Dënohet djegia e flamurit të Malit të Zi

[no name]

UDSH REAGON PAS INCIDENTIT NË DEÇAN TË KOSOVËS 10.04.2007

Dënohet djegia e flamurit të Malit të Zi

Unioni Demokratik i Shqiptarëve e ka dënuar incidentin e ndodhur në Deçan të Kosovës, me ç’rast një grup i shqiptarëve ka sulmuar dasmorët nga Mali i Zi dhe duke i sharë ua ka marrë nga automobili flamurin malazez, e ka grisur dhe më pas e ka djegur atë.
„Nëse janë të vërteta deklaratat në media rreth këtij incidenti, UDSH e dënon fuqimisht këtë akt të grupit të shqiptarëve dhe në kontakt me zyrtarët e Prishtinës do të bëjë çmos që aktorët e tij të dënohen dhe që një gjë e tillë të mos ndodh kurrë më“, thuhet në kumtesën për opinion të kësaj partie.
Siaps UDSH-së, rastet e tilla individuale nuk mund të prishin marrëdhëniet e mira fqinjësore ndërmjet Malit të Zi dhe Kosovës.
„Vandalët nuk shprehin kurrë disponimin e popullit, ndaj ne e dimë me siguri se shqiptarët e Kosovës e respektojnë edhe Malin e Zi, edhe flamurin e tij“, thuhet në kumtesë.
UDSH thekson se shqiptarët e Kosovës „nuk i harrojnë dyert e hapura të Malit të Zi në vitin 1999, gjatë luftës në Kosovë, kur më shumë se 100 mijë shqiptarë të dëbuar gjetën strehim në Mal të Zi“.
„Shprehim keqardhje që familja Glushçeviq ka përjetuar këtë dhe besojmë se akti i tillë vandal do të dënohet edhe në Kosovë“, përfundon kumtesa për opinion. Koha Javore

[I krishteni]

E nese ky akt asht i kurdisun prej Beogradi? Shume e lehte asht sepse tashti Kosova ndodhet para definimit te Statusit!
UDSH mos ha ca do qe te qesin para ne pjate? Por hapi syte,,, se ne prapaskene qendron dikush tjeter?

[alibaba]

Flamuri i Malit të Zi??
Ç'kërkon ai në Kosovë??