Ekonomia

[Gerrard]

Ministri Basha ka premtuar lidhjen e kontratave koncesionare gjatë vjeshtës për mirëmbajtjen e rrugëve


Qeveria sërish ka deklaruar mbështetje për zhvillimin e biznesit dhe ecurinë normale të tij. Ka qenë kryeministri Sali Berisha, i cili në një seminar të organizuar nga Ministria e Punëve Publike dhe BERZH-i ka deklaruar se shteti do të japë të gjitha garancitë në ndihmë të biznesit, si dhe do të jetë partner i biznesit në projekte të shumta. Seminari me temë “Financimi i infrastrukturës rrugore dhe partneriteti publik-privat”, është zhvilluar dje para dite dhe në të kanë marrë pjesë edhe disa ministra të qeverisë “Berisha”. Mbështetjen për biznesin dhe zhvillimin e partneritetit e ka deklaruar edhe ministri Basha, i cili është mbështetur në lidhjen e kontratave koncesionare. Si Berisha, ashtu edhe Basha kanë bërë të ditur se kontratat e rëndësishme që do të vijnë në të ardhmen do të jenë koncesionare dhe me një partneritet me shtetin.
Berisha
Duke folur për eksperiencat e vendeve të ndryshme, si dhe ligjin e koncesioneve, kryeministri Sali Berisha ka thënë në seminarin e djeshëm se “Partneriteti publik-privat nuk është i vetmi mjet shërues i problemeve të mëdha të ndërzhvillimit që ne kemi trashëguar, por ai është një instrument shumë i fuqishëm për mobilizimin e burimeve, të cilat mund të jenë të shmangura, të copëzuara dhe si të tilla, mbeten jashtë qarkullimit ekonomik”. Pas kësaj Berisha ka sqaruar se “Në projektet e mëdha të qeverisë, në të gjitha pa përjashtim, ka hapësirë të madhe për partneritetin publik-privat. Rrugë, në radhë të parë. Dhe unë mendoj se kësaj forme duhet t’i ofrohen segmente më të sigurta. Shteti duhet të jetë në kushtet aktuale rrezikmbajtësi kryesor, sepse në perspektivën e zhvillimit shteti ka të gjitha garancitë për superimin e këtyre rreziqeve, të cilat mund të bëjnë të ndrojtur sektorin privat për t’u angazhuar në këtë partneritet. Ne jemi të vendosur me shpejtësi dhe në një hapësirë të madhe të operojmë në këtë fushë, ne do të jemi koncesionarë në bordet tona dhe pa përjashtim në të gjitha, po të jetë e mundur, ne do të jemi koncensionarë në aeroporte - Rinasi është tashmë-, do të jemi koncensionarë në hidrocentrale, në termocentrale, në rrugë”
Basha
Ministri i Punëve Publike, Transporteve dhe Telekomunikacionit ka qenë më konciz në lidhje me bashkëpunimin me sektorin privat. Ai ka thënë se pas pak muajsh do të lidhen kontrata koncesionare me subjekte private dhe kjo do të bëhet dhe në vitet e ardhshme. “Duke nisur nga vjeshta e këtij viti do të tentohet të lidhen kontrata koncesionare për mirëmbajtjen e rrugëve, duke u nisur nga rezultatet e frytshme që ka dhënë kjo formë në shtetet e tjera evropiane”, - tha Lulzim Basha. Ndërkohë, sipas tij, në vitin e ardhshëm do të fillohen të zbatohen më shumë skemat e dhënies me koncesion, por duke mbajtur në kontroll procesin e tenderimeve. Në këtë pikë, sipas specialistit të Bankës Evropiane për Rindërtim dhe Zhvillim (BERZH), janë shprehur se rregullat për tenderimet duhet të jenë të qarta dhe nuk duhet të ndryshohen gjatë procesit.


Porti i Durrësit, i pari në listë për koncesion

“Nëse do të flitet për dhënie me koncesion, atëherë Porti i Durrësit rezulton të jetë ndër të parët në listë”

TIRANË-Ministri i Punëve Publike, Transportit dhe Telekomunikacionit, Lulzim Basha, ka hedhur dje idenë e zbatimit të një forme koncesionare, edhe për portin detar më të madh në vend, atë të Durrësit. “Nëse do të flitet për dhënie me koncesion nga ku mund të rritet përfitimi ekonomik, atëherë Porti i Durrësit rezulton të jetë ndër të parët në listë”, - është shprehur dje ministri Basha. Sipas tij, interesi komercial është përparësia kryesore për zbatimin e një koncesioni, si në infrastrukturë ashtu edhe në shërbime. Përsa i përket të ardhmes, ministri Basha theksoi se koncesionet në Shqipëri do të jepen për menaxhimin ekskluziv, në radhë të parë, e pastaj edhe për ndërtimet në infrastrukturë. Sipas tij, për Portin e Durrësit do të bëhet një shtrim, duke u bazuar edhe te koncesioni i aeroportit “Nënë Tereza” në Rinas. Por Porti i Durrësit nuk do të jetë i vetmi që do të trajtohet me koncesion. “Portet janë të parat në listë për t’u dhënë me koncesion”, - theksoi Basha, duke parashtruar idenë e dhënies me koncesion të të gjitha porteve në vend. Institucione të rëndësishme monetare ndërkombëtare, me anë të rekomandimeve të vazhdueshme, e kanë nxitur qeverinë për ta zbatuar koncesionin si një formë efikase për menaxhimin dhe ndërtimin e infrastrukturës. Megjithatë, ende nuk është dhënë një datë e saktë se kur të nisë procesi i dhënies me koncesionit të portit të Durrësit, port në të cilin vitin e kaluar u trajtuan 501 mijë pasagjerë, kundrejt 355 mijë pasagjerëve të regjistruar në vitin 2004, si edhe 75 600 automjete, nga rreth 32 mijë të numëruara gjatë 2004-ës...

[Gerrard]

Në buxhetin e vitit 2006 qeveria ka parashikuar që pagat e arsimtareve e të punonjësve të shëndetësisë të rriten me 20%; ato të infermiereve me 25%.


Gjithashtu, edhe pagat e ulëta të punonjësve në varësi të institucioneve qendrore dhe atyre që nuk janë nën shërbimin civil, do të rriten me 15%. Në këtë rritje do të jenë edhe pensionet e ulëta korresponduese. Të gjitha pagat e tjera do të rriten me 5%, duke filluar që nga 1 korriku. Por një vend i hapur për debat është lënë për kohën kur do të rriten këto paga. I pyetur nga gazetarët se kur do të bëhet rritja e pagave dhe pensioneve, Bode është përgjigjur se, veç pjesës së deklaruar, që ka qenë pjesë e politikave të përvitshme të buxhetit (zakonisht fillon nga 1 korriku), për këtë vit që vjen është parashikuar të çlirohet një fond i mjaftueshëm për ta bërë të qenësishme rritjen e pagave apo pensioneve, jo më 7-8%. Ndërkohë, të ardhurat nuk kanë pësuar asnjë ndryshim, ndërkohë që e njëjta gjë nuk ka ndodhur me shpenzimet. Ndryshimi më i madh ka ndodhur me shpenzimet operative për mirëmbajtje të zyrtarëve (naftë, celularë etj.). Kështu, shpenzimet operative për mirëmbajtje llogariten që për vitin 2006 të jenë rreth 21,5 miliardë lekë nga 21,9 miliardë që janë parashikuar për këtë vit. Në terma reale (në raport me GDP), shpenzimet operative për mirëmbajtje për vitin 2006 pritet të jenë 2,4% e GDP-së. Shuma e shpenzimeve që ka llogaritur qeveria për pushtetin lokal është rritur me 300 milionë lekë, dhe ka shkuar në 21,2 miliardë ose 2,4% e GDP-së. Gjithashtu, është marrë vendimi për ndryshimin e shumës së granteve të qeverisë qendrore për pushtetin lokal, e cila tashmë ka shkuar në 21,2 miliardë lekë, pas ndryshimit. Kështu, nga 0,8% të GDP-së që ishte llogaritur granti i qeverisë për buxhetin lokal, për vitin 2006 do të jetë 1,1%.

Dokle: Rritja ekonomike më e ulët e 8 viteve

TIRANË-Namik Dokle ka kundërshtuar “Projekt Buxhetin 2006” duke thënë se “me këtë buxhet po dëgjojmë vetëm jehonat e premtimeve”. Dje në Parlament, Dokle deklaroi se buxheti për vitin që vjen parashikon rritjen ekonomike më të ulët në 8 vitet e fundit. “Buxheti i vitit 2006 cënohet nga ritmet e rritjes ekonomike. Është viti me projeksionin më të ulët të rritjes ekonomike në dekadën e fundit. Gjatë qeverisjes socialiste rritja ekonomike ka qenë 6 deri në 8 për qind, zoti Berisha me mijëra herë në mitingje na futi me zor në timpanin e veshit se në qeverinë e tij kjo rritje ekonomikë do të ishte mbi 8 për qind”,- tha mbrëmë Dokle. Ndërsa për rritjet e premtuar të pagave dhe pensioneve, Dokle tha se “rritja e pagave nuk bazohet në rritjen ekonomike, por pretendohet se do të bazohet në parullat enveriste “kursim, kursim dhe vetëm kursim”. Por akoma më keq ndodh me 560 mijë pensionistë të cilët trajtohen në mënyrën më të keqe. Po kështu po veprohet dhe me pensionet e ish- ushtarakëve, të cilëve u mohohet pensioni”. Ndërsa për ekonominë e vendit ai tha se “synimi qeverisë thotë që ekonomia shqiptare të arrijë në nivelet e larta të rritjes ekonomike, 6-8 për qind në vit. Nga 53 zëra investimesh në buxhet, vetëm 12 vijnë në rritje, 3 në të njejtin nivel dhe 38 zëra të tjerë vijë me ulje”.

Koçi: Berisha nuk mundi t`i shpëtonte mashtrimeve

TIRANË- “Ky buxhet s’ka të ardhurat e nevojshme jo vetëm për të plotësuar premtimet e KOP-it, por as për t’u siguruar shqiptarëve atë standard jete që kanë pasur deri më sot. Për herë të parë pas 98 viteve qeverisje të së majtës, ky Parlament do të miratojë një buxhet që siguron vetëm 5 për qind rritje ekonomike, nga 7 deri në 8 për qind që është prezantuar në programin e qeverisë” u shpreh dje në Parlament deputeti Petro Koçi. Në fjalën e tij për “Projekt buxhetin 2006”, Koçi tha se “Berisha nuk mundi t`i shpëtonte kalvarit të mashtrimeve kësaj radhe më të amplifikuara dhe më të sofistikuara tek i fuste shqiptarët në vorbullën e termave rritje ekonomike, xhidipi, që një drejtor i juaj i thotë GDP, inflacionit dhe kontigjencës. A thua të jetë kaq e vërtetë që njerëzve t’u shkulësh nga kujtesa fjalët dyfishim rrogash, trefishim pensionesh, ujë e drita 24 orë, rrugë rurale e autostrada, e spitale për këdo, që me aq kujdes lideri i ri i pozitës ua nguli në mendje, dhe që me vitin e parë të qeverisjes do t`i bënte me buxhetin e vitit 2006”.

Malaj: Buxheti, mashtrim ndaj shqiptarëve

TIRANË-Ish- ministri i Financave, Arben Malaj, e ka cilësuar projekt buxhetin si një mashtrim ndaj shqiptarëve. Malaj tha dje në Parlament se nuk realizohet rritja e pagave, pensioneve dhe investimeve të tjera në masën e premtuar. “Pagat sot janë në buxhet rreth 59 miliardë lekë, pensionet rreth 40 miliardë lekë, investimet e brendshme rreth 25 miliardë lekë. Pra në total janë 125 miliardë, ndërsa rritja e të ardhurave tuaja është vetëm 11 miliardë lekë, dhe asnjë aritmetikë nuk i çon më shumë se 10 për qind. Politika e uljes së shpenzimeve operative do të rezultojë negative. Mirëmbajtja e shkollave, spitaleve, rrugëve do të përkeqësohen. Do të duhen disa herë më shumë para në një kohë të dytë”,- tha Malaj dje. Ndërsa për nivelin e rritjes ekonomike, ish- kreu i Financave shqiptare u shpreh se “rritja ekonomike mund të jetë në vështirësi në 2006 pasi jo po bllokoni pushtetin vendor. Shtyrja dhe vonesa për konfigurimin pas zgjedhjeve do të pakësojë e bllokojë përkohësisht investimin privat. Rritja ekonomike cënohet dhe nga pavarësia e institucioneve të pavaruara. Shifra më ambizioze është rritja e investimeve, ajo fsheh të gjitha mosrealizimet tuaj. Keni një rritje rreth 60 për qind, nga 11 në rreth 23 miliardë lekë”.

[Gerrard]

Projekti prej 1,5 milionë eurosh,

Certifikimi i produkteve shqiptare sipas standarteve te Bashkimit Europian


Bashkimi Europian do të financojë një projekt të ri për të mbështetur kompanitë shqiptare në arritjen e standardeve. Projekti dyvjeçar, i quajtur suport për standardizimin, certifikimin dhe akreditimin në Shqipëri, ka për qëllim përmirësimin e kapaciteteve shqiptare të eksportit.

Ky projekt është cilësuar si shumë i rëndësishëm nga ekspertë të ndryshëm, për faktin se ai pritet të rrisë numrin e kompanive shqiptare që eksportojnë në vendet e BE-së. “Ne mendojmë që të mbështesim kompanitë shqiptare me asistencë teknike, për t’ua lehtësuar atyre arritjen e standardeve, të cilat unë do t’i quaja si pasaporta e produkteve shqiptare për të hyrë në Europë,” u shpreh Frederique Darmstaedter, drejtoresha e projektit me zyra ne Bruksel. Kostoja e projektit do të jetë rreth 1,5 milionë euro dhe do të financohet plotësisht nga Bashkimi Europian. Ekspertët e BE-së, në bashkëpunim me ata të Drejtorisë së Përgjithshme të Standartizimeve, do të ofrojnë asistencë teknike dhe konsulencë për çdo kompani shqiptare që kërkon të certifikohet sipas standardeve ISO.

Sipas Xhorxh Molak, shefi i këtij projekti për Tiranën, një rëndësi shumë e veçantë do t’u kushtohet kompanive që operojnë në industrinë ushqimore, pasi për këto kompani certifikimi është mëse i domosdoshëm. “Puna jonë do të konsistojë kryesisht në ndërgjegjësimin e prodhuesve shqiptarë për rëndësinë që ka standardizimi, dhe për këtë do të punojmë shumë në bashkëpunim me specialistët e Drejtorisë së Përgjithshme të Standardizimit,” u shpreh Molak.


Standardizimet në Shqipëri
Aktualisht në vendin tonë janë të cetifikuara me standardet ISO vetëm 11 kompani të certifikuara sipas standardeve ISO, dhe 2 sipas sistemit HACCP. Ky është një numër shumë i vogël në morinë e bizneseve të shumta që operojnë në vendin tonë. “Ne do të kontaktojmë çdo kompani që do të shprehë dëshirën për t’u certifikuar. Besoj që në përfundim të këtij projekti të kemi edhe 10 kompani të tjera të certifikuara, dhe kjo është një gjë shumë pozitive,” deklaroi drejtori i Drejtorisë së Përgjithshme të Standardizimeve, Arben Nati. Sipas tij, mungesa e certifikatave të cilësisë ka qenë dhe vazhdon të jetë pengesa më e madhe për shumë kompani shqiptare që duan t’i eksportojnë produktet e tyre në vendet e BE-së.

Duke pasur parasysh edhe faktin se Shqipëria ka një deficit tregtar shumë të lartë, në raport kjo me volumin tregtar, certifikimi bëhet shumë i domosdoshëm. Megjithatë, sipas drejtuesve të Drejtorisë së Përgjithshme të Standardizimit, kohët e fundit po vihet re një rritje e ndërgjegjësimit të kompanive shqiptare për t’i certifikuar produktet e tyre.

[Gerrard]

Ndryshimi i qeverive është një shans i mirë për të mësuar edhe statistikat reale të ekonomisë kombëtare. Instituti i Statistikave publikoi dje një rivlerësim të Produktit të Brendshëm Bruto për vitet e kaluara


Ndërhyrja e politikës në statistikat që raportojnë ministritë dhe institucionet e tjera publike ka qenë thjesht një lojë që ka bërë që ata pak njerëz që i kuptojnë statistikat, ose të shajnë me vete për gënjeshtrat, ose të vegjetojnë me to.
Por gjithsesi, një praktikë e mirë është nisur me rivlerësimin pas shumë vitesh të të dhënave ekonomike, gjë që sjell edhe statistika më realiste.
“Ekonomia shqiptare ka njohur rigjallërim gjatë vitit 2003, pas rënies së ritmeve të rritjes në periudhën ‘98-2002”, njoftoi dje Instituti i Statistikave. Të dhënat për vitin 2004, kur zyrtarisht PBB-PBB u rrit me 5,9% në terma realë, sipas vlerësimit të Ministrisë së Financave, nuk janë shqyrtuar ende.
Në bazë të statistikave të reja, Shqipëria njohu një krizë të thellë gjatë vitit 2002, kur produkti i brendshëm bruto u rrit me vetëm 6,2% në terma nominale, dhe vetëm 2,9% në terma reale.
Në fakt, kur viti 2002 u mbyll, shifra zyrtare e rritjes reale ishte 7%. Por pak muaj më vonë qeveria u ndryshua, dhe rritja e PBB-së u rivlerësua në “6 deri 6,5%”, sipas një deklarate të asaj kohe të ministrit të Financave, Kastriot Islami.
Vitin e kaluar INSTAT-i publikoi një vlerësim të ri, ku PBB e vitit 2002 ishte 3,4%. Shumë gazetarë mësuan në konfidencialitet se shifra e publikuar ishte pak më e lartë se vlerësimi real, dhe doli si rezultat i “negociatave” me Ministrinë e Financave. Natyrisht, shifra e publikuar dje është më e ftohtë politikisht, dhe tregon një rritje vetëm 2,9% në terma reale.
Nuk kishte se si të ndodhte ndryshe, po të kemi parasysh se viti 2002 ishte koha kur kriza energjetike arriti kulmin, ku prodhimi i energjisë elektrike ra në minimum, ndërsa pjesa dërrmuese e kompanive e ndërprenë prodhimin, si pasojë e mungesës së energjisë elektrike.
Sipas INSTAT-it, viti 2003 shënoi kthesë, pasi gjatë viteve ’98-2002 u vu re një ngadalësim i fortë i ritmit të rritjes së PBB-së. Gjatë vitit 2003, PBB-ja u rrit me 5,7% në terma reale, shifër kjo që është pranë rritjes potenciale që është vlerësuar në masën 6%.
Shkaktarët
Ekonomia shqiptare njohu ritmet më të larta të rritjes mes vendeve në zhvillim gjatë periudhës ’92-‘96, kryesisht si pasojë e nivelit të ulët, nga ku u nis pas kolapsit industrial të vitit 1991. Edhe shifrat e asaj kohe janë rivlerësuar në ulje me ftohjen e angazhimit politik, për të dhënë statistika të bukura. Si shembull është vlerësimi qeveritar për rritjen e PBB-së në vitin 1996, që rezultoi me rritje 12,5% në terma reale. Vlerësimi i mëvonshëm e reduktoi në 9%, gjë që gjithsesi është një shifër shumë e lartë, dhe se çdo qeveri mund të krenohet njësoj për rritjen ekonomike.
Problemi në këtë situatë gënjeshtrash politike është se në mungesë të shifrave reale, është e vështirë të kuptohen shkaqet që sjellin rritje apo frenim. Rrjedhimisht, është e pamundur të korrigjohet diçka, kur punët shkojnë keq. Shumë ekonomistë kanë disa pyetje (jopolitike) pa përgjigje, duke parë ngadalësimin e rritjes ekonomike në periudhën 1998-2002.
E para është se a ka pasur ndonjë ndikim në këtë fenomen politika e shtrënguar monetare, a ka dhënë efekt negativ forcimi i lekut apo mbajtja nën kontroll e inflacionit në nivele shumë të ulëta? Çfarë ndikimi kanë dhënë reformat strukturore në PBB? Sistemi fiskal i vendosur në vitin 1998 e frenoi rritjen ekonomike apo e nxiti?
Gjetja e shkaqeve dhe reagimi ndaj tyre mund të jetë i vonuar, por jo i kotë; në këto kohë kur politika priret të zbatojë apriori dhe pa asnjë shqyrtim formulat e gatshme të FMN-së apo teori ekonomike të shekullit të 18-të.

[Gerrard]

Ndermjetesimi financiar si
epiqendra e sistemit ekonomik.

Nje nga pikat me te rendesishme ne te gjithe sistemin financiar jane pikerisht ndermjetesit. Nga ndermjetesit me te rendesishem permendim BANKAT e grades se dyte.

Natyrisht nga pervoja,, sistemi ekonomik shqiptar ka hasur eksperienca jo shume pozitive me ndermjetesit financiar dhe kjo ka ndikuar menyre te veçante ne kulturen ekonomike. Ndermjetesit financiare jane themelor ne sistemin ekonomik te nje vendi sepse marin persiper rrezikun e e mospagimit te paleve kontraktuese, e cila eshte edhe rreziku me i madh qe haset ne tregun financiar, duke lene menjane faktoret e pavarur qe i nenshtrohemi vullnetarisht.

Kostoja qe hasin palet kontaktuese eshte mjaft e larte nese ato do perpiqeshin te gjenin njera tjetren pa ndihmen e ndermjetesve, gjithashtu edhe koha qe do humbisnin do ishte e konsiderueshme dhe gjeja me e rendesishme eshte se nese me nenshkrimin e nje kontrate a do ishin te sigurte palet qe secila ane do ti permbahej detyrave te veta?

Ja qe ketu shfaqja nevosa e ndermjetesve qe sigurojne shume kushte qe palet te jene te sigurta.

E para, secila ane mund ti drejtohet ndermjetesve dhe nuk kane nevoje te kerkojne njera-tjetren sepse qe te dyja gjenden tek ndermjetesit. E dyta koha qe ata humbin eshte relativisht shume me e vogel po ti drejtohen ndermjetesve sesa po te kerkonin vete. E treta dhe me e rendesishmja nese njera pale nuk i permbahet kontrates atehere pala tjeter nuk rrezikon gje sepse ne kete rast eshte ndermjetesi qe pergjigjet sepse kontrata mund te nenshkruhet ndermjet paleve dhe ndermjetesve dhe jo ndermjet paleve drejt per se drejti .

Nje nga ndermjetesit me kryesore jane Bankat, e cila siguria e tyre eshte nder me te lartat ne te gjith sistemin financiar. Ekzistojne edhe ndermjetes te tjere qe jane te specializuar ne sektor te veçante, si psh Shoqerit e ndermjetesimit imobiliar, Shoqerit financiare etj

Te gjitha keto shoqeri i nenshtrohen mbikqyrjes se autoriteteve shteterore per zhvillimin e aktiviteteve te tyre. Pra ato nuk jane te lira te bejne “ç’far duan” duhet te rrespektojne ligjet dhe rregullat qe legjislacioni i kushtezon. Dhe per keto fakte mund te kuptohet me thjeshte qe rreziku tek to eshte shume i vogel.
Pyetja me e rendesishme eshte se kur do fitohet besimi i humbur?

Nje pyetje qe aktualisht gjen pergjigje te shumta dhe jo korrekte sepse nese nuk meren masa per informimin ne keto fusha kaq te rendesishme dhe vitale per jeten ekonomike atehere dhe mentaliteti i fituar nuk do na pasqyroje korrektesisht ne kontributin drejt integrimit ne europe.

Marja e iniciativave shteterore drejt integrimit nuk do te thote vetem premtime ne fushata elektorale por edhe zbatimin e tyre ,informimin mbi hapat e zhvillimeve qe do kryhen dhe mbi te gjitha iniziativa per pasurimin e kultures ekonomike shqiptare.

[Gerrard]

Sistemi kompiuterik ne ditet e sotme eshte mese i domosdoshem, ne vendin tone pak njerez e njohin mire potencialitetin e kompiuterit.
Ne te gjith boten tashme njerzit e shohin si nje mjet i cili u lehteson shume punen, jo vetem nga ana e shpejtesise se ekzekutimit por edhe nga ana e uljes se asimetris informative.
E cila kjo gje nga pikpamja ekonomike ul koston ne nivele mjaft te konsiderueshme.
Nese ne konsiderojme te gjitha pagesat qe kryejme ne sportele te ndryshme si uji,dritat etj do te verejme se pagesat behen me anen e librezave dhe sportelistet duhet te gjejne faturen perkatese ne pirgun me letra te ndryshme.
Natyrisht nuk pretendohet qe pagesa te behet me anen e internetit sepse ketu lindin probleme te tjera siç eshte ajo e sigurise se faqeve te internetit te cilat duan ekspert informatik qe ti mbrojne (mbrojtja me SSL me 128 bit) keto faqe.
Gjeja e rendesishme eshte qe faturat qe paguhen te memorizohen ne arkivin (DATABASE) e organit perkates ne kete menyre vete organi mund te gjeje mjaft thjeshte te gjithe personat.
Duke folur ekonomikisht kjo lloj proçedure ndihmon jo vetem ne permiresimin e efikasitetit dhe te efiçences por edhe ne uljen e korrupsionit.Kjo menyre nuk do ti lejonte punonjesit e ketyre organeve te administrates publike qe te manipulonin faturat per qellime vetiake.Ne te njejten kohe do te hapte nje rruge te re bisnesi ne kategorine e shoqerive informatike.
Erald Berberi