Dëmtohen dy objekte kulti. Bijtë e klerikëve bektashinj pengojnë riparimin
Sulme mbi teqetë në Bulqizë,bektashinjtë fajësojnë sunitë
Akuza: Dhuna u ideua nga arabët e shoqatës "Taibah"
Problemet mes besimtarëve myslimanë suni dhe atyre bektashinj janë tashmë edhe objekt i punës së organeve të rendit dhe të drejtësisë në Bulqizë. Në vazhdën e marrëdhënieve të acaruara mes dy komuniteteve fetare, në fund të muajit shkurt dy objekte kulti, Teqeja e Dervish Ziles, në Fushë-Bulqizë dhe ajo Kurte në Valikardhë, janë dhunuar në ambientet e brendshme të tyre dhe u është ndërprerë energjia elektrike. Për më tepër, baballarët e dy teqeve të dhunuara nuk mund të riparojnë dëmet, pasi djemtë e tyre, që i përkasin një rryme tjetër të besimit mysliman, nuk i lejojnë t‘u afrohen sërish teqeve. Sipas Sulejman Alisë, njërit prej klerikëve bektashinj të zonës, komuniteti bektashian ka njoftuar organet kompetente, policinë, prokurorinë dhe pushtetin vendor, por asgjë deri më tani nuk ka ndryshuar. Konflikte mes sekteve suni dhe bektashi të fesë myslimane kanë nisur qysh në fund të viteve ‘90 në rrethin e Bulqizës. Këto konflikte kanë shkuar shpesh deri në dhunimin e objekteve të kultit të bektashinjve.
Sipas komunitetit bektashi, zanafilla e këtyre konflikteve, nis me ardhjen në qytetin e Bulqizës, të shoqatës bamirëse "Taibah", nga Arabia Saudite, në vitin 1994. Sipas tyre, kjo shoqatë ka predikuar mosnjohjen e objekteve të kultit bektashi, si dhe vetë këtë besim, kur në trevën e Bulqizës, rreth 90 për qind e banorëve janë të këtij besimi në origjinë. Sipas bektashinjve, dhunimi i objekteve të kultit nisi rreth vitit 1995, por u shpeshtuan pas vitit 1999. Sipas klerikëve bektashinj, një nxitje të madhe në këtë drejtim, ka dhënë edhe një prononcim në TV Bulqiza i Imamit Hatib, në xhaminë "Zhura" Tiranë, Murat Basha, i cili foli kundër objekteve të kultit dhe frekuentimit të tyre nga besimtarët. Rastet më të shpeshta të dhunimit të objekteve të kultit kanë qenë ato të vitit 2002, kur në Teqenë e Dede Zogut, në fshatin Dragu, u futën kafshë dhe u urinua në shishet e ujit, të vendosura nga besimtarët. U vodhën dhe u bastisën edhe Teqetë e Dervish Ziles, Dede Zogut, Dervish Caushit dhe Dervish Mertës, në Fushë-Bulqizë. Sulejman Alia, anëtarë i këshillit bektashian të zonës, dyshon se "grupet e të rinjve, që kryejnë akte dhune mbi këto objekte, frymëzohen nga ish instituti TAIBAH, sot myftinia Bulqizë". Përfaqësuesit e dy besimeve organizuan në vitin 2002 një takim, me qëllim zgjidhjen e mosmarrëveshjeve midis tyre, por që përfundoi pa sukses. Aktet e dhunës nuk arritën të ndaleshin.
Në vitin 2003 shënohet një tjetër vjedhje, ajo e Teqesë së Hankajve, në Zerqan, pas atyre të Nënë Zelisë, Sheh Myslimit dhe Dede Manit, në fshatin Vajkal etj. Incidenti më i rëndë ndodhi më 10 janar të vitit 2003, kur i riu Sokol Manjani, dogji Teqenë e Bllacës dhe goditi me thikë klerikun në shërbim në këtë teqe, Shefki Tasha. Por, edhe pse bektashinjtë akuzojnë klerikët suni për nxitjen e dhunës, këta të fundit nëpërmjet myftinisë në Bulqizë nuk kanë marrë përsipër asnjë përgjegjësi. Zv/myftiu i Xhamisë në Bulqizë, Andi Topi, tha për "Shqip", se akuzat ndaj tyre janë krejt të pabaza dhe nxiten nga ata që duan të prishin harmoninë fetare. "Ne i dënojmë aktet e dhunës në objektet e kultit bektashi, pasi, sipas besimit islam, varri është i shenjtë dhe nuk mund të dhunohet. Ne, thjesht lëshojmë kritika ndaj tyre, për mënyrën e besimit, që myslimanët, t‘i qëndrojnë strikt islamit, pasi jemi vëllezër të një besimi", thotë Topi.
"Taibah", si u largua nga Shqipëria drejtori nga Arabia Saudite
Shoqata bamirëse islamike, arabo-saudite, "Taibah", ka nisur aktivitetin e saj në Bulqizë, në vitin 1994. Ardhja e tyre si bamirës u prit mirë nga banorët e këtij rrethi. Ata hapën Institutin Fetar, ku u regjistruan të rinj nga rrethet Bulqizë, Dibër, Mat, Kukës, Has, Mirditë, Tropojë, Pukë etj. Krahas kësaj nisën kurset për marangozë, rrobaqepësi, hidraulikë, gjuhë të huaja etj. Fondacioni nisi të ndihmojë me ushqime, veshmbathje dhe para për jetimët. Ndihmoi spitalet e Peshkopisë dhe Bulqizës, me ilaçe dhe batanije. Drejtori i këtij fondacioni, Hamdi Taha, nga Arabia Saudite, është shpallur nga këshilli bashkiak Bulqizë, "Nderi i Qytetit". Por pas dy-tri viteve aktivitet, qytetarët, veçanërisht ata të besimit bektashian, filluan të ankohen për dhunën që ushtronin ndaj tyre elementë të kësaj shoqate, çka çoi, në largimin e drejtorit të këtij fondacioni nga vendi ynë.
http://www.gazeta-shqip.com/artikull.php?id=14403
Përgjigju Duke Cituar
...feja dhe kombi nuk preken sps jon t'SHEJTA
...paqe e dashni people!!!!!!!!
Postuar më parë nga saimiri-uk
Krijoni Kontakt