Emërime, shkarkime, ndryshime listash e falsifikime mandatesh

[KOKASHTA]

Pse te largohet Bode? Apo pse kerkon qe Shqiperia te kete sistem efektiv dhe te barabarte te taksave.
Nuk kam degjuar deri sot nga asnje vend normal qe te jete kerkuar qe te prapset qeveria nga zbatimi i ligjit ose me e keqja qe te largohet ministri perkates.
Kush e ka futur kafene kontabande? Kush e ka kryer trafikun e droges?
Ku shkuan gjanem kontrabandistet, kriminelet, administrata e korruptuar, doganieret grabites etj etj?

Si pse te largohet bode?
Kush e kishte mik te ngushte z. ADEM RRENGA? Kush e emeroi drejtor tatimesh ne Librazhd dhe pas nje viti me urdher te prere e emeroi drejtor te tamive te medha ne Tirane? Nqf se nuk e di pergjigjen ta them un qe BODE i ka bere keto veprime.]

Ke pare apo degjuar se cfare ka bere ADEMI ne LB dhe TR?

E pse duhet ta mbash me nje minister qe emeron drejtora te tille...?

[Zemrushja]

Pas marrjes se rezultatit te zgjedhjeve te 18 shkurtit, kryeministri Berisha pritet te kryeje disa rifreskime te kabinetit qeveritar. Per te qetesuar ankesat e aleateve, per te shuar pakenaqesite e opinionit publik dhe mbi te gjitha, per te siguruar nje mandat normal qeverisjeje

nga Alqi Kociko

Plot nje vit me pare, tonet kritike te kreut te grupit parlamentar demokrat, Bamir Topi, ndaj disa ministrave te qeverise se kryetarit te tij partiak, Berisha, ngjallen debatet dhe hamendjet mbi ndryshimet e para ne kabinetin demokrat, produkt i zgjedhjeve parlamentare te 3 korrikut 2005. Ne fakt, asokohe ishte fort ne mode analiza e “100 diteve” te punes se qeverise se dekretuar me 11 shtator 2005, nje afat per te cilin me shume se kushdo tjeter, kishte kontribuar vete kryeministri. Programi i tij i qeverisjes, si gardh te pare kohor kishte pikerisht 100 diteshin napoleonik, ndaj dhe analistet, gazetaret, mediat dhe me tej vete opozita e majte, mezi c’priti afrimin e diteve per t’i bere “biografine” nje qeverie te sapodale nga kriza e saj e pare energjetike, qe per fat u zbut pa ardhur Viti i Ri 2006.

Termi qe zgjodhi Bamir Topi, packa se pergjithesues, nuk ishte i pagoditur. Ai foli per “ministra apatike” dhe, perkunder tyre, kerkoi qe kabineti te perbehet nga “ministra te afte”. Pergjigja nga Berisha, erdhi gjate inaugurimit te nje segmenti rrugor ne Myzeqe, kur perpara mikrofoneve kryeministri, si per te rimuar me nenkryetarin e tij ne parti, foli per “ministra simpatike”, e madje “disa prej tyre shume simpatike”.

Sigurisht, nje deklarate e ekuilibruar e nje figure politike gjithashtu te ekuilibruar brenda PD-se si Topi, doli se ishte pak qe Berisha te motivohej per te bere ndryshime qeveritare. Aq me teper qe disa muaj pas dekretimit, tingellon e logjikshme qe nje ekip qeveritar ende nuk ka marre kohen e arsyeshme per t’u ambientuar me problematikat dhe ritmin e punes. Kjo nderkaq, nuk e pengoi aspak vazhdimin e ngritjes sistematike te profilit te kreut te grupit parlamentar demokrat, jo vetem si nje kritikues i sinqerte dhe “pa hile” i qeverise (cka PD-se ne pushtet i fuqizon sadopak ate element gati inekzistent te vetekritikes dhe vetekorrigjimit), por edhe si nje politikan komunikues qe ka sensin e mases.

Tre jave para zgjedhjeve lokale 2007, situata ne qeverisjen blu, nuk eshte edhe aq “roze”. Afermendsh, ne valen e fushates zgjedhore per pushtetin e ri lokal, qe kete here e ne vazhdim do te mandatohet per kater vjet dhe jo per tre, askush prej demokrateve kryesore ne parti nuk e ka mendjen (e as nuk u shkon ne mendje) per te bere skanime mbi punen e ministrave. Pertej krizes se cuditshme politike qe sapo lame pas, e cila e amplifikoi ndoshta artificialisht rendesine e lokaleve te 18 shkurtit, sa i perket te djathtes keto zgjedhje jane vertet te rendesishme te pakten per nje gje: Rezultati i tyre ose do ta trondise seriozisht, ose do t’ja forcoje bazamentin qeverises, duke parathene ne kete menyre rezultatin e zgjedhjeve te ardhshme parlamentare dhe fatin politik te Berishes. Ndaj dhe kesaj here, sado simpatike t’i duken ministrat kryeministrit demokrat, ai do te detyrohet te beje ndryshime ne qeveri, pavaresisht rezultatit zgjedhor. Sepse se pari, duke u dhene pergjigje nje serie ndjeshmerish brenda dhe rrotull Partise Demokratike, Berisha synon qe, minimumi, te qeverise i pashqetesuar seriozisht deri ne fund te mandatit katervjecar. Ndaj dhe si per t’u dhene nje sinjal anetareve te kabinetit se askush nuk eshte i paprekshem, kete jave ne mbledhjen e qeverise, ai kritikoi pa doreza kater ministri, lidhur me vonesat ne procesin e kthimit dhe kompensimit te pronave. Ne shenjester ishin Ridvan Bode i Financave, Genc Ruli i Ekonomise, Jemin Gjana i Bujqesise dhe Lulzim Basha i Puneve Publike.

Por kjo kritike ne sy te medias, ashtu si dhe stuhi te tjera ne goten e kryeministrit, nuk jane tregues i domosdoshem se dicka do te ndryshoje ne kabinetin qeveritar pas 18 shkurtit. “Ajo cka ia ben te pashmangshem Berishes riformatimin e qeverise, eshte presioni brenda Partise Demokratike, i kombinuar me kerkesat e vazhdueshme te aleateve, sidomos i atyre qe kane fituar peshe parlamentare gjate ketyre 20 muajve”, pohon nje personazh shume i afert me seline kryeministrore, qe kerkon te ruaje anonimatin. I cili shton se nje pjese e ministrave, realisht kane performuar dobet ose, nga ana tjeter ka rezultuar se levizja e tyre nuk sjell kosto te tjera shtese, pervec perfitimeve per balancat qe kryetari demokrat kerkon te arrije.

“Ministria e Brendshme eshte nje dikaster kyc dhe perfaqeson nje porcion te madh te programit qe partia kryesore ne pushtet kerkon te realizoje. Ndaj nuk besojme se kjo ministri do te ishte objekt i negociimit te PD-se me demokristianet”, do te thoshte pak jave me pare per Klan, kreu i PDK-se Nard Ndoka. Duke lene te kuptohet se megjithese tete votat parlamentare te partise se tij, rrezikojne ne cdo moment krize ne Kuvend ta vene ne veshtiresi qeverine Berisha, dora e kerkeses se tij per pjesemarrje ne pushtet, nuk arrin deri tek kjo fortese. E cila pas doreheqjes se ministrit Sokol Olldashi per te hyre ne garen e Tiranes, po drejtohet perkohesisht nga zevendesi i tij, Gjergj Lezhja. Por nese Olldashi e fiton Tiranen, neper celularet e besuar rreth Berishes qarkullon nderkaq emri i pasardhesit te tij. Edhe ai me pervoje gazetareske, edhe ai deputet, edhe ai ka kryesuar nje komision hetimor parlamentar, qe para disa muajsh tentoi te hetoje mbi pasurite dhe konfliktin e interesave te zyrtareve te larte te institucioneve kushtetuese. Kryeredaktori i RD-se Astrit Patozi, pat fituar me 3 korrik perballjen direkte me kundershtarin e majte ne zonen e Vores, dhe njihet si i besuar i doktor Berishes, por si gjithmone kur flitet per ceshtje kandidaturash, demokratet kane edhe nje rezerve per kete ministri, deputetin Bujar Nishani.

Ajo cka eshte e arritshme nderkaq per Nard Ndoken, quhet ministria e Kultures, Turizmit, Rinise dhe Sporteve, pavaresisht se cili do te jete emri konkret qe partia e tij do te propozoje: Vete Ndoka, apo botuesi Nikolle Lesi. Ministri vlonjat Bujar Leskaj, hodhi jo pak hapa dhe mori disa iniciativa ne zbatimin e te ashtuquajturit “turizem kulturor”, por i shkaktoi edhe disa kokecarje Berishes, packa se konflikti me kreun e FSHF-se, Armando Duka, buroi se pari nga vete kryeministri.

Largimi i Ndokes nga demokratet reformatore te Genc Pollos, nuk dobesoi vetem partine e ish zedhenesit te kryedemokratit Berisha, por edhe pozitat e tij negociuese si kryetar partie qe drejton ministrine e Arsimit. Qe per analiste prane te djathtes, do te thote se nese Pollo mund ta mbaje dikasterin ne krye te te cilit nuk ka performuar aspak keq, atij i duhet te leshoje disa poste dytesore e tretesore ne ingranazhet e pushtetit te djathte. Te cilat do t’u kompensohen demokristianeve deri tani te pakenaqur.

Te pakenaqur, megjithate, jane edhe minoritaret. Dhe per kete mjafton te degjosh rezervat e krereve te PBDNJ-shit, (afermendsh te shprehura ne cdo mjedis, pervec atij publik), ndaj postit te ministrit te Puneve Sociale (dhe Shanseve te Barabarta?!) qe fituan nga koalicioni me Berishen. Por sidomos rezervat e mermeritura ndaj vete ministrit te tyre Kosta Barka. Ajo qe partia e Dules pret te marre pas zgjedhjeve, ne pamje te pare duket si porcioni qe “natyrshem” i takon asaj: Ministria e Shendetesise. Sepse keshtu ka qene edhe nen qeverisjen socialiste. Megjithate, kryeministri e ka te veshtire me kolegun e tij te vjeter Maksim Cikuli, ne favor te te cilit vijne, kesaj here ne trajte te paster thashethemesh, edhe arsyetime te tipit “meqe Cikuli ka prejardhje hebreje, doktori druhet ta levize”. Pasi i duhet te ruaje “ca ekuilibra”. Por ne kuadrin e informacioneve te pazyrtarizuara, zera te rendesishem ne PBDNJ thone se nderkaq Berisha e ka pranuar kerkesen e tyre: ministri Barka largohet, dikasterin e tij e merr ndoshta Cikuli ose aleatet e vegjel, (perflitet edhe Ylli Pango, i alternuar me Majlinda Bregun), ndersa si kandidat per minister te Shendetesise, vjen sipas gjasave, nje figura fare e panjohur ne politike, kreu i pavionit te nefrologjise ne QSUT, mjeku Alketa Koroshi.

Kur Nard Ndoka hodhi dy muaj me pare, akuza ndaj aleatit Lufter Xhuveli, minister i Mjedisit, si i parealizuar ne post dhe mbi te gjitha, si nje aleat i pavlefshem perderisa grupit parlamentar te Xhuvelit i ka mbetur vetem Xhuveli, shumekush mendoi se kete dikaster e kerkon PDK-ja, e cila i tregoi dhembet qeverise per nje moment, kur kercenoi vetem verbalisht, qendrimin e kryetares se Kuvendit Jozefina Topalli ne detyre. Por deri tani, e verteta shkon deri ne gjysme. Qe domethene se vertet Xhuveli eshte karte e djegur, nderkohe qe i rrezikuar eshte dhe ministri realisht apatik i Bujqesise, Jemin Gjana, megjithese kandidatura alternative ende nuk qarkullojne.

Por levizje shume me thelbesore se keto te mesipermet, pritet te kryhen ne ministrine e Drejtesise. Deri me tani, rezulton se per ministrin aktual Aldo Bumci, ekzistojne dy destinacione: Ministria e Integrimit ne vend te Arenca Trashanit, ose nje post krejt partiak, si ai i drejtuesit te Forumit Rinor Demokrat. I kritikuar ne punen e vet edhe nga dashamires dhe njerez prane te djathtes, Bumci pritet te zevendesohet nga vete zevendeskryeministri, juristi Ilir Rusmajli. Ne perplasjet e tij me Keshillin e Larte te Drejtesise apo dhe me kryeprokurorin Sollaku, Bumci ka percuar imazhin e inferiorit, duke bere edhe disa gafa te vogla qe zararin me te madh e kane tek permendja sesa tek efekti praktik. Sic ishte rasti i fjalimit te tij ne KLD, te cilin ai e coi deri ne fund dhe pastaj u kujtua se regjistratoret ishin fikur, ndaj kerkoi ta rilexoje, cka nuk iu lejua.

Keto levizje ngrene disa pikepyetje te tjera, me e madhja e te cilave eshte se kush do ta zevendsoje Rusmajlin. Eshte diskutuar disa jave me pare ne shtyp, mundesia e nje qeverie me dy zevendeskryeministra, cka duket se kushtetuta nuk e parashikon. Por ne kete rast, Berisha jo vetem qe mbyll “vrimen” e drejtesise me Rusmajlin, por edhe eviton njeheresh nje percarje te mundshme ne kupolen demokrate. Sepse njerez te afert me nenkryetarin e PD-se Bamir Topi, e konfirmojne emrin e tij si zevendeskryeministri i ardhshem. Ne kete menyre, Berisha hedh nje hap te metejshem drejt skemes “Nano president”, e cila eshte kercenuar pikerisht nga mundesia qe nje grup votash demokrate me Topin ne krye, te devijojne, duke sfumuar efektin e numrit te mbeshtetesve te Fatos Nanos ne Kuvend. Dhe duke sjelle nje krize te mundshme presidenciale ne parlament, endrra ne sirtar e te majtes per te “kapur” zgjedhjet e parakohshme. Me kete afrim te Topit, shuhet cdo hamendje e panevojshme.

Ajo cka do te ishte e pamundur, te pakten tani per tani, per ta konfirmuar, eshte nje tjeter levizje qe nderkaq perflitet ne korridoret e selise blu: Nje rrokade mes kryetares se Kuvendit Topalli, dhe ministrit te Jashtem Besnik Mustafaj. Gjate diteve te kompozimit te kabinetit Berisha 1, gruaja e forte e demokrateve ka kembengulur per kete ministri, por ngjarjet rrodhen ashtu sic dihen. Rrokada shuan dy shqetesime. Se pari, nje grua ne postin e kryediplomates, nuk ben gje tjeter vecse i ngre pike si ministres, edhe qeverise, cka eshte verifikuar me shume kabinete ne Europe e me tej. Nga ana tjeter, natyra e bute dhe jokonfliktuale e Mustafajt, shkon per bukuri ne nje detyre qe kerkon me shume barazlargim nga palet, dhe me pak decibele zhurmash ne sallen e parlamentit. Natyre e cila mbeti gjithsesi me prane shkrimtarit sesa diplomatit, aq me teper qe ky i fundit ne disa raste, artikuloi publikisht frazat e gabuara ne kohen e papershtatshme. Nga ana tjeter, duke u larguar e zgjedhura e Topallit ne ministrine e Integrimit, Trashani, vete kryeparlamentarja e ze dhe me te tepert vendin bosh. Aq me teper qe ne nje vit zhvillimesh te vrullshme rajonale e nderkombetare, profili i saj do te shihte vec rritje. Kjo skeme megjithate, eshte teresisht e pakolauduar dhe ne cdo rast, mund te mos realizohet.

Disa nga keto levizje mund te ndryshohen ne momentin e fundit, emrat dhe zevendesuesit gjithashtu. Te mos harrojme se, megjithese ecurine e pelqyeshme ne fushate, mbetet mundesia qe Olldashi te mos e fitoje Tiranen, por deri me tani gjasat jane qe ne kete rast, ai te rimarre ministrine e Brendshme. Gjithsesi, ajo qe mbetet e sigurte, eshte se pas 18 shkurtit, kabineti qeveritar do te ndryshoje. Sepse kryeministri do te kerkoje te riperterije besimin elektoral te 3 korrikut, te marre pas nje serie premtimesh tronditese. Dhe kete besim, disa prej ministrave nuk e kane justifikuar.

Levizjet e mundshme

Ministria e Shendetesise

Ne vend te Maksim Cikulit, vjen nje kandidature e PBDNJ. Perflitet mjeku Alketa Koroshi. Cikuli mund te levize paralelisht.

Ministria e Punes

Largimi i Kosta Barkes sjell nje aleat te PD-se, mbase edhe nje zhvendosje te Cikulit apo Gjanes. Perflitet gjithashtu Majlinda Bregu ose Pango.

Ministria e Kultures…

Turizmit, Rinise dhe Sporteve. Largohet Leskaj, vjen nga PDK-ja Lesi ose Ndoka.

Ministria e Arsimit

Mbetet Genc Pollo, por PDR-se i pakesohen perfaqesuesit ne nivelet me te ulta.

Ministria e Drejtesise

Largohet Aldo Bumci, qe shkon ne dikasterin e Integrimit ose ne FRPD. Vjen Ilir Rusmajli, per t’i forcuar profilin dhe performancen ministrise.

Zv/kryeminister

Vjen Bamir Topi, pas largimit te Rusmajlit. Ne kete menyre balancohen te gjitha ekuilibrat brenda PD-se.

Rrokada e mundshme

Jozefina Topalli ministre e Jashtme, Besnik Mustafaj ne krye te parlamentit. Ende levizje “korridoresh”.

Te diskutuarit

Jemin Gjana ne ministrine e Bujqesise, Lufter Xhuveli i Mjedisit, Arenca Trashani e Integrimit

Revista Klan

[Zemrushja]

Debate të ashpra me anëtarët e tjerë. Pritet përplasje Qeveri-Presidencë për zgjedhjen e gjyqtarëve të rinj

Ministri i Drejtësisë në mbledhjen e parë kundërshton rendin e ditës

Ministri i sapozgjedhur i Drejtësisë, Ilir Rusmali, në pjesëmarrjen e parë në një mbledhje të KLD-së, ka kundërshtuar anëtarët e saj për rendin e ditës. Në një seancë maratonë e zgjatur për pesë orë, janë miratuar dy kryetarët e gjykatave të Apelit në Tiranë e Korçë. Për herë të parë në një tryezë janë ulur ministri Rusmali dhe Presidenti Moisiu, të cilët kanë debatuar në distancë në lidhje me faljet e të burgosurve të Presidencës. Burime nga KLD-ja thanë për "Shqip" se debate ka pasur vetëm në fillim të mbledhjes, ndërsa më pas gjithçka është normalizuar. Në fillim të rendit të ditës ishte krijimi i gjykatës për të miturit. Në mbledhjen e djeshme, KLD ka propozuar një projekt dekret që ndryshon mënyrën e gjykimit të të miturve. Burimet thanë se është miratuar projekt-dekreti "Për krijimin e seksioneve të veçanta për gjykimin e të miturve pranë gjykatave të rretheve gjyqësore". "Ky projekt-dekret u vlerësua si shumë i nevojshëm nga të gjithë anëtarët. Duke e trajtuar edhe teknikisht këtë çështje, anëtarët e Këshillit të Lartë të Drejtësisë shfaqën mendimin se ky projekt-dekret, fillimisht, duhet të kufizohet në trajtimin e çështjeve penale, që lidhen me të miturit dhe se duhet të bëhet kujdes në mënyrën se si do të funksionojnë këto seksione në praktikë, nëpër rrethet gjyqësore", thuhen në njoftimin e këshillit. Kryetari i KLD-së, Alfred Moisiu, prezantoi përpara anëtarëve dokumentin orientues "për çështje të reformave strategjike në pushtetin gjyqësor", duke sqaruar edhe qëllimin e këtij veprimi si orientim i politikave për përmirësimin dhe shëndoshjen e sistemit të drejtësisë në përqasje me standardet e njohura ndërkombëtare. Gjithashtu, Këshilli i Lartë i Drejtësisë mori në shqyrtim dhe diskutoi edhe materialin me mendime mbi zbatimin e Projektit për Riorganizimin e disa Gjykatave të Rretheve Gjyqësore, të dërguar Presidentit të Republikës nga ministri i Drejtësisë. "Në përfundim të diskutimit mbi dy materialet e mësipërme, këshilli vendosi që mendimet përkatëse t‘ia dërgojë si Presidentit të Republikës, ashtu edhe ministrit të Drejtësisë, për t‘i pasur parasysh përgjatë procedurës së dekretimit", thuhet në njoftim. Në rendin e ditës ka qenë edhe emërimi i disa kryetarëve të gjykatave. Mënyra e përzgjedhjes së kandidatëve për kryetarë gjykate ka qenë më e lehtë dhe pa shumë debate të ashpra. Votimi është bërë i fshehtë. Për secilën gjykatë është paraqitur lista dhe në fund është hedhur në votim të fshehtë. Kandidatët kanë pasur në dispozicion 5 minuta përpara "jurisë" për t‘i mbushur mendjen se projekti i tyre mund t‘i vlejë gjykatës ku do të punojnë. Pas kësaj, në krye të Gjykatës së Apelit Tiranë është emëruar Metush Saraçi. Për kryetarë në këtë gjykatë kandidonin edhe Zamir Poda, Alaudin Malaj dhe Artur Kalaja. Kryetari i Gjykatës së rrethit Gjyqësor Korçë është emëruar Admir Belishta. Në mbledhjen e djeshme janë bërë vetëm dy emërime, ndërsa ka pasur diskutime të shumta për problemet që e karakterizojnë gjyqësorin në përgjithësi.

KLD-ja, "luftë" qeveri-presidencë për gjyqësorin

Me "shpatë" në dorë është paraqitur dje në KLD ministri i Drejtësisë, Ilir Rusmali. Krahas debatit për rendin e ditës, ministri ka vënë në "shënjestër" edhe anëtarët e saj, duke i akuzuar se nuk e kanë bërë punën siç duhet për të mirën e gjyqësorit në përgjithësi. Burime nga Këshilli i Lartë i Drejtësisë thanë për "Shqip" se Rusmali ka debatuar për problemet e shumta, duke vënë theksin tek anëtarët e KLD-së, që, sipas tij, nuk kanë bërë punën që duhet. Deklaratat janë lëshuar në sytë e Presidentit të Republikës, Alfred Moisiu, të cilin mazhoranca e akuzon për një sërë ligjesh të kthyera mbrapsht. Duket se mbledhjet e KLD-së tashmë do të kthehen në një "arenë" lufte midis qeverisë, të përfaqësuar tashmë nga ish-zv/kryeministri Rusmali dhe Presidentit. Me deklaratat e bëra dje në KLD, megjithëse ishte hera e parë që merrte pjesë në një mbledhje, ministrit "nuk i është trembur syri", ndërsa ka sulmuar direkt këtë këshill, të cilin mazhoranca e ka cilësuar të paligjshëm. Duket se inatet e vjetra të Rusmalit për mosshkarkimin e Kryeprokurorit Sollaku nga Moisiu mund të shtyjnë Rusmalin të akuzojë këtë këshill, i cili kryesohet nga Presidenti. Pas ardhjes në krye të Drejtësisë, Rusmali iu kundërpërgjigj Moisiut për reformën në gjyqësor dhe ngritjen e një komisioni parlamentar me pjesëmarrjen edhe të përfaqësuesve të pushtetit gjyqësor. "Presidenti nuk bëri asgjë për ndryshimin e gjendjes në prokurori", tha Rusmali, ndërsa shtoi se propozimi i Moisiut është vetëm një studim. Pengu i madh i Rusmalit nga ana e Presidentit ishte mosshkarkimi i Kryeprokurorit Theodhori Sollaku. Një nga ministrat më të rinj të qeverisë, gjithashtu dhe ish-zv/kryeministër i qeverisë ka sulmuar dhe kundërpërgjigjur shpesh në adresë të kreut të shtetit. Disa ditë më parë, ai u shpreh se është detyrë e Presidentit të kontribuojë në përmirësimin e sistemit të drejtësisë. "Presidenti duhet të kontribuojë denjësisht në përmirësimin e gjendjes në sistemin e drejtësisë", tha ai.

© Gazeta Shqip - 2006-2007

[Zemrushja]

• Vehbi Bushati do te jete drejtori I ri I Policise se Vlores. Emerimi I ri eshte bere sot ku Bushati ka marre postin me te larte te policise se Vlores, duke zevendesuar ish drejtorin Astrit Mehja

Gjithashtu levizje ka patur dhe ne komisariatin e ketij qyteti, ku Arben Metko prej 3 muajsh shef I komanduar, eshte emeruar shef I Komisariatit te Vlores. Prezantimi i dy drejtuesve te rinj te uniformave blu te Vlores eshte bere gjate nje takimi ne drejtorin e policise se ketij qyteti ku ka marre pjese dhe ministri I brendshem Bujar Nishani. Keto emerime vijne pas emerimit te shefit te krimeve te qytetit te Vlores, Hektor Qeleposhi, i cili zevendesoi Alton Brahimin. Sipas burimeve nga policia e Vlores, pritet qe keto ndryshime te pasohen nga levizje te tjera te shefave te policise se Vlores. News24

Gazeta Shqiptare

[shefqeti11]

Kryeministri firmos emërime të reja në selinë e qeverisë
Berisha hedh firmën për Njazi Kosovrastin dhe disa emra të tjerë që hyjnë rishtaz në selinë e Kryeministrisë

Valentina MADANI

Kryeministri Sali Berisha vazhdon të firmosë emërime të tjera në selinë e Këshillit të Ministrave. Emra të rinj ia janë bashkëngjitur ditët e fundit stafit të kryeministrit, duke ndryshuar kështu një pjesë të bashkëpunëtorëve të tij. Mësohet se z. Berisha ka firmosur për Njazi Kosovrastin, ish-drejtues i departamentit të pushtetit lokal në PD, si këshilltar i zëvendëskryeministrit Gazmend Oketa. Po ashtu, në grupin e këshilltarëve të z. Oketa është emëruar edhe Mirela Tabaku. Burime pranë kryeministrit bëjnë të ditur se po negociohet për emrin e drejtorit të ri të Drejtorisë së Informacionit, një departament ky i ristrukturuar pas ndryshimeve që z. Berisha i bëri kabinetit të tij qeveritar. Aktualisht në këtë sektor janë emëruar dy koordinatore, Ernesta Ridi, një e huaj me origjinë shqiptare, Alida Tota si dhe specialistja Frida Malaj.
Ky staf prej tre vetash, që këto ditë pritet të nisë punë dhe drejtori i ri i Informacionit, ka për detyrë të sjellë politika të reja dhe të krijojë raporte të standardeve perëndimore me publikun dhe në mënyrë të veçantë me njerëzit e medias në Shqipëri. Po ashtu, burimet bëjnë të ditur se Zanfina Hasani po zëvendëson vetëm për disa ditë Dritan Mishtën, zëdhënësin e kryeministrit. Mishta ndodhet për dhjetë ditë në Shtetet e Bashkuara të Amerikës. Znj. Hasani është edhe këshilltare e ministres së Integrimit dhe zëdhënëses së qeverisë, Majlinda Bregu, e cila po ndërton dhe zyrën e shtypit në selinë e Kryeministrisë. Z. Berisha prej disa ditësh ka nisur reformën brenda institucionit që ai drejton. Para disa ditësh ai emëroi Qemal Sakajevën, ish-drejtor i RTSH-së në kohën e qeverisjes së parë të PD-së, drejtor të një prej departamenteve më të rëndësishme të Këshillit të Ministrave. Z. Berisha i ka besuar atij detyrën e drejtorit të Dokumentacionit të qeverisë. Kryeministri Sali Berisha, pasi ndryshoi disa nga anëtarët e kabinetit qeveritar, mësohet se ka vendosur të kryejë një reformë të hollësishme edhe tek titullarët e Këshillit të Ministrave, sidomos në disa drejtori të qeverisë. Mësohet se disa nga bashkëpunëtorët e tij aktualë do të lënë selinë e qeverisë, në kuadër të reformës së re brenda këtij institucioni. Ata do të zëvendësohen nga njerëz të rinj, që duhet të gëzojnë edhe mbështetjen e kryeministrit Sali Berisha. Duket se këto ndryshime po i paraprijnë reformimit të Partisë Demokratike. Ky proces, ndonëse u fol se do të bëhej shpejt, është shtyrë pas zgjedhjeve presidenciale. Dhe kjo me qëllim shmangien e pakënaqësive që mund të lindin brenda PD-së nga procesi i rikompozimit të partisë në pushtet. Vetë z. Berisha shtyu mbledhjen e forumeve drejtuese të PD-së, e cila duhej të bënte analizën e rezultatit të zgjedhjeve lokale të 18 shkurtit 2007. Janë paralajmëruar shkarkime në sekretariatin e PD-së dhe krijimi i një sekretariati të ri, në të cilin do të përfshihen edhe ish-ministrat e shkarkuar nga z. Sali Berisha. Por aktualisht kryeministri po merret me ndryshimin e një pjese të stafit në selinë e Këshillit të Ministrave, godinë në të cilën askush nuk mund të punësohet pa firmën e tij.


21 Prill 2007 G.A

[Zemrushja]

Mazhoranca do të shakrkojë nga detyra kryepro-kurorin Theodhori Sollaku, brenda disa muajve. Një deklaratë e tillë u bë nga kryeministri Berisha gjatë një interviste dje në TVSH. Ai e ka akuzuar sërish Sollakun si një njeri që ka fshehur provat e Bandës së Lushnjes.

A është çliruar Shqipëria nga damka e krimit?

Absolutisht jo... Vetëm sot dua t’i referohemi një të përditshmeje e cila boton bisedën telefonike për rastin Gjermeni që ne e kemi pas bërë të ditur. Eshtë Aldo Bare në politikë dhe faktohet nga të gjitha të dhënat si nga dosja e palës shqiptare ashtu edhe nga pala italiane ku i akuzuari thoshte se vrisja natën dhe më lironte në mëngjes me urdhër të Dondollakut. Dhe ky zotëri në vend që të ishte në bankën e të akuzuarit, gradohet ministër në qeverinë e drejtësisë. Qëndron në krah të Presidentit të Republikës dhe nënkryetarit të KLD. Ky zotëri që dy vite me parë nuk ishte pranuar që të bëhej anëtar i Gjykatës së Lartë të Krimeve të Rënda për shkak të barrës së rëndë që rëndonte mbi të.

Si do ta kuptojmë teleshikuesit që kryeministri nuk ka çfarë bën në një situatë të tillë?

Shikuesit e kanë shumë të qartë se pushtetet janë në ndara dhe qeveria nuk ka influencë ndaj gjyqësorit dhe ai varet vetëm nga KLD-ja. Pushteti gjyqësor faktikisht duhet të jetë i pavarur por përhir të së vërtetës në 8 vite nuk ka një gjykatës dhe prokuror që e ka provuar bankën e të akuzuarit dhe kjo është një provë se krimi dhe korrupsioni kanë përfshirë të gjitha nivelet në këtë rast. Që Gjermeni është në krye të drejtësisë është vetëm një detyrim i madh. Ai u gjet me pasuri të padeklaruar dhe ia fshehu prokurori i përgjithshëm. Dhe ky person ka në dëshmi nga një dëshmitar, mbi dëshminë e të cilit anëtarët e tjerë të bandës së Lushnjës marrin burgimin e përjetshëm, ndërsa zyrtari është në krye të drejtësisë. Pse? Sepse shteti është i kapur dhe kapja nuk është shmangur ende, është i kapur kryeprokurori. Çfarë do të thotë që të vritet shoferi, në makinë e gruas së tij në mes të bulevardit dhe sot të jetë i lirë. Kishte probleme aty, por një gjë është e sigurtë se detyrimet i kishte të jashtëzakonshme. Pra unë e them këtë sepse në takimet e mia me të huaj një nga shqetësimet e tyre kryesore janë krimi i roganizuar dhe korrupsioni.

Duket se ka një problem të madh me gjyqësorin...?

Jo. Unë mendoj se ky problem është me politikën. Nuk hyn gjyqësori. Sollaku mbron politikën dhe politika ka mbrojtur Sollakun. Unë kam pasur dhe kam këtë bindje.

Ka ardhur koha që çështja e pushtetit gjyqësor ta kthejnë drejtësinë në objekt të fushatave elektorale?

Mendoj se çështja e pushtetit gjyqësor nuk zgjidhet me gara elektorale dhe metoda populiste. Së pari, ajo zgjidhet duke prerë lidhjet e krimit me politikën. Këtë e ka deklaruar edhe Presidenti. Kush e pengojnë? Këtë këtë e pengojnë lidhjet politike por kësaj herë jo të qeverisë, por janë lidhje të tjera politike që e pengojnë. Kjo mazhorancë nuk ka 84 vota për të proceduar me reformën e pushtetit gjyqësor. KLD është kapur nga Gjermenët e tij dhe ky është konteksti. Në këtë rast është e domosdoshme që të ndërmerren të gjitha përpjekjet për të proceduar me reforma, por nuk faktohet vullnet për reforma në drejtësi, kur e tërë poltika boshtëzohet në mbajtjen e Sollakut në krah. Prokurori këtu jam vetë. Unë dua të shprehem se me këtë kryeprokuror ky vend nuk ka të ardhme në luftën kundër krimit dhe korrupsioni. 410 dosje janë dorëzuar të certifikuara nga ekspertiza edhe të huaja në prokurori, por me urdhër janë mbyllur don Sollaku apo Dhori Sallaku.

A mund t’i bëjë publike qeveria?

Lufta kundër krimit dhe korrupsionit është kryekëput pa të ardhme nëse është në krye të prokurorisë Sollaku. Ai është kryekëput i kapur. Dhe ata që mbrojnë Sollakun mbrojnë lidhjet e tij dhe një zgjidhje kjo do të ketë.

Cila është kjo zgjidhje?

Zgjidhja do të bëhet. Unë ende nuk e kam, pasi në mënyrë absolute do ta kisha bërë të ditur. Shqipëria nuk mund të mbahet peng nga njerëz të kapur nga krimi sepse ka vetëm një kërkesë. Eshtë e domosdoshme që ne të japim provat më të qarta të një vullneti që kemi dalë nga kapja e shtetit dhe që kemi çmontuar mafian në segmente e institucioneve shtetërore, dhe ne do të kemi një besim të madh në paradhënie, dhe ndihmë shumë të madhe.
Lufta kundër korrupsnit ka pasur rezultatet më të mira që janë të matshme në shumë aspekte. Por kjo luftë nuk mud të ketë një sukses të sigurtë me këtë prokuror që mbyll dosjet e korrupsionit. Eshtë bërë një punë e madhe për të riaktivizuar auditin. Ka një kontroll në kryeministri që bën një punë të vazhdueshme. Ka një institucion që bllokon çdo keqbërje. Dhe këtu është zoti Sollaku.

Kur mendoni se do të zgjidhet ky problem zotim Berisha?

Do të zgjidhet brenda disa muajve.

Marrë nga TVSH me shkurtime

Ballkanweb

*~*~*~*~*~*

Duhet te jeni te lumtur tani se diktatura po rivihet perseri ne vend

[Zemrushja]

Pas shkurtimeve të një viti më parë, gati reforma tjetër në Shërbimin Informativ. Inspektorët, pa asnjë mbrojtje nga shteti

Edhe pse deri tani janë shkurtuar një sërë funksionesh në Shërbimin Informativ Shtetëror (SHISH), ky institucion pritet t‘i nënshtrohet një tjetër furtune largimesh e shkarkimesh të inspektorëve dhe bashkëpunëtorëve të tyre. Sikurse mësohet nga burime të ndryshme, drejtuesit e Shërbimit Sekret Shqiptar synojnë të ulin shpenzimet për të fituar "para" dhe kompensuar mungesën e fondeve prej më se katër muajsh. Që prej fillimit të këtij viti, agjentët sekretë, por edhe bashkëpunëtorët e tyre, janë ndeshur me probleme në pagimin e informacioneve. SHISH-i nuk ka mundur t‘i paguajë bashkëpunëtorët e tij në terren, për shkak se fondet janë të pamjaftueshme dhe në disa raste, thuajse mungojnë. Ky duhet të jetë shkaku i ndërmarrjes së një tjetër reforme, që ka si qëllim shkurtimin e vendeve të punës në Drejtorinë Qendrore, por edhe nëpër rrethe. Burimet e "Shqip" thanë se në SHISH është paralajmëruar një tjetër seri largimesh të inspektorëve nga puna, ashtu sikurse edhe një vit e gjysmë më parë. Megjithëse volumi i punës nuk ka ndryshuar, madje ka drejtori që u janë shtuar detyrat, numri i punonjësve sa vjen e po pakësohet. Drejtuesit e Shërbimit Sekret kanë menduar që përmes këtyre masave të mund të kenë më shumë para në dispozicion për të mbyllur "vrimat" e hapura që në fillim të këtij viti dhe për të paguar, të paktën, bashkëpunëtorët më të ngushtë apo ndihmat sociale për disa nga punonjësit. Megjithatë, nuk është ky problemi i vetëm që kanë punonjësit e Shërbimit Informativ Shtetëror. Ata kanë një status, i cili thuajse nuk zbatohet fare në pjesë të ndryshme të tij, sidomos kur bëhet fjalë për detyrimet që ka institucioni ndaj punonjësve të tij. Por, më së shumti, janë injoruar "mbrojtja shoqërore" dhe "e drejta për strehim". Përjashtuar disa raste sporadike gjatë viteve të shkuara, këto dy detyrime duket sikur nuk ekzistojnë në statusin e punonjësve të Shërbimit Informativ Shtetëror. "Kur bashkëshortja ose bashkëshorti humbet vendin e punës, për shkak të emërimit ose transferimit në detyrë jashtë vendbanimit të përhershëm të punonjësit, këtij të fundit i jepet një shtesë page në masën dhe sipas kritereve të përcaktuara nga Këshilli i Ministrave. Paga e papunësisë jepet në emër të bashkëshortes ose bashkëshortit". Kështu përcaktohet në status, por janë me qindra raste të transferimit të inspektorëve nga një rreth në tjetrin dhe askush prej tyre nuk ka përfituar gjë. Ashtu sikurse edhe për strehimin, një e drejtë që u takon po me ligj agjentëve sekretë. Statusi parashikon dhënien e kredive lehtësuese për punonjësit e SHISH-it ose pagimin e qirasë, në rastet kur ajo nuk mund të përballohet prej tij. Madje, statusi shkon edhe më tej. Punonjësi i Shërbimit Informativ të Shtetit, kur del në lirim ose në pension dhe ka nevojë për strehim ose për një sipërfaqe më të madhe banimi, trajtohet si punonjësi në detyrë, por nuk ka as edhe një rast që të jetë përmbushur ky detyrim. Ndaj, edhe për inspektorët, statusi është i pavlerë, për sa kohë që ai nuk zbatohet.

SKEDA

Shërbimi Informativ Shtetëror (SHISH) është institucion qendror, që varet nga Kryeministri. SHISH-i është krijuar sipas parimit të njohur, që një vend ka nevojë për një organizëm efektiv, profesional dhe të aftë të furnizojë me inteligjencë organizmat dhe figurat shtetërore të ngarkuara me ligj, në funksion të vendimmarrjes politike dhe sigurimit kombëtar

Ndihma financiare

1. Kur bashkëshortja/bashkëshorti humbet vendin e punës, për shkak të emërimit ose transferimit në detyrë jashtë vendbanimit të përhershëm të punonjësit, këtij të fundit i jepet një shtesë page në masën dhe sipas kritereve të përcaktuara nga Këshilli i Ministrave. Paga e papunësisë jepet në emër të bashkëshortes/bashkëshortit.
2. Koha e qëndrimit pa punë e bashkëshortes/bashkëshortit të punonjësit, për një periudhë deri në 7 vjet, njihet si vjetërsi sigurimi, për efekt përfitimi pensioni pleqërie. Kontributi për këtë periudhë përballohet nga buxheti i shtetit. Kriteret dhe masa përcaktohen me vendim të Këshillit të Ministrave.
3. Personat, të cilët e kanë përfituar këtë të drejtë para hyrjes në fuqi të këtij ligji, do të vazhdojnë ta përfitojnë këtë pagesë edhe për periudhën e përcaktuar në pikën 2 të këtij neni, por jo më shumë se 15 vjet.
4. Bashkëshortja/bashkëshorti i punonjësit e përfiton pagën e papunësisë edhe për periudhën kur punonjësi nxirret në lirim ose vdes, por jo më shumë se periudha e përcaktuar në pikën 2 të këtij neni.
E drejta për sigurim banese
1. Punonjësit në detyrë të Shërbimit Informativ të Shtetit, që ka nevojë për strehim ose për sipërfaqe më të madhe banimi, i jepet kredi me kushte lehtësuese.
2. Punonjësi i Shërbimit Informativ të Shtetit, kur del në lirim ose në pension dhe ka nevojë për strehim ose për një sipërfaqe më të madhe banimi, trajtohet si punonjësi në detyrë.
3. Punonjësi i Shërbimit Informativ të Shtetit, i trajtuar sipas këtij neni, kur del në lirim dhe nuk ka shlyer detyrimet përkatëse, vazhdon t‘i shlyejë ato si punonjësi në detyrë.
4. Nuk përfitojnë, sipas këtij neni, punonjësit e përjashtuar nga SHISH-i.
5. Kriteret dhe masa e kredisë përcaktohen me vendim të Këshillit të Ministrave.

© Gazeta Shqip - 2006-2007

[Zemrushja]

MARIGLEN MULLAI

Flet Bensik Muçi, prokurori i "Zogut të Zi" e "Dinamos", pas dorëheqja te presidenti Moisiu

Presioni i tërthortë brenda të tijëve ka detyruar prokurorin e kryeqytetit, Besnik Muçi t'i paraqesë dorëheqjen presidentit të Republikës, Aflfred Moisiut, në datën 19 prill të këtij viti.

Thellimi i mëtejshëm i hetimeve për dy dosjet e nxehta, mbikalimin e “Zogut të Zi” dhe komplesit “Dinamo”, ku ish-ministrat Toska e Angjeli u morën në pyetje, siç duket në akt-dorëheqjen zyrtare, ka hasur në pengesë, intolerancë apo presione nga radhët e më të mëdhenjve.

Pushimi i çëshjtes së kompleksit “Dinamo”, ku vlera e vjedhjes së mbetur në tentativë ishte 15 milionë euro, është bërë nga krerët e Prokurorisë së Tiranës, ndërsa prokurori i çështjes, siç mësohet nga burime të organit të akuzës, ka kërkuar vijimin e hetimeve.

Vendimin prokurori e ka marrë pak ditë para se eprorët e tij t'i propozonin Presidentit masën që përfshinte vërejtje të thjeshtë, apo shkarkim nga puna.

Si shkak zyrtar është përmendur largimi i Muçit nga puna, pa arsye dhe atij iu paraqit dokumentacioni i procedimit, bazuar në pikën "ç" të ligjit "Për organizimin e funksionimin e Prokurorisë në Republikën e Shqipërisë".

Sakaq, me një vendim të vitit 2000, Kolegjet e Bashkuara të Gjykatës së Lartë kanë vendosur që dorëheqja e prokurorit është akt i njëanshëm dhe pas firmosjes nga ana e tij, funksioni ndërpritet.

A ka ikur pa lejë prokurori nga territori i Shqipërisë dhe në ç'forma i është shfaqur presioni i pretenduar prej tij? Për t'iu dhënë përgjigje disa prej këtyre pyetjeve, por edhe për të sqaruar qëndrimin e tij në këtë vorbull zhvillimesh, prokurori Besnik Muçi, ka dhënë një intervistë për gazetën “Metropol”...

Ju keni disa vite që ushtroni aktivitetin tuaj në kryeqytet, pse vjen ky qëndrim kaq i ashpër kohët e fundit?

Së pari dua të theksoj se veprimi im i fundit nuk është aspak i ashpër, por shpreh një realitet konkret që shihet e preket çdo ditë. Për të qëndruar në thelbin e pyetjes, mendoj dhe për këtë jam i bindur në ndërgjegje e profesionalizëm se qëndrimet e mia gjatë gjithë karrierës kanë qenë ligjore dhe gjithçka e kam mbrojtur me akte dhe vendime. Këto të fundit, gjatë detyrës, në disa raste, janë shfuqizuar nga drejtuesit.

Ju në akt-dorëqehjen tuaj përmendni fjalën presion. Në rastin tuaj cili është kuptimi i mirëfilltë i kësaj fjale nga dhjetra të mundshmet?

Është e vërtetë që mes të tjerave kam përmendur edhe fjalën presion, pasi s'mund të shmang rrjedhën e punës në prokurori, apo format e saj. Për të qenë i sinqertë, dua t'iu them se gjatë marrjes së provave për dosje të ndryshme, kam hasur në presione indirekte. Pra, bëhet fjalë për presione që nuk janë shfaqur ballazi tek unë. Fakti i fillimit të një procesi disiplinor pa asnjë shkak dhe aq më tepër 4 muaj pas arsyes së pretenduar, për mua padyshim që përbën një lloj presioni.

Nga kanë ardhur këto presione?

Sigurisht vetëm nga brenda prokurorisë. Nuk jam ndier i kërcënuar në asnjë lloj forme tjetër nga jashtë organit ku kam shërbyer.

Dosjet në ngarkimin tuaj kulmojnë me mbikalimin e “Zogut të Zi” dhe kompleksit “Dinamo”, ku ju morët në pyetje Igli Toskën (ish-ministër i Rendit) dhe Anastas Angjelin (ish-ministër i Ekonomisë), të cilët u akuzuan publikisht nga ish-ministri i Brendshëm, Sokol Olldashi. Sa ndikim kanë pra këto çështje në përplasjet e fundit mes jush dhe drejtuesve?

Hetimi i tyre është bërë konform ligjit. Njëra prej këtyre dosjeve (dosja "zogu i Zi"), ka shkuar tashmë në Gjykatën e Tiranës, ndërsa tjetra u pushua (dosja "Dinamo"). Nëse doni të lidhni diçka brenda këtyre zhvillimeve që sapo përmeda, mjafton t'u them se gjithkush duhet t'a kuptojë pozitën e një prokurori që procedohet disiplinisht për largim nga puna.

Sipas jush cila është e vërteta e largimit nga Shqipëria, pasi kjo mungesë në punë ju solli fillimin e një procedimi disiplinor?

Po është e vërtetë që jam larguar nga Shqipëria dhe këtë s'mund ta mohoj. Jam larguar për festat e Vitit të Ri, pra në muajin dhjetor, viti 2006. Largimi im ka qenë për arsye personale dhe për këtë, kam marrë lejë nga drejtuesit e prokurorisë.

Cilat kanë qenë mardhëniet tuaja me kryeprokurorin Sollaku?

Mardhëniet e mia me kreun e Prokurorisë së Përgjithshme kanë qenë insitucionale dhe ligjore.

Reagimi i Prokurorisë së Përgjithshme

Fillimi i procedimit disiplinor ndaj Muçit

Prokurori i Përgjithshëm, Theodhori Sollaku, para pak ditësh urdhëroi fillimin e procedimit disiplinor ndaj prokurorit që hetoi dosjet e kompleksit “Dinamo” dhe mbikalimit të “Zogut të Zi”.

Nga burime të sigurta pranë Prokurorisë së Përgjithshme mësohet se prej të paktën 4 ditësh, prokurorit të Prokurorisë së Tiranës, Besnik Muçi i është paraqitur dokumentacioni i procedimit të nisur në ngarkim të tij me motivacionin “shkelje e disiplinës në punë”.

Siç mësohet nga burimet e organit të akuzës, procedimi bazohet në pikën "ç" të ligjit “për organizimin e funksionimin e prokurorisë në Republikën e Shqipërisë”.

Shkelja e disiplinës konsiston në faktin që prokurori Muçi në muajin dhjetor të vitit të kaluar është larguar jashtë territorit të Shqipërisë pa marrë lejë.

I pyetur nga gazeta “Metropol”, pak ditë pas nisjes së procedimit disiplinor, zëdhënësi i Prokurorisë së Përgjithshme, Agim Neza tha se nuk ishte në dijeni të ndonjë procedimi disiplinor ndaj ndonjë prokurori në Republikën e Shqipërisë”. Neza tha se “kanë nisur disa kontrolle të përgjithshme në disa prokurori të vendit, ku më të rëndësishmet janë në Vlorë, Korçë dhe Shkodër”, por nuk specifikoi arsyen e këtyre kontrolleve.

Mes tyre mbikalimi i “Zogut të Zi” dhe kompleksi “Dinamo”

Disa nga dosjet e “forta”, të ndjekura nga prokurori

Prokurori Besnik Muçi ka hetuar në aktivitetin e tij si prokuror me dhjetëra dosje të rëndësishme, të cilat u bënë objekt diskutimesh edhe nga politikanë të ndryshëm. Në fakt ka një rastësi të çuditshme, pasi në muajin dhjetor të vitit të kaluar, pikërisht kur prokurori është larguar nga Shqipëria, Prokuroria e Përgjithshme ka tërhequr dosjen "Dinamo", për të vlerësuar gjendjen në të cilën ndodhet ajo. Bëhet fjalë për tentativën e shitjes me çmim më të ulët, i cili ishte objekti i akuzës së ngritur nga ministri i Brendshëm, Sokol Olldashi.

Dy ish-ministrat e akuzuar nga Olldashi, Anastas Angjeli dhe Igli Toska janë marrë në pyetje nga prokurori që ndiqte çështjen, i cili është Muçi. Vlera e vjedhjes së mbetur në tentativë është 15 milionë euro. Para disa kohësh, dosja në fjalë u analizua në Prokurorinë e Përgjithshme, ku u bashkërenduan të gjitha provat dhe u diskutua për përgjegjësinë e të denoncuarve, të cilët pritet të merren të pandehur. Sipas njoftimit zyrtar, të denoncuarit akuzohen nga Ministria e Brendshme, se në bashkëpunim me njëri-tjetrin dhe duke shfrytëzuar postin zyrtar, kanë vepruar në kundërshtim me ligjin. Sipas Olldashit, ata kanë tentuar të vjedhin pasurinë shtetërore në vlerën 40.425.625 euro. Kjo, në rastin e tentativës për të privatizuar Kompleksin Sportiv “Dinamo”, më datë 1 shtator 2005. Ndërkaq, në 12 mars të këtij viti ranë akuzat ndaj këtyre ish-ministrave.

Ndërkaq, në 21 nëntor të vitit të kaluar prokurori Muçi mbaroi ekspertizën e plotë për objektin e papërfunduar të mbikalimit të “Zogut të Zi” që ngjalli aq debate. Ekspertiza ka përcaktuar përfundimisht, se ka pasur pasaktësi teknike. Për aktin përfundimtar kanë mbaruar të gjitha procedurat. Kështu, janë pyetur ekspertët përkatës dhe prokuroria ka dalë në përfundimin se projekti 1 milionë dollarësh nuk garantonte disa kushte thelbësore, për të ndërtuar një mbikalim të tillë. Me mbylljen e kësaj dosjeje, mbaron edhe epoka e sherreve pafund. Përfundimi ishte, se ka pasur pasaktësi teknike dhe prokurori ishte duke nxjerrë edhe përgjegjësi penale për disa nga të akuzuarit. Më tej, nga dosjet e tij përmenden shpërthimi tek “Don Bosko”, ku u akuzuan anëtarët e “Bandën së Lushnjës” me Aldo Baren në krye, ndjekja penale e Filip Gjelogjit, ndër killerat më të famshëm të Shqipërisë, etj.

Gazeta Metropol

[Zemrushja]

Alarmi në zyrat qendrore. Shkresë qeverisë për fonde shtesë

Kriza financiare ka pllakosur shërbimin sekret shqiptar prej katër muajsh dhe ende nuk ka dalë nga bataku. Për zgjidhjen e këtij problemi madhor, drejtuesit e këtij institucioni kanë kërkuar një fond shtesë nga qeveria. Burimet nga Shërbimi Informativ Shtetëror bënë të ditur se shlyerja e detyrimeve financiare ka bërë që drejtuesit e tij të mendojnë për zgjidhjen e tij sa më të shpejtë, pasi kanë filluar edhe pakënaqësitë në radhët e agjentëve. Sipas informacioneve, këto ditë, krerët e Inteligjencës Shqiptare kanë përgatitur një shkresë, nëpërmjet të cilës ata mendojnë të dalin nga ky "borxh" që i kanë nëpunësve të tyre. Kështu, shkresa është përgatitur me urgjencë dhe pritet që brenda pak ditëve të dërgohet për miratim në qeverinë shqiptare. Burimet bënë të ditur se shuma që mund të jepet si fond shtesë për Shërbimin Informativ Shtetëror arrin në dhjetëra-mijë dollarë, për arsye se janë katër muaj të prapambetur që nuk janë paguar shumë detyrime. Gjithashtu, fondi nevojitet edhe për muajt e ardhshëm të vitit 2007. Alarmi për këtë problem është dhënë pas botimit të këtij informacioni në "Shqip", ku është kërkuar një përllogaritje e shpejtë për të bilancin e parave të prapambetura që nuk u janë dhënë punonjësve, sipas hapësirave ligjore për nëpunësit e këtij institucioni. Sipas të dhënave, një pjesë e mirë e bashkëpunëtorëve të SHISH, qoftë në qendër apo në qarqe, nuk kanë marrë shpërblimet e tyre që prej katër muajsh. Sipas procedurave, një inspektor ka të drejtë të mbajë disa bashkëpunëtorë, për të cilët nuk është e thënë që të jenë të deklaruar në SHISH. Këta paguhen për çdo informacion që japin. Gjithashtu, mungesa e fondit për shërbimin sekret shqiptar është ndjerë edhe në sektorë të tjerë. Institucioni i SHISH nuk ka likuiduar as ndihmat sociale për disa punonjës të saj, ndër të cilët përfitojnë personat që kanë pasur fatkeqësi si vdekje dhe sëmundje. Jo vetëm kaq, por SHISH nuk ka përfituar as dietat e inspektorëve, të cilët shpesh herë inspektorët detyrohen të udhëtojnë nga një qytet në tjetrin, ose të punojnë me orare të zgjatura për shkak të detyrës së tyre.

© Gazeta Shqip - 2006-2007

[Zemrushja]

ELJONA BALLHYSA

Kabineti qeverisës pritet t’i nënshtrohet sërish lëvizjeve në përshtatje me prioritetet dhe reformat

Ndryshimet në kabinetin qeveritar duket se do të shoqërohen me një valë shkarkimesh të drejtuesve të niveleve të dyta qeverisëse. Kështu burimet bëjnë të ditur për gazetën se Kryeministri Berisha u ka dërguar disa zëvendësministrave kërkesën për rishikimin e pozicionit. Këto ndryshime përkojnë edhe me riformatimin e qeverisë për të realizuar sa më mirë ritmin e reformave që ka marrë përsipër qeveria. Ndërsa duke parë se disa sektorë kanë pasur probleme, është parë si zgjidhje më e mirë dhe lëvizja e disa figurave. Kjo në përshtatje dhe të lëvizjeve në koalicion.

Ndryshimet

Burimet kanë bërë të ditur për gazetën se ndryshimet do të prekin postet e zëvendësministrave në Ministrinë e Brendshme, atë të Mjedisit si dhe në Ministrinë e Mbrojtjes. Mësohet se vala e ndryshimeve do të ketë synim përmirësimin e qeverisjes në sektorët prioritarë të qeverisë. Kështu synohet një përmirësim i punës së qeverisë kundrejt realizimit të reformës së decentralizimit të pushtetit vendor dhe përmirësimit të marrëdhënieve të qeverisë me përfaqësues të pushtetit vendor. Kryesisht me ata drejtues që i përkasin Partisë Socialiste. Një tjetër prioritet dhe angazhim i qeverisë është edhe përmirësimi i nivelit të ndotjes së ajrit, duke u nisur dhe nga raportet e ndryshme të ndërkombëtarëve, të cilët e radhisin Shqipërinë një ndër vendet e para për nivelin e lartë të ndotjes së ajrit. Pra, qeveria kërkon t’i japë një tjetër ritëm punës në këtë sektor. Ndërsa bëhet e ditur se kërkohet angazhim maksimal i sektorit të Ministrisë së Mbrojtjes për masat e anëtarësimit të vendit në strukturat e Atlantikut të Veriut.

Paralajmërimi

Ka qenë vetë Kryeministri Sali Berisha, i cili kohë më parë ka lënë të hapur mundësinë e ndryshimeve të tjera në qeveri për të realizuar sa me sukses objektivat e qeverisë, në mënyrë që çdo sektor t’i përgjigjet ritmit të reformave. Por ndryshimet në këto poste lidhen edhe me ndryshimet që po ndodhin në rang ministrash. Por duket se në procesin e emërimit të emrave të zëvendësuesve të rinj, kreu i qeverisë do të duhet të ruaj balancat e përfaqësimit të aleatëve. Pasi kohët e fundit, aleatët e PD-së kanë ngritur zërin, duke kërkuar më tepër poste në qeveri. Madje, kjo është edhe një tjetër arsye, që kreu i qeverisë ka kërkuar të realizojë ndryshime në nivelin e zëvendësministrave, në mënyrë që këto poste t’ia delegojë partive aleate të koalicionit qeverisës. Kohët e fundit, përveç dorëheqja e ministrit të Jashtëm, pasoi me një varg dorëheqjesh në radhët e drejtuesve të administratës publike. Pas Mustafajt dha dorëheqjen drejtori i Tatimeve dhe pas tij nëndrejtoresha e këtij institucioni, ndërsa është paralajmëruar edhe dorëheqja e mundshme edhe kreut të Doganave. Duket se vala e dorëheqjeve nuk është aspak e rastësishme, por një politikë e caktuar dhe e mirëllogaritur e qeverisë.

Gazeta Metropol