Projektligj i ri për shitblerjen e armëve në Shqipëri

[Cimo]

Ministria e Mbrojtjes dërgon me urgjencë projektin në Kuvend. Opozita kundër. Koçi: Iniciativë e dyshimtë

Liberalizohet tregtia e armëve

Mallrat ushtarake tani do t‘i blejnë dhe do t‘i shesin edhe privatët

Qeveria liberalizon tregtinë e armëve dhe mallrave të tjera ushtarake. Një projektligj i ri ka mbërritur në Kuvend, në të cilin sanksionohet se tani e tutje, me eksportin dhe importin e armëve do të merren edhe privatët. Deri tani këtë tregti e ka pasur monopol vetëm kompania shtetërore e Ministrisë së Mbrojtjes, "Meiko". Komisioni i Sigurisë Kombëtare është përfshirë dje nga debatet në lidhje me projektligjin e paraqitur nga qeveria "Për Kontrollin Shtetëror të Veprimtarisë së Import-Eksportit të Mallrave Ushtarake dhe Mallrave e Teknologjive me Përdorim të Dyfishtë". Ky projektligj ka kaluar pa debate në Komisionin e Ligjeve para pak ditësh, por nuk ka ndodhur e njëjta gjë në Komisionin e Sigurisë Kombëtare. Nënkryetari i Komisionit të Sigurisë Kombëtare, deputeti socialist, Petro Koçi, është shprehur se në këtë projektligj ka një sërë paqartësish, në lidhje me trajtimin e mallrave me përdorim të dyfishtë që eksportohen, importohen apo tranzitohen në Shqipëri. Gjithashtu, është shprehur ai, ka paqartësi lidhur me marrëdhëniet e shtetit dhe operatorëve privat, në procesin e shitjes së mjeteve ushtarake. Nënkryetari i komisionit ka sqaruar se këto mallra, që cilësohen me përdorim të dyfishtë, janë mjete, teknologji apo veprimtari, të cilat kanë një destinacion civil, por që mund të shfrytëzohen edhe për qëllime ushtarake. Gjatë diskutimit të tij në komision, deputeti Koçi ka theksuar se këto mund të jenë lëndë kimike, e cila përdoret si lëndë e parë për një industri të caktuar në Shqipëri, por kjo lëndë kimike mund të përdoret edhe për prodhimin e municioneve. Sipas opozitës, këto pika janë të paqarta në projektligjin e hartuar nga qeveria, ndaj kanë kërkuar edhe saktësimin e tyre. Ky projektligj bën pjesë në ligjet të cilat duhet të njësohet me ato të BE-së dhe lista e mallrave, të cilat importohen dhe eksportohen me përdorim të dyfishtë janë të shumta, duke mos futur këtu edhe mallrat që mund të shtojë apo të heqë Shqipëria. Në listën e mallrave, të cilat shiten nga Shqipëria, deputeti i opozitës ka shprehur shqetësimin e tij për paqartësinë që haset në projektligj, pasi nuk jepen saktë se cilët janë këto mallra. Koçi është shprehur më tej se në listën e mallrave apo teknologjive që janë me përdorim të dyfishtë mund të ketë hapësirë për abuzim, sepse listën e këtyre mallrave e bën Këshilli i Ministrave, duke mbajtur për bazë listën e hartuar nga BE-ja. Por kjo listë, sipas opozitës, është vetëm baza se këta mund të fusin mallra, të cilat mund të përfshihen për qëllime të caktuara apo të bëhen monopole.

Sipas deputetëve, të cilët janë anëtarë të Komisionit parlamentar të Sigurisë ky është një ligj mjaft i rëndësishëm, sepse lidhet direkt me sigurinë në import-eksportin e mallrave ushtarake me përdorim të gjerë, por edhe në procesin e transitimit apo ndërmjetësimit. Kështu që deputetët e opozitës kanë kërkuar që ai të mos miratohet në një seancë të vetme, pasi ligji duhet analizuar dhe shqyrtuar me seriozitet duke i kushtuar më shumë se një seancë. Kjo kërkesë e opozitës është pranuar edhe nga parlamentarët e mazhorancës në komision, të cilët kanë vendosur ta vazhdojnë sërish sot debatin për këtë ligj, i cili hyn te ligjet e rëndësisë së veçantë. Ky ligj, që tashmë i është dorëzuar Kuvendit, përbëhet nga 40 nene të strukturuar në 6 krerë. Sipas qeverisë, ky projektligj synon rregullimin e fushës së kontrollit shtetëror për transferimin ndërkombëtar të mallrave ushtarake e atyre me përdorim të dyfishtë, ku bëjnë dallim mallrat që përdoren gjatë stërvitjeve ushtarake nga forcat shqiptare, si dhe në stërvitjen në veprimtaritë e forcave të armatosura të huaja brenda vendit tonë.

gazeta-shqip

[Albo]

Mediu: Nuk ka liberalizim te tregtise se armeve

E Premte, 06 Prill 2007

Projektligji per eksportin e armeve i propozuar nga Ministria e Mbrojtjes, me miratimin e qeverise, ka ngjallur debate sot ne Kuvendin e Shqiperise. Ministri i Mbrojtjes, Fatmir Mediu, ka argumentuar se gjithcka eshte ne perputhje me kerkesat e Bashkimit Evropian, pasi opozita tha se projektligji krijon hapesira per trafikun e armeve. Debatet u zhvilluan ne seancen e djeshme plenare te Kuvendit. Ministri i Mbrojtjes, Mediu, tha se miratimi i projektligjit te eksport-importit te mallrave ushtarake, perkatesisht armatimit dhe teknologjive ne perdorim te dyfishte eshte detyrim i Marreveshjes se Stabilizim-Asociimit, si dhe rrjedhoje e miratimit te nje sere konventash nderkombetare te miratuara ne Kuvend. Ministri sqaroi se edhe Bosnje- Hercegovina u eshte pergjigjur kerkesave te Bashkimit Evropian per kontrollin e armeve dhe sidomos per kodin e sjelljes per eksportin e armeve. “Eshte gjithashtu ne perputhje me rregulloren e BE-se per kontrollin e eksporteve, strategjine e BE-se kunder perhapjes se armeve te shkaterrimit ne mase, strategjine e sigurise se BE-se dhe qendrimet e perbashketa te BE-se per kontrollin e eksporteve. Projektligji eshte detyrim i Marreveshjes se Stabilizim-Asociimit per t'u miratuar ne Parlamentin Shqiptar ne dhjetor te vitit 2006, pra ka kaluar afati sipas detyrimeve te axhendes qe ne kemi pasur”, tha ministri republikan. Debatet kishin nisur qe ne Komisionin kuvendar te Sigurise Kombetare, pasi opozita me dyshim e kishte pare kete projektligj. Ajo thoshte se projektligji krijonte hapesira serioze per trafik armesh. Deputeti socialist Ben Blushi, gjate diskutimit te kesaj nisme ligjore ne Komisionin Parlamentar te Sigurise, kishte thene se Ballkani ka ende nevoje per arme, prandaj duhej kujdes me ligje qe lene hapesira per trafikun e armatimit. Gjate seances se djeshme, nenkryetari i grupit parlamentar socialist, Petro Koci, ka mbeshtetur idene se duhet qe eksport-importi i armeve te mbetet monopol i shtetit dhe se nuk duhet te behet liberalizimi. Sipas tij, me liberalizim do te rrezikohet zhvillimi i trafikut te paligjshem te armeve. Ndersa kryetari i PSD-se, Skender Gjinushi, u shpreh se duhet qe kaloje edhe nje periudhe kohore, qe do te siguronte nje bindje per kontroll te vertete. Por keto pretendime i kundershtoi ministri Mediu, i cili theksoi se nuk behet fjale per asnje liberalizim. Sipas tij, cdo gje do te monitorohet dhe do kontrollohet nga institucionet e sigurise se shtetit. Gjithashtu, ministri i Mbrojtjes beri te qarte se ky projektligj nuk do te hyje ne fuqi menjehere, por pas pese muajsh, kohe ne te cilen qeveria do te plotesoje ate me aktet nenligjore. Opozita ka perqendruar oponencen e saj edhe ne faktin se perse ky projektligj eshte futur ne rendin e dites dhe diskutohet me procedure te pershpejtuar. Duke shprehur keto mendime, opozita kerkoi shtyrjen e miratimit te nismes ligjore. Me gjithe debatin, ligji mori mbeshtetjen e shumices se deputeteve. 60 ligjvenes te mazhorances votuan pro, nderkohe qe opozita abstenoi dhe askush nuk e hodhi poshte permes votes.

Korrieri