Mitrovica

[Foleja_]

Shume u tha per qytetin e bukur te Mitrovices, por sa e njohim si qytet ? Perpos atyre qe jetojne apo jane nga Mitrovica , athua sa dine per kete qytet perpos qe per momentin eshte ( te mos them i ndare se me duket shume fjale e rende) qytet gjysme i paralizuar ? Po i sjelle disa informacione te shkurtera per ata qe duan te dijne diqka me shume per kete qytet.

P.s Qe do te ndahet , hiqeni nga mendja , e qe do te zgjas "sherimi " kjo eshte e ditur



Komuna e Mitrovicës është njësi administrative në pjesën veriore të Kosovës. Komuna e Mitrovicës shtrihet në fushën në mes të lumenjve: Ibër, Sitnicë dhe Lushtë si dhe në shpatijet e kodrave që e rrethojnë.

Pozita e mirë gjeografike në mes të tre lumenjve Ibrit, Sitnicës dhe Lushtes kane ndikuar që në parahistori ky territor të banohet. Me zhvillimin e xehetarisë këtij territori i shtohet edhe një komponentë e rëndësishme në ngritjen e në një qendër të rëndësishme të vendbanimit. Albaniku (Monte Argentraum) me pasurit e tija që nga koha antike e deri më sot ketë qendër e kanë bërë joshës për qëllime ekonomike. Sipas zbulimeve arkeologjike të bëra në ketë territor, lë të kuptohet se banoret më të vjetër ishin dardanët te cilët i tërhoqi mundësia e zhvillimit te bujqësisë. Me ardhjen e romakëve shendohet në një postë ushtarakë dhe vend përpunimi i metaleve. Pas sundimit romak ky territor bie nënë sundimin e Carit bullgar Simeonit (879-927) i cili sundim me vonë zëvendësohet nga familja e Njemanjve. Gjate sundimit të kësaj familje ky territore mbushët me ardhacakë sllave. Me ardhjen në fuqi të Car Dushanit vendasit fillojnë të kalojnë nga riti katolik në ritin orthodokës. Gjatë gjysmës së dytë të shekullit XIX, Mitrovica shëndrohet në një qendër të fuqishme. Në rrethinën e saj, në Boletin, prodhoheshin gurë mulliri "kosovar".


Pozita gjeografike është e volitshme për shkak të relievit. Korridori veri – jug përmes luginave Ibër – Sitnicë ka rëndësi ekonomike kulturore pasi e lidh atë me shumë vende të ndryshme. Qyteti kufizohet nga shpatet e Kreshbardhës (Kopaonikut), Rogoznës, Moknës dhe Qyqavicës. Territori i kësaj komune kufizohet me komunën e Zveçanit (në pjesën veriore), me komunën e Besianës (në pjesën lindore), me komunën e Vushtrrisë (në pjesën jugore), me komunën e Skënderajt (në pjesën perëndimore) dhe me komunën e Zubin Potokut (në pjesën veriperëndimore). Në drejtim të Sitnicës lidhet me Rrafshin e Kosovës. Qytetin, nga ana jugore e ndan prej bazenit të Kosovës kodrina tufoide e Bajrit (520 m).



Nga niveli i zhvillimit, që evidentohet përmes treguesve të ndryshëm ekonomikë-socialë, Mitrovica, ndonëse vendi me rezerva më të mëdha të plumbit e zinkut, gjatë periudhës 1913-1999 ka qenë rajoni më i prapambetur. Shkaqet e kësaj prapambetjeje nuk kanë qenë vetëm niveli fillestar i zhvillimit ekonomik-social, niveli profesional i prodhuesve kosovarë, por ndikimi negativ i faktorëve politikë dhe ekonomikë jugosllavë e besa edhe ndërkombëtarë, politika shtetërore e ndjekur ndaj Kosovës në përgjithësi dhe ndaj regjionit të Mitrovicës në veçanti. Qarqet drejtuese të Beogradit edhe në këtë mjedis kanë bërë trysni të madhe për shkombëtarizim, për shpërnguljen masive të shqiptarëve dhe zëvendësimin me kolonë sllavë.

Nga niveli i zhvillimit, që evidentohet përmes treguesve të ndryshëm ekonomikë-socialë, Mitrovica, ndonëse vendi me rezerva më të mëdha të plumbit e zinkut, gjatë periudhës 1913-1999 ka qenë rajoni më i prapambetur. Shkaqet e kësaj prapambetjeje nuk kanë qenë vetëm niveli fillestar i zhvillimit ekonomik-social, niveli profesional i prodhuesve kosovarë, por ndikimi negativ i faktorëve politikë dhe ekonomikë jugosllavë e besa edhe ndërkombëtarë, politika shtetërore e ndjekur ndaj Kosovës në përgjithësi dhe ndaj regjionit të Mitrovicës në veçanti. Qarqet drejtuese të Beogradit edhe në këtë mjedis kanë bërë trysni të madhe për shkombëtarizim, për shpërnguljen masive të shqiptarëve dhe zëvendësimin me kolonë sllavë.

Pas Luftës së Dytë Botërore është hetuar një rritje e zhvillimit ekonomik dhe industrial në këtë mjedis. Në aspektin e punësimit industria përfshinte 40 % të sektorit shoqëror, apo gati gjysmën e numrit të përgjithshëm të të punësuarve në komunë. Mitrovica mori epitetin e qutetit të minatorëve në saje të numrit më të madh të të punësuarve në “Trepçë”. Tradita shekullore e ripërtërirë me krijimin e ndërmarrjes xehetare metalurgjike “Trepça” nga fundi i viteve ’30, u finalizua në dekadat e fundit me krijimin e Kombinatit Xehetar-Metalurgjik-Kimik me qendër në Zveçan pranë Mitrovicës. Qysh në fillim të viteve ’80 prodhimi vjetor i xehes së plumb-zinkut kishte arritur në rreth 2 milion ton. Mbi këtë bazë Kombinati ka prodhuar dhjetëra mijë ton plumb të rafinuar, zink, elekrtrolitik, argjend të rafinuar, ar, bismut elektrolitik, klorid zinku, koncentrat piriti, kadmium, akumulatorë plumbi etj. Sidoqoftë, gjysma e prodhimit të plumbit dhe pjesa më e madhe e metaleve të tjera kanë sjhkuar për përpunim të mëtejshëm në njësitë e tjera të Federatës, sepse degët e industrisë finalizuese kosovare gjithnjë mbetën me zhvillim të pamjaftueshëm. Kombinati “Trepça” deri në fillim të viteve ’90 ka qenë prodhuesi më i madh i plumbit e zinkut dhe i akumulatorëve në ish Jugosllavi. Kombinati “Trepça” merrte pjesë me 50-60 % në prodhimtarinë e tërësishme të Pb në ish-Jugosllavi. Bruto prodhimi i këtij sistemi ekonomik para vitit 1989 kapte vlerën prej afro 50.000.000 dollarë amerikanë, kurse neto fitimi arrinte në 80.000.000 dollarë (paga, konsumi, akumulimi). Gjatë viteve 1990-1992 nga kombinati janë larguar me dhunë 12.000 punëtorë shqiptarë.

Meqë Mitrovica ishte qytet industrial, ka qenë një nga mjediset më të ndotura.

Pas përfundimit të luftës (1999) në Trepçë nuk është bërë eksploatimi i xehes. Deri tash janë punësuar një numër simbolik i punëtorëve për ta mirëmbajtur. Nuk punon më as Fabrika e Akumulatorëve, as Fabrika e Plehërave artificiale.

Në Mitrovicë vazhdon të punojë Fabrika e Betonit, Fabrika e Bukës, si dhe ndërmarrje të vogla private ku jaanë punësuar një numër simbolik i punëtorëve.






Emri "Trepçë"


Ky emër i lashtë ka prejardhje nga gjuha shqipe. Fillimisht ajo ne kohën e lashtë kishte tri furra për shkrirje, po nga kjo arsye rrjedh edhe pjesa e parë emrit, pra TRE. Kurse pjesa e dytë PÇA rrjedh nga "poça" (me pjekë), d.m.th "Tri pjekëset" apo "Tri furrat".

Sot thuhet: Trepça




Në territorin e sotëm të trevës së Mitrovicës janë zbuluar disa gjurmë ndërtesash, një nekropol ilir, statuja të ndryshme prej balte e prej plumbi, një sarkofag, figura e Terpsikorës (Muzës së vallëzimit) etj


Ju pershendes Mitovicas dhe ju dua shume

[e panjohura]

Nje perditshmeri ne veri dhe jug te Mitrovices!
Dola ne pjesen veriore te qytetit tim nje dite dhe ja si u prita:
Hyra ne nje dyqan ku punonte bashkeshorti i nje koleges sime,me pershendeti per cudi,pasi herave tjera kthente koken ne tjeter ane,por sot ishte ndryshe.Me pyeti per shendetin dhe me tregoj per kolegen si ishte, papritmas hyri nje person dhe bashkbiseduesi im mu drejtua mua me nje emer serb.Une mbeta e shtangur por nuk fola asgje.Tipi vetem shiqoj dhe doli.Pasi doli ai ky mu drejtua: I shef kta te serbis si na percjellin?Ne cdo skut i ke keshtu!Ruaju me tha!Une mora ca gjera qe mos te bij ne sy qe jam nga jugu dhe ja mbatha por jo drejt ures kryesore,por kah lagja e Boshnjakve.
Erdha ne nje dyqan ne jug.Hyra me qellim atu se kisha degjua qe ktu vijn serb nga veriu,dhe brenda ishin dy bashkeshort te cilve u kishin servu edhe kaffe,askujt nuk i interesonte se ata flisnin ne gjuhen e tyre,dhe u vertetova qe ne jemi njimend popull qe tolerojm shum te huajin e tonin nuk e durojm.

[e panjohura]

Nuk dij deri kur ta mbajm koken ulur?Ulur atehere kur ishin Serbet ne pushtet,ulur kerkoni ta mbajm edhe tani kur cdo dit na i djegun lokalet,na marrin shtepit,dhe atehere duhet ule koken ani qe me shkrim thuhet qe Kosova eshte sovrane.Prap mbrem gjuajtje me bomba,djegeje te lokaleve shqiptare,prap ne te ulim koken?Albo me fale por kjo qe ndodh ne Mitrovice ku jam une prezente dhe shof me mire gjerat se Ti ose gazetari qe shkruan per perfitime te tij eshte katastrof.Cka duhet te bejm ne qe jetojm mu ne veri te Mitrovices?A duhet ti perqafojm ligjet e Serbis?A duhet ta harrojm gjuhen shqipe,pasi andej(ne veri)nuk guxon te degjohet Shqipja?E ata pa as nje frig shetisin tere Kosoven.Mbajn dy lloj targash te makinave,dhe hajt dije tani se kush cka eshte?Nuk i shkruan ne ball asnjerit!Ne me makina KS duhet te jemi shum trima qe te kalojm ne veri,sepse nuk ka shans te kthehesh pa te gjuajt me gur ose pa rrahje!
Ktu nuk eshte qeshtje feje po KOMBI!E barta shkrimin ketu ndoshta nuk e mbyllni edhe kete!

[beni33]

tash kur 2 dit radhazi serbet sulmuan shqiptaret kemi filluar te mendojm ndryshe ne deri tash heshtem dhe ofendonim njerzit qe vepronin ne te mir te kosoves siq ishte albin kurti aj e kishte potencuar disa her qe mitrovica dote jet nje vend ku mund te shperthej nje konflikt i hapur dhe kjo dote ndodh sigurisht
dhe mos harroni se luftrat gjdoh her fillojn ne stinen e dimrit pra ne mitrovic diqka e till ka filluar

[Dorontina]

Eh more zoteri po kujt i intereson te debatoj per Mitrovicen tani??

paj mos e dramatizoni kaq punen e mitrovices,
amerika e izraeli ku jan a jan miq te shqiptarve apo te shkijeve ,
ja nuk kuptoj asjge ?

[Llapi]

Disa serbë të Mitrovicës pajisen me dokumente të Republikës së Kosovës


10.01.2009 10:49 ET Mitrovicë (KosovaLive)
Disa serbë të Mitrovicës pajisen me dokumente të Republikës së Kosovës

Radhët e gjata të qytetarëve vazhdojnë përpara sporteleve të Qendrës së regjistrimit civil në Mitrovicë, duke aplikuar për dokumente të Republikës së Kosovës, ndërkohë që në mesin e atyre që tashmë janë pajisur me to, sipas zyrtarëve, janë edhe disa banorë serbë të këtij qyteti.

[Zana eVizitorit]

paj mos e dramatizoni kaq punen e mitrovices,
amerika e izraeli ku jan a jan miq te shqiptarve apo te shkijeve ,
ja nuk kuptoj asjge ?

Oj Dorontina po Ti ku je se?A po shkrun veq me gishta a po ta rrok rradakja hiq cka je kah shkruan?Cka po e perzien Izraelin ktu a ban pak me kjart me na tregu??Zot jep mend ku nuk ka!

[Llapi]

14 të arrestuar në Mitrovicë

Nga Dafina Myrtaj më 08.04.2009 në ora 11:44
Policia e Kosovës, gjatë 24 orëve të fundit, në rajonin e Mitrovicës ka arrestuar dhe iniciuar procedurat e parapara me ligj ndaj 14 personave.

Ndaj 11 personave të arrestuar është iniciuar procedura kundërvajtëse për përfshirje në prishje të rendit dhe qetësisë publike, ndërsa tre të tjerë janë arrestuar si rezultat i realizimit të urdhëresave të gjykatave kompetente.

“Tre persona, meshkuj, të nacionalitetit serb, janë arrestuar në veri të Mitrovicës, për përfshirje në rrahje dhe shkaktim të lëndimeve të lehta trupore. Rasti i iniciuar për prishje të rendit dhe qetësisë publike, është regjistruar në orët e para të pasmesnatës në rrugën ‘Lole Ribara’”, bëri të ditur zëdhënësi i Policisë për rajonin e Mitrovicës, Besim Hoti.

Ai tha se një nga tre të dyshuarit ka rezultuar të jetë nën ndikim të alkoolit pas nënshtrimit të alko-testit të bërë në stacionin policor në veri të Mitrovicës.

Ndërsa gjashtë persona të tjerë, meshkuj, të nacionalitetit shqiptar, janë arrestuar në Skenderaj, për përfshirje në rrahje në sheshin “Adem Jashari” në Skenderaj. Policia ka arrestuar të dyshuarit në vend ngjarje dje rreth orës 16:30. Me këtë rast policia nuk ka raportuar për të lënduar.

Për arsye të njëjta, të prishjes së rendit publik, dy meshkuj shqiptarë, janë arrestuar në Vushtrri, pas një zënke. Rasti është raportuar të ketë ndodhur në rrugën “Dëshmorët e Kombit”.

“Të gjithë personat e arrestuar për prishje të rendit dhe qetësisë publike janë intervistuar në stacionet policore përkatëse dhe në konsultim me prokurorin publik ata janë liruar për të proceduar rastet në procedurë të rregullt gjyqësore për kundërvajtje”, tha Hoti.

Bëhet e ditur se në Vushtrri, policia e Kosovës, ka arrestuar edhe tre persona të tjerë në tri raste të ndara si rezultat i realizimit të urdhëresave të Gjykatës Komunale. Arrestimi i parë është realizuar rreth orës 10, në rrugën “Bedri Pejani” ndërsa dy arrestime të tjera janë realizuar në rrugën “Dëshmorët e Kombit” në mes të orës 13 dhe 14.

Tre të arrestuarit me urdhëresë të gjykatës janë dërguar në qendrat e paraburgimit në Lipjan dhe Dubravë, për vuajtje të dënimeve të caktuara nga gjykata.

[beni33]

si jan punet ne mitrovic a po shkojn sipas planit te ahtisarit apo te ban ski *****
jan disa forumista qe para nje viti kogja qitshin flak per goje qe mitrovica dote qlirohet po sju duken fjalt ashtu hajt magar se del bar

[Llapi]

Nënpresidenti amerikan, Xhozef Bajden ka siguruar sot edhe njëherë në Prishtinë se njohja e pavarësisë së Kosovës është një proces i pakthyeshëm, nuk do të ndryshojë dhe se Kosova është një e plotë dhe e pandashme.

. Bajden vlerësoi se Qeveria e Kosovës ka bërë përparim të konsiderueshëm në vitin e parë, duke thënë se është e mrekullueshme që për një vit të arrihet ky përparim që është bërë.Por ai kërkoi që të vazhdohet me këtë sukses, duke thënë se "përderisa të ketë sukses dhe pandashmrëi ju mund të llogaritini në mbështetjen e SHBA ve".