohë që Komisioni Parlamentar i Punëve të Jashtme ende nuk ka marrë në shqyrtim ndonjë emër konkret për t’u emëruar ambasador. Në një nga ambasadat më të rëndësishme në Perëndim ka pasur ridrejtues të saj disa nga emrat më në zë të diplomacisë sonë, duke nisur me ministrin aktual të Punëve të Jashtme, Besnik Mustafaj.
Historia
Emrat që kanë pasur mbi supe barrën e marrëdhënieve shqiptaro-franceze janë shumë. Por duke pasur parasysh se, gjatë viteve të diktaturës komuniste politika e jashtme në vendet perëndimore është mjaftuar vetëm me nivele diplomatësh të ngarkuar me punë, të cilët janë një gradë më poshtë se ambasadorët në hierarkinë e diplomacisë, rëndësia e tyre ka qenë më e vogël.
Gjatë viteve 1989, kur Presidenti i asaj kohe, Ramiz Alia, u shpreh për një politikë të hapur ndaj vendeve perëndimore, Shqipëria përfaqësohej në Paris me ambasadorin Ksenofon Nushi. Por edhe në një vend si Franca, Nushi duket se nuk mund të mbante një qëndrim tjetër nga ai i shtetit shqiptar deri në atë kohë për figurat e komunizmit sovjetik. Kështu, në një konferencë për shtyp në vitin 1989, për gazetarët francezë, Nushi do të rrëzonte para opinionit francez idenë se Shqipëria ishte një vend i hapur. Nushi gjatë deklaratës së tij doli hapur në mbrojtje të diktatorit komunist Josif Stalin. Kjo bërë që Presidenti Ramiz Alia të urdhëronte largimin e tij nga misioni. Pas largimit të Nushit, me detyrën e të ngarkuarit me punë u vendos diplomati Arqile Semini.
Ndërrimi i pushteteve
Ndërrimi i regjimeve në vendin tonë solli dhe ndryshimin e diplomatëve në ambasadat kryesore shqiptare. Kështu, publicisti Luan Rama u ngarkua me punë në ambasadën shqiptare në Paris. Rama qëndroi në detyrë deri në emërimin e ambasadorit. Besnik Mustafaj ishte diplomati i parë që u emërua me detyrën e ambasadorit në misionin tonë diplomatik në Francë, pas viteve 1990. Mustafaj refuzoi postin e Ministrit të Jashtëm në qeverinë e asaj kohe, për të shërbyer në ambasadën tonë në Paris. Pas humbjes në zgjedhje të Partisë Demokratike, Mustafaj dha dorëheqjen në vitin 1997. Luan Rama ishte diplomati që zëvendësoi Besnik Mustafajin në postin e ambasadorit, në vitin 1997. Rama qëndroi në këtë detyrë deri në vitin 2001. Ambasadori i fundit deri më sot në Francë është diplomati Ferid Hoxha, i cili qëndroi në këtë detyrë deri në qershor të vitit të kaluar.

Ish-ambasadori Rama: Kur do të vijë ambasadori në Paris?

E ndërsa politika në Tiranë duket se ende nuk e ka marrë veten nga “goditja” që i shoqëron pas çdo fushate zgjedhore, pakkush mund të kujtohej se në Francë karrigia e ambasadorit tonë qëndronte prej 6 muajsh bosh. Por vetëm një që e njeh mirë diplomacinë mund ta kuptojë siç duhet mungesën e një përfaqësuesi tonë në një shtet si Franca. Diplomati dhe publicisti Luan Rama, në një shkrim të botuar në numrin e dy ditëve më parë në gazetën “Tirana Observer”, me titull “Kërkohet një ambasador”, ngrinte me të drejtë shqetësimin e kësaj “harrese” të shtetit tonë. Një harresë, që sipas tij, nuk çudit vetëm shqiptarët që jetojnë në Francë, por edhe vetë përfaqësuesit e shtetit francez. “Fjala nuk është për një drejtor drejtorie apo se mungon një atashe në ambasadë, një këshilltar, etj. Fjala është për përfaqësimin. Si përfaqësohemi ne. Dhe ku, në Francë. Nëse deklarojmë me të drejtë dhe me forcë për integrimin tonë në Evropën e Bashkuar, kjo nuk bëhet vetëm drejtpërdrejtë me komisionerët e Brukselit që zbarkojnë të shqetësuar në Tiranë për të përmbajtur “konvulsionet” tona të tranzicionit”, thotë Rama.

TiranaObserver

[Brari]

per ambasador ne france e kudo.. me qindra djem e vajza te shkolluar e te kulturuar e me njohje te frengjishto-anglishtes gjen ne mesin e shqiptareve..
me dhjetra burra ne moshe .. intelektuale me reputacion gjen gjithashtu.. nder shqiptare por dhe gra zonja sa te duash..
zor eshte ti gjesh ne mesin e miqve te mustafes ndoshta..
bethnik.. mos merr kot rrogen e shtetit..

[Zemrushja]

Presidenti i Republikes ka dekretuar dje emerimin e dy ambasadoreve te rinj. Zyra e shtypit prane Presidentit beri te ditur se Presidenti Alfred Moisiu ka dekretuar emerimin ne detyre te ambasadorit te Jashtezakonshem dhe Fuqiplote te Republikes se Shqiperise ne Mbreterine e Suedise, rezident, si dhe ambasador i Jashtezakonshem dhe Fuqiplote i Republikes se Shqiperise ne Republiken e Finlandes, ne Republiken e Islandes dhe ne Mbreterine e Norvegjise, jorezident, te zotit Ruhi Hado. Gjithashtu, Presidenti dekretoi emerimin e zotit Tonin Gjuraj ne detyren e ambasadorit te Jashtezakonshem dhe Fuqiplote te Republikes se Shqiperise ne shtetin e Izraelit. Keto dekretime te kreut te shtetit jane ne mbeshtetje te plote te detyrimeve qe ai ka nga Kushtetuta e vendit.

Korrieri