Emërime, shkarkime, ndryshime listash e falsifikime mandatesh

[Zemrushja]

"Fiks fare" sjell çuditë e zgjedhjeve më të fundit lokale në vend. Nga Farka e Tiranës, në Gjirokastër dhe Divjakë

Emëro, shkarko, ndrysho listat e këshilltarëve, falsifiko mandate. Këto fenomene kanë ndodhur në disa këshilla bashkiakë dhe komunash, që tashmë duhet të fillonin punë pas zgjedhjeve të 18 shkurtit. Të zgjedhurit e popullit nuk merren vesh me njëri-tjetrin dhe krijojnë situata bllokuese në këshillat e komunave apo të bashkive.

Komuna Farkë

Në Komunën Farkë, pak kilometra larg Tiranës, që në mbledhjen e parë kërkohet shkarkimi i kryetarit të këshillit të komunës. Kryetari u zgjodh para tri javësh dhe të njëjtët njerëz që e votuan, kërkuan mocionin e shkarkimit pa asnjë arsye. E vetmja arsye që jepet është se nuk e do shumica, por duhet të theksojmë se është e njëjta shumicë që e zgjodhi. Bëhet fjalë për zotin Ylli Aga, i cili më 19 mars 2007 u zgjodh kryetari i Këshillit të Komunës së Farkës, nga shumica e anëtarëve. Më 10 prill 2007, pa kaluar një muaj dhe pa bërë as edhe një mbledhje, këshilli i komunës njofton nëpërmjet sekretares një mbledhje. Kjo mbledhje, sipas zotit Aga, është e paligjshme, pasi mbledhjen duhet ta caktojë kryetari i këshillit. Në këtë mbledhje kërkohej mocion për shkarkimin e kryetarit të sapozgjedhur dhe për këtë mocion kryetari i këshillit njoftohet vetëm pesë minuta para mbledhjes, duke shkelur sërish rregullat që parashikojnë se në raste të tilla kryetari duhet të njoftohet pesë ditë para. Sipas njoftimit që sekretarja e këshillit të Komunës së Farkës i ka drejtuar këshilltarit Ylli Aga, i cili deri atë ditë gëzoi postin e kryetarit të këshillit (qoftë edhe për pak ditë), i bëjnë me dije se më 10 prill, në orën 12:00 do të zhvillohej mbledhja e këshillit të Komunës së Farkës, ku në rend të ditës ishte parashikuar shqyrtimi i propozimit të një grupi këshilltarësh për shkarkimin e tij. "I bëj të ditur medias që e kam marrë një minutë përpara kërkesën, ndërkohë që me ligj duhej ta kisha pesë ditë përpara", tha Aga ditën e mbledhjes së këshillit të komunës. Sipas tij, ky mocion ngjante si qesharak për arsyen e thjeshtë se ai nuk u provua as edhe një ditë në këtë detyrë. "Kur u zgjodha votimi ishte i pastër dhe transparent, pasi u zgjodha, mora dhe përgëzimet e kryetarit të komunës dhe kundërshtarëve politikë. Arsyeja pse duhet të më heqin, është se në krye të këshillit duhet një njeri shurdh, qorr që të mbrojë interesat e kryetarit aktual të komunës, që të mbyllte sytë para gjithçkaje që mund të sjellë kryetari i komunës. Gjatë kësaj kohe, kryetari më ka bërë tri oferta të papranueshme nga ana ime qoftë, nga morali, qoftë dhe nga çdo anë tjetër", akuzon Ylli Aga kryetarin aktual të Komunës së Farkës. Një anëtar i këshillit, i cili ka votuar pro zgjedhjes së zotit Aga në postin e kryetarit, duke rënë në kundërshtim me atë çka votuar pak javë më parë, pohon: "Unë isha që e zgjodha dhe kam qenë kundër edhe para, edhe më pas. Në momentin kur u zgjodh isha kundër. Unë këtë njeri e kam çun xhaje, është njeri i nderuar, i respektuar, gazetar i njohur...".

Bashkia e Gjirokastrës

Mandati i njërit prej këshilltarëve të këshillit bashkiak të Gjirokastrës ka përfunduar në prokurori. Anëtarët e Këshillit Bashkiak të Gjirokastrës kërkojnë të mos njihet mandati i njërit prej këshilltarëve, pikërisht atij të LSI-së, duke i lënë kohë prokurorisë për verifikime. Në mbledhjen e parë të këshillit bashkiak të qytetit, disa këshilltarë pretenduan se njëri prej mandateve, ai i një këshilltari që i përket Lëvizjes Socialiste për Integrim, Tafil Miho, është i falsifikuar, pasi për të është bërë dhe një kallëzim penal në prokurori. Për këtë arsye, ata kërkuan t‘i jepej kohë prokurorisë të rishikojë mandatin e Mihos. Ky mandat është i korrigjuar dhe KZQV është shprehur me vendim që z. Miho nuk është kandidat fitues dhe mandati që LSI ka paraqitur në këshill bashkiak është fals. Për këtë arsye, z.Tola kërkoi shtyrje të mbledhjes dhe konstituimin e këshillit bashkiak një ditë tjetër, pasi të sqarohet ky problem. Një përfaqësues i Prokurorisë së Gjirokastrës erdhi në mbledhjen e këshillit bashkiak disa orë pas fillimit të mbledhjes. Edhe prokuroria e kishte cilësuar si të falsifikuar mandatin e përfaqësuesit të LSI-së, por anëtarët e të majtës nuk e marrin parasysh këtë dokument dhe vazhdojnë mbledhjen e këshillit bashkiak. Këshilltarët e djathtë e kundërshtuan vazhdimin e mbledhjes, pasi një këshilltar me mandat të falsifikuar nuk mund të ketë të drejtë vote në këshill bashkiak. Pas shumë diskutimesh, kandidatët e të djathtës braktisin mbledhjen dhe e majta meqë ka shumicën e votave, 13 vota, e vazhdoi mbledhjen e vetme dhe votoi për kryetarin e këshillit bashkiak, zv.kryetarin, sekretarin dhe më pas vazhdoi me rendin e ditës. Në votim mori pjesë dhe kandidati i LSI, Miho, i cili e ka mandatin të dyshimtë.

Bashkia e Divjakës

Të gjitha rregullat dhe formulat e vendosura nga Partia Socialiste për zgjedhjen e këshilltarëve të saj në bashkitë dhe komunat e vendit i kanë thyer këshilltarët e pozitës në bashkinë e Divjakës. Ndryshe nga formula që kishte vendosur PS për zgjedhjen e këshilltarëve të saj, sipas të cilës shpalleshin fitues ata që kishin grumbulluar më shumë vota, këshilltarët e pozitës vendosin që të fusin një emër tjetër në listën e këshilltarëve të majtë me iniciativën e tyre. Bëhet fjalë për zotin Ndini Janko, i cili në listën e këshilltarëve të miratuar nga KZQV-ja nuk është i miratuar. Aktualisht, këshilltarët e djathtë janë më të paktë në numër sesa këshilltarët e majtë në Këshillin Bashkiak të Divjakës. Për të siguruar shumicën, ata bëjnë një listë tjetër me emrat e anëtarëve të këshillit bashkiak dhe si këshilltar të majtë shtojnë emrin e Ndini Jankut, duke mos i lënë mundësi të majtës që ta zgjidhë vetë këtë çështje. Izet Greca, ish-sekretari i KZQV së Divjakës shpjegoi për "Fiks Fare" se "në bazë të listës paraprake, Ndini nuk është fitues. Sepse asambleja e Partisë Socialiste ka dërguar një listë me konkurrim. Cilido anëtar i këshillit bashkiak, që është i rreshtuar në listë kishte të drejtë të konkurronte në çdo qendër votimi. Ndërsa Ndini nuk ka marrë votat e nevojshme për të hyrë në këshillin bashkiak. Nuk e meriton se koeficienti i tij është më i ulët dhe renditet i dhjeti. Kjo listë ka shkaktuar mjaft debate në dy mbledhjet e Këshillit Bashkiak të Divjakës. Deri më sot nuk e kanë zgjidhur këtë problem.

© Gazeta Shqip - 2006-2007

[Borix]

Keto veprime jane pasoja te mosekzistences se ligjit te forte demokratik. Jane gjithashtu te trasheguara nga qeveria e fundit dhe eshte pike e programit te qeverise aktuale. Megjithate, prape shqiptaret nuk kuptojne c'te paafte kane vene ne pushtet. Ketu duhet te dalin mendje te reja, me arsimim dhe kulture tjeter. Por me sa shoh, edhe te rinjte shqiptare vazhdojne te trashegojne parime te semura.

[King_Arthur]

O zemrushja te falenderoj per shkrimet dhe e shoh qe i je qepur keq qeverise .

ps nderro gazete zemrushja se te kjo qe i merr ti normal qe vetem gjera te tilla ka .
dhe hap nje teme ku shihen anet pozitive te kesaj qeverie nuk u merzite me kete gazete .

[Ingenuous]

Jetojme ne Shqiperi!!

[Zemrushja]

O zemrushja te falenderoj per shkrimet dhe e shoh qe i je qepur keq qeverise .

ps nderro gazete zemrushja se te kjo qe i merr ti normal qe vetem gjera te tilla ka .
dhe hap nje teme ku shihen anet pozitive te kesaj qeverie nuk u merzite me kete gazete .

Mua me pelqejne shkrimet e ksaj gazete dhe me duken shum aktuale.. normalisht qe ato na duhen dhe ne te debatojme

Pershendetje..

[Zemrushja]

"Përgjegjës për konfliktin me biznesin"

Aleatët e Berishës kanë ngritur zërin kundër ministrit të Financave, Ridvan Bode, duke e cilësuar këtë të fundit si përgjegjës kryesor të konfliktit qeveri-biznes. Reagimet negative lidhur me projektligjin për ndryshimet në procedurat tatimore kanë filluar të shtohen brenda spektrit të mazhorancës. Kundërshtimet për ligjin e gjobave ndaj biznesit kanë filluar tashmë të vijnë nga brenda shtëpisë së ekzekutivit. Kreu i PBDNJ-së, Vangjel Dule, i cili përfaqësohet në qeverinë aktuale me Ministrinë e Punës, Çështjeve sociale dhe Shanseve të barabarta, i ka kërkuar Kryeministrit Berisha të rishikojë drejtimin e Ministrisë së Financave. Dule i ka kërkuar kreut të qeverisë të largojë nga kabineti ministrin e Financave, Ridvan Bode, duke e cilësuar si përgjegjës të klimës konfliktuale të krijuar mes qeverisë dhe biznesit. PBDNJ ka qenë vazhdimisht kritike ndaj Ministrisë së Financave dhe sektorit ekonomik. Para se të bëheshin ndryshimet në kabinetin qeveritar, Dule i ka tërhequr vëmendjen punës në sektorin e ekonomisë dhe financave. "Ka një ndryshim nga vendet e ish-bllokut lindor, nuk kemi pika të orientuara drejt zhvillimit. Politikat në këtë sektor kanë qenë politika tipike të një taksambledhësi klasik. Është jetike të vjelësh të ardhura, por duhet gjetur edhe mënyra të çelësh kapitalet e të tjerëve për të investuar për Shqipërinë. Nuk kemi pse ta fshehim që nuk jemi të kënaqur", është shprehur Dule. Pas Nard Ndokës, i cili ka kundërshtuar konfliktin qeveri-media, një tjetër aleat i PD-së del kundër kreut të saj, duke kundërshtuar në këtë rast projektligjin e ri për procedurat tatimore. "Berisha të rishikojë ligjin për gjobat ndaj biznesit, por edhe të rishikojë gjithashtu stafin politik te kreu i financave", tha Dule. Kreu i PBDNj-së ka shpjeguar arsyet që e kanë çuar të bëjë kërkesën publike ndaj kreut të qeverisë, Sali Berisha, për të rishikuar drejtimin e Ministrisë së Financave. Dule ka theksuar se projektligji i ri ka krijuar një konflikt të hapur mes qeverisë dhe biznesit. Sipas kreut të PBDNJ-së, ky projektligj është në kundërshtim me parimet e qeverisë, duke shtuar se kjo e fundit është debitore ndaj biznesit me 6 milionë euro. Dule nuk ka nguruar t`i bëjë një kritikë qeverisë, e cila kategorikisht nuk duhet të përkrahë një projektligj të tillë, i cili veçse e dëmton biznesin më shumë sesa e ndihmon, duke kundërshtuar parapagimin e gjobave. "PBDNJ vlerëson se pozicionimi aktual i qeverisë reflekton një devijim serioz nga politika e qeverisë sonë për partneritet me biznesin. Parapagimi i gjobave nuk bën pjesë në praktikat më të mira të biznesit në të gjitha sistemet tatimore në botë", tha ai. Dule sqaroi se kjo praktikë mund të përdoret si instrument për të përjashtuar biznesin apo për ta kthyer atë në funksion të ngjyrave politike. "Gjithashtu, procedura e re tatimore tërheq në mënyrë arbitrare kapital në duart e qeverisë. Si rrjedhim, Partia Bashkimi për të Drejtat e Njeriut do t‘i sugjeronte Kryeministrit që të rishikojë këtë ligj dhe ndoshta është momenti që të rishikojë dhe konsiderojë edhe praninë e stafit politik në krye të dikasterit të financave, që ka krijuar jo pak probleme te biznesi, por dhe një klimë pasigurie për investimet në vend", tha Dule.

© Gazeta Shqip - 2006-2007

[DYDRINAS]

"Përgjegjës për konfliktin me biznesin"

Aleatët e Berishës kanë ngritur zërin kundër ministrit të Financave, Ridvan Bode, duke e cilësuar këtë të fundit si përgjegjës kryesor të konfliktit qeveri-biznes. Reagimet negative lidhur me projektligjin për ndryshimet në procedurat tatimore kanë filluar të shtohen brenda spektrit të mazhorancës. Kundërshtimet për ligjin e gjobave ndaj biznesit kanë filluar tashmë të vijnë nga brenda shtëpisë së ekzekutivit. Kreu i PBDNJ-së, Vangjel Dule, i cili përfaqësohet në qeverinë aktuale me Ministrinë e Punës, Çështjeve sociale dhe Shanseve të barabarta, i ka kërkuar Kryeministrit Berisha të rishikojë drejtimin e Ministrisë së Financave. Dule i ka kërkuar kreut të qeverisë të largojë nga kabineti ministrin e Financave, Ridvan Bode, duke e cilësuar si përgjegjës të klimës konfliktuale të krijuar mes qeverisë dhe biznesit. PBDNJ ka qenë vazhdimisht kritike ndaj Ministrisë së Financave dhe sektorit ekonomik. Para se të bëheshin ndryshimet në kabinetin qeveritar, Dule i ka tërhequr vëmendjen punës në sektorin e ekonomisë dhe financave. "Ka një ndryshim nga vendet e ish-bllokut lindor, nuk kemi pika të orientuara drejt zhvillimit. Politikat në këtë sektor kanë qenë politika tipike të një taksambledhësi klasik. Është jetike të vjelësh të ardhura, por duhet gjetur edhe mënyra të çelësh kapitalet e të tjerëve për të investuar për Shqipërinë. Nuk kemi pse ta fshehim që nuk jemi të kënaqur", është shprehur Dule. Pas Nard Ndokës, i cili ka kundërshtuar konfliktin qeveri-media, një tjetër aleat i PD-së del kundër kreut të saj, duke kundërshtuar në këtë rast projektligjin e ri për procedurat tatimore. "Berisha të rishikojë ligjin për gjobat ndaj biznesit, por edhe të rishikojë gjithashtu stafin politik te kreu i financave", tha Dule. Kreu i PBDNj-së ka shpjeguar arsyet që e kanë çuar të bëjë kërkesën publike ndaj kreut të qeverisë, Sali Berisha, për të rishikuar drejtimin e Ministrisë së Financave. Dule ka theksuar se projektligji i ri ka krijuar një konflikt të hapur mes qeverisë dhe biznesit. Sipas kreut të PBDNJ-së, ky projektligj është në kundërshtim me parimet e qeverisë, duke shtuar se kjo e fundit është debitore ndaj biznesit me 6 milionë euro. Dule nuk ka nguruar t`i bëjë një kritikë qeverisë, e cila kategorikisht nuk duhet të përkrahë një projektligj të tillë, i cili veçse e dëmton biznesin më shumë sesa e ndihmon, duke kundërshtuar parapagimin e gjobave. "PBDNJ vlerëson se pozicionimi aktual i qeverisë reflekton një devijim serioz nga politika e qeverisë sonë për partneritet me biznesin. Parapagimi i gjobave nuk bën pjesë në praktikat më të mira të biznesit në të gjitha sistemet tatimore në botë", tha ai. Dule sqaroi se kjo praktikë mund të përdoret si instrument për të përjashtuar biznesin apo për ta kthyer atë në funksion të ngjyrave politike. "Gjithashtu, procedura e re tatimore tërheq në mënyrë arbitrare kapital në duart e qeverisë. Si rrjedhim, Partia Bashkimi për të Drejtat e Njeriut do t‘i sugjeronte Kryeministrit që të rishikojë këtë ligj dhe ndoshta është momenti që të rishikojë dhe konsiderojë edhe praninë e stafit politik në krye të dikasterit të financave, që ka krijuar jo pak probleme te biznesi, por dhe një klimë pasigurie për investimet në vend", tha Dule.

© Gazeta Shqip - 2006-2007

Pse te largohet Bode? Apo pse kerkon qe Shqiperia te kete sistem efektiv dhe te barabarte te taksave.
Nuk kam degjuar deri sot nga asnje vend normal qe te jete kerkuar qe te prapset qeveria nga zbatimi i ligjit ose me e keqja qe te largohet ministri perkates.
Kush e ka futur kafene kontabande? Kush e ka kryer trafikun e droges?
Ku shkuan gjanem kontrabandistet, kriminelet, administrata e korruptuar, doganieret grabites etj etj?

[Zemrushja]

• Burimet në PD theksojnë se këto lëvizje janë një përpjekje e Berishës për të vendosur njerëz më të devotshëm në ato ministri të cilat nuk i drejton PD-ja

Qeveria në prag të ndryshimeve të reja. Këtë herë nuk bëhet fjalë për ministrat, por për 13 zëvendësministra që pritet të lënë detyrat që kanë me urdhër të Berishës. Një pjesë e tyre do të zëvendësohen me emra të rinj, ndërsa të tjerë do të lëvizin nga njëra ministri te tjetra.
Ata që do të zëvendësohen pritet të jenë zëvendësministrat që i përkasin PD, ndërsa ata që do të ndryshojnë sektor janë përfaqësues të aleatëve të PD-së. Kjo nismë e re e Berishës ndërmerret si për të rifreskuar administratën pas ndryshimeve që u bënë në postet e ministrave, ashtu dhe për të shpërblyer ndonjë të pakënaqur të PD-së apo të aleatëve.
Ashtu siç është mësuar, zëvendësministri Gjergj Lezhja do të lëvizë për disa arsye, të cilat nuk i ka bërë publike, por mësohet se ai nuk ka marrëdhënie shumë të mira me Nishanin. Sipas burimeve, mësohet se për të janë caktuar dy poste, të cilat Berisha duket se ende nuk i ka caktuar përfundimisht, kështu ai mund të emërohet prefekt i Durrësit ose drejtor i ri i Tatimeve. Po kështu, bëhet e ditur se zëvendësministri i Kulturës, Neritan Alibali, përfaqësues i PR-së, do të zhvendoset në Ministrinë e Drejtësisë, pranë Rusmalit, ndërsa do të lëvizin zëvendësministrat aktualë të Drejtësisë, por edhe të ato të Shëndetësisë, Punëve dhe Çështjeve Sociale, Mjedisit, Integrimit, etj.
Burimet në PD-në theksojnë se këto lëvizje nuk janë thjeshtë rifreskim administrate, por një përpjekje e Berishës për të vendosur njerëz më të devotshëm në ato ministri të cilat nuk i drejton PD-ja, ose në ato ministri që ministrat nuk i përkasin klanit të tij, por klaneve të tjera, siç është ai i Topallit. Me shpalljen, jo publike, të kësaj iniciative, në PD janë shtuar zërat kritikë për mospërfshirjen e disa përfaqësuesve më të lartë të kësaj partia në administratën shtetërore, madje lënien e tyre krejt jashtë vëmendjes. Po kështu, bëhet e ditur se edhe disa drejtorë drejtorie në disa ministri do të lëvizin, duke u zëvendësuar me emra të rinj apo me plotësimin e kuadrit të plotë të marrëveshjes me partitë e vogla aleate.
Për arsye të ndërrimit të emrave, si të ministrave ashtu dhe të disa zëvendësministrave, administrata e qeverisë është në situatë pritjeje të emërimeve të reja. Pritet që për këto emërime Berisha të këshillohet me kryesinë e vogël të partisë si dhe të zhvillojë negociata me aleatët, jo për shtim, as për zvogëlim të përfaqësimit të tyre, por thjeshtë për lëvizje emrash, edhe pse disa prej këtyre përfaqësuesve nuk kanë lidhje fare me sektorin ku do të punojnë.
Një ndryshim i tillë bëhet në një kohë kur qeveria ka marrë përsipër realizimin e reformave të vështira në zbatim të planit për integrimin e vendit në institucionet ndërkombëtare, kryesisht ato evropiane. Ndryshimet e fundit në qeveri, të cilat ishin të sforcuara, për shkak të marrëveshjeve parazgjedhore të nënshkruar me partitë e koalicionit qeveritar në PD janë përcjellë me kritika të ashpra. Madje pritet që këto kritika të bëhen në mbledhjen e ardhshme të Këshillit Kombëtar të Partisë Demokratike. Berisha, për të mbyllur këtë cikël pakënaqësish, mund të emërojë, ose të kandidojë për drejtimin e disa departamenteve në PD, ministrat e larguar nga qeveria. Por një këmbim të tillë pritet të mos e pranojnë disa ish-ministra, të cilët do të pranojnë të rrinë vetëm anëtarë të Këshillit Kombëtar dhe pa asnjë post partie. Shtyrje e kësaj mbledhjeje nga ana e Berishës, vazhdon të grumbullojë shumë probleme për t’u diskutuar në punimet e këtij forumi të lartë vendimmarrës.
Pritet që ky Këshilli Kombëtar, i cili do të diskutojë këto çështje, të mblidhet pas zgjedhjes së Presidentit të Republikës. Në mbledhje, pritet që të votohen kandidaturat e reja për postet drejtuese në PD. Nëse Berisha do t’i qëndrojë pohimit të tij publik se në konkurrim për poste drejtuese do të përfshihet edhe kryetari i partisë, atëherë pritet të ketë thirrje të Kuvendit të kësaj PD-së partie, sepse vetëm delegatët zgjedhin kryetarin e partisë.

Gilmana Bushati

Gazeta Shqiptare

ps. Dydrinas eshte dicka qe kane vendosur perkrahesit e liderave qe ti ke qejf jo un

[King_Arthur]

Kreu i PBDNJ-së, Vangjel Dule kerkon largimin e BODES .

po kush e pyet kete mer , ky te rri urte mos ndjehet me ate qe ka , se ka per ti ardh rradha dhe keti filo grekut te zhduket nga shqiperia bashke me Janullatosin .

[Zemrushja]

Ministri i Financave ka te drejte te emeroje dhe te largoje nga puna drejtuesit e njesive te auditivit ne subjektet e audituara

Deputetet kundershtaret mbeten te ndare dje per projektligjin e auditimit, perkatesisht per varesine e njesiteve. Opozita thote se nuk duhet qe njesitet te kene varesi te dyfishte. Miratimi i tre neneve te ketij projektligji, per Auditin e Brendshem kane sjelle debat dje ne Komisionin parlamentar per Ekonomine dhe Financat. Pas miratimit ne parim, projektligjit i kishte ardhur radha te diskutohej nen per nen. I pranishem ne komision ishte dhe drejtori i Pergjithshem i Auditit te Brendshem, Pajtim Shehu, i cili dha disa pergjigje per anetaret. Pike e forte debati ishte neni 16 i projektligjit, konkretisht per “varesine e dyfishte” te njesive te Auditit te Brendshem. Duke iu referuar projektligjit te hartuar nga Ministria e Financave, njesite e auditit te brendshem ne subjektet e audituara kane varesi te dyfishte. Sipas Shehut, ato raportojne drejtperdrejt ne organin e emerteses dhe ne Drejtorine e Pergjithshme te Auditit, ne perputhje me dispozitat ligjore dhe procedurat e miratuara nga Ministria e Financave. Por neni 16 i cili percaktonte menyren e te drejtes se ngritjes se njesive te Auditit te Brendshem hasi ne kundershti te forta, jo vetem nga anetaret pozitare te Komisionit te Ekonomise, por edhe nga mazhoranca. Sipas ish-ministrit te Financave dhe nenkryetar i komisionit, Arben Malaj, termi “varesi e dyfishte” eshte e pakuptimte, pasi ka perplasje ligjore. “E mira eshte qe, njesite e auditimit ne ministri te varen direkt nga ministri perkates, ndersa menaxhimi, objekti i punes dhe forma e saj te drejtohet Drejtoria e Auditit, e cila varet nga ministri i Financave, Ridvan Bode. I te njejtit mendim ishte dhe ish-kreu i KLSH-se dhe anetar i komisionit, Blerim Cela. Sipas tij, paragrafi i dyte ne nenin 16 te projektligjit per auditin duhet te hiqet fare, pasi nuk ka kuptim qe nje strukture te kete dy drejtues njeheresh. Komisioni la te pandryshuar pjesen tjeter te nenin 16, qe percaktonte kriteret per ngritjen e ketyre njesive te auditit, te cilat do te percaktohen nga Ministria e Financave.

Shkarkimet

Neni 15 i projektligjit, me sakte pika “d”, solli nje tjeter debat ne komision. Sipas kesaj pike te nenit, ministri i Financave ka te drejte te emeroje dhe te largoje nga puna drejtuesit e njesive te auditivit ne subjektet e audituara. Sipas nenkryetarit te Komisionit te Ekonomise, Arben Malaj, nga kjo pike duhet hequr nga neni 16, pasi eshte krejt i gabuar. Edhe anetaret e tjere ishin te te njejtit mendim, duke i lene dore te lire ministrit Bode per emerime dhe shkarkime ne Drejtorine e Pergjithshme te Auditit. Sipas anetareve te komisionit, kete funksion e ka te drejte Departamenti i Administrates Publike-DAP dhe se shkarkimet e emerimet nuk mund te behen nga nje drejtues per nje institucion tjeter.

Auditimi

Neni tjeter 15 i diskutuar dje ne komision, i cili nuk kaloi pa debate, percaktonte pergjegjesite e drejtuesve te subjekteve publike per auditin e brendshem. Konkretisht, anetaret e Komisionit te Ekonomise votuan kunder pikes “d” te nenit 15, i cili i jepte te drejte auditit ne kryerjen e detyrave te tjera, te parashikuara me ligj. Pikerisht, anetaret e komisionit kerkuan nga shefi i Auditit, Pajtim Shehu, se cilat jane keto detyra te tjera, pervec kontrollit me ligj te subjekteve publike. Sipas tij, keto jane rekomandime te Komisionit Evropian, te cilet ne datat 2-7 prill paraqiten opsionet e tyre per projektligjin. Edhe varesia e dyfishte ishte marre ne konsiderate nga komisioneret e huaj, vijoi Shehu.

Korrieri