Skandali i AlbTelekom me "Call Center Albania", 200 milion lekë vjedhje

[Albo]

Prokurorët zbardhin mënyrën se si faturoheshin impulset për Call Center

Skema, ja si u zhvatën paratë e “Albtelekom”

Impulset i shtoheshin linjës së nxehtë


Klodiana Lala
k.lala@gazetashqiptare.com

Punonjësit e Albtelekomit kanë zgjedhur një mënyrë tejet të sofikstikuar për t’i “dhuruar” shuma të mëdha parash kompanisë Call Centre. Për ta ka qenë e lehtë, për të kaluar në llogarinë e linjës së nxehtë, qindra e mijëra telefonata, të cilat ishin bërë në destinacione të tjera. Punonjësit e degës që përgjigjen për detyrimet që ky institucion ka ndaj kompanive të tjera, mes të cilave edhe “Call Center Albania”, kanë trasferuar mijëra impulse telefonike në llogari të kësaj të fundit. Trasferimi i impulseve ka shkaktuar një dëm të konsiderueshëm financiar kompanisë shtetërore të telefonisë fikse, që kap shifrën e 200 milionë lekëve, pa u përfshirë tarifa e TVSH-së. Por nuk janë ndaluar vetëm këtu. Punonjësit kanë shfrytëzuar të gjithë mundësitë që të mund të kalonin në llogarinë bankare sa më shumë para. Për një kohë të gjatë, por ende të papërcaktuar, pasi kjo do të vendoset nga hetimet, çmimi për cdo minutë telefonatë ka qenë shumë herë më i shtrenjtë sesa thirrjet e zakonshme.

Auditimi
Drejtuesit e kompanisë shtetërore të telefonisë fikse, që ka qenë jo pak në qendër të akuzave për denoncime dhe abuzime, vetëm pak javë më parë kanë kryer një auditim të brendshëm për të kontrolluar punën. Por rezultatet kanë qenë skandaloze, pasi rezultonte se në llogarinë e Call Centre ishin trasferuar një numër i madh telefonatash dhe çmimi për çdo minuta kishte qenë më i lartë sesa thirrjet e zakonshme. Nga auditimi ka rezultuar se ishte një shtim fiktiv të telefonatave në favor të kompanisë private Call Centre. Pas kallëzimit të bërë nga drejtuesit aktualë të Albtelekom, prokuroria ka nisur hetimet për të zbardhur mekanizmin e vjedhjes së kryer. Nga hetimet paraprake rezulton se trasferimet e telefonatave, nuk kanë deklaruar në faturat e kompanisë, që ka për detyrë t’u përgjigjet kompanive të tjera private. Këto impulse të padeklaruara i kanë kaluar Call Center dhe shuma e përfituar, deri tani e deklaruar 200 milionë, dyshohet të jetë shumë herë më e lartë, dëm ky që i është shkaktuar Albtelekomit, të vetmes kompani shtetërore e telefonisë fikse.

Ish-drejtuesit
Gjigandi i telefonisë fikse në vend, vitet e fundit ka qenë në qendër të akuzave për vjedhje dhe korrupsion në rradhët e drejtuesve të saj. Kallëzimet penale në ngarkim të ish-drejtuesve të Albtelekomit kanë qenë të shumta dhe nën hetim janë janë disa prej tyre. Dhimitraq Rafti, ish-drejtori i Telekomit është kallëzuar për shpërdorim detyre nga drejtuesit aktualë të shoqërisë. Ai akuzohet për marrëveshjen e interkonjeksionit me kompaninë rurale “Hermes”, duke favorizuar këtë të fundit. Për të njëjtën akuzë në prokurori është kallëzuar dhe ish-zëvendësdrejtori i Telekomit Petrit Deti. Ndërkohë prokuroria ka nisur hetimet për shërbimin e reklamës dhe publicitetit të Telekomit. Sipas burimeve nga organi i akuzës katër ish-zyrtarë të shoqëroisë akzuohen se kanë shpenzuar 170 milionë lekë pa zhvilluar tendera dhe në kundërshtim me rregullat. Ylvi Saliaj dhe Bledar Shane dy ish-zyrtarë të Telekomit u gjykuan për shpërdorim kompetencash pasi kishin kryer kambizëm të pastër me valutat e shoqërisë, duke i shkaktuar shtetit një dëm prej 200 milionë lekë.


Ndërtimi dhe struktura e firmës “rozë”
Çfarë është “Call Centre”, ajo që njihet si “linja e nxehtë”

Call Centre është kompani private, e cila ofron një sërë shërbimesh telefonike. Ajo ka nisur të funksionojë në Shqipëri, prej më shumë se një vit e gjysmë. Linja 0900, ose e cilësuar si “linja e nxehtë”, nëpërmjet lidhjeve telefonike, vë në dispozicion femra, të cilat të plotësojnë të gjitha dëshirat e telefonuesit, për të gjithë tematiket e mundshme, deri tek ato rozë. Shërbimi ishte kryesisht pas mesnatës dhe mund të qëndrojë në linjë me orë të tëra. Për t’u bërë pjesë e “kënaqësisë” që falnin vajzat bukuroshe që reklamonte, “Call Centre”, duhej të paguaje, 25 lekë për çdo 15 sekonda telefonatë plus TVSH. Ndërkaq një minutë shkonte në 100 lekë, pa llogaritur TVSH-në. Gjithsesi veprimtaria e saj është e liçensuar. Kompania reklamonte veprimtarinë e saj, gjerësisht në median e shkruar e vizive, duke harxhuar madje dhe shuma të mëdha parash. Vajzat që ofronin shërbime në Call Centre, nuk janë njohur kurrë nga telefonuesit e shumtë, atyre ju ruhet anonimati. Ndërkaq linja 0900, është vënë në dispozicion të telefonuesve për t’u bërë pjesë e lojërave të ndryshme televizive. 0900, është cilësuar rëndomë në publik si linja rozë. Kompani të tilla veprojnë në të gjithë botën dhe aktiviteti i tyre është i licensuar.

Gazeta Shqiptare

[Albo]

Nis marrja në pyetje e punonjësve që faturonin impulset abuzive

Prokuroria: Vjedhja shumë herë më e madhe

Hetimet do shtrihen në një vit

Klodiana Lala
k.lala@gazetashqiptare.com

Hetimet për vjedhjen e qindra milionë lekëve të Albtelekom nga thirrjet e nxehta të Call Center, prokuroria do të shtrijë në harkun kohor të një viti. Burime nga pokuroria thanë dje për Gazeta Shqiptare se shuma që mund të konsiderohet e humbur është shumë herë më e madhe gjatë një viti të tërë duke u nisur edhe nga fakti që vetëm për 3 muaj dëmi është 200 milionë lekë.

Hetimi
Prokuroria e Tiranës do të marrë në pyetje punonjësit e Albtelekomit si të dyshuar në skandalin e përfitimit financiar të kompanisë "Call Centre Albania". Burime zyrtarë pranë këtij institucioni thanë se të martën, tetë punonjës të kompanisë shtetërore të telefonisë fikse do të japin shpjegimet e tyre në lidhje me skandalin, mes Albtelekomit dhe Call Centre që prokuroria ka nisur të hetojë. Bëhet fjalë për përfitimin e një shume prej 200 milionësh lekësh të cilën ata dyshohet se kanë ndihmuar të shkojë për llogari të "linjës së nxehtë". Para oficerit të policisë gjyqësore do të japin shpjegime dhe tre financiere të kompanisë "Call Centre". Burimet nga prokuroria sqaruar për Gazeta Shqiptare, se nëse vërtetohet se ata kanë kryer elementë të veprës penale, atëherë do të vihen nën pranga. Mbi supet e punonjësve të Albtelekom, rëndojnë akuzat e mashtrimit e vjedhjes nëpërmjet shpërdorimit të detyrës në shuma të mëdha.

Hetimet
Organi i akuzës, deklaroi se aktualisht është vërtetuar se gjatë tre muajve, dhjetor 2005 dhe janar, shkurt 2006, janë përfituar në mënyrë të padrejtë nga "Call Centre", rreth 200 milionë lekë. por të njëjtat burime deklaruan se dyshojnë që dëmi i shaktuar nga "linja e nxehtë" për kompaninë shtetërore të telefonisë fikse është shumë herë më i madh. Burimet nga organi i akuzës thanë se hetimet do të shtrihen në harkun kohor të një viti dhe në përfundim mund të arrihet në një përfundim të saktë se sa është dëmi. Ndërsa do të vihet në "sitë" puna e të gjithë punonjësve të Albtelekom, të cilët mund të kenë bashkëpunuar për trasferimin e impulsive telefonike për llogari të "Call Centre". Aktualisht nën akuzë janë tetë punonjës, por nga hetimet mund të rezultojnë dhe të tjerë të implikuar, madje deri në instancat drejtuese të Albtelekom. Burime nga organi i akuzës u shprehën se hetimet në lidhje me këtë çështje do të zhvillohen intensivisht për të zbardhur lidhjet e mundshme si dhe dëmin real që i është shkaktuar Albtelekomit". Ndërsa deri në tani nën hetim janë vënë të paktën 11 punonjës, jo vetëm të kompanisë shtetërore, por edhe të asaj private.

Vendimi
Vetëm katër ditë më parë Gjykata e Tiranës me kërkesë të prokurorisë vendosi të sekuestrojë një llogari bankare të kompanisë Call Centre Albania të depozituar në "Tirana Bank". Vendimi u mor nga gjyqtari Fatri Islamaj, pas kërkesës së bërë nga prokurori Armand Gurakuqi. Kërkesa për sekuestrimin e "pasurisë" së Call Centre, u depozitua në Gjykatën e Tiranës me datë 19.04.2006. Paditësi, prokuroria e Rrethit gjyqësor Tiranë, i kërkoi gjykatës vendosjen e sekuestron preventive, për të gjithë shumën e depozituar në bankën "Tirana Bank", në llogarinë rrjedhëse të subjektit "Call Center" nr. 0100-301877-100. Gjykata pasi u njoh me materialin e prokurorisë, vetëm një ditë më pas, pikërisht me datë 20.04.2006 vendosi të "ngrijë" llogarinë bankare në ruajtje të "Tirana Bank", duke e detyruar këtë bankë të mos kryejë asnjë veprim financiar me subjektin "Call Center". Nuk dihet nëse kompania "Call Centre" ka ndonjë tjetër llogari bankare, gjë për të cilën prokuroria po heton edhe në banka të tjera në Shqipëri si dhe për transfertat që janë bërë nga kjo kompani.


Padia u bë nga Albtelekom

Prokuroria e Tiranës është vënë në lëvizje pas një kallëzimi të bërë nga drejtuesit aktualë të Albtelekom, të cilët pas një autiditimi të brendshëm kanë zbuluar se kompanisë i ishte shkaktuar një dëm i madh financiar. Drejtuesit, kanë kallëzuar në prokurori të paktën tetë punonjës të degës së përgjegjësive kontraktore, që dyshohen se kanë trasferuar në mënyrë fiktive impulse telefonike për llogari të "Call Centre", duke shkaktuar një dëm financiar prej 200 milionë lekësh. Shkelja është evidentuar pas auditimit të brendshëm të kryer me urdhër të drejtuesve të rinj të Albtelekom. Gjatë auditimit është vërtetuar se ka patur vjedhje të mijëra minutave telefonata në favor të kompanisë "Call Center Albania". Sapo janë njohur me rezultatet e auditimit, krerët e kompanisë Albtelekom, i janë drejtuar prokurorisë, duke bërë kallëzim penal për punonjësit të cilët dyshohet se kanë trasferuar impulset për llogari të "Call Centre".


3 muaj hetime

Dhjetor 2005- janar, shkurt 2006, janë tre muajt që prokuroria ka hetuar për të zbardhur skandalin e kompanisë Call Centre. Nën akuzë janë një numër i konsiderueshëm punonjësish të kompanisë fikse "Albtelekom", të cilët dyshohet se i kanë "dhuruar" impulse në mënyrë fiktive linjës së "nxehtë".

[Brari]

Hajdutët në panik nga ikja e Sollakut

Parlamenti miraton nesër ngritjen e komisionit hetimor për kryeprokurorin


Parlamenti pritet të miratojë nesër kërkesën e shumicës për ngritjen e komisionit hetimor për aktivitetet e paligjshme të Dhori Sollakut. E ndërsa shumica i ka orientuar hapat e saj në mënyrë institucionale, klanet kriminale të socialistëve i ka zënë paniku nga largimi i pritshëm i avokatit të tyre nga drejtimi i Prokurorisë së Përgjithshme. Pandeli Majko, një postier i përkushtuar dhe mirëpaguar i bandave nuk po lë kishë pa u lutur dhe xhami pa u falur për Sollakun e tij, i cili megjithëse vetëm 3 vjet në detyrën e kryeprokurorit e ka fryrë dosjen me shkelje dhe abuzime, që është njësoj si të numërosh kokrrat e pilafit të hajdutëve të ish-ministrit të Mbrojtjes.

Seanca e nesërme do të jetë një shans i mirë i deputetëve të opozitës për të treguar se si janë përballë Sollakut dhe klaneve të socialistëve që e mbrojnë qëndrimin e tij në krye të Prokurorisë së Përgjithshme. Kjo seancë nuk pritet të sjellë kurrfarë njohjeje të re për qëndrimet e ish-ministrave të inkriminuar dhe monopolistë që grabitën pasuritë kombëtare në tetë vitet e qeverisjes së majtë. Po kështu, as edhe për ata anëtarë të grupeve mafioze dhe kriminale, që me nga një vit nëpunës të kryemafiozit Fatos Nano ia dolën mbanë të bëhen milionerë dhe të blejnë edhe Nanon, edhe vendet në Partinë Socialiste, edhe karriget në parlament. As për ato produkte të Dushkut të Ramës, që një herë në dy ditë nënshkruajnë marrëveshje me njëri-tjetrin dhe një herë e duan presidentin me referendum, njëherë me parlament, një herë me zgjedhje të reja. Dhe të gjitha këto haluçinacione i garantojnë me marrëveshje, që më shumë se pronarët e sallave të konferencave, askush tjetër nuk po ua sheh hajrin.

Shansi i opozitës do të jetë që të lejojnë parlamentarët e tyre që mendojnë se përgjigjen para popullit që i ka votuar, për të marrë pjesë në një komision që është i motivuar për të hetuar një rradhë krimesh të prokurorit të afirmuar si aleat i bandave dhe klaneve më të korruptuara që uzurpuan shtetin në tetë vitet e shkuara. Duke mos bojkotuar, duke mos bllokuar, sic po bëjnë në komisionet e përhershme parlamentare, socialistët, qoftë edhe ata që kanë dyshime për personalitetin e kryeprokurorit, kanë shansin më të mirë për të ushtruar përgjegjësitë e tyre, por edhe për të bërë mbrojtjen e njeriut që kanë zgjedhur t'i dalin në krah, pavarësisht kostos politike.

Të gjithë ata që janë në kampin e majtë të politikës duhet të ndërgjegjësohen se Sollaku, nuk është një punonjës i vogël, i panjohur i administratës, që kur flitet për të - qoftë për mirë, qoftë për keq - pakkush mund të ta vërë veshin. Sollaku është një nga njerëz që kushdo e ka identifikuar me dështimin që ka patur në vitet e punës së tij, pavarësisht se cfarë shkruan Majko dhe cfarë klith Arta Dade. Bandat që terrorizonin rrugët e qyteteve tona, ministrat dhe hajdutët e të gjithë gradave që bastisnin xhepat e qytetarëve në zyrat e shtetit, dihet se kishin një shef dhe emri i tij është qeveria e djeshme. Por, po kaq mirë tashmë njihet edhe avokati i tyre dhe ky është Dhori Sollaku, për të cilin mund të thuhet se po largohet edhe për konflikt interesi. Edhe prokuror i bandave, edhe avokat i bandave ka kohë që nuk quhet e ligjshme.





Deputetët e PD: "PS, mburojë e të korruptuarve"


Kuvendi ka vijuar edhe gjatë seancës së djeshme plenare debatet lidhur me qëndrimin e partive të opozitës ndaj kërkesës për shkarkimin e Prokurorit të Përgjithshëm, Theodhori Sollaku. Përfaqësuesit e mazhorancës kanë përforcuar qëndrimet ndaj kreut të Prokurorisë për mosveprim ndaj bandave kriminale dhe mos-hetim të dosjeve të korrupsionit, ndërkohë që kanë akuzuar përfaqësuesit e Partisë Socialiste se po përpiqen të mbrojnë Theodhori Sollakun nga përballja me shkeljet e ligjit dhe mosushtrimin e detyrës që i ngarkon Kushtetuta. Duke e vënë theksin tek nevoja emergjente për reforma të thella në drejtësi, të cilat i konsideruan si përcaktuese për ecurinë e procesit të integrimit të vendit, ligjvënësit e shumicës shprehën keqardhjen për qëndrimin destruktiv dhe refraktar të opozitës në synimet e saj për të bllokuar çdo lloj reforme që synon plotësimin e kushteve për përshpejtimin e procesit të integrimit. Anëtari i Komisionit për Politikën e Jashtme, Genc Juka, u shpreh se sistemi i drejtësisë ka vënë në pikëpyetje nivelin e demokracisë në vendin tonë dhe është bërë pengesa kryesore për ecurinë e mëtejshme të procesit të integrimit. Duke u ndalur tek puna e Prokurorisë së Përgjithshme, Juka, hodhi dyshime të forta mbi veprimtarinë e kreut të këtij institucioni, të cilin e akuzoi për zvarritje të qëllimshme të lëshimit të fletë arresteve për bandat kriminale, mos-hetimin e dosjeve të korrupsionit dhe të abuzimeve me paratë e taksapaguesve nga ish-zyrtarët e lartë të denoncuar nga institucione të specializuara siç janë Kontrolli i Lartë i Shtetit apo komisionet hetimore parlamentare. "Shpreh shqetësimin për anomalinë që ka përfshirë prej kohësh sistemin e drejtësisë dhe institucionin e Prokurorisë në veçanti. Është e drejta ekskluzive e Parlamentit që të analizojë punën e Prokurorisë së Përgjithshme dhe jo të merremi me spekullime mediatike siç po bëjnë disa përfaqësues të opozitës gjatë ditëve të fundit. Partia Demokratike ka shprehur qëndrimet e saj kundër Prokurorit të Përgjithshëm edhe gjatë kohës që ka qenë në opozitë, dhe e ka akuzuar atë për fjetje mbi dosjet e krimit të organizuar dhe të korrupsionit", u shpreh Juka, gjatë seancës plenare të djeshme. Ai shtoi se tashmë është e qartë që interesi i opozitës është bllokimi i kësaj nisme që synon të zbardhë të vërtetën dhe nënvizoi se qëndrime të tilla tregojnë se dikush i trembet të vërtetës. Sipas tij, qëndrime të tilla nënkuptojnë mbrojtjen me vetëdije të antiligjit, krimit dhe korrupsionit që e rëndojnë edhe më tej situatën politike të përfaqësuesve të opozitës. Të njëjtin qëndrim kanë mbajtur në lidhje me këtë çështje edhe deputetët e tjerë të shumicës parlamentare, Luan Skuqi dhe Aurel Bylykbashi. Ata u shprehën se, Prokurori i Përgjithshëm duhet të japë shpjegime se ku ishte gjatë kohës kur vendi ynë renditej më i korruptuari në Europë, në një kohë kur në Prokurori ishin depozituar dosje për korrupsion ndaj ish-zyrtarëve të lartë të shtetit. "Në këtë betejë është normale që ligji do të përplaset me krimin dhe përfaqësuesit e tij, por paradoksi qëndron në mbrojtjen politike që po i ofrohet jo vetëm të korruptuarve në radhët e ish-zyrtarëve të opozitës, por edhe elementëve kriminalë të lidhur me ish-segmente të caktuara të shtetit", u shpreh deputeti Luan Skuqi gjatë fjalës së tij në seancën e djeshme. Ai shtoi se Prokurori duhet të japë shpjegime se pse vetëm 8% e dosjeve të KLSH-së kanë përfunduar në gjykatë dhe përse janë mbyllur dosjet e korrupsionit dhe të abuzimeve me fondet publike të ish-zyrtarëve të lartë socialistë. Ndërsa, duke iu referuar dosjeve të komisioneve hetimore parlamentare, Skuqi tha se ato janë injoruar në mënyrë të vazhdueshme nga institucioni i Prokurorisë së Përgjithshme dhe për këtë ai duhet të japë llogari para Kuvendit të Shqipërisë.



RD

[Albo]

Dosja "0900", Rafti merret ne pyetje

E Marte, 25 Prill 2006

Ish-drejtori i Albetekomit, Dhimitraq Rafti, pritet te merret sot ne pyetje nga hetuesit kryeqytetas per rolin e tij ne abuzimet me impulset telefonike per kompanine e "linjave te nxehta": Prokuroria: "Dyshojme se ai eshte i perfshire ne kete skandal, por gjithcka do ta qartesojme pas pyetjes se tij"

Sokol COBO

Ish-drejtori i Albtelekomit, Dhimitraq Rafti, pritet te merret ne pyetje sot nga hetuesit per ate qe eshte cilesuar ditet e fundit si "skandali 0900". Burime zyrtare te Prokurorise se Tiranes bene te ditur dje se, midis tete drejtuesve dhe ish- drejtuesve te

shoqerise shteterore te telekomunikacionit ne Shqiperi, te cilet do te merren ne pyetje eshte edhe ish-drejtori i saj, Rafti. Per kete te fundit, prokuroria ka hedhur dyshime se eshte i perfshire ne kete skandal.

Te njejtat burime hetimore tregohen te rezervuara per rolin e tij ne kete dosje penale, pasi ende nuk kane ne dore shpjegimet e tij, per me teper qe "ceshtja eshte nen hetim". "Te marten (sot.shenim i red.) zyrtaret e Albtelekomit do te merren ne pyetje dhe do te japin shpjegime per kete dosje. Vetem pas kesaj, do te percaktojme edhe rolin e gjithsecilit ne kete ceshtje", thane burimet nga akuza e kryeqytetase. Hetuesit thane se kane "prova per implikimin e zyrtareve te Albtelekomit" dhe se "dosja do te kopsitet ne ditet e ardhshme".

Burimet e Prokurorise se Tiranes shtuan se, ne kete faze hetimi po verifikohen te gjitha materialet kallezuese. "Kallezimi u adresohet disa punonjes te Albtelekomit, te cilet dyshohet te kene transferuar impulse telefonike kompanise per kompanine 'Call Center Albania' shpjegojne hetuesit e seksionit te krimit ekonomiko-financiar ne kete prokurori, pa dhene shume detaje. Per sa i perket transferimit te impulseve telefonike, prokuroria po verifikon edhe rolin e punonjesve, megjithese firma qe lejonte nje gje te tille eshte vendosur nga nga drejtuesit dhe ish-drejtuesit me te larte te kompanise shteterore te telekomunikacionit.

Paraprakisht hetuesit e "Task-Forces" thane se transferimi i impulseve i ka shkaktuar Albtelekomit nje dem te konsiderueshem financiar, por shuma e sakte ende nuk eshte llogaritur. Sipas prokuroreve, hetimi i metejshem do te zbuloje abuzimet dhe shifrat e plota. Mesohet se deri tani jane bllokuar 200 milione lekeve ne llogarite bankare te 0900-s, e njohur si kompania "hot line". Kallezimi ne prokurorine eshte derguar nga drejtuesit aktuale te Albtelekom, qe ne pak muaj, e kane denoncuar dy here ish-drejtorin Rafti.

Ky i fundit eshte kallezuar me pare edhe per shperdorim detyre gjate lidhjes se marreveshjes se interkonjeksionit me kompanine rurale "Hermes", duke e favorizuar ate. Per te njejten akuze, ne prokurori eshte kallezuar dhe ish-zevendesdrejtori i Telekomit, Petrit Deti. Demi, sipas llogaritjeve te para, eshte 2,2 milione USD. Nderkaq, prokuroria ka nisur hetimet per sherbimin e reklames dhe publicitetit te Telekomit, ndersa nen akuze jane 4 ish-zyrtare, te cilet dyshohen te kene shpenzuar 170 milione leke, pa zhvilluar tendera dhe ne kundershtim me rregullat ligjore.

Korrieri

[Albo]

Roland Makashi dyshohet për vjedhjen e 56 milionë lekëve nga të ardhurat e Albtelekom

Pranga administratorit të Call Center

Akuza për mashtrimin me impulset e 0900-ës



TIRANE

Çështja e vjedhjes së 56 milionë lekëve të reja nga shërbimi i Albtelekom, ka çuar në pranga administratorin e kompanisë “Call Center”, Roland Makashi. 40-vjeçari, që është njëkohësisht edhe aksioner i “Telenorbës” shqiptare, është thirrur dje në mesditë me “sebepin” e disa pyetje rutinë në ambjentet e Drejtorisë së Policisë së Tiranës. Ka mjaftuar vetëm një automjet i autopatrullës “Shqiponja”, për të shoqëruar administratorin e kompanisë së njohur nga zyra e tij në Rrugën e Kavajës. Një natë më parë, nga Prokuroria e Tiranës, kishte mbërritur dorazi në zyrën e Antikrimit Ekonomiko-Financiar të policisë, urdhri i ndalimit për administratorin e shërbimit të 0900-ës. Ka zgjatur dy orë marrja në pyetje e Makashit në ambientet e Drejtorisë së Policisë, që oficerët t’i komunikonin urdhrin e ndalimit atij. Sipas zëdhënëses së Policisë së kryeqytetit, Alma Katragjini, ai akuzohet për “vjedhjen e kryer me anë të shpërdorimit të detyrës”. Dëmi i shkaktuar nga “vjedhja” që kompania e tij i kryente Albtelekom-it, dyshohet të jetë 56 milionë lekë. Burime pranë grupit të hetimit pohuan për Gazetën, se në hetim për vjedhjen janë edhe 6 punonjës të Albtelekom-it, të akuzuar si bashkëpunëtorë të Makashit.

Mekanizmi i vjedhjes
Akuza e vjedhjes ndaj “Call Center” është ngritur për shkak se kjo kompani mësohet se kishte instaluar aparaturat e veta në Albtelekom, të cilat kryenin matjen e impulseve të thirrjeve për shërbimet. Sipas hetimit, punonjës të kompanisë së 0900-ve së bashku me ata të Albtelekom-it, kryenin fatura fiktive duke rritur artificialisht impulset që shkon për llogari të “Call Center”. Kështu, për një telefonatë të kryer 3 minuta, fatura rritej artificialisht në 5 minuta. Auditimi do të zbulonte se vetëm në një muaj, fatura e “Call Center” ishte rreth 8 milionë lekë më shumë se vlera e impulseve reale të thirrjeve me anë të 0900-ve. E gjithë vlera i shlyhej në mënyrë arbitrare nga Albtelekom-i, kompanisë “Call Center”. Hetimet kanë zbuluar se ky mekanizëm vjedhjeje funksiononte të paktën prej 6 muajve dhe shuma e vjedhur dyshohet të jetë rreth 56 milionë lekë të reja.

Ndalimi
Në orët e vona të mbrëmjes, prokurorët kanë deklaruar se ende nuk ishte prerë një fletë-arresti për Makashin. Megjithatë ai vazhdoi të mbahej në ambjentet e policisë falë urdhërit të ndalimit të lëshuar më parë. Kjo masë, i lejon hetuesve që të marrin dëshmitë nga Makashi rreth aktivitetit të tij në këtë abuzim në Albtelekom dhe të vendosin brenda 48 orëve nëse do të kryhet arresti ndaj tij.



Dosja

6 muaj
Hetuesit e çështjes janë shprehur se vjedhja e Albtelekom-it me anë të telefonatave të Call Center Albania ka vazhduar për të paktën 6 muaj. Sipas tyre, ky mekanizëm mendohet se ka filluar të funksionojë që nga shtatori i vitit të kaluar e deri në shkurt të këtij viti.

56 milione
Hetimet e deritanishme të Prokurorisë së Tiranës, kanë konkluduar paraprakisht se shuma e vjedhur gjigandit të telefonisë celulare, Albtelekom nga Call Center Albania, shkon në rreth 56 milionë lekë të reja. Kjo shumë është vjedhur duke rritur fiktivisht numrin e thirrjeve.

6 te dyshuar
Burime pranë organit të akuzës janë shprehur se janë të paktën edhe gjashtë persona të tjerë të dyshuar si të implikuar në skemën e vjedhjes. Sipas të njëjtave burime, të dyshuarit e lartpërmendur janë punonjës të Albtelekom-it dhe dyshohet se kanë bashkëpunuar.

Gerti Xhaja

GSH

[Era1]

Tolerimi që Albtelekom I ka bërë shoqërive private të telefonisë që bashkëpunojnë me të vlerësohet në miliona euro humbje në vit. Por këto miliona janë vetëm maja e aisbergut për paratë publike që përfundojnë në xhepat e manjatëve të telefonisë private. “Eshtë e pamundur të llogaritet saktësisht dëmi financiar që I është shkaktuar kompanisë shtetërore”, ngrejnë duart pjestarët e ekipit të kontrollit sepse sipas tyre mungojnë të dhënat konkrete që do të mundësonin kalkulimin e saktë të dëmit. Dhe këto të dhëna janë pikërisht në dorën e operatorëve privatë, që natyrisht nuk do të pranojnë t’I venë edhe më pas në dispozicion të njerëzve të shtetit. Bëhet fjalë për një kontroll të parë mbi një periudhë diçka më pak se një vit e gjysëm. Për një kontroll që vetëm sa ka hapur Kutinë e Pandorës. Por dhe kaq ka mjaftuar që specialistët të ngrejnë alarmin. “Albtelekom-I po humbet fuqinë dhe pjesën e tij në treg. Albtelekom-I është një biznes I dëmtuar sistematikisht, po konkurohet në pandershmërisht (nga privatët) dhe po humbet në mënyrë progresive vlerën e tij në treg”.

Drejtori I Përgjithshëm
Gjiganti I madh I telefonisë fikse duket se e ka humbur me dashje betejën e konkurencës me liliputët privatë, por ka humbur edhe paratë e tij. Që janë pasuri e shtetit shqiptar dhe kanë ndryshuar destinacion, e natyrisht edhe pronar. “Megjithë informacionet e herëpasherëshme dhe bërjen tashmë publike të disa prej këtyre problemeve, përsëri, Drejtori I Përgjithshëm I Albtelekom-it, zoti Ilirian Kuko, jo vetëm që nuk ka reaguar në drejtim të marrjes së masave konkrete për bllokimin e këtyre fenomeneve, por ka shprehur tendenca favorizimi në lidhje me operatorë të veçantë”, shkruhet fjalë për fjalë në raportin e ekipit të kontrollit nga Këshilli I Ministrave. Vetë drejtori Kuko nuk ka pranuar të firmosë aktin e kontrollit dhe si ai, kanë vepruar dhe dy nëndrejtorët, ai teknik Hekuran Çengu dhe ai ekonomik Andia Pustina. Pritet që ata të bëjnë vërejtjet e tyre për këtë raport brenda një afati dhjetë ditor. Megjithatë, një burim I rezervuar nga Këshilli I Ministrave, pohon se ekziston dhe një raport I dytë I nëndrejtorit teknik Çangu, një kopje e të cilit është protokolluar në arkivin e Albtelekom-it, ndërsa nuk dihet se ku ka përfunduar kopja tjetër e tij.

Me dashje,
Marrëdhëniet e Albtelekom-it me partnerët e tij minorë privatë – krahasuar nga potencialet teknike dhe asetet në dispozicion – janë shkaku kryesor që përcaktojnë ekspertët për situatën e rëndë në të cilën ndodhet Albtelekom-i. Sipas tyre marrëveshjet e nënshkruara, edhe kur ato kanë qenë normale, janë zbatuar kryesisht në dëm të Albtelekom-it. Kështu konkretisht, për marrëdhëniet me Operatorët e Shërbimit me Kartë të Parapaguar, ekspertët kanë kontrolluar të gjitha rakordimet e trafikut të kryera për secilin operator të këtij lloji për çdo muaj të vitit 2005 dhe 2006. Rezultoi se diferenca ndërmjet trafikut me drejtim Albtelekom – OSHKP, me trafikun në drejtim të kundërt arrin deri në 90 për qind. Ekspertët thonë se teorikisht kjo diferencë duhet të ishte afër zeros, por në marrëveshje është fiksuar – për arsye teknike - një tolerim deri në masën 20 për qind. Nëse diferenca arrinte maksimumi në masën 40 për qind, ligjërisht Albtelekom-I ishte I detyruar të ndërpriste kontratën me operatorin përkatës. “Ky fenomen ka bërë që Albtelekom-I, duke vazhduar ta tolerojë qëllimisht këtë situatë, të humbasë një sasi të madhe të tregut të trafikut ndërkombëtar që në fakt mund t’ia siguronte vetë konsumatorit shqiptar”, thuhet në raport.

Debitorët,
Janë të shumtë. Kontrolli I ushtruar nënvizon se ka gjetur shkelje dhe probleme të konsiderueshme, të cilat kanë penalizuar Albtelekom-in. Deri në datën 26 prill 2006, debitorët e saj privatë I detyrohen secili nga qindra mijëra dollarë. Vetëm një kompani, Alban Tirana, për një vit ka akumuluar një borxh prej mbi një milion dollarë, pa përfshirë këtu edhe vlerën e TVSH-së. re.kro.

Gazeta Shqiptare

[Sintetik]

100 milione dollarë në derën e ERT
Gazeta “Shqip”
15 Maj 2006
Oltion Rrumbullaku
Siç u bë e njohur edhe në media, në ditën e premte u shpall qartësisht fakti që Albtelekom dhe kompanitë celulare nuk arritën marrëveshjen e interkonjeksionit të diskutuar prej tyre këto dy muajt e fundit. Kjo mund të konsiderohet një shtyrje e marrjes së një vendimi shumë të rëndësishëm që në paskuinta, vë përballë dy kompanitë celulare me të gjithë konsumatorët shqiptarë.
Pak histori
Deri në Nëntor 2004, marrëveshjet e interkonjeksionit kanë qenë skandaloze në të gjitha aspektet si në dëm të konsumatorit shqiptar ashtu edhe për Albtelekom. Shifrat që përfitonin kompanitë celulare nga telefonatat që fillonin nga Albtelekom e përfundonin tek celularët ishin mbi 40 lek/minutë. Gjatë fundit të vitit 2004, pati një presion të konsiderushëm nga lëvizjet qytetare dhe marrëshja e re u nënshkrua me 28 lek/min, megjithëse si bazë krahasimi u përdor çmimi maksimal i terminimit në Europë në 2003 i cili ishte 21 lekë/minutë. Marrëveshja që ishte në fuqi gjatë 2005, nënkuptonte që në një telefonatë të nisur nga Albtetekom me kosto 40 lek/minutë, Albetelekom mbante 12 lek/minutë dhe kompanitë celulare tepricën prej 28 lek/minutë. Megjithëse marrëveshja u ndryshua në fund të 2004, ajo përsëri ishte shumë diskriminuese për konsumatorët shqiptarë dhe shumë fitimprurëse për kompanitë celulare edhe për faktin se i mbante çmimet e Albtelekom drejt celularëve në nivele të larta.
Në nëntor të 2005 kjo marrëveshje interkonjeksioni skadoi dhe palët duhet të kishin gati një marrëveshje të re. Për shkak të menaxhimit të keq të Albtelekom, drejtoria e kësaj shoqërie akoma publike, e shtyu diskutimin i marrëveshjes së re deri në Mars të 2005, megjithëse sipas kushteve normale tregtare marrveshja duhej të firmosej përpara skadimit të marrëveshjes së mëparshme, e të hynte në fuqi po në Nëntor 2005, pas skadimit të marrëveshjes së mëparshme. Muajt po kalojnë dhe marrëveshja e skaduar është akoma në fuqi, dhe siç duket, kompanitë celulare po bëjnë të gjitha përpjekjet ligjore dhe ekstraligjore për të mos patur një marrëveshje të re.
Gjatë negociatave për marrëveshjen e re, disa specialistë të Albtelekom bënë transparente përpjekjet e drejtuesve të Albtelekom për të pranuar çmimet e propozuara nga kompanitë celulare. Çmimet e terminimit të kërkuara fort nga kompanitë celulare ishin tashmë 21 lek/min, ndryshe nga çmimi maksimal i terminimin i cili ekzistonte në Europë në 2005 i fiksuar në shifrat e 14 lekë/minutë. Pra, edhe çmimi i kërkuar nga Albtelekom është çmimi maksimal i vitit të kaluar në Europë (14 lekë/minutë), gjë që do të thotë se edhe kjo marrëveshje e kërkuar nga Albtelekom nuk do të na e hiqte aspak fatkeqësinë e pasjes së çmimeve më të lartë telefonike në të gjithë kontinentin. Efektet financiare në total janë të pallogaritshme, dhe efektet tek secili prej nesh që konsumon kohë telefonike janë të pabesueshme. Vetëm në Shqipëri ndodh që të konsumohet më shumë para në celularë se në karburante; të konsumohet më shumë para në biseda telefonike, se sa në veshmbathje; të konsumohet më shumë për të folur në celular, se sa paguhet në shërbimin arsimor dhe shëndetësor, e kur të gjitha këto para përfundojnë në vetëm dy kompani jo shqiptare atëherë diskutimi bëhet vërtetë i frikshëm. Nëse flasim me shifra më konkrete, marrëveshjet aktuale prej 28 lek/minutë që sjellin një çmim në nisje të telefonatave nga Albtelekom minimalisht me 40 lek/minutë (pa TVSH) e nxjerrin kompaninë publike nga tregu i telefonatave me celularët sepse çmimet janë pothuajse të njëjta me kompanitë celulare dhe komoditeti shumë më i ulët. Në rastin e një tarife të propozuar nga specialistët e Albtelekom (përsëri më e larta në Europë) prej 14 lekësh, Albtelekom mund të hynte fuqishëm në treg me një tarifë 20 lek/minutë drejt celularëve duke ndikuar drejtpërdrejt në liberalizimin e tregut. Me 350 milionë Euro shitje në vit (po të përdorim krahasimin e Ing. Ngjeqarit, 3-4 milionë Euro një pallat 12 katësh, mund të themi se janë rreth 100 pallate në vit që shkojnë drejt Greqisë) këto kompani do të ishin seriozisht të rrezikuara, sidomos në segmentin e çmimit nga 21 lek/minutë në 14 lek/minutë. Në këtë segment të mosmarrëveshjes, konsumatori shqiptar do të përfitontë minimalisht 10 milionë dollarë për çdo lek më pak të marrëveshjes së interkonjeksionit dhe për 7 lekë më pak do të përfitonte nga 70 – 100 milionë dollarë nga çmime më të ulta të bisedave telefonike. Albtelekom do të kishte boom në shitjet e tij, dhe e gjitha kjo do të sillte një humbje të ndjeshme në shitjet e kompanive celulare dhe më shumë para në xhepat e shqiptarëve për t’i shpenzuar në shpenzime të tjera më të frytshme. Këtu nuk po përmend skenarin më të favorshëm, më çmime terminimi prej 7 lekësh, aq sa është mesatarja europiane, i cili nëse do të zbatohej do t’a liberalizonte në mënyrë të menjëhershme këtë treg.
Çështja në ERT
Gjithsesi palët nuk ranë dakord e kjo është shumë e trishtë. Kjo duket si fitore për interesat e konsumatorëve shqiptarë, megjithëse druajmë se do të jetë një fitore si ajo e Pirros. Them këtë sepse muajt po kalojnë dhe çmimet e shërbimeve telefonike janë përherë e më të betonuara dhe çdo muaj i kaluar heq me miliona dollarë nga të gjithë ne.
Shprehem në një mënyrë të tillë, sepse tashmë çështja është në dorën e ERT, dhe një tjetër ent publik duhet të tejkalojë interesat vetjake të drejtuesve të tij, për të respektuar më një fund, për një herë të vetme interesat e popullit shqiptar dhe çdo konsumatori të shërbimit celular në Shqipëri. ERT duhet të ndërmarrë një vendim brenda një muaji (sipas Nenit 43, të Ligjit mbi Telekomunikacionet), por është pothuajse e sigurt që një vendim i tillë do të hidhet në gjyq nga kompanitë celulare. Shqipëria është i vetmi vend në Europë që me vendim gjykatë i ka konsideruar kompanitë celulare si operatorë të thjeshtë në treg, njësoj si kompanitë e telefonisë rurale, pa ndërhyrë aspak në rregullimin e tarifave të tyre, siç bën çdo ent i tillë në Europë. Gjyqtarët që firmosin vendime të tilla janë akoma në detyrë, megjithëse i kanë faturuar çdo qytetari në Shqipëri fatura në vlera absurde për vite të tëra. Gjyqe të tilla mund të inskenohen përsëri, por mbetet detyrë qytetare e secilit prej nesh që të paktën gjyqin e marrëveshjeve të interkonjeksionit t’a monitorojmë ngushtësisht, t’a paraqesim në media, në qoftë se nuk dëshirojmë përsëri të çojmë drejt vendit fqinj një vlerë monetare sa 100 pallate të rinj në vit. Në qoftë se kjo çështje do të përfundojë në gjykatë atëherë në rastin më optimist gjykatat shqiptare mund t’a japin verdiktin final pwr kwtw akt administrativ tw ERT nga fundi i vitit 2006. Kjo do të thotë që me shumë mundësi do të mbushet një vit, që Albtelekom, ETR dhe Gjykatat Shqiptare nën këshillat e kompanive celulare do të vonojnë arritjen e një marrëveshjeje të re. Duke vlerësuar një efekt prej 70-100 milionë dollarë në vit, një pjesë e vogël e tyre mund të përdoret për të frenuar secilin nga operatorët publikë në marrjen e këtij vendimi. Albtelekom u vonua shtatë muaj, dhe tashmë topi mbetet në derën e ERT e më pas mund të pasohet tek gjykatat.
Le të shpresojmë që hyrja në fuqi e një marrëveshje të re, nuk ka hyrë në kalendat greke, po, po, ato greke, për të dalë me shumë vështirësi prej andej.

[Albo]

Skandali “Call Center”, dy vjet burg administratorit

E Marte, 03 Prill 2007

Ish-administratori i “Call Center Albania”, Roland Makashi, eshte denuar dje nga Gjykata e Rrethit te Tiranes me dy vjet burgim. Kjo gjykate e ka shpallur fajtor te akuzuarin per vjedhjen e 104 mije impulseve telefonike kompanise “Albtelekom”, duke dhene ndaj tij denimin total prej 3 vjetesh burgim. Por Makashi eshte denuar perfundimisht me dy vjet heqje lirie, duke qene se eshte proceduar me gjykim te shkurtuar, pasi ai i ka pranuar akuzat. Ne seancen e kaluar, Prokuroria kishte kerkuar per Roland Makashin nje denim prej 8 vjetesh, me akuzen e “vjedhjes me pasoja te renda”, akuze e cila u arrit te ndryshohej nga mbrojtja ne “vjedhje te impulseve telefonike”. Akuza e re i ka lehtesuar Makashit masen e denimit, duke i ulur vitet e burgimit qe duhet te vuaje, per perfitimin e 80 milione lekeve ne kurriz te “Albtelekomit”. Roland Makashi akuzohet per vjedhje me ane te mashtrimit ndaj kompanise “Albtelekom”, prej se ciles ka perfituar 80 milione leke nepermjet vjedhjes se 104 mije impulseve. Vete i pandehuri nuk e ka pranuar ne asnje moment akuzen, por ka pranuar te gjykohet ne gjendjen qe ndodhen aktet. Ne kete situate, ai ka kerkuar te procedohet me gjykim te shkurtuar, nga i cili do te perfitonte uljen me 1/3 e denimit. Gjykimi i shkurtuar dhe ndryshimi i akuzes, kane cuar ne denimin e Makashit me dy vjet burg. V. Dalipi

Korrieri