Gangsteret adoleshente, pjesa me e rrezikshme e Shoqerise.

[erzeni]

GAZETA shqiptare

.........

Të dyja kushërirat që janë në reanimacion, kanë pësuar shembje të rënda në kokë. Alketa 13 vjeçe ndodhet në Kirurgji, pas aksidentit që pësoi bashkë me shoqet e saj. Ajo është në gjendje shoku, pas tronditjeve të mëdha trupore që ka pësuar

Grupi i fëmijëve po hynte në oborrin e shkollës. Arrestohet autori i aksidentit, 16-vjeçarin Bajram Shehaj

Vjedh makinën, përplas 5 fëmijë
Kamëz, dy kushërirat Gjergji ende në gjendje kome


--------------------------------------------------------------------------------

TIRANE

Aksidenton pesë fëmijë në Kamëz, duke ngarë me shpejtësi një makinë të vjedhur. 17-vjeçari Bajram Shehaj, pasi ka grabitur dje një makinë, tip Nissan, ka përplasur me të pesë fëmijë që shkonin në shkollë.

Prej këtij aksidenti, dy kushërira janë në koma. Pranvera 13 vjeçe dhe Agia 11 vjeçe, janë në reanimacionin e Spitalit Ushtarak. E plagosura tjetër, Alketa Disha, 13 vjeçe, është e shtruar në Kirurgji. Dy fëmijë të tjerë kanë pasur plagosje të lehta dhe mjekët i kanë mbajtur vetëm pak orë në spital. Kjo ngjarje e rëndë ka ndodhur dje në mëngjes rreth orës 7 e 30. Të katër vajzat dhe një djalë po i afroheshin oborrit të shkollës, si gjithë fëmijët tjerë, por një veturë jeshile nuk i la të shkonin në mësim. Policia ka arritur të kapë autorin e krimit, i cili, kur i është afruar oborrit të shkollës së Kamzës, nuk ka ditur ta mbajë kontrollin e makinës. Në atë moment po mundohej të merrte kthesën në drejtim të Tiranës. Terreni me baltë, si dhe vetë pozicioni i shkollës, pothuajse në rrugë, kanë ndikuar që makina të devijonte për nga oborri i shkollës. Andej ishin drejtuar edhe pesë fëmijët, të cilëve përplasja me makinën u ka ardhur e papritur. Dy kushërirave Gjergji, që kanë pësuar fraktura të rënda në kokë, u është bërë kontrolli mjekësor me skaner. Por asnjëra prej tyre nuk ka dalë nga gjendja e komës. Mjekët që hyjnë e dalin nga salla e reanimacionit, tregojnë se Pranvera është më rëndë, pasi ka edhe plagë në gjymtyrë. Sipas mjekëve, e ardhmja e saj është ende e pasigurt, ndërsa Agia ka më tepër shpresa për të jetuar. Të dyja kushërirat që janë në reanimacion, kanë pësuar shembje të rënda në kokë. Alketa 13 vjeçe ndodhet në Kirurgji, pas aksidentit që pësoi bashkë me shoqet e saj. Ajo është në gjendje shoku, pas tronditjeve të mëdha trupore që ka pësuar. Syrin e djathë e ka fare të nxirë nga hematoma e fortë që ka pasur. E gjithë faqja e djathtë i është enjtur dhe e ka shpërfytyruar adoleshenten e re. Ky për të duket se është një problem shumë i madh. Mundohet ta mbulojë sa mundet anën e djathtë të fytyrës dhe reagon shumë e stresuar, sidomos para kamerave që duan ta fiksojnë personazhin e ngjarjes së rrallë.

"Ty të ka babi mis", kërkon t'ia lehtësojë dhimbjet i ati. Por Alketa nuk e duron dot edhe serumin që i duket se nuk mbaron kurrë. Mundohen më kot të afërmit ta qetësojnë. Prej shokut që po kalon, ajo e humbet nganjëherë fillin e bisedës dhe flet shumë e nevrikosur. Reagoi ashpër edhe kur në spital i shkuan për vizitë shoqet e shkollës, dhe nuk foli me asnjërën prej tyre. I gjithë problemi është te "paraqitja e prishur". Vajzat përloten tek e shohin ashtu të deformuar. Ndërsa do të dalin nga dhoma e të sëmurës, Adelës, më të ndjeshmes prej shoqeve i bie të fikët te dera. Për një moment vëmendja e turmës që ishte në dhomë përqendrohet tek ajo. Por ndihma e shpejtë arrin ta qetësojë.

......
Prindërit: S'dinë asgjë për aksidentin

Familjarët presin me ankth pas derës së reanimacionit


--------------------------------------------------------------------------------

TIRANE

Fëmijët që u aksidentuan dje në Kamëz, nuk i shoqëronte asnjë i rritur. "Ishin të pestë së bashku dhe i linim pa merak", thonë familjarët. Nëna e Ages e ka nisur të bijën në shkollë dhe është nisur e qetë për në punë. Nuk ka punuar shumë dje, se i ka mbërritur shumë shpejt lajmi i plagosjes së të bijës. "Sa shkova, më thanë se vajzën ta kanë përplasur bashkë me vajzën e kunatit". Gruaja e re, megjithëse mundohet ta ruajë qetësinë, ka mbërritur me një frymë në spital, kur i thanë për të bijën. Por nuk i ka ende të qarta rrethanat e ngjarjes. Prapë është më e fortë se kunata e saj që pret një fjalë të mirë për Pranverën. Familjarët e dy kushërirave rrinë së bashku pas dyerve të spitalit dhe nuk bëjnë shumë komente. Asnjëri nuk di të tregojnë diçka tjetër veç asaj që kanë dëgjuar. Kur hapet dera e reanimacionit, hyjnë t'i shohin vajzat me radhë. Vizitat atje bëhen me radhë, që të mos shqetësohen shumë të sëmurët. Familjarët dalin të tronditur nga gjendja në të cilën i shohin vajzat. Të vështirë e kanë sidomos dy nënat, kur u vjen radha të futen në sallë. Burrat e familjes vendosin në oborr të spitalit "grafikun" e atyre që do bëjnë roje. Nuk duan t'u ndahen për asnjë moment vajzave edhe gjatë natës. Por edhe nuk tregojnë shumë për to dhe as për gjendjen e tyre shëndetësore. Duan t'i ruajnë deri në fund shpresat.

........


Ja cthote gazeta mes tjerash:
"Në atë moment po mundohej të merrte kthesën në drejtim të Tiranës. Terreni me baltë, si dhe vetë pozicioni i shkollës, pothuajse në rrugë, kanë ndikuar që makina të devijonte për nga oborri i shkollës. Andej ishin drejtuar edhe pesë fëmijët, të cilëve përplasja me makinën u ka ardhur e papritur."

Pra fajin e ka balta dhe pozicioni shkolles e jo ky krimb i ndyre 17 vjecar. Kamza duhet pastruar nga plehrat me dy kembe se at jetojne familjet me te ndyra te Shqiperise tash 50 vjet.

Le te jete Kamza nji vend piktoresk me Shkolla e fakultete e jo me qelbaniker. Pllembe e shpi gangosh eshte Kamza.


................
Sa kushton nji pakujdesi????????????

Iku nji nxenes nga pakujdesia e tije dhe e mesuesve.
......


"Karl Gega" mbulohet në zi

17 vjeçari vdes në Spitalin Ushtarak


--------------------------------------------------------------------------------

Shkollën e Mesme të Ndërtimit "Karl Gega" e mbulon hidhërimi.

Vdes në Spitalin Ushtarak 17-vjeçari Fabian Zeqo, i cili dy ditë më parë është rrëzuar nga muri i shkollës, në Qytetin e Nxënësve. Megjithë përpjekjet e bëra nga personeli mjekësor i Spitalit Ushtarak, dje paradite nxënësi i vitit të katërt të shkollës së Ndërtimit, u nda prej prindërve dhe shokëve të tij, të cilët i qëndruan pranë deri në momentet e fundit. Në kartelën e tij u shkruajt "Trauma cronio cerebrale", ndërkohë që shkaku i vdekjes së 17 vjeçarit ishte aksidenti që ndodhi të mërkurën rreth orës 10.00, ku Fabiani dhe shokët e tij të klasës po punonin për meremetimin e murit rrethues. Menjëherë pas këtij aksidenti, nxënësi i vitit të katërt u dërgua në Spitalin Ushtarak, ku iu nënshtrua injeksioneve mjekësore. Vetë mjeku i rojes së Spitalit, deklaroi gjatë së mërkurës se "gjendja e Fabianit është tepër e rënduar". Ndërsa gjatë ditës së djeshme, burime brenda spitalit thanë se dëmtimet në fytyrën e 17 vjeçarit kishin qenë tepër të rënda. Sidoqoftë deri në orët e mëngjesit ekzistonte një shpresë për mundësinë e shërimit të tij. Edhe të afërmit e Fabiamit patën shumë shpresë se plagët do t'i përmirësoheshin. Por ndodhi ajo që nuk pritej dhe gjatë orëve të paradites, në shkollën "Karl Gega" u hap lajmi për keqësimin e gjendjes shëndetësore të 17 vjeçarit. Kjo i trishtoi shumë ata, ndërkohë që pas mbrritjes së lajmit për vdekjen e Fabianit, nxënësit dhe mësuesit e shkollës i mbuloi pikëllimi. Shumë prej tyre nisën të merreshin me përgaitjet e kurorave ndërsa të tjerë qanin me zë. "Fabiani ishte njeri prej djemve më të edukuar të shkollës sonë", na tha njeri prej mësuesve të tij. Nga ana tjetër në shtëpinë e Fabianit gjatë ditës së djeshme kishte pllakosur trishtimi. Babai i Fabianit Gëzim Zeqo është me origjinë nga Tepelena, por aktualisht familja e tij banon në Tiranë. Vetë Gëzimi është me profesion murator dhe njihet si njeri prej mjeshtrave të këtij zanati. Por vdekja e Fabianit e ka hidhëruar së tepërmi pjesëtarët e familjes Zeqo, të cilët gjatë pasdites së djeshme prisnin vizitat ngushëlluese në shtëpinë e tyre. Në këto vizita kanë qenë të pranishëm të gjithë nxënësit e klasës së tij, si edhe ata të klasave paralele, ose personeli i mësuesve.

[erzeni]

Klinika e të miturve jep alarmin

Krimi, 2000 fëmijë çdo vit në polici


--------------------------------------------------------------------------------

ga.ja

TIRANE

Një nga dukuritë negative të shoqërisë sonë 12-vjeçare demokratike, midis të tjerash, është edhe rritja në mënyrë të ndjeshme e kriminalitetit te të miturit e moshës 14-18 vjeç. Shkaqet e kësaj dukurie janë trajtuar disa herë nga sociologë dhe psikologë të ndryshëm, por problematik mbetet edhe fakti i trajtimit të këtyre të miturve, kryesisht në komisariatet e policisë, por edhe në burgje. Sipas disa statistikave të Klinikës Ligjore për të Miturit, në katër komisariatet e policisë së kryeqytetit shoqërohen mesatarisht rreth 2 000 minorenë në vit, të cilët qëndrojnë aty nga disa orë deri në dy ditë. Ndërkohë që në burgjet e Tiranës kryejnë dënimin rreth 80 të mitur. Arrestimi i tyre bëhët kryesisht për veprat penale të vjedhjes së thjeshtë, vjedhje me armë, armëmbajtje pa leje, plagosje dhe vrasje. Pothuajse pjesa më e madhe këtyre të miturve nuk kanë ngrohtësinë familjare dhe kanë braktisur shkollat. Sipas vëzhgimeve të specialistëve të Klinikës Ligjore për të miturit, këta të fundit sapo shoqërohen nëpër komisariate bëhen objekt dhune nga policët. Ata keqtrajtohen fizikisht si ndëshkimi më i parë, për atë çfarë kanë bërë. Përdorimi i dhunës fizike në emër të mospërsëritjes së veprës penale, sipas specialistëve, nuk bën gjë tjetër vetëm se e egërson më shumë të miturin, i cili pasi del nga komisariati është i prirur të ripërsërisë në mënyra të tjera veprën penale. Diçka më i zbutur është trajtimi i të miturve në burgje. Por ndërkohë që në qeli të miturit nuk janë më objekt dhune, për ta mungon programi social për rehabilitimin dhe shkëputjen e tij nga fenomenet e dënueshme. Të burgosurit e mitur pothuajse gjatë gjithë kohës rrinë kot duke dëgjuar bëmat e shokëve të tyre. Mungesa e aktiviteteve në burgje bën që të paktën një e katërta e të burgosurve të mitur të rikthehen në qelitë e burgut si përsëritësa. Në kushtet e këtij realiteti, specilaistët sociologë apelojnë që burgu për të miturit të mos shikohet më si një vend ku vuhet dënimi, por si një institucion për rehabilitmin dhe integrimin e tyre, larg krimit dhe fenomeneve të tjera të dënueshme.

........