Leonora Fejza - Modele

[Bl3ri]

Intervistë e Leonora Fejzës, manekine dhënë Iliria Post

Unë jam mbretëreshë dhe shërbëtori im është KACE
Leonora Fejza është nga Mitrovica. Është vetëm 20-vjeçe dhe njihet në publik si manekine dhe moderatore në “Radio Dukagjini”. Studion në UP, në Fakultetin Ekonomik.

Kur keni filluar të merreni me manekinizëm dhe si filluat në këtë fushë?
Kam filluar qysh në vitin 2002. Ka qenë prezantimi i gardërobës së një firme turke, e njohur me emrin “Colore Jeans”.Aty kanë qenë hapat e parë.

Mendoni që manekinizmin ta kesh profesion në të ardhmen?
Realisht, moderimin dhe modelimin i kam vetëm hobi. Është zgjidhje e përkohshme në të cilën ndihem mirë. Ndërkaq, sa i përket së ardhmes, mendoj të jem ekonomiste. Është profesion më afatgjatë dhe shumë më premtues se sa këto dyja me të cilat merrem momentalisht. Përndryshe, jam studente e vitit të dytë në Fakultetin Ekonomik.

Dhe tërë kjo nga fakti se nuk mund të jetosh nga manekenizmi?
Po. Të paktën në Kosovë nuk mundesh assesi të mbijetosh prej manekinizmit.

Keni qenë ndonjëherë e zhgënjyer deri në masën sa të tërhiqesh nga manekinizmi?
Po. Pas përfundimit të kontratës, që e kisha me agjencinë turke në vitin 2002, e lash manekinizmin. Megjithatë, ndikuan baba dhe shoqëria dhe më bindën që unë të vazhdoj tutje me këtë profesion. Pastaj kam marrë pjesë në spektaklin “Mis Kosova 2006”.

Me çfarë çmime jeni shpërblyer deri tani?
Kam marrë çmimin e “Mis Press” në Ulqin, ku kam sfiduar 26 vajza nga vendet e ndryshme të botës edhe vajzat nga Beogradi. Pastaj jam shpërblyer me çmimin “Mis Copacabana 2006” dhe “Mis Publiku”. Gjithashtu një çmim tjetër, që është shumë i rëndësishëm për mua, është përcjellësja e parë e “Mis Kosovës” këtë vit.

A mund të veçoni cili ka qenë momenti më i keq në jetën tuaj?
Ka qenë dita e fundit e natës finale në “Miss Kosova”. Isha shumë e pa disponuar dhe arsyeja ishte frizeri Kace, i cili, me sjellje të një njeriu me nivel të ulët, është sjellë shumë keq me mua duke më thënë se jam shumë e shëmtuar dhe nuk mund të më rregullojë. Pra, ai pak para spektaklit arriti të më nervozoj, megjithatë, prapë e mora veten dhe u ndjeva e privilegjuar, ngase kuptova që në atë rast unë isha mbretëreshë, ndërkaq ai shërbëtori im.

Çfarë të bën të ndihesh mirë?
Çdo gjë e bukur më bën të ndihem mirë. Lajmet e mira, gjërat e mira etj.

Çka duhet të ketë mashkulli ideal për ty?
Nuk zgjedh shumë. Mashkulli që të më lë përshtypje mund të jetë qoftë pak i bukur, jashtë a nga brenda. Nuk më lë përshtypje bukuria e mashkullit për herë të parë, pra, gjithnjë kërkoj edhe diç nga brendia e tij, pra biseda, ndeja më të gjata. I pëlqej djemtë inteligjentë, xhentëlmen, të jetë i qetë dhe jo xheloz, sepse as unë nuk jam xheloze.

A jeni e dashuruar?
Nuk jam ende e dashuruar. Simpatizoj një person, por kjo simpati nuk është shndërruar ende në dashuri.

Mesazhi juaj?
Të kemi një synim në jetë. Kurrë të mos jemi disfatistë, sepse nga kjo nuk do të arrijmë atë çka synojmë. Duhet të kemi besim në forcat tona. Me punën tonë dhe me ndihmën e zotit një ditë do të realizohen edhe ëndrrat tona, sepse çdo gjë është e arritshme në këtë botë.

[Bl3ri]

Tamam kur ka menduar se pas vetes po e lë një vit përplot me suksese, modelja dhe bukuroshja, Leonora-Nora Fejza, ka marrë edhe një lajm të mirë.
Gjatë sfilatës së modës “Kujta dhe Meri – fashion show”, në pesë defilime sa janë mbajtur, Nora ka qenë modelja më e përfolur, që është pëlqyer si në pamje ashtu edhe në ecje.

Ndërkaq këtë sfilatë, xhirimi i së cilës është emetuar të dielën në RTV21, e ka përcjellë edhe organizatori i javës së modës në Milano, i quajtur Romeo – i cili krahas dy organizatorëve, Kujtes dhe Merit, e ka ftuar në Milano edhe bukuroshen Fejza.

Ata janë ftuar të marrin pjesë në evenimente të modes në Milano, në muajin shkurt të vitit të ardhshëm, ndërsa nëse pranon të merr pjesë në këtë eveniment, Nora do të mund të fillonte edhe një vit të mbarë në karrierë.

Gjatë vitit 2007 Nora ka korrë suksese të konsiderueshme qoftë si modele qoftë edhe si moderatore në Radio Dukagjini. Megjithatë ka pasur edhe oferta të tilla, që për shkak të kohës dhe obligimeve të shumta nuk ka mundur t’i shfrytëzojë – si ofertat për Miss Bikini në Turqi, Miss Albania, Miss Montenegro etj. Po ashtu gjatë këtij viti e ka dorëzuar kurorën e Miss Ulqinit, të cilën e kishte fituar një vit më parë.

Fejza, në vitin 2006, në spektaklin e bukurisë “Miss Kosova 2006”, kishte marrë titullin e Përcjellëses së parë dhe atë Miss Press.

Foto: Shenoll Zehri
Make up: Sellma



Kliko ketu