Bursa Shqipëtare

[Gerrard]

Euro ka shënuar një rënie të lehtë në kursin e këmbimit ndaj monedhës vendase duke u këmbyer në blerje me 126,38 lekë, 10 pikë më pak se një ditë më parë, por sërish në nivele relativisht të larta.

Dollari amerikan ka shënuar një rritje prej vetëm 6 pikësh, deri në 93,02 lekë.

Rritje shënuan edhe paundi britanik dhe franga zvicerane që u këmbyen me respektivisht 186,28 dhe 77,39 lekë.

[Gerrard]

Paundi britanik pësoi një rënie prej 0,4% deri në 2,0005$ pasi kishte arritur një ditë më parë në nivelin më të lartë në 26 vjet.

Rënia në nivelin e paundit erdhi pas një rënieje në nivele të ndjeshme të bursës kineze.

Paundi ra me 0,6% edhe ndaj monedhës japoneze duke u këmbyer me 236,06 jen.

Edhe euro u forcua deri në 67,91 pencë.

[Gerrard]

Dollari ju largua nivelit më të ulët të 2 vjetëve të shënuar ndaj euros, ndërsa investitorët ndoqën me kujdes disa zhvillime të ekonomisë amerikane për të kuptuar ecurinë e normave të interesit.

Shifrat e ardhura nga Zyra e Punës në SHBA, që tregon një rritje të lehtë në shifrat e papunësisë nuk patën ndikim të lartë në treg.

Euro pësoi një rënie të lehtë deri në 1,3595$, pasi kishte arritur në nivelin më të lartë në 2 vjet prej 1,3619$ të shënuar në fillim të ditës.

[Gerrard]

Banka e Shqipërisë, në bashkëpunim me Ministrinë e Financave zhvilloi dje ankandin e radhës për shitjen e bonove të thesarit të qeverisë.

Sipas Departamentit të Operacioneve Monetare pranë kësaj banke, në këtë ankand, Ministria e Financave ofroi për shitje bono thesari me maturim 3-mujor, 6-mujor dhe 12-mujor, të cilat do të përdoren për Bankën e Shqipërisë dhe për bankat e nivelit të dytë.



Nga totali prej 22.19 miliardë lekësh, 3.3 miliardë do të jenë bono me maturim 3-mujor, 6.4-miliardë do të jenë bono me maturim gjashtëmujor dhe 12.6 miliardë do të jenë bono me maturim 12-mujor.

Në ankandin e zhvilluar javën e kaluar u shitën vetëm bono me maturim tremujor, me një vlerë prej rreth 4.4 miliardë lekësh.

[no name]

Bonot e thesarit, rriten fitimet e bankave dhe individeve

E Hene, 07 Maj 2007

Blerina Hoxha

Te gjithe zoteruesit e kursimeve ne bono thesari, vecanerisht bankat e nivelit te dyte, rriten dukshem kete muaj fitimet e tyre nga investimet ne blerjen e letrave me vlere te qeverise. Pergjate prillit norma e interesit per bonot me maturim 1-vjecar u rrit me 0.6 per qind, duke arritur ne 7.6 per qind, nga 7.0 per qind qe ishte me pare. Po keshtu, normat e interesit jane rritur per te gjitha maturimet, 3 dhe 6-mujore, duke ndikuar keshtu ne rritjen me miliona dollare te fitimeve te bankave dhe individeve. Por nga ana tjeter kjo situate rrit koston e borxhit qeveritar, pasi buxhetit te shtetit i duhet te shlyeje me shume per interesa.

Ministria e Financave, nepermjet Bankes se Shqiperise, ne ankandin e fundit ofroi per shitje 1.3 miliard leke bono thesari per afat maturimi 3-mujor, nderkohe qe interesi shkoi ne 5.79 per qind nga 5.3 qe ishte ne fillim te prillit. Burimet nga Banka e Shqiperise bejne te ditur se, rritja e normes se interesit po vjen nga rritja e kerkeses se qeverise per pará. Ne ankandin e fundit bankat e nivelit te dyte ofruan vetem e gjysmen e parave "cash", qe kerkoi qeveria, duke ndikuar keshtu ne rritjen e normes se interesit.

Norma e fitimit qe bankat e nivelit te dyte po marrin nga investimet ne bonot e thesarit (letrat me vlere te qeverise) eshte shumefish me e larte se sa kane mundesi te fitojne bankat homologe ne vende te tjera nepermjet kesaj forme investimi. Bankat fitojne nga investimet ne bonot e thesarit me shume se 1.5 per qind, po t'i referohemi kostos se parase, nderkohe qe ne Itali fitimi i bankave per investimet ne bonot 12-mujore nuk eshte me shume se 0.006 per qind. Ndersa ne SHBA, interesi i bonove e thesarit eshte ende me i ulet. Ekspertet e Financave nga ana tjeter cilesojne se ne cdo rast norma i interesit qe ofrohet ne ankandet e bonove te thesarit nuk duhet te jete me diference te larte nga perqindja e interesit baze te lekut.

Banka Qendrore nga njera ane e ka cmuar lekun me 5.5 per qind interes, nderkohe qe realisht qeverise paraja "cash" nepermjet bonove te thesarit i jepet me nje interes 1.6 per qind me te larte. Ekspertet thone se, eshte detyre e Bankes Qendrore qe nepermjet politikave te saj monetare te gjeje likuidet e nevojshme per qeverine. Zgjidhje sipas eksperteve eshte pjesemarrja me e madhe e aktoreve ne blerjen e letrave te borxhit qeveritar me nje interes me te ulet.

Mirepo interesi i larte i bonove te thesarit, krahasuar gjithmone me interesin baze te lekut, krijon deformacione edhe ne tregun e huadhenies, pasi kredia qe bankat private japin per ekonomine ka gjithmone ne konsiderate normen e interesit qe jep banka qendrore. Ekspertet vleresojne se, automatikisht nje interes i larte ne shitjen e letrave me vlere te qeverise ndikon ne nje huadhenie me interes me te larte.

[no name]

Banka e Shqiperise lajmeron forcimin e lekut



Banka e Shqiperise ka lajmeruar serish vleresimin e lekut per shkak se, ekonomia vendase rrezikohet nga inflacioni. Ne analizen e fundit qe Banka beri per ecurine e ekonomise gjate tremujorit te pare te vitit vleresoi se, faktoret e rrezikut jane te pranishem si ne horizontin afatshkurter, ashtu edhe ne ate afatmesem. "Keshilli Mbikeqyres i Bankes se Shqiperise i kushtoi kujdes te madh peshimit te mundesive per materializimin e tyre ne te ardhmen, gje qe do te krijonte premisat per nje gjallerim te presioneve inflacioniste ne ekonomi, duke e bere te veshtire ankorimin metejshem te pritshmerive te agjenteve ekonomike rreth objektivit te synuar prej Bankes se Shqiperise", lajmeroi Banka e Shqiperise ne deklaraten e saj. Keshilli Mbikeqyres i Bankes se Shqiperise arriti ne perfundimin se keta faktore rreziku ende mbartin potencial te larte materializimi, fakt qe imponon domosdoshmerine e nje vigjilence te larte nga ana e politikes monetare per minimizimin e shmangies ne te ardhmen te inflacionit nga niveli i synuar 3 per qind me nje zone tolerance plus/minus 1 per qind.

[no name]

Deficiti fiskal, Shqiperia ka nivelin me te larte ne rajon



Shqiperia ka hendekun me te larte ne rajon ndermjet te ardhurave dhe shpenzimeve buxhetore. Sipas nje studimi te Komisionit Evropian per kete tregues gjate viteve 2000-2005 Shqiperia zvogeloi deficitin fiskal ne raport me Prodhimin e Brendshem Bruto nga -9.2 per qind, qe ishte ne 2000, ne -4.7 per qind ne fund te vitit 2000. Por pavaresisht kesaj uljeje Shqiperia ka nje deficit shume me te larte krahasuar me vendet e tjera ta rajonit. Madje Serbia dhe Bullgaria ne fund te vitit 2005 kane rezultuar me suficit. Per te mbajtur administraten e shtetit dhe per te realizuar nevojat e tjera, buxheti shqiptar harxhon disa miliarde leke me shume se sa ka mundesi te arketoje nga tatimet dhe taksat.

Ministria e Financave shpjegon nga ana tjeter se reformat e ndermarra dhe qe parashikohen te aplikohen gjate periudhes ne vazhdim si ne permiresimin e performances se administrates tatimore, ashtu edhe ne politiken e taksave parashikojne qe te ardhurat buxhetore per tre vitet e ardhshme do te rriten pergjate periudhes ne vazhdim. Keshtu gjate viteve 2008-2010 pritet qe te ardhurat e pergjithshme te buxhetit te arrijne ne 359.6 miliarde leke ose 27.8% e PBB ne vitin 2010, nga 26.1% e PBB qe parashikohen te arrihen ne fund te vitit 2007. Ndersa, te ardhurat tatimore ne fund te vitit 2010 parashikohen te arrijne ne 329.6 miliarde leke ose 25.5% e PBB, nga 23.7% qe parashikohen ne fund te vitit 2007.

Bazuar ne nivelin e te ardhurave buxhetore dhe nivelin e burimeve te financimit, shpenzimet totale buxhetore ne vitin 2010 do te arrijne ne 403.2 miliarde leke ose

31.2% e PBB, krahasuar me 303.1 miliarde leke ose 30.9% e PBB qe parashikohen ne vitin 2007. Keshtu qe edhe pas tre vitesh Shqiperia do te kete ende nje deficit fiskal te larte, qe do te jete rreth 500 milione dollare.





Deficiti fiskal, krahasuar me rajonin



Vendet 2000 2005

Shqiperia -9.2 -4.7

Bosnja -3.1 0.0

Bullgaria -1.0 +2.3

Kroacia -6.5 -4.2

Maqedonia. +2.5 -1.5

Rumania -3.8 -0.8

Serbia & Mali i zi -0.9 +0.2

[Zemrushja]

Në ankandin e fundit të bonove të thesarit të zhvilluar nga ana e Bankës së Shqipërisë, kërkesa e qeverisë për marrje borxhi, nuk është plotësuar nga ana e bankave të nivelit të dytë. Gjatë ankandeve të zhvilluara në harkun kohor të një viti janë shtuar rastet, në të cilat kërkesa nga ana e bankave të nivelit të dytë apo edhe individëve dhe institucioneve të tjera (që zënë një peshe të vogël në këtë aktivitet), nuk plotëson ofertën e qeverisë për bono thesari. Ankandi i radhës, ku Ministria e Financave ka nxjerrë për shitje rreth 14 milionë USD bono thesari, ka rezultuar me një emetim bonosh tremujore, prej vetëm 5.8 milionë dollarësh. Bankat e nivelit të dytë kanë kërkuar që të blejnë vetëm 8.4 milionë USD bono në këtë ankand, kur Ministria e Financave kishte nxjerrë në shitje 14 milionë USD. Edhe nga oferta e bërë nga ana e bankave, që ishte 8.4 milionë USD, janë pranuar vetëm 5.8 milionë USD. Interesi mesatar në ketë ankand ka qenë 5.8%. Kërkesa e ulët e bankave të nivelit të dytë për borxh qeveritar, mund të shpjegohet me presionin që bëjnë institucionet bankare në vend, për një rritje të normave të interesit të borxhit, në një kohë që blerësit më të mëdhenj të bonove të thesarit dhe letrave të tjera me vlerë, janë një numër i kufizuar bankash. Nga ana tjetër, rritja e shpejtë e kreditimit ka bërë që depozitat e bankave të nivelit të dytë të kenë një alternativë më të mirë investimi, që ofron një kthim më të madh në kushte të një risku që ende mbetet në nivele normale.
Rritje e re interesash

Gjatë mbledhjes të disa ditëve më parë të Këshillit Mbikëqyrës të BSH-së, është marrë në diskutim gjendja e ekonomisë dhe Banka e Shqipërisë ka bërë të ditur se është duke vëzhguar faktorët në krahun e ofertës dhe të kërkesës, në ekonomi. Në këtë diskutim, anëtarët e KM kanë bërë të ditur se ka faktorë potencialë që mund të japin goditje me pasoja inflacioniste. Por vendimi i BSH-së, edhe kësaj here ka qenë për një mbajtje të pandryshueshëm të normave të interesit për lekun. Megjithatë nga përfundimi i kësaj mbledhjeje të KM, nënkuptohet që BSH është duke parë mundësinë për një rritje të re në interesat e lekut. Norma bazë e interesit për monedhën vendëse lek, mbetet ende e pandryshuar ,në pritje të një rritjeje të mundshme në muajt në vazhdim.


Shekulli