Kuvendi miraton ligjin e gjobave ndaj biznesit

[Zemrushja]

Biznesi: Të ndalohet shitja pa fatura tatimore

J. Llupo

Konfindustria: Shitja pa fatura tatimore mbjell informalitet për ekonominë
Biznesi i madh kërkon që të gjitha transaksionet tregtare në vend të formalizohen. Konfindustria, me anë të një deklarate për mediat i ka bërë thirrje qeverisë, që të realizojë një aksion ku të gjitha bizneset e vogla që realizojnë edhe transaksionet përfundimtare të mallrave me konsumatorët, të vendosin kasat regjistruese. "Shkak për këtë nismë të ndërmarrë është që të gjitha bizneset të formalizohen në të njëjtin nivel dhe në këtë mënyrë, tatimet do ta kenë të më të lehtë për të mbledhur taksat. Një masë e tillë do të ndihmojë qeverinë që të mbledhë taksat nga poshtë lart, dhe jo e kundërta, siç ka ndodhur deri tani",- ka bërë të ditur gjatë ditës së djeshme, Stefan Pinguli, kryetar i Këshillit Drejtues të Konfindustrisë. Vendosja e kasave dhe lëshimi i faturave tatimore për konsumatorët përfundimtarë, sipas përfaqësuesve të Konfindustrisë, është një masë e domosdoshme që heq të gjitha mundësitë për shmangien e bizneseve nga pagimi i TVSH-së. Vendosja e kasave regjistruese, përveç formalizimit të biznesit në vend, prek në radhë të parë edhe të gjithë qytetarët. Por ekspertët e ekonomisë i druhen ndonjë rritje të çmimeve, që sipas parashikimeve mund të jetë më e vogël se 20% i TVSH-së.

Kush e paguan TVSH

Tatimi mbi Vlerën e Shtuar, megjithëse nuk njihet realisht në shumicën e shitjeve përfundimtare nga ana e konsumatorëve, janë pikërisht këta të fundit që paguajnë edhe vlerën e plotë të TVSH-së, që grumbullohet gjatë gjithë rrugës që bën produkti. Formalizimi i shitjeve me anë të faturave tatimore, si në gjithë vendet e tjera të zhvilluara, vlerësohet i domosdoshëm nga ana e ekspertëve të ekonomisë, që i druhen edhe ndonjë efekti psikologjik në çmime. Për vite me radhë, biznesi i madh ka kërkuar që të formalizohet cikli i shitjes së mallrave me TVSH, nëpërmjet futjes së biznesit të vogël në këtë skemë. Por nga ana e Ministrisë së Financave, është nxjerrë si justifikim për këtë mungesë, pamundësia për kontrollin e të gjitha njësive të shitjes me pakicë, për faturat e lëshuara tek konsumatorët. Për të evituar dështimin edhe të kësaj radhe dhe duke parë edhe interesat e gjerë që përfshin realizimi i kësaj nisme, Konfindustria i është drejtuar me anë të një letre kryeministrit Berisha dhe kryetarit të opozitës, Edi Rama, ku i kërkon që të merren masa konkrete, për të zbatuar këtë projekt të lënë pas dore për shumë vite me radhë.

Projektet e dështuara të kasave regjistruese

Në vitin 1994 qeveria programoi për herë të parë vendosjen e kasave tatimore sipas praktikës fiskale të vendeve perëndimore. Por brenda gjashtë muajve, ato kasa dolën jashtë përdorimit. Në vitet në vazhdim, disa herë tatimorët urdhëruan përdorimin e kasave dhe shumë herë gjobitën dyqanet për mospërdorim të tyre. Por asnjëherë të dhënat mbi xhiron, të regjistruara në kasa, nuk u përdorën për llogaritjen e tatimeve. Aktualisht, Shqipëria e mbledh Tatimin mbi Vlerën e Shtuar në dogana, në rastet e importit ose në pika të tjera të regjistruara të shit-blerjeve. Por shitjet me pakicë, sektori më i rëndësishëm i ekonomisë, nuk i nënshtrohen TVSH-së. Nga llogaritja e nivelit të TVSH-së mbi totalin e konsumit të llogaritur nga Instituti i Statistikave, rezulton se çdo vit humbasin rreth 300 milionë euro të ardhura buxhetore.

Aktualisht, në të gjitha njësitë e tregtimit në vend, nuk shërbehet me fatura tatimore; janë të pakta dyqanet dhe supermarketet që punojnë me kasat, por vetëm për llogari të tyre, pasi askush nuk i kontrollon. Sipas të dhënave nga Drejtoria e Përgjithshme e Tatimeve, një pjesë e madhe e subjekteve e kanë arkën regjistruese, pavarësisht se nuk e përdorin në mënyrë të përhershme. Sipas tatimorëve "edhe për atë kategori subjektesh, e cila në pamje të parë e përdor arkën, nuk ka garanci se detyrimet tatimore i paguan në bazë të xhiros reale që regjistron dhe deklaron, pasi nuk ka institucion të specializuar e të autorizuar për të kontrolluar kujtesën fiskale të arkës regjistruese". Një problem i madh për mungesën e kasave regjistruese është edhe pamundësia e sigurimit të arkave regjistruese, pasi numri i shoqërive që kanë importuar produkte të tilla ka qenë i kufizuar (1-2 të tilla). Kjo, për faktin se shoqëritë para se t'i importojnë arkat regjistruese kërkojnë siguri që do ta shesin mallin, pasi vlera që investojnë është relativisht e madhe dhe nëse arkat ngelen stok i pashitur, bllokohet veprimtaria e ndërmarrjes.

Nëse do të vendoset të ndryshohet sistemi, pra të kontrollohet nga tatimorët kujtesa e arkës regjistruese apo të sistemeve integrale dhe pajisjeve që përdorin subjektet, duhet që tatimorët të vendosin sistemin e licencimit të shoqërive, të cilat do të lejohen të merren me importimin, tregtimin dhe mirëmbajtjen e arkave regjistruese, të cilat do të jenë njëkohësisht përgjegjëse edhe për kontrollin dhe mos prekjen e kujtesës fiskale.

Shekulli

[no name]

Ligji i "gjobave", FMN: Mbeshtesim qeverine

E Merkure, 09 Maj 2007


Shefi i Misionit te FMN, Istvan Szekely, zbardh biseden me presidentin. Ja pse mbeshtesim ligjin e "gjobave"



Blerina Hoxha

Fondi Monetar Nderkombetar eshte shprehur dje ne mbeshtetje te qeverise per ligjin e procedurave tatimore i njohur ndryshe si ligji i "gjobave" ndaj biznesit. Komenti i FMN ne lidhje me kete ceshtje, erdhi vetem pak ore pasi presidenti, Alfred Moisiu ka vene veton mbi ligjin e miratuar nga parlamenti, duke e rikthyer edhe njehere per miratim ne Kuvend. Shefi i Misionit te FMN, Istvan Szekely, ne perfundim te nje vizite dy javore ne vendin tone, gjate nje konference per median, ka zbardhur biseden qe ka bere me presidentin per ligjin e gjobave. "Ne mbeshtesim iniciativen e qeverise per ligjin", tha zyrtari i FMN-se. Gjithashtu ai tha se, i kishte thene presidentit, se administrata tatimore duhet te gjente mbeshtetje per te kryer detyren e saj, ndaj dhe projekti i qeverise i ka sherbyer ketij qellimi. Sipas perfaqesuesit te institucionit financiar nderkombetar, veprimi i presidentit konsiderohet normal. Ai e ka pershendetur kreun e shtetit, qe eshte konsultuar me te gjitha grupet e interesit per te marre vendimin e tij, por ne te njejten kohe, e ka cilesuar te drejte miratimin e ligjit sipas variantit aktual. Te njejtin mendim per ligjin ne fjale ka shprehur edhe ministri i Financave, Ridvan Bode. Ai ka shtuar se, presidenti i meparshem ka miratuar nje penalitet shume me te rende, qe aktualisht eshte ne fuqi per procedurat doganore, ku masa e gjobes eshte 5 here me e larte se ne tatime. Penaliteti doganor i vitit 1999 eshte interpretuar edhe nga Gjykata Kushtetuese dhe eshte konsideruar konform ligjit themelor te shtetit dhe Kartes Evropiane te te Drejtave te Njeriut. Bode tha gjithashtu se, administrata tatimore shqiptare eshte rasti unikal krahasuar me vendet e tjera, ku nuk i jepet e drejta administrative per te ushtruar detyrat ne funksion te grumbullimit te te ardhurave per buxhetin e shtetit. Per shkak te kesaj situate, borxhi qe biznesi ka akumuluar ndaj administrates tatimore, arrin nje shume prej me shume se, 400 milione dollaresh, tha Bode.

Ligji per procedurat tatimore, parashikon vendosjen e nje gjobe paraprake 15 per qind ndaj biznesit nese gjenden shkelje ne llogarite e kompanive nga tatimoret. Nepermjet ketij ligji, biznesi duhet te paguaje gjoben dhe pastaj te ankimoje ne gjykate. Miratimi i ketij ndryshimi ne legjislacionin tatimor u kontestua ashper nga grupe te interesit e sidomos organizatat e biznesit. Pikerisht per shkak te ketyre kundershtive, masa e gjobes u ul ne 15 per qind nga 100 per qind qe ishte parashikuar fillimisht. Kuvendi me shumice votash e ka miratuar ligjin ne fjale, i cili nuk ka mundur te marre edhe miratimin e presidentit.


Koha jone

[no name]

Gjobat, Moisiu "rrezon" Berishen
Rozeta Rapushi
E Merkure, 09 Maj 2007


Presidenti i Republikes rikthen ne Kuvend ligjin per gjobat, si antikushtetues. Ne limitin e kohes qe kishte ne dispozicion per te hedhur firmen e tij, kreu i shtetit vendos t'ia percjelle serish Kuvendit ligjin per te bere ndryshime, duke hequr percaktimin qe bizneset te detyrohen te parapaguajne 15 per qind te gjobes, pa dhene me pare nje vendim te formes se prere gjykata. Per te, arsyeja per te cilen nuk e dekretoi kete ligj, lidhet me dispoziten e tij qe: "Para se te paraqiten per shqyrtim gjyqesor, tatimpaguesit jane te detyruar te paguajne 15 per qind te cdo gjobe dhe interesi. Shqyrtimi gjyqesor i ceshtjeve zhvillohet sipas nje procedure gjyqesore te pershpejtuar, e cila nuk duhet t'i kaloje 60 dite", argumentoi Moisiu, duke ua bere te qarte deputeteve se kjo pike e ligjit bie ndesh me Kushtetuten. Konkretisht, me nenin 11, qe lidhet me parimin se sistemi ekonomik bazohet ne ekonomine e tregut dhe se prona private mbrohet njelloj me ligj.

3 arsyet e Moisiut

Kreu i shtetit u jep tre arsye deputeteve qe te ndryshojne ligjin e gjobave, qe, sipas tij, ka perplasje me dispozitat kushtetuese. Sipas Presidentit Moisiu, detyrimi per parapagimin e gjobes ne masen 15 per qind nga biznesi pa u shprehur me pare gjykata cenon disa dispozita kushtetuese dhe prish parimin e nje procesi te rregullt ligjor. "Duke qene nje denim, ai nuk mund te jete i ekzekutueshem, derisa te kete nje vendim gjyqesor te formes se prere qe ta konfirmoje ate. Kur nje organ administrativ gjobit individin apo subjektin, kundervajtesit kane te drejte te ankohen ne gjykate, pasi te kene ezauruar rrugen administrative, dhe vetem pasi vendimi gjyqesor te kete marre forme te prere, denimi administrativ, gjoba, behet e ekzekutueshme dhe vilet ashtu sikurse e percakton Kodi i Procedures Civile", sqaron Presidenti. Si arsye te dyte, se pse Kuvendi dhe qeveria qe e ka sjelle si ligj duhet ta rishikoje, Presidenti thekson se eshte fakti qe ligji shkel rregullat e ekonomise se tregut. "Parapagimi i gjobes, padrejtesisht, do ta vinte subjektin tatimor ne veshtiresi ekonomike, pasi ne varesi te mases se gjobes dhe te fuqise ekonomike, pagimi paraprak i gjobes mund te ndikoje drejtperdrejt dhe ne vete ekzistencen e subjektit tatimor", thote ai. Dhe se fundi, kreu i shtetit kundershton dhe afatin qe eshte parashikuar qe shqyrtimi gjyqesor per gjoben e vene ndaj biznesit te zhvillohet sipas nje procedure te pershpejtuar qe nuk duhet t'i kaloje 60 dite. "Me nje ligj te zakonshem percaktohen rregulla te procedimit ne gjykate, te ndryshme nga rregullat e procedimit qe gjykata ndjek ne te gjitha rastet e tjera, te percaktuara ne Kodin e Procedurave Administrative. Nese ky rregull, duke u vleresuar si nje diskriminim pozitiv, do te ishte i nevojshem, ai ose duhej te parashikohej ne Kodin e Procedurave Administrative ose ligji duhej miratuar me tri te pestat e gjithe anetareve te Kuvendit, sic eshte parashikuar ne nenin 81, pika 2 te Kushtetutes", permend Moisiu, i cili sqaron se ne te kundert, ky rregullim ben qe te krijohet konflikt midis ligjeve, aq me teper, ndermjet nje ligji qe miratohet me vote te cilesuar dhe nje ligji qe miratohet me shumice te thjeshte. Pas kthimit te ligjit, kreu i shtetit terhoqi edhe vemendjen e politikes, e cila nuk eshte konsultuar me grupet e interesit para propozimit te ligjit. "Nga takimet e shumta qe kam pasur, me faktorin e brendshem dhe ate nderkombetar, me eshte pretenduar se nuk eshte konsultuar si duhet dhe nuk eshte marre ne konsiderate sa duhet, mendimi i specialisteve dhe i grupeve te interesit", veren ai. Kete vendim Presidenti e mori, pasi u konsultua gjeresisht me grupet e interesit, shoqatat e biznesit. Keto te fundit u ankuan se detyrimi qe percakton ligji per pagesen nga biznesi te 15 per qind te mases se gjobes para se te marre nje vendim gjykata i demton rende dhe shkel te drejtat e tyre. Sipas tyre, ligji duhet te kthehet ne Kuvend e te permiresohet ne pranine e vete biznesit. Kunder ligjit eshte shprehur hapur edhe me vote opozita e majte, por edhe aleatet e qeverise.


Koha jone

[no name]

ligji i gjobave
presidenti

Kreu i shtetit publikon vendimin për ta rikthyer edhe njëherë në Parlament


Moisiu: Pse i ktheva “Gjobat”

Presidenti: “Ligji bie ndesh me nenin 11 të Kushtetutës”

BLEDAR HOTI

Presidenti i vendit, Alfred Moisiu, mori vendimin për të rikthyer sërish në Parlament ligjin “Për gjobat”.



Kreu i shtetit ka bërë të ditur dje qëndrimin e tij për projektligjin aq shumë të debatuar kohët e fundit “Për disa ndryshime në ligjin nr.8560, datë 22.12.1999 “Për procedurat tatimore në Republikën e Shqipërisë, të ndryshuar”. Në një letër drejtuar deputetëve të Kuvendit, duke iu referuar nenit 43, paragrafi 2 i këtij ligji ku thuhet se bizneset duhet të paguajnë 15% të gjobës para se t’i drejtohen gjykatës, kreu i shtetit vlerëson se ky nen bie ndesh me nenin 11 të Kushtetutës. “Ky rregullim, sipas vlerësimit tim, bie ndesh me disa dispozita kushtetuese. Konkretisht, me nenin 11, që lidhet me parimin se sistemi ekonomik në Republikën e Shqipërisë bazohet në ekonominë e tregut dhe se prona private mbrohet njëlloj me ligj; me nenin 42 që ka të bëjë me garantimin për të mos cenuar liritë dhe të drejtat e njohura në Kushtetutë pa një proces të rregullt ligjor; dhe së fundi, me nenin 81, i cili përcakton ligjet, miratimi i të cilave kërkon një shumicë të cilësuar”, thuhet në letrën që kreu i shtetit i ka drejtuar Kuvendit. Një tjetër arsye që Moisiu argumenton në letrën e tij drejtuar deputetëve është dhe parapagimi i gjobës. “Edhe pse në masën 15 për qind, padrejtësisht do ta vinte subjektin tatimor në vështirësi ekonomike, pasi në varësi të masës së gjobës dhe të fuqisë ekonomike, pagimi paraprak i gjobës mund të ndikojë drejtpërdrejtë dhe në vetë ekzistencën e subjektit tatimor. Kjo do të krijonte për momentin disekuilibër në rregullat e ekonomisë së tregut, duke krijuar situatë të panevojshme negative për subjekte të kësaj ekonomie”, citohet në letrën e Moisiut drejtuar deputetëve. Gjithashtu, arsyeja që kreu i shtetit ktheu këtë ligj lidhet dhe me dispozitën e nenit 43, paragrafi 2 i tij. “Kështu, neni 43, paragrafi 2 i ligjit ka këtë formulim: “Para se të paraqiten për shqyrtim gjyqësor, tatimpaguesit janë të detyruar të paguajnë 15 për qind të çdo gjobe dhe interesi. Shqyrtimi gjyqësor i çështjeve zhvillohet sipas një procedure gjyqësore të përshpejtuar, e cila nuk duhet t’i kalojë 60 ditë”, argumenton Moisiu.



Arsyet e kthimit të ligjit

Arsyeja e mosdekretimit lidhet me dispozitën e nenit 43, paragrafi 2 i tij. Kështu, neni 43, paragrafi 2 i ligjit ka këtë formulim: “Para se të paraqiten për shqyrtim gjyqësor, tatimpaguesit janë të detyruar të paguajnë 15 për qind të çdo gjobe dhe interesi. Shqyrtimi gjyqësor i çështjeve zhvillohet sipas një procedure gjyqësore të përshpejtuar, e cila nuk duhet t’i kalojë 60 ditë”.

Ky rregullim bie ndesh me disa dispozita kushtetuese. Konkretisht, me nenin 11, që lidhet me parimin se sistemi ekonomik në Republikën e Shqipërisë bazohet në ekonominë e tregut dhe se prona private mbrohet njëlloj me ligj.

Bie ndesh me nenin 42 të Kushtetutës, që ka të bëjë me garantimin për të mos cenuar liritë dhe të drejtat e njohura në Kushtetutë pa një proces të rregullt ligjor; dhe së fundi, me nenin 81, i cili përcakton ligjet, miratimi i të cilëve kërkon një shumicë të cilësuar.

Ligji nuk e ka bërë dot mirë dallimin mes detyrimit tatimor dhe dënimit administrativ, që vjen për shkak të shkeljes së ligjit të prezumuar për subjektin tatimor, për sa i përket detyrimit për parapagimin e tyre përpara fillimit të procedurave ankimore.

Gjoba prej 15% parapagim prish parimin e një procesi të rregullt ligjor. Individi detyrohet me ligj që të paguajë pjesërisht dënimin administrativ, i cili nuk është i njëjtë me detyrimin tatimor, përpara se ligjshmëria e këtij dënimi të verifikohet nga gjykata. Nëse do paguhet 15 për qind, 50 për qind apo 100 për qind, kjo është çështje konvencionale dhe vullneti, që mund të ndryshojë në çdo kohë në qoftë se do të pranohej që parapagimi paraprak i gjobës apo një pjese të saj nuk vjen në kundërshtim me Kushtetutën.

Ekzekutimi paraprak i dënimit administrativ, qoftë edhe i pjesshëm, shkel rregullat e një procesi të rregullt ligjor.
Së dyti, shkel rregullat e ekonomisë së tregut. Parapagimi i gjobës, edhe pse në masën 15 për qind, padrejtësisht, do ta vinte subjektin tatimor në vështirësi ekonomike, pasi në varësi të masës së gjobës dhe të fuqisë ekonomike, pagimi paraprak i gjobës mund të ndikojë drejtpërdrejtë dhe në vetë ekzistencën e subjektit tatimor.



Kompetenca
Presidenti kthen ligjin e radhës

Mes maxhorancës dhe presidentit prej kohësh ka pasur konflikte në lidhje me dekretimet e ligjeve, por dhe me vendimin e bujshëm për mosshkarkimin e kryeprokurorit, Theodhori Sollaku. Gjithashtu këtu përfshihet dhe ligji “Për urbanizmin dhe legalizimin e zonave informale”, si dhe ligjin “Për kthimin dhe kompensimin e pronave”. Gjithashtu këtu përfshihet dhe akti normativ që ka të bëjë me “Urbanistikën”. Këto vendime dhe kthime ligjesh që janë cilësuar si pjesë e reformave acaruan së tepërmi marrëdhëniet mes kryeministrit, Sali Berisha dhe presidentit, Moisiu. Konflikti është shtrirë gjithashtu dhe me përfaqësuesit e tjerë të maxhorancës, si kryeparlamentarja Topalli, ministrat e tjerë të qeverisë.



Maxhorancës i duhen 71 vota të cilësuara për ta miratuar ligjin pas kthimit në Parlament nga Moisiu

Ligji i Gjobave, rrezikohet miratimi
PBDNJ e PDK paralajmërojnë votën kundër. Leskaj: Do votoj kundër

Ligji i Gjobave të biznesit rrezikon të mos miratohet për herë të dytë në Parlament, pas kthimit që i bëri dje presidenti, Alfred Moisiu.

Rrjedhja e vazhdueshme e votave në koalicionin e djathtë e bën të vështirë arritjen e numrit 71 në Kuvend. Sipas Kushtetutës, një ligj pasi rikthehet njëherë nga presidenti duhet të marrë të paktën 71 vota për t’u miratuar dhe për të hyrë në fuqi automatikisht. Aktualisht, Partia Demokratike ka vetëm 53 vota në radhët e grupit të saj parlamentar, pas deklarimit si deputet i pavarur i Gilman Bakallit. Por, edhe këto vota nuk janë të sigurta për demokratët, nëse do të kihet parasysh mënyra se si u diskutua ligji në grupin parlamentar dhe votimi në orët e vona të 16 prillit. Kështu, gjatë diskutimit kundër këtij projektligji doli deputeti i Durrësit, Sami Gjergji, ndërsa deputeti, Preç Zogaj, propozoi ngritjen e një gjykate që do të merret vetëm me trajtimin e çështjeve të biznesit. Ndërkohë në votimin në Parlament kundër ligjit votoi ish-ministri i Turizmit, Bujar Leskaj. I kontaktuar nga gazeta, Leskaj u shpreh se “gjatë rikthimit të ligjit në Parlament do të votoj si herën e parë”. Megjithëse nuk e shprehu hapur, kundër këtij ligji ishte edhe ish-ministri i Jashtëm, Besnik Mustafaj, teksa mungesa e tij gjatë diskutimit të ligjit në Parlament dhe debatet me kryeministrin Berisha e çuan atë deri në dorëheqje të parevokueshme nga posti i shefit të diplomacisë. Por, pas rikthimit të këtij ligji nga ana e kreut të shtetit, kryeministri Berisha duhet të nisë sërish negociatat me aleatët për të mos rrezikuar dështimin e tij në parlament. Kështu demokristianët ende nuk kanë marrë një vendim se si do të votojnë pas rikthimit të ligjit në Parlament. Kryetari i grupit të deputetëve demokristianë, Nikollë Lesi, i kontaktuar dje nga gazeta u shpreh se do të jetë pikërisht grupi parlamentar ai që do të vendosë. Pak ditë më parë, Lesi u shpreh se do të votojë kundër këtij ligji nëse ai do të rikthehej në Kuvend nga ana e kreut të shtetit. Gjatë momentit të diskutimit në prill të këtij ligji, kryeministrit Berisha iu desh të bënte një kompromis në orët e vona me PDK-në për uljen e nivelit të gjobës nga 25 në 10% për të marrë tetë votat e kësaj partie. Ndërkohë, demokratët nuk kanë të sigurta edhe tre votat e Partisë Bashkimi për të Drejtat e Njeriut, të cilët nuk kanë vendosur ende se si do të votojnë në Parlament. Gjatë votimit për herë të parë të projektligjit, tre deputetët e PBDNJ-së votuan kundër tij. Ndërkohë, vota të sigurta për demokratët janë 11 të Partisë Republikane, 2 të Agrares, 2 të Partisë Demokrate të Re dhe 1 votë e Arjan Starovës.



Rusmali: Nuk ka arsye kushtetuese

Pas rikthimit të ligjit në Parlament nga ana e presidentit Moisiu, për maxhorancën reagoi dje ministri i Drejtësisë, Ilir Rusmali. Duke folur gjatë një konference për shtyp, ai u shpreh se me gjithë arsyetimet e kreut të shtetit, nuk ka asnjë motiv kushtetues për ta rikthyer ligjin e Gjobave në Parlament. “Ushtrimi i kompetencës për të vendosur veton ndaj një projektligji është e parashikuar në Kushtetutë, por besoj nga njohja që kam me procedurën nuk ka asnjë lloj motivi kushtetues për ushtrimin e kësaj vetoje. Megjithatë, kjo është zgjedhja e Presidentit të Republikës”, u shpreh Rusmali.



Votat e të djathtëve

Vota pro ligjit
PD 51
PR 11
PDR 2
PAA 2
PBLD 1

Të pavendosur
PDK 8
PBDNJ 3

Kundër ligjit
Spartak Ngjela
Gilman Bakalli
Bujar Leskaj



Szekely : Të ruhet e drejta e ankimimit
Ligji, FMN: Mbështesim iniciativat e qeverisë

Ligji i Gjobave ndaj biznesit ka marrë edhe OK nga ndërkombëtarët. Gjatë një deklarate për mediat, István P. Székely, shef misioni i Fondit Monetar Ndërkombëtar për Shqipërinë është shprehur se mbështet çdo iniciativë të qeverisë në luftën kundër informalitetit. “Shqipëria ndodhet në një situatë problematike për sa i përket mbledhjes së të ardhurave dhe ky ishte edhe një nga faktorët që ndikoi në ndërmarrjen e këtij hapi nga ana e qeverisë” tha ai. Sipas shefit të misionit të FMN-së, duhet të ruhet e drejta e ankimimit. Deklarata e shefit të misionit të FMN-së vjen një ditë pas mosdekretimit të këtij ligji nga Presidenti i Republikës, Alfred Moisiu. Në këtë pikë, ministri i Financave, Ridvan Bode, u shpreh se kjo është një e drejtë e presidentit, që kur gjen arsye ligjore për të kthyer ligje në Parlament, për të verifikuar bazueshmërinë ligjore të akteve të nxjerra, t’ia kthejë dhe t’ia adresojë Kuvendit. “Por në fakt, ky ligj në përmasa të tjera dhe në detyrimin për parapagim 100% deri në 5 fish të gjobës është dekretuar një herë nga presidenti dhe është votuar një herë nga Kuvendi në vitin 1999 dhe ka po ashtu një interpretim të Gjykatës Kushtetuese që e konsideron atë kushtetues dhe në përputhje me Kartën Evropiane të të Drejtave të Njeriut”, ka thënë ministri. Sipas tij, ky është vendimi i Gjykatës Kushtetuese i datës 9 prill 2003. Por sipas ministrit kjo është një çështje që i takon presidentit dhe Kuvendit dhe nuk ka të bëjë me qeverinë. Një tjetër nismë e qeverisë që mori OK nga ndërkombëtarët ishte edhe vendimi i qeverisë “Për përcaktimin e pagës referuese”.

© 2003 Gazeta Panorama

[TOKE GEGA]

[B]Ligji i “gjobave”, Moisiu degjon biznesin 15 familjeve mafjoze Shqipetare!!!

Presidenti Moisiu i ka vijuar takimet per te ashtuquajturin ligji i gjobave me drejtuesit kryesore te shoqatave te biznesit. Burimet zyrtare te presidences njoftuan se, pjesemarresit ne kete takim i shprehen kryetarit te shtetit shqetesimin e tyre te perbashket per ligjin e miratuar nga Kuvendi i Shqiperise per procedurat tatimore. Ata i parashtruan Presidentit verejtjet sa i perket natyres ligjore dhe praktike te ketij ligji, duke nenvizuar nevojen per rishikimin e tij mbi bazen e nje dialogu me te gjere me biznesin. Duke vene ne dukje rendesine qe ka per zhvillimin progresiv te ekonomise ne vend lufta kunder informalitetit, presidenti Moisiu theksoi se eshte i vendosur per konsolidimin e shtetit ligjor. Kryetari i shtetit vuri ne dukje se ka ndjekur me vemendje situaten, si dhe beri me dije se do te vijoje konsultimet ne procesin e shqyrtimit prej tij te ligjit per procedurat tatimore ne Republiken e Shqiperise. “Ekspozuam arsyet tona per ndryshimet qe duhet te behen me qellim qe te gjithe te arrijme ne nje perfundim te perbashket”, tha Artan Dulaku, president i Shoqates se Ndertuesve. Presidenti Moisu, i cili pak dite me pare tha se, nuk do te dekretonte projektligjin per procedurat tatimore pa u keshilluar me pare me te gjitha grupet e interesit. Ne kete angazhim ai ka marre takimin e tij te pare per kete ceshtje me Perfaqesine e FMN ne vendin tone pak dite me pare. Burimet ne Presidence pohojne se ne ditet ne vazhdim takimet e presidentit me autoritete te fushes se ekonomise do te vazhdojne, me synim arritjen e nje konkluzioni te qarte, ne lidhje me qendrimin qe do te mbahet per dekretimin e projektligjit, tashme shume te debatueshem.

Ndryshimet në ligjin e gjobave, në bazë të marrëveshjes me FMN-në







Në marrëveshjen e vendit tonë me misionin e Fondit Monetar Ndërkombëtar është parashikuar që ndryshimet në procedurat tatimore të bëhen në fillim të çdo viti, ndërsa ndryshimet në shkallën e taksave të bëhen në mesin e çdo viti. Zyrtarë të ministrisë saktësuan dje se, ligji i ri i procedurave të tatimeve është në kuadër të marrëveshjes që qeveria shqiptare ka me Fondin Monetar Ndërkombëtar, për të bërë ndryshime në përmirësimin e procedurave të mbledhjes së të ardhurave dhe se, në të vërtetë, puna për përpilimin e këtij projektligji ka nisur që nga muaji nëntor i vitit të shkuar dhe po të mos ishin zgjedhjet lokale, të cilat ngadalësuan punën e parlamentit, ky ligj do të ishte miratuar që para dy muajsh. “Në marrëveshjet që kemi me Fondin Monetar Ndërkombëtar, - thanë burimet, - është parashikuar që të mos bëhen ndëryshime të legjislacionit fiskal për shkallën e tatimit në fillim të vitit, por ato të bëhen në mesin e tij dhe po në këto marrëveshje thuhet se ndryshimet në procedurat tatimore duhet të bëhen në fillim të vitit.” Ligji i ri i gjobave siç quhet, ku një biznes që ka marrë një gjobë duhet ta paguajë atë së bashku me vlerën e detyrimeve para se të ketë një vendim të gjykatave, është pjesë e marrëveshjes për të përmirësuar mënyrën e mbledhjes së të ardhurave dhe për të mundësuar më së shumti edhe formalizimin e ekonomisë. Në ligjin e ri të procedurave fiskale ka disa probleme, të cilat, në fakt, janë më së shumti probleme që ngërthejnë dobësinë e sistemit të drejtësisë, i cili nuk mund t’iu përgjigjet kërkesës që kanë bizneset dhe tatimet në lidhje me vendimet e inspektorëve të tatimeve. Burimet saktësuan se, fokusi kryesor i projektligjit të procedurave të reja në tatime ka qenë mpakja e peshës që mund të ketë një inspektor në kontrollet ndaj një biznesi. Duke mundësuar me ligj pagimin e vlerës së detyrimit të tatimeve dhe të njëzet e pesë për qind të gjobës, duket sikur inspektorët janë më të fuqishëm dhe mund të bëhen arbitrarë, por, në fakt, me këtë ligj, atyre nuk iu mbetet në dorë asnjë mundësi korruptimi, pasi biznesi nuk ka më aq shumë arsye të paguajë një inspektor dhe anasjelltas, por është i detyruar të shkojë në gjykatë. Ligji, tashmë është shumë më i qartë dhe lë pak vend për kompromis mes një inspektori të korruptuar dhe një biznesi. Megjithatë, ende në administratën e tatimeve po vijion një refromë mjaft e thellë për ta bërë atë mjaft transparente dhe mjaft pë paatakueshme, kur çdo biznes do të ketë të drejtën të ankohet dhe për këtë do të ketë një përgjigje.

[Zemrushja]

Dolem tek ajo qe diskutuam.. varferia e takses...

Tatimet dështojnë, bien të ardhurat në 3-mujorin e parë

Zbulohet shkaku i "lodhjes" së ish-drejtorit Prifti

Pikërisht në kohën kur qeveria po përpiqet të imponojë pagat në sektorin privat, të dhënat zyrtare nga Drejtoria e Përgjithshme e Tatimeve flasin për një ulje të ndjeshme të të ardhurave nga taksat e punës. Gjatë 4 muajve të parë të këtij viti, të ardhurat nga sigurimet shoqërore dhe ato shëndetësore ishin 11,7 miliardë lekë nga 12,16 miliardë që ishin në të njëjtën periudhë të një vitit më parë. Rënia e të ardhurave nga kjo taksë me rreth gjysmë miliardë lekë ose 5 milionë dollarë duket se ka qenë edhe një nga shkaqet kryesore të "lodhjes" së ish-drejtorit të Përgjithshëm të Tatimeve, Alfred Prifti. Por një tjetër tregues që ka shënuar rënie të ndjeshme krahasuar me një vit më parë është edhe ai i të ardhurave nga tatimi mbi fitimin. Për periudhën janar-prill 2007, administrata tatimore arriti të mbledhë vetëm 7,15 miliardë lekë të ardhura nga tatimi mbi fitimin, ose afro 600 milionë lekë në krahasim me të njëjtën periudhë të një vitit më parë. Të dyja këto taksa, si tatimi mbi fitimin dhe taksa e punës pritet që të pësojnë ndryshime të rëndësishme duke filluar që nga gjashtëmujori i dytë i këtij viti, si pasojë e hyrjes në fuqi të taksës së sheshtë. Drejtori Prifti duket se e kishte kuptuar fare mirë se përgjysmimi i tatimit mbi fitimin mund të rezultonte fatal për financat e shtetit dhe se rezervat e informalitetit nuk ishin edhe aq shumë të mëdha sa deklaronin eprorët e tij në Ministrinë e Financave kur njoftonin ulje taksash. Rasti i të ardhurave nga tatimi mbi fitimin, nga taksat e punës dhe atyre nga taksat e biznesit të vogël kanë hedhur përfundimisht poshtë pretendimet e qeverisë se ulja e nivelit të taksave sjell rritje të të ardhurave në buxhet.

Taksat e biznesit të vogël

Qeveria dështoi në objektivin e saj për të rritur të ardhurat në buxhet nëpërmjet formalizmit të ekonomisë. Vendimi politik i kabinetit "Berisha" rreth dy vjet më parë për të ulur taksat e biznesit të vogël dhe tatim-fitimin nuk ia ka arritur qëllimit. Në atë kohë, qeveria demokratike e sapoardhur në pushtet, pretendonte se me uljen e këtyre detyrimeve, biznesi do të prirej për t‘u formalizuar dhe të ardhurat e munguara për shkak të uljes së taksave do të kompensoheshin nga rritja e bazës së tatueshme. Por të dhënat zyrtare të Ministrisë së Financave tregojnë se të ardhurat nga tatimi mbi biznesin e vogël në fund të vitit 2006 zunë vetëm 0,3 për qind të Prodhimit të Brendshëm Bruto duke shënuar kështu rezultatin më të ulët që prej vitit 2002. Edhe të ardhurat e siguruara nga tatimi mbi fitimin në fund të vitit 2006 përbënin vetëm 2 për qind të PBB-së, shifër kjo më e ulët se ajo e viteve 2004-2005. Pavarësisht pretendimeve të Ministrisë së Financave për rritje të ndjeshme të numrit të bizneseve të regjistruara për herë të parë, disa tregues të të ardhurave nga taksat kanë ardhur në rënie. Rritja e të ardhurave nga taksat e biznesit të vogël përbëjnë vetëm një nga objektivat ku qeveria ka dështuar. Një situatë e ngjashme ka ndodhur edhe me të ardhurat nga kontributet. Vitin e kaluar, qeveria uli me 9 pikë përqindje kontributet e sigurimeve shoqërore dhe atyre shëndetësore. Të dhënat tregojnë se ky zë në prodhimin e përgjithshëm kombëtar është rritur, por shumë pak, vetëm 0,05 për qind çka duket se ka ardhur vetëm si pasojë e uljes së papunësisë dhe jo zvogëlimit të informalitetit.

© Gazeta Shqip - 2006-2007

[Zemrushja]

Ekspertët thonë se kostoja e mbylljes së këtyre ndërmarrjeve do të jetë shumë e lartë për ekonominë

Ministri i Ekonomisë, Genc Ruli, ka lëshuar një deklaratë të fortë kur është shprehur se gjysma e bizneseve në Shqipëri janë të falimentuara dhe të përfshira në një zinxhir pafund borxhesh te njëri-tjetri. Ruli i ka mëshuar idesë së tij të përhershme se në Shqipëri duhet të nisë dhe të njihet procesi i falimentimit, sepse, sipas tij, kështu do të mbeteshin në treg sipërmarrjet më të shëndetshme.(?) "Gjysma e bizneseve po t‘i shohësh edhe në bilancet kontabile duken të shëndetshme kur në fakt, nuk janë të tilla dhe nuk janë prej kohësh të shëndetshme. Duhet që gjithë ky zinxhir i madh borxhesh të akumuluara të këputet dhe bizneset të fillojnë të kenë rrjedhshmëri në qarkullimin e kapitaleve të tyre", tha Ruli. Si një njohës i mirë i Ekonomisë, Ruli, e kishte paralajmëruar që më parë këtë, teksa dy vjet më parë në emisionin "Top Show", në "Top Channel" deklaronte se një numër shumë i madh biznesesh janë në prag të falimentimit për shkak të mbylljes së ciklit të tyre. Madje, deklarata e tij, u pasua edhe nga një analizë, e hollësishme e një zyrtari të lartë në Drejtorinë e Tatimeve, i cili argumentonte se falimenti rrezikonte edhe një numër të madh kompanish mjaft të njohura në vend, për shkak të problemeve financiare që kishin. Në atë kohë, Ruli e kishte cilësuar fenomenin si normal, që në këtë pikë tregon se ekonomia ka filluar të zhvillohet. Por ekspertët thonë se kur gjysma e sipërmarrjeve përballen me vështirësi serioze financiare, atëherë kjo vetëm normale nuk mund të quhet.

Sinjalet

Sinjalet se biznesi shqiptar po kalon kohëra të vështira ishin dhënë që më parë. Vëzhgimet tregojnë se kohët e fundit, kompanitë shqiptare po përdorin gjithmonë e më shumë forma të pazakonta transaksionesh, larg atyre tradicionale me para. Madje, kjo dukuri ka përfshirë edhe atë sektor, i cili prej disa vitesh cilësohet si më fitimprurësi në vend. "Ka më shumë se 2 vjet që nuk po shohim më para me sy. Po shesim apartamente në këmbim të mallrave të tjerë dhe jo me para në dorë," deklaroi pak muaj më parë kreu i Shoqatës së Ndërtuesve, Artan Dulaku, në Komisionin Kuvendor të Ekonomisë. Por format e kleringut apo karteringut, po përdoren gjithmonë e më shumë edhe në sektorë të tjerë të ekonomisë si shërbimet, bujqësia etj. Kjo tregon qartë se një pjesë e konsiderueshme e bizneseve në vend po vuajnë mungesën e likuiditetit.

Biznesi

Ministri Ruli nuk ka preferuar të ndalet në faktorët që e kanë sjellë në këtë situatë kaq të vështirë biznesin shqiptar, madje ai nuk ka dhënë asnjë rrugëzgjidhje tjetër përveç falimentimit. Por biznesi në Shqipëri jep mbi 80 për qind të Produktit të Brendshëm Bruto dhe është faktori kryesor që përcakton zhvillimin ekonomik të vendit. Specialistët thonë se një falimentim masiv i sipërmarrjeve në vend do të kishte kosto shumë të larta për ekonominë shqiptare duke rritur numrin e të papunëve dhe duke penalizuar rritjen ekonomike.

© Gazeta Shqip - 2006-2007

*~*~*~*~*

Dhe jo vetem do te rritet numri i te papuneve, por gradualisht do te rritet dhe norma e inflacionit akoma me shume.. Do te zhvleresohet edhe me teper leku shqiptar etj etj etj..

[no name]

Ligji per gjobat i kalon Kuvendit

E Hene, 28 Maj 2007


Fatjona Mejdini

Qeveria ka vendosur te mos beje asnje ndryshim ne ligjin per gjobat e biznesit dhe ate per Auditin e Brendshem, pas mosdekretimit nga ana e Moisiut te ketyre nismave. Zevendesministri i Financave, Florion Mima dhe ai i Integrimit, Albert Gajo, deklaruan dje ne nje konference te perbashket per shtyp, pas konsultimeve ne Bruksel, se keto nisma ishin ne perputhje me standardet e Bashkimit Evropian. Sipas tyre, "nuk ka asnje arsye qe ligjet e qeverise te miratuara ne Kuvend dhe te rrezuara ne Presidence, t'i nenshtrohen ndryshimeve. Mima dhe Gajo vune ne dukje se BE vleresoi faktin qe keto nisma po ndermerreshin edhe ne kuadrin e menaxhimit te borxhit publik. "Perfaqesuesit e BE-se shprehen habine e tyre per mosdekretimin e ligjeve nga ana e Presidentit Moisiu", cituan dy zyrtaret e qeverise.

"Komisioni Evropian mbeshtet miratimin e ligjit te auditit te brendshem, ate te gjobave, vlereson sherbimin doganor dhe ate tatimor, si dhe vlereson perpjekjet e Qeverise shqiptare per menaxhimin e borxhit publik", detajuan dy zv/ministrat. Mima, shpjegoi se KE ka qene ne te njejtin mendim me Fondin Monetar Nderkombetar qe procesi i mbledhjes se detyrimeve te papaguara duhet te ndahet nga ai i ankimimit te subjekteve.

Nga ana tjeter, ne lidhje me ligjin e Auditit, Florion Mima vleresoi se Presidenti eshte keqkuptuar me kete nisme, duke qene se ndryshimet ne kete institucion nuk kane per qellim te konkurrojne me ligjin e Kontrollit te Larte te Shtetit. "Ne lidhje me ligjin e Auditit, komisioneret e BE-se thane se ka nje keqkuptim te madh me kete ligj", evidentoi Mima. Ai shtoi se ne kete pike KE ofron asistencen e saj teknike, per te argumentuar se projekti i paraqitur nga Qeveria shqiptare i permbush te gjitha standardet nderkombetare.

"Perfaqesuesit e KE-se nenvizuan se ky ligj nuk eshte konkurrues me ate ekzistues te Kontrollit te Larte te Shtetit, por ndihmon edhe me shume kete te fundit, per plotesimin e funksioneve te tij", citoi zv/ministri i Financave Mima. Te dy zv/ministrat kembengulen se FMN dhe KE, kane mbeshtetur edhe iniciativat e qeverise per taksen e sheshte. Po keshtu, Mima dhe Gajo evidentuan faktin se "KE u njoh me permiresimet e situates energjetike dhe minimizimin e efekteve qe vijne nga mungesa e energjise mbi ekonomine shqiptare". Organizmi evropian ka marre te dhena konkrete dhe per masat afatshkurtra dhe afatmesme qe po ndermerren per permiresimin e situates financiare te Korporates Elektroenergjitike Shqiptare.

[no name]

BE: Nisma per gjobat e biznesit dhe per Auditin ne perputhje me standartet

E Hene, 28 Maj 2007


Fatjona Mejdini

Partia Demokratike duket e vendosur per te mos bere asnje ndryshim ne ligjin per gjobat e biznesit dhe ate per Auditin e Brendshem edhe pas refuzimit edhe pas mosdekretimit nga ana e Moisiut te keyre nismave. Zv/ministri i Financave, Florion Mimo dhe ai i Integrimit, Albert Gajo deklaruan ne nje konference te perbashket per shtyp pas konsultimeve ne Bruksel se keto nisma ishin ne perputhje me standartet e Bashkimit Europian dhe nuk kishin asnje arsye per t'ju nenshtuar ndryshimeve. Sipas tyre, BE vleresoi faktin qe keto nisma po ndermerreshin edhe ne kudrin e menaxhimit te borxhit publik si dhe perfaqesuesit e BE-se shprehen habine e tyre per mosdekretimin e ketyre drafteve nga ana e presidentit Moisiu.

" Komisioni Europian mbeshtet miratimin e ligjit te auditit te brendshem, ligjin e gjobave, vlereson sherbimin doganor dhe ate tatimor, si dhe vlereson perpjekjet e Qeverise shqiptare per menaxhimin e borxhit publik Perfaqesuesit e BE-se shprehen habine e tyre per mosdekretimin e ketyre ligjeve", u shprehen diten e djeshme dy zv/ministrat. Zv/ministri Financave, Mima shpjegoi se KE ka qene ne te njejtin mendim me FMN qe procesi i mbledhjes se detyrimeve te papaguara duhet te ndahet nga procesi i ankimimeve te subjekteve. Nga ana tjeter ne lidhje me ligjin e Auditit, Florion Mima theksoi se presidenti eshte keqkuptuar me kete nisme, duke qene se ndryshimet ne kete institucion nuk kane per qellim te konkurrojne me ligjin e Kontrollit te Larte te Shtetit.

"Ne lidhje me ligjin e Auditi komisioneret e BE-se thane se ka nje keqkuptim te madh me kete ligj dhe ofruan asistencen e tyre teknike per te argumentuar se projekti i paraqitur nga Qeveria shqiptare i permbush te gjitha standardet nderkombetare. Perfaqesuesit e KE-se nenvizuan se ky projektligj nuk eshte nje ligj konkurrues me ligjin ekszitues te Kontrollit te Larte te shtetit, por ndihmon edhe me shume kete te fundit, per plotesimin e funksioneve te tij ", deklaroi zv/ministri i Financave. Dy zv/ministrat theksuan se nga FMN-ja, edhe KE ka mbeshtetur edhe iniciativa e qeverise per taksen e sheshte. Po keshtu zv/ministrat theksuan se KE u njoh me permiresimet e situates energjitike dhe minimizimin e efekteve qe vijne nga mungesa e energjise mbi ekonomine shqiptare, si dhe masat afatshkurtra dhe afatmesme qe po ndermerren per permiresimin e situates financiare te KESH.

Ligji i gjobave, mazhoranca veshtiresi per te rrezuar dekretin e Moisiut

Mosndryshimi i ligjit te gjobave nga ana e PD-se rrezikon edhe miratimin e tij ne Kuvend, duke qene se kerkohen 71 vota te mazhorances per te rrezuar dekretin e Moisiut i cili e ka kundershtuar kete ligj. Nga aleatet e PD-se, 3 deputetet e PBDNJ-se jane shprehur se do te qendrojne kunder ligjit, duke qene se e quajne te gabuar dhe kane votuar kunder tij qe heren e pare kur eshte votuar ne Kuvend. Nga ana tjeter, deputeteve te djathte kunder ligjit si Spartak Ngjela dhe Bujar Leskaj, pritet t'ju shtohet edhe vota kunder e deputetit te Shkodres, Gilman Bakalli dhe ajo e biznesmenit ne grupin e PD-se, Sami Gjergjit. Po keshtu grupi parlamentare i PDK-se ende nuk ka marr nje vendim mbi miratimin ose jo te kesaj nisme. Kryetari i grupit te PDK-se, Nikoll Lesi u shpreh per " Koha Jone" se diten e sotme pritet te merret vendimi per miratimin ose jo te kesaj nisme te mosdekretaur nga ana e presidentit Moisiu. Megjithese kryetari i PDK-se, Nard Ndoka ka theksuar se do te votoj pro kesaj nisme, refuzimi i pjeses tjeter te grupit parlamentare te PDR-se per ta votuar, do te sjell qe dekreti i Moisiut te mos arrij te rrezohet dhe per pasoje nisma e PD te mos qendroj me. Nga ana tjeter ne rastin se 71 votat e mazhorances e miratojne kete nisme, presidenti Moisiu nuk ka te drejten te ndaloj hyrjen ne fuqi te ketij ligji. Pak kohe me pare kryeministri Berisha ka deklaruar se ne keto nisma te rendesishme nuk kishte nevoje te nderrmerej asnje ndryshim, duke qene se ishin ne perputhje me standartet e BE-se.

F.M




Koha jone

[TOKE GEGA]

E Ka Kthyer Kapteri I Mafjes Se Binte Ne Kallon E Mafjes Shqipetare .ku

Kapteri Ka Poste Te Rendesishem Ne Mafjen Shqipetare!!!

Parlamenti Do Ta Miratoj Perseri Pa Asnje Ndyshim !!!!